Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


  • Post new topic

Yog vim li cas kuv tsis nsthai dab li yav tas los lawm?

Share

Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Yog vim li cas kuv tsis nsthai dab li yav tas los lawm?

Post  Maiv Paj Lug on 27th January 2012, 4:06 am



Nej tuaj peb sib tham qhia seb nej puas tseem nsthai dab? ( dab poj ntxoog, dab phem ect...)

Yav dhau los kuv yog ib tug neeg tais caus tshaj plaws, kuv ib txwm tsis tau luag tawm rooj yav tsaus ntuj, kuv ib txwm tsis tau luag pw hmo ntuj tua teeb, kuv nsthai ntshai thaum hnov tias muaj ib tug neeg tuag, kuv nsthai nsthai pom ib lub toj ntxas, kuv yeej ceeb tas li ntshai tsam muaj dab hem kuv thaum sawv ntxov kuv mus work.

Tiam sis cas nim no zoo li kuv tsis nsthai lawm, hais txog dab ,kuv rhiab rhiab xwb, tab sis kuv tsis muaj qhov nsthai nsthai xob xob plaub hau li yav dhau los.

Pom roob toj ntxas los kuv xav saib xwb tsis nsthai. Hmo ntuj kuv pw ib leeg tua teeb los kuv yeej tsaug zog tsis hnov, txawm kuv npau suav phem kuv tsim los, kuv thov ntuj xwb siab loj tuaj.

Puas yog vim kuv txoj kev tso siab rau Tswv Ntuj loj dua yav tas los lawm? los puas yog kuv laus siab tawv tsis yog siab me nyuam ntxhais lawm? puas yog kuv raug dab phem tsim txom txaus lawm es kuv rov tsi nsthai vim kuv paub tias dab phem swb Tswv Ntuj ?

Muaj ib tug Hmoob uas neeb hais rau kuv tias: " txawm koj tsis nsthai dab los koj txhob hais tias tsis nsthai, vim dab xav ua phem rau koj thaum twg los tau, kuv xav ua dab ya tuaj ntawm koj lub qhov nrais los yeej tau."

Tiam sis kuv teb rau nws tias :" Mas kuv yeej tsis ntshai dab tiag tiag li lawm, tiam sis txawm kuv tsis nsthai dab los kuv tsis mus tshuab qeej ntaus nruas hu li koj kom dab sawv tuaj qhia kuv, kuv tsis nsthai vim kuv lub siab puv npo Huab Tais Yesxus Pleev nyob nrog nraim kuv xwb ces kuv tso siab xwb tsis yog kuv yuav mus twv dab."



Ces tus neeg ua neeb ntawv tso kuv tseg.

Nej ne?

nej puas nsthai dab ?

yog vim li cas nej ho nsthai dab?

yog vim li cas nej ho tsis nsthai dab?

Yog nej nsthai dab, nej tseem tso siab tsis tag rau Tswv Ntuj los?


Tuaj peb tham thiab xav ua ke.




<3 <3 Pab kuv rov los cuag koj Huab Tais Yesxus <3 <3

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5171
Date d'inscription : 2009-08-18

Re: Yog vim li cas kuv tsis nsthai dab li yav tas los lawm?

Post  Maiv Tooj on 29th January 2012, 8:17 am



Nyob zoo Maiv paj Lug,

Kuv twb pom nws lub Topic nov, tab sis tsis khoom los nrog nws tham xwb.

Kuv li mas ib txwm kuv yeej tssi tshua ntsai ub no, muaj ntees tej los kuv tsis ntshai li, tej neeg txias los kuv tsis ntshai li. Tab sis muaj ib ntus uas muaj neeg nrog peb nyob, cov neeg ntawd lawv muaj tej yam tsis huv nrog lawv, ces tej yam ntawd tau kov kuv ib tug me nyuam, ua rau me nyuam ntshai heev tab sis tsis tau txawj hais lus ces nws tsis paub hais qhia kuv, tab sis nws yeej ntshai heev tshaj plaws li. Thiab thaum lawv nrog peb nyob mas yog thaum tsis muaj neeg kiag lawm es yus ib leeg xwb mas yus ib ce yeej xob li. Tom qab lawv mus nyob lawv lawm, peb ho tsiv mus nyob dua zos tshiab mas zoo li ob peb hnub, yam ntawd tuaj xyuas yus mas ua rau yus tsis tau luag li. Ua li no tau ib ntus, ces ib tug yawg Nplog txawj txawj xa muab xa lawm ces cia li ploj lawm. Dua ntawd ces kuv tsis ntshai dab tsi lawm, tab sis ib ntus ob peb xyoos ua ntej peb tsim tau lub Forum Hmong Catholic no mas kuv kuj zoo li koj hais thiab, yog kuv pw ib leeg xwb mas kuv yeej taws TV cia kom hnov hais lus mas kuv thiaj li tsaug zog xwb. Yog tssi taws TV ces kuv tsis tau luag pw li. Tab sis txij thaum peb los sau Forum, niaj hnub nyeem thiab sau txog Kev Ntseeg xwb ces kuv cia li tsis taws TV thiab taws teeb pw li lawm. Kuv kuj tsaug zog sai thiab tssi tau nyob ntuj teb tag hmo xav tswv yim li lawm. Kuv tso ib txoj saw Mab Liab hauv qab hauv ncoo ces yog thaum twg kuv ib nyuag txias siab ces kuv cev tes lauj los tuav ces kuv tsaug zog lawm...

Tab sis yog thaum yus nyob ib leeg ntsiag to es ho saib Film ov miv mas kuj xob ib ce kawg nkaus thiab...Hahahah...Yog nyob ib leeg ces tssi kam saib li lauj...!

Maiv, nws daim duab hauv nov txaus rhiab heev...!




Tub Kawm
Phooj Ywg
Phooj Ywg

Messages : 406
Date d'inscription : 2011-10-13

Re: Yog vim li cas kuv tsis nsthai dab li yav tas los lawm?

Post  Tub Kawm on 31st January 2012, 3:20 am

Nyob zoo M.P thiab N.H hais txog txoj kev ntshai dab poj ntxoog mus rau lwm yam dab mas kuv yeej ib yam li neb hais thiab. Thaum uas kuv tseem hlua tsis tau muaj poj niam, thiab kuv tseem tsis tau txawj tso siab rau Tswv Ntuj mas kuv yeej tsi tau luag li, thiab tseem ntshai heev. Thaum ntawd Kuv pom daim duab uas muaj ib tus txiv neej yuav niam yau tiam si tus niam yau cia li tuag ua ntej lawm, es dab rov coj tus neeg ntawd tus niam yau daim duab rov los ntxiag nws kom nws mloo dab lus. Mas cov dab ntawd tuaj kub thiab tuaj ku twv zoo nkaus ku twv nyuj, thiab tib tus niag dub nciab txaus ntshai tsawv, thiab muaj ib tus dab tseem yuav cev tes khawb tus neeg ntawd lub siab. Ho muaj ob tus ces twb muab pam chua tseg. twb npaj yuav nqus tus neeg ntawd ko taw lawm. Thaum kuv pom daim duab no xwb kuv yeej ntshai kawg li thiab tsi tau luag li, yog thaum uas yus xav txog daim duab mas ua rau yus a tiag ntshai, yog tias tseem yog ib hmo thiab mas yus haj yam ua tiag ntshai. (Yog tias kuv tso tau duab no kuv tso daim duab ntawd rau peb sawv daws ntsia, tiam sis vim kuv tso tsis tau. Yog nej leej twg muaj no tuaj tso pub rau sawv daws saib) thaum ntawd mas kuv tseem ntshai. Tiam sis txij li kuv muaj poj niam, thiab thaum kuv txawj tso siab rau Tswv Ntuj lawm mas kuv tsi ntshai lawm. Kuv yeej xav tias Tswv Ntuj yog tus yeej dab phem, thiab Tswv Ntuj yuav tso Nws cov tshiab los keeb nraim kuv thiab coj kuv txoj hau kev thiab pab kuv, txawm muaj dab tsi uas yus tsi pom los Cov Tshiab twb pom lawm lawv twb pab yus ua ntej lawm, vim lawv yog cov yeej dab phem. Kuv xav li ntawd ces kuv tsis ntshai lawm. "KWV TIJ KUV VAM HAIS TIAS YOG LEEJ TWG TSO SIAB RAU TSWV NTUJ TIAG TIAG MAS MAS TEJ ZAUM TSWV NTUJ YUAV XA LEEJ TSWV YIM NTSHIAB TUAJ PAB KOM YUG TXHOB NTSHAI KOM YUS TXAWJ UA SIAB TAWV TSIS NTSHAI DAB TSI".

Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Yog vim li cas kuv tsis nsthai dab li yav tas los lawm?

Post  Maiv Paj Lug on 31st January 2012, 6:37 am

Nyob zoo Maiv Tooj thiab Txawj Tuam,

Ua ntej no ua tsaug neb tuaj nrog kuv tham ....

Maiv Tooj thiab Txawj tuam txhua yam neb tham yeej muaj tseeb, kuv ntseeg qhov Maiv Tooj piav ib zaug thaum nws yau nws muaj mob, dab phem nrog nws niam chua nws hauv txaj tawm los, ib tug dub nciab tseem cev tes tuaj chua nws nrog nws niam sib txeeb, tej no mas yeej yog dab phem tiag li.

Txawj Tuam, Wow....cas koj piav tau txaus rhiab kawg li yuad, ua li koj pom daim duab ntavw nyob qhov twg ma? los yog koj tseem tau naj, xav kom koj tso pub peb saib seb zoo li cas tiag, koj xa rau Maiv Tooj los xa rau kuv seb wb tso puas tau os.






<3 <3 Pab kuv rov los cuag koj Huab Tais Yesxus <3 <3

Tub Kawm
Phooj Ywg
Phooj Ywg

Messages : 406
Date d'inscription : 2011-10-13

Re: Yog vim li cas kuv tsis nsthai dab li yav tas los lawm?

Post  Tub Kawm on 31st January 2012, 2:54 pm

Nyob zoo Maiv paj lug thiab N hlob hais txog daim duab ntawd kuv yeej muaj thiab, cia kuv mam xa rau neb og. Tiam si ntshai pom tsis tseeb peg tsawg yog neb txais tau lawm no, neb mam mus nrhiav saib muaj tej dai ua tiag pom tseeb no neb coj tuaj tso rau peb saib og. Kuv twb xa tuaj lawm li no xwb nyob zoo.

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5171
Date d'inscription : 2009-08-18

Re: Yog vim li cas kuv tsis nsthai dab li yav tas los lawm?

Post  Maiv Tooj on 31st January 2012, 8:26 pm



Txawj Tuam,

Zoo kawg, yog koj muaj daim duab ntawd, xa tuaj rau peb saib thiab. Txhob ntshai os mog, yog duab xwb, tej zaud yog lawv nraj los qhia neeg kom txhob ua phem tsam ces tau ua dab qhev xwb mog. Tab txawm nias tau kiag los twb txhob ntshai, yog dab phem xav khav theeb es thiaj ua tej yam phem phem rau neeg ntshai xwb.

Txawj Tuam, kuv tsis pom koj daim duab tuaj txog kuv, puas yog koj xa rau Maiv Paj Lug lawm?




Tub Kawm
Phooj Ywg
Phooj Ywg

Messages : 406
Date d'inscription : 2011-10-13

Re: Yog vim li cas kuv tsis nsthai dab li yav tas los lawm?

Post  Tub Kawm on 1st February 2012, 12:02 am

Maiv Tooj wrote:

Txawj Tuam,

Zoo kawg, yog koj muaj daim duab ntawd, xa tuaj rau peb saib thiab. Txhob ntshai os mog, yog duab xwb, tej zaud yog lawv nraj los qhia neeg kom txhob ua phem tsam ces tau ua dab qhev xwb mog. Tab txawm nias tau kiag los twb txhob ntshai, yog dab phem xav khav theeb es thiaj ua tej yam phem phem rau neeg ntshai xwb.

Txawj Tuam, kuv tsis pom koj daim duab tuaj txog kuv, puas yog koj xa rau Maiv Paj Lug lawm?
Niam Hlob kuv twb xa tuaj rau neb 2 leej tib si tej zaum tsis tau tuaj txog xwb og. Hais txog daim duab ntawd mas tam sim no kuv tsis ntshai lawm, vim kuv txawj tso siab rau HT Ntuj lawm, nyog leej twg tsi tso siab rau Tswv Ntuj si tseem ntshai laiv, thiab yog cov tseem nyob qub kev si tseem ntshai laiv vim tias tib tus niag dub nciab thiab tseem tuaj kub muaj ku twv ntxim ntxub kawg ho. :,,

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5171
Date d'inscription : 2009-08-18

Re: Yog vim li cas kuv tsis nsthai dab li yav tas los lawm?

Post  Maiv Tooj on 1st February 2012, 3:44 am

Nyob zoo Txawj Tuam thiab Maiv Paj Lug,

Txawj Tuam,

Daim duab nov yog xav tswv yim me ntsis mas yeej txaus ntshai heev.
Raws li kuv ntsia, yog lawv hais txog thaum ib tug neeg txoj sia yuav tu, muaj dab phem los tos rawv nws, yuav coj mus dab phem teb. Tab sis yog muaj Leej Choj ais nws ua lub Cim Pleev rau kiag, los yog Daws Txhaum kiag ua ntej siav yuav tu ces tseem yuav cawm tau nws thiab.

Kuv rov piav qhov uas Maiv paj Lus hais ntawd me ntsis rau koj.

Thaum kuv hnub nyug thaj tsam li 6-7 xyoo tej ntawd, peb nqes pem toj siab los nyob chaw qes ces kuv mob npaws. Yog nruab hnub yav tav su dua, kuv ib leeg pw tom txaj xwb, kuv tsis tau luag, kuv hu kuv niam tab sis nws tsis quav ntsej los saib kuv thiab nrog kuv nyob.
(Thaum ub mas Hmoob tsis txawj hlub me nyuam li txheej nim no, tsuav khawv tau rau noj haus xwb ces tau lawm, lawv tsis nrog me nyuam tham thiab mloog me nyuam hais, lawv tsuas cem kom me nyuam ua hauj lwm thiab mloog lus xwb).

Thaum ntawd peb txawm txia lub hau kaus uas dav hlau tso khoom rau peeb zeej coj los ua vij tsam. Cov ntaub kaus nov mas nyias nyias kawg li, tab sis cua tsis txeem ces sov sov cuag dab tsi, yog yus pw nruab hnub thiab nyob chaw qes mas sov heev. Ces lub vij tsam ntawd ntshe yog ntub nag me ntsis los xyov yog kuv lam pom xwb, zoo li muaj ntsis txaij ces tej qhov uas ntub nag txaij ntawd cia li yog ib cov neeg. Lawv ua hauj lwm daws duam rau ub rau no, tab sis nyob sab tsev sab nraud xwb, tsis yog sab hauv tsev. Hnov lawv ua hauj lwm nris nraws, cuag li yog tua ib tug tsiaj loj es neeg coob ntag. Kuv kuj pom ib tug li neeg dub dub (tsis pom ntsej muag, tsuas pom dub nyho thiab yog ib tug neeg xwb) los rau sab hauv vij tsam, zoo li nqa ib daim sev tais zoo zoo, kauv ua ib pob los ntuas ntuas nram kuv ko taw tag ces ho los ntuas pem kuv taub hau, zoo li muab daim sev tso rau pem kuv hauv ncoo lawm. Nco tau li nov xwb, ces thaum kuv nco ces kuv pom kuv niam twb muab kuv puag kiag los txog ntawm rooj txag (rooj paim), nws ib sab taw nyob sab raud, ib sab tseem nyob sab hauv txaj, nws muab kuv lub tsho chua kiag, rab koob khawm plam plaws, tab tom hle kuv lub tsho (Thaum ntawd Hmoob tsis muaj tshuaj kho mob li ces thaum twg ua tsam cum thiab mob uas txog sia yuav tu ces kawg muab suv ntsim tsoo, los yog txiv siav xyaw kua yeeb thooj zaws xwb). Thaum kuv niam tab tom puag kuv los hla tus taw rooj txag ntawd, kuv pom ib tug dub dub, yog neeg, tab sis tsis pom ntsej muag thiab tsis pom tseeb li neeg li nrog kuv niam txeeb kuv. Kuv niam ob sab tes kawm kuv tav toj, ib sab tes nyob pem kuv xwb pwg, ib sab nyob nram kuv pob tw, tus dub dub ib sab tes chaws ntawm kuv duav. Tab sis thaum kuv niam coj kuv hla kiag los rau sab nraud lawm ces tus dub dub ploj lawm.

Thaum ntawd peb ua Ntuj Kev Cai los ntev lawm, tab sis teb chaw tawg, cov Txiv Plig khiav raws dej nqes hav lawm ces peb tsis tau Ntxuav Plig. Kuv niam ntshai ntshai, kuv niam hais rau kuv tias: Me Tooj, Txiv Plig tuaj txog tom Xeeb Vwj lawv (Xeeb Vwj, yog peb tug thawj coj Pawg Ntseeg lub sij hawm ntawd). Ces kuv teb kuv niam tias: "Txiv Plig tuaj ces zoo kawg, Xa Plig ces peb mus xwb". Ces haj yam ua rau kuv niam ntshai ntxiv. Tab sis ntawm kuv mas kuv yeej nco tau qhov uas kuv niam hais tias Txiv Plig tuaj, kuv nco mas kuv teb rau kuv niam tias: Zoo kawg, yog Txiv Plig tuaj ces tuaj Xa Plig rau Poj Qhua (Kuv niam tus niam hluas tus ntxhais hlo hu ua Poj Qhua tau tuag rau lub zos tshiab Tob Poos, uas Txiv Plig coj Hmoob mus rhawv nyob ze kev tsheb ua ntej teb chaws Luam Nab Thas tawg.

Thaum kuv zoo los, kuv nug kuv niam tias ua cas nws ho los puag kuv, vim thaum kuv hu hu nws, nws twb tsis los. Ces nws teb tias yog kuv qw ib suab nrov nrov, nws thiaj khiav los khawm kuv.

Thaum ntawd yog me nyuam yaus xwb, tsis xav dab tsi, tab sis zaum no laus lawm mam xav tias yog kuv niam tsis los puag kuv khiav no ntshe lawv coj tau kuv lawm.

Txawj Tuam,

Peb cov nyob ze Txiv Plig, muaj Txiv Plig, yog peb vam khom txog thaum twg yuav muaj tus pab peb ua tej kev cai, tej Cim. Tab sis feem coob twb tsis paub thiab twb tsis nco txog qhov TSEEM CEEB NTAWM TXOJ KEV NTSEEG. Peb muaj ces tsis luaj twg, nej cov uas nyob tau deb ho tsis muaj Leej Choj los nej txhob tag kev cia siab nawb mog. Tswv Ntuj nyob txhua qhov, nrog rau txhua leej uas vam txog Tswv Ntuj. Nej lub siab ntseeg yeej cawm tau nej lawm, vim twb tsis yog nej tsis xav ua tej keb ka, yog nej ua tsis tau mas nej tseem yuav tau Ntuj Txiaj ntsim ntau tshaj. Es nej ua siab loj, txhob ntau siab me. Xyaum coj lub neej tso siab lug, tab sis tso siab rau hauv nruab siab xwb, txhob khav tawm sab nraud. Yuav tsum ua neeg me Hwm Ntuj, Hwm tej txheeb ze, hlob yau ntawm yus ib ncig, tus muaj tus pluag, tus laus tus hluas tib si Ces yog Hwm Yes Xus, mloog Yes Xus LUS lawm.




Last edited by Maiv Tooj on 1st February 2012, 8:57 am; edited 1 time in total




Bao X Mary
Phooj Ywg
Phooj Ywg

Messages : 180
Date d'inscription : 2011-07-09

CIM PLEEV THIAB THOV NTUJ MUAJ HWJ HUAM TAS NRHO....

Post  Bao X Mary on 1st February 2012, 4:13 am

]size=18]CIM PLEEV THIAB THOV NTUJ MUAJ HWJ HUAM TAS NRHO....[/size]


Thaum ib tug neeg txoj sia yuav tu, mas peb cov uas muaj Leej Choj, yuav tsum hu Leej Choj tuaj ua lub cim pleev rau tus neeg ntawd. Hos yog cov nyob deb tsis muaj Leej Choj mas cov ntseeg yuav tsum los koom ua ke teev Ntuj rau tus neeg ntawd, thov kom Huab Tais Ntuj pab zam txhaum thiab txais nws tsu ntsuj plig mus, ntiab kom dab phem khiav mus deb.

Kuv pom ntawm kuv qhov muag ob zaug. Thaum kuv txiv yawg yuav tas sim neej, nws txoj sia ua nruj nriaj xwb. Thaum peb hu tau peb tus txiv plig tuaj, nws los ua lub cim pleev thiab teev zaj peb Txiv thiab thov Ntuj tas, thaum txiv plig hais lo lus hais tias: " Amen! " no tas nrho xwb, kuv txiv yawg txoj sia tu nrho. Muaj ib tug yog yog cov ntseeg, nws ua nruj nriaj xwb, peb hu peb tus txiv plig tuaj, teev Ntuj rau nws, hais zaj peb Txiv nyob saum Ntuj tas, thiab ua lub cim pleev rau nws tas, "amen" xwb txoj sia tu nrho... txij ntawd los kom pom tau tias: " LUB CIM PLEEV, THIAB THOV NTUJ MAS MUAJ HWJ, MUAJ ZOG TAS NRHO... "

Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Yog vim li cas kuv tsis nsthai dab li yav tas los lawm?

Post  Maiv Paj Lug on 1st February 2012, 4:27 am

Txawj Tuam wrote: Niam Hlob kuv twb xa tuaj rau neb 2 leej tib si tej zaum tsis tau tuaj txog xwb og. Hais txog daim duab ntawd mas tam sim no kuv tsis ntshai lawm, vim kuv txawj tso siab rau HT Ntuj lawm, nyog leej twg tsi tso siab rau Tswv Ntuj si tseem ntshai laiv, thiab yog cov tseem nyob qub kev si tseem ntshai laiv vim tias tib tus niag dub nciab thiab tseem tuaj kub muaj ku twv ntxim ntxub kawg ho. :,,

Txawj tuam koj daim duab nod kuv muaj nyob hauv phau ntawv qhia Cathéchisme thiab mas,



thaum kuv tsis tau paub kuv xav tias yog ua li cas dab phem muab nws khi cuag ntawd, thaum kuv paub lawm ces kuv mam faj txog tias niaj hnub no cov saw hlau dab phem khi yog peb cov txhaum nyob ntawm dab phem tes, ib qho txhaum ib txoj saw hlau....

Kuv twb piav me me txog tus neeg ncaj thiab tus neeg phem tuag hnub kawg....> http://hmongcatholique.forumdediscussions.com/t601-kev-tuag-ntawm-tus-neeg-ncaj-thiab-tus-neeg-phem




<3 <3 Pab kuv rov los cuag koj Huab Tais Yesxus <3 <3

Tub Kawm
Phooj Ywg
Phooj Ywg

Messages : 406
Date d'inscription : 2011-10-13

Re: Yog vim li cas kuv tsis nsthai dab li yav tas los lawm?

Post  Tub Kawm on 1st February 2012, 8:36 am

Nyob zoo N.Hlob, & M.p & Npaub ua tsaug nej tuaj qhia daim duab no kom kuv to tau dua lawm og. Niam hloj cas Nws yuav tham tau ib zaj txaus rhiab ua luaj og. Tej zaum yog li Nws hais lawm, ib tus neeg mas tsis lam pom tej ntawd yooj yooj yim, twb yog Tswv Ntuj tso kom Nws pom saib dab phem li cas es Nws coj rov los qhia tsoom neeg kom txhob mloom dab lus og. Ais thaum nws niam muab Nws puas tawm hauv lub txaj los Tswv Ntuj muab co niag dab ntawd ntiab tawm lawm es Nws thiaj tsis pom lawm. Kuv yeej ntseeg hais tias Tswv Ntuj lub Hwj Chim mas loj tas nrho, yo leej twg tuav txog Tswv Ntuj lub npe los pab kho ib tus neeg mob mas Tswv Ntuj yua pab leej twg.

Tub Kawm
Phooj Ywg
Phooj Ywg

Messages : 406
Date d'inscription : 2011-10-13

Re: Yog vim li cas kuv tsis nsthai dab li yav tas los lawm?

Post  Tub Kawm on 1st February 2012, 8:48 am

Nyob zoo N.Hlob, & M.p & Npaub ua tsaug nej tuaj qhia daim duab no kom kuv to tau dua lawm og. Niam hloj cas Nws yuav tham tau ib zaj txaus rhiab ua luaj og. Tej zaum yog li Nws hais lawm, ib tus neeg mas tsis lam pom tej ntawd yooj yooj yim, twb yog Tswv Ntuj tso kom Nws pom saib dab phem li cas es Nws coj rov los qhia tsoom neeg kom txhob mloom dab lus og. Ais thaum nws niam muab Nws puas tawm hauv lub txaj los Tswv Ntuj muab co niag dab ntawd ntiab tawm lawm es Nws thiaj tsis pom lawm. Kuv yeej ntseeg hais tias Tswv Ntuj lub Hwj Chim mas loj tas nrho, yo leej twg tuav txog Tswv Ntuj lub npe los pab kho ib tus neeg mob mas Tswv Ntuj yua pab leej twg. M.paj thov ua tsaug uas Nws tau muab tus Link no kuv nyeem og, kuv tuaj tau ntev lawm tab si tseem tsim tau pog qhov no li.

Sponsored content

Re: Yog vim li cas kuv tsis nsthai dab li yav tas los lawm?

Post  Sponsored content Today at 8:11 am

  • Post new topic

Current date/time is 19th January 2017, 8:11 am