HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Neeg Muaj thiab neeg pluag Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


2 posters

    Neeg Muaj thiab neeg pluag

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Neeg Muaj thiab neeg pluag Empty Neeg Muaj thiab neeg pluag

    Post  Maiv Paj Lug 20th May 2010, 8:53 am

    Cov pluag thiab cov nplua nuj Yes
    Xus hais:

    " Tsis yog pluag nyiaj kub, los pluag noj haus, los pluag daim
    tsoos hnav tsoos npua xwb. Tiam sis, pluag lwm yam loj dua qhov yus
    xav."


    Yes Xus kuj tsis yog hais cov nplua nuj fab nyiaj txiag, muaj noj
    muaj hnav, muaj vag muaj tse. Tiam sis, cov nplua nuj lwm fab. Yog li
    ntawd, thaum Yes Xus hais cov pluag thiab cov nplua nuj yog cov zoo li
    cas ? Yes Xus cov lus qhuab qhia no yog ib co lus qhuab qhia tag tsoom
    sid, tas pab 12 leeg hauv Paus Xa Lus, tas lwm cov thwj tim, tas cov
    neeg tuaj ntawm Yus Das, Yes Lus Xas Les, Tws Los, Xis Doos…Yog peb
    nyeem Lus Kas Ntawv Moo Zoo mus lawm tom ntej. Peb yuav pom cov neeg no
    npe thiab lub pliaj plhu tshwm zuj zus los. Peb yuav hais tsis tas lawv
    cov npe rau ntawm no.

    Yog hais txog cov pluag thiab nplua nuj, muaj
    coob muaj ntau. Muaj ntau tus pluag Yes Xus tsis qhuas. Tus pluag Yes
    Xus qhuas, yog tus zoo li Las Ntxas Los.

    Neeg Muaj thiab neeg pluag Mauvais-riche-et-...re-lazare-4c1980

    “Nws ib ce mob kev txhab, chev
    ntawm tus nplua nuj lub taw rooj; yam twg poob ntawm tus nplua nuj lub
    rooj mov los puav leej ua rau nws ntshaw kom tsau nws plab; tiam sis,
    kawg cov dev thiaj yaim nws tej kev txhab LK16,20” Tus Las Ntxas Los
    pluag no, yog tus pluag kawg kiag. Pluag noj pluag haus, qias neeg,
    ntsu kauv, tsw phem, mob kev txhab ib ce lwj dhi, tsis zoo hlub, tsis
    zoo nyiam. Las Ntxas pluag, yog pluag kawg kiag, ua neej nyob tsis muaj
    pluag tshaj nws. Mob chev pem teb sawv tsis taus, mus tsis taus, liam
    txwv, poob tsim tsis zoo ua neeg, nrog dev ua ib pag. Tsis muaj tib
    neeg tug thuv laj hlub taus. Dev thiaj yaim nws cov kev txhab.
    Tus
    nplua nuj, nyob tsev zeb tsev tsua, hnav nyiaj hnav kub, noj qab noj
    zoo rog kheej lam, ntxub Las Ntxas Los, tsw phem thiab qias neeg, chev
    ntawm nws taw rooj paim, laj ntsia, tshaib los puam chawj, cia yoo kom
    tuag mus
    , dhuav siab laj pom laj mloog nws suab ntsaj ua hnub ua hmo
    ntawm taw rooj. Las Ntxas Los, tus pluag liam txwv tuag tshaib. Tus
    nplua nuj siv zog noj haus ua plab nrha ris, ua mob, tuag mob.


    Las
    Ntxas mus nrog yawg koob Has Nplas Has nyob. Tus nplua nuj mus khooj
    hauv qhov ntuj puag dab teb. Peb to taub Yes Xus cov lus no :

    “cov
    pluag, nej hmoov zoo, lub ntuj yog nej tug…Cov nplua nuj, mob nej siab,
    twb tas kev nplij nej”


    Tus nplua nuj, tsis yog nplua nuj nyiaj txiag
    thiab noj haus, tsoos hnav tsoos npua xwb. Tus nplua nuj, nws siab
    ntsws kuj nplua nuj, tswv yim kuj nplua nuj. Lub siab ntsws nplua nuj,
    yog lub siab twm xeeb, plab plaw tsis nthuav. Nws tsis ntshaw, tsis vam
    leej twg, tawv tim tawv. Ciaj los nyob tuag los tseg. Tus nplua nuj lub
    tswv yim txawj dag tau noj, txawj liam tau yuav. Lo tas lo tuaj, zaj
    tag zaj tuaj, tsis pluag lus hais. Tus nplua nuj neej nws tsis vam,
    Tswv Ntuj tsis ntshaw tsis ntxiv dab tsi rau nws. Mus teev ntuj tseem
    tab kaum nws, tseem txaj muag mus tshwm ntsej muag hauv tsev teev ntuj.
    Tsis yog Tswv Ntuj thawb nws hauv qhov ntuj, nrog dab phem nyob. Yog
    nws tus kheej xwb tim dhia qhov ntuj. Tuag mus, tus nplua nuj thiaj mus
    khooj dab teb, ciaj dab phem.

    Thaum ua neej nyob, Las Ntxas pluag, vam
    txog neej pab, quaj tu siab pe thov Tswv Ntuj cawm. Tuag tas, Las Ntxas
    nce mus saum ntuj, nrog cov pluag nyob.

    Yuav kom peb tsis txhob
    yuam kev, peb twb los ua Tswv Ntuj cov me nyuam ua Tswv Ntuj haiv neeg.
    Peb twb yog Huab Tais Yes Xus thwj tim. Peb yuav tau mloog Yes Xus
    qhuab qhia peb ib yam pab 12 leeg ua Yes Xus thwj tim. Yog peb mloog
    Yes Xus lus, peb ua li Yes Xus qhia rau peb. Peb yog tus pluag ntxim
    Yes Xus qhuas. Peb tsis yog tso siab rau peb lub zog, tsis yog tso siab
    rau tus tib neeg tsis muaj peev xwm, tsis muaj hwj huam dab tsi. Peb
    tsis yog tso siab rau tej qaib npua, nyuag tsiaj nyuag txhu tsis muaj
    nuj nqes yuav thaiv tau peb tej txhaum. Peb tsis tso siab rau dej thiab
    tshuaj cawm tsis tau peb txoj sia.

    Tus peb yuav vam khom, tus peb tos,
    tus peb hwm, peb teev, yog Tswv Ntuj, tus muaj hwj huam muaj hwj chim
    nyob mus li. Yog Huab Tais Yes Xus, tus muaj, tus nplua nuj, muaj hwj
    chim, muaj hwj huam, txia ua tus pluag li peb tib neeg sawv txij peb,
    ua peb ib leeg tij, rub peb tes ua nws kwv nws muam nrog nws tuav Huab
    Tais Ntuj npe ua : Leej Txiv. Yog lub koob lub hmoov Yes Xus muab pub
    rau peb.

    Neeg Muaj thiab neeg pluag Rich1
    Npuagtub
    Npuagtub
    Tswv Cuab Hmong Catholique
    Tswv Cuab Hmong Catholique


    Messages : 1000
    Date d'inscription : 2009-08-16
    Age : 58
    Localisation : Fresno, California, USA.

    Neeg Muaj thiab neeg pluag Empty Re: Neeg Muaj thiab neeg pluag

    Post  Npuagtub 20th May 2010, 12:10 pm

    Mp,

    Nws sau tau muaj zoo tseem ntsiab txog
    cov neeg muaj nyiaj tsis muaj lub siab nyiam luag tej
    lawv zoo li lub nruas nrov ncha dag ntawm tej ntug kev.
    Cov neeg nplua nuj tsis muaj lub siab hlub luag tej ob cag,
    lawv zoo li lub nruas lam nrov ncha dag ntawm tej ntug nras.

    Vim Huab Tais Yes Xus yeej hais tias:

    Cov tau koob hmoo zoo,
    yog cov pluag hauv nruab siab,
    vim ntuj lub ceeb tsheej yog lawv li.

    Cov tau koob hmoov zoo,
    yog cov siab zoo, vim lawv yuav txais
    lub ntiaj teb los ua lawv tug.

    Cov tau koob hmoov zoo,
    yog cov quaj ntsuag,
    vim yuav muaj tus nplij lawv.

    cov tau koob hmoov zoo,
    yog cov tshaib nqhis txog txoj kev ncaj,
    vim yuav muaj tus daws lawv qhov nqhis.

    Cov tau koob hmoov zoo,
    yog cov hlub luag tej,
    vim yuav muaj tus hlub lawv.

    Cov tau koob hmoov zoo,
    yog cov siab dawb siab zoo.
    vim lawv yuav pom Tswv Ntuj.

    Cov tau koob hmoov zoo,
    yog cov tsim kev thaj yeeb,
    vim luag yuav hu lawv ua Tswv Ntuj cov tub.

    Cov tau koob hmoov zoo.
    yog cov raug luag hiam,
    vim lawv nyiam txoj kev ncaj, ntuj lub ceeb tsheej yog lawv li.

    Mas tais 5 : 1 - 10.


    NTIAJ TEB NEEG TXOJ KEV XAV:

    Cov tau txoj koob hmoov zoo,
    yog cov muaj txiag nplua nuj.

    Cov tau koob hmoov zoo,
    yog cov muaj hwj xyeej hwj chim, siab tawv txawj ua kom luag ntshai thiab hwm lawv.

    Cov tau koob hmoov zoo,
    yog cov muaj kev ua si lom zem zoo siab, muaj noj seem noj so tsis nco pom luag tej.

    Cov tau koob hmoov zoo,
    yog cov txawj ntse noj luag zog haus luag ntshav dawb.

    Cov tau koob hmoov zoo,
    yog cov txawj ntxias kom luag tej hlub lawv thiab pab lawv.

    Cov tau koob hmoov zoo,
    yog cov muaj meej mom, zoo nkauj zoo nraug, txawj tsab zag.

    Cov tau koob hmoov zoo,
    yog cov muaj zog, txawj ua kom yeej luag tej.

    Cov tau koob hmoov zoo,
    yog cov ntse zais siab, ua nkhaus kom txhob raug luag hiam.

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Neeg Muaj thiab neeg pluag Empty Re: Neeg Muaj thiab neeg pluag

    Post  Maiv Paj Lug 21st May 2010, 10:15 am

    Npuag Tub wrote:Mp,

    Nws sau tau muaj zoo tseem ntsiab txog
    cov neeg muaj nyiaj tsis muaj lub siab nyiam luag tej
    lawv zoo li lub nruas nrov ncha dag ntawm tej ntug kev.
    Cov neeg nplua nuj tsis muaj lub siab hlub luag tej ob cag,
    lawv zoo li lub nruas lam nrov ncha dag ntawm tej ntug nras.

    Vim Huab Tais Yes Xus yeej hais tias:

    Cov tau koob hmoo zoo,
    yog cov pluag hauv nruab siab,
    vim ntuj lub ceeb tsheej yog lawv li.

    Cov tau koob hmoov zoo,
    yog cov siab zoo, vim lawv yuav txais
    lub ntiaj teb los ua lawv tug.

    Cov tau koob hmoov zoo,
    yog cov quaj ntsuag,
    vim yuav muaj tus nplij lawv.

    cov tau koob hmoov zoo,
    yog cov tshaib nqhis txog txoj kev ncaj,
    vim yuav muaj tus daws lawv qhov nqhis.

    Cov tau koob hmoov zoo,
    yog cov hlub luag tej,
    vim yuav muaj tus hlub lawv.

    Cov tau koob hmoov zoo,
    yog cov siab dawb siab zoo.
    vim lawv yuav pom Tswv Ntuj.

    Cov tau koob hmoov zoo,
    yog cov tsim kev thaj yeeb,
    vim luag yuav hu lawv ua Tswv Ntuj cov tub.

    Cov tau koob hmoov zoo.
    yog cov raug luag hiam,
    vim lawv nyiam txoj kev ncaj, ntuj lub ceeb tsheej yog lawv li.

    Mas tais 5 : 1 - 10.


    [i]NTIAJ TEB NEEG TXOJ KEV XAV:

    Cov tau txoj koob hmoov zoo,
    yog cov muaj txiag nplua nuj.

    Cov tau koob hmoov zoo,
    yog cov muaj hwj xyeej hwj chim, siab tawv txawj ua kom luag ntshai thiab hwm lawv.

    Cov tau koob hmoov zoo,
    yog cov muaj kev ua si lom zem zoo siab, muaj noj seem noj so tsis nco pom luag tej.

    Cov tau koob hmoov zoo,
    yog cov txawj ntse noj luag zog haus luag ntshav dawb.

    Cov tau koob hmoov zoo,
    yog cov txawj ntxias kom luag tej hlub lawv thiab pab lawv.

    Cov tau koob hmoov zoo,
    yog cov muaj meej mom, zoo nkauj zoo nraug, txawj tsab zag.

    Cov tau koob hmoov zoo,
    yog cov muaj zog, txawj ua kom yeej luag tej.

    Cov tau koob hmoov zoo,
    yog cov ntse zais siab, ua nkhaus kom txhob raug luag hiam.


    Wow!.....XH Npuagtub, cas koj sau tau txoj "kev tau koob hmoov zoo ntiaj teb" yuag raug kiag li neeg kev xav lawm tiag. Tos hais tias koj ho kawm tau los ua XH los koj yeej paub ntau yam pom deb dua lawm thiag koj thiaj tau los ua XH. Kuv zoo siab kawg tau kawm ntawm koj. Neeg Muaj thiab neeg pluag 66555

    Sponsored content


    Neeg Muaj thiab neeg pluag Empty Re: Neeg Muaj thiab neeg pluag

    Post  Sponsored content


      Current date/time is 18th March 2024, 10:51 pm