Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 12:18 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


  • Post new topic

LUB KOOM HAUM TSWJ(hmongCatholic thoob ntiaj teb)NYOB QHOV TWG?

Share

Tub Kawm
Phooj Ywg
Phooj Ywg

Messages : 404
Date d'inscription : 2011-10-13

LUB KOOM HAUM TSWJ(hmongCatholic thoob ntiaj teb)NYOB QHOV TWG?

Post  Tub Kawm on 24th March 2012, 11:50 am


Nyob zoo ib tsoom TP mus rau cov Leej Phauj, cov Leej Tsob Hwb, cov Xib Hwb, thiab tas nrho cov Ntseeg Kav Tos Liv hauv Leej Pleev lub npe. Kuv thov nej txhua tus tuaj teb kuv co lus no.

1- kuv nug hais tias: "peb lub KOOM HAUM TSWJ peb hmoob catholic thoob ntiaj teb nyob rau qhov twg?

2- peb puas tau muaj ib lub koom haum tswj peb hmoob Catholic?

3- puas yog lub KOOM HAUM ZOO TSWV ZOV YAJ?

4- koom haum ZOO TSWV ZOV YAJ thaum nyuam qhuav pib yog pib Fab kis teb tuaj, yog li Txiv Plig nyiaj pov dua lawm nyem no leej twg ua tus Tswj tsoom ntseeg nyob fab kis teb?

5- cov nyob Mes lis kas peb hmoob puas tau muaj ib tus TP tswj hwm peb cov Ntseeg Catholic?

6- phau ntawv Ntshiab co lus qub thiab cog lus tshiab, thiab phau Yes Xus Teej Qav Teej Num, thiab phau cov Zaj nyeem hnub chiv. lub rooj ntau ntawv thiab sib koom txhais ua lus hmoob yog Leej Twg? Thiab luam tawm nyob qhov twg?

7- nyob rau hauv Lub Koom Haum Zoo Tswv Zov Yaj thaib teb. Cov Nyob Fab kis teb, Melikas teb, yog xav tsim ib phau ntawv los luam tawm ib phau ntawv no, sawv daws puas sib fim ua ke tham tas mam li luam tawm los nyiag luam raws li nyiag lub hom phiaj xwb?

8- cov tub Les Dej num nyob rau Melikas teb, Fab kis teb muaj tsawg leej? (Cov nyob thaib ces paub lawm kuv tsi nug)

9- Txiv tswv Qhia Txwj Choo Thoj, nyob los tsuas teb nws ua hauj lwm rau nplog xwb los nws ua rau peb hmoob? Thiab nws puas tej tus tub hluas kawm ua leej nrog nws los tsi muaj?.

Li no xwb, kuv tau nug ntau kawg lawm thov nej pab teb nawb.

Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: LUB KOOM HAUM TSWJ(hmongCatholic thoob ntiaj teb)NYOB QHOV TWG?

Post  Npuagtub on 24th March 2012, 3:28 pm

Nyob zoo Txawj Tuam,

Kuv tsis yog ib tug paub tseeb txog cov lus koj tau nug tuaj, tiam sis kuv teb koj li kuv paub xwb tshuav ib co kuv tsis paub tseeb cia lwm tus lawv paub mam li tuaj teb kom meej rau koj nawv.


1- kuv nug hais tias: "peb lub KOOM HAUM TSWJ peb hmoob catholic thoob ntiaj teb nyob rau qhov twg?

>> Raws kuv paub xwb, ces tsuas yog tib lub nyob tim (Rome) xwb.

2- peb puas tau muaj ib lub koom haum tswj peb hmoob Catholic?

>> Nyob USA muaj ib lub tsuas yog tswj cov hmoob nyob Mes kas xwb. Nyob Thaib Teb muaj ib lub tswj cov nyob Thaib Teb. Kuv tsis paub lwm qhov puas muaj thiab?

3- puas yog lub KOOM HAUM ZOO TSWV ZOV YAJ?

>> Kuv xav mas tsis yog, ib lub Koos Haum Tswj Hmoob thoob ntiaj teb.

5- cov nyob Mes lis kas peb hmoob puas tau muaj ib tus TP tswj hwm peb cov Ntseeg Catholic?

>> Raws li kuv paub mas yav tas kuj muaj ib tug TP. tiam sis tam sis no tsis muaj TP. Hmoob lawm.

6- phau ntawv Ntshiab co lus qub thiab cog lus tshiab, thiab phau Yes Xus Teej Qav Teej Num, thiab phau cov Zaj nyeem hnub chiv. lub rooj ntau ntawv thiab sib koom txhais ua lus hmoob yog Leej Twg? Thiab luam tawm nyob qhov twg?

>> Phau ntawv Ntshiab mas raws li kuv paub muaj ntau leej Xib Fwb nrog TP. Nyiaj Pov sib pab sau thiab txhais nyob ntau qhov chaw, xws li nyob USA, Fabkis, Guyane thiab Thaib Teb. Phau ntawv luam tawm nyob Tim Koos Haum Hmoob Catholic, Xeev Tseej Maim, Thaib Teb.

Kuv teb koj li no xwb, Cia saib Mim Yaj yog ib tug nrog TP. lawv txhais thiab cia nws mam tuaj sau qhia kom meej tshaj rau koj.



Photobucket

Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: LUB KOOM HAUM TSWJ(hmongCatholic thoob ntiaj teb)NYOB QHOV TWG?

Post  Npuagtub on 26th March 2012, 4:03 am

Nyob zoo Txawj Tuam,

Kuv teb koj lo lus no li kuv paub xwb.

7- nyob rau hauv Lub Koom Haum Zoo Tswv Zov Yaj thaib teb. Cov Nyob Fab kis teb, Melikas teb, yog xav tsim ib phau ntawv los luam tawm ib phau ntawv no, sawv daws puas sib fim ua ke tham tas mam li luam tawm los nyiag luam raws li nyiag lub hom phiaj xwb?

>> Txawj Tuam, raws li kuv paub mas Hmoob cov koom txoos no tsis muaj kev sib fim ua ke ua ntej yuav ua ib yam dab tsi. Nyias tsuas ua nraws li pab phawg ntawm lub teb chaws zwm rau nyias tus kheej. Thaum ua tau ib yam mtshwm tuaj lawm mam li muab tshaj tawm rau cov teb chaws uas muaj kev sib fim tau yog lawv nyiam thiab xav tau mam li xa mus rau lawv siv xwb.

Peb Hmoob tseem ua tsis tau ib lub koos haum los coj peb vim nws yog ib qho nyuaj heev. Vim peb twb tsis muaj TP. Tswv Qhia, li lwm yam neeg. Nyob Meskas teb Hmoob muaj ib lub Koos haum saib xyuas cov Hmoob nyob Mes kas thiab, tiam sis nws tseem nyob qab tswj hwm hauv lub Koos Haum Catholic Mes kas. Uas yog lub Koos haum Tswj tas nrho cov neeg ntseeg nyob Mes kas teb.


Kuv ntsib koj li no xwb nyob zoo.

Mim
Tswv Cuab Hmong Catholique
Tswv Cuab Hmong Catholique

Messages : 1649
Date d'inscription : 2009-10-16

Re: LUB KOOM HAUM TSWJ(hmongCatholic thoob ntiaj teb)NYOB QHOV TWG?

Post  Mim on 26th March 2012, 4:06 pm

Txawj Tuam wrote:
Nyob zoo ib tsoom TP mus rau cov Leej Phauj, cov Leej Tsob Hwb, cov Xib Hwb, thiab tas nrho cov Ntseeg Kav Tos Liv hauv Leej Pleev lub npe. Kuv thov nej txhua tus tuaj teb kuv co lus no.

1- kuv nug hais tias: "peb lub KOOM HAUM TSWJ peb hmoob catholic thoob ntiaj teb nyob rau qhov twg?

2- peb puas tau muaj ib lub koom haum tswj peb hmoob Catholic?

3- puas yog lub KOOM HAUM ZOO TSWV ZOV YAJ?

4- koom haum ZOO TSWV ZOV YAJ thaum nyuam qhuav pib yog pib Fab kis teb tuaj, yog li Txiv Plig nyiaj pov dua lawm nyem no leej twg ua tus Tswj tsoom ntseeg nyob fab kis teb?

5- cov nyob Mes lis kas peb hmoob puas tau muaj ib tus TP tswj hwm peb cov Ntseeg Catholic?

6- phau ntawv Ntshiab co lus qub thiab cog lus tshiab, thiab phau Yes Xus Teej Qav Teej Num, thiab phau cov Zaj nyeem hnub chiv. lub rooj ntau ntawv thiab sib koom txhais ua lus hmoob yog Leej Twg? Thiab luam tawm nyob qhov twg?

7- nyob rau hauv Lub Koom Haum Zoo Tswv Zov Yaj thaib teb. Cov Nyob Fab kis teb, Melikas teb, yog xav tsim ib phau ntawv los luam tawm ib phau ntawv no, sawv daws puas sib fim ua ke tham tas mam li luam tawm los nyiag luam raws li nyiag lub hom phiaj xwb?

8- cov tub Les Dej num nyob rau Melikas teb, Fab kis teb muaj tsawg leej? (Cov nyob thaib ces paub lawm kuv tsi nug)

9- Txiv tswv Qhia Txwj Choo Thoj, nyob los tsuas teb nws ua hauj lwm rau nplog xwb los nws ua rau peb hmoob? Thiab nws puas tej tus tub hluas kawm ua leej nrog nws los tsi muaj?.

Li no xwb, kuv tau nug ntau kawg lawm thov nej pab teb nawb.

Nyob zoo Txawj Tuam,

Kuv yuav tuaj teb koj cov lus raws kuv paub.
Tam sis no mas raws kuv paub peb tsis muaj ib lub HAUV PAUS TSWJ peb Hmoob Kas Tos Liv thoob ntiaj teb li.

Thaum TP Nyiaj Pov tseem nyob mas TP Nyiaj Pov yog tus saib xyuas thiab tsim tas puas tsav yam rau peb siv. Nws txhais thiab luam peb cov Ntawv Ntshiab, nws luam peb cov ntawv ua thaj txi ntuj. Hais txog cov nkauj mas zoo li yog nyias teb chaws nyias luam nyias ib co tshiab thiab kuj ho siv TP Nyiaj Pov cov qub nrog thiab.

Lub Koom Haum Zoo Tswv Zov Yaj, mas yog TP Nyiaj Pov xub tsim tiam sis kuv paub tsis meej tias nws puas tau xub tsim nyob Nkis Yas nws mam coj mus rau Phillipines los yog thaum nws mus txog Philippines lawm nws mam tsim. Lub koom haum Zoo Tswv Zov Yaj mas yog tsim los hais lus hauv xov tooj cua tshaj tawm rau cov Hmoob nyob sab Asia tau mloog xwb. Thaum TP Nyiaj Pov tshais chaw tim Philippines los nyob rau Thaib teb, mas nws kuj coj nws lub koom haum los ua hauj lwm nrhiav thiab npaj cov zaj yuav tshaj tawm los nyob Thaib teb thiab, tsuas tseg li ob tug neeg nyob Philippines hais lus hauv xov tooj cua xwb. Ob tug hais lus no mas nkaws tsis yog ob tug nrhiav thiab sau cov zaj, yog cov nyob Thaib teb xa rau nkawd hais xwb.

Thaum TP Nyiaj Pov tseem nyob, vim nws yog tus tuav lub koom haum Zoo Tswv Zov Yaj, thiab nws kuj yog peb niam peb txiv peb tus thawj hauv kev ntseeg, ces nws kuj ua cov hauj lwm yuav luam Ntawv Ntshiab, los luam ntawv ua thaj txi ntuj tib si. Zaum no TP Nyiaj Pov tsis nyob lawm, ces tam sis no yog ib tug TP neeg Thaib los saib xyuav cov hauj lwm ntawm lub xov tooj cua nrog plaub tug Hmoob thiab nrog TP Txhiaj Foom.

6- phau ntawv Ntshiab co lus qub thiab cog lus tshiab, thiab phau Yes Xus Teej Qav Teej Num, thiab phau cov Zaj nyeem hnub chiv. lub rooj ntau ntawv thiab sib koom txhais ua lus hmoob yog Leej Twg? Thiab luam tawm nyob qhov twg?
Cov phau ntawv uas koj hais no mas yog TP Nyiaj Pov ua puag thaum ub peb tseem nyob Nplog teb lawm. Tam sis no tsis muaj neeg luam tej ntawv ko li lawm. Phau Ntawv Ntshiab 2002 yog TP Nyiaj Pov luam xyoo 2002 nyob Thaib teb, vim phau qub qub tas lawm. Tam sis no ces yuav tsum yog peb cov TP Hmoob los mus kho rau kom zoo tshaj nov thiab txhais kom thoob lawm xwb. Yuav tsis muaj ib tug TP pej kum neeg uas yuav paub lus Hmoob ntau thiab zoo npaum TP Nyiaj Pov lawm.

Yog yuav teb koj lo lus ces hais tau tias thaum ub peb muaj TP Nyiaj Pov ua tus saib xyuas peb Hmoob Kas Tos Liv tas nrho thoob ntuj, zaum no ces cov nyob Mes Lis Kas lawv ua taus lawv txiv lawm, cov coob zwm rau HANCA, tiam sis yog HANCA tsis coj dav mas xyov tseem yuav zoo li cas. Cov nyob Fab Kis lawv muaj ib lub hauv paus saib lawv, cov nyob tim nej los nej yeej zwm rau tus Tswv Qhia saib nej. Cov nyob Thaib Teb mas tej zaum TP Tshaj Xwm yog tus uas saib xyuas tsoom Hmoob. Nyob Nplog teb, Tswv Qhia Txwj Choo ua tus saib xyuas lub koom txoos nyob sab xeev Moob Loob. Tiam sis Nplog teb yog teb chaws kos mws niv zoo ib yam li Nyab Laj teb thiab, ces nws tsis muaj kev twj lij ua tau hauj lwm ywj siab pes tsawg li. Kuv tsis paub txog tias xyov zaum no Nplog Liab puas tso cai rau nws ua tsev teev ntuj los tsev qhia tej tub hluas, tiam sis ob peb xyoos dhau los mas zoo li nws yeej tsis muaj cai ua li. Qhov no mas Maiv Paj Lug thiab tais Tooj nkawd yuav paub zoo dua kuv. Nyob xeev Vees Cas yog tswv qhia Kham Xem saib. Nws yog ib tug tswv qhia neeg Nplog. Tej zaum nws yuav ib nyuag tau kev tab meeg ua hauj lwm rau cov ntseeg dua tswv qhia Txwj Choo. Tiam sis raws kuv to taub mas nom tswv yeej saib cov tswv qhia no nruj kawg li.

Hais txog yuav luam tej phau ntawv, yog luam tej phau xws li phau nkauj xwb mas tej zaum peb tsis tas yuav hais sib haum thoob ntiaj teb. Tiam sis yog hnub twg yuav rov kho thiab luam phau ntawv ua thaj txi ntuj los phau ntawv Ntshiab (Bible), mas yeej ytuav tsum tau muaj ib pab txiv plig nrog ib co neeg los mus saib xyuas qhov ntawd kom zoo zoo lawm mam muab luam tawm, vim ob yam ntawv no yog ob yam tseem ceeb tshaj nyob hauv peb kev nsteeg Kas Tos Liv.

Hais txog cov tub leg hauj lwm mas kuv yuav tsis paub teb rau koj txog lwm qhov chaw vim ib lub xeev kuj txawv lwm lub. Xws li peb nyob hauv xeev Michigan mas los txog tav no, peb tus xib hwb nws tsuas yog siv nws lub sij hawm xyeej hnub Chiv los pab peb dawb xwb. Thiab nws kuj tsis yog ib tug yuav tau kawm tiav dab tsi, tiam sis nws yog ib tug paub kev ntseeg, ces peb cia li rub nws los ua peb tus xib hwb xwb. Peb tus txiv plig kuj tau kom Kuv ua tus qhia kev cai rau peb cov me nyuam yaus thiab, tiam sis kuv qhia tas nrho Hmoob thiab Mes Kas tib si.


Tub Kawm
Phooj Ywg
Phooj Ywg

Messages : 404
Date d'inscription : 2011-10-13

Re: LUB KOOM HAUM TSWJ(hmongCatholic thoob ntiaj teb)NYOB QHOV TWG?

Post  Tub Kawm on 29th March 2012, 3:55 pm

Nyob zoo sawv daws. XH Npuag Tub thiab Mim ua tsaug uas neb tuaj teb kuv cov lus og. Mim tej zaum yuav yog li Nws hais lawm, vim TP Nyiaj Pov yog tus tau tsim ntaub tsim ntawv rau peb hmoob thoob ntiaj teb sib nug moos thiab sib xa xov kom peb hmoob txhob ploj peb cov lus thiab peb tej txuj ci. Yog li tej zaum Nws yog tus tswj tas nrho peb Lub koom haum hmongCatholic thoob ntiaj teb lawm. Tiam sis nyiam no TP twb dua lawm yam tsis rov los, kuv xav mas nej cov nyob rau teb chaw vam meej nej yuav tsus tau rov xaiv ib tus Rov los Tswj peb hmongCatholic. Txawm tsi muaj Txiv plig Nyiaj Pov lawm los, Twb tseem tshuav Ntau tus TP hmoob xws li TP Cwj Vuam Chiv thiab Lwm tus TP. Yog li peb yuav Tsus rov xaiv Nws los ua tus hloov TP Nyiaj Pov qhov chaw, kom peb nyob thoob ntiaj teb tau kev sib nug, peb yuav tsum tso peb lub siab 100% rau TP C.V.C kom sawv peb chaw hais peb lus mus rau Txiv Vaj Qhia ces muaj ib hnub peb yuav muaj LUB KOOM HAUM TSWJ peb lawm. XH Npuas T thib Mim peb ib leeg nyob rau ib sab Ntuj, nyiag muaj nyiag ib tus TP Los Tswv Qhia kav ces nyiag ua raws nyiag lub koom haum ntawm Tus Tswv Qhiaj tswj xws li neb hais saum toj no. Tiam sis peb yog hmoob peb yuav tsum tau npaj ib lub koom haum rau peb thiab. Kom cov neeg tsi paub ntaub ntawv lawv thiaj li yuav pom thiab paub tias peb muaj 1 Lub KOOM HAUM HMOOB CTHOLIC tswj lawv thiab. Yog peb ua tau li kuv hais no mas, peb twb muaj Email. Lawm thov peb muab peb cov Zaj Teev Ntuj los Nkauj Teev Ntuj. Tsi hais nyob qhov twg, Lub teb chaws twg, peb muab xa tuaj tso ua ib pawg rau hauv lub KOOM HAUM muaj txaus txhua zaj ces peb yeej paub thoob teb lawm. Kom mus txog qhov twg los yeej muaj cov zaj txhua. Peb txhob ua raws li nyiag lub teb chaws nyiam xwb, peb yuav tsum hais cov zaj nkauj teev ntuj ntaws kom thoob ntiaj teb paub peb cov lus zoo. Tos kuv hais li los vim peb cov nyob cob tsib teb no peb paub peb hmoob lus tsi tas, peb kuj txhais tau cov Zaj Teev Ntuj los Nkauj Teev Ntuj ntau heev tiam si cov lus peb tsuas hais raws li peb paub xwb, ntshais neb cov nyob rau lwm qhov yuav tsi paub. Yog li kuv tseem yuav vam txog nej pab kho thiab. Kuv thiaj nug nej og. Ntsib nej li no xwb.

Tub Kawm
Phooj Ywg
Phooj Ywg

Messages : 404
Date d'inscription : 2011-10-13

Re: LUB KOOM HAUM TSWJ(hmongCatholic thoob ntiaj teb)NYOB QHOV TWG?

Post  Tub Kawm on 17th May 2014, 11:14 am

Nyob zoo tsoom hmoob ua Ntseeg Catholic nyob thoob ntiaj teb.
Thov kom sawv daws sib hlub nawb mog, sawv daws yuav tsum yuav ib txoj kab tau ib txoj lwg.
Txhob nyiag ua raws nyiag lub siab nyiam nawb peb thiaj li yuav ua tau ib lub hom phiaj coj tsoom neeg nyob sab nrau rov los cuag HT Yes xus thiab rov los tau ib txoj kev koom ib txoj lw mog.

Tshwj xeeb tshaj mas vim kuv ntsia mas peb tsi tau koom siv ib los lus, los ib lub npe xws li cov npe Leej Nthiab, thiab npe teb chaws nyob rau hauv Phau Ntawv Ntshiab.
Nyiag tseem hais li nyiag siab nyiam xwb. Kuv xav thov sawv daws tuaj sib kho kom haum raws tib lo lus, tib lub npe, sawv daws koo siv tib lo lus xwb thiaj yuav tsi nyuaj rau yav tom ntej.
Qhov tseem ceeb tshaj plawg mas yog nej peb lub Koom Haum loj nyob xws li: Mes kas, Fab Kis, Thaib, nej sawv daws cov uas tau tuav kev ruaj ntseg ntawm Hmoob Kav Tos Liv thoob teb, nej tsum koom ib lo lus hais xwb txhob siv ob peb lo lus hais.

Kuv muab ob lo lus coj los ua piv txwv tas nrho rau txhua lo lu tib si.
Yam li lus hais tias: "NTUJ LUB CEEB TSHEEJ" & "NTUJ LUB QAUM NTUJ" thiab lo lus tias: "DEJ NTUJ" & "DEJ HIAV TXWV" DEJ TIV TXWV" mas sawv daws yuav xaiv lo tws thiaj yog lo lus tseem lus hmoob thiab hais tau kom sawv daws to tau dua.

Tseem tshuav ntau ntau lo lus, los ntau ntau zaj teev Ntuj uas yog tib los, los yog tib zaj xwb tiam sis hais txawv me ntsis.

Thov kom nej kub siab tshawb nrhiav tiag kom yoog raws tib yam. Ua tsaug.

Tub Kawm
Phooj Ywg
Phooj Ywg

Messages : 404
Date d'inscription : 2011-10-13

Re: LUB KOOM HAUM TSWJ(hmongCatholic thoob ntiaj teb)NYOB QHOV TWG?

Post  Tub Kawm on 31st August 2016, 8:23 pm

Nyob zoo peb hmoob Kav Tos Liv thoob ntiaj teb

vim li cas tau ntev niaj ntau xyoo los zoo li sawv daws pheej tseem nyob li qub xwb. Tsi pom nej sawv daws cov neeg txawj ntse los cov XH, cov TP, cov LTH, cov LT , L P, tuaj saib kuv rab ntawd no li.

peb cov me nyuam nyob teb chaws no tsi muaj kev ywj pheej, tsi nrog luas kawm txawj kawm ntse, tsi paub luas li lus yuav txhais tau Tswv Ntuj cov lus ntawm luas lwm haiv neeg los zoo li cas?
peb tseem niaj hnub saib kev ntsoov hauv internets saib peb cov Koom Haum tswj hmoob Kav Tos Liv thoob ntiaj teb, uas yog cov Koom Haum loj,
saib puas yuav nrhiav tau ib txoj kev yoog ib txoj kab rau peb taug los zoo li nej nyiag nim noj ib yam zaub mov, nyiag nim hais nyiag ib lo lus.

tsi paub yuav thaum twg peb cov me nyuam li tsi yuam kev es txhob ke mus ke thim li niaj hnub no og.

Ab! cas yog tus tsi txawj xav thiab tsi pom deb pom dav ces zoo li lawv nim nyob ntsiag to yam tsi muaj kev nyuaj dab tsi li. tiam sis tus uas txawj xav tom ntej tom qab thiab pom deb pom dav mas nws ceeb laj tos kom nws niam thiab txiv koom ua ib lub siab yuav ib lo lus kawg li.
Vim nws tsi paub qhia nws cov phooj ywg, yuav hais lo lus twg, thiab hais zaj teev Ntuj twg thiaj haum dua.
li ntawd kuj nyuaj nws siab kawg tsi pom qab yuav ua li cas.

Ntawm no yog cov lus hais rau nej cov ua niam ua txiv, yog tias nej pom kuv cov lus no lawm, kuv thov nej coj mus xav thiab kho sai sai mog, es peb cov me nyuam thiaj yuav paub mus kev og nawb.

kuv cov lus Sau toj no kuv twg sau xyoo 2012 twb tau 4 xyoos lawm, tiam sis zoo li tsi muaj leej twg pom li, tsuas yog cov tswv cuab hauv no pom xwb, Xyov kuv yuav tos txog thuam twg?
pab

Yog nej leej twg muaj lub tswv pab, kuv thov nej teb mus tau cov Koom Haum loj, kuv muaj lus ua tsaug.





Ua tsaug ntau rau koj  tuaj saib peb lub Tsev Forum hmong Catholic  no.
Thov Leej Ntuj Plig Ntshiab tuaj tshoj koj lub siab kom koj to taub Tswv Ntuj cov lus.

Mim
Tswv Cuab Hmong Catholique
Tswv Cuab Hmong Catholique

Messages : 1649
Date d'inscription : 2009-10-16

Re: LUB KOOM HAUM TSWJ(hmongCatholic thoob ntiaj teb)NYOB QHOV TWG?

Post  Mim on 1st September 2016, 5:21 pm

Nyob zoo os Tub Kawm,

Thov txim hais tias peb tsis tau pom koj cov lus thiab tsis tau tuaj teb koj.

Raws li kuv paub mas peb tsis muaj ib lub koom haum Hmoob Kas Tos Liv Thoob Ntiaj Teb li. Peb nyob Mes Lis Kas teb, yav tas los lawm, peb muaj ib lub koom haum Hmoob Mes Lis kas uas yog HANCA xwb. Tiam sis tam sis no zoo li tsis muaj HANCA ntxiv lawm, vim nws tsis ua txoj hauj lwm uas thaud peb tau tsa HANCA los ua lawm ces peb cov Xib Hwb Hmoob tau muab tso tseg lawm. Tej zaum lawv mam li tsa ib lub tshiab yav tom ntej.

Nyob Fab Kis teb, tej zaum lawv kuj muaj ib lub hauv paus saib lawv cov nyob tid thiab.

Nyob Thaib teb mas kuv kuj tsis paub lawv puas muaj koom haum Hmoob Kas Tos Lis, tiam sis peb muaj ib tug txiv plig Hmoob, yog TP Tshaj Xwm Hmoob Thoj, thiab peb muaj lub Xov Tooj Cua Zoo Tswv Zov Yaj uas yog TP Nyiaj Pov tau tsa muaj.

Nyob Nplog teb mas kuv xav tias tsis muaj ib lub koom haum Hmoob Kas Tos Liv li, peb muaj ib tug txiv plig Tswv Qhia Hmoob, tiam sis nws twb tsis tau kev tab meeg ua hauj lwm tshaj lub Moo Zoo li, vim cov nom tswv Nplog tseem saib nws nruj heev, nws ntsib kev nyuaj ib yam li nej cov ntseeg nyob Nyab Laj teb thiab.

Tsis paub hais tias peb Hmoob puas yuav tsa tau ib lub koom Hmoob Kas Tos Liv Thoob Ntiaj Teb lub caij no, tej zaum yuav muaj tau yav tom ntej, tiam sis tam sis no kiag, xyov puas yuav tau?

Ntawm kuv xav mas, kuv xav li no: Yog nej tsa tau ib lub koom haum rau nej cov nyob Nyab Laj teb kom nej tau kev sib tham sib sab laj thiab sib txhawb kev ntseeg, peb nyob tim Mes Lis Kas no los peb tsa ib lub, nyob txhua lub teb chaws muaj Hmoob Kas Tos Liv, sawv daws nyias tsa nyias ib lub rau nyias teb chaws, ces cov koom haum teb chaws no mam li yuav tsa ib lub loj rau Hmoob Kas Tos Liv thoob ntiaj teb mas ntshai thiaj li yuav mus taus.

Yav thaum ub TP Nyiaj Pov tseem nyob mas nws zoo li yog peb niam peb txiv, nws ib txwm yog tus coj peb, tus txiav cai rau peb taug. Txij li nws dua lawm ces peb tsis muaj tus ntawd lawm. Peb cov Hmoob thiaj li pib muaj kev sib cais ua ob peb pab, ib co tseem coj li TP Nyiaj Pov qhia, ib co tsis kam yuav li TP Nyiaj Pov qhia, lawv yeem coj li cov Plos Tes Taas coj dua. Peb nyob tim no mas peb cov Hmoob nyias ntse ntse nyias lawm ces sawv daws tsis muaj kev sib haum pes tsawg.

Thov txim qhov no yog kuv hais raws kuv zav tswv yim xav xwb, tej zaum lwm tus yuav tsis hais li no, tiam sis kuv hais raws li kuv pom, vim koj tau nug txog lub koom haum Hmoob Kas Tos Liv thoob ntiaj teb nyob qhov twg? Lo lus kawg ces tsis muaj nyob qhov twg li, tsuas muaj nyob hauv peb lub siab thiab peb lub zeem muag xwb os.


Yaj Suav Nus
Phooj Ywg
Phooj Ywg

Messages : 279
Date d'inscription : 2009-10-23

Re: LUB KOOM HAUM TSWJ(hmongCatholic thoob ntiaj teb)NYOB QHOV TWG?

Post  Yaj Suav Nus on 2nd September 2016, 6:00 am

Nyob zoo Tub Kawm thiab txhua tus phooj ywg,
Kuv thov tham raws li kuv tus kheej xav: Lub Koom Txoos Catholique twb yog peb thawj lub koom haum thoob ntiaj teb lawm, cov Tswv Qhia thiab cov Txiv Plig uas nyob nrog peb kuj yog zoo li ib co tuav cov hauj lwm ntawm lub Koom Txoos Catholique, saib lub Koom Txoos txoj cai. Yog peb xav tsa ces peb kawg tsa tej lub koom haum me pab sab laj txhawb kev ntseeg pab peb tej pawg neeg ntseeg thiab cov hauj lwm ntawm tej pab pawg ntseeg nyob rau qhov ub qhov no xwb.
Lub Koom Txoos twb cia txhua haiv neeg nyias siv nyias cov lus los teev Ntuj. Txhua lub zos ntseeg  los yog txhua lub koom haum ntseeg uas nyob rau qhov ub qhov no yeej yuav tau koom tes nrog tus Txiv Plig los Tswv Qhia uas uas nyob ntawm lawv. Txhua lub zos ntseeg los txhua lub koom haum ntseeg puav leej nyob hauv kev tswj ntawm tus Txiv Plig los Tswv qhia uas nyob ntawm lawv (lub koom haum twg tsis zwm rau Txiv Plig los Tswv qhia mas txhais tau tias ncaim ntawm lub Koom Txoos Catholique lawm).
Lub Koom Txoos Catholiqhue muaj tus txheej txheem teev ntuj zoo tshaj lwm cov koom txoos uas tsis zwm rau lub Koom Txoos Catholique. Txhua pab txhua pawg ntseeg tsim tej zaj nkauj teev ntuj zoo los phim raws tus txheej txheem.

Tham ib los txog Txiv Plig Nyiaj Pov: Txiv Plig Nyiaj Pov tsis tau tsim los tsa ib txoj cai rau hmoob siv, nws tsuas muab lub Koom Txoos Catholique tus txheej txheem los txhais ua lus Hmoob rau Hmoob tau siv xwb, thiab nws cia Hmoob siv Hmoob cov txuj los phim rau kom haum Hmoob siab nyiam, nws tsis tau tso Hmoob ua tej qho uas yog ncaim ntawm lub Koom Txoos Catholique txoj cai thiab tsis haum rau txoj kev ntseeg. Txiv Plig Nyiaj Pov tau tsa ntau lub koom haum kom tau pab tshaj Ntuj Lus los yog kev ntseeg.
Yeej muaj cov uas lawv tsis xav siv raws li Txiv Plig Nyiaj Pov tau txhais, tas sis lawv yeej tseem nyob rau kev saib tswj ntawm lawv tus Txiv Plig los tus Tswv Qhia uas nyob ntawm lawv.

Kuv cov lus tham los xaus li no xwb, yog qhov twg kuv hais tsis yog lawm thiab ho siab nej tug twg lawm los kuv thov nej zam rau kuv thiab txhob ua siab deb es hais rau kuv los tau, kuv yuav zoo siab lees thiab kho ntawm kuv tus kheej. Ua tsaug.
Nyob zoo nej txhua tus.

Y. Suav Nus

Tub Kawm
Phooj Ywg
Phooj Ywg

Messages : 404
Date d'inscription : 2011-10-13

Re: LUB KOOM HAUM TSWJ(hmongCatholic thoob ntiaj teb)NYOB QHOV TWG?

Post  Tub Kawm on 22nd September 2016, 7:23 pm

Nyob zoo Mim thiab Hlob Suav
ua tsaug ntau uas neb tuaj teb kuv
Mim thiab Hlob Suav kuv xav mas tej zaum yog li neb hais , vim tias peb hmoob kav tos liv nyob thoob qab ntuj tseem tsis tau Sig ib lo lus li, nyiag tseem hais raws li nyiag lub hom phiaj xwb, li ntawd kuv thiaj nug txog nej cov uas nyob rau teb chaws ywj pheej uas tau nrog luas kawm ntaub ntawv mus txheej siab, siab sawv daws puas yuav tuaj kho cov lus li kuv hais saum ton ntawd.

Tshwj xeeb tshaj mas yog nej peb lub teb chaws loj uas tuav txoj kev ntseeg ruaj kho xwb li Thaib, Mes Kas, thiab Fab Kis.
Nej yuav tsum nrhiav ib txoj kev tuaj sib cuag teem ib caij kom tau sib ntsib los kho cov lus. Npe teb chaws, npe Leej Nthiab, los lawm lo lus ntau ntau... Kuv tseem pom tias sawv daws tseem tsis tau yoog raws tib yam, kuv thiaj sau cov lus nug saum toj nod.
Thov kom nej kub siab kho sai sai kom txhua tus txhob yuam kev.

Vim peb nyob rau siab ntuj no peb siv nej cov zaj nkauj teev ntuj, los peb cov nkauj teev ntuj ntau heev, li ntawd nyob hauv cov zaj hu nkauj ntawd muaj ntau lo lus tsi paub yuav HLOOV li cas thiaj yuav raug dua. Ib tus kom hais ua no ib tus kom hais ua tod, li ntawd yuav hais li cad? peb zoo li cov me nyuam uas tsi paub yuav mus txoj kev twg.

Ib yam li ob lo lus nug hauv qab no
(Ntuj Ceeb Tsheej, Qaum Ntuj) ob lo lus no yuav lo twg? los sawv daws puav leej yuav tib si.
thiab teem muaj ntau ntau lo lus xws li
(Tswv Yes xus , Huab Tias Yes xus.
Kav Taus Liv, Kav Tos Liv, Kas Tos Liv.
Mais Xes, Maus Xes, Mos Xes.
Ntuj Cov Tshiab, Cog Dab Ntuj, Cog Ntuj Seej.
His Xais, Es Xais. )
thiab tseem tshuav ntau ntau lo lus tiam sis kuv sau li no xwb muaj sij hawm mam tuaj ntxiv.






Ua tsaug ntau rau koj  tuaj saib peb lub Tsev Forum hmong Catholic  no.
Thov Leej Ntuj Plig Ntshiab tuaj tshoj koj lub siab kom koj to taub Tswv Ntuj cov lus.

Sponsored content

Re: LUB KOOM HAUM TSWJ(hmongCatholic thoob ntiaj teb)NYOB QHOV TWG?

Post  Sponsored content Today at 6:22 am

  • Post new topic

Current date/time is 9th December 2016, 6:22 am