Xav nrog tsoom hmoob Kav Tos Liv Thoob ntiaj teb tham

Nyob zoo ib tsoom hmoob ntseeg ntuj uas yog Kav Tos Liv nyob thoob ntiaj teb. Yog tias nej paub nej cov tub tuav dej num hauv nej lub Cheeb Koom Txoos, lub teb chaws, ua yog peb cov hmoob.

Thov nej qhia kuv.
Kuv muaj lus xav ntsib rau peb tsoom hmoob ntseeg ntuj nyob rau txhua txhia lub teb chaws. Kuv xav nrog sawv daws sib tham, sib nug txog ntawm txoj kev ntseeg.
Vim muaj ntau ntau yam kuv xav paub txog, thiab kuv xav kom sawv daws sib kho kom zoo tib yam. Li ntawd kuv thiaj sau rab ntawv no rau daws.

Tshwj xeeb tshaj mas kuv xav paub txog cov tub tuav kev ruaj ntseg ntawm kev ntseeg cob rau txhua lub Koom Haum, los txhua lub teb chaws.
Xws li cov Txiv Plig, cov Leej Phauj, cov Leej Tij, cov Xib Hwb mus rau cov tub tswj hwm ntawm ib lub Koom Haum tib si.

Kuv vam tias nej yuav pab kuv xws li kuv cov lus thov.

Yog tias nej pom kuv rab ntawv no lawm, thov nej muab nej tus E-mail, chaw nyob rau kuv, los yog nej xa E-mail rau kuv hawjtubtuam@gmail.com
Kuv muaj lus ua tsaug ntau rau nej.

Thov kom Tswv ntuj nrog nraim nej nyob ua nej siab kaj lug.

Sib ntsib dua.

Tus sau Txawj Tuam nyob cob tsib teb.

Nyob zoo tsoom hmoob ntseeg ntuj kav tos liv, qhov kuv xav ntsib nej, yog kuv xav kom peb sawv daws yoog ib txoj kab taug ib txoj lw, hai ib lo lus, koom ib lub npe.
Vim peb muaj ntau lo lus tseem tsis sib to taub, tseem tsi nkag siab, nyiag tseem hais raws li nyiag siab nyiam. Kuv xav thov kom peb cov neeg tuav kev ruaj ntseg ntawm txhua lub koom haum hmoob catholic tuaj sib kho cov lus, los cov zaj kom siv tib lo lus, tib lub npe, tib zaj teev ntuj kom tom ntej no tej me tub me nyuam thiaj pom kev lug ua neej xwb. Kuv thiaj sau rab ntawv no rau sawv daws.

Thov txhob xav yuam kev rau ku.

Sib ntsib dua.

Nyob zoo tsoom hmoob Catholic thoob ntuj.
Vim li cas tiag cas tav no peb tseem tsi tau sib kho peb cov zaj teev ntuj los cov lus nyob rau hauv Ntuj Kev Cai li.
Peb yuav yos txog thaum twg tso mam kho.
Qhov tshwj xeeb mas neb peb lub Koom Haum loj xws li Mekas, Fabkis, Thaib, Nej yuav tsum sib kho kom haum cov zaj txhob nyiag ua raws li nyiag sia.

Kuv muab ib zaj los ua piv txwv kom tas nrho cov zaj teev ntuj. Kuv tsi tau hais txog cov Nkauj.
Kuv tsuas hais txog cov zaj teev ntuj  xwb.

PIV XWS LI ZAJ PEB TXIV NYOB SAUM NTUJ PEB YUAV SIV ZAJ TWG TIAG TIAG
3. Zaj  “Peb Txiv”.
Peb Txiv nyob saum ntuj,
Koj lub npe ntshiab nto moo lug.
Koj lub Ceeb Tsheej los txog.
Kom muaj raws li koj nyiam nyob ntiaj teb no li nyob saum ntuj.
Thov koj pub mov txaus peb noj hnub no.
Koj zam txhaum rau peb, zoo li peb zam rau luag.
Koj txhob tso peb raug kev ntxias,
Koj npo peb dim ntawm kev phem. Ua li.

Zaj yog zaj Zoo Tswv zov yaj tso taw.

ZAJ NO YOG TXIV PLIG CV CHIV ZAJ

Peb txiv tus nyob saum ntuj, kom koj lub npe ntshiab nto moo lug, koj kav tuaj kom txog, kom koj siab nyiam li
saum ntuj tshwm sim nyob ntiaj teb. Pub peb mov ziag no rau peb hnub no.
Zam peb nuj nqes rau peb zoo li peb zam rau cov luab peb nuj nqes. Koj txhob tso peb hauv xwv txheej tiam sis
npo peb dim ntawm tus phem. Ua li.


Tseem tshuav ib zaj peb txiv thiab tab sis kuv tsi nco lawm thaum twg nrhiav tau mam tso.

Li ntawd peb yuav siv zaj twg tiag maj?

Thiab rov muab zaj teev saw Mab Liab no  los ua piv txwv saib yuav hais zaj twg.

PIAV COV TXIAJ NTSIM HWM YES XUS YAV YAU

Zaj no yog nyob hauv phau ntawv Teev Saw Mab Liab

Yag Ib:  
Nco txog Ntuj tus Tshiab Nkas Nplias xa xov rau Mab Liab. Mab Liab
zoo siab txais cov lus uas Ntuj tus Tshiab xa tuaj rau nws.
Peb thov Huab Tais Yes Xus pab peb txais Leej Txiv  cov lus zoo li Mab
Liab.

Yag Ob:
Nco txog Mab Liab mus xyuas nws tus phauj Es Lis Xas Npes.
Peb thov Mab Liab kom nws thov Ntuj rau peb, kom peb txawj nyiam
thiab txawj hlub zoo li Mab Liab.

Yag Peb:
Nco txog Yes Xus yug los.
Yes Xus xaiv ib yim neeg pluag los ua nws tsev neeg. Tswv Ntuj cia
nws yug los rau hauv ib lub tsev yug tsiaj, nws pw hauv lub dab zaub
nyuj.
Peb thov Ntuj pab kom peb txawj hlub cov neeg txom nyem, thiab cov
ntsuag nos.

Yag Plaub:
Mab Liab thiab Yos Xes coj tus me nyuam mos Yes Xus mus cev rau
Ntuj hauv lub Tuam Tsev Teev Ntuj.
Peb yuav nco ntsoov ua Tswv Ntuj tsaug thaum nws pub tub ki rau peb.
Peb yuav niaj hnub muab peb cov me nyuam cev rau Tswv Ntuj, kom
Tswv Ntuj foom hmoov zoo rau lawv.

Yag  Tsib:
Mab Liab thiab Yos Xes nrhiav tau Yes Xus nyob hauv lub Tuam Tsev
Teev Ntuj, vim nws leg Leej Txiv tej hauj lwm.
Peb thov Yes Xus pab peb kom peb nrhiav Tswv Ntuj, thiab kom peb kub
siab leg Tswv Ntuj cov hauj lwm.

ZAJ NO YOG NYOB HAUV TXIV PLIV CHIV

1- The Annunciation. Tshiab Nkas Nplias xa xov rau Mab Liab : “Koj txhob poob siab, vim koj ntxim
Tswv Ntuj nyiam” Lus Kas 1,30
Cia Mab Liab qhia peb mloog Tswv Ntuj lus thiab txawj ua xis Tswv Ntuj siab.
2- The Visitation. Mab Liab mus saib Es Lis Xas Npes : “Mab Liab chaws mus hauv Ntxas Kas Lias tsev
xyuas Es Lis Xas Npes” Lus Kas 1,40
Cia Mab Liab qhia peb sib khiav sib saib, sib xyuas…kev phooj ywg
3 The Nativity. Tswv Ntuj Leej Tub tshwm sim los ua neeg : “Kuv tshaj qhia nej kev zoo nej siab, hnub
no tus cawm seej yug los rau nej” Lus Kas 2,10
Cia peb nrog Mab Liab thiab cov zov tsiaj qhia kom peb txawj hwm thiab nyiam Ntuj.
4 The Presentation. Muab tus me nyuam mos txi rau Ntuj : “Nkawd coj tus me nyuam mos mus Yes Lus
Xas Les muab cev rau Huab Tais” Lus Kas 2,22
Peb yoog li Yes Xus, cia Mab Liab, peb Leej Niam muab peb cev rau Tswv Ntuj.
5 Finding in the Temple. “Nkawd mus nrhiav tau Yes Xus hauv Tuam Tsev teev ntuj…Nws hais tia: kuv
yuav tsum nyob hauv kuv txiv tsev” Lus Kas 2,26
Xav kom peb siab kub lug mloog Tswv Ntuj lus txib peb

Ob zaj no yuav hais zaj twg



Kuv tos ntev heev lawm vim li cas ho tsi pom ib tus tuaj teb kuv li.

Puas yog peb tseem tsaug zog los peb tsi tau pom kuv cov lus nyob hau forum hmongcatholiqe no maj?

Yog koj saib tas cov saum toj no lawm caw koj los ntxiv rau qhov no nawb Link
https://hmongcatholique.forumdediscussions.com/t1089-lub-koom-haum-tswjhmongcatholic-thoob-ntiaj-tebnyob-qhov-twg?highlight=Lub+koom+hạum+tswj+hwm+hmoob+kav+tos+liv+nyob+qhov+twg

Nyob zoo Tub Kawm,

Kuv xav hais rau koj tias, hais txog zaj Peb Txiv Nyob Saum Ntuj mas TP Cwj Vuam zaj, nws tsuas yog txhais raws li nws to taub xwb tiam sis nws tus kheej yeej tsis kom peb hais li.  Raws li kuv paub mas zaj uas nyob tim As Mes Lis Kas sd kawm thiab hais mas yog Zoo Tswv Zov Yaj zaj . Thiab peb ib co kuj tseem hais TP Nyiaj Pov zaj qub qub thaum ub thiab os. Hais txog zaj Koj Nyob Zoo Mab Liab los kuj ib yam li ntawd thiab. Kuv mus txog nram Guyane los zoo li lawv yeej hais Zoo Tswv Zov Yaj zaj thiab. Nyob Fab Kis los tej zaum kuj yuav tsis txawv thiab, tais Tooj yog tus yuav paub zoo dua. Vim hais tias Zoo Tswv Zov Yaj zaj twb yog TP NYiaj Pov zaj uas nws nrog cov Hmoob rov muab kho dua tshiab xwb.

Mim kuv xav kom nej sib kho kom haum thiab yuav zaj twg tiag tiag os.

Tej zaum nej nyob teb chaws ko nej tsi siv cov zaj ua lus hmoob ntau tab nej tsi pom xwb.

Raws kuv paub mas lub txoos teev ntuj kiag uas cov leej chọ niaj hnub ua thaj txij ntuj mas lawv cov TP twb tseem ua tsi tau haum li.

Tsi xws li cov cob tsib cov mes kas cov fab kis nawb.
Yog peb tsi cov TP los Leej Phauj L Ti thiab cov neeg thôb tsib tsi liam faj txog tẹ no mas ntshe yuav nyuaj me ntsis rau peb cov ua nyob tọ siab tsi paub ntaub ntawv kawm kev ntseeg lawm lauj.

Vim tam sim no muab hái kiag yog kuv tus kheej kiag los kuv tsi paub yuav kawm zaj twg, thiab qhia zaj twg rau cov me nyuam li.

Caw mus nnias tus Link no saib cov lus kuv sau tau muaj 3 4 xyoo lawm

https://hmongcatholique.forumdediscussions.com/t1089-lub-koom-haum-tswjhmongcatholic-thoob-ntiaj-tebnyob-qhov-twg?highlight=Lub+koom+hạum+tswj+hwm+hmoob+kav+tos+liv+nyob+qhov+twg

Nyob zoo Tub Kawm thiab Mim,

Tub Kawm, koj nyhav siab txog cov zaj teev Ntuj ua lus hmoob kuj yog li koj hais muaj ntau zaj yog tib zaj tab sis ho hais txawv zog. Ntawm zaj Peb Txiv mas peb tsuas siv zaj qub uas TP. Nyiaj Pov lawv txhais tom qab Rooj Ncauj Lus Vas Tis Kaas 2 thiab zaj uas TP. Nyiaj Pov rov kho xyoo 1992 xwb, ob zaj nov yog cov zaj uas nyob hauv Zoo Tswv Zov Yaj. Kuv tsis nco xyoo lawm tab sis ntshe yuav muaj li 7-8 xyoo dhau los no Tswv Qhia Txwj Choo thiab ib cov Leej Choj nrog rau ib cov Xib Hwb hmoob twb tau mus sib tham nyob Lomsak thaib teb txog peb cov zaj teev Ntuj thiab kev teev Ntuj thoob teb kom tag nrho tsoom Hmoob Catholic yuav tsum teev Ntuj zoo ib yam. Zaj koj nyob kaj lug Mab Liab thiab zaj ntseeg los kuj yeej tseem siv ob zaj li zaj Peb Txiv thiab vim ob zaj uas TP. Nyiaj Pov kho tshiab muaj cov laus uas lawv tsis paub ntawv lawv pheej hais tsis tau thiab ho ua chaw kho siab rau lawv rov teev Ntuj li yav thaum ub nyob ua zej ua zos hmoob ua ke ces thiaj pheej tseem siv ob zaj nyob ntawm seb xaiv zaj twg rau hnub ntawd xwb. Tab sis yeej yuav tseg cov zaj qub zuj zus vim muaj lo puav lus txhais tau tsis raug lus hmoob pes tsawg.

Hais txog TP. Cwj Vuam Chiv zaj mas nws txhais ncaj qha ntawm lus Hes Nplaws los, tab sis tsis tau txiav kiag tias tsoom hmoob yuav siv nws cov zaj thiab nws phau Ntawv Ntshiab kuj txhais tau tej qhov tsis sib xws thiab. Vim nws txhais ib los rau ib los li cov ntawv, cov lus Hes Nplaws kiag. Tej zaud nws xav tias nws yuav ua kom cov Ntawv Ntshiab lus Hes Nplaws muaj tsawg los ces kom lus hmoob muaj tsawg lo sib nphaug (vim peb cov me nyuam neeg ces peb saib cov Ntawv Ntshiab yog ib cov zaj lus xwb tab sis cov kws txuj loj, kws Ntawv lawv pom tau tias cov Ntawv Ntshiab yog Tswv Ntuj zais ib cov lus yaj saub rau hauv...lawv suav ib txwm ntawv zuj zus ib tog tuaj mas lawv muab txiav tau ua tej yam tshwm sim los tsis hais yog xwm txheej los yog ib tug tswj teb chaws los yog ib nthwv rog loj ntau yam loj uas tau tshwm sim hauv ntiaj teb no...)

Ntawv Ntshiab los peb tsuas siv phau Ntawv Ntshiab 2002 los yog cov phau qub uas yog TP. Nyiaj Pov ua xwb.

Yam li kuv tau sau rau hauv facebook:

Kuv nyob Fab Kis teb kuv pom tias qhov uas zoo ib yam tsis pub txawv kiag li mas yog zaj Peb Txiv, Koj nyob kaj lug Mab Liab, Huab Tais leej Txiv, leej Tub thiab leej Ntuj Plig, zaj ntseeg, zaj kuv ntseeg, zaj tu siab, zaj kuv lees txhaum thiab zaj nyob pem Ntuj Tswv Ntuj nto moo thiab zaj puav ntxiv xwb. Cov zaj kuv teev los nov yog cov zaj tseem ceeb ntawm lub hauv paus tab sis lawv kuj muaj ntau zaj luv dua los hloov thiab. Zaj uas tsis hloov kiag li mas yog zaj Peb Txiv nkaus xwb thiaj tsis muaj zaj tshiab hloov thaum ua mis xas.
Dua li cov ntawv qhia kev ntseeg kuj muaj ntau phau ntau hom nyob ntawm lub Cheeb Koom Txoos yuav xaiv hom twg xwb tsuav yog qhia tus txheej txheem sib raws xwb. Cov phau ntawv teev Ntuj los nyias lub cheeb Koom Txoos ua raws li nyias xav ua tsuas muaj ib txhia nkauj zoo ib yam xwb tsis yog tag nrho sawv daws siv tib yam nkaus xwb.
Tseem ceeb ntawm cov qhia Ntuj kev cai yuav qhia txoj kev ntseeg lub ntsiab tsis yog tias cov phau ntawv sib txawv ces yuav sib cam koj zaj yog kuv zaj raug. ....

Hais txog cov txiaj ntsim teev Saw Mab Liab mas txawm tias hloov cov lus me ntsis los tsuav lub ntsiab hais tib yam xwb. Vim Fab Kis los yeej ua li ntawd, muaj coob tus kws tsim ntau yam ntau cov lus los hais ntxiv tab sis lub ntsiab yog tib lub xwb.

TP. CwjVuam Chiv cov txawv TP. Nyiaj Pov cov me ntsis vim TP. Cwj Vuam Chiv nws txhais nws cov Ntawv Ntshiab txawv ces nws thiaj hais txawv me ntsis tab sis lub ntsiab twb yog tib yam nkaus yeej hais txog tib qho tsis hloov li.

Nyob zoo Tub Kawm,

Qhov ntau ces yog li tais Tooj hais lawm.
Thiab hais txog cov zaj txiaj ntsim teev Saw Mab Liab mas nyob As Mes Lis Kas no los yeej muaj ntau ntau zaj kawg nkaus li. Cov zaj teev ntuj kiag zoo li zaj Kuv Ntseeg, zaj Peb Txiv, zaj Koj Nyob Kaj Lug, Huab Tais leej txiv HT Leej Tub, Poj Huab Tais, zaj tim Fatima, cov no mas sawv daws thiaj hais ua ke thiab thiaj hais tib co lus xwb, hos cov lus piav txog cov txiaj ntsim mas ib yam li thawj lub txiaj ntsim hais txog Yes Xus yav yau, sd yeej yuav tsum hais txog tus tshiab Nkas Nplias tuaj xa xov rau mab Liab, tiam sis cov lus piav thiab cov lus thov txiaj ntsim los thov kev pab mas yog nyob ntawm saib nyias xav hais li cas xwb, thiab saib nyias xav kom thov ntuj rau leej twg los yog rau dab tsi xwb. Yog vim li ntawd ob zaj uas koj tso rau hauv no, yeej tsis txawv li, tsuas yog cov lus piav txog cov txiaj ntsim thiaj txawv xwb, koj xav xaiv zaj twg los tau.

Ob zaj tso hauv no tsuas yog ua piv txwv txog cov lus piav xwb, nws tsis yog tias kom yuav tsum hais raws nkaus li cov lus no. Tiam sis yog peb siv cov lus hauv no ces yooj yim dua rau peb tsis tau yuav mus xav tswv yim tias yuav pib li cas yuav hais li cas xwb.

Thawj zaj uas yog zaj nyob hau phau ntawv teev Saw Mab Liab mas lawv tsuas piav lus xwb, hos hauv TP Cwj Vuam zaj mas nws piav thiab muab Ntawv Moo Zoo los nyeem nrog thiab. Nyob hauv As Mes Lis Kas los yeej muaj ib yam li ntawd tib si. Ces yog thaum koj hais Saw Mab Liab koj nyiam nyeem Ntawv Moo Zoo nrog ces koj ua raws TP Cwj Vuam zaj los tau. Yog koj xav mus nyeem ib kab Ntawv Moo Zoo kom txawv li TP Cwj Vuam tso rau los yeej tau tib si thiab, tsuav yog hais txog thaum tus tshiab Nkas Nplias tuaj xa lus rau Mab Liab xwb. Koj xav mus nyeem ob kab Ntawv Moo Zoo LK 1: 34-35 no los tau: "Mab Liab hais rau tus tshiab tias: 'Yuav muaj tuaj li cas tau, vim kuv tsis paub ib tug txiv neej li?' Tus tshiab teb nws tias: 'Leej Ntuj Plig Ntshiab yuav los nyob saum koj, Tus Nyob Siab lub hwj huam yuav los ntxoov koj, vim li ntawd tus Ntshiab uas yug los yuav hu ua Tswv Ntuj Leej Tub.'" Koj xav xaiv dua lwm nqe lus uas hais txog tus tshiab tuaj los tau.

Kuv mloog zoo li koj tseem tsis tau to taub zoo txog txoj kev teev Saw Mab Liab, yog li kuv thiaj tuaj piav me ntsis ntxiv rau ntawm no. Yog ho tsis meej qhov twg los rov tuaj nug dua nawb.

Hais txog qhov yuav tsum ua kom xwm yeem nkaus tsis txhob txawv, mas yog cov zaj teev ntuj tseem ceeb thiab cov lus nyob hauv Thaj Txi Ntuj xwb. Yog vim li ntawd raws li kuv paub mas cov xav hais cov zaj teev ntuj tshiab uas kho lawm mas yog cov uas Zoo Tswv Zov Yaj tshaj tawm, hos ib txhia kuj tseem hais cov zaj qub qub thaum ub li kuv tau hais xwb. Hais txog Thaj Txi Ntuj mas qhov ntau yeej tseem yog li TP Nyiaj Pov tau ua tseg xwb.

ZooTswv ZovYaj Hmong cov lus teb:
03/01/2019

Kuv los yeej xam pom li Maiv Tooj Lis hais thiab. Ntawm cov zaj teev Ntuj mas yog yuav kom zoo, ces yeej xav kom peb hais zoo tib yam, es txawm yus tuaj mus koom teev Ntuj txog lub teb chaws twg los sawv daws thiaj hais ua ke tau. Tiam sis, yog hais txog ntawm cov nkauj uas muaj suab paj nruag lawm no ces kav liam, vim feem ntau yog peb yeej txhais los ntawm cov nkauj uas siv raws li nyias lub koom txoos uas nyob hauv lub teb chaws ntawd tsim tuaj ntau xwb, qhov ntawd yeej tsis ua cas. Tiam sis qhov nyuaj yog peb tsis muaj kev sib koom siab txaus, uas yuav nrhiav ib lub sij hawm los mus kho, los yog sib tham kom haum, es thiaj paub tshaj tawm rau peb tsoom hmoob ntseeg ntuj Kav Tos Liv sawv daws kom siv cov zaj nkauj teev Ntuj zoo tib yam xwb. Thaum tuaj mus sib tham lawd, yuav tsum ua raws li feem coob sawv daws pom zoo. Tsis txhob tias nyias khav nyias zaj zoo, nyias zaj thiaj yog. Vim txawm yuav hais cuaj zaj kaum zaj los yeej yog tib lub ntsiab lus xwb. Hos hais txog ntawm cov kab ke lwm yam, xws li kev tshoob kos, los yog thaum muaj ploj muaj tuag, es yuav hais txiv xaiv thiab tsis hais ntawd, xam pom tias, ntshe yuav yog ib qho nyuaj rau peb, uas yuav ua zoo ib yam, vim peb Hmoob tsis muaj ib lub teb chaws uas yog peb tug rau peb kav, ntshe peb yuav tsis muaj lub peev xwm, uas yuav los mus tsa ib txoj cai los tswj tau peb ib tsoom ntsheeg huv tib si. Txawm peb tsa tau los haum rau peb pawg ntseeg hauv peb lub teb chaws, tiam sis ntshe yuav tsis haum rau lwm lub teb chaws. Yog li ntawd qhov zoo tshaj, yog ua ntej thaum nej yuav ua dab tsi nej xub mus nrog nej tus Txiv Plig uas nws saib xyuas nej tham kom zoo zoo, nej piav lub ntsiab hauv tej kab ke kom meej rau Txiv Plig kom nkag siab, kom nws nrog nej sab laj, ces nej mam ua raws li qhov nej xam pom tias tsim nyog ua, thov kom tsis txhob txhaum txoj cai hauv nej lub teb chaws thiab tsis txhaum txoj cai hauv txoj kev ntseeg xwb, ces yeej zoo lawm. Ntawm nej thiab cov kwv tij Hmoob uas coj qub kev cai, mas kuv xav tias nej yeej sib hlub sib pab tau li qub, lawv tuaj koom nej, nej ho mus koom lawv tau kawg. Thov kom nej tsis txhob mus nrog lawv pe los yog hawm lawv tus dab xwb. Lawv tuaj yuav nej tub, nej mus yuav lawv ntxhais los yeej tau tib yam. Hais txog ntawm cov tub mus yuav cov nyab sab nraud los rau hauv yus pawg ntseeg, mas tej zaum nyaj tsis muaj teeb meem dab tsi. Tiam sis cov ntxhais uas ho mus yuav cov sab nraud, uas yog cov coj qub kev cai, mas ntshe yuav nyuaj, vim nyob rau peb haiv Hmoob kev cai thaum koj mus nrog luag ua neej lawm, koj yuav coj koj ib yam ntshe yuav tsis zoo rau tus ntxhais, ces xij peem kawg ua ib siab, yog koj tsis xav ua li luag, ces kawg koj txhob mus yuav luag xwb. Hos thaum mus yuav tau lawm ces kawg ua ib siab, nyob nyob mus yav tom ntej, thaum tej laus ho dua toj tas lawm, koj mam ua tib zoo ntxias koj tus txiv saib puas coj tau nws thiab koj cov niam tub rov los ntseeg dua xwb.