Niam Mab Liab tshwm sim nyob Cob Tsib teb

Nyob zoo tub Txawj Tuam thiab XH.Ntxoov Tsab,

Yam li neb paub lus Cob Tsib, neb pab txhais me ntssi rau peb puas tau?

Puas yog tus dawb dawb ntawd yog kiag Niam Mab Liab tshwm sim tuaj los yog ib tug mlom Mab Liab?
Raws li ntsia mas kuv xav tias tag nrho qhov pom dawb ntawd yog tshwm sim tuaj xwb, vim tias yog ib tug mlom Mab Liab mas nws yuav tssi nyob xu das li no tiom hav zoov puas yog?

Thov neb pab txhais cov lus uas hnov neeg hais ntawd thiab seb puas paub txog keeb kwm ntawm qhov nov. Ua tsaug.

Maiv Tooj wrote:

Niam Mab Liab tshwm nyob Tas Paus, Cob Tsib teb. 19 /1/ 2009

.nyob zoo niam txooj tub ua tsaug ntau uas koj tseem tso rau pom tiam sis cov lug ntawd peb los kuj tsi txawj txhais thiab vim yog zoo li lawv qw qw xwb lawv hais tsom sab laug sab xis thaj chaw .raws li kuv paub hnov me ntsis mas yog thaum xyoo teb chaw cob tsib nyuam qhuav pib tshwm kev ntseeg mas lawv muab cov ntseeg tsim txom ntau heev lawv nyob tsi tau hauv zej zog lawv khiav tawm rau hav zoo .eg niam mab liab tawm rau tom hav zoo rau lawv pom xwb niaj hnub nyis no los tseem muaj tej lub cim tshwm tawm eg lawv muab niam liab tug mlom puab tso rau thaj chaw ntawd xwb tug dawb dawb ntawd tej zaum yog tug mlom tiam sis niam liab yees tawm rau ntawd .raws lis thaum ub mas yog nyob hav no tiam sig nyim no kuj muaj neeg saib xyuas thaj chaw ntawd lawm .kuv lawm piav me ntsis li no xwb .nyobzoo.

Nyob zoo Niam hlob nro rau tsoom phooj ywg sawv daws, vam thiab cia sib tias nej txhua tus yuav txais kev noj qab nyob zoo. Niam hlob koj kom XH Ntxoov Tsab wb pab txhais cov lus ntawd saib puas yog Niam Mab Liab tshwm 19/01/ 2009 tiag no. Tiam si qhov ntawd mas raws li kuv tshawb hauv Internet mas tsi pom hnub 19 li. Tsuas yog pom hnub tim 13/01/2009 xwb, Tiam sis tsi yog Niam Mab liab tshwm tuaj rau hnub ntawd, yog lawv Mus ua ib lub hmoov nco txog Niam Mab Liab nyob Tas paus (Tapao) puv 50 xyoo rau hnub ntawd xwb no. Tia sis kuv los kuj paub lus tsis tas thiab, mas xyov yog hnub ntawd N.M.L tshwm tuaj thiab los tsi tshwm? Li ntaws mas kuj paub tsi tseeb cia thaum twg paub qhov tseeb mas li qhia rau peb paub. Thiab yog nej xav paub keeb kwm yog viam li cas Niam Mab Liab Tapao thiaj tshwm mas thov nej mus rau nia rau ntawm no. http://thanlinh.net/tailieu/MeMaria/TapaoMeChon.hatm http://www.memaria.org/default.aspx?LangID=O&tabId=547&ArticleID=14295 sim saib puas tau, tiam si yog ntawv cob tsib xwb. thov hais rau nej yog nej muab ntxheev tau ua ntawv "Aa kiv"thiab ntawv "Fab kis" ces pab muab txhais rau peb mloog saib yog li cas? Vim tias kuv tsis paub lus cob tsib ntau thiab.li no xwb sib ntsib dua.

Nyob zoo tais Tooj, XH Ntxoov Tsab thiab Txawj Tuam,
Zaj hais txog Ta pao no mas kuv twb pom tsaib no los lawm, tiam sis tsis to taub lawv cov lus ces tsis paub hais tias yog muaj dab tsis tshwm sim tiag. Raws daim video hauv no, mas zoo li yog Niam Mab Liab tus mlom txawj co ua zog rau cov neeg tuaj teev ntuj pom. Tiam sis tsis paub hais tias muaj tseeb los tsis tseeb, vim tsuas pom neeg tso videos xwb, tsis muaj ib lo lus dab tsi tuaj ntawm Tswv Qhia los lub Koom Txoos nyob nyab laj teb tuaj li.

Raws kuv tau nyeem me ntsis txog keeb kwm, mas tus mlom Mab Liab no yog ib tug mlom Niam Mab Liab nyob Fatima uas lawv puab puag xyoo 1959 lawm. Xyoo ntawd lawv puab tau 5 tug mlom zoo li ntawd tso rau hauv teb chaws Nyab laj. Tiam sis thaum ua tsov rog Nyab Laj teb, tsis muaj neeg saib xyuas thiab tu cov mlom li, ces cov mlom puas puas tas lawm. Raws li kuv to taub mas ib tug Tswv Qhia hu ua Paul Nguyên Thanh Hoan, nyob yav Nyab laj qab teb, ze Saigon, yog tus pib thov nyiaj rov kho tus mlom nyob Ta Pao. Lawv pib kho xyoo 1989 los lawm. Txij thaum lawv pib kho tus mlom los, pheej muaj neeg coob coob tuaj xyuas thiab tuaj teev ntuj ncig. Xyoo 2007 lub 5 hlis tim 13, Tswv Qhia thiaj tuaj ua ib thaj txi ntuj nrog 42 tus txiv plig. Ces txij thaum ntawd los zoo li neeg haj yam tuaj coob tas mus li. Cov neeg hais txog muaj hwj huam yees ntxwv ntau yam tshwm sim.

Tus mlom ntawd nyob saum ib lub roob. Muaj ib tug ntaiv muaj 492 qib ntaiv mce mus lawm saum tus mlom. Nram taw ntaiv los puas nram taw roob mas muaj neeg tuaj ua lag ua luam, ua khoom noj nchuav ntws. Kuj muaj tej neeg txom nyem tuaj thov khawv taug tus taw ntaiv thiab no.

Yog li peb tsis paub tias qhov tseeb yog li cas tiag.

Nyob zoo XH.Ntxoob Tsab, tub Txawj Tuam thiab Mim,

Mim,

Ua tsaug uas nws tuaj piav txog Niam Mab Liab tshwm sim nyob Tas Paus Meej dua ntxiv. Yog kawg, tej zaud Koom Txoos tseem tsis tau lees paub thiaj li tsis pom cov Tswv Qhia hais dab tsi.

Txawj Tuam,

Nws saib daim nov yuav hnov lawv hu nkauj cav txog Niam Mab Liab.
Kuv tssi paub lus Cob Tsib tab sis kuv pom tias muaj suab quaj qw ntsoog qees, zoo li yog quaj rau kev zoo siab, quaj rau kev tu siab, quaj rau Tswv Ntuj lub Txiaj Ntsim kev HLUB, quaj rau Niam Mab Liab txoj kev KHUV LEEJ. Daim kuv xub tso saud pom tias Niam Mab Liab ciaj sia, nws tig cev thiab nws ntxuaj nws daim thav ntxwv, yam li nws nthuav tes roos lub teb chaws Cob Tsib. Daim ntawm no yog pom Niam Mab Liab hloov tsos, zoo li muaj ib lub teeb cig lam hauv nruab nrog tuaj. Puas yog lub teb chaws tssi pub txhos caug los yog li cas, raws li lwm qhov chaw mas thaum muaj tej yam zoo li nov tshwm sim, cov neeg YEEJ TXHOS CAUG TAG NRHO LI. Kuv pom lawv tsa suab hlo quaj tab sis tsis pom leej twg txhos caug li.