Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


    Niam Mab Liab tshwm sim tuaj nyob La Salette

    Share
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1939
    Date d'inscription : 2009-10-16

    Niam Mab Liab tshwm sim tuaj nyob La Salette

    Post  Mim on 19th September 2010, 4:33 pm

    Xyoo 1846 tim 19 lub 9 hlis ntuj, Niam Mab Liab tshwm sim rau ib tug ntxhais zov tsiaj muaj 15 xyoos hu ua Mélanie Calvat, thiab ib tug tub zov tsiaj muaj 11 xyoos hu ua Maximin Giraud pom. Niam Mab Liab tshwm sim tuaj rau nkawd pom nyob puag saum cov roob Alps, Fab Kis teb. Ntsia hauv video mas zoo li yog ib qho chaw zoo nkauj zoo saib kawg li...

    Hnub ntawd thaum sawv ntxov, nkawd ib leeg lawv plaub tug maum nyuj nce mus noj zaub saum roob. Niaj hnub nkawd kuj tsis ua li ntawd, tiam sis hnub ntawd nkawd txawm mus pw da hauv cov nyom nram kwj ha, ces nkawd cia li tsaug zog lawm. Tsis paub tias xyov bkawd pw tsaug hov ntev li, tiam sis Melanie txawm tsim dheev los, ces nws sawv tsees los diaj Maximin tias:
    "Memin, memin, Tsuag tsuag sawv! Wb mus nrhiav wb cov nyuj, tsis pom tas lawm."
    Ces nkawd thiaj nce lawm saum ntav toj, mus nuam ntsia pom nkawd cov maum nyuj tseem noj noj zaub thaj tsam chaw uas nkawd coj tuaj tso rau. Nkawd thiaj tso siab thiab nkawd pib nqes rov lawm nram kwj ha. Txog ib nrab ke, Melanie cia li nres ntawd, vim nws ntshai. Nws hais rau Maximin tias:
    "Koj sim ntsia lub ci ci nrad saib."

    Nram qhov chaw uas puas ta nkawd pw da, muaj ib lub kheej kheej ci ci "zoo nkaus lub hnub poob rau nrad lawm." Qhov ci ci ntawd txawm kiv kiv thiab txawj loj zuj zus, txawj qhib zuj zus, ces nkawd txawm pom ib tug poj niam zaum hauv qhov ci ci ntawd, nws muab ob txhais tes pos taub hau, ob lub luj tshib tiag ntawm hauv caug, nyob zoo nkaus li ib tug neeg nyuaj nyuaj siab. Nkawd txawm cia li nyob hab nuv ntsia ntsoov tus poj niam. Tus poj niam thiaj li sawv los. Nws hais rau nkawd tias:
    "Ob tug ne nyuad, txav los ze ntawm no. Neb txhob ntshai os, kuv coj ib lub xov zoo tuaj hais rau neb xwb..." (Mam li tuaj piav btxiv)

    Cov videos hauv qab no piav txog La Salette.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5325
    Date d'inscription : 2009-08-18

    Re: Niam Mab Liab tshwm sim tuaj nyob La Salette

    Post  Maiv Tooj on 20th September 2010, 5:49 am



    Nyob zoo Mim,

    Ua tsaug uas koj piav txog Niam Mab Liab tshwm sim nyob La Salette rau peb, yog ib qho zoo kawg.

    Notre Dame de la Salette nyob tsis deb ntawm peb nyob. Nws nyob saum roob siab, tsis muaj zos li. Lub caij no no, qhov ntau lawv kaw txoj kev mus, vim ke me thiab muaj te los daus khov ces nplua heev...Yog ib qho chaw zoo thiab loj heev, txawm tssi muaj zos los kuj muaj neeg Siab dawb tuaj yeem ua hauj lwm tab cov neegg uas tuaj sau siab. Muaj neeg tuaj ntau lub teb chaws tuaj tas mus li. Muaj 3 kem tsev noj mov, ntim taus thaj tsam 1200 leej. Niaj hmo mas thaum noj hmo, mas lawv tshaj tawm hauv cov kem tsev tias muaj neeg teb chaws twg thiab teb chaws twg nyob rau hauv...Lawv txais tos neeg zoo heev, kuj tsis kim thiab. Muaj 3 tug nqe, nyob ntawm seb yus xaiv tus twg xwb...Xyoo 2007, peb muaj plaub niam txiv mus Sau Siab ua ke nram Notre Dame de la salette, peb xaiv cov nqe nrab, ib hnub ib hmos nrog noj mov ob pluag thiab haus kas fas sawv ntxov yog 18€/ib tug. Peb pw cov txaj ob leeg thiab muaj tsev plob nyob ua ke.
    Hnub tim 8 lub 12 hlis, yog hnub tsa Niam Mab Liab yug los Dawb Huv, mas neeg tuaj coob heev ntau qhov chaw tuaj. Ib yam li hnub Tim 15 lub 8 hli los tib yam thiab.
    Thaum peb mus, peb tsis xaiv hnub Tim 15/8/ vim tsis tau chaw li, ces peb mus tom qab zog, kuv tseem muaj neeg coob heev thiab. Ib hnub no muaj 2 thaj Mis xas thiab teev Saw Mab Liab ib zaug, Vêpre ib zaug. Txhua hmo thaum tsaus ntuj muaj Taws Tsau teev Ntuj, peb kuj taug kev hauv tsev teev Ntuj tawm mus ncig pem roob rov los ntawm qhov chaw Niam Mab Liab tshwm sim rau Maximin thiab Mélanie nkawd pom...(Veillée des flambeaux. Mas zoo nkauj heev thiab teev Ntuj zoo kawg li...

    TP. Neej Vaj rov los nyob Lyon lawm ces peb yuav coj nws mus xyuas thiab. Vim nws tseem tsis tau pom dua Notre Dame de la Salette.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5325
    Date d'inscription : 2009-08-18

    Re: Niam Mab Liab tshwm sim tuaj nyob La Salette

    Post  Maiv Tooj on 20th September 2010, 6:08 am

    1-


    2-


    3-


    4-


    5-


    6-



    Siab heev, peb nyob txheej huab sab saud lawm.
    Lub Tuam Tsev Teev Ntuj nov lawv txhim saum lub roob siab 1600m.

    7-


    8-







    avatar
    NrhiavTswvNtuj
    Hmong Catholique
    Hmong Catholique

    Messages : 651
    Date d'inscription : 2009-08-18

    Re: Niam Mab Liab tshwm sim tuaj nyob La Salette

    Post  NrhiavTswvNtuj on 20th September 2010, 8:27 am


    1-

    2-

    3-

    4-

    5-

    6-

    7-

    8-

    9-





    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1939
    Date d'inscription : 2009-10-16

    Re: Niam Mab Liab tshwm sim tuaj nyob La Salette

    Post  Mim on 23rd September 2010, 3:10 pm

    Tais Tooj thiab Nrhiav Tswv Ntuj,

    Ua tsaug rau neb cov duab hais txog nej mus retraite nyob La Salette os... Zoo saib kawg li os yod...Kuv zoo siab hais tias nej twb mus saib lawm thiab nej twb paub txog zaj no zoo heev lawm. Tsuas yog thov kom sawv daws mob siab mloog Niam Mab Liab tej lus es tig los nrhiav Tswv Ntuj thiab nyiam HT Yes Xus kom zoo tshaj qub xwb...

    Sponsored content

    Re: Niam Mab Liab tshwm sim tuaj nyob La Salette

    Post  Sponsored content


      Current date/time is 19th September 2017, 10:18 pm