Peb tug tub Hwj chim zoo tam tub nom tub tswv taug kev txav los ze kuv ( Maria Valtorta )

**Maiv Paj Lug** 12th March 2011, 11:28 am

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°1

Peb tug tub Hwj chim zoo tam tub nom tub tswv taug kev txav los ze kuv ( Maria Valtorta )

Post Maiv Paj Lug 12th March 2011, 11:28 am

( Maria Valtorta Extrait hauv phau ntawv Centro Editoriale Valtortiano 1945-1950)

Peb tug tub Hwj chim zoo tam tub nom tub tswv taug kev txav los ze kuv ( Maria Valtorta ) Archan11

Peb tug tub Hwj chim zoo tam tub nom tub tswv taug kev txav los ze kuv.

Hnub tim 21 lub 12 hli ntuj 1945, Yesxus pub Maria Valtorta pom peb tug tub txib Ntuj Tshiab nyob saum ntuj :

Oh, kuv Txiv! koj puas pom tias kuv caum tsis cuag koj thaum kuv txais lub cim yug ntshiab; vim kuv tseem nyob rau lwm qhov, kuv tab tom saib puag saum ntuj, kuv hnov ib lub suab hu nkauj nroo ntws tuaj yam kuv tsis tau hnov dua hauv ntiaj teb, tsis muaj dab tsi zoo cuag lub suab nkauj saud tuaj, ua rau kuv tsis nco txog koj lub cev nyob hauv lub cim yug, ua rau kuv ncaim koj thaum ntawv kuv thiaj tsis teb koj...

Thooj txhij kuv hais li ntawd , kuv pom lub ntuj qhib kuv qhov muag, kuv pom ib lub vaj paj ci ntsa iab, nplooj ntsuab laim txias qhov txhia chaw, lub vaj paj no zoo nkauj ci cuag xob laim, nws nyob siab tshaj lub ntuj ntsuab nyob ntiaj teb kuv pom, txawm kuv nyob ib leeg xwb los hauv lub vaj paj no pom kev ci ntsa iab ua rau kuv siab kaj, ua rau kuv cheem tsis tau kuv tus kheej qhuas thaj chaw ntsa iab cuag xob laim, ntshiab cuag dej, ci cuag nyiaj thiab kub.

Saum toj sab hnub tuaj, pom peb tug tub hluas hnav tsoos tsho nci ntsa , lawv tus yam ntxwv zoo cuag huab tais cov tub muaj koob nto npe taug kev txav tuaj ze ntawm kuv zuj zus, yeej pom zoo li peb neeg ntiaj teb, tiam sis lawv maj mam mus kev zoo li lawv rhais ruam sib sib.

Lawv pom kuv ,lawv txav los ntawm kuv, lawv luag ntxhi, lawv luag sib qhia tias kuv pom lawv, Lawv ib leeg saib ib leeg luag ntxhi maj mam txav los ze kuv. Kuv pom lawv cov qhov muag ua zog, ib tug saib ib tug mas zoo nkauj tag nrho.

Tawj tug kuv pom, nws ob lub ntsiab muag xiav xiav laim txias li diamon.
Tus thib ob, nws ob lub ntsiab muag ci ci ntshiab ntshiab thiab xim dub dub
Tus thib peb, nws ob lub ntshiab muag xim kas fes ci cuag li kub daj.

Lawv txav los ti kuv, lawv peb kwv tij sib puag duav sawv ntawm kuv hauv ntej luag ntxhi, lawv hais rau kluv tias lawv yog Tswv Ntuj peb tug tub Ntuj Tshiab txheej ib ( Archanges) lawv hu li Gabriel,Michel thiab Raphaël. Lawv peb leeg yog tub hluas tib yam zoo nraug ntxiag, lawv zoo li hnub nyug muaj 20 xyoo, tiam sis kuj hais tau tias lawv muaj li ntawm 18 mus rau 30 xyoo.

Tus tub hluas tshaj ntawm lawv peb leeg yog Raphaël, ho pom ib tug zoo li hnub nyug laus zog li ntawm 30 xyoo, ntshe yuav yog Michel, thiab nws kev zoo nraug txaus qhuas heev.

_ Gabriel

Peb tug tub Hwj chim zoo tam tub nom tub tswv taug kev txav los ze kuv ( Maria Valtorta ) Superb10

Yog tus sawv sab xis, nws muaj thaj tsam 20 rau 25 xyoos, siab ntshuas, lub cev yiag, nws lub ntsej muag ntshiab , nws lub txiaj ntsim qaum ntuj ntxim nyiam, nws cov plaub hau daj ntshiab li kub, plaub hau caws ntswj zoo nkauj tig lees ntev los txog ntawm nws xwb pwg, muaj ib lub voj kub ci ncig nws cov plaub hau cuag hluav taws nyiaj hluav taws kub. Nws hnav ib lub tsho tshaj sab ci ntsa, uas yog ua nrog hlua nyiaj hlua kub dai hlaws laim txias li cov kuv pom nyob ntawm cov neeg ntshiab ntev sua yeev npog nws ko taw.

_Michel

Peb tug tub Hwj chim zoo tam tub nom tub tswv taug kev txav los ze kuv ( Maria Valtorta ) Archan10

Yog tus nyob nruab nrab, siab ntsuas li nws tus phoojywg tiam sis nws qhov zoo nraug mas zoo tau tob tshaj plaws thiab txaus ntshai, vim nws kev zoo nraug muaj hwj chim. Nws cov plaub hau luv zog tiam sis caws tshaj tus phoojywg kuv piav ua ntej. Nws lub cev kheej lam, hnav tsoos tsho émeraude , ntawm duav khi ib txoj hlab kub, ntawm nws hauv siab muaj ib lub khib kub dai nrog ib txoj saw kub laim txias cuag hluav taws xob. Nws saib yus mas nws ob lub qhov muag muaj hwj chim kawg nkaus, zoo li nws ob lub ntsiab muag txawj tawm hluav taws xob laim txias hauv nws ntsiab muag, kuv tsis ntshai ,kuv paub tias nws tsis npau rau kuv, yog nws ntsiab muag muaj hwj chim heev dhau , ua rau yus pom nws lub zog tob txaus nsthai , tiam sis nws nyiam kuv heev. Nws ob lub ntsiab muag txaus nsthai tshaj plaws thiab nyuaj kawg nkaus rau cov neeg txhaum thiab dab ntxwj nyoog saib. Michel ob lub ntsiab muag yeej txaus nsthai cuag li nws rab ntaj.

_Raphael

Peb tug tub Hwj chim zoo tam tub nom tub tswv taug kev txav los ze kuv ( Maria Valtorta ) L-arch10

Nws yog tus thib peb ntawm lawv peb leeg nyob saub laug, nws hnav ib lub tsho tshaj sab dai nyiaj dai kub ntev loo npog nws txhais taw, pom nws cev khauv ncaws ntsha iab, nws plaub hau kuj daj li Gabriel cov tiam sis pom zoo li nws cov plaub hau ci ci li kub dai saum nws taub hau thoob nws cov plaub hau, nws yog tus hluas tshaj ntawm lawv peb leeg. Nws ob lub ntsiab muag ho tsis txaus nsthai npaum li Michel, tiam sis nws ob lub ntsiab muag txhais ntau yam kev mos tuaj qhwv yus, nws di ncauj luag tau khws peb neeg ntiaj teb, nws tsis muaj qhov hwj chim rau yus nsthai li Michel, tiam sis nws luag ntxhi ua rau yus zoo siab tso siab, yus xav muab yus txhais tes mus tuav nws txhais es hais rau nws tias, koj coj kuv kev, vim kuv tso siab rau koj.

GABRIEL hu nkauj, nws lub suab nqa kuv, vim nws lub harpe spituelle , txhua yam suab paj nruas nws ntau nqa tau yus yam yaj ntshis; nws hu zaj << Koj nyob kaj lug Mab Liab>> thiab tau nws hu zaj nkauj ntawv, nws muab nws ob txhais tes los ua kev rau ntawm hauv siab, nws khoov tob hau hawm, nws tsa taub hau ces nws luag ntxhi rau kuv. Kuv paub tias nws ua li ntawv yog hawm qhia kuv tias nws yog tus xa xov tseeb rau nkauj tsim txiaj mab liab.

MICHEL tuav nws lub kib ntawm hauv siab, nws tuav nrog nws ob tug ntiv tes rau kuv saib, nws ib nyuag tsa kom kuv pom tseeb, thiab nws hais lus rau kuv , nws lub suab nrhov nroo ntws cuag li hlau tooj liab, nws hais tias [/b]<< Tus twg nrog Tswv Tswv Ntuj, nws muaj peev xwm ua tau txhua yam, thiab ntxwj nyoog yuav ua tsis tau rau tus nrog Tswv Ntuj. Leej twg zoo tau li Tswv Ntuj ?[/b] nws lub suab nthe kiag lo lus ntawv ua rau thaj tsam chaw ib ncig ua zog koog tshee cuag toj roob hauv pes yuav nphau. Nws tso nws lub kib ces nws txhos caum hawm Tswv Ntuj (kuv tsis pom tab sis kuv paub tias Tswv Ntuj nyob tsis deb, tej zaum nyob saum kuv ,los sis nyob nram qab kuv ) Michel saib ib muag ces nws hawm kiag.

RAPHAEL qhib npab tuaj rau kuv zoo li nws yuav txais kuv hnia, thiab nws lub ntsej muag saib ntsoov qhuas Tswv Ntuj rau kuv pom. Nws lub suab kub hais rau kuv tias : << Kev kaj siab nyob nrog nraim koj>> Muaj ib qho ci ntsa zoo li ib lub hnub qu dai ntawm nws cov plaub hau, nws zoo li tus tshiab ua kuv twb pom hauv kuv ob zaj looj tsim, nws ci ntsa ua rau yus siab kaj lug.

Lawv txais tos kuv tas, lawv nthuav lawv cov tis zoo nkauj heev,dai hlaws tab seeb ci lam lug, tawm hluav taws xob, ces lawv sawv daws hu ib co nkauj qaum ntuj uas kuv tsis paub lub ntsiab tab sis kuv paub tias nws cav txog Tswv Ntuj, lawv thaj ya siab zuj zus ncaim kuv thaum ntawv. Kuv nyob ib leej, kuv rov maj mam nqis los rau hauv ntiaj teb, nyob hauv kuv lub txaj pw ua kuv muaj mob, kuv pom tau tias kuv zoo siab dhau, kuv twb hais tsis tau ib lu los rau cov Ntuj Tshiab ntawv, tsuas yog kuv tus ntsuj plig thiaj qhia tau rau lawv tias kuv hwm lawv npaum cas.