Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 12:18 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Piav txog lub Koom Txoos rau cov me nyuam yaus

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Piav txog lub Koom Txoos rau cov me nyuam yaus

    Post  Mim on 4th September 2010, 2:24 pm

    Kuv lam muab zaj no tso rau ntawm no. Yog ib zag qhia txog lub Koom Txoos rau cov me nyuam yaus. Tej zaum kuj yuav pab me me rau cov laus thiab.

    JESUS GATHERS A FAMILY: THE CHURCH
    YES XUS SAU SAWV DAWS LOS UA IB TSEV NEEG: LUB KOOM TXOOS




    Jesus came to bring God’s love into our world.
    Yes Xus yug los kom tau qhia Tswv Ntuj txoj kev hlub rau ntiaj teb neeg.


    He came to build a Church of love.
    Nws tuaj tsa ib lub Koom Txoos (ib pawg ntseeg) uas muaj txoj kev sib nyiam sib hlub.


    He chose twelve men to begin his Church. He asked them to leave their fishing nets and their businesses.
    Nws xaiv kaum ob leeg txiv neej kom lawv chiv nws lub Koom Txoos. Nws hu kom lawv tso lawv txoj hauj lwm puav ntses tseg.



    These twelve were the Apostles. They left all that they had to follow Jesus.
    Pab no yog pab kaum ob leeg Hauv Paus Xa Lus. Lawv tau tso tas puas tsav yam tseg mus caum Yes Xus.


    Jesus told them stories about God.
    Yes Xus siv tej zaj piav los qhia txog Tswv Ntuj rau lawv.


    He taught them how to pray.
    Nws qhia lawv tias yuav teev Ntuj li cas.


    He showed them how to cure the sick with the healing touch and the power of God’s love.
    Yes Xus qhia lawv siv Tswv Ntuj lub hwj huam thiab txoj kev hlub neeg los kho cov neeg mob.


    Jesus was building his Church. The twelve Apostles were his foundation.
    He said to Peter, “You are rock and on this rock I will build my Church.”
    The Church Jesus built was not made of wood or stone or brick. The people were the Church.
    Yes xus tau tsa nws lub Koom Txoos. Kaum ob leeg thwj tim yog cov ncej txheem lub Koom Txoos.
    Yes Xus hais rau Pob Zeb tias: “Koj yog Pob Zeb, kuv yuav tsa kuv lub Koom Txoos rau saum lub pob zeb no.”
    Lub Koom Txoos tsis yog ib lub tsev uas xuas ntoo los pob zeb los thwj cib ua. Lub Koom Txoos yog tas ib tsoom neeg ntseeg.



    At the Last Supper, Jesus shared a meal with his Apostles and washed their feet.
    He told them to serve others as he served them.
    Thaum Yes Xus noj nws pluas hmo kawg nrog nws cov thwj tim, nws ntxuav lawv ko taw.
    Nws hais rau lawv tias kom lawv yuav tsum ib leeg tsob hwb ib leeg ib yam li nws tsob hwb lawv.



    Jesus broke the bread and shared the wine. “This is my body,” Jesus said, “this is my blood.
    Do this in memory of me.”
    Yes Xus muab lub ncuav mov dam faib rau lawv thiab muab lub ntim cawv rau lawv haus, nws hais tias:
    “Qhov no yog kuv lub cev, qhov no yog kuv cov ntshav. Nej yuav ua li no nco txog kuv.”



    Now, Jesus is with us, his people, every time the priest celebrates mass and repeats Jesus’ words
    at the Last Supper.
    Niaj hnub no, niaj zaus thaum txiv plig ua thaj txi ntuj thiab hais Yes Xus cov lus uas nws hais thaum nws noj pluas hmo kawg, nws los nrog peb nyob.


    Jesus suffered and died on the cross to show us his love.
    Yes Xus tau raug txom nyem thiab tuag dai saum Ntoo Cuam vim xav qhia tias nws hlub peb.


    He rose from the dead and returned to heaven.
    Yes Xus sawv hauv cov tub tuag rov los, thiab nws nce mus saum ntuj lawm.



    The Holy Spirit came to help the Apostles spread God’s love.
    The Church Jesus built is called the Body of Christ. People heard the words of the apostles and other teachers and followed Jesus. Soon the Church spread to every nation.
    Leej Tswv Yim Ntshiab nqes los pab cov Hauv Paus Xa Lus tshaj Tswv Ntuj txoj kev hlub rau sawv daws.
    Lub Koom Txoos Yes Xus tau tsim hu ua Yes Xus lub Cev. Thaud cov neeg uas hnov cov Hauv Paus Xa Lus cov lus qhia, lawv los ntseeg yes Xus,(lawv los tsa Yes Xus lub Koom Txoos). Ces tsis ntev txawm muaj cov neeg ntseeg Yes Xus nyob ntau lub teb chaws lawm.



    Today, people all over the world belong to the Church that Jesus built. The Body of Christ is also called the Catholic Church.
    Niaj hnub no, muaj cov neeg ntseeg Yes Xus nyob thoob ntiaj teb.
    Yes Xus lub Cev hu ua lub Koom Txoos Kas Tos Liv.



    The Pope is the head of the Catholic Church. Peter was the first Pope.
    Vaj Qhia yog tus thawj coj nyob hauv lub Koom Txoos Kas Tos Liv. Pob Zeb yog thawj tus vaj qhia.



    The Pope lives in Rome, Italy, where there is a big church called St Peter Basilica.
    Vaj Qhia nyob hauv lub nroog Los Mas, Is Tas Lis teb.
    Nws nyob hauv lub tuam tsev teev ntuj loj hu ua St Peter Basilica.



    The current Pope is Benedict XVI.
    Tus Vaj Qhia tam sis no hu ua Benedict XVI.


    The cardinals bishops help the Pope make important decisions for the whole Catholic Church.
    Cov Tswv Qhia Liab yog cov pab Vaj Qhia txiav txim txog tej yam tseem ceeb nyob hauv lub Koom Txoos rau sawv daws coj.


    The bishops - Cov tswv qhia saib xyuas tej cheeb tsam hais txog fab kev ntseeg.


    The priests – Cov leej choj (txiv plig) yog cov tub tshaj Ntuj Lus pab tsoom neeg ntseeg.



    The deacons – Cov Tub tsob hwb yog cov uas pab cov txiv plig qhuab qhia thiab pab cov neeg ntseeg.


    The catechists – Cov xib hwb qhia kev ntseeg yog tej tus poj niam los txiv neej uas tau mus kawm me ntsis txog kev qhia kev ntseeg, ces lawv los ua txoj hauj lwm pab txiv plig qhia kev ntseeg rau cov me nyuam thiab cov laus hauv lawv pawg ntseeg.

    The volunteers – yog cov tuaj yeem siv lawv lub sij hawm dawb dawb los pab cov xib hwb qhia kev ntseeg rau cov me nyuam yaus thiab cov laus.


    The people – tsoom neeg ntseeg yog tas txhua leej txhua tus uas nyob hauv lub Koom Txoos.
    (Vaj Qhia, cov tswv qhia thiab cov leej choj, nrog ib tsoom neeg ntseeg, cov laus cov hluas tib si yog Yes Xuv lub Koom Txoos; lawv yog Yes Xus lub Cev).



    God is the Father and creator of our Church family.
    Jesus is our brother who comes to us in Communion.
    The Holy Spirit fills us with love for one another.
    Tswv Ntuj yog leej Txiv thiab yog tus tswv tsim peb sawv daws.
    Yes Xus yog peb tus tij laug uas tuaj nyob hauv peb thaum peb mus noj nws lub Cev haus nws cov Ntshav.
    Leej Ntuj Plig Ntshiab tuaj muab nws txoj kev sib nyiam sib hlub rau hauv peb nruab siab kom peb txawj sib nyiam sib hlub.



    When you are baptized,you too, belong to the Church that Jesus built. You are a member of the Body of Christ. You are God’s family.
    You work together with other members. You worship together with other members. You love one another as Jesus loved you.
    Thaum koj ntxuav plig lawm, koj kuj yog ib tug neeg nyob hauv lub Koom Txoos uas Yes Xus tau tsa. Koj yog ib txhais tes ib txhais taw nyob hauv Yes Xus lub Cev. Koj yog Tswv Ntuj tsev neeg. Koj nrog lwm cov neeg ua hauj lwm ua ke. Koj nrog lwm cov neeg koom teev ntuj ua ke. Koj nrog lwm cov neeg muaj kev sib nyiam sib hlub xws li Yes Xus tau nyiam tau hlub koj.


    The promise Jesus made continues: “I will be with you always.”
    Niaj hnub no Yes Xus tseem cog lus rau peb ib yam li thaud nws tau hais tseg tias: “Kuv yuav nrog nej nyob mus li.”




    Last edited by Mim on 4th October 2010, 1:57 pm; edited 2 times in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Piav txog lub Koom Txoos rau cov me nyuam yaus

    Post  Maiv Tooj on 5th September 2010, 8:52 am



    Nyob zoo Mim,

    Ua koj tsaug mog, koj ua tau zoo heev. Nov yeej yog qhia Kev Ntseeg rau me nyuam yaus, tab sis rau cov laus los yeej yog ib qho zoo heev kom yus rov nco txoj tej yam uas yooj yim heev tab sis tsis nco qab lawm. Tej thaum mas ua tej yam yooj yooj yim li koj ua nov tseem qhia tau neeg zoo dua uas sau ntawv ntau ntau. Vim sau ntau ces yus nyeem tag tsis nco qab tag lawm. Zoo heev koj muaj tswv yim zoo. Ua tsaug nawb mog.




    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Piav txog lub Koom Txoos rau cov me nyuam yaus

    Post  Tub Kawm on 2nd November 2011, 3:22 am

    Nyob zoo Mim thiab hlob, zaj lus no zoo qhia cov neeg ntseeg kom to taub Tswv Ntuj lub Koom Txoos kawg li og, thov ua tsaug og Mim. koj tseem siv koj lub sij hawm los txhais zaj no rau peb tau kawm thiab og nawb. Yeej yog li koj zaj lus no hais lawd, " Hu ua LUB KOOM TXOOS no mas yog tas nrho peb txhua txhia tus neeg ntseeg Ntuj thoob plawg lub ntiaj teb no uas zwm rau Vaj Qhia ntawd tib sib koom thiaj li hu li ntawd, vim tias sawv daws yuav ib txoj kev taug ib txoj kab, txawm tias koj yuab nyob rau ib rab ntuj, kuv yuav nyob ib rab teb, thiab koj yuav hais koj ib xeem lus, kuv yuav hais kuv ib xeem lus los, hnub no peb nyeem tib qib ntawv Ntshiab, ua tib lub Txoos Teev Ntuj, koom tib lo lus thov Tswv Ntuj xwb" li ntawd mas thiaj li hais tau hais tias: "LUB KOOM TXOOS KAV TOS LIV YOG HUA TAIS YES XUS LUB CEV" yog li peb txhua txhia tus neeg ntseeg yog xav to taub HT Yes Xus Lub Kom Txoos tiag mas yuav rau siab nrhiav tiag thiaj li yuav to taub. Ntawm no, kuv thov nug me ntsis tias: muaj cov ntawv "Aa kiv" nyob keeb ua ke, es yog tsis tau txhais ua lus hmoob los yog nej twb txhais tas ua lus hmoob lawm? Thiab kuv thov nug tias nej puas tau muab lub Koom Txoos liv xwm txhais ua lus hmoob og? Vim kuv xav paub txog peb txoj kev ntseeg yog vim li cas thiaj li sib ncaim ua ob peb pab 2 3 pawg lawd, thiaj li tsi zwm rau Vaj Qhia lawm? Yog nej muaj no muab coj tuaj tso rau peb tau nyeem og nawb. Kom xwv leej twg tuaj nyeem tau thiaj li yuav to taub "Lub Koom Txoos" liv xwm og. Li no xw, mam sib ntsib dua.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Piav txog lub Koom Txoos rau cov me nyuam yaus

    Post  Mim on 2nd November 2011, 5:13 am

    Nyob zoo Txawj Tuam,

    Nyob hauv zaj saud, muaj cov lus Aas Kiv thiab muaj lus Hmoob. Cov lus Hmoob yog txhais ntawm cov lus Aas Kiv los xwb os.

    Yog koj xav paub txog Koom Txoos Liv Xwm mas kuv paub tias thaum ub TP Nyiaj Pov yeej tau muab sau cia ua lus Hmoob rau cov xib hwb kawm lawm. Tiam sis xyov puas muaj neeg khaws tau tej ntaub ntawv ntawd li. Cia kuv mam li nrhiav tuaj txhais tso rau hauv no thiab los tau kawg os. Yog ib qho tseem ceeb uas peb tsis tau ua xwb. Ua tsaug uas koj tuaj hais txog kom peb mob siab txog qhov ntawd.

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Piav txog lub Koom Txoos rau cov me nyuam yaus

    Post  Yaj Suav Nus on 4th November 2011, 2:18 pm

    Mim wrote:Nyob zoo Txawj Tuam,

    Nyob hauv zaj saud, muaj cov lus Aas Kiv thiab muaj lus Hmoob. Cov lus Hmoob yog txhais ntawm cov lus Aas Kiv los xwb os.

    Yog koj xav paub txog Koom Txoos Liv Xwm mas kuv paub tias thaum ub TP Nyiaj Pov yeej tau muab sau cia ua lus Hmoob rau cov xib hwb kawm lawm. Tiam sis xyov puas muaj neeg khaws tau tej ntaub ntawv ntawd li. Cia kuv mam li nrhiav tuaj txhais tso rau hauv no thiab los tau kawg os. Yog ib qho tseem ceeb uas peb tsis tau ua xwb. Ua tsaug uas koj tuaj hais txog kom peb mob siab txog qhov ntawd.
    Nyob zoo Mim thiab Txawj Tuam,
    Neb tham txog Koom Txoos Liv Xwm, Kuv paub tias Txiv Plig Nyiaj Pov tau muab sau cia lawm, kuv khaws tau ib ntus xwb yog Tiam 4 cov Los Mas tso lus teev Yes Xus mus txog ntu uas hais txog Mas Hos Mes...tus tsim kev teev As Las (Allah)sawv daws hu lawv ua cos Muslim, kuv tsis tau tag nrho cov uas Txiv plig tau sau. Kuv ntseeg tias cov Xib Hwb nyob ntawm lub rooj hauj lwm xov tooj cua Zoo Tswv Zov Yaj yuav muaj tas nrho, kuv tsis tau nug rau lawv thiab tej zaum mas Txiv plig twb muab luam tas lawm vim txiv Plig twb pib thaum nws tseem nyob Guyane xyoo 1996.

    Y. Suav Nus

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Piav txog lub Koom Txoos rau cov me nyuam yaus

    Post  Maiv Tooj on 7th November 2011, 5:19 am

    Mim wrote:Nyob zoo Txawj Tuam,

    Nyob hauv zaj saud, muaj cov lus Aas Kiv thiab muaj lus Hmoob. Cov lus Hmoob yog txhais ntawm cov lus Aas Kiv los xwb os.

    Yog koj xav paub txog Koom Txoos Liv Xwm mas kuv paub tias thaum ub TP Nyiaj Pov yeej tau muab sau cia ua lus Hmoob rau cov xib hwb kawm lawm. Tiam sis xyov puas muaj neeg khaws tau tej ntaub ntawv ntawd li. Cia kuv mam li nrhiav tuaj txhais tso rau hauv no thiab los tau kawg os. Yog ib qho tseem ceeb uas peb tsis tau ua xwb. Ua tsaug uas koj tuaj hais txog kom peb mob siab txog qhov ntawd.

    Nyob zoo Mim,

    Zaj Koom Txoos Liv Xwm nov yog koj nrhiav tau ces koj nqa tuaj tso, yog tias koj tseem yuav ntau xwb no ces kuv tau nug mus rau TP.Txhiaj Foom lawm, nws hais tias muaj nyob Lomsak,Thaib teb. Kom lawv xa tuaj rau kuv no, cia seb thaum twg lawv yuav xa rau kuv.




    Sponsored content

    Re: Piav txog lub Koom Txoos rau cov me nyuam yaus

    Post  Sponsored content Today at 6:19 am


      Current date/time is 9th December 2016, 6:19 am