Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Yesterday at 10:48 am

» Zaj Thov Ntuj hu ua "Memorare"
by Mim 15th August 2017, 11:34 am

» SAJ YES XUS KEV TXOM NYEM
by Mim 15th August 2017, 10:11 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 3rd August 2017, 9:16 am

» XH. Yaj Zoov Ntxheb lub Tsev THOOB TSIB
by Maiv Tooj 3rd August 2017, 8:44 am

» XH.Zoov Ntxheb Yaj Nthuav Ntawv Ntshiab.
by Maiv Tooj 3rd August 2017, 8:26 am

» Saib duab txawv txawv
by Maiv Tooj 24th July 2017, 1:26 pm

» TP.Txhiaj Foom lub TSEV Ntawv
by Maiv Tooj 19th July 2017, 9:25 am

» Txiv Plig Neej Vaj
by Maiv Tooj 18th July 2017, 4:31 pm

» Xib Hwb Thoj Xyooj lub neej
by Maiv Tooj 3rd July 2017, 2:58 pm

» Sib pab txuag tswv ntuj pab yaj
by Maiv Tooj 3rd July 2017, 7:08 am

» MOO QAIJ QAUG
by Tub Kawm 2nd July 2017, 6:06 pm

Suav neeg tuaj saib, txij hnub 17/09/2010 los mus.


    NTHUAV LUB KOOM TXOOS 7 LUB CIM.

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5306
    Date d'inscription : 2009-08-18

    NTHUAV LUB KOOM TXOOS 7 LUB CIM.

    Post  Maiv Tooj on 6th April 2017, 9:40 am



    Zaj 274- NTHUAV LUB KOOM TXOOS 7 LUB CIM.

    1. LUB CIM NTXUAV.
    Lub Cim Ntxuav, yog lub Cim tias, neeg ntiaj teb cov Ntsuj Plig yuav tsis muaj tuag dua ntxiv lawm.  Thaum cov neeg txais lub Cim Ntxuav tas, txhais tau tias, Neeg cov Ntsuj Plig tau rov yug los dua tshiab, nyob hauv Tswv Ntuj kev tsim Ntsuj Plig lawm.
    Lub Cim Ntxuav yog ib txoj hmoov zoo, tus Ntsuj Plig cia li plhis tau ua Tswv Ntuj ib tug tub los ib tug ntxhais.  Dawb huv li Ntuj cov tshiab uas tsis lo lub lub keeb txhaum.
    Lub Cim Ntxuav kuj zoo li lub rooj ntug, coj tib neeg cov Ntsuj Plug mus hloov dua niam los hloov dua txiv tshiab.  Kom Ntsuj Plig muaj txoj sia nyob mus ib txhiab ib txhis.
    Lub Cim Ntxuav yog lub qhov rooj kaj, paub txog tus Tswv Ntuj tseem ceeb. Hais ib lo lus tuav txog Tswv Ntuj lub npe muaj hwj chim.
    Nrog rau Yes Xus Pleev kev nyiam kev hlub tuaj cawm neeg, dim plaws ntawm kev ua txhaum. Los puas rau Leej Ntuj Plig lub npe qhia kev thoob tsib xwb.
    Ces cia li hloov tau cov Ntsuj Plig los ua Ntuj me nyuam, nyob muaj txoj sia mus tas txhiab niag tim puas xyoo.  Tsis muaj ib yam yuav zoo cuag li lub Cim ntxuav.
    Uas neeg tus Ntuj Plig tsis tau tuag, Neeg cia li plhis tau ua Tswv Ntuj ib co tub ki, lib Cim no muaj txoj hmoo zoo tas nrho.

    2.LUB CIM YUG.
    Lub Cim Yug, yog poob rau lo lus uas Yes Xus hais tias:
    Neeg tsis kawg yuav, yuav mov los yug siav xwb. Neeg tseem yuav, yuav Ntuj los lus los yug siav thiab.  Cov neeg muaj lub Cim yug mrog lawb nyob.
    Mas lawv zoo li thaud Tswv Ntuj coj tsoom neeg His Xas Lais los hla teb chaws suab puam tas 40 xyoo.  Tsis muaj dej haus, tsis muaj liaj teb ua noj.  
    Cog tsis tau ib tsob qoob los ua mov noj. Tswv Ntuj cia li ua kom cov lwg poob saum ntuj los, sam rau saum tej nroj tsuag.  Khov dawb li cov ntsiab txhu ua mov rau lawv noj.
    Tsoom His Xas Lais lawv kuj nyob huam vam yug tub ki coob cuag li tej haiv neeg vam meej.  Lub Cim Yug uas Yes Xus tsim los rau lub Koom Txoos Ka Tau Liv siv.
    Yes Xus muab cov ncuav mov mog thiab cov kua txiv cawv los ua.  Yes Xus xav hais txog txhua yam hauj lwm tawm ntawm neeg txhais tes los.
    Li tej Ntsuj xyoob Ntsuj ntoo, Ntsuj Qaib Ntsuj Noog, tas nrho cov Ntusj Tsiag, Ntsuj txhu, txhua, txhua yam Ntsuj uas Ntuj tau tsim los nyob ua lub Cim yug.
    Nws yog tej yam uas muaj tseeb, uas hloov ua tau txhua yam txhiam xws noj rau leej tib neeg, uas Ntuj tsim los noj haus rau neeg yug siav.
    Nws muaj ntau lub ntsiab lus nyob hauv lub Cim Yug.  Yes Xus thiaj hias zaj lus tias, Lub Lub Ncuav Mov thiab cov cawv no, yog Yes Xus lub Cev thiab Nws cov Ntshav.
    Yuav yug neeg txoj sia thiab yuav ntws los daws tas tsoom sid cov thaum.  Nej nco ntsoov ua kom tau nco txog kuv, xws li kuv nyob hau nej thiab nej nyob hauv kuv. Zoo li Ntuj cia li muab Ntuj los ua txiam xws  rau neeg noj yug siav.
    Yes Xus kuj tau ua ib tug piv txwv qhia lub Cim uas neeg muab tsiaj los txi Ntuj.  Raws li peb tsoom Hmoob txoj kab lis kev cai ua neeb yaig, lawv muaj tsiaj los tua txi dab, kom dab zoo siab tuaj.
    Hos ntawm Tswv Ntuj mas nws tsis yiam ua li ntawd, Nws ua ib  yam tshiab rau peb yoog:   Yam li Nws rov muab nws tus kheej los ua cov zoo Txim txi rau Nws thiaj yog yam tseeb tiag.
    Tswv Ntuj txoj hauj lawm tuaj yuav lub cev neeg, kom tau rov muab Nws ib sab los ua cov txim Ntshiab txi rau lub hwj Chim sab ua Leej Txiv.
    Tswv Ntuj xav qhia qhov tseeb rau ntiaj teb neeg yoog  tias, peb yuav muab peb los ua ib co txim ntshiab huv los los txi Ntuj.
    Thiaj yog qhov tseeb thiab tsim nyog, Ntuj kuj tsis xav kom peb yuam kev mus deb!  Yam li yus muab yus niam yus txiv los muab yus ib tug tub ki los ua ib co txim txi Ntuj.
    kom Ntuj daws tau peb tej kev ua tub qaug los ua txhaum mus, ces ua rau Ntuj zoo siab.
    Qhov Ntuj nyiam, yog peb cev peb tus ntsuj Plig dawb huv rau Ntuj thiab peb tej hauj lawm dawb huv, tsis txuam nrog kev ua txhaum los ib co txim tsim nyog cev rau Ntuj txais yuav.
    Kom peb cia li hloov tau ua Ntuj ib co tub ki Ntshiab huv xws li Ntuj tus Ntsuj. Txhob yog Siv Ntuj ib tug Ntuj neeg los ua Yus cov txim txi Ntuj.

    Zaj Neeg xav, uas neeg ntseeg tias, muab Ntsuj qaib Ntsuj npua lo tua ua ib co txim cev rau dab ntawd.  Tsis yog txoj kev txi Ntuj zoo uas Ntuj nyiam.

    a. Qhia lub ntsiab meej tias, koj xav ua ib thaj txi Ntuj zoo, mas koj muab koj tus kheej txhua yam koj tau ua zoo los cev rau Ntuj.

    b, Koj cia li muab koj txhua yam teej qav teej num los ua ib co txim txi rau Ntuj.  Yog koj pom tias, tsis txaus.  Mas koj nrhiav thiab xaiv tej txoj hauj lwm.  Txhob txwm ua pub rau Ntuj tsoom tub ki leej twg los xij li.
    Txhob txwm ua ib txoj haum lwm los ua tus nqes, zog los pauj rau Ntuj.  Kom Ntuj nyiam koj thiab pov hwm koj ua lub neej txuas ntxiv zoo mus rau yav tom ntej.
    Yog Ntuj pom tias zoo lawm thov kom Ntuj txais mus, saib ua ib yam muaj nqes uas koj txawj ua rau Ntuj yuav.

    c. Koj tsis paub ua yam twg lawm, koj cia li muab koj tej kev txom nyem nyuaj siab los ua ib co txim txawm tsis ntshiab huv los thov kom Ntuj txais thiab saib mus.
    Thiab pub tswv yim thoob tsib rau koj, kom koj txawj nyob ua ib tug neeg ntxim Ntuj siab.  Xws li zeej tsoom sawv daws uas yog Ntuj me nyuam, koj muab tej ntawd, los cev rau Ntuj los kuj yog hauj lwm zoo.

    3. LUB CIM DAWS TXHAUM.

    Lub Cim daws txhaum, yog ib lub Cim zoo kawg.   Nyob hauv lub Koom Txoos cov Cim nqa txiaj ntsim tuaj rau neeg ntiaj teb.
    Nyob hauv cov ntseeg txog Yes Xus Pleev lub npe, tus coj lub Cim Daws txhaum no.  Nws nrog Leej Pleev, thiab Leej Ntuj Plig Ntshiab sib haum xeeb nyob hauv Tswv Ntuj kev nyiam kev hlub mus txhua lub sij hawm.
    Ces nws txoj kev ua phooj ywg, sib ua luag nyob hauv zeej tsoom zoo heev.  Nws zoo li tus neeg nplua nuj, ib txwm siab zoo, xaiv cov noob nplej zoo thiab qoos pub rau luag coj mus cog kom txi txiv ncw ncw.
    Lub Cim daws txhaum no muaj zog kawg, Lub Cim no txhawb kev nplua nuj loj thiab mus deb kawg. Tus coj lub Cim daws txhaum no.
    Nws tsis pluag kev hlub, nws txoj hmoo txuas los puag saum ntuj los.  Nws kev hlub zeej tsoom muaj nplua mias siv tsis txawj tas li.
    Nws txawj hlub tej niam tej txi, nrog rau tej kwv tej tig txheeb ze, txhua tus raws li lawv nyiam, lawv ntshaw, thiab lawv tos ntawm nws los.
    Nyob hauv kev ua txij nkawm thiab kev tu tub ki, nws yuav txawj hlub, haum nkawd kev sib ua luag, ua lub neej nyob kaj siab lug.
    Tus coj lub Cim daws txhaum, nws npluaj nuj kawg.  Nws muaj txiaj ntsim koob hmoov ntau.  Ntws sis laub sis lug los cuag li, tus dej ntws siv tsis txawj tas.
    Lub Cim daws txhaum yuav tsis coj niam txiv kwv tij caj ces los txij nkawm.  Kev neej kev tsav sib ncaim.  Ib leeg yuav hwm leeg, lawv nyob vam meej ntws, li cuab kwv tij neej tsa nyob vam meej muaj kev sib hlub.
    Nyob rau sab uas Tswv Ntuj foom los, lub Cim daws txhaum no coj ntau txhiab vam leej neeg mus ua Leej Ntshiab.  Lawv nyob ntshiab huv li Tswb Ntuj tsoom Tshiab nyob pem ntuj.
    Lub Koom Txoos Ka Tau Liv saib lub Cim daws txhaum no ua lub Cim muaj zog, nplua nuj nyob rau Tswv Ntuj sab kev nyiam kev hlub loj kawg.

    4. LUB CIM TXHAB ZOG.

    Lub Cim Txhab zog, yog lub Cim pab kom neeg loj hlob muaj tswv yim kawm txuj ci tiav txawj nrhiav noj nrhiav haus nyob mus kav laus.
    Yuav yog neeg muaj zog, txawj ntse ua neeg thoob tsib. Vim lawv yuav paub txog qhov phem qhov zoo nrog txhua yam.
    Yuav muaj cuab kav daws plaub ntug, los ntawm neeg tej ncauj xaiv ncauj lus ntau yam los.  yuav tuaj raug rau nws tus kheej.  Lub Cim txhab zog kuj zoo li mus kawm txuj ci los tiv thaiv, kom muaj zog muaj hwj chim ua lub neej nyob khov kho.
    Kawm zaj txuj ci los ntawm lub Cim txhab zog no, yog paub qhib qhov rooj thiab fiv.   Leej Ntuj Plig tuaj pab lub caij yeeb ncuab yuav txeem tsev los ua xwv txheej. Txhob rub tau yus mus zwm nrog dab kov thiab ua txhaum.
    kom txhob tau ncaim ntawm Tswv Ntuj mus.   thiab kom yus nco ntsoov ua tej haum lwm nrog neeg tsis sib haum xeeb.
    Lub Cim txhab zog, nws yuav pab kom nco txog niam txiv, caj ces keeb kwm , kom txhob rov taw tuam Ntuj.  kom ua neeg pluag nyiam kev hlub.
    Kom txhob ua lub neej nyob raws txoj kev mloog dab lus siv tsiaj los txi dab yam tsis muaj nqes.  Uas muab tsiaj los hloov Ntsuj Plig ntawm dab los.
    Zaj lus cuav xwm no tsuas yog Dab qhia kom neej tsim dheev los ua tej yam tsis tseeb.  Ua tas los tsa tsis tau Ntsuj Plig sawv los, ploj tuag ces ncaim mus tas ib sid.
    Peb yuav hwm lub Cim Txhab zog yog lub cim ua ntsa zeb thaiv dab phem.  Lub ntsa pob zeb Ntuj xaub los thaiv dab no thov Ntuj pab txhim kom khov rau.
    Nws thaiv tau txhua fab kom muaj kev ntseeg kev zam kev hlub nyob txhij txhua rau ntawm lub Cim Txhab zog.

    5. LUB CIM PLEEV.

    Lub Cim Pleev, yog lub Cim tseem ceeb qhib rooj ntug, rau neeg hla mus zam kev, kom txhob raug dab kev haub kev ntxias.  Kom tig rov los cuag Tswv Ntuj.
    Txhob vam txog dab qhia txoj ncauj ke mus ntsib Tswv Ntuj.  Tsam mus poob rau qhov ntuj, ces tsis muaj leej twg yuav pab tau.
    Lub Cim Txhab Zog tsuas pab kom yus tuav txoj kev tso siab rau Ntuj, thaum yus tsis muaj zog txaus. ntau zaus  yus cia Dab phem coj yus kev, ces yus poob tej lub qhov Ntuj tob kawg, yuav tawm tsis tau kom mus txog rau lub rooj fab ntaub fab ntawv.
    Uas luag  teev tej kev ua phem ua zoo nyob ntiaj teb no tseg.  Lub Cim Pleev kuj yog tus yawm sij qhib lub tshav zaub mos, rau cov Yaj mus raws tus zoo Tswv Zov Yaj.  Coj  pab Yaj mus txog lub tshav zaub mos.
    Los pab daws lub nra uas tsis yog nws lub nra, muaj lwm tus nog rau nws ris. Thaum nws tau lub nra hnyav lawm nws yuav mus qeeb thiab yuam kev.  Vim nws yuav pom txoj kev ncaj rov tig ua txoj kev nkhaus.
    Txoj kev tiaj tus yog txoj kev dav neeg sib txeeb mus kom txog sai. Txoj ntawd yog txoj kev mus rau tub tuag teb.  Uas mus lawm tsis muaj thim.
    Lub Cim pleev yuav coj koj hloov dua kev, kom mus nrhiav tau poj yawm.  Lub Cim Pleev txoj hauj lwm yog pab cov neeg nkees kom lawv rov nquag thiab muaj zog tuaj.

    6. LUB CIM COG LUS.
    Lub Cim cog lus, cog kev sib hlub rau Ntuj tias, Ua tsaug rau Ntuj txoj kev sib hlub uas Ntuj muab los ntawd.
    Lub cim kev sib hlub los rau niam txiv, kwv tij phooj ywg txheeb ze.  Ib txwm nyob rau leej tib neeg nruab siab.  Vim neeg yeej txhawv los ntawm ob tug niam txiv hauv paus los.
    Zoo li As Das thiab Es Vas nkawd, {los yog Nkauj Iab thiab Nraug Oo nkawd}, los ntxov, ntxov lawm.  Vim tas neeg ntiaj teb muaj nkawd cov Ntsuj Roj Ntsuj ntshav, nyob hauv sawv daws .
    Tus duab roj ntsha no yeej lo nkawd ob tug Ntsuj duab los lawm, hloov tsis tau.
    Hos kev sib hlub ntawm, ob leeg los nyob ua ke ua txij ua nkawm.  Mas nrog Tswv Ntuj txoj kev tsim noob neej los ua ke.  Yuav tau ua raws li Tswv Ntuj hais tseg, thiaj muab lub Cim cog lus los tso rau hauv kev ua txij ua nkawm nyob ua ke mus tsis pub hloov.
    Thaum Tswv Ntuj tsim tau tus txiv neej lawm, Tswv Ntuj hais tias:  Cia txiv neej nyob ib leeg mas tsis zoo. Yuav tsim ib tug poj niam kom tau ua tus txiv neej luag.
    Tswv Ntuj xuas tib tug Ntsuj roj Ntsuj ntsha nrog tus ntsuj txha los tim tus poj niam. Kom zoo ib yam thiaj sib ua luag tau, kom paub nyob.
    Thiab tuav lub hwj chim ua Tswv Ntuj txoj hauj lwm tsim neeg nyob ntiaj teb kom huam vam mus thoob qab ntuj khwb.
    Leej Ntuj Plig thiaj qhia kom lub Koom Txoos, tsim lib Cim cog lus los ua raws li Tswv Ntuj tau hais  tias, Kom tau nyob los sib ua luag.
    Vim txoj kev sib hlub yog ua Ntuj hauj lwm tsim noob neej, txoj kev sib hlub yog tuav Tswv Ntuj kev tsim neeg txuas mus.  Nyob ua txij nkawm, yog tsis muaj kev sib hlub lawm kuj ua tau tej kob tsov rog hnyav rau tib neeg loj kawg thiab
    Uas neeg ntiaj teb yuav ua xaiv lus,sib twv mus txog, lub ntuj lub teb, kom Ntuj thiab neeg paub los hnov tib si. Twb muaj lub Cim cog lus los cov tsov rog txij nkawm no tseem sawv puv qab ntuj thiab.
    Muaj ntau tus Tim Tswv ua Yes Xus ntej, thaum Yes Xus tsis tau tuaj yuav lub cev neeg.  Twb muaj ntau tus Vaj yuav tshaj pua tus poj niam lawm.
    Nws nyiam leej twg ces nws hlub ib zaug xwb, dhau ntawd mus, nws mus hlub nrog lwm tus ib zaug dua.  Nws muab zeem ib zaug ua nws poj niam lawm, ces coj mus nyob ua npoj cuag li yog ib pab tsiaj.
    Cia lawv ua lub neej nyob pluag kev hlub, lawv ntshaw kev hlub loj cuag li nqhis dej, leej twg pab tsis tau.
    Li no lub Koom txoos ntseeg txog Yes Xus lub npe nyob hauv Leej Txiv thiab Leej Ntuj Plig, thiaj thov Leej Ntuj Plig pab tsa lub Cim Cog lus no, los nyob nruab nrab cov ua txij nkawm xav nyob ua ke.
    Cov nyob ua txij nkawm sib cog lus lawm, lawv tsis ua raws li kev cog lus. Kev ua txhaum yuav txiav txim rau tus hla txoj cai cog lus.
    Yog nws tso kev cog lus pov tseg, kom tau ua nkauj feb los nrog fav. Nws yuav ris cov kev txhaum ntawd. Vim Ntuj tsuas tsim muaj ib tug poj niam rau ib tug txiv neej xwb.
    Thiab tsim kom muaj ib tug txiv neej rau ib tug poj niam xwb. Ntuj tsis tau tsim ob tug poj niam los rau ib tug txiv neej. Poj niam los tib yam nkaus li.
    Cov hla lub Cim cog lus txoj cai tsis hais sab twg li puav leej yog cov zes luag poj luag sev, los zes luag tub luag roog tib si.
    Cov nyob ua txij nkawm ua ke, nco ntsoov tias, kev ua txij nkawm yog Ntuj kev tsim noob neej, yuav nco ntsoov muab lub noob zoo coj mus cog raws txoj kev ncaj ncees .
    Kom muaj kev hlub kev nyiam txuas rau Ntuj txoj, kom muaj txoj hmoov zoo. Ua rau Ntuj txiv muaj zoo tej tus  thawj neeg tuav Ntuj tej kab xwm ua pub rau neeg ntiaj teb siv, kom Ntu muaj hwj chim koob meej.

    7. LUB CIM TIAG TES.
    Lub Cim tiag tes yog lub Cim cog lus. tuaj yeem, ua Tswv Ntuj tej hauj lwm pub rau Tswv Ntuj. Nws cog lus ua Ntuj tub txib los ua Yes Xus ib tug Tiam Lis hais yes Xus cov lus muaj txoj sia rau neeg ntiaj teb hnov thiab paub txog.
    Ua li Hmoob hais Hmoob tej lus tias, thoov kev rau luag taug kom luag pom muaj kev zoo taug. thiab tho kev rau Nom tuaj xyuas zej zog.
    Nws cog lus mus taug txoj kev ntshiab huv, txawm muaj dej hlob los cav tsuam, ua siab loj taug mus kom thoob.  Muaj kev tus siab kev txom nyem los  ua siab ris mus.
    kom coj tau neeg ntiaj teb mus tshwm rau, lub tshav zaub mos. Ua Tswv Ntuj tus Tiam lis saib pab Yaj nog zaub. Pab ua npoj yaj ntawd luag thaiv tsov hma kom  txhob raug kevj ploj.
    Lub Cim tiag tes no, nws tuaj yeem nws. Tsis muaj leej twg yuam kom mus ua. Nws cog lus lawm nws yuav ua nws  hauj lwm kom tiav.
    Thiaj muab tee los rau Ntuj foom hmoov zoo rau, kom txhob kov kev tsis ncaj ncees.
    Raws li kev cog lus, kev cog lus tsis yog kev ua si. ib tug neeg cog ib los lus rau Ntuj lawm. Nco ntsoov txhob tso los pov tseg cia li ua neeg ploj mus.
    Kev cog lus yog ua rau Ntuj yog kev tseeb, Ntuj yuav pab pov hwm raws li nws tau cog lus. Vim kev cog lus yog cog lus ua kev ncaj ncees rau Ntuj thiab neeg xwb.  
    kom Ntuj txiaj ntsim tau tawm ntawm tus cog lus  no txoj hauj lwm mus txog cov tib neeg tso siab rau Ntuj tus Tiam Lis.
    Nws kev cog lus, cog lus kom tau nyiam Ntuj, cog lus kom txawj hlub neeg li Ntuj hlub Ntuj me nyuam. Thiab cog lus nyob hauv kev ncaj ncees.  Cog lus tsis mus mloog dab phem lus haub ntxias.
    Cov tau cog lus tsis ua raws kev cog lus, lawv rov dag rau lawv tus kheej,ces lawv dag rau Ntuj tib si lawm. Ntuj tsis xav kom neeg sib thuam ua kom nws lub moo ncha phem mus thoob qab ntuj khwb.
    Qhov Ntuj tos ntawm neeg, Ntuj nyiam kom neeg nrog Ntuj sab laj kom paub txoj kev zoo yuav nyob khov kho mus li.   Thov Ntuj cuab zog pab kom nyob ruaj mus ntxiv.
    Nyob hauv lub Cim tias tes muaj xwv txheej ntau thiab hnyav kawg. tus neeg cog lus txais lub Cim tiag tes, yuav vam txog leej Tswv Yim Ntshiab pab txhua hnub.
    Thiaj tsis raug dab phem ntxias, Saum cov neeg ntseeg sawv daws muaj ib lub luag hauj lwm yuav tsum pab: cov txais lub Cim tiag tes, zoo li cov Leej Tsob Hwb los cov Leej Choj ntawd.
    Tus thoob tsib thiab nquag yuav txhob qhuas lawv heev dhau. Tus tswv Yim tsawg ua hauj lwm qeeb los txhob muab nws thuam heev dhau thiab.
    Nej muab tus zoo qhuas dhau lawm, Dab phem siv, siv zog tuaj ntxias ces nws tab meeg kov kev ua txhuam. cov no Dab phem muas nws tau yooj yim kawg li.
    Hos tus nej hais tias nws tsis zoo, tej zaum nws siab ncaj kawg.  Nej paub tsis txog,nej muab nws thuam saib tsis taus nws, ces nws tu,tu siab tuaj lawm.
    Nws cem Tswv Ntuj tias,  Ntuj tsis pab nws, nws twb ua Ntuj hauj lwm rau Ntuj, tseem cia neeg thuam thiab cem nws.  Ces nws tso Ntuj pov tseg, hloov kev mus ntseeg los ua lwm yam, kom tau ncaim deb ntawm Tswv Ntuj lawm thiab.
    Tus neeg txawj ua siab nkiag, los tus qeeb me ntsis siab tsis tshua nkiag.  Los Tas tsoom neeg ntseeg yuav sib pab pov hwm lawv ob hom neeg no tib si.
    Yog ob tug zoo li hais no ncaim npoj lawm tas tsoom neeg ntseeg kawg ploj mus. tsis muaj tus zoo Tswv zov yaj coj kev mus txog lub tshav zaub mos.
    Tsov hma muaj coob li coob, tsis paub cov tsiaj tus twg yuav xub ploj li thiab.
    Txoj kev qhuas nej txhob qhuas mus tshaj li 50 % yog nej ntxhub los thov nej txhob ntxub qis mus dhau 50% thiab.  Lawv tau pov hwm nej kom nej txhua tus ntsuj pli nyob zoo npuab rau Tswv Ntuj sab,
    Nej kuj yuav pov hwm lawv kom lawv muaj peev xwm ua Tswv Ntuj tus Tiam Lis coj nej taug kev mus txog chaw so los siav.  Lo lus hais tias, Xib los Leej Choj zoo li Huab Tais ntuj.
    Hos Huab Tais Ntuj zoo li tsoom ntseeg sawv daws. Cov neeg ntseeg tsuas zoo li txoj kev xwb, muaj kev mus tsis muaj choj hla kuj mus tsis tshab.
    Cov Xib Hwb thiab cov Leej choj yog tus choj rau neeg hla musn cuag Ntuj, cov Xib hwb yog tej tus me nyuam choj viav vias  hla tsag zeb tsag tsua los hla hav tej lub hav tob kom mus  tau sai zog.
    Hos cov Leej Choj lawv yog tus tseem choj tuam hla dhau mus ntau lub roob los tuam mus hla hiav txwv. muaj seem mus thiab seem los tib si, ib sab yog Ntuj tuaj, hos ib sab yog neeg los.
    Lub Cim tiag tes yog tus choj tuam mus li no, rau cov neeg  ntseeg, peb thiaj hu lawv ua cov Leej Choj.  Yog tus choj uas ntuj taug tuaj thiab neeg taug los. Lub Koom Txoos 7 lub Cim muab thuav li no.

    Ntuj thaum ub lub caij Yes Xus mus saum ntuj lawd, Leej Ntuj Plig nqes los nyob. Tsoom Leej choj tsis zoo li cov peb pom niaj hnub no.  
    Yes Xus cov Thwj Tim puav leej yog ib co Txiv Leej Choj muaj cuab yim. Tshuav Zam thiab Paj Lug thiaj yog neeg nyob Tab seeb.
    Los  txog ze ntawm xyoo 500 ntawd lub Koom Txoo loj hlob tuaj tiav ua neeg, muaj txuj ci thoob tsib  raws Leej tswv Yim Ntshiab coj qhia. Ces Neeg mas txiv txim siab, ua ib co txiv Leej Choj nyob tab seeb.
    Yog tib neeg txiav siab li ntawd, kuj yog Leej Tswv Yim Ntshiab qhia kom ua li ntawd. Ntiaj teb leej tib neeg thiaj tsis muaj kev kub ntxhov txog yug ib tsev neeg kev noj haus.
    tab yog zoo li peb pom no los yog Tswv Ntuj txoj kev cob qhia kom mus raws li txheeh tshiab. Yog ib tug neeg xav ua Yes Xus tus Tiam Lis tiag, mas yuav tau nyob tab seeb thiaj yog kev ncaj ncees ua zeej tsoom ib leej txiv.
                         

    *Sacramento tim 17/3/2017.*                                

    Yaj Zoov Ntxheb Xib Hwb.




      Current date/time is 18th August 2017, 2:30 pm