Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 10:38 am

» Xib Hwb Thoj Xyooj lub neej
by NrhiavTswvNtuj Yesterday at 10:33 am

» TP.Txhiaj Foom lub TSEV Ntawv
by Maiv Tooj Yesterday at 10:15 am

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 10:10 am

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 10:03 am

» Tshuaj NTSUAB
by Maiv Tooj Yesterday at 7:35 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:25 am

» Tswv Ntuj txoj kev HLUB. Cob Tsib teb.
by NrhiavTswvNtuj 17th January 2017, 11:45 pm

» HMOOB CATHOLIC NYOB COB TSIB TEB (Hmong Catholic Vietnam)
by Maiv Tooj 17th January 2017, 11:19 pm

» Nos Hes lub nkoj = L'Arche de Noé = Noah's Ark
by NrhiavTswvNtuj 13th January 2017, 9:53 am

» ZAJ PIAV TXOG IB TUG NTXHAIS SUAV
by Mim 12th January 2017, 1:50 pm

» NYOB ZOO XYOO TSHIAB 2017
by Tub Kawm 1st January 2017, 11:24 pm

Suav neeg tuaj saib, txij hnub 17/09/2010 los mus.


    7 Lub cim hauv koos txoos kas tos liv ( nyeem txuas ntxiv nias ntawm no)

    Share

    Admin
    Admin

    Messages : 221
    Date d'inscription : 2009-08-05

    7 Lub cim hauv koos txoos kas tos liv ( nyeem txuas ntxiv nias ntawm no)

    Post  Admin on 30th August 2009, 10:42 am


    Cov Cim yog ib qho yam txwv kom pom xyeem ntawm Tswv Ntuj lub Txiaj Ntsim, yog Leej Pleev ua tus tsim muaj thiab tso tseg rau Lub Koom Txoos Kev Ntseeg ua raws cov CIM, ntawm cov neeg Ntseeg thiab nrog lub neej Ntshiab. Cov kab ke uas qhov muag pom tau yam li thaum ua lub Cim lawv muab dej ntxuav, tsa tes saum taub hau, pleev roj...thc...

    Yog lub qhov rooj hla thiab txais txiaj ntsim ntawm cov Cim, Tswv Ntuj kev zam, koom neej nrog Tswv Ntuj yog lub Cim Ntxuav, Kev pab luag yog txais lub Cim Tiag Tes. Yog Tswv Ntuj los lus qhia Leej Tswv yim Ntshiab npaj cov Cim. Cov Cim yog ua kom yus txog kev Ntseeg loj thiab muaj zog thiab tawg paj txi txiv, rau yus tus kheej thiab tag nrho tsoom sid ntawm lub Koom Txoos. " Tsa tau ib tug plig, yog txhawb tau lub ntiaj teb nce ib theem" Txais cov Cim yog txhua leej ntawm peb kev koom siab nrog Leej Pleev raws nyias lub hom phiaj thiab kev xaiv tsa: Cov xaiv txoj kev tsob hwb ( Tub Tsob hwb, Txiv Plig, tswv Qhia), Xib hwb qhia Ntuj kev cai, cov nyeem tswv Ntuj cov lus, cov tshaj Ntuj Lus...saib xyuas koom sid ntawm tswv ntuj Haiv neeg.

    Cov Cim muaj 3 hom cai: - Cov Cim chiv keeb ( Cim Ntxuav, Cim Txhab zog, Cim Yug), - Cov Cim kho ( Cim daws txhaum, zam txhaum thiab Cim Pleev rau cov muaj mob nyhav), - Cov Cim pab tsoom sid thooj siab koom ntsws ( Cim Tiag Tes ua Txiv Plig thiab Cim Cog lus sib yuav)

    < Cov Cim yog ib qho cim ua kom rov nco txog txhua yam uas leej Pleev tau ua tseg rau peb thaum nws yuav ncaim peb mus. Thaum peb ua cov Cim ntawd txhais tau tias Leej Pleev nrog peb nyob tsis muaj caij kawg>

    Cov Cim muaj 7 lub raws yam li: 1/ Cim Ntxuav 2/ Cim Yug ( Txais Yes Xus lub cev thawj zaug) 3/ Cim Txhab Zog 4/ Cim Haum Xeeb ( Daws Txhaum) 5/ Cim Cog lus 6/ Cim Tiag Tes 7/ Cim Pleev ( rau cov mob thaum lub caij yuav kawg).

    1/ LUB CIM NTXUAV





    Lub Cim Ntxuav los ntawm qhov kab ke ua: Ntxua txhais tias " Raus", " ntub". Rau dej yog ua rau cov txiav siab kawm Ntuj Kev Cai thiab xav txais lub Cim Ntxuav, los koom siab ntseeg txog leej Pleev txoj kev tuag thiab sawv rov los. Zoo nkaus li rov yug dua los tshiab. Ntxua Plig yog muab dej los ntxuav tus yuav los ua Ntuj kev cai taub hau, ro ua rau nco txog Huab tais 3 leeg: Hu txog Leej txiv, Leej Tub thiab Leej Ntuj Plig.

    2/ LUB CIM YUG



    Cim Yug (Eucharistie) los ntawm ib lo lus Grec hais tias: " Nco txog Tswv Ntuj txiaj ntsim" cav Tswv Ntuj, pauj txiaj ntsim rau tswv Ntuj. Lub Cim Yug yog lub Cim zeeg 3 ntawm cov Cim keeb kwm Neeg Ntuj kev cai, tseem yog lub Cim uas yes Xus tus kheej los tseem rov txais rau nws tus kheej tib si. Lub Cim Yug yog lub tsoom Ntseeg lub cheeb lub khauj khaum, nws tsom kwm, nws yog txoj pa ntawm txoj kev ntseeg.


    3/ LUB CIM DAWS TXHAUM



    Huab Tais Yes Xus Pleev yog ib tug khws kho peb lub cev thiab ntsuj plig. Nws zam txhaum rau cov neeg tuag ceg thiab pub txoj kev nyab xeeb rau lawv. Daws Txhaum ntawm tus kheej ua tau ua txhaum LOJ uas tau muaj lub Cim Zam Txhaum yog kev rov haum xeeb nrog Tswv Ntuj thiab lub Koom Txoos. Tsuas yog cov txiv Plig uas tau txais lub Cim Tiag Tes thiaj tau kev tso cai ntawm lub Koom Txoos kev ntseeg los sawv Leej Pleev chaw ua lub Cim Daws Txhaum xwb. Tig rov tu siab rau yus txoj kev ua yuam kev, tu siab rau yus cov txhaum, yuav tau txais txiaj ntsim kho txoj kev phem uas yus tau ua thiab txhob rov ua txhaum ntxiv lawm. Yog muaj kev ntseeg tiag, yus cov txhaum yuav raug zam mus.


    4/ LUB CIM TXHAB ZOG



    Lub Cim txhab Zog yog txhab ntxiv rau lub txiaj ntsim Ntxua Plig. Yog lub Cim uas muab Leej Tswv Yim Ntshiab rau peb kom peb nrhau cag ruaj khov nyob hauv lub neej ua Tswv Ntuj me nyuam, ruaj nreb nrog Leej Pleev, tsim kev ruaj khov nrog lub Koom Txoos, kom peb koom siab tag nrho rau kev tshaj Ntuj Lus, ua ib tug qauv zoo rau ntawm cov neeg Ntseeg raws peb kev coj thiab hais lus. Lub Cim nov txais ib zaug nkaus tib yam li lub Cim Ntxuav thiab.


    5/ LUB CIM TIAG TES



    Cov Cim Tiag Tes muaj 3 hom. - Tswv Qhia - Txiv Plig - Tub Tsob Hwb ( Diacre) Yog Tswv Qhia ua tus ua peb lub Cim nov rau cov txais lub Cim Tiag Tes. Tswv Qhia txais Cim Tiag Tes los ua tus Thawj tswj lub Koom Txoos kev ntseeg. Cov Tswv Qhia sawv Yes Xus cov Thwj Tim chaw, yog cov tiam lis ntawm Leej Ntshiab Pob Zeb thiab cov Vaj Qhia. Vaj Qhia tso cai rau cov Tswv Qhia thaj tsob kev tshaj Ntuj lus ntawm lub Koom Txoos. Cov Txiv Plig yog cov koom tes nrog Tswv Qhia thiab thaj tsob cov tsev teev Ntuj cheeb tsam xeev. Cov Tub tsob Hwb ua cov tub txib tub txuas pab hauj lwm rau lub Koom Txoos kev ntseeg. Lawv pab saib xyuas lub Cim Yug thiab kev pab zog dawb rau luag tej.


    6/ CIM COG LUS




    Lub Cim Cog Lus yog ob tug txwj nkawm sib xaiv tau yuav los cog lus ntawm sawv daws xub ntiag. Raws kev cai Ntseeg Ntuj, yuav ob tug tim khawv, Txiv Plig los Tub Tsob Hwb ( Diacre) ua lub Cim Cog Lus los tau.


    7/ CIM PLEEV



    Lub Cim Pleev yog muab rau ib tug neeg mob nyhav, ua ntej nws yuav tso lub ntiaj teb tseg. Xav ua lub Cim Pleev, Cim Zam txhaum. Yog yuav zam cov txhaum uas nws tau ua tom qab txais lub Cim Ntxuav, kom tus neeg tau mus dawb mus huv, thiaj yuav tau mus saum Ntuj. Peb yuav tsum thov lub txiaj ntsim no rau peb ib yam li thov rau luag.





      Current date/time is 20th January 2017, 2:55 am