Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Phau Ntawv Ntshiab/Bible

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Phau Ntawv Ntshiab/Bible

    Post  Mim on 14th April 2010, 11:18 am

    Kuv pom XH Npuag Tub twb tau sau ib zag hais txog Bible lawm, tiam sis ntawm no kuv tuaj ntxiv rau thiab kuv muab sau ua lus Hmoob os.


    Bible/phau Ntawv Ntshiab.

    Phau Ntawv Ntshiab yog ib phau ntawv uas neeg nyeem heev tshaj dua ntais lwm phau, thiab tau muab txhais ua ntau pua xeem lus lawm. Cov neeg ntseeg Yes Xus muab phau Ntawv Ntshiab saib muaj nqe dua cov, vim lawv ntseeg hais tias cov lus hauv Ntawv Ntshiab yog Tswv Ntuj lo lus. Nws tuaj qhib nws lub siab rau tib neeg paub tias nws hlub tib neeg npaum li cas thiab xav cawm tib neeg ntawm txoj kev poob rau hauv kev txaug kev txhaum lawm. Phau Ntawv Ntshiab qhia txog Tswv Ntuj txoj cai uas nws xav kom neeg taug thiajcoj lawv mus txog saum Ntuj Ceeb Tsheej.

    Phau Ntawv Ntshiab yog ib phau zoo li cas?



    Phau Ntawv Ntshiab yog ib phau ntawv uas muaj ntau phau ntawv me nyob rau hauv. Cov Phau ntawv me ntawd nyias muaj nyias tus kws sau. Cov kws sau ntawv ntawd lawv kuj nyias nyob nyias caij nyoog, nyias tiam neeg. Tiam sis yog Tswv Ntuj tshoj sawv daws lub siab lub tswv yim kom sau tau tej zaj qhia txog Tswv Ntuj rau tib neeg paub tias Tswv Ntuj hlub neeg thiab xav cawm neeg.

    Phau Ntawv Ntshiab muaj 73 phau ntawv me nyob rau hauv. Cov phau ntawv me ntawd kuj tseem muab faib ua ob pawg loj. Pawg ib yog cov phau ntawv Cog Qub Lus los tseem hu ua cov Ntawv Hes Nplaws; Pawg ob yog cov phau ntawv Cog Lus Tshiab.

    Phau Ntawv Cog Qub Lus (Old Testament)

    Cov phau Ntawv Cog Qub Lus yog piav txog cov neeg His Xas Lais thaum ub los txog rau lub caij Yes Xus yuav yug los. Nyob hauv cov phau Ntawv Cog Qub Lus, tseem muab faib ua plaub pawg me thiab, xws li Thawj Tsib Phau, cov Ntawv Kwv Huam, cov Ntawv Thoob Tsib, thiab cov Ntawv Yaj Saub. Nyob hauv cov Ntawv Cog Qub Lus no, cov kws sau ntawv tau qiv ntau yam txuj ntawm lwm haiv neeg los xyaw rau lawv cov txuj. Vim li ntawd lawv cov zaj dab neeg los zaj piav qee zaum kuj muaj ntsis xws li lwm haiv neeg cov zaj thaum lub caij ntawd thiab.

    Thawj Tsib Phau (Pentateuch) muaj cov phau ntawv hu li no:

    1- phau Hauv Paus (Genesis) 4- phau Xam Phaj (Numbers)
    2- phau Kev Tsiv (Exodus) 5- phau Txoj Cai Ob (Deuteronomy)
    3- phau Les Vis (Leviticus)
    Nyob hauv Thawj Tsib Phau no, muaj zaj piav txog ntuj tsim teb raug, txog As Das thias Es Vas, txog Nom Hes lub nkoj, txog Has Nplas Has thiab nws cov tub, txog cov His Xas Lais mus ua qhev nyob Hais Nkws Tos, txog Mais Xes mus cawm lawv dim kev ua qhev rov los.

    Nyob hauv Tsib Phau no, kuj muaj Tswv Ntuj Kaum Los Lus Qhia, thiab cov kev cai uas cov His Xas Lais yuav tsum coj, vim li ntawd thiaj tseem hu ua cov ntawv Txoj Cai, los yog phau Torah. Thawj Tsib Phau no yog Mais Xes sau kwv yees ze ntawm xyoo 1440 B.C. (ua ntej Yes Xus yug)

    Cov phau Ntawv Kwv Huam (Historical Books) yog piav txog Tswv Ntuj haiv His Xas Lais kwv huam, thiab txog Tswv Ntuj coj nws haiv neeg. Cov phau ntawv ntawd muaj npe hu li no:

    1- Yos Xuas (Joshua) 9- Xwm Phau 2 (2 Chronicles)
    2- Txwj Laus Tiv Thaiv (Judges) 10- Es Nras (Ezra)
    3- Luv (Ruth) 11- Nes Hes Mis (Nehemiah)
    4- Xas Muas Phau 1 (1 Samuel) 12- Tos Npis ((Tobit)
    5- Xas Muas Phau 2 (2 Samuel) 13- Yus Dis (Judith)
    6- Vaj Phau 1 (1 Kings) 14- Es Thes (Esther)
    7- Vaj Phau 2 (2 Kings) 15- Mas Kas Npes 1 (1 Maccabees)
    8- Xwm Phau 1 (1 Chronicles) 16- Mas Kas Npes 2 (2 Maccabees)
    Nyob hauv cov phau Ntawv Kwv Huam muaj piav txog cov neeg tseem ceeb lub neej, xws li Vaj Das Vis, Vaj Xas Los Moos, thiab cov poj niam nto moo xws li Yus Dis thiab tus poj vaj Es Thes (Esther). Muaj piav txog Tswv Ntuj pab nws haiv neeg zoo li cas: Yog thaum Tswv Ntuj haiv neeg mloog Tswv Ntuj lus thiab taug nws txoj cai, mas lawv vam meej thiab tsis raug yeeb ncuag tuaj rhuav lawv, tiam sis yog lawv mus teev pej kum cov dab qhuas thiab coj ib lub neej tsis tsim txiaj mas lawv raug kev puas tsuaj ntau yam. Lawv pib sau
    cov phau Ntawv Kwv Huam no kwv yees txij xyoo 1100 B.C. mus rau xyoo 600 B.C.

    Cov phau Ntawv Thoob Tsib (Wisdom Books)
    muaj xya phau nyob hauv. Lawv nyias sau muaj nyias ntsiab lus nyias hom phiaj. Ib co sau ua lus paj huam lus kwv txhiaj sib hlub, ib co sau ua lus qhuab qhia lus ntuas kev ua neej. Cov npe phau ntawv muaj li no:

    1- Yob (Job)
    5- Kwv Txhiaj (Song of Songs)
    2- Nkauj Paj Nruag (Psalms)
    6- Thoob Tsib (Wisdom)
    3- Cov Paj Lug (Proverbs)
    7- Npes Xis Las (Sirach)
    4- Kos Es Les (Ecclesiastes)

    Cov phau Ntawv Yaj Saub (Prophetic Books) khaws cov yaj saub tej lus cia. Cov yaj saub txoj hauj lwm yog qhuab qhia cov His Xas Lais kom lawv tsis txhob tso Tswv Ntuj tseg, kom lawv nyob ruaj nreb hauv lawv txoj kev cog lus nrog Tswv Ntuj. Yog thaum twg lawv mus yuam kev, cov yaj saub qhuab qhia lawv tas zog kom tig rov los mloog Tswv Ntuj. Yog thaum twg lawv mloog Tswv Ntuj lus mas lawv tau hmoov zoo, thaum twg lawv tsis mloog raws Tswv Ntuj hais mas Tswv Ntuj rau txim rau lawv. Cov yaj saub kuj yog cov uas ua saub hais txog tias
    yuav muaj ib tug Cawm Seej (Messiah) tuaj cawm cov His Xas Lais. Lawv piav txog tias nws yuav yug ntawm ib tug hluas nkauj nyob Npes Les Hes, nws yuav pab cuam cov txom nyem, nws yuav kho cov neeg mob, nws yuav tsa cov neeg me lub meej mom. Lawv kuj hais txog tias nws yuav tuag txom nyem npaum li cas tib si. Cov phau Ntawv Yaj Saub muaj npe hu li no:


    1- His Xais (Isaiah)
    10- Os Npas Dias (Obadiah)
    2- Yes Les Mias (Jeremiah)
    11- Yos Nas (Jonah)
    3- Seev (Lamentations)
    12- Mis Kes (Micah)
    4- Npas Lws (Baruch)
    13- Nas Hws (Nahum)
    5- Es Xes Kias (Ezekiel)
    14- Has Npas Kws (Habakkuk)
    6- Das Nias (Daniel)
    15- Xos Fos Nias (Zephaniah)
    7- Os Xes (Hosea)
    16- As Nkais (Haggai)
    8- Yos Es (Joel)
    17- Ntxas Kas Lias (Zechariah)
    9- As Mos (Amos)
    18 - Mas Las Kis (Malachi)
    Cov phau Ntawv Yaj Saub no yog sau kwv yees txij xyoo 750 B.C. mus txog xyoo 400 B.C., 400 xyoo ua ntej Yes Xus yug los xwb.

    Muaj tsib phau Ntawv Yaj Saub hu ua cov phau ntawv yaj saub loj (major prophets), vim yog tej phau ntawv tuab. Yog: phau His Xais, Yes Les Mias, Seev, Npas Lws, thiab Das Nias. Cov tom qab, uas luag tis npe hu ua cov ntawv yaj saub me (minor prophets), yog tej phau luv luv xwb.


    Phau Ntawv Cog Lus Tshiab (New Testament)


    Cov Ntawv Cog Lus Tshiab yog piav txog Yes Xus lub neej los mus rau cov Hauv Paus Xa Lus, thaum lawv pib tsa lub Koom Txoos los mus zoo li cas.

    Muaj nees nkaum xya phau ntawv nyob rau hauv, uas xub xub sau ua lus Hes Las (Greek). Lawv tau sau cov phau ntawv ntawd txij xyoo 50 A.D. mus rau xyoo 140 A .D. (lawv qab Yes Xus tuag lawm). Cov phau ntawv no lub ntsiab yog hais txog Yes Xus nkaus xwb, nws lub neej kev qhuab qhia, kev raug txom nyem, tuag thiab sawv rov los; nws yog Tswv Ntuj leej Tub, tus Cawm Seej (Messiah) uas sawv daws tos tos. Nws yog sawv daws tus Huab Tais thiab tus tij.

    Muaj plaub hom ntawv nyob hauv, yog:


    - Cov Ntawv Moo Zoo (Gospels)
    - Phau Ntawv Hauj Lwm (Acts of the Apostles)
    - Cov Tsab Ntawv (Epistles or Letters)
    - Phau Qhib Yav Tom Ntej (Revelation)

    Vim li cas thiaj sau ua lus Hes Las (Greek)?

    Vim yog hom lus uas neeg paub coob lub caij ntawd ((ib yam li tam sis no neeg paub lus Aas Kiv (English) coob)).

    Cov Ntawv Moo Zoo: Muaj plaub phau Ntawv Moo Zoo uas piav txog Yes Xus lub neeg yug los li cas, nws tej lus qhuab qhia, tej zaj paj lug, nws tej kev kho neeg mob, nws txoj kev txom nyem, kev tuag, thiab sawv rov los, thiab nce mus saum ntuj. Muaj plaub phau Ntawv Moo Zoo:

    - Mas Tais (Matthew)
    - Mas Kos (Mark)
    - Lus Kas (Luke)
    - Zam (John)

    Nyob hauv plaub phau no, muaj peb phau uas hais muaj ntsis mus sib raws, txawv los txawv tsis ntau, yog phau Mas Tais, Mas Kos, thiab Lus Kas. Luag hu peb phau no hu ua cov“synoptic gospels.” Phau Zam txawv me ntsis cov, nws tus txheej txheem sau ntawv txawv thiab muaj tej zaj piav thiab tej cov lus uas tsis muaj nyob hauv peb phau ua ntej.

    Phau Hauj Lwm: Tus tswv sau yog Lus Kas, uas sau phau Ntawv Moo Zoo Lus Kas thiab. Nws sau kwv yees yog xyoo 70 A.D. mus rau 75 A.D. Nws piav txog txoj kev ntseeg Yes Xus pib loj hlob li cas. Muaj zaj piav txog Yes Xus nce mus saum ntuj, leej Ntuj Plig nqe los, Pob Zeb tes hauj lwm tshaj Ntuj Lus, leej Ntshiab Stephen raug lawv tua, Paj Lug los txais kev ntseeg, thiab nws tes hauj lwm tshaj Ntuj Lus.

    Cov Tsab Ntawv: yog phau ntau tshaj nyob hauv cov Ntawv Cog Lus Tshiab. Muaj Paj Lug cov tsab ntawv, thiab muaj lwm tus Hauv Paus Xa Lus cov tsab ntawv.

    Paj Lug cov tsab ntawv yog sau pib txij xyoo 54 A. D. mus rau xyoo 80 A.D. Paj Lug cov tsab ntawv muaj npe raws li pab neeg los tus neeg uas nws sau mus rau lawv:

    1- Los Mas (Romans)
    8 - Kos Los Xais (Colossians)
    2- Kos Lis Nthos Tsab 1 (1 Corinthians)
    9- Tes Xas Los Nis Tsab 1 ( 1 Thessalonians)
    3- Kos Lis Nthos Tsab 2 (2 Corinthians)
    10- Tes Xas Los Nis Tsab 2 (2 Thessalonians)
    4- Nkas Las Tias (Galatians)
    11- Tis Mos Tes Tsab 1 (1 Timothy)
    5- Es Fes Xos (Ephesians)
    12- Tis Mos Tes Tsab 2 (2 Timothy)
    6- Fis Lis Pos (Philipians)
    13- Tis Tos (Titus)
    7- Fis Les Moos (Philemon)

    Tsab Ntawv rau cov Hes Nplaws (Hebrews). Tsab ntawv no tsis muaj npe tias yog leej twg sau, ces lawv muab tso rau tom qab Paj Lug cov Tsab Ntawv. Nws tsis yog sau mus rau
    ib lub zos neeg li Paj Lug cov tsab ntawv, tiam sis yog sau rau ib pab neeg, yog cov Hes Nplaws (cov His Xas Lais). Nws xav txhawb lawv kom lawv tsis txhob ntaus siab me tiam sis kom lawv ntseeg txog Yes Xus ruaj nreb xwb.

    Cov Hauv Paus Xa Lus cov tsab ntawv: Muaj ob peb tug sau cov tsab ntawv no. Lawv kuj tsis yog sau mus rau ib lub zos neeg los ib tug neeg xwb, lawv sau qhuab qhia rau sawv daws. Cov tsab ntawv no yog sau xyoo 65 A.D. mus rau 95 A.D. Muaj cov tsab ntawv zoo li no:

    1- Yas Kos tsab ntawv (James)
    5- Zam Tsab 2 (2 John)
    2- Pob Zeb Tsab 1 (1 Peter)
    6- Zam Tsab 3 (3 John)
    3- Pob Zeb Tsab 2 (2 Peter)
    7 - Yus Das tsab ntawv (Jude)
    4- Zam Tsab 1 (1 John)


    Phau Qhib Yav Tom Ntej (Revelation): Zam yog tus sau phau ntawv no, kwv yees xyoo 90 A.D. los tom qab me ntsis. Yog ib zag lus ceeb toom rau cov ntseeg txog yav tom ntej, yog ib zag paj lug piav txog lub Koom Txoos nrog ntxwj nyoog sib tawm tsam. Tiam sis thaum kawg Yes Xus yog tus yeej.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 14th April 2010, 5:24 pm


    COV NPE PHAU NTAWV NTSHIAB ua lus Hmoob thiab lus Fab Kis.


    Cov nov yog cov npe uas txaus txhais ua lus Hmoob xwb. Tseem tshuav phau puav uas tsis tau txhais tsis tso rau hauv nov.



    -->COV PAJ LUG = Proverbes=Pr
    -->DAS NIAS = Daniel=Dn
    -->ES FES XOS = Ephésien=Ep
    -->ES NRAS=Esdras=Esd
    -->ES XES KIAS=Ezéchiel=Ez
    -->FIS LES MOOS= Philémon=Phm
    -->FIS LIS POS=Philipiens=Ph
    -->HAUJ LWM= Acte des Apôtres=Ac
    -->HAUV PAUS=Genèse=Gn
    -->HES NPLAWS=Hébreux=He
    -->HIS XAIS=Isaïe=Is
    -->KEV TSIV=Exode=Ex
    -->KOS LIS NTHOS TSAB IB=1 Corinthien=1Co
    -->KOS LIS NTHOS TSAB OB=2 Corinthien=2Co
    -->KOS ES LES=Qohélet=Qo
    -->KOS LOS XAIS=Colossien=Col
    -->KWV TXHIAJ=Cantique des cantiques=Ct
    -->LES VIS=Lévitique= Lv
    -->LOS MAS=Romain=Rm
    -->LUB MOO ZOO RAWS LI LUS KAS=Luc=Lc
    -->LUB MOO ZOO RAWS LI MAS KOS=Marc=Mc
    -->LUB MOO ZOO RAWS LI MAS TAIS=Matthieu=Mt
    -->LUB MOO ZOO RAWS LI ZAM=Jean= Jn
    -->LUV=Ruth=Rt
    -->MAS KAS NPES IB=Maccabés 1= 1M
    -->NES HES MIS=Néhémie=Ne
    -->NKAS LAS TIAS=Galate=Ga
    -->NKAUJ PAJ NRUAG=Psaumes=Ps
    -->NPES XIS LAS=Siracide=Si
    -->OS NPAS DIAS=Abdias=Ab
    -->OS XES=Osée=Os
    -->POB ZEB TSAB NTAWV IB=1Pierre=1P
    -->POB ZEB TSAB NTAWV OB=2Pierre=2P
    -->QHIB YAV TOM NTEJ=Apocalypse=Ap
    -->SEEV=Lamentation=Lm
    -->TES XAS LOS NIS TSAB IB=1Thessaloniciens=1Th
    -->TES XAS LOS NIS TSAB OB=2Thessaloniciens=2Th
    -->TIS MOS TES TSAB IB=1Timothée=1tim
    -->TIS MOS TES TSAB OB=2Timothée=2tim
    -->TIS TOS=Tite=Tt
    -->TXOJ CAI OB=Deutéronome=Dt
    -->COV TXWJ LAUS TIV THAIV=
    -->VAJ PHAU IB=1Roi=1R
    -->XAM PHAJ=2roi=2R
    -->XAS MUAS PHAU IB=1Samuel=1S
    -->XWM PHAU IB=1Chroniques=1Ch
    -->YAS KOS TSAB NTAWV=Jacques=Jc
    -->YES LES MIAS=Jérémie=Jr
    -->YOB=Job=Jb
    -->YOS ES=Joël=Jl
    -->YOS XUAS=Josué=Jos
    -->YUS DAS TSAB NTAWV=Jude=Jude
    -->YUS DIS=Judit=Jdt
    -->ZAM TSAB NTAWV IB=1Jean=1Jn
    -->ZAM TSAB NTAWV OB=2Jean=2Jn
    -->ZAM TSAB NTAWV PEB=3Jean=3Jn






    Last edited by Maiv Tooj on 15th April 2012, 9:26 am; edited 2 times in total




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Phau Ntawv Ntshiab/Bible

    Post  Mim on 15th April 2010, 3:06 pm

    NTAWV NTSHIAB. Ua lus Hmoob thiab Aas Kiv.

    Phau Ntawv Cog Qub Lus (Old Testament)




    Thawj Tsib Phau (Pentateuch) muaj cov phau ntawv hu li no:

    1- phau Hauv Paus (Genesis)
    2- phau Kev Tsiv (Exodus)
    3- phau Les Vis (Leviticus)
    4- phau Xam Phaj (Numbers)
    5- phau Txoj Cai Ob (Deuteronomy)

    Cov phau Ntawv Kwv Huam (Historical Books)

    1- Yos Xuas (Joshua)
    2- Txwj Laus Tiv Thaiv (Judges)
    3- Luv (Ruth)
    4- Xas Muas Phau 1 (1 Samuel)
    5- Xas Muas Phau 2 (2 Samuel)
    6- Vaj Phau 1 (1 Kings)
    7- Vaj Phau 2 (2 Kings)
    8- Xwm Phau 1 (1 Chronicles)
    9- Xwm Phau 2 (2 Chronicles)
    10- Es Nras (Ezra)
    11- Nes Hes Mis (Nehemiah)
    12- Tos Npis ((Tobit)
    13- Yus Dis (Judith)
    14- Es Thes (Esther)
    15- Mas Kas Npes 1 (1 Maccabees)
    16- Mas Kas Npes 2 (2 Maccabees)

    Cov phau Ntawv Thoob Tsib (Wisdom Books)

    1- Yob (Job)
    2- Nkauj Paj Nruag (Psalms)
    3- Cov Paj Lug (Proverbs)
    4- Kos Es Les (Ecclesiastes)
    5- Kwv Txhiaj (Song of Songs)
    6- Thoob Tsib (Wisdom)
    7- Npes Xis Las (Sirach)

    Cov phau Ntawv Yaj Saub (Prophetic Books)

    1- His Xais (Isaiah)
    2- Yes Les Mias (Jeremiah)
    3- Seev (Lamentations)
    4- Npas Lws (Baruch)
    5- Es Xes Kias (Ezekiel)
    6- Das Nias (Daniel)
    7- Os Xes (Hosea)
    8- Yos Es (Joel)
    9- As Mos (Amos)
    10- Os Npas Dias (Obadiah)
    11- Yos Nas (Jonah)
    12- Mis Kes (Micah)
    13- Nas Hws (Nahum)
    14- Has Npas Kws (Habakkuk)
    15- Xos Fos Nias (Zephaniah)
    16- As Nkais (Haggai)
    17- Ntxas Kas Lias (Zechariah)
    18- Mas Las Kis (Malachi)

    Phau Ntawv Cog Lus Tshiab (New Testament)



    - Cov Ntawv Moo Zoo (Gospels)
    - Phau Ntawv Hauj Lwm (Acts of the Apostles)
    - Cov Tsab Ntawv (Epistles or Letters)
    - Phau Qhib Yav Tom Ntej (Revelation)

    Cov Ntawv Moo Zoo

    - Mas Tais (Matthew)
    - Mas Kos (Mark)
    - Lus Kas (Luke)
    - Zam (John)

    Phau Hauj Lwm



    Paj Lug cov tsab ntawv :

    1- Los Mas (Romans)
    2- Kos Lis Nthos Tsab 1 (1 Corinthians)
    3- Kos Lis Nthos Tsab 2 (2 Corinthians)
    4- Nkas Las Tias (Galatians)
    5- Es Fes Xos (Ephesians)
    6- Fis Lis Pos (Philipians)
    7- Fis Les Moos (Philemon)
    8 - Kos Los Xais (Colossians)
    9- Tes Xas Los Nis Tsab 1 ( 1 Thessalonians)
    10- Tes Xas Los Nis Tsab 2 (2 Thessalonians)
    11- Tis Mos Tes Tsab 1 (1 Timothy)
    12- Tis Mos Tes Tsab 2 (2 Timothy)
    13- Tis Tos (Titus)

    Cov Hauv Paus Xa Lus cov tsab ntawv:

    1- Yas Kos tsab ntawv (James)
    2- Pob Zeb Tsab 1 (1 Peter)
    3- Pob Zeb Tsab 2 (2 Peter)
    4- Zam Tsab 1 (1 John)
    5- Zam Tsab 2 (2 John)
    6- Zam Tsab 3 (3 John)
    7 - Yus Das tsab ntawv (Jude)

    -Phau Qhib Yav Tom Ntej (Revelation)


    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Phau Ntawv Ntshiab/Bible

    Post  Mim on 15th April 2010, 3:08 pm

    Nram no kuv yuav tuaj ntxiv me ntsis txog qhov hais tias yog vim li cas peb phau Bible Kas Tos Liv ho muaj ntau phau dua cov Protestants phau Bible.


    What is the Difference Between Protestant and Catholic Bibles?
    The Old Testament

    The First Christian Bible

    At the time the Christian Bible was being formed, a Greek translation of Jewish Scripture, the
    Septuagint, was in common use among Jews and Christians adopted it as the Old Testament of the Christian Bible. However, around 100 A.D., Jewish rabbis revised their Scripture and established an official canon of Judaism which excluded some portions of the Greek Septuagint. The material excluded was about 7 late Jewish books, written during the period 170 B.C. to the time of Jesus, that were not found in Hebrew versions of the Jewish Scripture. Christians did not follow the revisions of Judaism and continued to use the text of the Septuagint as the Old Testament.

    Protestant Bibles

    In the 1500s, Protestant leaders decided to organize the Old Testament material according to the official canon of Judaism rather than the Septuagint. They moved the Old Testament material which was not in the Jewish canon
    into a separate section of the Bible called the
    Apocrypha. So, Protestant Bibles then included all the same material as the earlier Bible, but it was divided into two sections: the Old Testament and the Apocrypha. Protestant Bibles included the Apocrypha until the mid 1800s, and the King James Version was originally published with the Apocrypha. However, the books of the Apocrypha were considered less important, and the Apocrypha was eventually dropped from most Protestant editions.

    Catholic and Orthodox Bibles

    The Roman Catholic and Orthodox Churches did not follow the Protestant
    revisions, and they continue to base their Old Testament on the Septuagint. The result is that these versions of the the Bible have more Old Testament books than most Protestant versions. Catholic Old Testaments include
    1st and 2nd Maccabees, Baruch, Tobit, Judith, The Wisdom of Solomon, Sirach (Ecclesiasticus), additions to Esther, and the stories of Susanna and Bel and the Dragon which are included in Daniel. Orthodox Old Testaments include these plus 1st and 2nd Esdras, Prayer of Manasseh, Psalm 151 and 3rd
    Maccabees
    .

    The New Testament

    The Protestant, Catholic and Orthodox New Testaments are identical.


    Lus ceeb toom: Nram no kuv yuav txhais me ntsis cov lus Aas Kiv saum toj no ua lus Hmoob, tiam sis kuv yuav ntxiv ib co lus rau, kuv yuav hais kuv ib zag txawv me ntsis lawv zaj lawm.

    Qhov txawv yog nyob hauv cov Ntawv Cog Qub Lus (Old Testament)

    Cov Ntseeg Yes Xus thawj phau Ntawv Ntshiab

    Thaum lub Koom Txoos nyuam qhuav pib, cov neeg ntseeg yes Xus siv phau Ntawv Ntshiab Hes Nplaws (Hebrew Scripture) uas yog txhais ua lus Hes Las (Greek) thiab muaj lub npe hu ua Septuagint. Lawv siv phau ntawv ntawd los ua lawv phau Ntawv cog Qub Lus. Thaum ntawd cov Ntawv Cog Lus Tshiab tseem tsis tau sau.

    Tiam sis kwv yees ze ntawm xyoo 100 A.D., cov xib hwb Hes Nplaws (Jewish rabbis) rov kho lawv phau Ntawv Ntshiab dua. Thaum lawv kho, lawv muab 7 phau ntawv tshem tawm. 7 phau ntawd yog tej phau ntawv nyuam qhuav sau tshiab txij xyoo 170 B.C. los txog lub caij Yes Xus ua neej nyob xwb, thiab qhov ntau yog sau ua lus Hes Las. Vim li ntawd cov rabbis thiaj tsis kam yuav, lawv tsuas yuav cov phau qub uas sau ua lus Hes Nplaws xwb.

    Tiam sis cov ntseeg Yes Xus tsis caum lawv, cov ntseeg Yes Xus siv phau Septuagint uas cov Hauv Paus Xa Lus yeej siv los mus lawm.

    Cov Bibles Protestant
    Peb paub hais tias yog xyoo 1520-21, Martin Luther ncaim tawm hauv Koom Txoos Kas Tos Liv mus thiab nws mus pib nws ib lub koom txoos tshiab. Nws kuj pib qhia tej txoj kev ntseeg txawv lub Koom Txoos Kas Tos Liv qhia. Thaum ntawd Koom Txoos Kas Tos Liv siv lus Latin xwb, yog li ntawd tas puas tsav yam ntaub ntawv yog ua lus Latin tas huv si. Ces Martin Luther kuj tau muab phau Ntawv Ntshiab los txhais ua lwm yam lus rau cov pej xeem thas mas das tau nyeem. Tiam sis thaum nws thiab nws cov thawj coj tes hauj lwm tau los saib txog cov ntawv Cog Qub lus mas lawv nyiam yuav cov phau ntawv raws li cov xib hwb rabbis tau txiav puag thaum xyoo 100 A.D. dua cov phau ntawv uas Koom Txoos Kas Tos Liv yeej ib txwm siv los lawm. Lawv muab xya phau ntawv uas muaj tshaj nyob hauv phau Septuagint coj los cais rau ib qho, lawv tis npe rau hu ua phau "Apocripha." Thaum ntej lawv kuj tseem tso cov ntawd raqu hauv lawv phqau Bible thiab. Tiam sis tom qab no, vim lawv saib cov ntawv ntawd tsis muaj nqes dab tsi ces lawv ci li muab txiav tawm tas nrho lawm. Vim li ntawd cov Bibles Protestant thiaj muaj 66 phau ntawv xwb.


    Ntawv Ntshiab
    Kas Tos Liv
    Phau Vaj Lus Kub
    Plos Tes Taas

    Ntawv Cog Qug Lus
    46 phau 39 phau
    Ntawv Cog Lus Tshiab
    27 phau
    27 phau
    Tas huv si
    73 phau
    66 phau
    7 phau ntawv Ntawv Cog Qub Lus uas lawv tshem tawm yog cov no:

    1. Tos Npis (Tobit)
    2. Yus Dis (Judith)
    3. Mas Kas Npes 1 (1 Maccabees)
    4. Mas Kas Npes 2 (2 Maccabees)
    5. Thoob Tsib (Wisdom)
    6. Npes Xis Las (Sirach)
    7. Npas Lws (Baruch)

    Lub ntsiab uas lawv tsis nyiam cov phau ntawv no, vim lawv tsis ntseeg tej yam no:

    • Kev thov ntuj rau cov tau tas sim neej (Tos Npis 12: 12; Mas Kas Npes 2 12:39-45)
    • Teb chaws them txim (Thoob Tsib 3: 1-7)
    • Cov leej ntshiab kev thov ntuj (intercession of the Saints) rau peb (Mas Kas Npes 2 15:14)
    • Cov Tshiab kev thov ntuj (intercession of Angels) rau peb (Tos Npis 12: 12-15)

    Tsis tas li ntawd xwb, cov Plos Tes Taas tseem tshem tej zaj nyob hauv lwm phau ntawv thiab. Xws li lawv tsis yuav Es Thes (Esther) 10: 14 mus txog 16: 14, thiab lawv kuj tsis yuav cov zaj nyob hauv Das Nias (Daniel) 3: 24- 90; thiab 13; 14.
    Yog peb mus saib hauv peb phau ntawv Es Thes, mas peb tsuas pom muaj txog zaj 10 (chapter 10) 3, 3a, 3b, 3c mus txog 3l xwb, vim lawv muab cov nqe lus uas nyob hauv Es Thes 10: 14-16: 14 ntawd los mus dhos rau tej qhov uas yuav phim dua lawm.

    Cov ntseeg Orthodox siv ib yam li cov Kas Tos Liv, thiab lawv tseem ho muaj ob peb phau ntxiv hauv lawv Phau Ntawv Qub Lus uas cov Kas Tos Liv tsis muaj thiab.


    Last edited by Mim on 25th April 2010, 2:57 pm; edited 2 times in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 16th April 2010, 3:37 am



    Nyob zoo Mim,

    Ua tsaug rau nws cov lus, zoo kawg. Kuv paub tias cov Protestabt phau Ntawv Ntshiab tsawg dua cov Catholic phau, tab sis kuv tseem tsis tau mus tshawb xyuas qhov meej. Nws twb ho coj tuaj tso lawm los yog ib qho zoo uas s d yuav paub lub hauv paus hauv ntsis meej.

    Ua tsaug nawb mog.






    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Phau Ntawv Ntshiab/Bible

    Post  Maiv Paj Lug on 18th April 2010, 12:43 am

    Mim wrote:Tais Tooj,

    Ua tsaug rau nws cov lus zoo os. Kuv vam tias yuav pab tau peb cov Hmoob to taub me ntsis txog peb phau Ntawv Ntshiab thiab no kuv thiaj li coj tuaj tso rau hauv no os.

    Mim zoo kawg li os, kav tsij tuaj tso ntau yam uas koj paub kom cov tsis tau paub li peb ho nyeem thiaj paub txog. Kuv li ces kuv tsis tau paub txog tej ntawv Ntshiab li, kuv nyuam qhuav pib nyeem phau ntawv ntshiab xyoo tas los no uas kuv yuav tau ib phau ntawm Txiv Plig Cwj Vuam Chiv xwb, kuv tsuas paub tias phau ntawv ntshiab nws qhia tag txhua yam uas kuv xav nug tau no xwb kuv tsis tau paub txog tej koj tuaj qhia ntawm nov li thiab, zoo siab kawg uas koj tuaj qhia ntau yam hauv Hmong Catholique rau peb kawm thiab nyeem ua rau peb paub ntau dua qub nawb mog.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 31st August 2011, 8:53 am



    Mim twb tham muaj ntsis zoo ib yam ua ntej lawm, tab sis kuv rov ntxiv me ntsis.




    NTAWV COG QUB LUS NTIM TU NTAU PAHU NTAWV SIB TXAWV.

    1- Lub caij ua Yes Xus ntej, cov kws ntawv His Xas Lais tau sau 46 phau ntawv. Cov neeg ntseeg tau muab 46 phau ntawv ntawd los ua ib phau ntawv loj hu ua NTAWV COG QUB LUS, vim tias yog cov lus uas Tswv Ntuj tau qhia rau nws haiv neeg His Xas Lais lub caij ua Yes Xus ntej.

    2- Chiv thawj, yam li txij xyoo 1850 ua YX ntej los rau xyoo 950 ua ntej YX mas cov His Xas Lais tsis tshua sau ntawv tseg. Lawv tsuas sib tshaj Tswv Ntuj cov lus ntawm ncauj rau tsoom poj yawm txwv koob, xws li Has Nplas, Mais Xes, Das Vis. Cov His Xas Lais sib qhia li ntawd tiam dhau tiam los.

    3- Ze ntawm xyoo 950 ua ntej YX (los sau -950 kuj tau), tus vaj Xas Los Moos kom ib cov kws ntawv sau thawj pahu ntawv ntim cov lus tuaj ntawm cov poj yawm txwv koob. Ces thiaj muaj thawj cov ntawv Cog Qub Luq. Niam no, peb hu cov ntawv ntawd hu ua cov zaj Yas Ves, vim nyob hauv cov ntawv ntawd lawv hu Tswv Ntuj ua Yas Ves.

    4- Ze ntawm xyoo -750, muaj lwm cov kws ntawv rov ntxiv tej tzaj tuaj ntawm cov popj yawm txwv koob. Lawv hu Tswv Ntuj ua Es Los Is (Eloïm). Tab sis niam no peb tsis siv lub npe "Es Los Is", peb tsuas hais tias "Tswv Ntuj". Cov kwv txuj hu cov ntawv ntawd ua Es Los Is. Nyob hauv cov ntawv cog qub lus, cov zaj Es Los Is yeej xyaw cov zaj Yas Ves ntau, vim ib txwm lawv khaws los sib xyaws li ntawd.

    5-Ze ntawm xyoo -450, tseem muaj ib co Leej Choj los ib cov kws ntawv xws li Es Nras, lawv ntxiv tej phau tshiab rau hauv cov Phau Ntawv Cog Qub Lus, vim Tswv Ntuj xa cov Yaj Saub tsis tseg los ntuas nws haiv neeg thiab muaj tej xwm tshiab tshwm. Lawv yuav tsum khaws tseg.

    6- Tom qab no tseem tau ntxiv phau puav los txog lub caij Yes Xus yug los. Ces qhov kawg tau phau NTAWV COG QUB LUS xws li peb niaj hnub twm no.

    Li ntawd, NTAWV COG QUB LUS yog ib phau ntawv loj khaws ntau yam ntawv los nyob ua ke. Ib txwm, lub Koom Txoos kawm cov lus uas Tswv Ntuj tau qhia rau cov His Xas Lais thaud. Lub Koom Txoos thiab cov kws txuj tau sib pab, ces nim peb thiaj li paub nrhiav cov zaj thiab txawj txhais cov lus uas nyob hauv cov Ntawv Cog Qub Lus.

    Yog yus tib leeg xav twm Ntawv Cog Qub Lus mas ntau zaus yus nrhiav tsis tau cov zaj loj, yus txhais tsis tau luv ntsiab. Vim tias yuav tsum xub paub tias phau ntawv twg yog kwv huam, phau ntawv twg yog keeb kwm, phau ntawv twg yog liv xwm, los yog paj lug, los yog qhia kev thoob tsib, los tseem yog lwm yam ntxiv. Vim li ntawd, peb tsoom ntseeg vam lub Koom Txoos pab nrhiav zaj thiab txhais.



    Thaum ub cov His xas Lais thiab cov Hais Nkws Tos lawv xuas cov plooj ncaug (papyrus) los ua ntawv sau. Ntawm no yog ib daim plooj uas Yes Xus 4 tug Thwj Tim sau phau Ntawv Moo Zoo. Peb cov Ntawv Ntshia yog tuaj ntawm tej daim ntawv zoo li no tuaj.


    Tso ncaug, lawv muab cov kav ncaug phua, muab nrhab coj los lo ua ke. Thaum ub mas ua nyuaj heev ces lawv sau ntawv tag, lawv muab thuam, lawv rov siv dua. Lawv muab kua nplaum los cam kom cov kua me txhob thawm.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 1st September 2011, 10:33 am



    NYOB HAUV HIS XAS LAIS LIV XWM
    SAIB COV NIAJ XYOO
    MUAJ TEJ XWM TSHWM SIM.

    -1800: Has Nplas
    His xas Has
    Yas Kos
    Yas Kos 12 tug tub
    -1660: Yos Xes lawv los nyob Hais Nkws Tos teb

    -1260: Mais Xes
    -1220: Yos Xuas coj lawv mus nyob Kas Nas Has teb
    -1040: Xas Muas

    -1030: Xas Ws
    -1010: Das Vis
    -972: Xas Los Moos
    -933: Cov Vaj qab teb thiab qaum teb
    -722: Cov Xas Mas Lias mus nyob txim
    -598: Thawj pab Yus Das mus nyob txim
    -587: Pab tom qab mus nyob txim
    -538: Kws Los tso lawv rov los thiab Yus Das teb zwm rau Pes Xis
    -333: Yus Das teb zwm rau Hes Las
    -165: Yus Das teb rov twj lij
    -63: Yus Das teb zwm rau Los Mas

    -6 YES XUS YUG LOS
    +30: YES XUS TUAG




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 2nd September 2011, 2:53 am

    PHIAJ CEV KEV NTSEEG LUB HAUV PAUS

    Pib nyeem hauv qab nce tuaj

    +300==> 313: Tus Tuam Vaj Ntxwv Los Mas hu ua Koos Taas Tees (Constantin) tshaj "Mis Las txoj cai", tsis quab yuam cov ntseeg ntxiv.

    +200==> Muaj cov Koom Txoos nyob rau cov teb chaws uas zwm rau Los Mas. Cov ntseeg raug Tseem Hwv Los Mas quab yuam.

    +100==>

    Ze ntawm 100: Hauv Paus Xa Lus Zam tuag.
    85 tej: Zam Ntawv Moo Zoo. Zam cov tsab ntawv. 95 tej: Ntawv qhib yav tom ntej.
    80 tej: Mas Tais Ntawv Moo Zoo. Lus Kas Ntawv Moo Zoo. Ntawv Hauj Lwm.
    70: Cov Los Mas hlawv lub yeej Yes Lus Xas Les.
    64: Pob Zeb tuag nyob Los Mas teb.
    67: Paj Lug tuag nyob Los Mas.
    69: Zam nyob Es Fes Xos. Mas Kos Ntawv Moo Zoo.
    45: Paj Lug pib tshaj Ntuj Lus rau cov teev pej kum dab. Pib sau Paj Lug cov tsav ntawv.
    39: Yes Xus hu Xauv (Paj Lug). Xauv rov mus Tas Xis.
    36: Tes Fas Nos tuag. Cov ntseeg tawm mus tsim tej lub Koom Txoos nyob ntau lub nroog pej fab.
    30: Lub 4hlis Yes Xus tuag. Leej Ntuj Plig nqes los. Cov Hauv Paus Xas Lus pib tshaj lub Moo Zoo.
    27 yuav tag: Zam nyob ze ntawm tus dej Yos Las das(Joudain). Yes Xus pib tshaj lub Moo Zoo.
    -6 (los -7): Yes Xus yug los. Tus Ntxuav Plig Zam yug los. +5(los 10 Paj Lug yug los nyob Tas Xis

    ...0==>

    -63: Cov Los Mas tuaj kav Yus das teb
    -40: Ntawv Thoob Tsib
    -100==>
    142-63: Cov Yus Das ua neej twj lij tswj lawv teb chaws.
    -164: Cov kwv tij Mas Kas Npes sawv ntau rog rau cov Hes Las. Lawv rov teev Ntuj nyob hauv Yes Lus xas Les.

    -200==>-167: Tus Vak As Nthias Kus tshaj txoj cai tsis pub teev Ntuj nyob hauv Yes Lus Xas Les. Das Nias, Yus Dis, Es Thes sau cov Ntawv Ntshiab qhia kev thoob tsib ntau pahu. (Kos Es Les, Npes Xis Las, Tos Npis)
    -300==> Cov Yus Das coob nyob As Les Xas Nrias lawv txhais cov Ntawv Ntshiab los ua lus Hes Las (Ntawv Ntshiab Xya Caum
    -332: Tus Vaj Hes Las hu ua As Les Xas Nros tuaj kav cov teb chaws As Xias Xib Fab tib si.

    -400==>
    -450: Es Nras thiab Nes Hes Mis kho lub tsheej Yes Lus xas Les. Rov sau cov Ntawv Ntshiab ntau.

    -500==>
    -520: Cov Yus Das rov txhim lub Tuam Tsev teev Ntuj. As Nkais thiab Mas Las Kias sawv ua Yaj Saub His Xas Lais 3
    -538: Tus vaj Nkws Los nyob Npas Npis Los tso lus rau cov Yus Das thiab His Xas Lais rov mus rau lawv teb chaws.
    -593: Es Xes Kias ua Yaj Saub nyob NPas Npis Los teb.
    -597: Thawj pab Yus Das mus nyob txim rau Npas Npis Los teb.

    -600==>
    -605: Hes Npes Kws sawv ua Yaj Saub. Yes Les Mias tseem nyob ua Yaj saub thiab.
    -630: Xov Fos Nias thiab Yes Les Mias sawv ua Yaj Saub nyob qab teb.
    -660: Nas Hws sawv ua Yaj Saub nyob Yes Lus xas Les. His Xais tseem nyob ua Yaj Saub ntxiv mus.

    -700==>
    -772: Tus vaj As Xis Lias txeeb tau lub tsheej Xas Mas Lias, coj ib cov His xas Lais mus nyob txim nyob Npas Npis Los.
    -740: His Xais thiab Mis Kes sawv ua Yaj Saub nram qab teb, nyob Yes Lus Xas Les.
    -750 As Mos thiab Os Xes sawv ya Yaj Saub nyob His Xas Lais qaum teb.

    -800==>
    -850: Es Lis thiab Es Lis Xais nkawd ua Yaj Saub nyob qaum teb.

    -900==>
    -933: His Xas Lais qaum teb, ib ncig ntawm Xas Mas Lias) ncaim ntawm Yus das (qab teb. Yes Lus Xas Les).
    -972-933: Xas Los Moos ua vaj, txhim lub tuam tsev Teev Ntuj. Pib khaws cov kwv huam uas sib qhia los.

    -1000==>
    -1010-970: Das Vis ua vaj. Nws los nyob hauv lub tsheej Yes Lus Xas Les.
    -1040: Xas Muas ua Yaj Saub. -1030 Xas Muas tsa Xas Ws ua thawj tus vaj His Xas Lais.

    -1100==>
    Cov tub tiv thaiv coj His Xas Lais ntaus cov yeeb ncuab. Des Npos Las, Zes Des Oos, Zes Faws Tes, Xas Xoos.

    -1200==>
    Cov Fis Lis Tis tsiv los nyob Kas Nas Has teb xib fab.
    -1220: Yos Xuas coj cov Hes Nplaws rov mus nyob Kas Nas Has teb. Yes Lis Kos.
    -1260: Saum lub roob Xis Nais, Tswv Ntuj qhia Mais Xes kom nws mus npo cov Hes Nplaws ntawm Hais Nkws Tos teb.

    -1300==>
    Cov His Xas Lais ua tej yam hauj lwm nyhav nyob Hais Nkws Tos teb. Lawv ua tseem hwv Hais NKws Tos qhev.

    -1400==>

    -1500==>
    Has Nplas cov xeeb ntxwv huaj vam nyob Hais Nkws Tos teb. Ib txhia kuj huaj vam nyob Kas Nas Has teb.

    -1600==>

    -1700==>
    Has Nplas Has cov xeeb ntxwv ib txhia nrog Yas Kos mus nyob Hais Nkws Tos teb.
    His Xas Has. Yas Kos. Yas Kos 12 leej tub nyob Kas Nas Has teb.

    -1800==>
    Tswv Ntuj hu Has Nplas Has nyob Us. Has Nplas Has tsiv rov los nyob Kas Nas Has teb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 4th September 2011, 8:38 am



    THAWJ COV YAWG KOOB:

    HAS NPLAS HAS
    HIS XAS HAS
    YAS KOS


    HAS NPLAS, KOJ TSO TEB CHAWS NOV TSEG. TSOS KOJ TXIV TSEV NEEG TSEG.
    KOJ MUS NYOB HAUV LUB TEB CHAWS UAS KUV YUAV MUAB RAU KOJ.
    KUV YUAV UA KOM KOJ LOS UA IB HAIV NEEG LOJ




    1-Has Nplas yug nyob lub nroog Uj, uas nyob ntawm tus ntug dej Aws Fas Tes. Nyem no, lub teb chaws ntawd hu ua Is Lav teb. Puag thaum ub, nyob tsis deb tsis ze thaj tsam ntawm tus ntug dej Aws Fas Tes yog zoo ua noj, ces muaj ntau hais neeg los nyob ua noj ua haus, ua liaj ua teb yug tsiaj. Lawv kuj txhim tej lub nroog vam meej nto koob meej, xws li As Xws, Nis Nis Va, Npas Npis Los thiab Us.

    2-Lub caij has Nplas yug los, yog kwv yees 1800 xyoo ua Yes Xus ntej.
    3- Has Nplas txiv yog ibt ug neeg yug yaj, tshis, thauj thiab nyuj. Nws muaj ntau tus tub txib, ntau tus kwv tij neej tsa. Lawv puav leej nyob ua ib lub zos loj. Lawv tsa lawv tej tsev tsam phooj nyob tej thaj tsam muaj zaub zoo yug tsiaj txhu. Lawv keev mus nrhiav tej tshav zaub tshiab. Has Nplas txiv thiaj li tsiv mus ze ntawm lub nroog Has Laas.
    4- Has Nplas txiv hu ua Tes Las. Has Nplas muaj ibt ug kwv hu ua Has Laas. Has Laas yug tau Los. Los hu Has Nplas txiv hu ua txiv hlob.
    5-Has Nplas nyob Has Laas teb chaws ces Tswv Ntuj thiaj pib tshoj Has Nplas siab kom Has Nplas tso txoj ke teev dab tseg, tig los teev tus Tswv Ntuj tsim tag lub sim ceeb. Has Nplas txiav siab tsis mus Kas Nas Has teb. Cov Kas Nas Has kuj teev dab, tab sis yog ib cov dab txawv cov dab uas Has Nplas lub keeb kwm teev.
    6- Tswv Ntuj tshoj Has Nplas siab tas ib sim neej. Ntawv Hauv Paus tsuas piav lub ntsiab raws li cov Hes Nplaws sib qhia los xwb. Cov zaj Es Los Is los yog cov zaj Yas Ves kuj qhia txog Has Nplas. Ntawv hauv paus tsis piav Has Nplas lub neej tas huv si. Lawv tsuas nkaws zaj puav xwb.











    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 5th September 2011, 6:18 am


    HAS NPLAS NYOB RAU HAS NPLES
    ZE NTAWM HES NPLOOS.
    LOS MUS NYOB RAU NRAM LUB HAV YOS LAS DAS.




    Nyob Yas Nples, Yas Ves hais rau Has Nplas hais tias:
    "Koj tsa muag ntsia txoj qhov chaw koj nyob no mus txog pej fab
    thiab naj fab mus rau toob fab thiab xib fab,
    tas lub teb chaws koj pom no kuv yuav muab rau koj tas mus li.
    Thaum neeg suav tau ntiaj teb cov tsig av mas neeg thiaj
    li yuav suav tau koj cov xeeb leej xeeb ntxwv."



    Has Nplas thiab Los nkawd sib ncaim.

    Yog nyob ntawm tsob faj khaum Mas Nples ze Hes Nploos uas Tswv Ntuj tau cog lus tag zaj tas zog rau Has Nplas. Lub caij Has Nplas thiab Los sib ncaim mas lub hav ntawm lub Hiav Txwv Tuag ( los Tus Dej Tuag) mas tseem vam meej ib yam li lub hav Yos Las Das. Ntawm qhov ntawd muaj ob lub tsheej loj yog Xos Dos Mas thiab Nkos Mos Las.



    Last edited by Maiv Tooj on 7th September 2011, 3:36 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 6th September 2011, 9:03 am



    TSWV TUJ XA IB LUB CUB TAWG NCHO PA
    TUAJ UA LUB CIM COG LUS RAU HAS NPLAS.


    Has Nplas, koj tsa muag ntsia suam ntuj!
    Yog koj suav tau cov hnub qub mas koj suav mog!
    Koj tsoom xeeb ntxwv yuav coob npaum ntawd!



    1-Has Nplas laus lawm, nws tsis muaj tub muaj ki. Li ntawd, yog nws ib tug tub txib yuav tau txais nws lub cuab tam tas huv si. Has Nplas thiaj ntxhov siab. Nws puas yuav ntseeg cov lus uas Tswv Ntuj cog rau nws?

    2-Nyob lub teb chaws uas Has Nplas nyob, thaum cov neeg tseem ceeb sib cog lus khov mas lawv muab ib cov tsiaj phua ua ob sab, xws li Yas Ves qhia rau Has Nplas ua. Lawv ua li ntawd, lawv xav hais tias: "Yog koj ntxeev siab mas yuav muab koj phua ua ob sab xws li cov tsiaj no."

    3-Nyob hauv cov Ntawv Cog Qub Lus HP. qib 13 thiab 14, Yas Ves qhia Has Nplas tias yav tom ntej nws cov xeeb leej xeeb ntxwv yuav mus ciaj cev qhev 400 xyoo rau lwm tej chaws. Nyob hauv Ntawv Kev Tsiv, lawv sau tseg tias lawv ciaj cev qhev tau 430 xyoo.
    Tswv Ntuj tau ua kom Has Nplas xub paub tias nws tsoom xeeb ntxwv yuav raug xwm nyuaj.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 7th September 2011, 3:54 am



    HAS NPLAS TAU NWS TUS TUB IS MAS ES NTAWM TUS NTXHAIS TXIB HAS NKAS.


    HAS NKAS, KOJ SAWV TSEES MUS KHAWS TUS ME NYUAM.
    TSWV NTUJ HNOV TUS ME NYUAM LUB SUAB HU.




    Nyeem Ntawv Cog Qub Lus: HP, 16 thiab 21:5+8-20


    1- Raws li Has Nplas caj ces thaud, Xas Lais muaj cai hais tias tus ntxhais txib tus me nyuam yog Xas Lais tus me nyuam. Vim tus ntxhais txib yog ntxhais txib li qub, tsis yog Has Nplas poj niam. Tab sis thaum Is Mas Es yug los lawm mas Xas Lais tsis kam saib li Is Mas Es li yog nws tus tub, vim Has Nkas tssi hwm Xas Lais.

    2-Hauv qib 7, Ntawv Hauv Paus hais tias: "Yas Ves tus Tshiab ntsib Has Nkas."
    Ntawv Ntshiab hais kam tej yam zoo li ntawd. Lawv hais txog Yas Ves tus Tshiab, vim lawv hwm Tswv Ntuj heev ta nrho, lawv tsis muaj cuab kav hais tias: Tswv Ntuj ua ub ua no. Ces lawv hais tias: Yas Ves tus Tshiab ua ub ua no. Tab sis , qhov tseeb yog Tswv Ntuj ua.

    3- Is Mas es lub npe txhais tias: Yas Ves hnov.

    4- Is Mas es hlob nyob hauv cov teb chaws suab puam.

    5-Niaj hnub no, cov As Las Npias lawv nyob hauv cov teb chaws tsis deb tsis ze ntawm xeev ntuj Is Mas Es yug los thiab hlob mus. Lawv hais tias lawv yog Is Mas Es cov xeeb ntxwv, lawv yog Has Npas thawj tug tub cov xeeb ntxwv.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 8th September 2011, 9:42 am





    LWM XYOO ROV TXOG LUB CAIJ NO, KUV YUAV ROV TUAJ NTAWM NO.
    XAS LAS MUAJ IB TUG TUB.


    Nyeem Ntawg Cog Qub Lus. HP 18: 1-15



    1-Peb tug qhua tuaj xyuas Has Nplas Has ntawd, ib tug yog Tswv Ntuj Yas Ves, ob tug yog NWS cov Tshiab.
    2-Nyob hauv zaj 18 no, Ntawv Hauv Paus pib hu Has Nplas ua Has Nplas Has thiab hu Xas Lais ua Xas Las.
    Yog vim nyob hauv zaj 17 qib 5, Tswv Ntuj tau hais rau Has Nplas Has tias: Txij no mus, luag yuav tsis hu koj ua Has Nplas ntxiv. Koj lub npe yuav hu ua Has Nplas Has, vim kuv tsa koj ua txiv rau ntau hais neeg.
    Has Nplas Has luv npe txhais hais tias: Leej Txiv Hlub.
    Hauv zaj 17, qib 15 thiab 16, muaj lo lus no: Koj tus poj niam Xas Lais, mas koj yuav tssi hu ua Xas Lais ntxiv. Koj yuav hu nws ua Xas Las. Kuv yuav foom Hmoov Zoo rau Xas Las. Tej tus vaj thiab tej haiv neeg haiv neeg yuav tawm ntawm nws los.
    Lub npe Xas Las txhais tias "Poj Vaj".
    3-Yog lub caij Tswv Ntuj pub kom Xas Las xeeb tub rau Has Nplas Has ces Tswv Ntuj thiaj tis npe tshiab rau nkawd. Vim txij thaum ntawd los, nkawd lub neej tshiab tuaj.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 13th September 2011, 12:41 pm




    Zaj 7.



    TSIS MUAJ 5 LEEG NEEG SIAB NCAJ HAUV OB LUB NROOG.
    HLUAV TAWS THIAB LEEJ FAJ RHUAV OB LUB NROOG.





    NYEEM NTAWV COG QUB LUS. HP. zaj 18: 16-33 thiab zaj 19: 1-3+13-29.

    1-Has Nplas Has nrog peb tug qhua sawv kev mus rau Xos Dos Mas. Mus ib ntus, ces Ntuj ob tug Tshiab mus cuag Los nyob Xos Dos Mas. Tshuav Yas Ves nrog Has Nplas Has. Ces Yas Ves qhia Has Nplas Has tias nws npaj ua dab tsi rau ob lub nroog Xos Dos Mas thiab Nkos Mos Las. Has Nplas Has thiaj thov Tswv Ntuj Yas Ves.

    2-Nyob ib ncig ntawm Xos Dos Mas thiab Nkos Mos Las muaj roj thiab lawj faj hauv av. Xob laim quaj ces tas lub teb chaws kub nthiab. Sawv daws hais tias yog vim cov neeg nyob hauv ob lub nroog phem dhau lawm ces lawv raug Ntuj nplua lawv.

    3-Nyob Xos Dos Mas tseem pom tej lub pob zeb daw ntsev. Lub puav kuj muaj me ntsis zoo li mloom neeg. Ces neeg hais tias yog Los poj niam txia ua mlom.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 15th September 2011, 7:20 am

    ZAJ 8

    HAS NPLAS HAS YUAV MUAB NWS TUS TUB TWM ZEEJ HIS XAS HAS LOS TXI RAU TSWV NTUJ.



    VIM KOJ TSIS YIG, KOJ YUAV MUAB KOJ TUS TUB TWM ZEEJ RAU KUV, MAS KUV YUAV PUB TXOJ HMOOV ZOO RAU KOJ.


    Nyeem Ntawv Cog Qub Lus. H.P. 22: 1-19.


    1-Txij thaum Has Nplas Has tsiv los nyob Kas Nas Has teb, zaum puav nws pom cov Kas Nas Has muab ib tug neeg los txi rau dab. Thaum lawv xav ua ib thaj txiv dab loj, thov kom dab pub kev huam vam rau lub zos los yog lub nroog mas lawv muab lawv ib tug me nyuam tub los txi dab.
    2-Has Nplas Has pom cov Kas Nas Has ua li ntawd, ces nws xav tias yog Tswv Ntuj tshoj nws siab kom nws ua li lawv thiab. Yog zoo li Tswv Ntuj hais rau nws tias: Has Nplas Has, koj xav kom koj tsev neeg thiab cov neeg nrog koj nyob huam vam, mas koj yuav muab koj tus tub His Xas Has los txi rau kuv.




    Thaj chaw uas Has Nplas Has yuav muab nws tus tub Is Xas Has los tua txi Ntuj yog nyob ntawm Vaj Xas Los Moos lub Tuam Tsev teev Ntuj, uas zaum no tshuav sab Phab Ntsa Pab Cuam Quaj lawm xwb. Vim cov Yus Das tsis kam ntseeg tias Yes Xus yog tus Cawm Seej uas Tswv Ntuj yuav tso los Daws neeg lub txhim txhaum, ces lub Tuam Tsev teev Ntuj thiaj raug rhuav tshem li Yes Xus tau hais tseg.





    Tuam tsev teev Ntuj vaj Xas Los Moos, lub caij Yes Xus.





    Vaj Qhai Zam Paj Lug II mus thov Ntuj ntawm sab Phab Ntsa Pab Cuam Quaj.


    Phab Ntsa Pab Cuam Quaj,
    Lub Tuam Tseev teev Ntuj Vaj Xas Los Moos ces tsuas seem phab phab ntsa nov lawm xwb.


    Last edited by Maiv Tooj on 2nd November 2011, 8:35 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 17th September 2011, 9:04 am

    ZAJ 9

    HAS NPLAS HAS NRHIAV IB TUG NYAB HU UA LES NPES KAS RAU NWS TUS TUB HIS XAS HAS YUAV.



    Nyeem HP. 24: 1-33+42-67.




    Txiv hlob, koj haus mog!
    Kuv tseem yuav nqa dej los rau koj cov ntxhuav haus thiab.

    1-Nco ntsoov tej yam nram no:
    a. His Xas Has tsis tau nrog cov tub txib mus.
    b. Ntawv Hauv Paus tsis hais tus tub txib lub npe.
    c. Npes Tus Es yog Les Npes Kas txiv.
    d. Las Npas yog Npes Kas tus nus.

    2-Tus tau nrog Has Nplas Has tus tub txib hais rooj tshoob yog Les Npes Kas tus nus hu ua Las Npas:
    Nyob lub teb chaws ntawd, tus tub hlob sawv txiv chaw ua ntau yam.

    3- His Xas Has tsis yuav poj niam nyob hauv nws lub zos, vim cov neeg nyob hauv puav leej yog Has Nplas Has cov ntxhais txib ntxhais txuas. Zoo li lawv sawv daws yog tib yig xwb.

    4-Has Nplas Has tsis xav pub His Xas Has yuav poj niam Kas Nas Has, vim lawv ib txwm ntxias kom cov His Xas Lais teev lawv cov dab.
    Ces Has Nplas Has tso nws tus tub txib mus nrhiav ib tug nyab rau His Xas Has nyob rau hauv nws haiv neeg As Las Mais, uas nws ncaim ntawm lawv nyob Has Laas teb. Has Laas muaj dua lwm lub hu ua Nas Hos (qib10).

    5-Yog thaum nws niam nyuam qhuav tuag ces His Xas Has thiaj yuav poj niam. (qib 67).





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 19th September 2011, 6:11 am


    ZAJ 10


    HAS NPLAS HAS UA NEEJ NTEV LI 175 XYOOS.
    XAV LAS THIAB HAS NPLAS HAS LUB NTXA NYOB ZE MAS NPLES.


    Nyeem Hauv Paus zaj 23: 1...19 thiab zaj 25:7-11

    1-Hes cov tub (23:3) yog haiv neeg His Tis. Cov His Tis muaj lwm lub npe hu ua Hes. Lub caij ntawd, haiv His Tis kav tas cov teb chaws uas Has Nplas Has tsiv los nyob tib si. Has Nplas Has thiaj yuav ib tug nom thaj av los ua toj ntxas; luag kom Has Nplas Has them ib tug nqe kim heev.

    2-Thaum Xas Las tuag, nws muaj 127 xyoo. Thaum Has Nplas Has tuag nws muaj 175 xyoos. Ntawv Cog Qub Lus hais li ntawd. Tab sis yog ib txoj kev qhia tias Xas Las thiab Has Nplas Has tsim koob hmoov tseg ntau.Thaum cov ntawv Cog Qub Lus hais tias tej tug neeg tau nyob txog 200 los 300 xyoo tej; mas Ntawv Ntshiab tsuas xav tias lawv ua tej koob hmoov loj. Xws li Nom Hes, mas nws muaj 350 xyoo, nws mam tuag.
    Cov Ntawv txheej thaud nyob teb chaws ntawd puav leej piav tau tej zaj kwv huam hais txog tej tus neeg tau nyob txog 800 los 900 xyoo. Tab sis cov neeg txheej thaud tsuas ua neej ntev ib yam peb xwb.

    3-Has Nplas Has tau ua lub neej nyob ntiaj teb no tau 3.800 xyoo ua ntej no.
    Khoov Fum, tus tau tsim cov kev cai uas Suav teb coj los txog tav no, nws ua lub neej nyob Suav teb yog 2600 ua ntej no.
    Phuv Thas (los Xas Kias Mus Nis, tus tsim hauj sam kev cai, nws ua lub nee nyo Is Ntias qaum teb. Yog 2500 xyoo ua ntej no.




    Has Nplas Has thiab Xas Las lub ntxa nyob ntawm lub zos Hes Nploos



    Has Nplas Has lub ntxa.
    Ib sab yog cov Yus Das tsom kwm,
    Ib sab yog cov Mus Xis Lis tsom kwm.


    Cov Yus Das mus teev Ntuj ntawm Yas Kos lub ntxa,
    Yog Has Nplas Has lub ntxa ib sab.

    Nov Mus Xis Lis lub qhov rooj nkag mus hauv Has Nplas Has lub ntxa.



    Yas Kos lub ntxa yog lub sab lauj,
    Sab xis yog Xas Las lub ntxa.



    Sab ntxa cov Mus Xis Lis yog His Xas Has thiab Les Npes Kas lub ntxa.

    Sab ntxa cov Yus Das yog: Yas Kos thiab Les As lub ntxa.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 21st September 2011, 10:40 am



    ZAJ 11.


    LES NPES KAS YUG TAU OB TUG TUB NTXHAIB RAU HIS XAS HAS.
    TUS TUB HLOB ES XAS WS NOJ IB PLUAG TAUM
    LOS PAUV NWS TXIV COV LUS FOOM HMOOV ZOO.



    LES NPES KAS, MUAJ OB HAIV NEEG NYOB HAUV KOJ LUB CEV.
    IB HAIV YUAV KAV LWM HAIV. TUS TUB HLOB YUAV TSOB HWB TUS YAU.



    NYEEM NTAWV NTSHIAB.

    1-Es Xas Ws thiab Yas Kos yug los.
    HP.25:19-28.
    2- Es Xas Ws muab txiv cuab tam los paub ib pluag taum noj.
    HP. 25:29-34.


    1-Lub npe Es Xas Ws txhais tias: Tuaj Plaub. Lub npe Yas Kos txhais tias: Tuav Luj Taws.
    2-Lawv tseem hu Es Xas Ws ua Es Doos (qib 30), txhais tias: Liab Doog. Vim Es Xas Ws tau ntshaw noj ib pluag zaub liab doog.Es Xas Ws cov xeeb ntxwv yuav ua haiv neeg Es Doos, lawv thiaj hu Es Xas Ws ua Es Doos.
    3-Es Xas Ws tsis xav tswv yim. Nws xav kom tau noj tam sim ntawd ces nws muab ib pluag taum los pauv tus hlob lub cuab tam. Tab sis tus hlob lub cuab tam yog ib yam mus ua ke:
    Ib: Yog nws txiv lub cuab tam.
    Ob: Yog cov lus Foom Hmoov Zoo uas nws txiv His Xas Has yuav hais rau nws tus tub hlob. Cov lus Foom Hmoov Zoo ntawd kuj yog cov lus uas Has Nplas Has tau txais ntawm Tswv Ntuj los. Tus txais cov lus foom hmoov zoo ntawd yog tus yuav ua haiv His Xas Lais tus tseem Yawg Koob.
    Li ntawd Es Xas Ws tau ua tus tsis hwm nws txiv His Xas Has, tsis hwm nws Yawg Has Nplas Has, tsis hwm Tswv Ntuj. Nws yuam kev loj kawg.
    4-Es Xas Ws ib txwm coj tus yam ntxwv phim neeg qus. Nws tsuas kub siab mus yos nqaij. Nws tsis hwm luag. Nws mus zes cov haiv neeg nyob ib ncig tej ntxhais, ua kom His Xas Has tsev neeg poob ntsej muag. Nws tsis tsim nyog ua tus coj Tswv Ntuj haiv neeg.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 18th October 2011, 8:01 pm

    ZAJ 12

    LES NPES KAS PAB NWS TUS TUB YAS KOS KOM TAU TXAIS HIS XAS HAS COV LUS KOOB HMOOV.




    NYEEM PHAU NTAWV HAUV PAUS: 27,1-29.

    1- Yas Kos dag nws txiv, Is Xas Ws kuj tau thuam nws txiv thiab, vim nws tssi saib nws tus ua tub hlob lub cuab tam rau lub sam xeeb, thiab nws xav tias nws trxiv cov lus koob hmoov muaj nqes tsis npaum li ib pluag noob taum liab. Li ntawd, yuav hais tau tias ob tug tub ntawd nyias muaj nyias qhov txhaum.

    2-Thaum His Xas Has nyuam qhuav foom hmoov zoo rau Yas Kos, mas Es Xas Ws rov qab los tsev. Thaum nws txiv hais rau Es Xas Ws tias nws twb foom hmoov zoo rau Yas Kos tas mas Es Xas Ws xav muab Yas Kos tua pov tseg.

    3- His Xas Has twb pub tus tub hlob lub cuab tam rau Yas Kos thiab nws foom hmoov zoo rau Yas Kos tas lawm. Nws yuav rov qab mus muab tej ntawd rau Es Xas Ws tsis tau. Ua li, yog Yas Kos yuav ua tus coj Has Nplas Has tsoom xeeb ntxwv tiag.

    4-Tsis kav, His Xas Has foom hmoov rau Es Xas Ws tias yav tom ntej Es Xas Ws yuav mus tsim ib haiv neeg nyob teb chaws suab puam. Hais neeg yuav yog haiv Es Doos. His Xas Has tseem hais rau Es Xas Ws tias yav tom ntej nws tsoom xeeb ntxwv yuav ua ib haiv neeg nyiam ntau tsov ntau rog, nyiam huab lwg luag tej cuab tam.

    5-Ua li muaj ntau hais neeg hu Has Nplas Has ua lawv Yawg Koob. Yam li, Is Mas Es cov xeeb ntxwv saib Has Nplas Has yog lawv tus Yawg Koob. Es Xas Ws cov xeeb ntxwv kuj tib yam thiab.
    Tseem muaj Has Nplas Has thiab His Xas has thiab Yas Kos lawv tej tub txib tub txuas, tej tub mab tub qhev, lawv puav leej hais tias yog Has Nplas Has cov neeg. Tab sis cov neeg uas lawv hais tias lawv yog Has Nplas Has cov xeeb ntxwv, lawv coob leej teev dab ntau dua teev Tswv Ntuj.




    LUS NTUAS:
    1- Tswv Ntuj yuav tsum vam cov neeg txhaum los ua nws tej hauj lwm nyob ntiaj teb no.
    Tab txawm Yas Kos tau dag nws txiv, hos Tswv Ntuj tso nws cov lus foom hmoov zoo los ntoo Yas Kos. Vim tias Tswv Ntuj yeej yuav tsum vam txog cov neeg txhaum los ua nws tej hauj lwm nyob ntiaj teb no, rau qhov tias ntiaj teb neeg sawv daws muaj txhaum:

    Yog tsis txhaum ib qho, los txhaum lwm qhov. Ces Tswv Ntuj yuav tsum pub nws tej txiaj ntsim rau cov neeg txhaum thiab yuav tsum vam txog lawv.

    2-Muaj tej tus neeg xav tias ib tug neeg yuav tsum muaj lub siab dawb siab huv tas mus li mas nws thiaj tsim nyog ua Tswv Ntuj cov hauj lwm. Cov neeg xav li ntawd, lawv tsis paub tias muaj tej chim lawv ua txhaum thiab.
    Cov neeg uas tsis pom tias lawv muaj txhaum, Yes Xus yuav hais tias lawv yog neeg dig muag, xws li cov Fas Lis Xais.
    Zam: 9,39-41




    Last edited by Maiv Tooj on 2nd November 2011, 9:11 am; edited 2 times in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Phau Ntawv Ntshiab/Bible

    Post  Maiv Tooj on 2nd November 2011, 8:32 am

    Maiv Tooj wrote:
    ZAJ 8

    HAS NPLAS HAS YUAV MUAB NWS TUS TUB TWM ZEEJ HIS XAS HAS LOS TXI RAU TSWV NTUJ.



    VIM KOJ TSIS YIG, KOJ YUAV MUAB KOJ TUS TUB TWM ZEEJ RAU KUV, MAS KUV YUAV PUB TXOJ HMOOV ZOO RAU KOJ.


    Nyeem Ntawv Cog Qub Lus. H.P. 22: 1-19.


    1-Txij thaum Has Nplas Has tsiv los nyob Kas Nas Has teb, zaum puav nws pom cov Kas Nas Has muab ib tug neeg los txi rau dab. Thaum lawv xav ua ib thaj txiv dab loj, thov kom dab pub kev huam vam rau lub zos los yog lub nroog mas lawv muab lawv ib tug me nyuam tub los txi dab.
    2-Has Nplas Has pom cov Kas Nas Has ua li ntawd, ces nws xav tias yog Tswv Ntuj tshoj nws siab kom nws ua li lawv thiab. Yog zoo li Tswv Ntuj hais rau nws tias: Has Nplas Has, koj xav kom koj tsev neeg thiab cov neeg nrog koj nyob huam vam, mas koj yuav muab koj tus tub His Xas Has los txi rau kuv.



    Thaj chaw uas Has Nplas Has yuav muab nws tus tub Is Xas Has los tua txi Ntuj yog nyob ntawm Vaj Xas Los Moos lub Tuam Tsev teev Ntuj, uas zaum no tshuav sab Phab Ntsa Pab Cuam Quaj lawm xwb. Vim cov Yus Das tsis kam ntseeg tias Yes Xus yog tus Cawm Seej uas Tswv Ntuj yuav tso los Daws neeg lub txhim txhaum, ces lub Tuam Tsev teev Ntuj thiaj raug rhuav tshem li Yes Xus tau hais tseg.





    Tuam tsev teev Ntuj vaj Xas Los Moos, lub caij Yes Xus.





    Vaj Qhai Zam Paj Lug II mus thov Ntuj ntawm sab Phab Ntsa Pab Cuam Quaj.



    Phab Ntsa Pab Cuam Quaj,
    Lub Tuam Tseev teev Ntuj Vaj Xas Los Moos ces tsuas seem phab phab ntsa nov lawm xwb.




    Sponsored content

    Re: Phau Ntawv Ntshiab/Bible

    Post  Sponsored content Today at 3:42 am


      Current date/time is 10th December 2016, 3:42 am