Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    PHAU NTAWV QHIB YAV TOM NTEJ

    Share

    NrhiavTswvNtuj
    Hmong Catholique
    Hmong Catholique

    Messages : 600
    Date d'inscription : 2009-08-18

    PHAU NTAWV QHIB YAV TOM NTEJ

    Post  NrhiavTswvNtuj on 11th April 2011, 6:24 am


    COV LUS PAB TO TAUB PHAU NTAWV
    QHIB YAV TOM NTEJ



    Tus sau phau ntawv Qhib Yav Tom Ntej lub npe hu ua Zam.
    Zam sau phau ntawv no xws li ib tsab ntawv, xa mus rau xya lub Koom Txoos, txhais
    tias tag nrho cov Koom Txoos huv tib si.
    Cov lus hauv Ntawv Qhib Yav Tom Ntej yog ib co lus pab cov ntseeg to taub txog
    txoj kev ua Yes Xus tim khawv. Yes Xus yog thawj tug tim khawv, yog tus tsis fav
    xeeb uas tau xub hliv nws roj ntsha cawm peb. Yes Xus cov ntshav muaj hwj huam
    ntxuav neeg cov txhaum.
    Ua li mas, tus ntseeg yuav ua siab loj tiv txoj kev raug luag hiam, txawm tias tej zaum
    yuav tsum raug luag tua, los tsis txhob thim kev ntseeg. Vim Yes Xus yog tus yeej.
    Ntawv Qhib Yav Tom Ntej sau ntau zaj txuj pag seev cav txog Tswv Ntuj lub hwj
    chim thiab Leej Yaj txoj kev ua Vaj.
    Ntawv Qhib Yav Tom Ntej hais tias Yes Xus yog : tus Yaj uas luag nkaug caj dab ,
    yog Leej Yaj, yog tus xub yug hauv Tub Tuag teb los, yog tus Thawj thiab tus Kawg,
    yog As Fas thiab Os Mes Nkas, yog tus Tsov Ntxhuav hauv lub xeem Yus Das, yog
    tus Kaus Ntsuag hlav hauv Das Vis caj ces, yog lub Hnub Qub Kaj Ntug ci ntsa iab.
    Thaum ub, lawv xav qhia tias Tswv Ntuj yog tus muaj txoj sia nyob mus li, mas lawv
    hais tias nws plaub hau dawb.
    Lub ntsiab hais txog cov Ntshiab hnav tsho ntaub pag dawb, txhais tias lawv siab
    dawb siab huv. Txheej thaud siv kam paj lug cem cov neeg siab me uas ntxeev siab
    mus teev dab. Lawv hu kev teev dab ua kev ua niam ntiav, thiab kev ua dev ua npua.
    Tus poj ntiav loj loj uas coj ntiaj teb neeg mus hauv txoj kev lwj, muaj ob lub ntsiab :
    thawj lub ntsiab, yog lub nroog Los Mas.
    Lub ntsiab ob, yog txoj kev teev dab thiab teev tus tuam vaj Los Mas.
    Thaum peb nyeem txog tej qib lus hais txog kev ua plees ua yi, mas peb yuav paub
    tias yog hais txog kev teev dab thiab txi dab.
    Ntawv Qhib Yav Tom Ntej siv ib co zauv ntshiab, yog cov zauv uas txheej laus thaud
    saib tias yog cov zauv tau koob hmoov, yam li 3, 4, 7, 12, 24.
    Cov zauv no siv rau tas txhua yam zoo, txhua yam ntshiab huv uas yuav nyob mus li.
    Ntawv hais txog Xya lub Koom Txoos, tus zauv 7 yog tus zauv zoo, lub ntsiab no
    txhais tias tas nrho cov Koom Txoos huv tib si.
    24 tug Laus Neeg, txhais tias 12 leeg thwj tim nrog 12 lub xeem His Xas Lais ua ke.
    Cov zauv 1000, 12 000, 144 000, yog ib co zauv suav tej yam zoo uas muaj ntau tas
    nrho, suav tsis txheeb.
    Cov zauv hais txog kev nyuaj thiab kev txom nyem, tab sis tsis ntev yuav txais kev
    cawm mas, yog 3 ib nrab (3 ½), 1260, 42.
    Thaum hais txog 42 lub hlis yog 3 xyoos ib nrab, los 1260 hnub.
    Lub ntsiab ntawm cov zauv no txhais tias muaj kev txom nyem, tab sis lub caij txom
    nyem kav tsis ntev.
    Kev ntseeg ruaj yog kev yeej, vim Yes Xus yog tus yeej.
    Tus zauv phem yog 6 thiab 666.







    Ob daim duab nov sib txawv, vim tsis muaj daim zoo ib yam uas hais ob hom lus, tab sis kuj yog hais tib yam ces kuv tso ob daig kom tus nyeem lus Fab Kis los tau, tus nyeem lub Aas Kiv los tau. Khuv xim heev uas tsis muaj ua lus Hmoob, vam tias ntev mus yuav muaj ua lus Hmoob. Yog peb rau siab ua ntsaum kwv pleb...






    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    NrhiavTswvNtuj
    Hmong Catholique
    Hmong Catholique

    Messages : 600
    Date d'inscription : 2009-08-18

    Re: PHAU NTAWV QHIB YAV TOM NTEJ

    Post  NrhiavTswvNtuj on 11th April 2011, 6:55 am


    Cov kob siv hauv phau ntawv no kuj muaj ib lub ntsiab :




    Kob dawb xav qhia txog kev ntshiab huv, thiab kev yeej (tsho dawb, nees dawb).


    Kob liab xav qhia tias ntshav yuav ntws tawm los, thiab yuav muaj xwv txheej.


    Kob dub yog lub cim qhia txog txoj kev tuag.

    Kob liab tsam xem yog lub cim qhia txog kev nplua nuj.




    Zam sau phau Ntawv Qhib Yav Tom Ntej ze xyoo 95. Yog lub sij hawm uas tus vaj
    Los Mas hu ua Dos Mes Xias Nus hiam cov ntseeg. Nws yuam tsoom pej xeem kom
    hu nws ua Huab Tais thiab Tswv Ntuj. Nws yuam kom sawv daws pe nws daim duab.
    Cov ntseeg txog Yes Xus tsis kam pe, ces lawv raug luag hiam loj.
    Coob leej raug luag ntes mus tua.
    Vim li ntawd, Zam siv ib co lus paj lug thiab ib co duab sau phau ntawv no.
    Peb yuav txhais ob peb lo lus kom tus nyeem ntawv to taub.
    Tus plaub hau dawb, yog tus muaj txoj sia nyob mus li.
    Tus muaj ntau lub qhov muag, txhais tias nws pom thiab paub txhua yam zais.
    Tus muaj ntau txhais tis, txhais tias nws mus tau rau qhov txhia chaw sai kawg.
    Tus poj ntiav uas ris ib co lus thuam ntuj puv nws lub cev, yog lub nroog Los Mas.
    Lub nroog Npas Npis Los, yog lub nroog Los Mas.
    Cov taub hau, yog cov vaj,
    Cov kub, yog cov vaj uas zwm rau tus tuam vaj Los Mas.
    Lub Tsheej Yes Lus Xas Les Tshiab, yog Tswv Ntuj lub Ceeb Tsheej.
    Rab ntaj ob sab ntse, yog Tswv Ntuj Lo Lus.
    Tshuab hom : lub ntsiab ntawm lub suab hom yog cav txog tej yam zoo uas
    Tswv Ntuj ua.
    Tsov ntxhuav, yog tus muaj zog tshaj hauv tsoom tsiaj qus.
    Heev nyuj, yog tus muaj zog tshaj hauv tsoom tsiaj nyeg.
    Dav, yog tus muaj zog tshaj hauv tsoom tsiaj muaj tis ya.
    Neeg yog tus muaj zog tshaj nyob hauv tsoom uas muaj lub tswv yim xav.
    Ntiaj teb neeg, yog cov tsis hwm Ntuj uas hiam tsoom ntseeg.
    Tus Zaj liab li hluav taws, yog txoj kev phem uas rhuav thiab hlawv cov ntseeg.
    Tus tsiaj tawm hauv av los, yog txoj kev teev hawm yuam kev.
    Tus tsiaj tawm hauv dej los, yog cov vaj Los Mas txoj cai.
    Tus poj niam hnav lub hnub thiab nws sawv ntsug saum lub hli, yog lub Koom
    Txoos.
    Leej Yaj tus nkauj nyab, kuj yog lub Koom Txoos.
    Ntsuas : txhais tias zov thiab pov hwm.
    Ntawv Qhib Yav Tom Ntej rov siv ntau lo lus, ntau daim duab uas tau xub sau nyob
    hauv Ntawv Es Xes Kias thiab Das Nias. Yog cov duab thiab cov paj lug uas txheej
    laus thaud to taub zoo.







    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    NrhiavTswvNtuj
    Hmong Catholique
    Hmong Catholique

    Messages : 600
    Date d'inscription : 2009-08-18

    Re: PHAU NTAWV QHIB YAV TOM NTEJ

    Post  NrhiavTswvNtuj on 11th April 2011, 9:44 am



    Ntawv Qhib Yav Tom Ntej qhia cov ntsiab lus no rau peb :


    1 Tswv Ntuj yog tus uas peb yuav teev, thiab peb yuav tso siab rau,
    vim nws ib txwm nyob.
    2 Ntuj tso tas ib puas tsav yam rau hauv Leej Yaj txhais tes.
    3 Yes Xus yuav rov los ib lub sij hawm uas neeg tsis nco faj.
    4 Tus raug luag hiam yuav xub ciaj rov los txais Ntuj txoj sia.
    5 Tswv Ntuj lub hwj chim, mas neeg tsis muaj lus piav tau.
    6 Dab phem ua rog ntaus Tswv Ntuj, tab sis dab phem swb lawm.
    Yes Xus yog tus yeej.
    7 Ntawv Qhib Yav Tom Ntej tsis tau hais tias thaum twg thiaj yog lub caij kawg.
    8 Ntuj pub txoj hmoov zoo rau tas txhua haiv neeg, txhua lub teb chaws, txhua xeem
    lus.
    9 Tswv Ntuj lub Ceeb Tsheej yuav los nrog neeg nyob.
    10 Cov ntseeg yuav txais txoj hmoov zoo.
    Vim lawv yuav tau txoj sia nyob mus li los ua lawv tug.






    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: PHAU NTAWV QHIB YAV TOM NTEJ

    Post  Maiv Tooj on 15th April 2011, 6:28 am

    KHAUB NCAWS THIAB KOB RAWS LI TXOJ KEV NTSEEG KAS TOS LIV


    Cov khaub ncaws teev Ntuj ua rau peb pom tias lub Txoos Mis Xas tsis yog lam tau lam ua.
    Thaj Mis Xas yog coj peb mus ntsib Huab Tais Ntuj.
    Cov tsoos tsho qhia rau peb paub cov tsob hwb nyias tes dej num.
    Cov kob yog Cim cov kab ke.

    Dawb: Zoo siab, huv.
    Liab: Leej tswv Yim Ntshiab cov hluav taws, Cov Leej Ntshiab roj ntsha ntws.
    Ntsuab: Caij nplooj hlav, Kev vam muaj txoj sia nyob mus li.
    Tsam xem: Teev Ntuj tiag tiag thiab them txim (Pénitence).
    Dub: Ntees, xyom.




    Mim,

    Yog koj tuaj txog no seb koj nrhiav puas tau daim phiaj kob li nov ua ntawv Aas Kiv, vim kuv nrhiav tssi tau...Yog khoom mam li sau ua ntawv Hmoob kom peb muaj tug.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: PHAU NTAWV QHIB YAV TOM NTEJ

    Post  Mim on 15th April 2011, 5:35 pm

    Tais Tooj,

    Kuv coj daim duab ua lus Mes Lis Kas no tuaj os:


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: PHAU NTAWV QHIB YAV TOM NTEJ

    Post  Maiv Tooj on 24th June 2011, 9:57 am



    COV LUS TXHAIS COV NTAWV NTSHIAB.


    Lub ntsiab hais txog cov Ntshiab hnav tsho ntaub pag dawb, txhais tias lawv siab
    dawb siab huv. Txheej thaud siv kam paj lug cem cov neeg siab me uas ntxeev siab
    mus teev dab. Lawv hu kev teev dab ua kev ua niam ntiav, thiab kev ua dev ua npua.
    Tus poj ntiav loj loj uas coj ntiaj teb neeg mus hauv txoj kev lwj, muaj ob lub ntsiab :
    thawj lub ntsiab, yog lub nroog Los Mas.
    Lub ntsiab ob, yog txoj kev teev dab thiab teev tus tuam vaj Los Mas.
    Thaum peb nyeem txog tej qib lus hais txog kev ua plees ua yi, mas peb yuav paub
    tias yog hais txog kev teev dab thiab txi dab.




    NrhiavTswvNtuj
    Hmong Catholique
    Hmong Catholique

    Messages : 600
    Date d'inscription : 2009-08-18

    Re: PHAU NTAWV QHIB YAV TOM NTEJ

    Post  NrhiavTswvNtuj on 24th June 2011, 10:34 am



    Cov lus pib. 1 : 4 - 8.


    4 Zam sau ntawv rau xya lub Koom Txoos nyob As Xias.
    Thov kom nej tau txais lub txiaj ntsim
    thiab txoj kev thaj yeeb tuaj ntawm Tus
    Nyob, Tus ib Txwm Nyob, Tus Tab Tom
    Los, txais txiaj ntsim thiab kev thaj yeeb
    tuaj ntawm xya Leej Tswv Yim, uas sawv
    ntawm Tus Nyob lub theej kiab hauv ntej,
    5 txais txiaj ntsim thiab kev thaj yeeb
    tuaj ntawm Yes Xus Pleev, uas yog tus Tim Khawv
    pheej xeeb, tus xub yug hauv cov tub tuag
    los, tus tswj kav tsoom vaj nyob ntiaj teb.
    Nws nyiam peb, nws tau muab nws cov
    ntshav los ntxuav peb cov txhaum.
    6 Nws tsa peb ua ib haiv neeg, ua ib co
    Leej Choj teev nws Leej Txiv Tswv Ntuj.
    Vim li ntawd, mas lub koob meej thiab
    lub hwj chim tswj fwm yog nws tug
    tas ib txhiab ib txhis. Ua li.
    7 Ntsia saib ! Nws nrog cov huab los.
    Txhua leej txhua tus yuav pom nws, cov
    tau nkaug nws kuj yuav pom. Tas txhua
    haiv neeg nyob ntiaj teb yuav quaj yuav
    nyiav vim nws. Yuav muaj tseeb li ntawd
    8 Huab Tais Tswv Ntuj hais tias :
    “Kuv yog As Fas thiab Os Mes Nkas ;
    kuv yog Tus Nyob, Tus Ib Txwm Nyob,Tus Tab Tom Los.
    Kuv yog tus Muaj Hwj Huam tas nrho.”







    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: PHAU NTAWV QHIB YAV TOM NTEJ

    Post  Maiv Tooj on 25th June 2011, 5:51 pm


    COV ZAUV HAUV PHAU NTAWV NTSHIAB.


    Thaum peb nyeem txog tej qib lus hais txog kev ua plees ua yi, mas peb yuav paub
    tias yog hais txog kev teev dab thiab txi dab.
    Ntawv Qhib Yav Tom Ntej siv ib co zauv ntshiab, yog cov zauv uas txheej laus thaud
    saib tias yog cov zauv tau koob hmoov, yam li 3, 4, 7, 12, 24.
    Cov zauv no siv rau tas txhua yam zoo, txhua yam ntshiab huv uas yuav nyob mus li.
    Ntawv hais txog Xya lub Koom Txoos, tus zauv 7 yog tus zauv zoo, lub ntsiab no
    txhais tias tas nrho cov Koom Txoos huv tib si.
    24 tug Laus Neeg, txhais tias 12 leeg thwj tim nrog 12 lub xeem His Xas Lais ua ke.
    Cov zauv 1000, 12 000, 144 000, yog ib co zauv suav tej yam zoo uas muaj ntau tas nrho, suav tsis txheeb.
    Cov zauv hais txog kev nyuaj thiab kev txom nyem, tab sis tsis ntev yuav txais kev cawm mas, yog 3 ib nrab (3 ½), 1260, 42.
    Thaum hais txog 42 lub hlis yog 3 xyoos ib nrab, los 1260 hnub.
    Lub ntsiab ntawm cov zauv no txhais tias muaj kev txom nyem, tab sis lub caij txom nyem kav tsis ntev.
    Kev ntseeg ruaj yog kev yeej, vim Yes Xus yog tus yeej.
    Tus zauv phem yog 6 thiab 666.






    Sponsored content

    Re: PHAU NTAWV QHIB YAV TOM NTEJ

    Post  Sponsored content Today at 3:37 am


      Current date/time is 10th December 2016, 3:37 am