Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Tswv Ntuj txoj kev Khuv Leej Neeg.( Neuvaine à la Divine Miséricorde)

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 1st April 2013, 7:13 am





    Nyob zoo Mim,

    Kuv twb pib teev lawm thiab mas, tab sis yog tsis tau khoom tuaj qhia sawv daws xwb. Xyoo no, kuv zoo siab heev, vim kus tau mus Daws Txhaum ua ntej pib thiab hnub Chiv Hmoov Tswv Ntuj Txoj kev Khuv Leej, peb yuav mus nrog lawv teev Ntuj ib hnub rau pem qhov chaw Ntshiab Ars.





    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 2nd April 2013, 3:31 am

    Nyob zoo tais Tooj,

    Ua tsaug thiab zoo siab koj tau nrog kuv pib kev teev Tswv Ntuj txoj kev khuv leej 9 hnub os. Kuv los kuj tau mus daws txhaum rau Hnub Xya Ntshiab lawm thiab. Niaj xyoo yog peb mus tau ua ntej hnub Hmoov Hla mas zoo dua. Nws suav tau rau hnub Hmoov Tswv Ntuj txoj kev Khuv Leej huv tib si, vim tsuas yog 8 hnub ua ntej xwb. Nws muaj ob peb yam peb yuav tsum tau ua peb thiaj tau txais tas nrho cov txiaj ntsim ntawm txoj kev teev Tswv Ntuj txoj kev Khuv Leej 9 hnub, uas yog kev zam peb cov txim txhaum tas nrho. HT Yes Xus tau hais tias kom peb yuav tsum mus daws txhaum thiab txais Yes Xus lub Cev hnub ua hmoov Tswv ntuj txoj kev khuv leej no. Kuv tau tshawb nyeem me ntsis mas lawv tau sau tias peb mus daws txhaum li 8 hnub ua ntej los 8 hnub ua qab los tau. Tiam sis yog peb muaj ib qhov txhaum hnyav mas peb yuav tsum mus daws txhaum ua ntej peb thiaj txais tau lub Cim Yug.

    Tswv Ntuj xav nchuav nws txoj kev khuv leej rau peb txhua leej. Yog peb muaj lub siab xav tau tiag tiag ces peb zoo siab hlo ua li nws hais xwb ces peb tau txais lawm.



    Mas Lias
    Tuaj Tshiab
    Tuaj Tshiab

    Messages : 70
    Date d'inscription : 2012-03-09

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mas Lias on 3rd April 2013, 4:33 am

    Nyob Zoo Mim, MaivTooj thiab cov phoo ywg,


    Teev Ntuj li neb tau tuaj qhia kom teev raws li St Faustine, mas kuv kuj pib lawm thiab. Tus poj Fabkis uas nws niaj zaus coj peb teev saw MabLiab, hais tias yog yus teev ib zaug saw Tswv Ntuj Khuv Leej Neeg ntawd, ces pab tau cov ntsuj plig nyob ntawm qhov chaw txiav txim, dim txog li 2-3 tug mus rau saum Tswv Ntuj lub ceeb tsheej.


    Tiam sis yam zoo tshaj plaws mas ua li Mim hais, yuav tau daws txhaum ua ntej hmoov hla, mam teev saw MabLiab, los puas mam teev saw Tswv Ntuj Khuv Leej Neeg.


    Ua neb Tsaug os MaivTooj thiab Mim.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 3rd April 2013, 7:59 am



    Nyob zoo Mim thiab Mas Lias,

    Mas Lias,

    Yog yus ua tau mas yuav zoo siab teev Tswv Ntuj txoj kev Khuv Leej kom dim tus puav ntsuj plig rau qhov zoo. Vim Leej Ntshiab Tes Les Xas Me Nyuam Yes Xus hais tias nws pom cov ntsuj plig poob dab phem teb mas cuag li thaum los daus es daus poob saum ntuj los. Yog yus cia li teev xwb mas kuj tsis nyuaj pes tsawg, yog yuav Daws txhaum ua ntej thiab ua qab mas kuj nyuaj hauj sim, vim ib ziag no tsis muaj Txiv Plig coob lawm, ib tug Txiv Plig saib ob peb lub tsev teev Ntuj, lawv tsis muaj caij yuav los Daws txhaum rau yus, tsis tag li, yog cov Tuam Tsev teev Ntuj muaj hnub Daws txhaum, tab sis ho nyob deb deb yus tsev mas kuj yog ib qho nyuaj kawg. Tab sis xyoo no, kuv mus zeem tau ob peb tug Txiv Plig tshiab ces lawv zoo siab hlo ua rau kuv yog kuv xav tau ces thiaj yooj yim rau kuv xwb.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 7th April 2013, 6:16 pm

    Xyoo no, 2013, yog ib xyoos zoo rau kuv uas kuv tau ua lub Caij Plaub Caug tau raws li siab xav, tau mus Daws txhaum ua ntej thiab thaum hnub yuav kawg xws li Hnub Tsib Ntshiab ua ntej yuav pib teev Tswv Ntuj txoj kev Khuv Leej 9 hnub. Tsis tag li ntawd, thaum teev Tswv Ntuj txoj kev Khuv Leej tag, kuj tau mus xaus rau Leej Ntshiab Txiv Plig Jean-Marie Viannay qhov chaw Ntshiab Ars; tau Daws Txhaum ua ntej yuav txais lub Cim Yug rau Hnub Chiv Yes Xus lub siab hlub neeg (Chiv Hla 2). Hnub no nyob Ars,peb teev Tswv Ntuj txoj kev Khuv leej thiab hawm lub Cim Yug. Thauù Sawv Ntxov, peb mus txog, muaj Daws Txhaum tag ces xub pib teev Tswv Ntuj Txoj Kev Khuv Leej. Teev tag, Tswv Qhia piav txog lub ntsiab ntawm Txoj Kev Khuv Leej. Tag peb ua Thaj txi Ntuj, cov nkauj puav leej yog hais cim Tswv Ntuj txoj kev Khuv Leej. Teev Ntuj tag twb yog tav su dua me ntsis lawm, peb noj mov tag rov mus Hawm lub Cim Yug (lawv ua tau zoo heev). Hawm lub Cim Yug tas 15h, peb hawm Tswv Ntuj lub siab Khuv Leej Neeg tag xaus rau Hawm thiab cim Yes Xus lub siab hlub neeg tag Tswv Qhia piav txog lub ntsiab txoj kev Tswv Ntuj txoj kev Hlub tag ces xaus. Muaj neeg coob kawg tuaj koom tsis hais sawv ntxov los yav tav su. Yog muaj sij hawm, vam tias coob leej yuav rov mus koom Hnub Hmoov Yes Xus lub siab Khuv Leej neeg no ntxiv.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 8th April 2013, 8:41 am



    Nyob zoo Mim,

    Nag hmo peb mus Ars, kuv pom lub Koom Haum "Tsev Neeg Yes Xus lub siab (Famille du Coeur de Jesus)" tuaj teev Ntuj thiab. Ua li koj puas paub txog lub Koom Haum no? Yog ib lub Koom Haum tsim tawm xyoo 1971, nyob Canada. Yam li lawv ua tej pab sib hloov teev Ntuj 9 hnub, ib pab teev tag ces ib pab teev, teev kom thawm ib xyoo, ib xyoos kiag. Yam li ib pab ntawd raug teev 3 zaug hauv ib xyoos. Lawv faib 14 leeg ua ib pab teev ua ke, yam li yus nrog lawv sib koom teev xwb tsis yog yuav tsum nyob ua ke thiab teev tib lub caij kiag, nyias nyob nyias vaj nyias tsev, tsuav yus teev ib hnub ib zaug xwb. Lawv teev Tswv Ntuj txoj kev khuv leej neeg.





    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 9th April 2013, 12:52 pm

    Nyob zoo tais Tooj,

    kuv tseem tsis tau hnov txog lub koom haum Famille du Coeur de Jesus li os. Lawv twb tuaj txog tim nej, nej twb ho paub txog lawv lawm los zoo kawg li. Yeej muaj ib co neeg ntseeg Kas Tosd Liv uas saib txoj kev thov Tswv Ntuj txoj kev khuv leej 9 hnub tseem ceeb heev, ces lawv thiaj tsim tej lub koom haum li koj hais los sib pab thov ntuj kom txhob muaj caij tu ncua li.

    Nrog koj zoo siab ntau tias xyoo no koj muaj hmoo tau ua kev thov Tswv Ntuj txoj kev khuv leej zoo kawg nkaus. Thov kom HT Yes Xus pub nws cov txiaj ntsim koob hmoov rau koj raws li nws tau hais tseg lawm.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 10th April 2013, 1:18 pm

    Nyob zoo nej sawv daws,

    Hnub no kuv yuav tuaj tham me ntsis ntxiv txog txoj saw thov Tswv Ntuj txoj kev khuv leej. LN Faustina tau qhia kom peb yuav tsum tau hais txoj saw no tsis tseg, tseem ceeb yog yuav tsum hais pab cov neeg uas peb paub tias lawv yuav tso ntiaj teb tseg sai sai.

    Nram no yog HT Yes Xus ib co lus uas nws hais rau LN Faustina kom muab sau cia. Kuv tso ua lus Aas Kiv thiab kuv tau muab txhais ua lus Hmoob thiab.


    PEB YUAV TEEV TXOJ SAW TSWV NTUJ TXOJ KEV KHUV LEEJ PAB RAU COV YUAV TAS SIM NEEJ

    (Our Lord said to St Faustina:)
    "Oh, what great graces I will grant to souls who say this chaplet (...) Write down these words, My daughter. Speak to the world about My mercy; let all mankind recognize My unfathomable mercy. It is a sign for the end times; after it will come the day of justice. While there is still time, let them have recourse to the fount of My mercy; let them profit from the Blood and Water which gushed forth for them" (Diary, 848) .

    HT Yes Xus hais rau LN Faustina tias:
    “Kuv yuav pub txiaj ntsim loj kawg nkaus rau cov ntsuj plig uas teev txoj saw ntawd (txoj saw thov Tswv Ntuj kev khuv leej) (…) Kuv tus me ntxhais, koj sau cov lus no cia. Koj yuav tsum hais rau ntiaj teb neeg kom lawv paub txog kuv txoj kev khuv leej; kom txhua tus neeg yuav tsum paub txog kuv txoj kev khuv leej uas neeg tsis to taub. Yog ib lub cim qhia tias lub caij kawg los txog ze ze lawm; dhau qhov no ces yuav yog hnub raug txiav txim lawm. Thaum tseem tshuav sij hawm, yeej meem cia lawv tuaj vam khom tus dej txhawv kuv txoj kev khuv leej; cia lawv tuaj khaws xyeem siv cov ntshav thiab cov dej uas txhuav yaws los rau lawv.” (Diary, 848)

    "Say unceasingly the chaplet that I have taught you. Whoever will recite it, they will receive great mercy at the hour of death. Priests will recommend it to sinners as their last hope of salvation. Even if there were a sinner most hardened, if he were to recite this chaplet only once, he would receive grace from My infinite mercy" (Diary, 687).

    “Koj yuav tsum hais tsis tseg txoj saw uas kuv qhia rau koj. Leej twg hais txoj saw ntawd mas nws yuav tau txais txiaj ntsim loj thaum lub caij nws dua nras. Cov leej choj yuav tsum qhia kom cov neeg txhaum hais txoj saw no, vim tsuas tshuav tib txog kev no xwb thiaj yuav cawm tau lawv. Txawm tias muaj ib tug neeg txhaum siab tawm npaum twg los tsuav yog nws hais txoj saw no ib zaug xwb los xij, nws yuav tau txais txiaj ntsim ntawm kuv txoj kev khuv leej uas tsis muaj txawj tag.”
    (Diary, 687)

    THE PROMISE
    OF THE GRACE OF MERCY FOR THE DYING
    "It pleases Me to grant everything souls ask of Me by saying the chaplet. When hardened sinners say it, I will fill their souls with peace, and the hour of their death will be a happy one. Write this for the benefit of distressed souls; when a soul sees and realizes the gravity of its sins, when the whole abyss of the misery into which it immersed itself is displayed before its eyes, let it not despair, but with trust let it throw itself into the arms of My mercy, as a child into the arms of its beloved mother (...). Tell them no soul that has called upon My mercy has been disappointed or brought to shame. I delight particularly in a soul that has placed its trust in My goodness. Write that when they say this chaplet in the presence of the dying, I will stand between My Father and the dying person, not as the just Judge but as the merciful Savior" (Diary, 1541).

    LUB TXIAJ NTSIM NTAWM KEV KHUV LEEJ RAU COV YUAV TAS SIM NEEJ
    “Kuv txaus siab yuav pub tas puas tsav yam uas cov ntsuj plig thov txog thaum lawv hais txoj saw no. Thaum cov neeg txhaum hais txoj saw, kuv yuav pub kev thaj yeeb rau lawv tus ntsuj plig, ces thaum lawv ncaim ntiaj teb yuav yog ib lub caij muaj kev zoo siab rau lawv. Koj sau cov lus no rau cov ntsuj plig uas muaj kev ntxhov siab kom lawv cia siab; thaum ib tug ntsuj plig pom tseeb txog tias nws cov txhaum loj npaum li cas, thaum nws qhov muag pom tau tias nws yuav raug poob mus rau hauv ib lub pas txom nyem tob npaum li cas, mas kom nws tsis txhob tas kev cia siab, tiam sis kom nws tso siab lug dhia mus rau hauv kuv txoj kev khuv leej lub xub ntiag, xws li ib tug me nyuam dhia mus rau hauv nws niam xub ntiag(…). Koj hais rau lawv paub tias tsis tau muaj dua ib tug ntsuj plig vam txog kuv txoj kev khuv leej uas yuav tau ntsib kev tu siab los kev poob ntsej muag. Kuv zoo siab kawg nkaus rau ib tug ntsuj plig uas nws tso siab lug rau kuv lub siab zoo. Koj sau hais tias thaum lawv teev txoj saw no rau ib tug neeg tab tom yuav tas sim neej, mas kuv yuav sawv nyob nruab nrab ntawm kuv Txiv thiab tus neeg tab tom tas txoj sia, tsis yog yuav ua tus txiav txim rau nws, tiam sis yuav ua tus tswv cawm seej khuv leej nws”
    (Diary, 1541)

    "At the hour of their death, I defend every soul that will say this chaplet as I do My own glory (...). When this chaplet is said by the bedside of a dying person, God's anger is placated and his unfathomable mercy envelops the soul" (Diary, 811)

    “Thaum txog lawv lub caij dua nras, kuv yuav ntaus tsam cawm txhua tus ntsuj plig uas hais txoj saw no, ib yam nkaus li yog kuv ntaus tsam cawm kuv lub koob meej(…). Thaum nej hais txoj saw no nyob ze ntawm ib tug neeg tab tom yuav tag sim neej, mas yuav ua kom Tswv Ntuj lub siab npau taws nqig, ces nws txoj kev khuv leej uas nyuaj to taub yuav los qhwv tus ntsuj plig ntawd.”
    (Diary, 811)

    "God’s mercy sometimes touches the sinner at the last moment in a wondrous and mysterious way. Outwardly, it seems as if everything were lost, but it is not so. The soul, illumined by a ray of God’s powerful final grace, turns to God in the last moment with such a power of love that, in an instant, it receives from God absolution of sins and remission of punishment, while outwardly it shows no sign either of repentance or of contrition, because souls [at that stage] no longer react to external things. Oh, how beyond comprehension is God’s mercy! But - horror! - There are also souls who voluntarily and consciously reject and scorn this grace! Although a person is at the point of death, the merciful God gives the soul that interior vivid moment, so that if the soul is willing, it has the possibility of returning to God. But sometimes, the obduracy in souls is so great that consciously they choose hell; they [thus] make useless all the prayers that other souls offer to God for them and even the efforts of God Himself..." (Diary, 1698).

    (Leej ntshiab Faustina cov lus: )
    “Muaj qee zaus, Tswv Ntuj txoj kev khuv leej cawm tau tej tus ntsuj plig thaum lub caij kawg nkaus; yog ib yam txaus qhuas thiab tsis yooj yim to taub. Pom sab nraud mas neeg yuav xav tias ntshai kawg yuav tau qhov phem xwb, tiam sis tsis yog li ntawd. Tus ntsuj plig tau txais ib txoj sab txiaj ntsim muaj zog tuaj ntawm Tswv Ntuj tuaj rau tus ntsuj plig, ces thaum lub caij kawg ntawd, tus ntsuj plig tig mus txais Tswv Ntuj thiab nyiam Tswv Ntuj tas siab ntsws. Ib sij huam, Tswv Ntuj zam nws cov txim txhaum rau nws, txawm tias sab nraud neeg tsis pom tias nws tig los lees txim tu siab rau nws cov txhaum, vim lub caij zoo li ntawd, tus ntsuj plig yeej tsis hnov dab tsi txog sab saum neej no lawm. Tswv Ntuj txoj kev khuv leej mas nyob deb neeg txoj kev to taub kawg nkaus li! Tiam sis tu siab loj! Muaj ib co ntsuj plig uas yeej txiav txim tuag nthi tsis kam txais Tswv ntuj lub txiaj ntsim li! Thaum lub caij uas ib tug neeg nyob ze ze lub sij hawm nws yuav ncaim ntiaj teb mus, mas Tswv Ntuj pub ib lub caij rau tus ntsuj plig kom nws pom nws lub neej tseeb tseeb, yog tus ntsuj plig txaus siab mas nws muaj txoj hmoo tau kev tig los txais Tswv Ntuj. Tiam sis muaj qee zaus, tej tus ntsuj plig tawv qhawv txhav qhi tsis kam lees txhaum li, ces nws txaus siab xaiv dab phem teb; thaum zoo li no, lawv ua kom cov zaj thov ntuj uas lwm tus ntsuj plig hais rau lawv tsis muaj nuj nqes dab tsi rau lawv li, tab Tswv Ntuj kiag txawm xav pab npaum twg, nws yeej pab tsis tau li lawm…” (Diary, 1698)

    "Oh, how much we should pray for the dying! Let us take advantage of mercy while there is still time for mercy" (Diary, 1035).

    “Peb yuav tsum tau thov ntuj tiag tiag pab cov neeg tas tom yuav tas sim neej! Peb yuav tsum siv Tswv Ntuj txoj kev khuv leej thaum tseem muaj caij rau kev khuv leej.”
    (Diary, 1035)





    Last edited by Mim on 11th April 2013, 3:57 pm; edited 1 time in total

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 11th April 2013, 9:35 am



    Ua tsaug ntau Mim,

    Koj hais tau meej thiab zoo kawg. Qhia rau peb paub txog lub ntsiab ntawm kev teev TXOJ SAWV TSWV NTUJ TXOJ KEV KHUV LEEJ ntau dua ntxiv.





    Mas Lias
    Tuaj Tshiab
    Tuaj Tshiab

    Messages : 70
    Date d'inscription : 2012-03-09

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mas Lias on 15th April 2013, 6:11 am


    Hnub tim 15 lub 4 hlis xyoo 2013


    Nyob zoo phooj ywg,


    Txij hnub ua hmoov hla, lub sij hawm teev TXOJ SAW TSWV NTUJ KHUV LEEJ NEEG, nej puas pom tej yam xum tshwm sim rau nej?

    Xyoo no kuv tau teev txoj Saw Tswv Ntuj Khuv Leej Neeg 9 hnub ; Hmo tim 2 lub 4 hlis kuv ua npau suav pom ib pab hmoob coob coob, ua npoj ntws los thov kom kuv thov ntuj rau lawv thiab. Cov hmoob ntawd kuv yeej tsis paub lawv li. Nyob hauv zaj npau suav, kuv thov ntuj rau ob tug hmoob, muaj ib tug los ua tsaug, nws hais tias nws twb tos ntev ntev lawm, tab sis tsis muaj leej twg thov ntuj rau nws thiab rau cov hmoob. Thaum ntawd kuv lub siab paub tau tias nws yog tus hmoob uas thaum peb nyob Nplog teb, nws tuag ceg mus tsis taus kev, nws muab ib daim tawv nyuj tiag pob tw zaum hauv av swb xwb. Nws ua kuv tsaug tas, nws ua ib nthw huab dawb paug mus dua saum ntuj lawm.
    Tag kis ntawd kuv tsim los, xav tsis tas, thiaj tau thov kuv tsev neeg nrog thov ntuj rau peb cov hmoob, vim lawv coob dhau. Cov ua cob fab, khiav tsov rog tau tuag yas kab yas ncua thiab cov hmoob nyob Nyab Laj teb uas tau tuag vim txoj kev ntseeg txog Huab Tais YesXus.

    Tau teev ntuj li no rau cov hmoob, txog hnub chiv tim 7 lub 4 hlis, tag kis ntawd kuv sawv los, kuv tus mob uas yog mob leeg tsis muaj zog, mus tsis taus kev cia li zoo lawm.
    Tej yam tshwm sim rau kuv no mas tsis txaus ntseeg tab sis muaj tiag.

    Lub 6 hlis xyoo 2011 tag los no, kuv tau mob leeg tsis muaj zog mus tsis taus kev. Cov Kws Tshuaj yeej nrhiav tsis tau tus mob li los txog ntua xyoo no.
    Hnub tim 4 lub 4 hlis tas los no kuv tseem mus cuag cov Kws Kho Mob (Neurologue) tseem coj kuv mus ntsuas, muab faim fab tom cov leeg saib puas muaj zog. Ua li ntawd tas, lawv kuj hais tsis tau tias tus mob yog dab tsis.

    Kuv tau teev Saw Tswv Ntuj Khuv Leej Neeg tau 8 hnub xwb, kuv cia zoo lawm, los kuv tseem ua xyem xyav tias puas yog tiag? Twb muaj ib lis piam no lawm, yeej zoo tiag tiag li cuag li uas kuv yeej tsis tau mob dua los li. Tau ob hnub no kuv twb rov mus khawb khawb teb los tsis ua lis cas yeej muaj zog, tsis mob qhov twg li.

    KUV NTSEEG TIAS TSWV NTUJ MUAB NWS LUB TXIAJ NTSIM RAU KUV, KHO KUV TUS MOB ZOO LAWM.
    KUV UA TSWV NTUJ TSAUG.



    COV PHOOJ YWG, NEJ TSO SIAB RAU NTUJ MAS, YEEJ TAU TXAIS TSWV NTUJ LUB TXIAJ NTSIM XWB.



    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 15th April 2013, 9:42 am



    Nyob zoo Mas Lias,

    Yog ib txoj koob hmoov uas koj tau txais txiaj ntsim loj, kuv nrog koj zoo siab.

    Hais txog Peb Hmoob ntseeg mas yeej yog li koj zaj npau suav, kuv pom tias ib tug dua nra lawm mas cov nyob tsuas hais nco, hlub thiab quaj xwb. Lawv tsis paub ua qhov tseemù ceeb uas yuav daws tau tus dua toj lub nra xws li yuav tsum mus teev Ntuj, mus ua Mis Xas, muab nyiaj rau tsev teev Ntuj pab ua Mis Xas rau lawv (tsis kim, yog muab me ntsis ua kev cai xwb, ib thaj Mis xas rau ib tug tuag lawd tsuas yog li 16€ xwb. Tsimù nyog sawv daws yuav tsum kub siab txog cov tuag tus ntsuj plig, es tsis txhob niaj hnub tias nco nco tab sis ho tsis thov ib zaug Ntuj rau lawv li.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 16th April 2013, 6:30 am

    Nyob zoo Mas Lias thiab tais Tooj,
    Mas Lias, nrog koj zoo siab thiab ua Tswv Ntuj tsaug vim nws tau pub txiaj ntsim zoo rau koj nyob hauv txoj kev thov Tswv ntuj txoj kev khuv leej. Ua koj tsaug uas koj tau tuaj qhia rau peb paub txog.

    Txoj saw thov Tswv Ntuj kev khuv leej yeej muaj nqes rau peb txhua tus kawg nkaus li; thiab raws li kuv nyuam qhuav tuaj tso rau saud, nws kuj muaj nqes pab rau cov yuav tas sim neej los yog cov twb tau tas sim neej lawm. Peb yuav tsum nco ntsoov tias cov neeg tau tas sim neej lawm mas lawv yuav rov qab thov ntuj rau lawv tus kheej tsis tau lawm, tiam sis peb cov nyob ntiaj teb thov tau pab rau lawv; thiab raws li tais Tooj hais saud, peb yuav tau muab me me nyiaj ua paj tshab thov thaj txi ntuj pub rau lawv. Yog peb muaj peev xwm ua tau mas peb ua kev yoo mov los pab rau lawv los yeej muaj nqes kawg li.
    Peb Hmoob mas thaud, peb yuav ntim su rau lawv, yuav tua tsiaj tua txhuv teev tiam lawv kom daws tau lawv txoj kev tshaib kev nqhis kev txom nyem, tiam sis nyob hauv peb kev ntseeg, mas yog peb txoj kev thov ntuj txi ntuj thiaj yuav pab tau lawv tshaj plaws xwb. Peb xav hais peb lus thov Tswv ntuj hlub peb cov neeg tuag lawd los zoo kawg, tiam sis nyob hauv Koom Txoos Kas Tos Liv, Tswv Ntuj tau muab tej zaj thov ntuj muaj nqes heev rau peb hais thiab siv; zaj muaj nqes tim ib dua ntais yog thaj txi ntuj, ces txoj saw Mab Liab, thiab txoj saw Tswv Ntuj kev Khuv Leej.
    Txoj saw Tswv Ntuj kev khuv leej mas kuj tseem tshiab tshiab rau peb, tiam sis yog nej leej twg tau txiaj ntsim mas xav kom nej muab tshaj tawm rau nej tej txheeb ze tej phooj ywg thiab rau peb cov Hmoob kom peb paub coob tshaj qub thiab kom peb xyaum nquag hais txoj saw no los pab cawm peb ib tsoom Hmoob thiab.


    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 16th April 2013, 3:06 pm

    Nyob zoo sawv daws,
    Hnub no kuv xav tuaj caw peb txhua tus tias kom peb yuav tsum mob siab sib pab thov ntuj rau peb ib tsoom txiv plig. Peb yuav siv txoj saw thov Tswv ntuj kev khuv leej thiab yog peb ho xav siv LN Faustina zaj thov ntuj nram no los tau:


    SAINT FAUSTINA'S PRAYER
    FOR THE HOLY CHURCH AND PRIESTS

    O my Jesus, I beg Thee on behalf of the whole Church: Grant [her] love and the light of Thy Spirit, and give power to the words of priests so that hardened hearts might be brought to repentance and return to You, O Lord. Lord, give us holy priests; Thou Thyself maintain them in holiness. O Divine and Great High Priest, may the power of Thy mercy accompany them everywhere and protect them from the devil's traps and snares which are continually being set for the souls of priests. May the power of Thy mercy, O Lord, shatter and bring to naught all that might tarnish the sanctity of priests, for Thou canst do all things (1052).

    LA PRIÈRE DE SAINT FAUSTINA
    Pour l'Eglise et saints prêtres


    O mon Jésus, je vous supplie, au nom de toute l'Église: Grant [son] amour et la lumière de ton Esprit, et donner le pouvoir aux paroles des prêtres afin que les cœurs endurcis pourraient être amenés à la repentance et revenir à toi, Seigneur . Seigneur, donne-nous de saints prêtres, toi-même les maintenir dans la sainteté. O divin et Grand Prêtre, peuvent la puissance de Ta miséricorde les accompagner partout et de les protéger contre les pièges et les pièges du diable, qui sont continuellement mis pour les âmes des prêtres. Que la puissance de ta miséricorde, Seigneur, briser et réduire à néant tout ce qui pourrait porter atteinte à la sainteté des prêtres, car tu peux tout (1052).



    LN FAUSTINA ZAJ THOV NTUJ RAU LUB KOOM TXOOS THIAB RAU COV LEEJ CHOJ


    Kuv tus HT Yes Xus, kuv sawv tas nrho lub Koom Txoos chaw thov koj: thov koj pub koj Leej Tswv Yim Ntshiab txoj kev nyiam thiab kev pom kev rau lub Koom Txoos, thiab koj pub kom cov leej choj tej lus muaj hwj huam hloov tau cov siab tawv txhav qhi kom lawv tig los lees txhaum thiab tig los cuag koj; Huab Tais, thov koj pub ib co leej choj ntshiab dawb huv rau peb; koj yuav tsum yog tus hwj lawv rawv nyob rau hauv txoj kev ntshiab. Koj yog tus Tuam Leej Choj ua Tswv Ntuj, thov kom koj txoj kev khuv leej lub hwj huam nrog lawv nraim txhua txoj kev thiab txuag lawv kom txhob mag dab phem tej rooj ntxiab thiab cov voj hlua uas nws cuab tas mus li tos cov ntsuj plig ua leej choj. Huab Tais, thov kom koj txoj kev khuv leej lub hwj huam tsoo kom ntsoog thiab rhuav tshem txhua yam uas yuav tsuas rau cov leej choj txoj kev ntshiab dawb huv, vim koj ua tau tas puas tsav yam (1052).







    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Bao X Mary on 17th April 2013, 2:43 pm

    Mas lias,

    ua koj tsaug uas koj tua tuaj qhia txog Ntuj lub Txiaj Ntsim uas tau cawm koj rau peb tau paub thiab txhawb peb txoj kev ntseeg. Yog ib yam zoo kawg li.

    Tswv Ntuj lub siab mas zoo tas nrho, Nws lub siab hlub neeg mas loj tshaj tas puas tsav yam uas neeg tsis paub txog. Huab Tais Yes Xus hais tias:" Nej ntseeg ces muaj raws li qhov nej ntseeg. Nej thov ces nej yuav tau txais, nej khob qhov rooj ces yuav muaj tus qheb rau nej, nej nrhiav ces nej yuav ntsib." Muaj tseeb tiag os Mas Lias. Kuv tus kheej los twb yog vim Tswv Ntuj cawm kuv xwb kuv thiaj tseem muaj txoj sia nyob txog niaj hnub no. Tsis li ntawd mas ntshai twb tsis muaj kuv lawm os.

    Thaum ub kuv tseem hluas me ntsis kuv cia li noj tsis taus mov yuag zuj zus,zoo li txoj sia yuav tu. Mus kuaj npaum li cas los lawv kuaj tsis tau kuv tus mob li. Kuv cov me nyuam tseem me thiab kuv tu tsis taus lawv ua tsis tau noj li. Kuv ntsia mas kuv txoj sia nyob saum ib nta ntuj xwb. Kuv ntsia lub ntiaj teb no tsis muaj ib yam yuav los pab tau kuv li.Thaj mom los kuaj tsis tau tus mob ces lawv tsis paub ua cas, pab tsis tau kuv tsis muaj leej twg pab tau kuv li. Tag tswv yim lawm kuv thiaj xav dheev txog tias: " Tswv Ntuj thiaj yog tus yuav pab tau kuv lawm xwb." Ces kuv pib thov Ntuj, kuv tsis tau paub teev saw Mab Liab tab tsis kuv thov Ntuj tas mus li. Kuv cog lus rau Tswv Ntuj tias: " kuv cov me nyuam tseem me, es thov kom Tswv Ntuj pab cawm kuv txoj sia rov los, kuv yuav los ua Tswv Ntuj ib tug tim khawv, thiab los hlub kuv cov me nyuam" Kuv thov Ntuj tau ib xyoo tom qab ces tos kuv nco cas kuv cia li zoo lawm.Txij ntawd los kuv thiaj los pab lub Koos Txoos hu nkauj kawm kev ntseeg kom ntau dua qub, thiab los pab kuv pawg ntseeg. Kuv kuj los pab kuv pawg ntseeg tau li 20 tawm lub xyoo los nov. Kuv pib pab xyoo 1990 los txog rau tav no. Mas kuv kuj ua Tswv Ntuj tsaug kawg uas Nws tau cawm kuv pub txoj sia rau kuv rov los hlub kuv cov me nyuam thiab ua nws ib tug tim khawv.Yog ib lub Txiaj Ntsim uas muaj nqes tas nrho rau kuv.

    Peb txhua tus Tswv Ntuj yeej hlub peb ib yam, yog tias peb ntseeg thiab tso siab rau Nws tiag, mas Nws yeej yuav pab peb raws li peb thov.Vim Tswv Ntuj lub siab zoo heev, thiab nws txoj kev hlub loj tas nrho, nws lub siab ntev, siab zam txim loj tas nrho. Nws tos tsis hnyoo peb tuav txog nwb lub npe thov ib yam dab tsi, Nws maj zeeg cev tes los pab.



    HAIS TXOG NPAU SUAB:

    Lub caij hla nov kuv kuj ua ib zaj npau suav txawv tshaj li thiab uas tsis tau ua dua li ntawd ib zaug li. Muaj ib hmos kuv txawm ua npau suav tias, kuv mus txog ib lub tsev mas muaj neeg coob coob kawg li, sawv daws ua kev lom zem noj haus, nroo ntws. Seev cev haus dej hauv cawv, kuv txawm saib cas yog kuv cov phooj ywg coob kawg li thiab muaj ib cov kuv tsis paub lawv. Thaum kuv mus txog hauv lub tsev hauv mas muaj ntau chav kawg, nyiaj muaj nyias kev lom zem zom zaws.Ces kuv cov phooj ywg txawm hais tias kom kuv los nrog lawv seev ces ua kev lom zem haus dej cawv nrog lawv, ces kuv saib saib lawv kuv txawm tsis kam. Zoo li kuv lub siab tsis kaj, ces kuv txawm tawm kiag mus rau ib sab lawm. Kuv ho rov loo los tom chav kuv cov phooj ywg nyob ua cas tsaus ntu nti xwb hos mus txog qhov twg los tsis pom ib tug neeg li. Kuv txawm xav kiag hauv kuv lub siab tias.Kuv txawm xav tias ntshai cov ntawd yog dab xwb thiaj zoo li ntawd. Kuv ntshai heev kuv txawm tawm kiag khiav nraum zoo tsis pom ib tug neeg li. Kuv thia mus taug ib txoj kev cas ib ntsis kuv txawm mus ntsib kuv cov txiv tub, peb txawm taug ib txoj kev mus nrog ib cov neeg coob, muaj txhua ho neeg, dawb, dub lwm yam neeg peb taug ua ke. Ib pliag peb taug kev ua ke mas peb sawv daws hu nkauj nrov nrov, mas kuv hnov lub suab hu nkauj nrov ntxhe tuaj hauv kuv lub suab mas kaj lug xwb. Kuv cov txiv tub thiab cov neeg coob ntawd peb txawm taug kev mus mus ib pliag, peb txawm mus rau ib lub qhov rooj, thaum peb dhau lub qhov rooj ntawd lawm. Kuv saib ua cas peb txhua tus hnav dawb tas huv tib si, kuv tij ntsia kuv cov txiv tub los lawv hnav dawb hu tib si thiab ces tsua hu nkauj nrov nrov xwb mas kuv lub siab kaj lug. Ib pliag kuv txawm pom ib tug los ua cas nws hnav ib cev dub nciab los, thaum ntawd kuv paub tias tus ntawd yog ib tug neeg phem vim peb txhua tus hnav dawb tag hos nws hnav dub, ces kuv nws thiab kuv txawm sib ntaus, ub sib ntaus sib ntaus ces kuv txawm muab nws ntaus tuag lawm ces kuv cia li tsim los. Thaum kuv tsim los mas kuv lub siab kaj lug thiab kuv tseem hnov ua ntsej suab sab txoj lub suab nkauj uas peb sawv daws hu hauv zaj npau suav.

    Tej zaj npau suav mas kuv txawv kawg. Lam muab thaj rau nej mloog thiab.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 17th April 2013, 6:24 pm



    Nyob zoo Mim, Mas Lias thiab Bao X Mary,

    Mim, Ua tsaug ntau rau koj zaj thov Ntuj rau cov LC, yog ib qho zoo kawg. Cia kuv muaj caij me ntsis, kuv mam li rov teev cuaj hnub dua, tam sim no me nyuam tseem tsiv los nrog kuv nyob, khoom puv ntia qhov txhia chaw ces ntxhov siab me ntsis lawm tsis zoo teev.

    Mim, ua tsaug rau koj qhia txog yus tus Tshiab Pov Hwm (Ange gardien), nws mloog lus heev tiag. Kuv sim mas cuzg li yog khawv koob xwb. Yam li ib tug neeg pheej ua tej yam tsis ntxim yus siab, ua rau nws thiab yus muaj kev cob chim tas li, yus thov kom tus Tshiab Pov Hwm mus hais rau nws kom nws txhob ua phem phem, hais phem phem, kom nws txhob ua ua dab phem qhev es tsuas nrhiav kev cob chim tas li xwb kom yus thiab nws txhob muaj kev ntswv siab tas li mas tus neeg ntawd cia li txawj ua zoo kiag rau yus tiag!
    Dua li, kuv zov me nyuam ces muaj ib hnub kuv laj laj nthe cov me nyuam ces kuv txawm hais kom kuv tus Tshiab pov Hwm pab hais lawv kom lawv txhob txhoj txhoj puab, kom kuv txhob tau nthe lawv, vim kuv tsis txawj nthe pes tsawg...hahahah...! Cas hnub ntawd mas cov me nyuam tsis sawv ntxov ntxov li txhua zaus los sib ceg sib ntaus li lawm, lawv pw tsaug zog tag, thaum kuv mus txog, muaj ib tug uas txhoj puab tshaj twb sawv los hais lus rau kuv tag, nws tseem rov mus pw tsaug zog lawm thiab, hnub ntawd txog caij sawv los lawv cia li tsis sawv thiab sawv los los nyias nyob nyias ntsiag to, mus nrhiav tshais noj tij ywm tsis sib ntau li tiag...Ua rau kuv xav tsis thoob li. Tab sis kuv paub tias yog kuv tus Tshiab Pov Hwm pab kuv zov lawv ces kuv ua nw staug xwb. o)

    Bao X Mary, ua tsaug ntau rau koj qhov tim khawv thiab zaj npau suav. Tej zaud tsis yog npau suav tab sis yog koj lub neej tiag. Rau siab taug koj txoj kev mog.

    Ua li ib hnub kuv txawm hais rau kuv ib tug phooj ywg tias:"Kuv ntsia peb cov Hmoob mas kuv nrog lawv tus ntsuj plig tu siab". Nws teb kuv tias ua cas? Kuv tsis teb nw slawm, ib pliag nws txawm xuas nws pob ntseg, nws hais tias:"Uab! Kuv ib sab qhws ntsej poob lawm". Kuv teb tias, yog muaj neeg pom ces lawv yeej yuav tshaj tawm paj taub rau koj xwb mas! Nws teb tias:"Lawv yuav tsis muab rau kuv, vim yog tseem kuv 24caras thiab loj nyhav heev". Ces kuv thiaj rov teb nws hais tias: "Koj seb, puag ta kuv hais koj tias kuv pab hmoob cov ntsuj plig tu siab, vim sawv daws coj lub siab tsis ncaj li, ntshaw hwj chim, ntshaw luag tug, ntshaw siab hlob noj kheej txawm yuav tsim txom luag los tsuav yus zoo siab xwb. Zoo zoo siab los twb nra tssi tau mus pem ub, ntiaj teb no nyob ib cuaj dua xwb ua cas sd tsis ib nyuag ua txiaj ntsim me ntsis...!"




    Mas Lias
    Tuaj Tshiab
    Tuaj Tshiab

    Messages : 70
    Date d'inscription : 2012-03-09

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mas Lias on 19th April 2013, 4:06 am


    Nyob zoo phooj ywg,


    Ua tsaug rau nej cov zaj lus zoo kawg, thiab qhia rau peb ntau yam. Mim, koj cov kev qhia teev ntuj Tswv Ntuj Khuv Leej Neeg, kuv yuav muab coj mus xyaum teev thiab.


    Thov txim, hnub no kuv yuav rov piav ib zag npau suav dua. Nej ua siab ntev nyeem mog.


    Xyoo 2011, ua ntej kuv yuav mob, kuv tau ua ib zag npau suav pom ob tug niam poj hmoob, ib tug yog tus xib hwb, ib tug yog tus thwj tim. Peb nyob hauv ib lub qhov tsua, muaj kiag ib tug dej ntws los ib sab. Ob tug poj hmoob teeb ib lub thaj, muaj ib phau ntawv nyob saum lub thaj, taws ob tug tsum ciab rau ob ceg kaum rooj. Hos ib ncig ntawm lub thaj mas taws tsum ciab thoob plaws, cig lam lug. Ob tug pog ntawd txawm hais rau kuv tias: nej niam ntseeg txog YesXus, nws tsis muaj nqis dab tsi, tsis muaj hwj huam li tus uas lawv teev. Yog nkawv teev nkawv tus mas kuv tsis yeej. Ces txawm nthuav kiag phau ntawv, ntxawm ntuas ib cov lus uas kuv tsis paub los twv kuv. Kuv thiaj cav txog HuabTais YesXus lub npe lus Fabkis tias:JESUS EST LE PLUS PUISSANT, JESUS EST LE PLUS PUISSANT.
    ( txhais lus hmoob: YesXus yog tus Hwj Huam Loj Tshaj, YesXus yog tus Hwj Huam Loj Tshaj ).
    Kuv cam heev heev, ces ob niag pog txawm sib hloov kiag, cia tus xib hwb los cav kuv. Kuv tsuas rau siab ntso cav txog HuabTais YesXus lub npe li qub tias nws yog tus muaj hwj huam loj tshaj.
    Peb sib cam ntev loo, ob niag pog ntawd ntxawm cam tsis yeej kuv, nkawv txawm khiav lawm. Hos kuv mas tseem siv zog cav txog HuabTais YesXus uas tsim dhee nruab dab ntub; kuv ntwb tsim meej meej lawm los kuv tseem tuav
    HuabTais YesXus lub npe.


    Dlau qhov ntawd los, tsis ntev kuv cia li mob raws li tau tham qhia nej.


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 17th February 2014, 10:46 am




    Kev teev Tswv Ntuj txoj kev Khuv Leej, teev zoo tib yam nkaus li teev Saw Mab Liab.
    Xuas txoj Saw Mab Liab los teev, tsuas yog thaum hais cov zaj teev Ntuj,
    tsis yog hais zaj "Peb Txiv" thiab zaj "Koj nyob kaj lug Mab Liab xwb (Koj Nyob zoo Mab Liab)" rau txhua yas, tsuas yog hais ib zaug rau thaum pib xwb.

    Txoj saw no yog leej twg nquag niaj hnub hais mas yog ib qho yuav pub txiaj ntsim ntau raws li yus txoj kev thov.


    Thaum peb tsis ua kev thov ntuj cuaj hnub (novena/neuvaine), mas peb tsuas hais txoj saw nkaus xwb,
    tiam sis yog peb ua kev thov ntuj cuaj hnub mas peb mam hais cov lus thov ntuj Hnub 1 mus txog Hnub 9 nrog.
    Yog li thov kom sawv daws to taub zoo tias niaj hnub peb tsuas hais txoj saw xwb los tau.


    Yog ib zaj teev Ntuj tshiab uas muaj txiaj ntsim tib yam nkaus li teev Saw Mab Liab uas peb ib txwm paub los.
    Li no kuv yuav rov muab coj los tso ua ke, kom meej dua rau peb cov uas tseem tsis tau paub teev
    "Tswv Ntuj txoj kev Khuv Leej" no ho to taub zoo thiab tau xyaum mus teev.
    Nws teev yooj yim dua teev Saw Mab Liab, vim cov zaj luv dua ces yus siv sij hawm tsawg dua los teev.









    Txoj Saw Thov Tswv Ntuj Txoj Kev

    Khuv Leej Neeg
    Raws li leej Ntshiab Faustina, 1931

    Tuav txoj Saw Mab Liab ces hais:

    Pib:


    UA NTOO CUAM LUB CIM.


    - 1 zaug zaj Peb txiv

    Peb txiv nyob saum Ntuj
    Koj lub npe ntshiab nto moo lug,
    Koj lub ceeb tsheej los txog,
    Kom muaj raws li koj nyiam nyob ntiaj teb no
    zoo li nyob saum ntuj.
    Thov koj muab mov txaus peb noj hnub no.
    Koj zam txhaum rau peb zoo li peb zam rau luag.
    Koj txhob tso peb raug kev ntxias.
    Koj npo peb dim ntawm kev phem. Ua li.

    -1 zaug ZAJ KOJ NYOB KAJ LUG MAB LIAB.

    Koj nyob kaj lug Mab liab,
    Tus tau txiaj ntsim puv siab.
    Huab Tais Ntuj nrog koj nyob.
    Koj tau koob tau hmoov tshaj ib zej tsoom poj niam tib si,
    thiab koj lub txiv uas koj lub cev txi tau koob tau hmoov.
    Leej Ntshiab mab Liab, Tswv ntuj leej Niad,
    Koj thov Ntuj rau peb cov neeg txhaum,
    Nyem no mus txog thaum peb lub caij dua. Ua li.

    -1 zaug ZAJ NTSEEG

    Kuv ntseeg txog Tswv Ntuj,
    Yog leej txiv muaj hwj huam tas nrho,
    yog tus tsim ntuj tsim teb.
    Kuv ntseeg txog Yes Xus Pleev,
    yog Tswv Ntuj leej Tub twm zeej, yog peb tus huab tais.
    Leej Tswv Yim Ntshiab ua kom nws xeeb los ua neeg.
    Nws yug ntawm Nkauj Ntshiab mab Liab los.
    Lub caij Pis Las Tos ua nom,
    Yes Xus raug luag hiam thiab ntsia saum ntoo cuam.
    Nws tuag mus zwm av, mus txog ntuj txias teb tsaus.
    Hnub peb, Yes Xus sawv hauv cov tub tuag rov los.
    Nws nce mus lawm saum ntuj,
    zaum ntawm Leej Txiv muaj hwj huam tas nrho phab xis.
    Nws yuav rov los txiav txim rau cov neeg ciaj neeg tuag.
    Kuv ntseeg txog Leej tswv Yim Ntshiab.
    Ntseeg txog Tsoom Leej Ntshiab sib koom Ntuj Lub Txiaj Ntsim.
    Ntseeg txog kev daws txhaum.
    Ntseeg txog neeg lub cov sawv rov los.
    Ntseeg muaj txoj sia nyob mus li. Ua li.

    Yas Ib:

    Tuav thawj lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no):

    - Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
    nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
    - los cev rau koj them peb cov txhaum thiab tas ntiaj teb neeg cov txhaum.
    .

    Tuav 10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov lus nram no:
    - Vim nws txoj kev raug txom nyem tsim txom loj tas nrho,
    - thov koj khuv leej peb thiab tas ntiaj teb neeg.


    Yas Ob:
    [b]Tuav lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no)
    :
               
    - Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
    nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
    - los cev rau koj them peb cov txhaum thiab tas ntiaj teb neeg cov txhaum.
    .

    Tuav
    10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov luv nram no:

    - Vim nws txoj kev raug txom nyem tsim txom loj tas nrho,
    - thov koj khuv leej peb thiab tas ntiaj teb neeg.


    Yas Peb:
    [b]Tuav lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no)
    :

    - Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
    nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
    - los cev rau koj them peb cov txhaum thiab tas ntiaj teb neeg cov txhaum.
    .

    Tuav
    10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov luv nram no:

    - Vim nws txoj kev raug txom nyem tsim txom loj tas nrho,
    - thov koj khuv leej peb thiab tas ntiaj teb neeg.


    Yas Plaub:
    [b]Tuav lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no)
    :

    - Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
    nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
    - los cev rau koj them peb cov txhaum thiab tas ntiaj teb neeg cov txhaum.
    .

    Tuav
    10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov luv nram no:

    - Vim nws txoj kev raug txom nyem tsim txom loj tas nrho,
    - thov koj khuv leej peb thiab tas ntiaj teb neeg.


    Yas Tsib:
    [b]Tuav lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no)
    :

    - Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
    nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
    - los cev rau koj them peb cov txhaum thiab tas ntiaj teb neeg cov txhaum.
    .

    Tuav
    10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov luv nram no:

    - Vim nws txoj kev raug txom nyem tsim txom loj tas nrho,
    - thov koj khuv leej peb thiab tas ntiaj teb neeg.



    [b]Xaus:


    Hais peb lwm:        

    - Tswv Ntuj Ntshiab, Tus Muaj Hwj Huam tas nrho Ntshiab, tus Muaj Txoj Sia nyob mus li Ntshiab,
    - thov koj khuv leej peb thiab tas nrho ntiaj teb neeg.


    Hais 3 lwm:
    - Cov ntshav thiab cov dej txhuav yaws ntawm Yes Xus lub Plawv los ua tus dej pub kev khuv leej rau peb,
    - kuv tso siab rau nej!


    UA NTOO CUAM LUB CIM


    TAS.

    PS. YOG TEEV 9 HNUB CES TXHOB RAWM UA NTOO CUAM LUB CIM THEEM NOV,
    mam ua thaum hais cov zaj Thov Ntuj leej hnub tag.



    Yog teev Tswv Ntuj txoj kev khuv leej xwb no ces teev li nov xwb.


    Niaj hnub yuav tsum xub pib hais txoj Saw Thov Tswv Ntuj txoj kev Khuv Leej neeg ua ntej tas ces mam hais cov lus thov ntuj nram no (hnub ib mus txog hnub cuaj, raws li saib yog hnub twg, ces hais cov zaj hnub ntawd. Yog yus ho xav xub hais cov zaj thov ntuj no tas mam hais txoj Saw Thov Tswv Ntuj txoj Kev Khuv Leej neeg ua qab los tau tib yam, nyob ntawm yus nyiam xwb.


    Hnub 1
    Yes Xus hais tias:
    “Hnub no koj coj kom tas nrho ntiaj teb neeg tuaj rau kuv, tshwj xeeb yog
    cov neeg txhaum. Koj muab lawv tso rau hauv lub hiav txwv kuv txoj kev khuv
    leej neeg. Ua li no ces koj yuav nplig kuv lub siab, vim kub muaj kev tu siab loj rau qhov ib co ntsuj plig tsis yeem txais kev cawm.”

    Thov Ntuj:
    Yes Xus, tus khuv leej neeg tas nrho, koj lub siab tsuas xav hlub peb thiab zam txhaum rau peb nkaus xwb. Thov koj tsis txhob ntsia peb cov txhaum, tsuas ntsia peb txoj kev tso siab lug rau koj lub siab zoo. Thov txais peb txhua leej txhua tus los nyob hauv koj lub Plawv hlub neeg, tsis txhob pub peb khiav dim tau. Peb thov qhov no ntawm koj txoj kev hlub uas ua kom koj nrog leej Txiv thiab leej Ntuj Plig koom ib lub siab.

    Leej Txiv muaj txoj sia nyob mus li, thov koj tsa koj lub ntsej muag khuv leej neeg ntsia tas nrho lub ntiaj teb neeg uas nyob rau hauv koj leej Tub Yes Xus lub Plawv uas hlub neeg tas nrho, tshwj xeeb yog cov neeg txhaum. Vim Yes Xus txoj kev raug txom nyem loj tas nrho rau peb, thov koj khuv leej peb. Peb yuav cav txog koj txoj kev khuv leej neeg lub hwj huam loj tas nrho mus li tiam dhau tiam txheej dhau txheej. Ua li.


    HNUB 2

    Thov ntuj rau cov leej choj, cov leej tij thiab cov leej phauj

    Yes xus hais tias:
    “Hnub no, koj coj cov ntsuj plig ua leej choj, ua leej tij thiab ua leej phauj tuaj rau
    kuv. Koj muab lawv tso rau hauv kuv txoj kev khuv leej neeg uas neeg tsis taub txog. Lawv yog cov tau txhawb kuv zog nyiaj kuv txoj kev txom nyem loj. Lawv zoo li cov ciav dej uas kuv txoj kev khuv leej neeg ntws hla ntawm lawv tuaj mus rau
    tas ntiaj teb neeg.”


    Thov Ntuj:

    Yes Xus tus khuv leej neeg tas nrho, tas txhua yam zoo tuaj ntawm koj tuaj. Thov koj pub txiaj ntsim ntau ntxiv rau (peb) cov txiv neej thiab cov poj niam uas tau qee lawv lub neej los tsob hwb koj,* kom lawv*(peb) ua tau cov dej num pub kev khuv leej neeg kom zoo; kom txhua leej pom tsuas muaj cav txog leej Txiv nyob saum ntuj tus muaj kev khuv leej neeg.

    Leej Txiv muaj txoj sia nyob mus li, thov koj tig koj lub ntsej muag khuv leej neeg los ntsia pab neeg uas koj xaiv los tu koj lub vaj, yog cov ntsuj plig ua leej choj, ua leej tij, ua leej phauj, thov koj foom hmoov zoo ntxiv zog rau lawv. Vim txoj kev hlub uas puag rawv lawv rau hauv koj leej Tub lub Plawv, thov koj pub koj lub hwj huam thiab koj qhov pom kev rau lawv, kom lawv thiaj txawj coj lwm tus mus taug txoj kev cawm neeg, thiab kom lawv koom ib lub suab cav txog koj txoj kev khuv leej neeg mus tas txhua tiam tsis muaj caij kawg. Ua li.


    *Ntawm qhov muaj lub cim no tau muab ib co lus tshiab rau lawm. Cov lus
    leej ntshiab Faustina siv, nws siv lo lus “peb”, vim nws yog ib tug phauj nyob
    hauv pab neeg ntawd thiab (saib zaj lus Fas Kis nrad).

    Hnub 3

    Yes Xus hais tias:
    “Hnub no, koj coj cov ntsuj plig uas nyiam Ntuj zoo thiab npuab Tswv Ntuj. Koj muab lawv tso rau hauv lub hiav txwv kuv txoj kev khuv leej neeg. Lawv yog cov nplig kuv lub siab thaum kuv kwv tus ntoo cuam taug kev. Lawv yog teev dej nplig siab nyob hauv ib lub hiav txwv muaj kev iab siab loj.”

    Thov Ntuj:

    Yes Xus, tus khuv leej neeg tas nrho, koj faib koj cov txiaj ntsim ntawm koj lub txhab kev khuv leej neeg los pub rau txhua leej txhua tus kom puv npo. Thov koj txais peb los nyob
    hauv koj lub siab hlub neeg, tsis txhob kheev kom peb khiav dim tau li. Peb thov qhov no ntawm koj txoj kev hlub leej Txiv Tswv Ntuj kub siab lug.

    Leej Txiv muaj txoj sia nyob mus li, thov koj tsa koj lub ntsej muag khuv leej neeg los ntsia cov ntsuj plig uas npuab koj nraim, koj saib lawv yog zoo li koj leej tub lub cuab tam. Vim nws txoj kev raug txom nyem loj tas nrho, thov koj foom koj lo lus zoo rau lawv, thiab muab koj txoj kev pov fwm vij lawv txuag lawv. Kom lawv thiaj tsis tsawg kev hlub thiab thiaj tsis plam txoj kev ntseeg, tiam sis kom lawv
    nrog tsoom tshiab thiab tsoom leej ntshiab cav txog koj txoj kev khuv leej neeg
    mus li txheej dhau txheej tsis txawj kawg. Ua li.


    Hnub 4

    Yes Xus hais tias:
    "Hnub no koj coj cov neeg uas tsis ntseeg txog Tswv ntuj thiab cov uas tsis tau paub txog kuv. Thaum kuv tab tom raug kev txom nyem nyuaj siab loj, kuv nco txog lawv. Kuv pom lawv txoj kev kub siab lug rau kuv yav tom ntej ua rau kuv lub siab loj ntau tuaj. Koj muab lawv tuaj tso nyob hauv lub hiav txwv kuv txoj kev Khuv Leej neeg."

    Thov Ntuj:

    Yes Xus, tus khuv leej neeg tas nrho, koj yog tas ntiaj teb qhov pom kev. Thov koj txais cov ntsuj plig uas tseem coj dab qhuas thiab cov uas tseem tsis tau paub txog koj los nyob rau hauv koj lub Plawv uas hlub neeg tas nrho. Koj cia koj cov txiaj ntsim ua ib co sab pom kev tuaj kaj lawv, ces lawv thiaj yuav koom nrog peb cav txog koj txoj kev Khuv Leej neeg zoo tas nrho. Thiab koj txhob pub kom lawv khiav dim tau ntawm koj lub Plawv uas hlub neeg tas nrho.

    Leej Txiv muaj txoj sia nyob mus li, thov koj tsa koj lub ntsej muag khuv leej neeg los ntsia cov ntsuj plig uas tseem coj dab qhuas thiab cov uas tseem tsis tau paub txog koj, tiam sis lawv yeej nyob rawv hauv Yes Xus lub Plawv uas hlub neeg tas nrho. Thov koj rub lawv kom los nyob ntawm koj lub Moo Zoo qhov pom kev. Cov ntsuj plig ntawd tsis tau paub txog tias yog lawv nyiam koj, lawv yuav muaj kev zoo siab loj npaum li cas. Thov koj pub kom lawv tau los cav txog koj txoj kev Khuv Leej neeg loj thiab dav txheej dhau txheej tas mus li tsis muaj caij kawg. Ua li.


    Hnub 5


    Yes Xus hais tias:
    "Hnub no koj coj cov nstuj plig uas mus taug txoj kev yuam kev thiab cov uas tau ncaim ntawm kuv lub Koom Txoos mus lawm, thiab koj muab lawv tso nyob hauv lub hiav txwv kuv txoj kev Khuv Leej neeg. Thaum kuv tab tom raug kev txom nyem, lawv yog cov dua kuv lub cev thiab dua kuv lub siab ntuag rhe, vim lawv dua kuv lub Koom Txoos ntuag. Yog thaum twg lawv tig rov los koom siab nrog lub Koom Txoos, mas kuv cov nqaij ntuag yuav rov zoo, ces lawv yuav ua kom kuv txoj kev txom nyem sib tuaj."

    Thov Ntuj:

    Yes Xus, tus khuv leej neeg tas nrho, koj yog txoj tseem kev zoo. Koj tsis muaj qhov tsis kam pub koj txoj kev pom kev rau cov uas tuaj thov ntawm koj. Thov koj txais cov ntsuj plig uas mus taug txoj kev yuam kev thiab cov uas tau ncaim ntawm kuv lub Koom Txoos mus lawm. Koj muab koj qhov pom kev rub lawv kom lawv los nyob hauv koj lub Koom Txoos, thiab

    tsis txhob kheev kom lawv khiav dim tawm ntawm koj lub Plawv uas hlub neeg tas nrho. Tiam sis pub kom lawv tau los cav txog koj txoj kev Khuv Leej neeg tas nrho.

    Leej Txiv muaj txoj sia nyob mus li, thov koj tsa koj lub ntsej muag khuv leej neeg los ntsia cov neeg uas mus taug kev yuam kev thiab cov uas tau ncaim ntawm koj tus Tub lub Koom Txoos mus lawm. Lawv tau phob koj txoj kev ua zoo rau lawv thiab koj cov txiaj ntsim mus rau qhov tsis muaj nqes, vim lawv tsis kam hloov lawv xav nyob hauv txoj kev yuam kem. Thov koj tsis txhob saib lawv txoj kev yuam kev, tsuas saib koj leej Tub nws txoj kev hlub thiab saib nws txoj kev txom nyem loj uas nws tau nyiaj los pub rau lawv, vim lawv nyob rawv hauv nws lub Plawv uas hlub neeg tas nrho. Thov koj pub kom lawv tau los cav txog koj txoj kev Khuv Leej neeg tas nrho mus txheej dhau txheej tsis muaj caij kawg. Ua li.



    Hnub 6

    Yes Xus hais tias:
    "Hnub no, koj coj cov ntsuj plig ua neeg me txo hwj chim thiab cov ntsuj plig me nyuam yaus tuaj rau kuv, muab lawv tso nyob hauv kuv txoj kev khuv leej neeg. Cov ntsuj plig no thiaj zoo xws li kuv lub Plawv dua ntais. Lawv tau txhawb kuv zog thaum kuv ntsib kev nyuaj siab loj. Kuv pom lawv zoo li ib cov tshiab nyob hauv ntiaj teb, lawv yuav tuaj saib kuv ntuj tag hmo nyob ntawm kuv cov thaj txi ntuj. Kuv nchuav txiaj ntsim ntws lug xws li tej tus dej rau saum lawv. Kuv tso siab rau cov ntsuj plig ua neeg me."

    Thov Ntuj:
    Yes Xus, tus khuv leej neeg tas nrho, koj tau hais tias: “Nej kawm ntawm kuv, vim kuv muaj lub siab ua neeg me txo hwj chim.” Thov koj txais cov ntsuj plig ua neeg me txo hwj chim thiab cov ntsuj plig me nyuam yaus los nyob hauv koj lub Plawv uas hlub neeg tas nrho. Cov ntsuj plig no ua tau kom qaum ntuj yoob tas, thiab lawv yog cov uas leej Txiv nyob saum ntuj nyiam tshaj cov. Lawv yog cov paj tsw qab ntxiag nyob ntawm Twv Ntuj lub theej kiab; Tswv Ntuj zoo siab hnia lawv cov pa tsw qab. Cov ntsuj plig no muaj ib qho chaw nyob tas mus li hauv koj lub Plawv uas hlub neeg tas nrho, thiab lawv hu ib zaj nkauj cav txog kev hlub thiab kev khuv leej tas mus li.

    Leej Txiv muaj txoj sia nyob mus li, thov koj tig ntsej muag mus ntsia cov ntsuj plig ua neeg me, cov ntuj plig txo hwj chim, thiab cov ntsuj plig me nyuam yaus, uas nyob rawv hauv Yes Xus lub Plawv uas hlub neeg tas nrho. Cov ntsuj plig no thiaj yoog tau koj leej Tub tshaj cov. Lawv cov pa tsw qab ntxiag nce hauv ntiaj teb tuaj txog saum koj lub theej kiab. Leej Txiv muaj txoj kev khuv leej neeg thiab muaj tas txhua yam kev zoo, kuv thov koj, vim koj nyiam cov ntsuj plig no thiab vim koj zoo siab nyob hauv lawv, thov koj foom hmoov zoo rau tas ntiaj teb neeg, kom tas txhua tus ntsuj plig tau los hu nkauj cav txog koj txoj kev khuv leej neeg must sis muaj caij kawg. Ua li.



    Hnub 7

    Yes Xus hais tias:
    "Hnub no koj coj cov ntsuj plig uas nyiam hwm thiab cav txog kuv txoj kev khuv leej neeg tuaj rau kuv, muab lawv tso nyob hauv kuv txoj kev khuv leej. Cov ntsuj plig no tu siab loj tshaj thaum lawv pom kuv txoj kev txom nyem thiab lawv nkag tau tob tshaj rau hauv kuv lub tswv yim. Lawv yog cov duab qhia txog kuv lub Plawv uas hlub neeg. Cov ntsuj plig no yuav muaj ib qho kev ci ntsa tshwj xeeb nyob hauv lwm tiam. Lawv yuav tsis muaj ib tug poob rau hauv dab phem cov hluav taws. Kuv yuav ua tus los pab lawv thaum txog lawv lub caij dua nras."

    Thov Ntuj:

    Yes Xus, tus khuv leej neeg tas nrho, koj lub Plawv yog tseem kev hlub, thov koj txais cov ntsuj plig uas nyiam hwm thiab cav txog koj txoj kev khuv leej neeg los nyob rau hauv koj lub Plawv uas hlub neeg tas nrho. Cov ntsuj plig no muaj Tswv Ntuj lub hwj huam nyob hauv lawv. Txawm lawv muaj kev nyuaj siab kev txom nyem los lawv tsis thim, lawv tso siab lug rau koj txoj kev khuv leej neeg. Yes Xus, lawv koom siab nrog koj kwv tas ntiaj teb neeg saum lawv xub pwg. Cov ntsuj plig no yuav tsis raug txiav txim hnyav, vim koj txoj kev khuv leej yuav los npog lawv thaum lawv ncaim ntiaj teb mus.

    Leej Txiv muaj txoj sia nyob mus li, thov koj tig koj lub ntsej muag khuv leej neeg los rau cov ntsuj plig uas cav txog thiab hwm txog qhov loj tshaj plaws nyob hauv koj uas yog txoj kev khuv leej neeg; lawv nyob rawv hauv koj leej Tub Yes Xus lub Plawv uas hlub neeg tas nrho. Cov ntsuj plig no yog ib phau Ntawv Moo Zoo uas ciaj sia; lawv txhais tes puv nkaus tej dej num khuv leej neeg; lawv lub siab muaj kev zoo siab puv npo, lawv thiaj hu ib zaj nkauj cav txog txoj kev khuv leej rau koj, tus Nyob Siab! Kuv thov koj Tswv Ntuj, thov muab koj txoj kev khuv leej rau lawv raws li lawv txoj kev vam thiab cia siab. Thov koj pub kom lawv tau ntsib raws li Yes Xus txoj kev cog lus: nws tau hais tias, cov ntsuj plig uas hwm nws txoj kev khuv leej neeg, mas nws yuav tuaj pab lawv nyob hauv lawv lub neej, thiab qhov tseem ceeb yog thaum txog lawv lub caij dua, vim lawv yog nws txoj kev nto koob meej. Ua li.



    Hnub 8

    Yes Xus hais tias:

    "Hnub koj coj cov ntsuj plig uas poob rau teb chaws them txim tuaj rau kuv, muab lawv tso nyob hauv lub qhov ntuj tob uas puv kuv txoj kev khuv leej neeg. Cia kuv cov ntshav ntws ua dej sab siv huam los ywg lawv cov nplaim taws kom txias tuaj. Kuv muaj kev hlub cov ntsuj plig ntawd loj kawg nkaus. Lawv nyob them txim pauj rau kuv txoj kev txiav txim ncaj ncees. Nej yog cov muaj peev xwm daws tau lawv lub txim kom sib tuaj. Nej mus rho cov txiaj ntsim paj tshab nyob hauv kuv lub Koom Txoos lub txhab nyiaj txhab kub los ua lawv tug cev rau ntuj. Kheev lam nej paub tias lawv txom nyem loj npaum li cas mas ntshai nej yuav cev txim tsis tseg pab lawv thiab them rau lawv tej nuj nqes uas lawv tshuav ntawm kuv txoj kev txiav txim ncaj ncees.”

    Thov Ntuj:

    Yes Xus tus khuv leej neeg tas nrho, koj tau hais tias koj ntshaw pub koj txoj kev khuv leej rau peb; yog li kuv coj cov ntsuj plig nyob teb chaws them txim tuaj tso rau hauv koj lub Plawv uas hlub neeg tas nrho, koj hlub lawv kawg nkaus, tiam sis lawv yuav tsum tau them rau koj txoj kev txiav txim ncaj ncees. Thov kom cov dej thiab cov ntshav uas txhuav ntawm koj lub Plawv los ntws los tua cov nplaim taws hauv teb chaws them txim, kom lawv tau cav txog lub hwj huam ntawm koj txoj kev khuv leej neeg.

    Leej Txiv muaj txoj sia nyob mus li, thov koj tig koj lub ntsej muag khuv leej neeg mus ntsia cov ntsuj plig raug txom nyem nyob hauv teb chaws them txim, uas lawv nyob rawv hauv koj leej Tub Yes Xus lub Plawv uas hlub neeg tas nrho. Kuv thov koj saib koj leej Tub Yes Xus txoj kev raug txom nyem loj kawg nkaus thiab saib txoj kev iab kev daw uas los nyab tas nws tus ntsuj plig, es koj pub koj txoj kev khuv leej rau cov ntsuj plig uas raug txim vim koj txoj kev txiav txim ncaj ncees. Thov koj tsis txhob ntsia lwm yam, tsuas ntsia ntawm koj leej Tub Yes Xus uas koj hlub kawg nkaus nws cov qhov txhab mus rau lawv xwb. Peb ntseeg ruaj nreb tias koj txoj kev ua zoo thiab koj txoj kev hlub tsis muaj qhov txawj tag li. Ua li.


    Hnub 9

    Yes Xus hais tias:
    “Hnub no koj coj cov ntsuj plig uas tsis txias tsis kub tuaj rau kuv, muab lawv tso nyob hauv lub qhov ntuj puv kuv txoj kev khuv leej neeg. Lawv tau ua rau kuv tu siab tshaj cov. Nyob hauv lub vaj txiv ntoo roj, cov ntsuj plig tsis txias tsis kub ua rau kuv txom nyem siab, ua rau kuv tsis nyiam tshaj plaws. Lawv yog cov ua kom kuv qw tias: ‘Txiv, thov tshem lub ntim no mus deb ntawm kuv yog tias koj pom zoo.’ Lawv tshuav ib txog kev xwb thiaj yuav cawm tau lawv dim, yog khiav los mus nyob hauv kuv txoj kev khuv leej neeg.”

    Thov Ntuj:

    Yes Xus tus hlub neeg tas nrho, koj yog txoj tseem kev hlub. Kuv coj cov ntsuj pig tsis txias tsis kub tuaj tso nyob hauv koj lub Plawv uas hlub neeg tas nrho. Thov koj pub kom cov ntsuj plig tsis txias tsis kub, uas zoo li ib co neeg tuag lawm thiab ua rau koj txom nyem siab thiab tsis nyiam kiag li, txawj cig hlob tuaj thiab kub tuaj nyob hauv lub cub tawg ntawm koj txoj kev nyiam dawb huv. Yes Xus tus hlub neeg tas nrho, thov koj cia li siv lub hwj huam loj ntawm koj txoj kev khuv leej neeg los rub lawv mus rau hauv qhov kub lug ntawm koj txoj kev nyiam, thov koj pub lub txiaj ntsim muaj txoj kev nyiam ntshiab huv rau lawv, vim koj ua tau tas puas tsav yam.

    Leej Txiv muaj txoj sia nyob mus li, thov koj tig koj lub ntsej muag khuv leej neeg mus rau cov ntsuj plig tsis txias tsis kub, uas lawv kuj nyob rawv hauv Yes Xus lub Plawv uas hlub neeg tas nrho. Leej Txiv tus muaj kev khuv leej neeg e, kuv thov koj, vim koj leej Tub nws txoj kev raug txom nyem nyuaj siab loj thiab vim nws txoj sia tau ua nruj nriaj tau peb teev nyob saum ntoo cuam, thov koj pub kom lawv tau los cav txog tias koj txoj kev khuv leej tob npaum li cas. Ua li.




    NrhiavTswvNtuj
    Hmong Catholique
    Hmong Catholique

    Messages : 600
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  NrhiavTswvNtuj on 17th February 2014, 8:14 pm



    Zaj teev Tswv Ntuj Txoj kev khuv leej nov, zoo heev rau cov ntsuj plig uas mus khuam rau teb chaws them txim (Purgatoire); yog koj muaj ib tug neeg uas koj hlub koj nco tau dua toj lawm; yog koj hlub nws tiag, txhiaj khoov koj yuav niaj hnub quaj, niaj hnub seev, niaj hnub nyiav nws; koj yuav muab lub caij uas koj tu siab ntawd los ua txiaj ntsim teev "Tswv Ntuj txoj kev khuv leej" rau nws thiab muaj me ntsis nyiaj rau Txiv Plig ua Thaj Txi Ntuj rau nws nyob hauv tsev teev Ntuj Hnub Chiv (ib thaj txi Ntuj, nyob Fab Kis teb yog 17€) thiaj yuav cawm tau nws dim mus rau lub neej tshav ntuj nrig. Yog thaum nws dim kev them txim mus pem Ntuj lawd, nws yuav rov thov Ntuj rau nej tom qab ces nej nyob ntiaj teb, nej yuav muaj kev thaj yeeb nyab xeeb.





    Tus plig yim mus siab lub cev yim nyiaj mob
    Tus plig yim ntshiab huv lub cev yim uv luag
    Tus plig yim nyob ze Tswv Ntuj lub cev yim txom nyem
    Tswv Ntuj tsom kwm koj vim koj yog tus neeg siab ntshiab
    Tswv Ntuj txhais tes tsa rawv saum koj tau hau,
    Vim koj ntshiab saum taub hau ti nkaus ko taw.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 15th April 2014, 9:21 am

    Nyob zoo tsoom phooj ywg hmov tshua,

    Twb yuav txog lub caij rov teev "Tswv Ntuj txoj kev khuv leej neeg" lawm, vam thiab cia siab tias sawv daws yuav npaj siab los teev ua ke.

    Lauj zias koj lub caij muaj nqes tuaj nrog peb sib koom thov txiaj ntsim mog.



    Last edited by Maiv Tooj on 17th April 2014, 9:55 am; edited 1 time in total




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 16th April 2014, 5:22 am

    Nyob zoo rau txhua leej uas muaj lub siab xav tuaj koom nrog peb thov Tswv Ntuj  txoj Kev Khuv Leej cuaj hnub.

    Tshuav tag kiv ib hnub lawm xwb, ces twb txog Hnub Rau Ntshiab, uas yog hnub HT Yes Xus tuag saum ntoo cuam, thiab yog hnub peb yuav pib teev Tswv Ntuj txoj kev Khuv Leej, raws li HT Yes Xus tau qhia rau LN Faustina.

    Thaum peb hais txoj Saw thov Tswv Ntuj txoj kev Khuv Leej, mas nyob hauv cov lus xaus muaj cov lus no:

    Hais 3 lwm:
    - Cov ntshav thiab cov dej txhuav yaws ntawm Yes Xus lub Plawv los ua tus dej pub kev khuv leej rau peb,
    - kuv tso siab rau nej!


    Muaj  neeg tau hais rau kuv tias xav kom peb txhob hais lo lus "kuv tso siab rau nej," tiam sis yuav tsum hais tias "kuv tso siab rau neb," vim  yog peb tso siab rau ob yam xwb, yog cov ntshav thiab cov dej tawm ntawm Yes Xus lub plawv los.

    Kuv kuj tau muab coj los xav tau ib ntus no thiab kuj tau nrog leej puav sib tham txog qhov ntawd. Kuj muaj cov tau hais tias hais "neb" los kuj zoo thiab.  Yog li kuv tau muab zaj lus ntawd hloov me ntsis li no:

    - Ntshav thiab dej txhuav yaws ntawm Yes Xus lub Plawv los ua tus dej pub kev khuv leej rau peb,
    - kuv tso siab rau neb!


    Nej ho tuaj sim siv saib nej nyiam lo twg dua. Yog peb hais "nej" mas zoo li hais tau dav dav, yog peb hais neb, mas zoo li hais tau nqaim dua.  Saib nej nyiam hais "nej" los nej nyiam hais "neb" dua, thov nej hais rau kub paub.

    Tswv Ntuj txoj kev Khuv Leej yog ib qho peb xav tau nyob hauv peb lub neej. Yog Tswv Ntuj tsis khuv leej peb ces peb yuav tsis tau txais kev cawm li.  Yog li ntawd thov kom sawv daws npaj siab pib thov Tswv Ntuj txoj kev Khuv Leej Neeg rau nag kis, uas yog Hnub Rau Ntshiab, yuav thov cuaj hnub sib law raws li HT Yes Xus tau xav kom thov, ces yuav xaus rau Hnub Xya tim 26 lub 4 hlis.

    Ua tsaug rau sawv daws.

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Paj Lug on 16th April 2014, 8:11 am

    Mim wrote:
    - Cov ntshav thiab cov dej txhuav yaws ntawm Yes Xus lub Plawv los ua tus dej pub kev khuv leej rau peb,
    - kuv tso siab rau nej!


    - Ntshav thiab dej txhuav yaws ntawm Yes Xus lub Plawv los ua tus dej pub kev khuv leej rau peb,
    - kuv tso siab rau neb!



    Nyob zoo Niamlaus Mim, ntev lawm tsis tau tuaj sau ntawv lawm nco nco nej sawv daws li, Kuv nyiam li qhov koj sau hauv qab thiab, yeej yog li koj hais lawm, muaj 2 yam los ywg peb kev txhaum, cov ntshav thiab cov dej, yog peb hais tias Neb no los zoo heev li.




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 12th January 2015, 7:47 am


    Txiaj ntsim ntawm kev Teev Tswv Ntuj txoj kev khuv leej .


    Thaum lub 2 hlis 2014, kuv tus nyab mus daws cev tim tsev kho mob, yug tau tus me nyuam thawj hnub, hnub qab kuv txawm mus xyuas kuv tus nyab. Kuv mus txog kuv txawm muab kuv tus xeeb ntxwv puag, puag ces kuv txawm pom nws sab qaum tes doog thiab o; kuv txawm nug kub tus nyab tias ua cas nws txhais tes zoo li no? Kuv tus nyeb teb tias: "twb yog tias nws cov ntshav liab ntau dhau lawm, lawv muab txhuav ntshav". Ces tib pliag xwb, tus ntxhais kho mob (imfermière) txawm los nqa hlo tus me nyuam, hais tias coj mus ntxuav no ces cia li coj lawm; coj mus ntev ntev tsis pom los, kuv nug ces ho hais tias yog coj mus ncu lawm, ob niam tub tsis los li. Hnub tom qab, mam rov mus nug dua ces lawv hais tias tus me nyuam tsis zoo li, xyov lawv tsis paub ua li cas li; vim thaum twg noj mis ces tus me nyuam ua tsis taus pa li. Yog nyob lub tsev kho mob uas kuv tus txiv (tus me nyuam yawg) tuag. Lawv coj tus me nyuam mus rau kem mob nyhav, lawv ntxig xov ntau txoj rau tus me nyuam, lawv tsis pub neeg mus xyuas coob lawm.

    Kuj ua rau ob tug tub nyab no tag kev cia siab, nkaws yeej tsis npaj txaj chaw thiab khaub ncaws tos me nyuam li. Kuv thiaj hais rau kuv tus nyab hais tias nyab aw! ua cas tub neb tsis xyuas txaj chaw rau me nyuam naj? Kuv tus nyab kuj teb tias "lwm hnub mam xyuas" no xwb. Ces kuv kuj txhawj heev thiab, kuv tsis paub yuav ua li cas, ces kuv thiaj li tham rau kuv tus niam hluas, niam XH.Txiaj Hawj Yaj, nws thiaj hais rau kuv tias: "Mim, Maiv Paj Lug thiab niam ntxawm Txooj Tub lawv twb tso tau ib "zaj teev Tswv Ntuj txoj kev khuv leej" rau hauv cab sab, koj kuj muab cov ntawv ntawd los thov Ntuj rau tus me nyuam seb." Ces kuv kom nws qhia kuv seb nyob qhov twg, nws thiaj qhia kuv ces kuv thiaj hais rau kuv tus tub tias kom nws muab zaj "thov Tswv Ntuj txoj kev khuv leej" luam rau kuv; vim kuv qhov muag tsis pom kev zoo ces kuv ceeb laj saib hauv hlwb hlau. Kuv tus tub muab luam tau rau kuv ces kuv cia li teev kiag. Kuv tsis yog teev ib hnub ib zaug xwb, kuv teev ib hnub no xyov txog 200-300 zaj li lov xyov kuv tsis suav li lawm; kuv kom kuv ob tug me nyuam nrog kuv teev thiab. Kuv thov tau 3 hnub xwb ces lawv hais tias kuv tus xeeb ntxwv zoo me ntsis lawm, tau 7 hnub nkaus xwb ces lawv txawm muab xov rho tag nrho, 9 hnub kiag xwb ces kuv tus xeeb ntxwv zoo hlo, cia li tawm kiag tsev kho mob los tsis muaj mob dab tsi li lawm.

    Kuv ua tsaug rau "Tswv Ntuj txoj kev khuv leej neeg".

    Tus sau: Niam XH.Lis Vam Xab.








    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 2nd April 2015, 8:26 pm



    Nyob zoo Tsoom Ntseeg txhua leej,

    Twb txog hnub teev Tswv Ntuj txoj kev Khuv leej 9 hnub lawm, los nrog peb sib koom siab teev Hnub Rau Ntshiab nov mus txog rau Hnub Chiv Hmoov Tswv Ntuj lub siab Khuv Leej neeg yog Hnub Chiv tom qab Chiv Hla.

    TSWV NTUJ NYOB HAUV COV NEEG SID HLUB.







    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 4th April 2015, 11:35 am

    Nyob zoo tais Tooj,

    Kuv twb pib teev Tswv Ntuj txoj kev Khuv Leej nag hmo uas yog Hnub Rau Ntshiab lawm os.  Vam tias txhua tus uas xav teev, twb pib lawm thiab.

    Thov kom txhua leej tsuas ntsib kev kaj siab rau lub caij  Hla no, kom peb nco ntsoov ua HT Yes Xus tsaug, vim nws tau tuag thiab sawv rov los txhiv peb.


    Sponsored content

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Sponsored content Today at 3:41 am


      Current date/time is 10th December 2016, 3:41 am