Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» COV ZAJ NYEEM NRUAB LIS PIAM XYOO I 2016-2017
by Mim 8th December 2016, 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Tswv Ntuj txoj kev Khuv Leej Neeg.( Neuvaine à la Divine Miséricorde)

    Share

    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Tub Kawm on 11th March 2012, 6:35 am

    Nyob zoo sawv daws, lub sij hawm no twb yuav rov txog lub caij peb teev txoj saw Tswv Ntuj Khuv leej neeg lawm tsuas yog tshuav 2 lub lim pam lawm xwb twb txog rau lub lim pam Ntshiab uas yog hnub rau Ntshiab lawm. Zoo li kuv tau nyeem nej cov lus sib tham mas niaj xyoo txog lub caij uas yog hnub rau Ntshiab mas tas Lub Koom Txoos Catholic nyob thoob ntiaj teb ua kev teev txoj saw Tswv Ntuj Khuv Leej Neeg 9 hnub sib law puas yog? Xyoo no muaj peb ob peb leej nyuam qhuav tuaj tshiab thiab yog thaum tws nej yuav thov Txoj saw Tswv Ntuj khuv leej no thov nej xub muab tshaj tawm ua ntej li ib los ob hnub kom sawv daws cev xeev kom npaj yug tus kheej ua ntej tso thiaj mam thov og nawb yog tias txog thaum ntawd muaj caij no kuv nrog nej sib koom hais ua ke thiab og nawc. Raws li nej tham txog Teev "TXOJ SAW TSWV NTUJ KHUV LEEJ NEEG" ib xyoos puag ncig rov txog hnub 6 Ntshiab es peb ua kev Teev 9 hnub sib law mas kuv to taub lawm hais tias: yuav tsum tau teev cov lus thov ntuj uas Hnub1 mus 9 ntawd. Tiam sis kuv xav nug me ntsi txog qhov ntawd. (Piv xam li ib xyoos puag ncig tsuas yog muaj tib lub caib nyoog nyob rau hauv Hnub 6 Ntshiab xwb, yog nyob hauv lub lim piam Ntshiab xwb. Ua li piv xam yog peb muaj 2 los 3 leej xav sib teem ua kev Teev TXOJ SAW TSWV NTUJ KHUV LEEJ NEEG 9 hnub sib law los pab rau ib qho xwb. tiam sis twb tsis ncaj rau lub sij hawm hnub 6 Ntshiab ntawd lawm ne, yog li peb puas yuav hais cov lus thov Ntuj uas hnub 1 mus txog 9 los tsi hais? Thov nej tuaj qhia kuv. Nyob zoo

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 11th March 2012, 8:10 am

    Nyob zoo Txawj Tuam,

    Cia txog Hnub Tsib Ntshiab tej tso kuv mam tuaj hais kom peb pib ua kev teev Tswv Ntuj txoj kev Khuv leej neeg 9 hnub os.

    Hais txog koj lo lus nug hais tias yog yus xav siv Txoj Saw thov Tswv ntuj txoj kev khuv leej los ua kev thov ntuj 9 hnub pab rau ib qho, kuv twb teb tas rau XH Ntxoov Tsab lawm. Kuv muab rov los tso rau ntawm no. Yog koj nyeem tas tseem tsis tau meej rau koj no ces koj ho rov tuaj nug dua os nawb:

    Tais Tooj thiab XH Ntxoov Tsab, kev teev ntuj 9 hnub, raws li kuv paub mas peb xav hais Saw Mab Liab los tau, peb ho xav hais txoj Saw thov Tswv ntuj txoj kev khuv leej los tau li. Yog peb xav hais Saw mab Liab los ua kev thov ntuj 9 hnub rau ib yam tseem ceeb, ces niaj hnub peb hais ib txoj Saw Mab Liab los thov ntuj kom puv 9 hnub xwb. Hos yog peb ho xav hais txoj Saw thov Tswv Ntuj txoj kev khuv leej los peb niaj hnub hais txoj saw ntawd kom puv 9 hnub thiab xwb mas.

    Hais txog Tswv Ntuj txoj kev khuv leej mas nws muaj ob yam nawb:
    - Yam 1) yog Txoj Saw thov Tswv Ntuj txoj kev khuv leej nkaus xwb, uas pev siv txoj saw mab Liab los hais, tiam sis cov zaj txawv txoj saw Mab Liab,
    - Yam 2) yog txoj kev teev ntuj 9 hnub uas pib Hnub 6 Ntshiab mus txog rau Hnub 7 ua ntej Hnub Chiv 2 hauv lub Caij Hla. Txoj kev thov ntuj 9 hnub ntawd mas muaj niaj hnub hais ib txoj Saw thov Tswv ntuj txoj kev khuv leej tas ces mam hais ib co lus thov ntuj rau tej pab neeg sib txawv ua ntu zus mus kom tas cuaj hnub.

    Yog peb xav siv txoj Saw thov Tswv ntuj txoj kev khuv leej los ua kev thov ntuj 9 hnub mas peb cia li hais txoj Saw xwb tsis tas hais cov lus thov ntuj rau tej pab neeg los tau.

    Nej rov mus nyeem hauv no hais txog txoj saw thov Tswv ntuj txoj kev khuv leej neeg:
    http://hmongcatholique.forumdediscussions.com/t373-tswv-ntuj-txoj-kev-khuv-leej-neeg

    Thiab kuv xav hais ib qho ntxiv tias niaj hnub yog peb ua tau mas peb yuav tsum hais ib txoj Saw Mab Liab thiab ib txoj Saw thov Tswv ntuj txoj kev khuv leej. Yog peb ua tau li no mas kuj zoo kawg lawm thiab.

    Thiab kuv tseem xav ntxiv ib qho ntxiv tias yog peb xav niaj hnub thov ntuj pab Txiv Vaj Qhia los haj yam zoo, peb hais ib zaj "peb Txiv nyob saum ntuj..." ib zaj "Koj nyob kaj lug Mab Liab... " thiab ib zaj "HT leej Txiv, HT leej Tub, HT leej ntuj plig..." xwb ces tau lawm. Xws li yog nej leej twg niaj hnub hais txoj saw Mab Liab, ces thaum nej hais zaj "Poj Huab Tais..." tas, nej hais peb zaj no ntxiv rau thaum xaus los thov ntuj pab rau txiv Vaj qhia xwb.

    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Tub Kawm on 2nd April 2012, 2:21 pm

    Nyob zoo sawv daws. Thov nug tias: thaum yus thov txoj saw Tswv Ntuj Khuv Leej Neeg tas lawm. Yus hais cov lus thov ntuj uas cuaj hnub sib hlaw, yam li hnub ib mus txog cuaj ntawd. Yus puas hais cov lus uas HT Yes xus hais rau Leej Ntshiab Faus tis nas?. Los yus cia li hais ntawm cov lus thov Ntuj mus xwb? Vim twb yuav txog hnub 6 Ntshiab lawm. Mas kuv xav nug ua ntej, kuv thiaj qhia tau lawv thov. Nyob rau tim peb no lawv muaj ib txhia xav nrog peb hais txoj saw Tswv Ntuj khuv leej Neeg thiab no. Yog li kuv yuav tsum qhia lawv ua ntej thaum yuav txog hnub 6 Ntshiab. Thov nej tuaj qhia kuv.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 2nd April 2012, 2:49 pm

    Nyob zoo Txawj Tuam,

    Koj nug los zoo kawg. Peb xub nyeem HT Yes Xus cov lus uas nws hais rau LN Faustina tas kom peb to taub tias hnub twg HT Yes Xus xav kom thov ntuj rau pab neeg twg tas ces peb mam li hais cov lus thov ntuj os.

    Thiab kuv hais rau nej sawv daws hais tias, kuv tau tuaj hloov me ntsis cov lus hauv Txoj Saw thov Tswv Ntuj txoj kev Khuv Leej lawm. Phauj Maiv uas yog niam caub moos Zoov Txhiaj Thoj wb tau sib tham txog cov lus ces kuv tau yuav nws lub tswv yim me ntsis los pab kuv hloov tej lo lus rau lawm. Tsuas yog hloov cov lus xwb tsis tau hloov lub ntsiab.

    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Tub Kawm on 2nd April 2012, 8:29 pm


    Nyob zoo Mim.

    kuv xav tias neb muab hloov li no lawm mas tas nrho cov zaj (los yog cov nqais) mas yeej phim hais kawg lawm. Tiam sis tshuav zaj

    "LEEJ TXIV MUAJ TXOJ SIA NYOB MUS LI.
    KUV MUAB KOJ LEEJ TUB PEB TUS HUAB TAIS YES XUS PLEEV UAS KOJ HLUB KAWG NKAUS.
    NWS LUB CEV NWS COV NTSHAV NWS TUS NTSUJ PLIG,THIAB NWS SAB UAS YOG TSWV NTUJ.
    -LOS CEV RAU KOJ THEM PEB COV TXIM TXHAUM, THIAB TAS NRHO NTIAJ TEB NEEG COV TXIM TXHAUM".

    Muab hloov tias.

    "LEEJ TXIV MUAJ TXOJ SIA NYOB MUS LI.
    KUV MUAB KOJ LEEJ TUB KOJ HLUB KAWG NKAUS PEB TUS HUAB TAIS YES XUS PLEEV NWS LUB CEV, NWS COV NTSHAV, NWS TUS NTSUJ PLIG, THIAB NWS SAB UAS TSWV NTUJ.
    - LOS CEV RAU KOJ THEM PEB COV TXIM TXHAUM THIAB TAS NRHO NTIAJ TEB NEEG COV TXIM TXHAUM"

    muab hloov li no lawm mas lo lus uas hais tias: KUV MUAB KOJ LEEJ TUB KOJ HLUB KAWG NKAUS PEB TUS HUAB TAIS YES XUS PLEEV. Lo lus no tsi tshua phim lawm. Yog yus seev lub suab hais mas Luas yuav tsi to taub xws lis lo lus thaum nej tsi tau hloov. Yog tias nej hloov li ntawd kuj zoo tiam sis Lo lus KUV MUAB KOJ LEEJ TUB UAS KOJ HLUB KAWG NKAUS. Mas nej tso lo lus hais tias: "UAS" no ntxiv rau mas kuj phim, tiam si tsi muaj lo ntawd mas tsi tshua phim lawm. Yog Cia li hai KUV MUAB KOJ LEEJ TUB KOJ HLUB KAWG NKAUS PEB TUS HT YX PLEEV xwb mas tsi phim thiab tsi tshua to taub li thaum nej tsis tau hloov. Kuv xav mas yog zaj no mas yuav lo lus qub uas thaum nej tsi tau hloov mas to taub zoo dua, thiab hais mas ncaj dua, zoo hais dua thiab sawv daws yuav nkag siab dua. Tiam sis yog ntawm kuv tus kheej xav li ntawd xwb. Tseem tshuav nej txhua tus thiab. Mim kuv lam hais li no xwb kuv twb tsi yog tus txhais ua lus hmoob, thov nws txhob xav li cas rau kuv thiab nawb. Sib ntsib dua


    Last edited by Txawj Tuam on 3rd April 2012, 3:45 am; edited 1 time in total

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 3rd April 2012, 3:59 am

    Nyob zoo Txawj Tuam thiab Tais Tooj,

    Ua neb tsaug uas neb tuaj pab kuv tswv yim. Peb muaj coob leej mas yeej yuav hais tau zoo dua xwb.

    Yog nej nyiam lo lus "KOJ LEEJ TUB UAS KOJ HLUB KAWG NKAUS/TSHAJ PLAWS" los kuv mam rov tso lo lua "UAS" rau. Hais txog lo lus "KAWG NKAUS" los "TSHAJ PLAWS" mas kuv xav tias nyob ntawm tus neeg hais lus xwb, peb yuav lo lus twg los nyob ntawm saib peb cov coob nyiam lo twg xwb.

    Yog nej cov ho hais tias tsis txhob hais "NWS" cov ntshav, "NWS" tus ntsuj plig li cia li hais "NWS LUB CEV, COV NTSHAV, TUS NTSUJ PLIG" xwb los thaum peb hais kam lawm nyaj yuav zoo hais thiab. Ntawm kuv mas yog vim kuv hais kam "nws" ces zoo li kuv pheej yuav hais nws rau xwb.

    Tais Tooj, tej zaum Txawj Tuam neb tsis tau saib zoo zoo qhov kuv rov muab kho. Kuv kho tshiab hais li no: "THIAB NWS SAB TSEEM TSWV NTUJ." Thaum phauj Maiv wb sib tham mas wb yeej tham tib si lawm tias yog hais tias "lub hwj chim Tswv Ntuj" los puas "lub meej mom Tswv Ntuj" no puas zoo. Wb sib hais tias lub hwj chim lub meej mom tsuas yog qhov neeg pom sab nraud xwb, ces wb xav hais tias "nws sab TSEEM TSWV NTUJ" raug dua thiab yog dua, vim nws yeej yog kiag Tswv Ntuj nws tsis yog tau lub hwj chim xwb. Mas ntshai kuv yuav siv lo lus "nws sab tseem Tswv Ntuj" yuav tsis muab hloov.

    - LOS CEV RAU KOJ kom THEM PEB thiab tag nrho neeg ntiaj teb cov txim txhaum Qhov kuv tau rov muab kho mas kuv hais li no:
    - los cev rau koj them peb cov txhaum thiab tas nrho (lub) ntiaj teb neeg cov txhaum.
    Phauj Maiv wb kuj sib tham txog puas yuav lo lus "kom them" mas wb hais tias wb tsis yuav, vim wb hais tias peb muab HT Yes Xus cev rau Tswv Ntuj"them peb cov txhaum" kiag xwb, ces tsis tas yuav "kom" li no ces wb thiaj tsis hais kom.

    Lo lus "neeg ntiaj teb" thiab "ntiaj teb neeg," mas kuv tus kheej nyiam lo lus "ntiaj teb neeg" dua, vim lus Aas Kiv hu ua "the whole world" hos lus Fab Kis yog "le monde entier". Lawv tsis hais tias "the people of the world" los "les peuples du monde", ces tej zaum kuv yuav siv "tas nrho ntiaj teb neeg." Lo lus "cov txim txhaum", kuv xav hais tias lo lus "cov txhaum" xwb yeej tau lawm, vim lus Aas Kiv hais tias "the sins", lus Fab Kis "les peches", ces kuv tsis xav hais kom ntev ntev thiab ces kuv thiaj muab lo lus "txim" tshem lawm.

    Qhov kawg yuav hais li no saib puas zoo? Ib qho yog nej yuav tsum muab xyaum hais kiag li ob peb hnub mas nej thiaj pom tias hais li cas zoo hais dua.

    - Leej Txiv muaj txoj sia nyob mus li, kuv muab koj leej Tub uas koj hlub kawg nkaus/tshaj plaws (saib nej cov coob nyiam hais lo twg? ntawm kuv mas kuv hais kam lo "kawg nkaus" ces zoo li zoo hais dua xwb), peb tus Huab Tais Yes Xus Pleev, nws lub Cev, cov Ntshav, tus Ntsuj Plig, thiab nws sab tseem Tswv Ntuj
    - los cev rau koj them peb cov txhaum thiab tas nrho ntiaj teb neeg cov txhaum.


    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 4th April 2012, 2:05 pm

    Nyob zoo cov phooj ywg,

    Twb txog caij peb yuav siv zaj teev ntuj no lawm, tag kis ib hnub xwb ces nag kis peb twb pib siv mus lawm, ces kuv yuav muab kho raws li kuv pom zoo tso peb lam siv ua ntej os nawb. Cov lus no yog txhais rau cov uas xav siv lus Hmoob xwb, cov tsis nyiam siv lus Hmoob, nej siv lus Aas Kiv thiab lus Fab Kis los tau.

    Kho qhov kawg yog li no:

    - Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
    nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
    - los cev rau koj them peb cov txhaum thiab tas ntiaj teb neeg cov txhaum.


    Last edited by Mim on 5th April 2012, 7:01 am; edited 1 time in total

    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Tub Kawm on 4th April 2012, 3:26 pm

    Nyob zoo Mim. Yog leej tws xav Teev ua lus fabkis lus Mes kas log teev. Tiam sis lus hmoob mas kuv yuav teev raws li zaj koj kho no og nawb. Txhob muab hloov lawm. Koj twb kho tau raug kawg thiab zoo hais kawg lawm. Mim ntawm peb no hnub no twb yog hnub 5 lawm. tas kig xwb peb twb hais lawm og. Es tim nej ko ho ua qab ib hnub los ua ntej ib hnub nav? Tsawm no tim nej ko twb yog 9:25 feeb, ib hmo lawm, yog hnub 4, los yog hnub 5, Ntshiab lawm nav? . Thov ua tsau rau nws tuaj ceeb toom kom sawv daws xeev o nawb. Xyoo no peb twb muaj ob peb leej lawm, peb yuav tsum koom siab thov ZAJ TSWV NTUJ KHUV LEEJ NEEG tiag nawb.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 4th April 2012, 5:42 pm



    Nyob zoo Mim thiab tub Txawj Tuam,

    Mim, ua tsaug ntau uas koj kho tau zoo heev lawm.

    Kuv muab cov posts uas tsis muaj feem txog kev teev "Tswv Ntuj txoj kev Khuv Leej" tshem tag lawm kom tsis txhob ntxhov ntxhov.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 5th April 2012, 4:32 pm

    Tais Tooj,

    koj tshem cov posts uas tsi hais txog Tswv Ntuj txoj kev Khuv Leej los zoo kawg, ua li ntawd thiaj yooj yim nrhiav dua os. Ua tsaug nawb uas koj tuaj pab tshem thiab kho rau.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 5th April 2012, 4:49 pm

    Txawj Tuam wrote:Nyob zoo Mim. Yog leej tws xav Teev ua lus fabkis lus Mes kas log teev. Tiam sis lus hmoob mas kuv yuav teev raws li zaj koj kho no og nawb. Txhob muab hloov lawm. Koj twb kho tau raug kawg thiab zoo hais kawg lawm. Mim ntawm peb no hnub no twb yog hnub 5 lawm. tas kig xwb peb twb hais lawm og. Es tim nej ko ho ua qab ib hnub los ua ntej ib hnub nav? Tsawm no tim nej ko twb yog 9:25 feeb, ib hmo lawm, yog hnub 4, los yog hnub 5, Ntshiab lawm nav? . Thov ua tsau rau nws tuaj ceeb toom kom sawv daws xeev o nawb. Xyoo no peb twb muaj ob peb leej lawm, peb yuav tsum koom siab thov ZAJ TSWV NTUJ KHUV LEEJ NEEG tiag nawb.


    Txawj tuam,

    Nej xub txog Hnub Rau Ntshiab lawm ces nej kav tsij pib teev Tswv Ntuj txoj Kev Khuv Leej 9 hnub mus os nawb. Nco ntsoov 9 hnub ntawd mas niaj hnub yuav tsum xub siv txoj Saw mab Liab teev ib txoj Saw thov Tswv Ntuj txoj Kev Khuv Leej tas mas mam li mus nyeem Yes Xus cov lus qhia kom hnub 1, yuav thov ntuj rau pab neeg twg, thiab mam hais cov zaj thov ntuj rau hnub ntawd. Hnub 2 los ua ib yam li ntawd, mus nyeem cov lus thiab cov zaj teev ntuj rau hnub 2. Hnub 3 los ua ib yam li ntawd mus kom txog hnub 9. Hnub 10 ces yog Hnub Chiv 2 hauv lub Caij Hla lawm, yog hnub xaus txoj kev thov ntuj 9 hnub. Yog hnub uas Vaj Qhia Zam Paj Lug II tau muab teem ua Hnub thov Tswv Ntuj txoj kev Khuv Leej, peb yuav tsum tau mus koom thaj txi ntuj, thiab txais Yes Xus lub Cev hnub ntawd. Yog peb muaj kev txaug kev txhaum nyob rau hauv peb nruav siab lawm mas peb yuav xub mus daws txhaum ua ntej mam mus koom thaj txi ntuj txais Yes Xus lub Cev. Tiam sis yog nej twb xub mus daws txhaum npaj rau lub Caij hla lawm, mas nej tsis mus daws txhaum los tau lawm. Qhov tseeb yog qhov kom peb tsis tcxhob muaj txhaum nyob rau hauv peb xwb.

    Yog tias nej mus koom tsis tau thaj txi ntuj vim nej tsis muaj txiv plig nyob ze nej, los kuv xav tias Tswv Ntuj yuav pom nej txoj kev mob siab thiab kub siab thov Tswv Ntuj txoj kev Khuv Leej. Nws yuav pub txiaj ntsim zoo rau nej.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 5th April 2012, 6:34 pm


    Nyob zoo Mim thiab tub Txawj Tuam,

    Kuv los nrog nej sib koom teev Tswv Ntuj txoj kev khuv leej neeg 9 hnub thiab.

    Kuv thov nquag hu txog tsoom Hmoob ntseeg thoob ntiaj teb,
    Nej tuaj nrog peb sib koom teev Ntuj 9 hnub ua ke yuad.

    Txhob xav qhov tsis khoom, xav tias yog kuv muab ib hnub 15feeb los teev Ntuj xwb, hloov tau txoj kev thaj yeeb rau peb lub neej, lub ntiaj teb thiab cov ntsuj plig, peb tus ntsuj plig. Yog ua cas peb ho yuav tsis ua! Yuav tsum lauj lub caij los ua xwb. Yam thaum Niam Mab Liab hais nyob Fatima, yog neeg lim xeeb ces dab phem twb tsis nkag rau Xaus Viaj twb tsis muaj kev txom nyem quaj ntsuag, ploj tuag, teb chaws puas tsuaj tag nrho ib phab ntuj...Dua li, nyob Pellevoisin, Fab Kis teb, Niam Mab Liab twb ntxov hais kom laj mej pej xeem rau siab teev Ntuj, kom maim dhau Tsov Rog Ntiaj teb Zaum Ib thiab Zaum Ob. Tab sis neeg siab qeeb, tsis xav ua qhov yooj yim thiaj raug kev puas tsuaj txhua zaud.

    Kuv thov nquag hu txog nej ua neeg ntseeg txhua leej uas tuaj pom peb lub Topic "Teev tswv Ntuj txoj kev Khuv Leej neeg" no, tuaj nrog peb sib koom teev Ntuj ua ke 9 hnub puag ncig lub ntiaj teb.

    Thov ua tsaug ntau.




    Tub ntsuag
    Phooj Ywg
    Phooj Ywg

    Messages : 135
    Date d'inscription : 2011-10-06

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Tub ntsuag on 5th April 2012, 11:30 pm

    Ua tsaus ntau nej txhua tug og nej yeej hais yog lawm thiab .mim ua tsaug ntau koj twb tseem ro tau yog ib lub ntsiab tseem thiab phim cov zaj . .ua tsaug ntau niam hlob yeej yog li koj hais kawg lawm niam mab lia khuv leej peb npaum cas nws hais ceeb toom rau peb tiam sis neeg txoj kev ntseeg tsawg tsi muab siab rau tej yam uas yuav txoj sia nws tsuas ua raws li nws nyiam thaum kawg ntrib kev nyuaj lawm mam nco tses twb lig lawm og mog

    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 6th April 2012, 10:39 am

    Mim wrote:
    Txawj Tuam wrote:Nyob zoo Mim. Yog leej tws xav Teev ua lus fabkis lus Mes kas log teev. Tiam sis lus hmoob mas kuv yuav teev raws li zaj koj kho no og nawb. Txhob muab hloov lawm. Koj twb kho tau raug kawg thiab zoo hais kawg lawm. Mim ntawm peb no hnub no twb yog hnub 5 lawm. tas kig xwb peb twb hais lawm og. Es tim nej ko ho ua qab ib hnub los ua ntej ib hnub nav? Tsawm no tim nej ko twb yog 9:25 feeb, ib hmo lawm, yog hnub 4, los yog hnub 5, Ntshiab lawm nav? . Thov ua tsau rau nws tuaj ceeb toom kom sawv daws xeev o nawb. Xyoo no peb twb muaj ob peb leej lawm, peb yuav tsum koom siab thov ZAJ TSWV NTUJ KHUV LEEJ NEEG tiag nawb.


    Txawj tuam,

    Nej xub txog Hnub Rau Ntshiab lawm ces nej kav tsij pib teev Tswv Ntuj txoj Kev Khuv Leej 9 hnub mus os nawb. Nco ntsoov 9 hnub ntawd mas niaj hnub yuav tsum xub siv txoj Saw mab Liab teev ib txoj Saw thov Tswv Ntuj txoj Kev Khuv Leej tas mas mam li mus nyeem Yes Xus cov lus qhia kom hnub 1, yuav thov ntuj rau pab neeg twg, thiab mam hais cov zaj thov ntuj rau hnub ntawd. Hnub 2 los ua ib yam li ntawd, mus nyeem cov lus thiab cov zaj teev ntuj rau hnub 2. Hnub 3 los ua ib yam li ntawd mus kom txog hnub 9. Hnub 10 ces yog Hnub Chiv 2 hauv lub Caij Hla lawm, yog hnub xaus txoj kev thov ntuj 9 hnub. Yog hnub uas Vaj Qhia Zam Paj Lug II tau muab teem ua Hnub thov Tswv Ntuj txoj kev Khuv Leej, peb yuav tsum tau mus koom thaj txi ntuj, thiab txais Yes Xus lub Cev hnub ntawd. Yog peb muaj kev txaug kev txhaum nyob rau hauv peb nruav siab lawm mas peb yuav xub mus daws txhaum ua ntej mam mus koom thaj txi ntuj txais Yes Xus lub Cev. Tiam sis yog nej twb xub mus daws txhaum npaj rau lub Caij hla lawm, mas nej tsis mus daws txhaum los tau lawm. Qhov tseeb yog qhov kom peb tsis tcxhob muaj txhaum nyob rau hauv peb xwb.

    Yog tias nej mus koom tsis tau thaj txi ntuj vim nej tsis muaj txiv plig nyob ze nej, los kuv xav tias Tswv Ntuj yuav pom nej txoj kev mob siab thiab kub siab thov Tswv Ntuj txoj kev Khuv Leej. Nws yuav pub txiaj ntsim zoo rau nej.


    Nyob zoo Txawj Tuam thiab nej sawv daws,

    Nag hmo kuv tau tuaj hais rau Txawj Tuam tias kom pib kev teev ntuj 9 hnub mus, es nco ntsoov xub hais txoj Saw thov Tswv Ntuj txoj Kev Khuv Leej tas mam mus nyeem HT Yes Xus cov lus thiab cov zaj thov ntuj pab rau pab neeg hnub 1 no. Tiam sis kuv rov qab mus nyeem cov sites piav txog Tswv Ntuj txoj kev Khuv Leej kom to taub zoo, no kuv pom tias kuv to taub ib qho yuam kev lawm ces kuv tau coj peb ua raws qhov kuv to taub ntawd, tiam ssi tam sis no kuv mam rov mus tshawb dua ces kuv mam to taub meej dua tuaj. Ces kuv yuav thov txim ntawm nej sawv daws thiab ntawm Tswv Ntuj tias kuv tau to taub yuam kev me ntsis lawm, tiam sis kuj tsis muaj dab tsi loj loj, tsuas yog qhov tias peb yuav tsum tau xub mus nyeem HT Yes Xus cov lus thiab hais cov zaj thov ntuj rau ib pab neeg ua ntej tas ces mam hais Txoj Saw thov Tswv Ntuj txoj Kev Khuv Leej. Yog li ntawd kuv rov hais thov txim ntawm nej dua. Es thov nej pauv qhov ntawd os nawb.

    Cov uas nej twb pib hais tas Hnub 1 lawm ces tsis ua cas, tiam sis cov uas nej tab tom yuav pib Hnub 1 los puas cov yuav pib Hnub 2 mus, nej nco ntsoov hloov, xub mus nyeem cov lus thiab cov zaj thov ntuj pab rau pab neeg hnub ntawd tas ces mam hais txoj Saw thov Tswv ntuj txoj Kev Khuuv Leej tom qab nawb. Kuv pom tias ua li no yog qhov zoo dua. Es ua nej txhua tus tsaug thiab.



    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Tub Kawm on 6th April 2012, 3:49 pm



    Nyob zoo Mim,

    Tej zaum yog li koj hais lawm, raws li kuv muab phau ntawv LN Fautina lus cob tsib twm mas. Lawv qhia hais tia:

    Xub nyeem cov lus Yes xus hais thiab thov ntuj rau hnub ntawd tas es mam li hais Peb Txiv, zaj Koj Nyob kaj lug Mab liab, zaj Kuv ntseeg . Ces mam pib hais txoj saw mus.

    Mim es ua li koj nyeem phau Ntawv ntawd ne ho qhia li cas?
    Vim koj tsuas hais tias: yuav tsum hais cov lus Yes xus hais, thiab thov Ntuj rau ib hnub ntawd ua ntej mam hais txoj saw xwb no. Es puas yog li kuv hais es hais cov lus thov ntuj rau hnub ntawd tas, mam li hais zaj peb txiv, zaj koj nyob kaj lug, zaj kuv ntseeg maj?

    Vim kuv saib daim ntawv cob tsib qhia Teev txoj saw TSWV NTUJ KHUV LEEJ NEEG mas lus cob tsib lawv qhia mas 10 nqe lus yam li thaum pib mas teev txoj saw mas:

    1, yuav tsum hu ib zaj nkauj thov Leej Tswv Yim Ntshiab.
    2, mam hais cov lus yes xus hais thiab ntuj.
    3, hais zaj peb txiv, zaj koj nyob kaj lug, zaj kuv ntseeg.
    4, hais Txoj Saw mus.
    5, nyeem Tswv Ntuj cov lus.
    6, Tus uas pab qhia Teev Ntuj.
    7, zaj thov HT lub siab khuv lee.
    9, hu ib zaj nkauj qhuas cav txog Yes lub plawv.
    10, ua tsaug. (tshuav qib 8 kuv tsi to taub lawm).

    Mim kuv lam sau li no xwb tiam sis kuv paub lus tsis tas. thov Nws rov mus muab phau ntawv txhais kom tas es xa tuaj rau peb xav muab luam ua ib phau kom tau nyeem og nawb. Vim tseem tshuav ntau heev uas koj tsi tau tso ua lus hmoob og. N

    TAWM NO THOV HAIS RAU SAWV DAWS TIAS, NYEM NO PEB TXEEV TXOJ SAW TSWV NTUJ KHUV LEEJ NEEG RAWS LI MIM TAU QHIA SAUM XWB. LWM HNUB YOG KHO TAU NO MAM LI ROV QHIA DUA OG NAWB. Cov lus kuv sau yog lam sau kom nej cov paub lus tas mam rov mus nrhiav hauv phau ntawv uas LN FAUTINA sau tseg xwb.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 6th April 2012, 7:39 pm



    Nyob zoo Txawj Tuam,

    Raws li lus Fab Kis, Teev Tswv Ntuj txoj kev Khuv Leej yog teev li Mim qhia nyob pem phab Ib.

    Pib:

    1-Ua Ntoo Cuam Lub Cim,
    2- Peb Txiv.
    3-Koj Nyob kaj lug Mab Liab.
    4-Zaj Kuv Ntseeg.


    3 ZAJ saum NO TSUAS HAIS THAUM PIB XWB.

    5-Nyeem Yes Xus cov lus + cov lus Thov Ntuj txhua hnub.
    6-hais cov zaj Tswv Ntuj txoj kev khuv leej.


    HAIS LI NOV 5 ZAUG CES TAG.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 7th April 2012, 3:20 am

    Tais Tooj thiab Txawj Tuam,

    Xyov li tiag, ua cas mus nyeem lawv cov sites mas zoo li ib lub site hais txawv me ntsis thiab ces, kuv hais li no, yog nej nyiam hais li kuv xub to taub thiab xub qhia los nej hais raws li ntawd, nej ho nyiam raws li kuv nyuam qhuav hais los nej hais raws li ntawd, cav tsis yog yuav pauv lub ntsiab loj loj, tsuas yog hais Txoj Saw Khuv Leej Neeg ua ntej los ua qab xwb ces nyaj hais li cas los tau. Cia kuv mus nrhiav kom tau kiag ib phau ntawv uas lawv luam qhia teev Tswv Ntuj Txoj Kev Khuv Leej 9 hnub los nyeem kiag saib lawv ho qhia li cas, ces kuv thiaj meej thiab. Thiab cia kuv mam rov mus nrhiav LN Faustina phau diary los nyeem thiab saib HT Yes Xus hais li cas kiag. Thaum kuv nyeem tas lawm kuv mam li tuaj qhia qhov uas HT Yes Xus hais, los puas raws li nyob hauv cov ntawv qhia teev Tswv ntuj txoj kev Khuv Leej 9 Hnub. Vim kuv ib txwm yeej to taub li uas kuv xub tuaj qhia tias peb hais txoj Saw thov kev Khuv Leej tas ces mam mus nyeem HT Yes cov lus thiab cov zaj thov ntuj rau pab neeg hnub ntawd. Tiam sis cas kuv ho rov mus nyeem tej lub site ho hais tias xub hais txoj Saw ua ntej no ces thiaj ua rau kuv rov cia li xav tias cas kuv ho to taub yuam kev lawm los yog li cas, kuv thiaj tuaj hais li ntawd xwb. Tam sis no ces txawm peb yuav hais ua ntej ua qab los tsuav peb hais ob yam ntawd 9 hnub si law txij Hnub Rau Ntshiab mus xwb ces tau lawm.

    Hais txog txoj Saw Tswv Ntuj txoj kev Khuv Leej mas yeej tsuas muaj li ntawd xwb, thiab hais txog cov lus HT Yes Xus hais txog tej pab neeg thiab cov lus thov ntuj rau pab neeg ntawd, mas kuj tsuas muaj li ntawd thiab xwb. Tiam sis yog thaum yuav coj los hais ob yam ua ke ces tsis meej tias yuav muab qhov twg los hais ua ntej, qhov twg los hais ua qab xwb. Hais txog ntawm cov zaj hu nkauj thov Leej Tswv Yim Ntshiab los puas nkauj cav txog HT Yes lub Plawv mas nyob ntawm yus lawm xwb, yus xav hu zaj nkauj twg kom phim los tau, yus ho tsis hu nkauj li los tau.

    Ob qho tseem ceeb peb yuav tsum hais thaum peb ua kev thov ntuj 9 hnub, uas kuv to taub, ces tsuas yog txoj Saw thov Tswv Ntuj txoj kev Khuv Leej, thiab cov lus thov ntuj rau tej pab neeg raws li HT Yes Xus qhia xwb. Kuv yeej nyiam teev raws li tais Tooj tso rau saum toj no thiab. Yog li kuv xav tias tam sis no cia tso rau peb xaiv saib peb nyiam teev li cas ua ntej.

    Txawj Tuam, ntawm yuav luam ua ib phau mas kuv yeej muab teeb tau ua ib phau me me lawm, luaj li ib daig ntawv dawb muab tais ua ob sab, uas kuv siv Microsoft Publisher los teeb. Vim tsaib no kuv twb tuaj muab txhais tas ua lus Hmoob lawm, tiam sis thaum kuv teev ntuj mas kuv pheej nyiam mus hais raws Mes kas xwb ces, xyoo no kuv mam li yuav hais ua lus Hmoob, kuv mam pom tias muaj tej lo lus kuv nruam lawm, los tej lo lus muab ntaus yuam kev tsis yog chaw lawm los puas ho ntaus lo lus yuam kev lawm thiab. Ces kuv xav tias cia kuv siv ib lwm tas, thiab ho rov mus kho cov lus ib lwm kom txhob yuam kev tso. Thaum twg kuv saib tas zoo lawm kuv mam hais rau koj paub koj mam li muab luam tawm. Yog koj muaj email no koj muab rau kuv es kuv mam xa rau hauv koj tus email ces koj qhib hauv computer ces koj yuav luam tau tawm ua ib phau me me.

    Thov txim ntawm sawv daws thiab os, vim peb ke siv ke tsim ces yuav muaj ntau yam tsis zoo tag los peb sawv daws ua siab ntev os nawb. Yeej tseem yuav muaj kho ntxiv xwb los kawg peb yuav tau ua siab ntev ntev...



    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 13th April 2012, 4:19 am

    Nyob zoo nej sawv daws,

    Kuv xav tuaj ua nej cov uas tau nrog kuv koom teev Tswv Ntuj txoj Kev Khuv Leej 9 Hnub. Hnub no yog hnub 8 lawm. Hnub no peb thov kom Tswv Ntuj khuv leej cov ntsuj plig uas poob rau teb chaws them txim. Tag kis yog hnub 9 lawm nawb, peb yuav thov Tswv Ntuj khuv leej cov neeg uas tsis txias tsis kub nyob hauv txoj kev ntseeg thiab teev hawm Tswv Ntuj. Thiab Hnub Chiv yog Hnub ua hmoov txog Tswv Ntuj txoj Kev Khuv Leej Neeg.

    Peb ua kev thov ntuj 9 hnub ua ntej Hnub Chiv ua hmoov tsog Tswv Ntuj txoj Kev Khuv Leej, vim HT Yes Xus tau thov kom peb ua. Nws hais rau LN Faustina tias: “Kuv xav kom nyob hauv 9 hnub ntawd, nej coj cov ntsuj plig tuaj rau ntawm tus dej txhawv muaj kuv txoj kev khuv leej, kom lawv tuaj ce haus ntxiv siav ntxiv zog, thiab ntxiv yam txiaj ntsim uas lawv xav tau pab lawv hauv lub neej tej kev nyuaj kev txom nyem, thiab tshwj xeeb yog pab lawv thaum lawv lub caij dua nras.”
    “Ib hnub twg nej yuav coj ib pab ntsuj plig txawv tuaj rau hauv kuv lub Plawv… Niaj hnub nej tuaj thov kuv Txiv, vam txog kuv txoj kev raug txom nyem, kom pub txiaj ntsim rau cov ntsuj plig ntawd. Vim txoj kev thov ntuj 9 hnub, mas kuv yuav pub txhua yam txiaj ntsim raws li pub tau rau cov ntsuj plig.”


    Hais txog Hnub Chiv ua hmoov txog Tswv Ntuj txoj Kev Khuv Leej, HT Yes Xus hais li no rau LN Faustina tias: “Me ntxhais, koj qhia rau tas nrho ntiaj teb neeg kom paub txog kuv txoj kev khuv leej uas neeg xav tsis tawm txog. Kuv xav kom lub hmoov txog kuv txoj kev Khuv Leej yog ib qho chaw nkaum chaw vam rau txhua tus ntsuj plig, tshwj xeeb rau cov neeg txhaum loj. Hnub ntawd kuv txoj kev khuv leej qhib lug. Kuv nchuav tas nrho ib lub hiav txwv txiaj ntsim los ywg rau cov ntsuj plig uas tuajhaus tus dej txhawv muaj kuv txoj kev Khuv Leej. Tus ntsuj plig uas mus daws txhaum thiab txais lub Cim Yug yuav tau txais kev zam tas nrho nws cov txhaum thiab txoj kev nyob txim vim nws cov txhaum. Hnub ntawd, txhua lub rooj vag saum ntuj qhib lug rau cov txiaj ntsim ntws laub lug los.” (diary 699)

    Yes Xus kuj tseem hais li no thiab: "Kuv xav kom nej yuav tsum ua tej yam hauj lwm khuv leej neeg, uas nej ua vim nej nyiam kuv. Nej yuav tsum khuv leej cov neeg nyob ze nej tas mus li thiab nyob qhov txhia chaw. Nej tsis txhob nkaum tes thiab xav tias nej tsis ua los tau… Txoj kev ntseeg txawm yuav loj npaum twg, yog tsis muaj tes hauj lwm nrog, yeej tsis muaj nqes dab tsi.” (Diary 742)



    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 24th March 2013, 7:31 pm




    Hawm txog tsoom kwv tij neej tsa phooj ywg,

    Ib xyoo dhau twb yuav rov txog lub caij Teev Tswv Ntuj txoj kev Khuv leej lawm.
    Nej npaj siab thiab tuaj nrog peb sib coj teev Ntuj xyoo 2013 no ua ke.
    Lub txiaj ntsim muaj rau nej sim, lub txiaj ntsha yuav pub rau peb tas.
    Thov lauj lub caij me me tuaj nrhiav kev thaj yeeb rau lub ntiaj teb.
    Thov sem lub sij hawm ib pliag rau txoj kev nyiam.
    Thov sib pab rho tus pos hauv peb tib neeg nruab nrog, sib koom cog paj rau tej hav npos.
    Thov sib koom txuag lub ntiaj teb kev zoo nkauj, sib pab tshem tej kev sib cav sib ceg sib ntau.
    Thov sib pab nrhiav kev thaj yeeb kev nyiam, koom tes rhuav lub ntiaj teb kev qias.

    TUAJ SIB KOOM THOV TSWV NTUJ LUB HWJ HUAM LOS PAB KOM PEB TAU LUB NEEJ KAB NTSAB NAWB MOG KWV TIJ HMOOB.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 24th March 2013, 8:02 pm

    NrhiavTswvNtuj wrote:



    Kev teev Tswv Ntuj txoj kev Khuv Leej, teev zoo tib yam nkaus li teev Saw Mab Liab.
    Xuas txoj Saw Mab Liab los teev, tsuas yog thaum hais cov zaj teev Ntuj,
    tsis yog hais zaj "Peb Txiv" thiab zaj "Koj nyob kaj lug Mab Liab xwb (Koj Nyob zoo Mab Liab)" rau txhua yas, tsuas yog hais ib zaug rau thaum pib xwb.

    Txoj saw no yog leej twg nquag niaj hnub hais mas yog ib qho yuav pub txiaj ntsim ntau raws li yus txoj kev thov.


    Thaum peb tsis ua kev thov ntuj cuaj hnub (novena/neuvaine), mas peb tsuas hais txoj saw nkaus xwb,
    tiam sis yog peb ua kev thov ntuj cuaj hnub mas peb mam hais cov lus thov ntuj Hnub 1 mus txog Hnub 9 nrog.
    Yog li thov kom sawv daws to taub zoo tias niaj hnub peb tsuas hais txoj saw xwb los tau.


    Yog ib zaj teev Ntuj tshiab uas muaj txiaj ntsim tib yam nkaus li teev Saw Mab Liab uas peb ib txwm paub los.
    Li no kuv yuav rov muab coj los tso ua ke, kom meej dua rau peb cov uas tseem tsis tau paub teev
    "Tswv Ntuj txoj kev Khuv Leej" no ho to taub zoo thiab tau xyaum mus teev.
    Nws teev yooj yim dua teev Saw Mab Liab, vim cov zaj luv dua ces yus siv sij hawm tsawg dua los teev.








    Txoj Saw Thov Tswv Ntuj Txoj Kev

    Khuv Leej Neeg
    Raws li leej Ntshiab Faustina, 1931

    Tuav txoj Saw Mab Liab ces hais:

    Pib:


    UA NTOO CUAM LUB CIM.


    - 1 zaug zaj Peb txiv

    Peb txiv nyob saum Ntuj
    Koj lub npe ntshiab nto moo lug,
    Koj lub ceeb tsheej los txog,
    Kom muaj raws li koj nyiam nyob ntiaj teb no
    zoo li nyob saum ntuj.
    Thov koj muab mov txaus peb noj hnub no.
    Koj zam txhaum rau peb zoo li peb zam rau luag.
    Koj txhob tso peb raug kev ntxias.
    Koj npo peb dim ntawm kev phem. Ua li.

    -1 zaug ZAJ KOJ NYOB KAJ LUG MAB LIAB.

    Koj nyob kaj lug Mab liab,
    Tus tau txiaj ntsim puv siab.
    Huab Tais Ntuj nrog koj nyob.
    Koj tau koob tau hmoov tshaj ib zej tsoom poj niam tib si,
    thiab koj lub txiv uas koj lub cev txi tau koob tau hmoov.
    Leej Ntshiab mab Liab, Tswv ntuj leej Niad,
    Koj thov Ntuj rau peb cov neeg txhaum,
    Nyem no mus txog thaum peb lub caij dua. Ua li.

    -1 zaug ZAJ NTSEEG

    Kuv ntseeg txog Tswv Ntuj,
    Yog leej txiv muaj hwj huam tas nrho,
    yog tus tsim ntuj tsim teb.
    Kuv ntseeg txog Yes Xus Pleev,
    yog Tswv Ntuj leej Tub twm zeej, yog peb tus huab tais.
    Leej Tswv Yim Ntshiab ua kom nws xeeb los ua neeg.
    Nws yug ntawm Nkauj Ntshiab mab Liab los.
    Lub caij Pis Las Tos ua nom,
    Yes Xus raug luag hiam thiab ntsia saum ntoo cuam.
    Nws tuag mus zwm av, mus txog ntuj txias teb tsaus.
    Hnub peb, Yes Xus sawv hauv cov tub tuag rov los.
    Nws nce mus lawm saum ntuj,
    zaum ntawm Leej Txiv muaj hwj huam tas nrho phab xis.
    Nws yuav rov los txiav txim rau cov neeg ciaj neeg tuag.
    Kuv ntseeg txog Leej tswv Yim Ntshiab.
    Ntseeg txog Tsoom Leej Ntshiab sib koom Ntuj Lub Txiaj Ntsim.
    Ntseeg txog kev daws txhaum.
    Ntseeg txog neeg lub cov sawv rov los.
    Ntseeg muaj txoj sia nyob mus li. Ua li.

    Yas Ib:

    Tuav thawj lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no):

    - Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
    nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
    - los cev rau koj them peb cov txhaum thiab tas ntiaj teb neeg cov txhaum.
    .

    Tuav 10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov lus nram no:
    - Vim nws txoj kev raug txom nyem tsim txom loj tas nrho,
    - thov koj khuv leej peb thiab tas ntiaj teb neeg.


    Yas Ob:
    Tuav lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no):

    - Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
    nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
    - los cev rau koj them peb cov txhaum thiab tas ntiaj teb neeg cov txhaum.
    .

    Tuav
    10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov luv nram no:

    - Vim nws txoj kev raug txom nyem tsim txom loj tas nrho,
    - thov koj khuv leej peb thiab tas ntiaj teb neeg.


    Yas Peb:
    [b]Tuav lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no)
    :

    - Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
    nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
    - los cev rau koj them peb cov txhaum thiab tas ntiaj teb neeg cov txhaum.
    .

    Tuav
    10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov luv nram no:

    - Vim nws txoj kev raug txom nyem tsim txom loj tas nrho,
    - thov koj khuv leej peb thiab tas ntiaj teb neeg.


    Yas Plaub:
    [b]Tuav lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no)
    :

    - Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
    nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
    - los cev rau koj them peb cov txhaum thiab tas ntiaj teb neeg cov txhaum.
    .

    Tuav
    10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov luv nram no:

    - Vim nws txoj kev raug txom nyem tsim txom loj tas nrho,
    - thov koj khuv leej peb thiab tas ntiaj teb neeg.


    Yas Tsib:
    [b]Tuav lub hlaws loj hais (kev cai yog peb hais zaj "Peb Txiv nyob saum ntuj, tiam sis ntawm no peb hais cov lus nram no)
    :

    - Leej Txiv muaj txoj sia nyob mus li, kuv muab koj leej Tub uas koj hlub kawg nkaus, peb tus Huab Tais Yes Xus Pleev,
    nws lub Cev thiab cov Ntshav, nws tus Ntsuj Plig, thiab nws sab tseem Tswv Ntuj
    - los cev rau koj them peb cov txhaum thiab tas ntiaj teb neeg cov txhaum.
    .

    Tuav
    10 lub hlaws me hais (Hais kaum lwm ib yam li thaum peb hais zaj "Koj nyob kaj lug Mab Liab", tiam sis peb hais cov luv nram no:

    - Vim nws txoj kev raug txom nyem tsim txom loj tas nrho,
    - thov koj khuv leej peb thiab tas ntiaj teb neeg.



    [b]Xaus:


    Hais peb lwm:

    - Tswv Ntuj Ntshiab, Tus Muaj Hwj Huam tas nrho Ntshiab, tus Muaj Txoj Sia nyob mus li Ntshiab,
    - thov koj khuv leej peb thiab tas nrho ntiaj teb neeg.


    Hais 3 lwm:
    - Cov ntshav thiab cov dej txhuav yaws ntawm Yes Xus lub Plawv los ua tus dej pub kev khuv leej rau peb,
    - kuv tso siab rau nej!


    UA NTOO CUAM LUB CIM


    TAS.

    PS. YOG TEEV 9 HNUB CES TXHOB RAWM UA NTOO CUAM LUB CIM THEEM NOV,
    mam ua thaum hais cov zaj Thov Ntuj leej hnub tag.



    Yog teev Tswv Ntuj txoj kev khuv leej xwb no ces teev li nov xwb.


    Nyob zoo Mim,

    Hnub no kuv tau txais koj zaj nkauj, kuv rov mus saib qhov nov, zoo li lawv qhia tau txawv zog qhov koj qhia, yeej yog tib zaj teev Ntuj tab sis qhia txawv zog xwb.


    Chapelet de la DIVINE MISÉRICORDE..
    (traduit en français à partir du site de Maria de la divine Miséricorde)




    [b]Comment réciter le chapelet



    1. Faire le signe de la croix : Au nom du Père, du Fils et du Saint-Esprit, amen.

    2. Prières optionnelles d’introduction:

    "Vous avez expiré, Jésus, mais la source de vie a jailli pour sauver les âmes du monde entier comme un océan de Miséricorde. Ô Source de Vie, insondable Miséricorde Divine, enveloppez le monde entier et videz-vous sur nous."

    "Ô Sang et Eau qui avez jailli du Coeur de Notre-Seigneur Jésus-Christ comme source de Miséricorde pour nous, je crois en Vous."

    3. Notre Père

    4. Je Vous salue Marie

    5. Je crois en Dieu (acte des Apôtres)

    6. et sur les gros grains de chaque dizaine, le « Père Éternel »:


    "Père Éternel, je Vous offre le Corps et le Sang, l’Âme et la Divinité de Votre fils bien-aimé, Notre-Seigneur Jésus-Christ, en réparation de nos péchés et de ceux du monde entier"

    7. sur les petits grains de chaque dizaine, « Par Sa douloureuse Passion »:

    "Par Sa douloureuse Passion, soyez miséricordieux pour nous et pour le monde entier"


    8. répétez le « Père Éternel » et le « Par Sa douloureuse Passion » sur les quatre dizaines restantes.

    9. Pour conclure le chapelet, répétez trois fois le « Dieu Saint »

    "Dieu Saint, Dieu Fort, Dieu Éternel, prenez pitié de nous et du monde entier"


    10. Prière optionnelle de clôture:


    "Dieu Éternel, dont la Miséricorde est infinie et le trésor de compassion inépuisable, regarde-nous avec bienveillance et augmentez en nous Votre Miséricorde afin que nous ne désespérions ni ne nous découragions dans les moments difficiles, mais qu’avec grande confiance nous nous soumettions à Votre Sainte Volonté, qui est l’Amour et la Miséricorde même."




    (NB. On peut aussi dire à la fin « Jésus, j’ai confiance en Vous » qui sont les Paroles que Jésus a demandé d’imprimer sur Son Image de la Miséricorde Divine)


    Mim,

    Kuv saib zoo li qhov qauv no yooj yim teev heev, koj xav li cas? Thiab yog tau, koj pab xyuas kom haum nrog cov uas koj twb txhais ua ntej saud, kom siv tau yooj yim.

    Ua tsaug.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 25th March 2013, 5:42 am

    Nyob zoo tais Tooj,

    Kuv xyuas mas kuv tsis pom tias txawv li. Yeej zoo ib yam nkaus xwb. Tiam sis kuv tuaj piav mas kuv piav raws ib yag saw zuj zus, tias Yas Ib, hais zaj twg, Yas ob, hais zaj twg, Yas Peb, Yas Plaub, Yas Tsib, li ntawd. Koj muab xyuas zoo zoo mas cov zaj kuv tso ntawd yeej yog tib co xwb tsis txawv li. Qhov kuv tso txawv cov lus Fab Kis, mas tsuas yog cov zaj "optionelles" xwb, txhais tias cov peb hais los tau tsis hais los tau. Cov no mas muaj tej lub sites lawv tso muaj, tej lub lawv tsis tso li, thiab cov zaj los zoo li nyias kuj tso txawv nyias me ntsis thiab. Thaum kuv txhais mas kuv pom ib lub site uas lawv tso muaj ib zaj "optionelle" rau nram kawg, ces kuv tau ua li ntawd thiab xwb. Tam sis no mus xyuas cov sites piav txog txoj Saw Tswv ntuj txoj kev khuv leej, mas cov ntau lawv ua raws li cov lus Fab Kis uas koj nyuam qhuav tuaj tso lawm.

    Tej zaum kuv ho tau muab piav ntau zog ces zoo li nyuaj nyuaj to taub kuj muaj. Tiam sis tos kuv tau muab piav ib tog zus tuaj los yog vim kuv nco zoo li kuv tau xub ua ib qho yooj yooj yim li cov lus Fab Kis, ces zoo li muaj neeg tseem nug kuv tias yog yuav hais li tiag no thiab ces kuv thiaj mam ho rov muab piav thiab tso cov zaj ib tog zus tuaj.

    Cia kuv muaj sij hawm, kuv mam rov muab piav raws li koj cov lus Fab Kis ntxiv rau thiab los tau, kom sawv daws thiaj to taub zoo dua, thiab leej twg ho xav hais ib co zaj "optionelles" los muaj rau ntawd.

    Nco ntsoov tias cov zaj tseem tseem nyob hauv txoj saw Tswv Ntuj kev khuv leej, tsuas muaj 6 zaj no xwb:

    1. Peb Txiv nyob saum ntuj...
    2. Koj nyob zoo mab Liab...
    3. Kuv ntseeg txog Tswv ntuj...
    4. Leej Txiv muaj txoj sia nyob mus li... (hais tuav lub hlaws loj, los yog nyob nrug deb zog cov)
    5. Vim nws txoj kev txom nyem raug tsim txom loj tas nrho... (hais 10 zaus, tuav 10 lub hlaws me)
    6. Tswv Ntuj Ntshiab, tus muaj hwj huam tas nrho ntshiab... (hais peb lwm thaum xaus)

    Cov zaj no, kuv tau txhais raws lus Aas Kiv. Yog muab saib raws lus Fab Kis mas muaj tej lo yuav txawv zog, tiam sis lub ntsiab yeej zoo ib yam ntau.



    Mas Lias
    Tuaj Tshiab
    Tuaj Tshiab

    Messages : 70
    Date d'inscription : 2012-03-09

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mas Lias on 25th March 2013, 7:42 am


    Nyob zoo Mim, thiab MaivTooj,


    Thov txim ntau kuv tuaj myeem neb cov kev qhia teev saw MabLiab mas zoo li txawv zog kaws li kuv tau paub.
    Tej zaum kuv yuam kev los muaj, yog neb tsis xav li cas no cia hnub puav sau no kuv khoom no, kuv mam li tuaj qhia raws li kuv paub saib puas yog?
    Kuv hais li no tab sis teej zaum kuv twb tsis tau tob txog tej yam neb tham.


    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Maiv Tooj on 25th March 2013, 8:05 am



    Nyob zoo Mim thiab Mas Lias,

    Mim,

    Koj yeej hais tib yam li qhov kuv nyuam qhuav tso nov, tab sis yog txawv ob zaj optionelle thiab koj sau tias teev zaj Peb Txiv, zaj Ntseeg, mam li zaj Koj nyob Kaj Lug Mab Liab no xwb. Tab sis li cas los yeej zoo lawm, qhov tseem ceeb ces yog muab lub caij los teev Ntuj xwb twb yog ib qho zoo tshaj lawm.

    Mas Lias,

    Yog xuas txoj Saw Mab Liab teev, tab sis ho teev cov lus txawv xwb. Koj nyeem puag pem hauv paus phab ib los mus, koj thiaj to taub. Twb yuav txog lub caij teev Neuvelle de Jésus Miséricorde lawm, koj saib es koj nrog peb teev cuaj hnub sib law nawb. Yuav pib Hnub Rau Ntshiab (Vendredi Saint) mus kom txog rau Hnub Chiv Hmoov Yes Xus lub siab khuv leej neeg.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 25th March 2013, 4:53 pm

    Nyob zoo mas Lias thiab tais Tooj,

    Tais Tooj, tej zaum ntshai yog kuv tso tau yuam kev xwb os, tiam sis kom sawv daws to taub zoo tias, thaum ua ntoo cuam lub cim tas mas xub hais zaj "Peb txiv nyob saum ntuj" ces hais zaj "Koj nyob kaj lug Mab Liab" ces mam hais zaj "Kuv ntseeg" thiab cov zaj nyob hauv txoj Saw Tswv Ntuj kev khuv leej. Kuv saib raws qhov koj coj tuaj tso saum toj saud, kuj yog raws li no thiab. Tej zaum kuv muab tso tau yuam kev rau lwm qhov los muaj. Yog yuam kev no ces nej txhob hais raws li ntawd, tiam sis raws li kuv nyuam qhuav hais tas no. Thiab thov txim ntau, vim tej zaum muab hais mus hais los ces kuj tso tau yuam kev los muaj.

    Mas Lias, zaj kev teev ntuj tais Tooj wb hais no mas nws tsis yog txoj Saw Mab Liab. Zaj teev ntuj wb tuaj tham no yog ib zaj uas yeej muaj tau ntev lawm, tiam sis nyuam qhuav tshaj tawm thoob ntiaj teb thaum xyoo 2000 los xwb.Yog ib zaj uas HT Yes Xus qhia rau leej ntshiab Faustina. Peb yeej siv txoj saw Mab Liab hais, tiam sis cov zaj txawv lawm.

    Tais Tooj twb tau kom koj nyeem pem hauv paus tuaj. Yog koj mus nyeem mas koj thiaj to taub os. Hnub Rau Ntshiab tom ntej no yog hnub uas peb pib ua kev teev ntuj 9 hnub. Koj mus nyeem mas peb twb tau tuaj piav txog cov zaj thiab tus kev cai hais tib si lawm. Yog koj nyeem tas koj tsis to taub qhov twg no los ho tuaj nug ntxiv nawb.


    Mim
    Tswv Cuab Hmong Catholique
    Tswv Cuab Hmong Catholique

    Messages : 1649
    Date d'inscription : 2009-10-16

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Mim on 1st April 2013, 6:15 am

    Nyob zoo nej sawv daws txhua tus,

    Lub Caij Hla no yog ib lub caij uas muaj hauj lwm ntau. Xyoo no peb muaj li 8 leej cov neeg txais Cim Ntxuav, Cim Txhab Zog thiab Cim Yug; peb muaj 5 tug me nyuam me txais Cim Ntxuav; thiab peb kuj muaj 3 leeg los lwm lub church los koom Church Kas Tos Liv. Vim li no kuv tsis tau khoom tuaj ceeb toom tias txog caij peb ua kev teev Tswv Ntuj txoj Kev Khuv Leej 9 hnub lawm.

    Tsis paub tias nej puas nco pib los tsis tau pib? Hnub pib twb yog Hnub Rau Ntshiab (Good Friday/Vendredi Saint) dhau los lawm. Hnub no yog hnub tim plaub lawm. Yog tias nej tsis tau pib los yog nej xav tuaj koom txais hnub no mus los tau. Hnub no peb yuav thov cov zaj thov ntuj nyob hauv Hnub 4 thiab hais ib txoj Saw thov Tswv Ntuj txoj Kev Khuv Leej. Tag kis, nej mus siv cov lus nyob hauv Hnub 5, nag kis, yog cov lus nyob hauv Hnub 6... li no mus kom txog Hnub 9, uas phim yuav tsum yog Hnub Xya (Saturday) tom ntej no. Hnub Chiv ces twb yog Hnub ua hmoov Tswv Ntuj txoj kev Khuv Leej lawm. Nej mus nyeem HT Yes Xus cov lus uas nws kom peb thov ntuj rau tej pab neeg ib hnub zuj zus. Yog ib co lus zoo kawg li. Cov lus ntawd nyob hauv cov phab ntawv pem hauv ntej no uas ib ob xyoos dhau los peb twb tuaj sau tas lawm.




    Sponsored content

    Re: Tswv Ntuj txoj kev Khuv Leej Neeg.( Neuvaine à la Divine Miséricorde)

    Post  Sponsored content Today at 3:42 am


      Current date/time is 10th December 2016, 3:42 am