HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


HMOOB CATHOLIC NYOB COB TSIB TEB (Hmong Catholic Vietnam) - Page 7 Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


+11
Admin
Maivxis
NrhiavTswvNtuj
Nujsisloob1
DimKajSiab
Maiv Paj Lug
Mim
lwg nyiaj
dejntwstsirovqab
Npuagtub
Maiv Tooj
15 posters

    HMOOB CATHOLIC NYOB COB TSIB TEB (Hmong Catholic Vietnam)

    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    HMOOB CATHOLIC NYOB COB TSIB TEB (Hmong Catholic Vietnam) - Page 7 Empty Re: HMOOB CATHOLIC NYOB COB TSIB TEB (Hmong Catholic Vietnam)

    Post  Tub Kawm 2nd April 2016, 6:39 pm

    Nyob zoo N.hlob
    ua tsaug rau nws muab peb cov zaj nkauj teev ntuj cob tsib teb tso tawm rau sawv daws nrog xyuas og, yog ib qho uas sawv daws yuav tsum tau xav tswv yim kho kom rau raws li cov lug thoob teb.

    Cov nkauj no yeej tseem kho tsi tau zoo peg tsawg.
    Vim tias peb muab 2 lub lim piam los kho xwb, tseem tshuav ntau zaj, los ntau lo lus tseem kho tsi tau.
    Thiab muaj ntau zaj lus cob tsib ntxeev tawm ua lus hmoob mas nyuab hais kawm, vim nrhiav tsi tau lus hmoob hais.
    Cov nkauj no feem ntau yog ntxeev tawm ntawm cov Phau Ntaws lus cob sib los ua lus hmoob, ho ib feem mas yog lawv cov Xwb Hwb hmoob sau, li ntawd nej saib cov niam ntawv sau saum lub hauv paus zaj nkauj. Muaj ntau lub Txwm Ntawv Loj Loj xws li. (HCD mas txhais tias: Hát Cộng Đồng. TCCD txhais tias: Thánh Ca Cộng Đồng.
    CN txhais tias: Ca Nguyện.
    NSCTTN txhais tias: Nqua Suab Cav Txog Tswv Ntuj.)
    Muaj cov niam ntawv no thiab muaj tus xov ntawv phab 221 los 20 ces nyob phau ntawv ntawd muaj zaj nkauj los muaj lub suab nkauj ntawd lawm.
    Nyob rau hauv cov nkauj no muaj tej zaj yog yuav lub suab nkauj xwb, cov ntsiab lus kuj txawv mus tsi raws lub ntsiab lus, tiam sim yog peb yuav lub suab ntawd, peb thiaj paub ntaus Yas Suab, txawm tias lub tsi tshua xws peg tsawg los kuj txawv tsi deb.
    Hog feem ntau yog feem ua raws lub ntsiab lus thiab sua ntau xwb, li ntawd
    Thov hais rau peb tsoom hmob cob tsib thiab cov hmoob thoob teb tias, yog leej twg pom cov nkauj no muaj qhov twg tseem tsi tau nkag siab tsi to tau los thov txhob ntau nqe yuam kev rau cov ua tau kho.

    Thov sawv daws sib pab kho kom zoo tshaj no ntxiv. Ua tsaug ntau.

    Tus cov lug yog Txawj Tuam cob tsib teb.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    HMOOB CATHOLIC NYOB COB TSIB TEB (Hmong Catholic Vietnam) - Page 7 Empty Re: HMOOB CATHOLIC NYOB COB TSIB TEB (Hmong Catholic Vietnam)

    Post  Maiv Tooj 17th January 2017, 11:19 pm



    Vietnam : Mission en terre hmong

    Kev tshaj Ntuj lus rau Hmoob nyob Cob Tsib teb.




    TP.Pierre Binh tsa tsheb nce roob mus pem toj siab, vim nws pawg ntseeg nyob pla mus rau ntau lub zos yaj sab uas tsis muaj txoj kev ntseeg ywj pheej. Vim kev cai koom tsha tuaj tswj kav lub teb chaws Cob Tsib tau tshaj 60 lub xyoo. Nws pawg ntseeg nyob txij ciam teb Suav los mus rau ciam teb Nplog, nws lub luag hauj lwm yog tshaj Ntuj Lus rau cov Haiv Neeg Me, cov Hmoob. Hmoob yog haiv neeg Me loj tshaj hauv 52 haiv nyob Cob Tsib teb.

    TP.Binh raug xa tuaj rau qhov nov tau muaj 10 lub xyoo, tom qab uas nws mus zais ntshis kawm tau ua txiv plig, tuaj txog Hmoob lub teb chaws uas txoj kev ywj pheej txeem tau li dej nrog, tab sis tsuas cuab zog rau tus txiv plig hnub nyug 44 xyoos nov kom muaj siab txhawb 15 pawg ntseeg hmoob nov zuj zus ntxiv xwb. Cov Hmoob ntseeg catholique nyob Cob Tsib tej muaj 1,5% ntawm tsoom Hmoob.

    Nyob hauv pawg ntseeg Sapa, muaj 100 tawm leej Hmoob ntseeg xwb tab sis lawv thooj siab koom ntsws heev, yog vim muaj lawv peb thiaj li tsa tau ib lub tsev teev Ntuj me me, peb tab tom khawb ib txoj kev mus thiab. Tsis yooj yim kiag li tab sis yog tsis muaj kev ces tsis muaj tsev teev Ntuj, yog kev ntseeg tsis huaj vam ces neeg tsis vam meej thiab. Lub lis piam no yog lub koom haum Pej Xeem pab cuam Australia (ONG Australia) pab nyiaj tuaj, tsoom ntseeg rho lub zog los ua txoj kev.

    Ib tug yawg laus hais tias: Kuv twb laus lawm, tab sis kuv xav nqes tes pab kuv pawg ntseeg, TP.Pob Zeb Binh txhim kho ntau yam nyob rau qhov nov, peb so siab rau nws.

    TP.Binh hais: Kuv qheb ib qho chaw tso nyiaj ( compte en banque), coj los pab cuawm cov me nyuam, peb txhawb lawv kev kawm, uas tuaj ntawm cov zos ib ncig tuaj kom lawv muaj chaw nyob chaw pw, muaj noj haus thiab tau mus kawm ntawv. Kuv paub hais tias yog lawv muaj kev kawm mas lawv yuav tiv thaiv kev txom nyem yooj yim dua. Lawv yuav tshaj txoj kev ntseeg rau lawv tej txheeb ze nyob ib ncig kom xwv lawv thiaj paub txoj kev ntseeg. Peb kuj xav txog kev kho mob nkeeg thiab txhim kho txoj kev taug, yog ib qho zoo rau cov haiv neeg me txoj tawm tsam txoj kev pluag, kev txom nyem. Vim cov Hmoob mas txom nyem heev, lawv xuas tej nyuag toob xib uas lawv ua tau coj mus ua luam xwb, thiab lawv raug ciav cais heev txawm tias tseem hwv tau tawm txoj cai vaj huam sib luag rau cov pej xeem txhua leej los yeej tsis tau hloov kiag li, lawv lub neej txom nyem heev. Lub vaj tsev ces yog daim puav vuas luaj vov, phab ntsa yog txiag thaiv sib nrhav, plag tsev av, tab sis txoj kev ntseeg ruaj nreb. Txhua lub tsev muaj cov duab hawm Ntuj rhais pem hauv plag txhua nrho.

    Ib tug hmoob hais: "Thaum 1988, kuv hnub nyug muaj 16 xyoo, muaj ib phaum mob kis los raug peb lub zos, ua rau tuag coob coob kawg. Peb ua neeb ua yaig, kho tsiaj kho txhuv, teeb neeb, ua rau peb pluag tag, cov txiv neeg txiv yaig tsis muaj peev xwm kho tau li. Peb tsis pom qab ua li cas, peb thiaj li mus thov Ntuj rau ntawm ib lub tsev teev Ntuj qub uas vau tag tshuav lub qua tsev xwb, uas nyob 2-3 km deb ntawm no ces ua cas cov mob kis cia li tus kiag, tsis muaj mob li lawm. Yog li ntawd, tag nrho peb lub zos thiaj li los txiav dab ntseeg Catholic."

    TP.Binh hais: cov Hmoob mas thaum lawv muaj mob nkeeg tej yog tus txiv neeb ua tus fiv dab, pauj dab xwb lawv tsis mus kho tsev kho mob. Cov Hmoob yog ib haiv neeg ncaj ncees heev, lawv nyiam qhov tseeb; thaum lawv txiav dab los ua neeg ntseeg mas lawv tsis thim lawm. Lawv tso tag nrho tej kev cai dab qhuas pov tseg los ntseeg Tswv Ntuj. Cov ntseeg hmoob taug kev deb tuaj mus ua lub Txoos, tej thaum kuj lug kev tsam ho raug ntes thiab. Yuav tsim ib pab ntseeg nyob rau qhov nov mas tsis nyuaj, qhov nyuaj yog yuav thov kev tso cai rau ib thaj av los txhim ib lub tsev teev Ntuj. Li ntawd thiaj yog nyiaj txiag ua ntej, ntawm tej nom tswv los yuav tau tawm zog loj. Txij thaum xyoo 2000 txoj cai tswj hwm kuj xoob me ntsis tab sis kuj tseem tshuav ntau yam nyuaj thiab. Tab sis tau 10 lub xyoo los no, TP.Binh kuj txhim tau 5 lub tsev teev Ntuj tshiab.  Txhij thaum 2006, tsoom ntseeg hmoob tau pom cov cua tshiab, yuav tau paub tias ua ntej uas Txiv Plig Binh tuaj, lub tsev teev Ntuj nyob Sa Pa nov tsis muaj txiv plig tau 60 lub xyoo. Yog TP.Reydia, ib tug Txiv Plig mission Etrangère de Paris, Fab Kis, uas nws tau tag sim neeg yam tu siab heev.

    Monique, yog ib tug ntseeg nyob Sapa, hnub nyug 100 xyoo lawm los nws tseem nco ntsoov tsis ploj hnub ntawd hais: Yog thaum 5 teev sawv ntxov uas TP.Reydia sawv mus teev Ntuj haus tsev teev Ntuj, tsis muaj leej twg pom li, tab sis peb pom ces lawv twb muab nws txiav caj dab lawm, peb tsuas pom nws lub cev lawm xwb. Ib lis piam tom qab, peb hnov tsw tsw lwj hauv tus kwj deg dej tsis huv los, ib tug dev hnia tau ntxhiab, thaum ntawd kuv tus nus kawm ua txiv plig nws thiaj li nrog nws ib tug phooj ywg nkag mus haus lub thob dej, mus pom Txiv Plig lub taub hau qhwv hauv ib daim ntaub ntsaws rau hauv.

    Txog tav no yeej tsis paub hais tias yog ua li cas nws tuag, txij thaum ntawd los ces cov Hmoob nyob ua ntsuag los txog rau TP.Pob Zeb Thanh Binh tuaj.

    Muaj ob kwv tij nyob lub zos "Hauv Toj", hnub nyug 99-95 xyoos, hais tias: TP.Reydia nyiam thiab hlub peb heev, nws qhia Tswv Ntuj lub txiaj ntsim rau peb thiab rau cov cob tsib tib yam, nws ua li uas peb puav leej yog Tswv Ntuj cov me nyuam tib si. Nws hlub cov ua Ntuj kev Cai tib yam li cov ua dab, nws hlub cov pluag, cov uas luag huab lawv tej teeg tug thiab nws hlub cov raug tsim txom tib si. Nws pab lawv, nws hais kom lawv sib pab kom zoo li ib tse neeg.
    Hnub no, TP.Pob Zeb Binh hlub sawv daws tib yam nkaus li TP.Reydia ua thaum ub.

    Txhais: Maiv Tooj.
    Tim 18-01-2017.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    HMOOB CATHOLIC NYOB COB TSIB TEB (Hmong Catholic Vietnam) - Page 7 Empty Re: HMOOB CATHOLIC NYOB COB TSIB TEB (Hmong Catholic Vietnam)

    Post  Maiv Tooj 27th April 2017, 7:41 am


    Phau ntawv teev Ntuj Cheeb Koom Txoos Hauv Toj

    Ua Tswv Ntuj tsaug peb pab txhais twb ua hauj lwm tiav kom tau phau ntawv hu nkauj no. Ua cov thawj txhais tsaug vim yog muaj nej cov zaj nkauj qub peb tau paub, tau kho thiab kuj tau txhais tej zaj tshiab. Ua nej sawv daws tsaug twb pab txhawb rau peb pab txhais tau ua hauj lwm no. Ua peb pab txhais txhua leej tau tso yus tej num tseg kom muaj sij hawm peb sib koom ua ke. Thov Huab Tais Ntuj pub txiaj ntsim thiab foom koob hmoov rau peb sawv daws kom peb tau noj qab nyob zoo, tau kaj siab lug thiab tas siab tas ntsws ua Tswv Ntuj tej num ntxiv mus.


    HMOOB CATHOLIC NYOB COB TSIB TEB (Hmong Catholic Vietnam) - Page 7 Ntawv_10

    HMOOB CATHOLIC NYOB COB TSIB TEB (Hmong Catholic Vietnam) - Page 7 17553810

    HMOOB CATHOLIC NYOB COB TSIB TEB (Hmong Catholic Vietnam) - Page 7 17554110

    HMOOB CATHOLIC NYOB COB TSIB TEB (Hmong Catholic Vietnam) - Page 7 17522510

    HMOOB CATHOLIC NYOB COB TSIB TEB (Hmong Catholic Vietnam) - Page 7 17458010

    HMOOB CATHOLIC NYOB COB TSIB TEB (Hmong Catholic Vietnam) - Page 7 17554210
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    HMOOB CATHOLIC NYOB COB TSIB TEB (Hmong Catholic Vietnam) - Page 7 Empty Re: HMOOB CATHOLIC NYOB COB TSIB TEB (Hmong Catholic Vietnam)

    Post  Tub Kawm 7th June 2017, 12:40 am


    Cộng đồng Hmông Công giáo trong giáo phận Hưng Hóa đã được hình thành và phát triển hàng trăm năm qua, là một thành phần rất quan trọng làm nên sự đa dạng và phong phú trong những sinh hoạt của giáo phận.
    Các đấng Bề trên luôn quan tâm đến anh chị em H’mông, điều này được thể hiện qua việc thiết lập các giáo xứ dành riêng; đào tạo ơn gọi và những tông đồ giáo dân; xuất bản sách, tài liệu… Tuy nhiên, những hoạt động cho anh chị em còn gặp nhiều khó khăn bởi vì khác biệt ngôn ngữ.
    Tập Sách hát PHAU NTAWV HU NKAUJ NTSHIAB này là sự nỗ lực của Nhóm dịch thuật, đã lựa chọn và tổng hợp các bài Thánh ca được nhiều người sáng tác hoặc biên dịch từ tiếng Việt sang tiếng H’mông từ trước tới nay. Trong khi cố gắng giữ lại bản văn gốc, Nhóm đã điều chỉnh, sửa chữa những lỗi chính tả hoặc những câu sai nghĩa. Vì lợi ích của cộng đồng, xin các tác giả cho phép được in ấn các bài Thánh ca này.
    Mặc dù cố gắng rất nhiều, nhưng chắc chắn không khỏi những thiếu sót do khả năng hạn hẹp, tuy nhiên vì nhu cầu cần một tài liệu có tính thống nhất giữa các nhóm sắc tộc thuộc cộng đồng người H’mông Công giáo, Nhóm đã thỉnh nguyện với Bề trên giáo phận cho phép phát hành để dùng trong Phụng vụ. Xin quý độc giả góp ý và bổ sung, để tập Sách hát này được đầy đủ và hoàn thiện hơn.
    CHẤP THUẬN NHÓM DỊCH THUẬT
    CỦA BỀ TRÊN GIÁO PHẬN Mùa Chay 2017




    Peb tsoom Hmoob ntseeg Kav Tos Liv nyob hauv lub Koom Txoos Hung Hoa twb tau txhim tsa thiab huam vam los tau ntau pua xyoo dhau los, yog ib qho tseem ceeb muaj nuj nqis tshaj plaws uas tau ntau yam tsheej xeeb thiab nto koob meej txhawb rau peb lub Koom Txoos.
    Vim yog muaj tsoom Tswv Qhia hlub tshua txog kwv tij Hmoob, qhov no tau tshwm sim dhau los ntawm kev txhim tsa rau cov tuam tsev koom txoos. Tseg cia qhuab qhia thiab hu ib tsoom thwj tim nyob hauv tsoom neeg ntseeg; ua ntaub ntawv txhua yam pab rau Hmoob; tab sis cov hauj lwm no tseem ua rau cov thawj coj ntsib kev nyuaj ntau yam, vim yog muaj ntau xeem lus sib txawv.
    PHAU NTAWV HU NKAUJ NTSHIAB no yog peb sib pab txhais ntawm lus Nyab Laj los ua lus Hmoob. Peb tau siv tswv yim los txhais lus, tau xaiv cov zaj nkauj ntawm ntau tus kws sau nkauj thaum ub los txog nyem no. Tiam sis peb tseem tuav cov qub lus, peb tsuas kho qee lo lus kom meej. Txawm tias txhais tsis raws li cov lo lus Nyab Laj los peb muab hloov mus hloov los kom raug lub ntsiab thiaj hu tsis rov qab rov quav. Thov nej cov kws sau nkauj tso cai rau peb tau luam tawm kom muaj nqis rau tsoom Hmoob ntseeg Kav Tos Liv.
    Peb twb los siv zog kho tau phau ntawv no, txawm tias tseem tshuav ntau qhov yuam kev, yog vim peb paub txuj ci tsis tas, tab sis peb cov ntseeg xav tau phau ntawv los siv thaum teev Ntuj. Vim li ntawd peb thov Tswv Qhia tso cai rau peb luam phau ntawv no coj los siv. Thov nej sawv daws pab txhawb thiab pab kho kom PHAU NTAWV HU NKAUJ NTSHIAB no yim hnub yim zoo tuaj.
    TSWV QHIA LEES TXAIS COV NEEG TXHAIS
    Lub Caij Plaub Caug 2017


    MÙA VỌNG

    001. HAUV HAV ZOOV
    (TRONG RỪNG SÂU - 8HCĐ)
    1. Hauv hav zoov muaj suab hu/ muaj suab hu/ txhib peb lub siab qhib tos Huab Tais tuaj mus. Lub roob siab kho kom tus/ kho kom tiaj. Cia Huab Tais tuaj nyob nto koob meej lug.
    Txais: Huab Tais tuaj yam lub hnub tuaj ci qhov tsaus. Nej zoo siab, nej zoo siab Huab Tais tuaj cawm txhua haiv neeg. Huab Tais tuaj yam lub hnub tuaj ci qhov tsaus. Nej zoo siab/ nej zoo siab Huab Tais tuaj cawm txhua tiam neeg.
    2. Los ntawm no hloov lub neej/ hloov dua neej. Nej npaj lub siab los mloog Huab Tais lo lus. Ruaj siab ntseeg coj ncaj ncees hauv lub neej. Lub neej kaj siab yuav nyob mus ib txhis.
    3. Leej twg muaj lub siab tiag/ cia zoo siab. Vim Tswv Ntuj lub koob haum twb npaj tos lawm. Huab Tais tuaj muaj koob meej peb cia li/ tos hnub Huab Tais tuaj pub lub koob hmoov.

    002. HUAB TSO NAG LOS
    (MÂY ƠI MƯA XUỐNG- 64MV&GS,
    239TCCĐ, 324TCCĐ2010)
    Cov huab siab, koj tso nag los. Saum lub ntuj thov pub lub txiaj ntsim. Ntiaj teb tos ntsoov txhua caij nyoog. Cov huab siab/ tso nag los/ rau lub ntiaj teb.
    Txais: Thov Ntuj tso nag/ los rau lub neej. Thov Ntuj khuv leej/ tso nag rau tib neeg, Tus Cawm Seej/ Koj yug los mas, tsoom neeg nyab xeeb/ tau hawm Tswv Ntuj. Huab Tais tsis txhob/ ncua ntev los cawm. Kuv tos ntsoov Koj/ txhua txhua lub caij nyoog. Huab Tais Ntuj! Kuv lub siab ntseeg/ ruaj nreb ntawm Koj/ ib txhis mus li.
    2. Lub neej muaj/ ntau kev txom nyem, tsaus ntuj nti/ tos ntsoov pom kev kaj. Huab Tais Ntuj! Kuv cov txim ntau. Huab Tais Ntuj/ thov khuv leej/ zam kuv cov txhaum.
    3. Kuv siab ntseeg/ mob siab ntxub txim/ yog zaj thov/ cev rau Huab Tais Ntuj. Ci kaj lug/ hauv kuv lub siab/ Koj coj kuv/ siab qaug lais/ rau lub neej ntshiab.

    003. LUS THOV TOS HUAB TAIS
    (NGUYỆN MÙA VỌNG- 97MVGS,
    233TCCĐ, 321TCCĐ, 13 HCĐ)

    Txais: Nyob ntiaj teb kuv tsa muag ntsia Huab Tais! Thov Koj xa Tus Cawm Seej tuaj Huab Tais! Thov Koj mloog kuv thov. Txhua hnub hmo kuv tseem thov Koj hlub kuv Huab Tais pub txiaj ntsim kev hlub cawm peb, peb tos ntsoov Nws tuaj.
    1. Thov Koj tuaj xyuas peb hauv ntiaj teb. Koj yog hnub ci tuaj kaj qhov tsaus. Txhua lub caij nyoog thov Koj khuv leej/ thiab daws qab ntuj neeg cov txim txhaum.
    2. Thov Tus Cawm Seej nqes los ntiaj teb. Los rhuav kev phem kev qias kev txhaum. Thov pub Leej Tub tuaj cawm tib neeg, kom rov sib haum xeeb nrog Tswv Ntuj.
    004. Ntuj Siab
    (Trời cao 1 -233 TCCĐ, 5 HCĐ)

    Txais: Ntuj siab thov los nag tshauv, txhua nthwv huab thov xa Tus Cawm Dim. Ntuj siab thov los nag tshauv, txhua nthwv huab thov xa Tus Cawm Seej.
    1. Hauv hmo tsaus ntuj peb tos ntsoov caij kaj ntug/
    li tus tsiaj nqhis xav nrhiav lub hauv dej txhawv. Tswv Ntuj thov Koj txhob chim rau peb. Tswv Ntuj peb tig rov ntxub txim lawm.
    2. Thov Koj nrog hlub/ Koj haiv neeg uas txom nyem/ tos ntsoov Yaj Ntshiab yuav tuaj hloov lub ntiaj teb/ cawm dim cov poob hauv txoj kev txhaum. Tswv Ntuj kev hlub tsis muaj hnub kawg.

    005. TSOOM PEJ XEEM XIS YOOS
    (NÀY HỠI DÂN XI-ON- 3HCĐ)

    Txais: Tsoom pej xeem Xis Yoos Huab Tais tuaj yuav txog, nej npaj siab tos Nws. Vim yog Nws tuaj, vim yog Nws tuaj cawm Nws haiv neeg.
    1. Tswv Ntuj tus pov hwm His Xas Lais thov Koj tig ntsej mloog. Koj yog tus coj Yos Xes kev zoo li tus tswv coj pab yaj.
    2. Thov Huab Tais tuaj xyuas txhua haiv neeg, thov Koj lub koob meej/ cawm peb dim/ txoj kev txom nyem/ muab Koj kev hlub ci kaj peb.

    006. TSWV NTUJ TUAJ
    (ĐỂ CHÚA ĐẾN - 322 TCCĐ)

    1. Thov pub peb lub siab tos Tswv Ntuj yuav rov qab los. Thov pub peb lub siab puv npho ntawm txoj kev sib hlub. Thov pub peb lub siab mob kub lug/ cia siab ntsoov/ lub ntiaj teb nyob kaj siab lug/ ntiaj teb tsis muaj kev nyuaj siab.
    Txais: Cia Koj los hauv lub neej. Cia Koj los pub txiaj ntsim/ kev thaj yeeb rau txhua tus. Muaj kev cawm dim txhua chaw.
    2. Thov pub peb lub siab txhob npau taws tsis txhob sib khib. Thov pub peb lub siab ua siab loj txawj zam tag nrho. Thov pub peb lub siab txawj hlub neeg hlub tag li, tsuas paub nyob pab txhawj rau luag tig npuab txiaj ntsim saum ntuj.

    007. ZOO SIAB
    (VUI LÊN- 09HCĐ)

    Txais: Zoo siab! Cia zoo siab! cia zoo siab! Vim Tswv Ntuj tuaj yuav txog tshaj moo cawm neeg ntiaj teb. Zoo siab! Cia zoo siab! Cia zoo siab! Vim Ntuj yuav tuaj ntawm no/ peb yuav zoo siab hauv Tswv Ntuj.
    Peb cia zoo siab/ vim Ntuj tuaj nyob nruab nrab peb/ pub kev zoo siab rau tib neeg txhob sib ntxub. Peb cia zoo siab/ vim Tswv Ntuj tuaj cawm txhua leej/ pub peb lwm hnub muaj kev zoo siab tshaj plaws.
    Peb cia zoo siab. Vim Tswv Ntuj tuaj coj peb kev/ nrog Tswv Ntuj mus dhau ntawm txoj kev txom nyem. Peb cia zoo siab vim Ntuj cig pom kev ntiaj teb, kom peb lub neej tau txoj kev kaj siab lug.


    GIÁNG SINH

    008. HAUV QHOV TSUA ME
    (TRONG HANG ĐÁ NHỎ- 157 MV&GS)

    Txais: Bè1: Kuv cev paj tshab tuaj, nyob hauv lub qhov tsua me huab zig Koj puas hnov no? Cev rau Koj kuv lub siab tuaj hawm Koj ua pa yog pa tshuab sov, los roos los thaiv cua txias.
    Bè 2: (Kuv fij qhov tsua me. Tej ncos txias zias Koj puas hnov no? Kuv cev lub siab me rau Koj. Ua pa tshuab sov cas roos tau cua nag).
    1. Kev nyuaj, kev zoo fij rau Tswv Ntuj, ntuj tsaug yuav dhau ntuj tshiab yuav los, kuv thov nyob ze ntawm lub dab nees hais ntxhi ntiaj teb cov lus rau Koj.
    2. Huab ntshiab ntuj ntsuab hnub qub ntsais tsia, leej twg lub teeb kaj lug ntsa iab, kuv thov ua ib tug tswm ciab me, cig kaj lub siab ua Tswv Ntuj tsaug.


    009. HMO CI NTSA - 266 NSCTTN
    (Nhạc 43 HCĐ)

    1. Hmo ci ntsa! Hmo ntshiab huv ! Ntuj ntsiag to, qab ntug kaj. Yog Huab Tais Ntuj Leej Tub yug los lawm. Peb yuav nqa peb lub siab tig mus hawm. Nyob saum ntuj, Tswv Ntuj nto moo, nyob ntiaj teb, neeg zoo siab.
    2. Hmo tawg paj! Hmo txi txiv! Ntuj cov tshiab dhia hom khaj. Tus me nyuam yug los daws peb lub txim. Ib tsoom neeg nrog cov phooj ywg zov yaj nqa paj tshab tuaj cev rau Nws. Tus cawm peb yug los lawm.
    3. Hmo ci tsa! Hmo ntshiab huv! Txoj kev kaj ci ntsa iab ntawm Tswv NtujLeej Tub lub ntsej muag tuaj. Nws coj txoj kev sib nyiam sib hlub tuaj kom ntiaj teb neeg nyob kaj lug. Huab Tais Yes Xus yug los.

    010. LEEJ CAWM NTIAJ TEB
    (ĐẤNG CỨU THẾ)

    Txais: Leej cawm ntiaj teb tau yug los txhiv ntiaj teb. Yog Leej Ob ua tsheej neeg. Yog Leej Ob ua tsheej neeg. Ntiaj teb zoo siab Huab Tais Ntuj txhiv ntiaj teb. Saum ntuj ub nqes cej ntug. Saum ntuj ub nqes cej ntug. Lub suab seev lub suab ntshu lub suab hom, lub suab seev lub suab ntshu lub suab qeej. Ntuj cov Tshiab ya npoj ntws saum pob tsuas.
    1. Tsua Npes Les chaw yug yaj, lub suab hom ntxuag suab seev. Lub hnub qub sab toob fab tau ci tuaj, xa txoj moo saum qab ntuj.
    2. Tsua ntshu ntshu tub yug yaj, nyo hau hawm Ntuj Txiv Tub. Lub pob tsua ntxhe suab ntshu tau ceeb toom. Ntuj Txiv Tub ua tsheej neeg.
    3. Tsua ci ci zoo Huab Tais, tau yug los cawm Ntiaj Teb. Hauv qhov tsua tug me nyuam lub suab quaj, Ntuj Txiv tub yug los tiag.


    011. LEEJ LO LUS UA NEEG
    (NGÔI LỜI ĐÃ LÀM NGƯỜI- Ca Nguyện)

    Txais: Leej Lo Lus ua neeg, Nws los nrog peb nyob. Leej Lo lus yug los hauv dab nroj Npes Les.
    1. Thaum ntej yeej muaj nyob thiab nyob pem Tswv Ntuj. Nws yeej los muaj nyob thaum tsis tau muaj ntuj. Paj hli thiab hnub qub ntsais tsia saum ntuj ub. Nws yug ntawm Tswv Ntuj, nws yug los ua tsheej neeg.
    2. Nws yog tus yug los ntawm Nkauj Xwb Mab Liab. Caij no lub ntuj tsaug, quaj ua suab vam vos, muaj suab seev. Seev qhuas saum ib nta ntuj siab, cov Tshiab ua zoo siab, xa suab qhuas Yes Xus Pleev.

    012. NTAWM DAB NROJ
    (BÊN MÁNG CỎ - 34 HCĐ)

    1. Kuv hawm ntawm dab nroj, cia nco txog xyoo thaud. Hmo twg Leej Tub yug, hmo twg ua tsheej neeg, lub hnub qub ci kaj, tso lub ntuj siab cia, qhib kev cawm ntiaj teb, rau txhua leej txhua chaw.
    Txais: Yes Xus Koj twb paub, kuv tos lub sij no, tau txhos caug ntawm Koj, cev tag nrho lub siab. Hmo no, txiaj ntsim zoo los puv txhua lub siab, peb txaus siab tos ntsoov, sim neej raws Moo Zoo.
    2. Kuv tsis muaj dab tsi, xa rau Tus Me Nyuam. Hauv hmo ntshiab tshaj plaws, Nws los ua tsheej neeg. No kuv lub siab me, zoo li tus neeg ntsuag txhos caug ntawm Huab Tais, xa tas lub siab ntsws.
    3. Thov kom zoo li Niam, txhos caug nrog Yos Xes, ua Ntuj tsaug ib txhis, txhiab puas zaj suab seev. Seev yees li suab ncas, nrog Tus Tshiab suab nta, zoo siab qhuas Leej Pleev hmo no los ntiaj teb.

    013. NTUJ COV TSHIAB HU NKAUJ
    (326-NSCTTN)
    1. Ntuj cov Tshiab hu nkauj saum ntuj, hu nkauj cav txog Huab Tais Ntuj. Lawv lub suab ncha puv ntiaj teb, qhia cov ntseeg koom suab ua ke.
    Txais: Glo-ri-a in-ex-cel-sis De-o.
    Glo-ri-a in-ex-cel-sis De-o.
    2. Cov zov yaj, nej mus qhov twg? Vim li cas nej dhia hom khaj? Nej qhia peb paub zaj tshwm sim, peb nrog nej ua ke mus tsham.
    3. Nej nrog peb mus Npes Les Hes, xyuas Tswv Ntuj Leej Tub yug los. Peb ua ke txhos caug pe hawm tus me nyuam ntiaj teb neeg tos.

    014. NTUJ TSAUG XYOO NTAWD
    (MÙA ĐÔNG NĂM ẤY- 36HCĐ, 364TCCĐ2010)

    1. Ntuj tsaug xyoo ntawd, hnub qub ci qab ntuj. Ntuj tsaug xyoo ntawd, Tswv Ntuj Tub yug los. Lub suab nrov ntxhe ntuj cov tshiab hu nkauj. Pe hawm Leej Ob yug los ntiaj teb. Kuv koom nrog cov tshiab hu nkauj zoo siab. Kuv koom nrog cov tshiab hu nkauj zoo siab. Zoo siab Huab Tais hnub yug, Tus muaj koob meej nto moo, yug los: kev hlub thiab siab ncaj ncees.
    2. Ntuj tsaug xyoo ntawd, lub suab nkauj lom zem. Ntuj tsaug xyoo ntawd/ raws hnub qub coj kev, cov zov yaj mus/ nrhiav qhov tsua Npes Les. Pe hawm Leej Ob yug los ntiaj teb. Kuv koom nrog cov zov yaj hawm Tswv Ntuj. Kuv koom nrog/ cov zov yaj hawm Tswv Ntuj. Zoo siab kuv Tus Cawm Seej, zoo siab tus muaj hwj huam, yug los: yog hnub pub kev thaj yeeb.
    3. Ntuj tsaug xyoo ntawd, tsis nco txog kev txhawj. Leej Niam Mab Liab hlub tshua hawm Leej Tub. Saib Tus Me Nyuam muab lub siab hwm Nws. Pe hawm Leej Ob yug los ntiaj teb. Kuv koom nrog Mab Liab txhos caug ntsia Nws. Kuv koom nrog Yos Xes txhos caug ntsia Nws. Zoo siab Tswv Ntuj Leej Ob, yog Tus Tswv Ntuj Xa Tuaj, yug los: lub hmoov yuav nco ib txhis.
    015. XA MOO RAU NIAM MAB LIAB
    (TRUYỀN TIN CHO ĐỨC MẸ)

    1. Thaum Tswv Ntuj kom Tus Tshiab xa moo rau Leej Niam, qhuas Niam Mab Liab yog poj Huab Tais txhua txheej ntuj.
    Txais: Leej Niam Mab Liab, peb puav leej rau siab hu tiag, sov siab qhuas Leej Niam, peb Leej Niam Mab Liab.
    2. Thaum Leej Niam mus saib tus neej tsa Is Xas Ves, ua rau nws tus tub Zam tseem hais tau huv txim.
    3. Qhuas Leej Niam yug Leej Tub yog tus cawm neeg plig, yug Yes Xus tseem yuav raug txom nyem vim neeg txhaum.
    4. Thaum xa tus Leej Tub Yes Xus hauv Tswv Ntuj tsev, Niam lub zoo siab raug mob xws riam hmuv hno tiag.
    5. Peb thov Leej Niam Mab Liab zov peb niaj hnub, tsis tso peb ua txhaum tub qaug koj Tub Yes Xus.

    016. PEB MUS HAWM- 335NSCTTN
    ( TRỜI HÂN HOAN- 30HCĐ, 371TCCĐ2010)
    Txais: Peb mus hawm peb tus vaj yug los. Peb yuav nqa peb lub siab mus rau nws. Nws pw hauv lub dab nyuj noj zaub. Peb hu nkauj cav txog nws yug los.
    1. Ntuj tus tshiab hais rau Mab Liab, “ Koj tau txoj hmoov zoo, koj yuav xeeb tub. Nws lub npe yog Es Mas Lus Es! Nws yuav hu ua Tswv Ntuj Leej Tub.”
    2. Mab Liab uas nyiam Tswv Ntuj tas nrho nws hais tias: ”kuv yog Huab Tais txhais txib, thov koj muaj tuaj raws li koj hais.” Nws thiaj txhos caug hawm Leej Tswv Yim.
    3. Hmo no Huab Tais Leej Tub yug los. Nyob Npes Les Hes, tsis muaj chaw txais nws. Cov zov yaj xub hnov lub Moo Zoo, lawv mam zeeg mus hawm tus me nyuam.
    4. Cov kws txuj kuj tuaj nrhiav Huab Tais. ” Tus Vaj Yus Das yug los nyob qhov twg ? Peb nqa paj tshab, peb tuaj hawm nws.” Lawv pom tus me nyuam lawv khoov pe.

    017. QAB NTUJ LOM ZEM
    (NIỀM VUI THIÊN QUỐC)

    Hmo no sau qab ntuj sau ua kev lom zem. Suab seev nrov nta laws los qhuas Huab Tais Ntuj. As les lus yas. As les lus yas.
    Huab Tais Ntuj hlub u u u... Sau Ntuj tiaj tus rau tej tib neeg ruaj siab. Huab Tais Ntuj hlub u u u...Saum ntuj tiaj tus rau tej tib neeg ruaj siab.

    018. QHOV TSUA NPES LES
    ( HANG BE-LEM 20 HCĐ – 357 TCCĐ2010)

    Txais: Hu qhuas Leej Pleev twb tau yug los, Nws tau yug los pw hauv dab nees ntawm qhov tsua.
    Hauv tsua Npes Les, pom kev tuaj ci ntsa iab, hnov saum nruab ntug, cov Tshiab hu nkauj tshuab hom. Qeej seev (ntxhe nrov suab seev), tshuab hom (lub suab ntxhe ntxhe) Tswv Ntuj Leej Tub yug los vim peb. Tsoom neeg, (tsuag tsuag tuaj txog) qhov tsua (teb chaws Npes Les) Tswv Ntuj Leej Tub yug los txom nyem.
    Nyem no txog ib nrab hmo Leej Tub yug los, Nws coj koob hmoov, los rau txhua leej ntiaj teb.
    1. Qhov tsua Npes Les cov Tshiab hu nkauj, Tswv Ntuj nto moo tib neeg tiaj tus.
    2. Qhov tsua Npes Les nees yaj tshuab pa, cia sov Huab Tais pw hauv dab nees.
    3. Qhov tsua Npes Les cov zov yaj tuaj, hu nkauj los hawm Leej Tub yug los.
    4. Qhov tsua Npes Les hnub qub ci ntsa, qhia kev cov Kws Hnub Qub tuaj hawm.

    019. THOOB QAB NTUJ LOM ZEM
    (CẢ TRỜI ĐẤT VUI MỪNG)

    1. Thoob plaws neeg hauv lub ntiaj teb zoo siab hu nkauj qhuas hmo no. Vim Yes Xus los hauv ntiaj teb Yes Xus yug hauv ntiaj teb Yes Xus yug ua tib neeg.
    Txais: Lom zem ntws qhuas Huab Tais lom zem ntws qhuas Huab Tais vim hlub Koj los txhiv neeg txim.
    2. Yes Xus yug los nrog peb nyob qhia peb sib hlub li Tswv Ntuj. Vim Tswv Ntuj yog txoj kev hlub, Nws hlub peb Nws yug los, Nws yug los cawm peb txoj sia.
    3. Kev vam meej thiab kev zoo siab yog peb tug Tswv uas Cawm Seej. Foom koob hmoov thiab xa duab ci los rau peb txhua qhov chaw, thoob plaws hauv lub qab ntuj.



    020. TSWV NTUJ CAWM NTIAJ TEB
    (CHÚA CỨU THẾ GIÁNG SINH)

    1. Tswv Ntuj cawm ntiaj teb yug los, peb zoo siab hmo no peb txhos caug tuaj ntawm no. Hawm peb tus Huab Tais Ntuj. As les lus yas. As les lus yas. As les lus yas.
    2. Peb tus Huab Tais Yes Xus Pleev, cawm ntiaj teb hlub peb. Los nrog peb nyob ua ib ke. Lub moo nto teb chaws Npes Les. Aw! Hauv Nroog Npes Les tau zoo siab, peb tau lub moo Yes Xus tau yug. As les lus yas. As les lus yas.

    021. TSWV NTUJ HLUB TIB NEEG
    (CHÚA THƯƠNG LOÀI NGƯỜI -39HCĐ, 254TCCĐ)

    1. Peb mus, nrhiav Tswv Ntuj Tub yug los, Nws yug rau lub caij nyoog ntuj no. Peb mus, nrhiav Tswv Ntuj Tub yug los, leej twg paub Nws yug los qhov twg.
    Txais: Tswv Ntuj khuv leej, khuv leej tib neeg, Npes Les yog chaw Nws yug. Tswv Ntuj khuv leej, khuv leej tib neeg, Npes Les yog chaw yug los.
    2. Tswv Ntuj cas Koj tsis nyob pem ntuj, ho yug ua neeg txom nyem li peb. Tswv Ntuj cas Koj tsis nyob pem ntuj, ho los ntiaj teb txom nyem ua luaj.
    3. Muaj ntau lub tsev zoo ci ntsa iab, Koj ho xaiv nyob qhov tsua tsw ntxhiab. Muaj ntau lub tsev zoo ci ntsa iab, cas Koj pw saum nroj hauv qhov tsua.

    022. TSWV NTUJ LEEJ TUB YUG LOS
    (CON CHÚA GIÁNG SINH)

    Txais: Nyem no peb twb tsis paub, yuav muab dab tsi coj los tos. Tswv Ntuj Leej Tub yuav yug los. Hmo no peb twb tsis paub, npaj dab tsi coj los tos Huab Tais Tswv Ntuj Leej Tub. Peb yuav npaj Huab Tais Ntuj txoj xub ke. Kev nkhaus peb tau kho txhua kom ncaj. Qhov hav qes peb tau kho kom tiaj tus.
    1. Nyiaj kub los peb twb tsis muaj. Paj hmoov xyab peb twb tsis muaj. Tshuaj tsw qab los tsis muaj. Cev rau Koj Tswv Ntuj Leej Tub.
    2. Ntawm no yog Cawv thiab Ncuav mog. Yog qoob loos khwv nce khwv nqes. Muab coj los cev rau Koj. Koj txais mus zoo peb lub siab.

    Sponsored content


    HMOOB CATHOLIC NYOB COB TSIB TEB (Hmong Catholic Vietnam) - Page 7 Empty Re: HMOOB CATHOLIC NYOB COB TSIB TEB (Hmong Catholic Vietnam)

    Post  Sponsored content


      Current date/time is 19th March 2024, 12:54 am