Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Hmoob Catholic nyob Tuam Tshoj

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Hmoob Catholic nyob Tuam Tshoj

    Post  Maiv Tooj on 10th August 2015, 9:09 am



    Kas Tos Liv lis xwm nyob Suav Teb


    Tus txhais: TP.Lis Pej
    Tim 07-08-2015.



    Nyob zoo ib tsoom niav txiv kwv tij neej tsa Hmoob sawv daws!Zoo siab ntau uas hnub no peb tau tuaj sib ntsib nyob hauv Liaj Luv Xa Moo.kuv yuav tham txog peb “Kas Tos Liv lis xwm nyob Suav Teb “.vim tias cov hmoob ntseeg thoob ntiaj teb no hiaj tsis paub txog Suav Teb li Kas Tos Liv yog li cas.kuv nyob no txhais rau me ntsis tham rau sawv daws paub.

    IB、muaj ntau neeg piav txog Yes Xus tug thwj tim Tos Mos hauv paus xa lus tuaj txog suav teb.
    Yees Tws(India) li lub koom txoos lawv ntseeg tias lawv muaj txoj kev ntseeg yog Tos Mos tuaj tshaj Yes Xus lub moo zoo rau lawv.nyob lub sij hawm ntawd,Tos Mos muaj ib pliag tsis nyob Yees Tws ,lawv piav txog tias nws tuaj rau suav teb tshaj ntawv moo zoo lawm.Tab sis txog hnub no hiaj tsis muaj ntau li ntaub ntawv ua puav pheej los txhais rau sawv daws paub.

    OB、Ntawv Moo Zoo thawj zaus tuaj txog Suav Teb
    Xyoo 635,Kas Tos Liv Koom Txoos muaj ib pawg tawg taum tuaj hu ua Nis xis tus lws(Nestorianism),muaj ib tug tub Nis Xis Tus Lws lub npe hu Os Lus Pees coj Yes Xus cov ntawv moo zoo thawj zaus tuaj txog Suav Teb.Suav Teb cov neeg muab cov neeg ntseeg Nis Xis Tus Lws hu ua Cees Com (muaj hwj chim cov neeg).
    Xyoo 878, suav teb Huangchao ntxeev ntuj, suav teb tas nrho thiab huangchao ntxeev Taj Tiam(The Tang Dynasty) li ntuj, muaj 120.000 cov neeg ntseeg Yis Sis Las(Islam) raug tua,Cees Com cov  neeg ntseeg raug tua thiab ,vim li ntawd txij thaum los txog hunb no,Cees Com cov neeg ntseeg nyob suav teb txawm ploj mus tas nrho lawm thiab.

    PEB. Yeej Tiam(Yuan Dynasty) li Kas Tos Liv
    Xyoo 1077,Thws Ws Chis( Turkey) neeg sawv tawm tuaj ,lawv muaj zog kawg,muab phab hnub poob(Europe) cov teb chaws ntaus piam sau ua laws teb chaws tas nrho, lawv mus txog qhov twg ,qhov twg txawm tsum lawv tua tas hlauv tas. Lawv muab Kas Tos Liv cov tsev teev ntuj ,tsev kawm ntawv tshawb qaug tas nrho.
    Nyob suav teb, xyoo 1206, Tshees Cis Xis Has (Genghis Khan) lub Moos Kws Teb(Mongolia state) las sawv tawm tuaj thiab. Xyoo 1263,Hws Pis Lis(Kublai Khan) nce nws txiv lub chaw ua nom tswv,nws muab suav teb txhua lub me nyuam teb chaws yaus yuas ntaus piam uas Yeej Tiam li teb tas nrho.nws rov mus ntaus phab hnub poob cov teb chaws thiab,leej twg las muab tsis tau nws ua cas li,ua cas saib cov neeg ntseeg  Kas Tos Liv yuav tsum lawv tua tas lawm.Li ntawd,Vaj Qhia Yis Nus Xees Plaub(Pope Innocent IV) nov tias Moos Kws hiaj muaj cov neeg ntseeg Nis Xis Tus Lws no,ces nws xav tias  yuav thiab  Moos Kws Teb cov nom tswv ua phooj ywg,kom Moos Kws cov tub nrog thaiv Thws Ws Chis cov tub nrog ,ua li ces Thws Ws Chis cov tub nrog txawm tua tsis tau Kas Tos Liv cov neeg ntseeg ,vim li ntawd ,nws tso neeg plaub zaus tuaj Moos Kws saib cov neeg ntseeg Nis Sis TUs Lws ,kom lawv rov qab los ntseeg Kas Tos Liv .muaj 50 xyoo lawm,Moos Kws thaib Lus Mos(Rome) sib thoob ntaub ntawv,Kas Tos Liv koom txoos nyob Toob Fab muaj txoj cag mam mam hlub tuaj.Txog xyoo 1353,Yeej Tiam li neeg ntseeg Kas Tos Liv muaj 50000 leej lawm,cov ntseeg lawv vov muaj tsev kawm ntawv ua Txiv Plig thiab.
       Xyoo 1582,qhau los 200 ntau xyoo tom ntej no,muaj ib tug neeg npe hu Moos kos Ves Nus(Montecorvino) tuaj txog suav teb, tab sis thaum ko nyob suav teb tsis muaj ib tug neeg ntseeg lawm.

    PLAUB.Meej Tiam (The Ming Dynasty ) li Kas Tos Liv
        Xyoo 1549,Fas Ncis khus xas vias(Francis Xavier) tuaj txog Zes Pees Teb(Japan)tshaj ntawv moo zoo,tab sis Zes Pees neeg tsis ntseeg,nws paub tias zes pees nyiam suav teb li ntaub ntawv thiab suav teb tej txuj ci kawg,yuav kom Zes Pees neeg ntseeg Kas Tos Liv,txawm yuav sob kom Suav Teb muaj neeg ntseeg.Vim li ntawd ,ces nws xav tuaj suav teb tshaj ntawv moo zoo,tab sis Meej Tiam cov nom tswv muab cov qhov rooj nkag los suav teb kaw tas lawm,nws tuaj tsis tau.xyoo 1552,nws tuaj txog suav teb Kas Too Xees li lub Sam Txha Dej Roob,nws raug mob hnyav hnyav txawm tuag rau saum lub roob ko lawm,khov xim nws tsis tau tuaj txog suav teb tshaj ntawv moo zoo.
    Xyoo 1582,Lis Mas Tais (Matteo Ricci‎) tuaj txog Kas Too Xees Tsom Cheem,nws nyob ntawd xyaum nyeem ntawv suav muaj 16 xyoo lawm,txog xyoo 1598 nws mus txog Pej Ceeb,nyob hauv Pej Ceeb nroog txuaj txuaj txog thaum nws tuag .nws nyob ntawd Pej Ceeb nroog yuav av los vov tsev teev ntuj ,tsev kawm ntawv . Nws sau ntaub ntawv muaj ntau nphau.thaum ko, lub Yes Xus Koom Haum thiab txhua lub Koom Haum nyob suav teb ntau kawg,cov neeg ntseeg tas nrho muaj 150000 leej.

    TXIB.Chee Tiam(Qing dynasty) li Kas Tos Liv
    Xyoo 1666,Huab Tais Kha Xyi(Emperor Kangxi) ua nom tswv,nws saib raug Txiv Plig Naj Haij Zeej(Father Nan Huairen ,xyoo 1659 tuaj txog suav teb. 1623—1688),kom TP.Naj Haij Zeej ua Huab Tais  lub tsev li tej hauj lwm.TP.NHZ,vov tsev kawm ntawv,yug tub ntxhais hluas ua Txiv Plig thiab Phauj.tso neeg ntseeg tawm mus txhua lub teb chaws kawm ntawv,thaum ko,nws xa suav teb cov neeg tuaj rau Taib Teb Mam Kauj (Bangkok)leej ntshiab Yos Xes lub tsev kawm ntawv ua Txiv Plig,tiam sim lawv tuaj txog ,sov kawg ,muaj mob ntau,tawm mus kawm ntawv li tub ntxhais hluas tsawg kawg.
    Vim li ntawd ,txij muaj neeg ntseeg txog hnub kod,suav teb twb tsis muaj ib tug Txiv Plig suav.Txog xyoo 1685,Txiv Plig Lauj Veej Ros(Father luowenzao 1616—1691) nws thiaj yog suav teb thawj tug Txiv Plig suav thiab Tswv Qhia suav.
    Dhau los 200 ntau xyoo tom ntej no,Txog xyoo 1920,Vaj Qhia paub tias suav teb neeg ntseeg coob coob tuaj,tab sis Tswv Qhia tsawg tsawg ,vim li ntawd ,Vaj Qhia kom suav teb muaj 6 tug Txiv Plig mus Lus Mos,nws foom hmoov zoo rau suav teb 6 tug Txiv Plig sauv ua Tswv Qhia.
    Xyoo 1945,Suav Teb ntaus yeej Zes Pees Teb ,suav teb koom txoos thiaj muaj ib pliag thaj yeeb.hnub tim 11 lub 4 hlis xyoo 1946,suav teb tas nrho koom txoos faib ua 20 lub niam koom txoos,79 lub nyuas koom txoos,38 lub saib xyuas teb chaws(Vicariate),suav teb muaj 29 tus suav Tswv Qhia.
    Txij xyoo 1900—1949, muaj 50 ntau xyoo lawm,Kas Tos Liv nyob suav teb hlub sai sai ,muaj neeg ntseeg 4000.000 leej、Kas Tos Liv cov tsev kawm ntawv siab (Church University)muaj 3 lub,cov tsev kawm ntawv tsis loj tsis nyaus (High school)muaj 156 lub,cov tsev kawm ntawv qes (primary school) muaj 2009 lub ,me nyuam kawm ntawv muaj 320.000 leej,tsev kawm ntawv ua Txiv Plig muaj 11 lub ,me nyuam hluas kawm ntawv ua Txiv Plig muaj 1600 leej,suav teb suav Txiv Plig muaj 2676 leej,tuaj nraum tuaj li Txiv Plig muaj 300 leej,Phauj muaj 4000 leej. Tas nrho Koom Haum muaj 60 lub ,Kas Tos Liv cov niam tsev txhuaj muaj 216 lub ,nyuas tsev txhuaj muaj 847 lub .

    RAU.xyoo 1949(Maos Txes Toos)txog hnub no li Kas Tos Liv
    Peb muab faib ua plaub ya:
    Xyoo1949—1955:Mos Txes Toos(毛泽东) ntaus yeej Cas Cais Sis(蒋介石),Suav Teb lub tseem hwv tshiab lawv tsis ntseeg Tswv Ntuj ,dab tsi twb tsis ntseeg.suav teb lub Tseem Hwv tshiab muab Kas Tos Liv cov teb chaws sau tas nrho mus uas lawv siv lawm.Vim li ntawd ,suav tseem hwv tsis xav tso cov Koom Haum Txiv Plig thiab cov tuaj nraum lub teb chaws tuaj cov Txiv Plig nyob suav teb tshaj ntawv moo zoo,ua li ntawd suav muab cov tuaj nraum lub teb chaws tuaj cov Txiv Plig tiab tub tshaj ntawv moo zoo ntiab tawj suav teb tas nrho,txog hnub no,suav teb twb tsis muaj Koom Hauj ,tsis muaj nraum tuaj li Txiv Plig ua suav teb Txiv Plig.Vim li ntawd,suav tseem hwv hu cov Kas Tos Liv neeg ntseeg los kom lawv, yuav nyiag ua nyiag noj,nyiag ua nyiag haus,tis lub npe hu ua“peb teb chaws peb ua peb (Three-Self)”thiab“nyiam teb nyiam chaws nyiam suav teb lub Kas Tos Liv cov txuj ci(Patriotism movement).”
    Xyoo 1955—1966:nyiam teb nyiam chaws cov txuj ci taum tuaj,tas nrho suav teb cov Txiv Plig suav tsis mloog tseem hwv lus li,tseem hwv ntes mus kaw,ntaus,hej.cov neeg ntseeg kuj tsaug ntes,ntaus thiab ,tseem hwv qhia cov neeg ntseeg tias ,yog leej twg haiv tias kuv tsis ntseeg no ,txawj tso leej twg mus tsev ,yog tias leej twg yuav ntseeg no ,txawm tsum lawv tua thiab ntaus,vim li ntawd,muaj ntau neeg ntseeg thij taum tuaj lawm,tab sis lawv lub nruab siab haij ntseeg tiag tiag thiab,muaj ntau neeg ntseeg txawm raug tua lawm;ua li ntawd,suav teb  tsis muaj tub hluas mus ua Txiv Plig,cec Txiv Plig tsawg tsawg lawm,ces tsis muaj Tswv Qhia Qhia thiab ,vim li no ,xyoo 1958 suav  tseem hwv txawm hais rau cov ntseeg thiab Txiv Plig tias :“suav teb li Tswv Qhia suav tseem hwv thiab saiv ,tseem hwv hais tias leej twg ua Tswv Qhia ces leej twg txawm yuav ua Tswv Qhia.Vaj Qhia thiab cov neeg ntseeg saiv tawm tuaj li tseem hwv tsis khaws ua Tswv Qhia li,txog hnub no kuj ib yam li.”
    Xyoo 1966—1976: suav teb kaum xyoo Veej Huaj Niam Gwj Meem(The Cultural Revolution),suav saiv li cov Tswv Qhia suav tseem hwv tuab ntes mus  kaw thiab ntaus ,muaj ntau ntau Txiv Plig thiab Tswv Qhia raug kaw huv tsev Loj Faj.muaj kaw 6、7 xyoo li ,muaj kaw 10 ntau xyoo li.
    Xyoo 1976—hnub no:Txog xyoo 1980, suav teb Pawg Tswv Qhia  (Chinese Bishops)、suav teb Pawg Saib Xyuas Neeg Ntseeg(China Senate)sawv tau tuaj.cov raug tseem hwv ntes mus kaw li Tswv Qhia thiab Txiv Plig raug tseem hwv  tso taum tuaj tau ua Cas Tos Liv koom txoos cov hauj lwm ntau ntau,foom moo zoo rau Txiv Plig ua Tswv Qhia.tseem hwv pauj Kas Tos Liv cov teb cov chaw rov los 、qheb tsev kawm ntawv ua Txiv Plig,luam ntawv moo zoo,tsev luam ntaw koom txoos ua sawv.
    txog hnub no,suav teb tas nrho muaj Koom Txoos 100 lub , neeg ntseeg tas nrho muaj 10.000.000 ntau leej,12 lub tsev kawm ntawv ua Txiv Plig,muaj Txiv Plig 2000 ntau leej.
        Hnub no ,kuv txhais rau tsawg tsawg tau sawv daws saib,vim tias yuav txhais tas nrho Kas Tos Liv nyob suav teb lis xwm ntau kawg ,muaj 4 npau ntawv tuab tuab.thov kom ib tsoom hmoob ntseeg noj qab nyob zoo,peb rov sib ntsib dua.yog tias yuav mloog tij yam tsis paub no ,sau ntawv tuaj kuv.

    TP.Lis Pej
    e_mail: 340194259@qq.com









    Txiv Plig pej mus ua Thaj Txi Ntuj rau cov ntseeg nyob lub zos Pam Oom ua lus Hmoob, zoo siab ntau uas Txiv Plig muab siab rau kawm ntawv hmoob thiab ua tau thaj Txi Ntuj lus hmoob zoo kawg lawm, thiab thov ua tsaug Huab Tais Tswv Ntuj uas coj txiv plig tuaj xyuas peb, thov kom Txiv plig tau txais Tswv ntuj lub txiaj ntsim thiab muaj dag zog ua lub luag hauj lwm txiv plig no mus ntev niaj ntau xyoo.

    Nyiajhnub Thoj
    06-08-2015




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Re: Hmoob Catholic nyob Tuam Tshoj

    Post  Maiv Tooj on 10th August 2015, 9:11 am



    TP.Lis Pej tsis tau hais txog keeb kwm cov Hmoob los ntseeg xyoo twg los. Kuv tau nug mus lawm, cia seb Txiv Plig puas yuav teb tuaj. Vim Txiv Plig rov qab rau Suav teb lawm; nyob ped mas tsis muaj facebook ces ntshe yuav sib cuag nyuaj dua.




      Current date/time is 6th December 2016, 8:53 am