Mim 9th February 2015, 6:28 pm
Maiv Tooj wrote:Nyob zoo Npaub,
Zoo siab ntsib koj hnub no,
Hais txog tsis noj nqaij Hnub Rau Ntshiab thiab cov Hnub Rau hauv nruab xyoo mas yog:
1- Hawm txog hnub HT.Yes Xus tau tsob ntshav, hnub NWS tuag. Ntses tsis muaj ntshav ces thiaj caiv cov nqaij los ntshav.
2- Txheej thaum ub, nqaij yog nqaij muaj roj, yog ib yam zaub nplua nuj, vim muaj roj. Thiaj li noj ntses, hais tias noj yuag ( noj ntshiv), ces thiaj li noj ntses rau cov Hnub Rau, yog hnub uas HT.Yes Xus tuag thiab lub Caij 40 yog lub caij uas yus yuav tsum nco txog yus tus kheej, yuav kho yus, hloov yus, kho tej yam uas yus pom tias yus ua tsis zoo; thiaj li noj ntses, txhais tias noj yuag (kom txhob rog) kom them txim me ntsis. Tab sis txheej tshiab no tej Kws Tshawb Fawb pom tias ntses tsis yog ib hom khoom yuag, yeej muaj roj tib yam li nqaij thiab. Ces lub Koom Txoos Kas Tos Liv thiaj li tsis kom yoos zaub mov, yoo nqaij xwb; thiaj kom yoos dej cawv, lus, xov tooj, TV, PC los txhua yam uas yus muaj yees los yog yus nyiam heev. Tsum txhua yam puav leej yog yus yus lub cev los kho tus ntsuj plig.
3- Lus Hes Los (ib cov Ntawv moo Zoo sau ua lus Hes Los), Leej Pleev txhais tias NTSES. CHRIST= Ntses. Li ntawd txheej thaum ub uas cov Los Mas tseem tsimù cov ntseeg heev, lawv thiaj li kos tus duab ntses ces hais tias lawv yog neeg ntseeg Yes Xus Pleev.
Kuv lam teb koj li no xwb, seb Mim puas ho tuaj teb kom ntxaws dua.
Nyob zoo Bao X Mary thiab tais Tooj,
Bao X Mary ai, hais txog qhov tias vim li cas cov Kas Tos LIv thiaj noj nqaij ntses thaum lub caij 40 mas tais Tooj twb hais lub ntsiab tau zoo lawm os. Kuv tsuas ntxiv ib qho me me ntxiv rau xwb, yog qhov hais tias txheej thaum ub cov neeg His Xas Lais tsis saib tias nqaij ntses yog nqaij, lawv saib tias nws yog ib hom "neutral food", txhais hais tias nws tsis yog nqaij, nws tsis yog zaub, nws yog nws lwm yam txhiam xws lawm. Ces ntshai lub Koom Txoos thiaj yuav cov His Xas Lais lub tswv yim no thiab thiaj pub peb noj nqaij ntses vim tsis yog nqaij, tiam sis noj tsis tau nqaij.
Yog muab xav los mas, raws li kuv xwb mas caiv nqaij nyuaj dua caiv nqaij ntses. Vim ib lis piam mas yus yeej niaj hnub noj nqaij, hos nqaij ntses li mas tej zaum ib lis piam yus noj ib zaug, tej zaum twb tsis noj thiab.
Yog hais txog ntawm peb Hmoob lub neej xwb mas ntshai yuav tsum noj mov zaub tsuag xwb los puas noj mov ntse dej xwb thiaj muaj txiaj ntsim rau yus. Peb Hmoob yeej ib txwm noj zaug tsuag thiab nqhis nqaij. Tuaj teb chaws no, niaj hnub noj nqaij tas mus li xwb qee zaum yus tseem xav noj zaub xwb tsis xav noj nqaij thiab, tiam sis ho yuav kom noj zaub tsuag tas ib hnub ntawd mas ntshai yuav nyuaj hauj sim thiab. vim yus xav kom qab ntseb los qab roj nrog thiab. Lub ntsiab ntawm txoj kev yoo mov los caiv nqaij, yog yuav tsum ua tej yam nyuaj los them yus tej txim txhaum thiab yog xyaum cheem yus kom tseg taus tej yam yus nyiam nyiam ua. Li no kuv thiaj hais tias yuav tsum noj mov zaub tsuag los ntse dej xwb, Qhov no yog kuv lam hais raws li kuv xav xwb os.
Tiam sis kuv twb sim lawm, kuv noj mov zaub tsuag los ntse dej kuj tsis nyuaj heev pes tsawg, vim peb Hmoob yeej noj li ntawd. Tiam sis kuv sim noj mov ci (bread/pain) ntxuag dej xwb mas nyuaj tiag tiag li, kuv noj tsis tshua taus li os. Niam Mab Liab tau hais nyob Medjugorjie tias kom peb yuav tsum yoo mov ib lis piam ob hnub, Hnub Plaub thiab Hnub Rau. Ob hnub ntawd tsuas noj mov ci ntxuag dej xwb no. Kuv sim mas kuv noj tsis taus li ntawd li, kuv pheej noj mov ntse dej, tiam sis qhov zoo tshaj yog ua raws lis Niam Mab Liab hais, noj mov ci ntxuag dej.