Lub tsev vas sab (site) hu ua "L'Appel du Ciel"

Nyob zoo sawv daws,

Zoo li tsis muaj sij hawm yuav tuaj sau dab tsi tseem ceeb li. Kuv tuaj tso ib lub site ntawm no rau cov uas paub lus Fab Kis tau mus nyeem. Lawv hais txog ob peb tug neeg uas tau pom Niam Mab Liab thiab HT Yes Xus, thiab nkawd cov lus. Cov neeg nyob hauv no mas ntxim txaus ntseeg dua lwm qhov. Vim lawv muaj txiv plig nrog nraim, lawv tej ntaub ntawv hla ntawm cov tswv qhia saib lawv tib si lawm lawv mam muab tshaj tawm. Kuv nrhiav tsis pom muaj ua lus Aas kiv li. Thov txim ntawm cov uas tis paub lus Fab Kis.

Muaj ntau yam ua dhau, ces kuv yuav cog lus tsis tau tias yuav tuaj txhais. Tsuas yog tso kom cov neeg uas muaj lub siab xav paub, tau mus nriav nyeem xwb.

Yog nej muaj sij hawm mus nyeem mas nej yuav pom tias muaj ib co lus tseem ceeb pab tau peb txoj kev ntseeg kawg nkaus.
Lub ntsiab loj ces yog qhov tias peb yuav tsum muab Tswv Ntuj saib tseem ceeb tshaj peb tej nyiaj txiag los tej vaj tse los tej yam peb ntshaw nyob ntiaj teb no. Peb yuav tsum xub ntshaw Tswv Ntuj ua ntej txhua yam. Tseem muaj ntau ntau lub ntsiab ntxiv thiab.



http://www.appel-du-ciel.org/?page_id=133

Nyob zoo Mim,

Hais txog Dozulé, Fab kis teb mas Koom Txoos tsis tau lees txais. Thaum kuv tseem nyob pem qaum teb, kuv twb tau mus qhov chaw ntawd lawm thiab. Yog ib qho chaw me me xwb, tab sis tom qab no cia li ntsiag to lawm. San Damiano, Italy thaum ub neeg mus coob kawg, tab sis ib ziag no cia li ntsiag lawm thiab. Nws zoo txawv Medjugorje.

Nyob zoo os tais Tooj,

Koj twb tau mus xyuas tej chaw ntawd lawm thiab los? Kuv nyeem lawv cov lus hauv mas zoo li kuj txaus ntseeg hauj sim thiab kuj pab kom yus mob siab rau yus txoj kev ntseeg. Muaj ib lo lus uas lawv sawv daws hais mas yog qhov tias lub Koom Txoos Kas Tos Liv yuav ntsib kev nyuaj ntxhov ntau heev lawm yav tom ntej.
Txawm li cas los tej lus no tsis yog ib co lus uas peb yuav tsum tau ntseeg. Ntawm kuv tus kheej mas kuv tsuas yog nyeem kom kuv paub txog xwb, yog ho muaj li lawv hais los yus thiaj paub tias lawv twb xub hais ua ntej txog lawm; yog tsis muaj los haj yam zoo xwb. Raws li kuv to taub Niam Mab Liab cov lus mas qhov ntau yog nws hais tias yog tib neeg tsis hloov los ua zoo, pheej ua zaj phem, mas yuav muaj li ub lib no tuaj. Tiam sis yog neeg hloov siab los ua ncaj ua zoo ces tej xwm li nws hais kuj tsis muaj tuaj thiab.

Hais txog Medjugorje mas Vaj qhia lub Committee soj ntsuam txog cov xwm no tseem soj ntsuam tsis tau tau tiav, lawv tsis tau txiav dab tsi txog, tiam sis kuv pom tau tias tam sis no cov tswv qhia muaj coob leej nyob ntau lub teb chaws sab Europe cawv cov tau pom Niam Mab Liab tuaj mus ua pov thawj rau lawv tej tsev teev ntuj. Xws li thaum xyoo 2012 yuav tas, mas cov visionaries tau raug caw tuaj rau Is Tas Lis ntau qhov chaw kawg. Lub 1 hlis 2 hlis 2013 no los lawv kuj muaj 1 - 2 tug raug caw mus rau cov teb chaws Middle East, mus rau tej thaj chaw ntshiab uas thaud HT Yes Xus tau nyob tau tsuj tib si. Kuv xav tias zoo li yuav tsis muaj kev txwv txiav kom txhob muaj neeg mus xyuas Medjugorje, tej zaum lub Koom Txoos yuav tso kev rau neeg mus raws li niaj hnub no ntxiv mus.

Nyuam qhuav tsis ntev no, kuv tau nyeem ib zaj hais txog Ivan. Nws tau hais tawm tias thaum txog lub caij tshaj tawm txog cov secrets nyob Medjugorje, mas sawv daws mam yuav paub txog tias lub Koom Txoos yuav raug kev nyuaj ntxhov zoo li cas. Thiab yog nej nquag mus nyeem cov messages nyob Medjugorje, mas Niam Mab Liab niaj zaus hais kom thov ntuj pab cov txiv plig,

Nyob zoo tais Tooj,

Kuv tsis paub zoo txog Dozule zoo, hos ntawm San Damiano mas kuv kuj nyuam qhuav tau nyeem txog lawm thiab. Tiam sis hauv lub site kuv tso rau saum toj saud, zoo li tsis pom Dozule thiab San Damiano, los yog kuv nyeem tsis tau txhua xwb?

Raws li kuv tau nyeem ntau zaj mas zoo li tsuav yog Niam Mab Liab hais txog lub Koom Txoos los cov Tswv Qhia thiab txiv plig, mas zoo li cov kev tshwm sim ntawd yog cov uas lub Koom Txoos tsis kam lees ntau tshaj... Tiam sis ntshai yog kuv to taub yuam kev los tsis paub?...

Ntawm qhov koj hais txog tias lub Koom Txoos yuav muaj teeb meem vim tsis muaj cov txiv plig los leej phauj coob, lawv tsawg zuj zus lawm xwb. Qhov ntawd yeej yog ib qho teeb meem uas ua rau kom muaj ntau lub tsev teev ntuj kaw. Xyoo 2011, peb twb tau kaw peb lub tsev teev ntuj hu ua Our Lady of Good Counsel Church, thiab mus koom nrog lwm lub lawm. Lub qub ntawd muab muag rau dub ua tsev teev ntuj lawm xwb. Tej teeb meem no ces yeej muaj ntau zuj zus, vim cov txiv plig hluas tsawg tsawg, cov laus ces tsuas muaj laus zuj zus thiab ploj zuj zus tas xwb.

Tiam sis qhov teeb meem uas cov kev tshwm sim hauv cov sites hais txog mas zoo li yog ib qhov teeb meem loj tshaj qhov tsis muaj txiv plig txaus. Qhov teeb meem ntawd mas kuv mloog zoo li yog yuav muaj kev sib tawg los yog kev tsis sib haum xeeb ntawm cov Tswv Qhia thiab cov txiv plig. Tej zaum yuav muaj ib co tsis kam mloog Vaj Qhia los tsis paub?...

Tseem muaj ib qho kev ntxhov siab loj tshaj yog qhov tias dhau vaj qhia Npes Nes Dis XVI lawm, puas yuav muaj ib tug tug vaj qhia tshiab? Yog muaj tus tshiab, nws puas yuav tuav lub Koom Txoos raws li Yes Xus qhia? Raws li cov lus saub uas kuv nyeem mas zoo li pheej muaj qhov hais tias muaj ib co neeg phem los nkag tau rau lub Koom Txoos lawm, ces lawv tuav tej yam hauj lwm loj hauv Koom Txoos, tiam sis lawv tsuas yog nrhiav kev yuav rhuav lub Koom Txoos sab hauv tuaj xwb. Yog thaum lub caij yuav xaiv dua ib tug Vaj Qhia, cov neeg phem muaj zog txaus, ces lawv yuav ua kom tau lawv tus neeg phem los nyob vaj qhia qhov chaw, ces nws yuav rhuav lub Koom Txoos tej kev ntseeg, tej kev cai, tej txhooj.

Thaum kuv nyeem HT Yes Xus cov lus nyob hauv Mas Tais 13: 15 hais li no:
15 “Thaum nej pom qhov phem uas tsiv saib tshaj sawv ntsug hauv Kem Ntshiab, raws li Yaj Saub Das Nias xub hais tseg, (kom tus nyeem ntawv to taub !), 16 mas cov nyob Yus Das teb kav tsij khiav mus pem roob…” Kuv to taub tias “Kem Ntshiab” mas yog thaj chaw hauv tsev teev ntuj uas teeb lub thaj txi ntuj rau. Yog muaj ib tug sawv ua vaj qhia cuav, mas nws yuav muaj cai hloov thaj txi ntuj, nws yuav muab dab tsi los hloov lub thaj txi ntuj los tau… Kuv xav tau li ntawd mas zoo li kuj txaus txhawj kawg li…

Tiam sis qhov no yog kuv lam tham pem hais li kuv kev to taub thiab kev xav tswv yim xwb. Kuv thov kom txhob muaj li ntawd. Thiab HT Yes Xus twb hais tias dab phem yuav tsis yeej nws lub koom Txoos no… nyaj yuav tsis muaj…

Txawm li cas los peb yuav tau thov ntuj pab Vaj Qhia thiab cov Tswv Qhia, cov Txiv Plig, cov Tub Tsob Hwb sawv daws. Thiab peb yuav thov kom HT Yes Xus txuag nws lub Koom Txoos.

Nyob zoo Mim,

Qhov koj muab tsis yog hais txog Dozulé, tab sis thaum kuv nias mus ces pom lawv yuav mus "Sib sau teev Ntuj Pèlerinage Dozulé, Lisieux, Rue du Bac et Garges les Gonesse (en mars 2013)" rau Dozulé ces kuv thiaj li tham me ntsis li ntawd rau koj paub xwb.

Hais txog teeb meem ntawm Koom Txoos Loj mas muaj tej yam yus tsis paub txog kuj txaus ntshai kawg li. Twb tssi yog tej nyuag toob xib lawm, yog lub Cheeb Koom Txoos kiag lawm. Thaum ntej kuv ntshai heev, tab sis tom qab no kuv tso siab lug rau Huab Tais Ntuj, kuv xav li Yes Xus hais rau cov thwj tim thaum cua tshuab nkoj yuav ntxeev tsis sub, nco tsis tshua zoo lawm: "Neeg kev ntseeg tsawg, cas koj ua siab me?" Thiab xav txog thaum lub caij cov Los Mas tsis tau los ua Ntuj Kev cai, ib tug Vaj Qhia ntshai tsam lawv tuaj txeeb Vas Tis Kaas, nws nyob hauv tsis tawm li, ib hnub ib tug Leej Ntshiab(tsis nco qab npe lawm) thiaj hais rau nws tias: "Koj ntshai dab tsi? Yog tias Tswv Ntuj xav tuas ces nws yeej yuav tuav kom tau, yog tias Tswv Ntuj xav tso ces koj txawm zov los yeej yuav poob mus." Hais li nov tag ces Txiv Vaj Qhia thiaj li tsis zov Vas Tis Kaas nruj lawm, nws thiaj li tawm mus sab nraud. Tsis ntev tom qab no, Constantin thiaj li pom hwj huam, nws thiaj li coj haiv Los Mas los ua lub hauv paus kev ntseeg Cas Tos Liv los txog niaj hnub no.

Yam li kuv saib daim video txog cov "Franc Maçon", ua ntej Vaj Qhia Zam Paj Lug Ib, twb muaj neeg phem nkag tau rau hauv Vas Tis Kaas, kov txog Koom Txoos txhab nyiaj thiab npaj siab yuav ua ntau yam phem rau lub Koom Txoos. Vaj Qhia Zam Paj Lug paub txog tej ntawd, nws thiaj li raug lom tuag kom ntsiag mus, tej yam no mas txaus ntshai kawg.

Thiab thaum Rooj Ncauj Lus Vas Tis Kaas Ob, lawv hais txog 3ème secret de Fatimas uas Niam mab Liab hais rau cov me nyuam, ib txhia muab ntau nqe yooj tim tias yog pom lawv tuas Txiv Vaj Qhia Zam Paj Lug Ob no tab sis tiag tiag mas tsis yog tej qhov me me li no xwb, yog lub Koom Txoos yuav raug teeb meem loj thaum kawg, ces Txiv Vaj Qhia yuav pus ib cov Txiv Plig, ib cov Leej Phauj nrog rau tsoom ntseeg, lawv khiav tawm taug kev mus nce roob. Txiv Vaj Qhia ntau thawj ua sawv daws ntej, lawv tua ib lub muas txwv tuaj raug nws vau txos caug, ib tug nquab dawb ya saum ntuj tuaj, nqa ib lub ntim tuaj ko coj los cug Txiv Vaj Qhia cov ntshav tsis pub poob hauv av, rov ya mus pem Ntuj lawm.
Qhov nov lawv hais tias lub Koom Txoos yuav raug txom nyem loj txog qhov kawg, Huab tais Yes Xus yuav rov los zaum Peb, ces mam li yuav muaj KEV THAJ YEEB MUS LI.

Mim, txaus ntshai, tu siab pom tej teeg tug poob, nphob zuj zus, pom neeg ua his ua hos lom lom vab, neeg liam li cas los muaj kuj tu siab kawg nkaus, tab sis yuav tau tso siab, rau siab teev Ntuj, teev Saw Mab Liab xwb. Txhob xav ntau yam, Tswv Ntuj pom tom ntej tom qab, neeg dawb muag tsuas pom ntawm nws xub ntiag xwb.

Kuv x

Mim,

Hais txog cov lus hais txog Ntiaj teb kawg, Koom Txoos yuav raug txom nyem, tej zaug yuav txhob ntau nqe nyhav rau thiab. Koj mloog Arnaud Dumouch hais nov mas nws hais tau zoo thiab meej heev. Tej zaud yog neeg txhais tsis tau Tswv Ntuj cov ntsiab lus xwb.

Nyob zoo tais Tooj,

Daim video koj tso no kuj hais tau zoo thiab tseeb kawg lawm mas... Tiam sis ua cas tus yawg Fab Kis hauv ho tsis piav txog saib tus yaj saub Das Nias lo lus tias "qhov phem uas tsiv saib tshaj sawv ntsug hauv Kem Ntshiab" no yog hais txog dab tsi li nas... Lo no yog lo uas ua rau kuv xav tau tej yam txaus txhawj tshaj lwm lo lus .