Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Yesterday at 1:02 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 17th February 2017, 10:57 am

» XH.Zoov Ntxheb Yaj Nthuav Ntawv Ntshiab.
by Maiv Tooj 17th February 2017, 10:51 am

» TP.Txhiaj Foom lub TSEV Ntawv
by Maiv Tooj 15th February 2017, 4:54 am

» Xib Hwb Thoj Xyooj lub neej
by Maiv Tooj 13th February 2017, 11:15 am

» Tshuaj NTSUAB
by Lajpovyaj 12th February 2017, 8:54 am

» COV ZAJ NYEEM RAU TEJ HNUB TSHWJ XEEB
by Mim 24th January 2017, 5:06 pm

» Hmoob Guyane
by Yaj Suav Nus 21st January 2017, 6:59 am

» XH. Yaj Zoov Ntxheb lub Tsev THOOB TSIB
by Maiv Tooj 19th January 2017, 10:10 am

» Tswv Ntuj txoj kev HLUB. Cob Tsib teb.
by NrhiavTswvNtuj 17th January 2017, 11:45 pm

» HMOOB CATHOLIC NYOB COB TSIB TEB (Hmong Catholic Vietnam)
by Maiv Tooj 17th January 2017, 11:19 pm

» Nos Hes lub nkoj = L'Arche de Noé = Noah's Ark
by NrhiavTswvNtuj 13th January 2017, 9:53 am

Suav neeg tuaj saib, txij hnub 17/09/2010 los mus.


    HAIS TXOG COV TSHIAB POV HWM

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1740
    Date d'inscription : 2009-10-16

    HAIS TXOG COV TSHIAB POV HWM

    Post  Mim on 3rd October 2012, 3:17 pm

    PEB MUAJ IB TUG TSHIAB POV HWM

    Nag hmo yog tim 2 lub 10 hli. Niaj xyoo txog tim 2 lub 10 hli mas lub Koom Txoos Kas Tos Liv muaj ua hmoov txog cov Tshiab Pov Hwm (Guardian Angels).

    Raws li kuv tau kawm thiab nyeem nyob hauv ntawv mas txhua tus tib neeg yug los nyias muaj nyias ib tug tshiab pov hwm saib nraim nrog nraim nyias. Nyob hauv Ntawv Qub Lus, muaj ntau zaj piav txog cov tshiab tuaj pab tsoom neeg His Xas Lais. Xws li muaj zaj piav txog ib co tshiab tuaj hais lus rau has Nplas Has, thiab kuj muaj ib tug tshiab tuaj cawm Los thiab Los tsev neeg. Nyob hauv phau ntawv Tos Npis, kuj muaj ib tug tshiab yog tus tshiab Las Fais, tuaj ua Tos Npias luag taug kev mus nqa nws txiv cov nyiaj; thaum tab tom taug kev, Tos Npias mus da dej nws ntsib ib tug ntses; Las Fais thiaj qhia kom nws muab tus ntses tua yuav lub plawv, lub tsib thiab thooj siab, vim tej yam ntawd yuav pab tau nws, xws li lub tsib zoo kho nws txiv lub qhov muag. Thaum cov His Xas Lais khiav Hais Nkws Tos teb los, yog Tswv Ntuj ib tug tshiab coj lawv kev thiab thaiv lawv ntawm cov Hais Nkws Tos.

    Nyob hauv Ntawv Moo Zoo Mas Tais 18: 10, HT Yes Xus hais li no: “Nej ceev faj , tsis txhob saib tsis taus ib tug me nyuam zoo li no; kuv hais rau nej tias lawv cov tshiab nyob saum Ntuj ntsia ntsoov kuv txiv uas nyob saum ntuj lub ntsej muag.” Nyob hauv tsab ntawv Hes Nplaws 1:14, muaj lus hais li no: "Cov tshiab tsis yog tej tug tswv yim uas Ntuj xa lawv tuaj ua hauj lwm pab cov neeg uas yuav tau txais txoj kev cawn seej ua lawv tug lod?” Lub ntsiab nyob hauv cov lus no qhia rau peb tias peb cov tshiab pov hwm txoj hauj lwm yog tuaj pab peb, coj peb xaiv txoj kev kom mus txog Ntuj Ceeb Tsheej.

    Peb nyeem nyob hauv ntau tus leej ntshiab lub neej lawv nrog lawv tus tshiab pov hwm tham. Xws li leej ntshiab Padre Pio, nws yeej nrog nws tus tshiab pov hwm tham nraim, thiab nws txib nws tus tshiab ua hauj lwm rau nws.

    Xyov nej puas zoo li kuv thiab, ntawm kuv mas zoo li kuv tsis nco txog kuv tus tshiab pov hwm pes tsawg li. Kuv tsis siv nws kom tsim nyog qhov uas nws niaj hnub saib xyuas kuv li. Ntshai yuav tau xyaum nco txog nws ntau dua qub. Thaum yus ib leeg xwb tsis tau luag, los tej thaum yus nyob ib leeg tsis muaj tus nrog yus tham, ntshai yuav tau xyaum nco txog yus tus tshiab pov hwm, hu nws los ua yus luag, hu nws los nrog yus nyob kom caij nyoog txhob ntev ntev.




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5188
    Date d'inscription : 2009-08-18

    Re: HAIS TXOG COV TSHIAB POV HWM

    Post  Maiv Tooj on 4th October 2012, 9:42 am



    Nyob zoo Mim,

    Koj hais yog kawg, yog peb peb pheej thov, txib tssi kam peb tus Tshiab pov hwm xwb. Tej zaud peb yuav tau hloov peb tus cwj pwm me ntsis kom peb tau txoj kev yooj yim taug. Peb twb muaj peb tus Tshiab pov hwm uas nyob rawv ntawm peb ib sab, tos ntshis kom peb txib nws, nws yuav ua rau peb. Tab sis peb twb tsis nco qab txog nws, peb nim quaj quaj, tu tu siab, tiv kev txom nyem ntxhov siab. Yog peb nco txog nws me ntsis ntshe twb daws tau peb kev nyuaj lawm ntau.

    Tus Tshiab pov hwm mas mloog lus heev. Nws pab peb txhua yam.

    Qhov ntau Peb Hmoob ib txwm teev poj koob yawm txwv, teev tej laus uas dua toj lawm ces thaum muaj ib qho nyuaj, peb pheej hu tej poj koob yawm txwv los pab peb. Tab sis peb yuav tsum txhob tab kaum tej uas luag yuav mus tau zoo nyob. Tsuas yog peb yuav thov Ntuj pab lawv xwb, peb tssi txhob tab kaum lawv, kom lawv nqes los pab peb ua hauj lwm.

    Peb yuav thov Ntuj kom lawv mus lawm saud, kom lawv tau zoo nyob tij ywm saud.

    Peb yuav txib thiab thov tus uas nrog rawv peb, uas yog Ntuj tsim nws los rau peb txib peb txuas.


    Peb yuav vam txog peb tus tshiab pov hwm thaum twg?

    Peb vam tau peb tus tshiab pov hwm txhua lub caij, thov tau txhua yam xws li:

    - Ua ib txog hauj lwm nyuaj los nyhav, peb thov nw spab.
    - Nrhiav tsis tau hauj lwm zoo, kom nws pab nrhiav.
    - Tws kev rau tej teeb meem kom nws pab qheb yus txoj hauv kev.
    - Xa moo rau ib tug uas yus tsis hnov moo lawm, yus tsis paub nws nyob qhov twg.
    - Muaj ib qho teeb meem loj thiab ceev.
    - Yus nyob ib leeg tsis tau luag, kom nws los ua yus luag.

    Yog thaum yus thov nws, nws tsis ua rau yus mas txhob tu siab, vim yog nws pom tias qhov yus xav ua ntawd tssi zoo rau yus, nws thiaj li tsis ua kom yus tau.


    Yuav hais li cas rau tus Tshiab?

    - Koj cia li hais lus xwb los tau.
    - Koj sau ntawv los tau.
    - Koj teev Ntuj rau nws los tau.





    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5188
    Date d'inscription : 2009-08-18

    Re: HAIS TXOG COV TSHIAB POV HWM

    Post  Maiv Tooj on 6th November 2012, 8:11 pm



    ZAJ TEEV TUS TSHIAB POV HWM.



    Kuv tus Tshiab,

    Pab cheem nag xob nag cua nroo ntws hauv kuv lub neej
    Thiab ua kom lub ntuj uas kuv nyob tiaj tus.

    Tiv thaiv tej kuv xav tsis zoo
    uas yuav coj kuv mus rau kev puag ntsoog thiab poob phem.

    Niaj hnub, koj ua kom kuv muaj kev tso siab
    rau kuv tus kheej thiab kuv tes dej num.

    Thiab ua kom kuv txawj rub lub siab ntev
    Tsam kuv poob rau qhov tsis yog.

    Kuv tus Tshiab Pov Hwm, kuv thov koj mloog kuv hu txog koj,
    Koj tus uas nres nroos kuv thaum kuv muaj kev txhawj xeeb.

    Kuv thov ua koj tsaug rau txhua yam zoo uas koj pab kuv.









    Sponsored content

    Re: HAIS TXOG COV TSHIAB POV HWM

    Post  Sponsored content


      Current date/time is 21st February 2017, 5:29 am