Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» SAJ YES XUS KEV TXOM NYEM
by Bao X Mary Yesterday at 10:46 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:16 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 23rd March 2017, 9:26 pm

» XH. Yaj Zoov Ntxheb lub Tsev THOOB TSIB
by Maiv Tooj 23rd March 2017, 9:15 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 23rd March 2017, 9:10 pm

» MOO QAIJ QAUG
by Maiv Tooj 18th March 2017, 12:17 pm

» Thov Leej Ntshiab YOS XES
by Maiv Tooj 9th March 2017, 12:30 am

» Tshuaj NTSUAB
by Lajpovyaj 3rd March 2017, 4:48 am

» Hnub Txais Tshauv thiab Caij 40
by Mim 28th February 2017, 10:38 am

» TP.Txhiaj Foom lub TSEV Ntawv
by Maiv Tooj 21st February 2017, 8:04 am

» Xib Hwb Thoj Xyooj lub neej
by Maiv Tooj 13th February 2017, 11:15 am

» COV ZAJ NYEEM RAU TEJ HNUB TSHWJ XEEB
by Mim 24th January 2017, 5:06 pm

Suav neeg tuaj saib, txij hnub 17/09/2010 los mus.


    Tswv Ntuj muaj hwj huam tas nrho, By XH. Lis Nkaj teev

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5201
    Date d'inscription : 2009-08-18

    Tswv Ntuj muaj hwj huam tas nrho, By XH. Lis Nkaj teev

    Post  Maiv Tooj on 28th September 2010, 11:01 am


    Dynamic Glitter Text Generator at TextSpace.net
    sau Tim 15 lub 8hli 2010
    Lis Nkaj Teev tsev neeg, lub tsev uas muaj dab ntxaug



    Thaum 1965, TP. Tshaj Sawm thiab Xib Hwb Lis nkaj Teev nyuam qhuav mus nrog rau Khej Me, nkaws nrog Xib Hwb Nom Thoob txiv uas Ntxoov Xyooj Yaj nyob. Ces mam li yuav ua tsev ces mam li mus txiav kuj yem los cuam yuav ua tsev. Ces muaj ib tug Hmoob Lis hu ua Nyiaj no nyob ntawd. Nws muaj ib lub tsev, tab sis lub tsev ntawd nyob ncaj Dab txoj kev, ces muaj ib hnub thaum qaib qua, dab los mus ces raug nws poj niam. Ces nws poj niam cia li poob txag, npau ntshav dhev, ces lawv ntshai ntshai, lawv cia li muab niam Nyiaj rho tawm qhov phab ntsa lawm. Ces lawv thiaj tuaj hais rau Txiv Plig wb hais tias yog tseem yuav ua tsev, seb wb puas kam yuav Nyiaj lub, Nyiaj yuav muab muag. Yog wb yuav no ces yuav muab muag rau wb. Ces twb thiaj hais tias, wb yuav kawg seb nws yuav muag npaum li cas? Nws hais tias 200 Bath, ces Txiv Plig wb hais tias: Ub! 200 npaj ces wb yuav. Ces wb thiaj li yuav Nyiaj lub tsev, wb mus kho rau. Hmo ntawd wb kho Nyiaj lub tsev tag ces hmo ntawd peb mus pw, taig kis ib hnub tseem, muaj cov Hmoob Yaj ib tug hu ua Nkaub muab tau ib tug poj qaib plhuaj taub coj ib pab me nyuam muab pub rau wb. Hais tias wb tau tsev lawm ces muab pub rau wb yug. Ces muab tau ib rab taus Hmoob rau kuv thiab. Ces hnub tom qab kub txawm hais tias Awb! Tsis muaj taws rauv lawm ces, nyob ntawm qaum tsev muaj ib lub niag pob ntoos qhuav, uas lawv ntov lawm txij qab nthab, kuv txawm mus muab lub niaj pob ntoos ntawd khob khob, tsoo cov niag cag ntoo los rauv. Thaum kuv tsoo cov cag ntoo ntawd ces txawm muaj ib cov dab ntxaug tawm los, cov dab ntxaug mas me me liab liab luaj li ntiv tes rwg qab; txiv ntswg me me ntev ntev hos ko tw liab liab, ib tug tuav ib tug ko tw tawm hauv cov niag qhov cag ntoo hauv los nim no laim laim rau kuv saib kom kuv ntshai no tab sis kuv tsis paub dab tsi li ces kuv tsis ntshai, kuv cia li xuas roob tau hus tsuag tsuag los pov rau niag poj qaib, ces niaj poj qaib cia li muab rau me nyuam noj tas tsis muaj dab tsi li lawm. Ces TP. Wb thiaj li ua lub tsev teev Ntuj nyob ntawm lus hauv paus ntoo rau sab xis sab tod, kuv lub tsev nyob mas nyob ntawm lub hauv paus ntoo ntawd qab ntoos. Ua tau lub tsev teev Ntuj ces Txiv Plig yuav tau ib lub teev Mouchon , teeb tsog ( cig pom kev ib yam li hluas taws xob)ces hnub hnub Saturday, kuv yuav qhia Ntuj Kev Cai thiab ntawv Hmoob ces kuv taws lub teeb, kuv muab dai rau saum lub thaj Txiv Ntuj saud pom pom kev. Ces cov neeg tuaj zaum ntawm qab rooj Txi Ntuj ntawd. Hnub ntawd Txiv Plig tseem mus nram nroog lawm, kuv qhia Ntuj Kev Cai rau sawv daws, tseem tab tom qhia txog qhov tias: Ntuj tsim neeg, tsim dab, tsim tsiaj ntxhu tas puas tsav yam". Tab tom qhia txog qhov nov ces cas cia li muaj ob tug nas me me=ob tug dab ntxaug tawm hauv kab niag tawg pleb los. Sib tuav tw liab liab, tawm plaws los saud ces txawm ua ntshee ntshee ces kuv cia li xuas kiag ko taws xuab kiag mus ntsaws rau hauv kab niag tawg pleb ces tas li.

    Thaum ntawd mas cov Hmoob uas tseem tsis tau ua Ntuj Kev Cai es lawv tuaj nyob sab nraum zoov xauj kuv qhia Ntuj Kev Cai mas ntshai tsis ntshai li os. Cov Hmoob mas hais tias "Haub! Cov ntawd mas yog kwv tij xwb os, cas Xib Hwb lawv es ua tau ua luaj li es muaj peev xwm ua tau li...! Es lawv tseem mauj peev xwm muab ua tau li ntawd ho tsis ua dab tsi rau lawv?
    Xib Hwb lawv txoj mas ntshe yog txoj yog tiag, vim lawv twb muab peev xwm tsuj dab ntxaug kiag, dab ntxaug twb tsis tom lawv.


    Txiv Plig Tshaj Sawm wb nyob tau ib xyoo tom qab ces muaj ib tsob niag Faj Khaum nram qab Tsev teev Ntuj. Tsob faj khaum ntawd muaj cov niag ntoo zes dav nyob ntau ntau saud, mas muaj dab ntxaug nyob saud. Yog xyoo twg, thaum twg muaj ib tug qaib qus ya los tsaws saum tsob ntoo ntawd mas nyob lub zos ntawd muaj ib tug neeg mob, yuav tuag xwb li. Ces Txiv Plig wb txawm xav tias tso ntoo ntawd nyob ze ze wb tsev thiab tsam muaj cov niag ntoo ze dav ntau ntau saud, lub caij hlawv teb ho lam muaj txim taws los txais ces cia wb ntiav ib niag mab daum quab yeeb ntob, muab txo ceg tag nrho. Niag Thaib hais tias yog nws ntov thiab txo ceg tas no Txiv Plig yuav muab li cas rau nws. Ces Txiv Plig txawm hais tias muab 100 Npaj, ces tus Thaib zoo zoo siab, nws thiaj muab txiav ceg tas du lug, hnub ntawd Hmoob mus teb ib hnub los txog naj cas tsob niag faj khaum nqha nrig, tsis pom muaj ceg ntoo qhov twg, cov niag ceg muab txo poob tag lawm. Ces Hmoob hais ncha nthi, Hmoob hais tias cas txiv Plig lawv es yuav muaj peev xwm ua luaj li es muab tsob niag faj khaum ntaws txo tag lawm es dab ho tsis ua dab tsi rau lawv?
    Rau qhov thaum txo cov niag ceg ntoo ntawd tag, tos qhuav me ntsis, kuv tseem nqa taus mus muab txiav los ua taws rauv huc si thiab. Hmoob mas twb tsis kav mus txiav ib tug ceg, twb ua rau lawv mob lawm.

    Xyoo ntawd tas, xyoo tom qab muaj ib yam Hmoob Vaj nyob pem qhov dej, yog yim Hmoob uas xub xub txais Ntuj Kev Cai, nws tuaj hais rau kuv tias nyob pem lawv zos ped muaj ib lub tiag zoo mas muaj ib lub tiaj zoo, hav zoov zoo ua teb kawg nkaus li, tab sis muaj ib tsob faj khaum muaj ib cov ntoo yiag zoo nkauj kawg nyob ze ntawd tab sis tsis muaj neeg mus txiav tau cov ntoo ib ncig kiag li. Yog leej twg mus txiav cov ntoo ntawd mas ua mob kiag thiab los ntshav ntswg kiag. Yuav tsum ua neeb kho xwb. Ces kuv thiaj hais rau Vaj tub hais tias:
    "Koj txhob ntshai...! Koj mus mas koj mus teev Ntuj, koj hais tias koj yog Ntuj ib tug neeg thiab, qhov nov yog ib thajk chaw ua noj ua haus, koj tsuas tuaj luaj teb ua noj ua haus xwb. Koj mus luaj, koj tsis ntshai li os".

    Ces tus Vaj Tub thiaj mus luaj thaj teb ntawd tas, muab hlawv tas, kuv zoo kawg nkaus li. Thaum ua nplej tab tom tuaj, yuav ua plab nab zom zaws, kuv mus xyuas Vaj Tub, Tub thiaj hais rau kuv tias: “Awb! Xib Hwb oj! Kuv ua raws nraim li koj hais, kuv ua li koj hais, kuv los luaj daim teb nov, kuv muab hlawv tas cog tau nplej mas zoo kawg nkaus li tsis muaj dab tsi li”.



    Last edited by Maiv Tooj on 2nd February 2011, 2:20 am; edited 7 times in total



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: Tswv Ntuj muaj hwj huam tas nrho, By XH. Lis Nkaj teev

    Post  Maiv Paj Lug on 29th September 2010, 2:23 am

    Maiv Tooj, zaj kwv huam no kuj txaus xav kawg thiab yom. Kuv xav mas cov lawv hu tias dab ntxaug nws tsuas yog ib hom nas txawv tej yus pom xwb, yog hais tias yog dab tiag tiag yeej tsis lam yuav muaj nyob ua tej pab niam tub li ntawv. Thaum ub, Hmoob tseem tsis tau muaj kev ntseeg ces Hmoob zoo li YAJ ZAM NOB piav xwb las as, yuav ua dab tsi los ntshai tsam txhaum dab, ces pheej tsis muaj kev tso siab, pheej tiam thiab ua dab qhev tas li, txij thaum tau nrog cov Txiv Plig tuaj tshaj TSWV NTUJ lub moo zoo tas ces txawm tso siab rau HUAB TAIS NTUJ lawm, txawm ntshai dab phem npaum twg los yeej muaj qhov tso siab tias tej niag dab phem me ntawv yuav tsis yeej TSWV NTUJ uas yog tus LOJ. Tso siab ces tso siab tiag tiag ua rau dab phem tej hwj huam raug tsis tau yus lawm. Vim HUAB TAIS NTUJ lub hwj huam loj dua thiab roog tau yus lawm ces txheej nim no peb muaj coob tus paub TSWV NTUJ peb muaj kev tso siab peb thiaj tsis tau ua dab qhev tsis tau tiam dab phem ntxiv.




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5201
    Date d'inscription : 2009-08-18

    Re: Tswv Ntuj muaj hwj huam tas nrho, By XH. Lis Nkaj teev

    Post  Maiv Tooj on 29th September 2010, 4:09 am



    Maiv Paj Lug,

    Cov nas nov yeej yog tus yam ntxwv li Hmoob ib txwm hais tias dab ntxaug zoo li tus nas, qhov pom txawv cov nas mas yog lawv tawm los ib tug tuav ib tug tw, sib cab sab nraws los mus...Qhov nov nws txawv heev thiab qhov Hmoob ntshai tshaj plaws mas yog thaum muaj dab ntxaug lawm mas ua rau neeg tuag sib laub sib lug li...Lawv thiaj ntshai ua luaj li...Tab sis tsis tau muaj cov Kws ntuj mus ntsuam xyuas kom meej seb yog cov nas me me ntawd yog ib cov Coj Kab Mob, ib yam li mob aws, los yog lawv tso zis rau tej khoom noj es noj tau ua tej hom mob loj heev...Tab sis kuv mas xav rau qhov mob aws dua...(La Peste) Vim nas tsuag yog tus porteur aws...
    Dua li lub tsev uas XH. Nkaj Teev thiab Txiv Plig Tshaj Sawm mus nyob ntawd Hmoob nyob, Hmoob twb tuag tuag, lawv thiaj khiav lawm...






    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1631
    Date d'inscription : 2009-08-17

    Re: Tswv Ntuj muaj hwj huam tas nrho, By XH. Lis Nkaj teev

    Post  Maiv Paj Lug on 29th September 2010, 5:36 am

    Maiv Tooj wrote:

    Maiv Paj Lug,

    Cov nas nov yeej yog tus yam ntxwv li Hmoob ib txwm hais tias dab ntxaug zoo li tus nas, qhov pom txawv cov nas mas yog lawv tawm los ib tug tuav ib tug tw, sib cab sab nraws los mus...Qhov nov nws txawv heev thiab qhov Hmoob ntshai tshaj plaws mas yog thaum muaj dab ntxaug lawm mas ua rau neeg tuag sib laub sib lug li...Lawv thiaj ntshai ua luaj li...Tab sis tsis tau muaj cov Kws ntuj mus ntsuam xyuas kom meej seb yog cov nas me me ntawd yog ib cov Coj Kab Mob, ib yam li mob aws, los yog lawv tso zis rau tej khoom noj es noj tau ua tej hom mob loj heev...Tab sis kuv mas xav rau qhov mob aws dua...(La Peste) Vim nas tsuag yog tus porteur aws...
    Dua li lub tsev uas XH. Nkaj Teev thiab Txiv Plig Tshaj Sawm mus nyob ntawd Hmoob nyob, Hmoob twb tuag tuag, lawv thiaj khiav lawm...




    Kuv xav hais tias dab ntxaug ntshe lam yog cov démon me me quav uas ntxwj nyoog txib los tso kev mob ntsaj rau sawv daws kom tuag coob xwb lau!

    Hos hais txog ntawm T.P nkawv tuaj mus nyob lub tsev Hmoob tsis tau luag nyob Hmoob khiav lawm, mas txhais tau tias TSWV NTUJ nrog nkawv nyob ua rau nkawv siab kaj lug, nkawv tuaj mus nyob lub tsev ntawv ces nkawv txoj kev ntseeg duav tau dab phem tawm khiav lawm, lub tsev ntawv thiaj li hloov los ua ib lub tsev kaj lug.

    Wow....cas hais txog lub npe TXIV PLIG tuaj mus nyob hauv yus tej tsev xwb twb cuag li TSWV NTUJ nrog nws tuaj mus nyob hauv yus tej tsev li lawm thiab!

    Muaj qhov proverbe hais tias : Là ou passe un Saint! Dieu passe avec lui o)




    <3 <3 Pab kuv rov los cuag koj Huab Tais Yesxus <3 <3
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5201
    Date d'inscription : 2009-08-18

    Re: Tswv Ntuj muaj hwj huam tas nrho, By XH. Lis Nkaj teev

    Post  Maiv Tooj on 29th September 2010, 6:49 am


    Maiv paj lug,

    Ib tug Txiv Plig yog ib tug neeg tau txais Huab Tais Yes Xus lub hwj huam, nws sawv Yes Xus chaw tshaj Huav Tais Ntuj txoj Kev Hluub rau ntiaj teb. Nws mus txog qhov twg, Tswv Ntuj lub txiaj ntsim nyob qhov ntawd. Yav thaum ub Hmoob tau txiav siab los ua Ntuj Kev Cai, Vim yog qhov uas Hmoob pom Txiv Plig lawv tuaj txog Hmoob teb Hmoob chaw, lawv muaj cuab kav ua tag puas tsav yam tsis pom txhaum dab qhov twg li. Thaj chaw twg uas ib txhiab ib txhis tsis muaj leej twg mus ti, Txiv Plig lawv tseem mus ua zos nyob kiag thiab...Li ntawd Hmoob thiaj pom tswv Ntuj lub hwj huam loj thiab tseeb tiag...Thiaj muaj neeg los Txiav dab zuj zus txog niaj hnub no...



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5201
    Date d'inscription : 2009-08-18

    Re: Tswv Ntuj muaj hwj huam tas nrho, By XH. Lis Nkaj teev

    Post  Maiv Tooj on 5th December 2010, 10:27 pm







    Lub tsev nov muaj dab ntxaug, yim Hmoob uas nyob nov ntshai heev thiaj muab muag rau TP. Tshwj Xwm thiab XH. Lis Nkaj Teev.



    Muaj ib zaug Hmoob tuaj teev Ntuj coob hauv tsev no, ob tug dab ntxaug cia li tawm ua nab noj nab tw ntawm ib kab av tawg pleb ntawm daim lev tsa nov lov, Niam Xib Hwb Lis Nkaj Teev cia li xuas ko taw mus xuab rau hauv kab pleb.


    TP. Tshaj Sawm mus nyob Khej Me 1964




    Duab thiab piav: XH. Lis Nkaj teev
    Sau: Maiv Tooj.


    Last edited by Maiv Tooj on 6th December 2010, 7:18 pm; edited 3 times in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5201
    Date d'inscription : 2009-08-18

    Re: Tswv Ntuj muaj hwj huam tas nrho, By XH. Lis Nkaj teev

    Post  Maiv Tooj on 6th December 2010, 3:15 am



    Thaum lub 8 hli 1960 Sam Nrua, Nplog teb poob rau tog Nplog Liab tes. Civ Nplog sab Xis yuav tau tawg thiab khiav lub nroog Sam Neua mus rau lwm qhov. Thaum no muaj:
    Txiv Plig TP. Nyiaj Pov
    TP. Du Mont
    TP.Lauzon
    Lis Nkaj Teev
    Lauj Vam Thaiv
    Nais khu Vaj Leej

    Lawv khiav los txog rau lub Yeej peeb zeej Pham thiv, lawv los nyob tau 3 hlis ces Pham Thiv tawg, lawv thiaj lis rov khiav dua, mus ib hlis ko taw thiaj mam mus txog rau Moos Loob.

    TP. Dumont nqes saum hauv tsua los li cas.

    Pham thiv tawg, Txiv Plig Dumont tseem nce mus saum hauv tsua lawm. Thaum sawv ntxov sawv daws twb khiav tag lawm, twb yuav tsaus ntuj TP. Dumont mam nqes los txog saib naj cas sawv daws twb khiav tag lawm. Pom Nyab Laj tuaj puv Khaib tag, Txiv Plig thiaj xav tias nws yog neeg Fab Kis nws yuav ua li cas. Ces cov tub rog Nyab Laj tsis ntsias, tsis pom Txiv Plig ces nws thiaj nqes tus ntaiv saum tsua los rau ntawm lawv lub tsev nyob. Tab sis lawv khiav tag lawm, ces Txiv Plig thiaj nqes los nram kwj ha, ntawm Nkias Tub Vaj lawv qab tsib taug qhov uas lawv mus kwv dej haus ntawd. Twb yuav tsaus ntuj ces Txiv Plig maub cov hav nroj, hav tauj, hav nqeeb los ces ua rau Txiv Plig lub tsom iav qhov muag poob lawm. Txiv Plig thiaj mus txog nram txoj kev loj ntawm lub zof Hmoob Tiaj Ntoo, cas Txiv Plig tsis pom kev, xuas naj cas nws lub tsom qhov muag poob lawm...Nws thiaj xav tias ntshe yog poob pem kwj ha uas nws maub hav fab ntawd. Txiv Plig thiaj maub xuas, maub xuas rov taug qub qab mus, thaum ntawd twb tsaus ntuj lawm. Nws xuas xuas mus cas cuag li Ntuj pab thiab. Txiv Plig thiaj rov mus xuas tau nws lub tsom qhov muag poob pem taw tsua. Thiaj rov nqes los nram kev lub zos Tiak ntoo. Hmoob thiaj qhia Txiv Plig Dumont los nrhiav tau TP. Nyiaj pov lawv.

    Nej xav li cas?

    -Kuv xav tssi tag qhov uas tsaus ntuj li tsaus ntuj, tseem yog hav fab xwb, thiab deb li deb cas ho rov mus xuas tau lub tsom qhov muag?
    - Cas Txiv Plig yog ib tug Fab Kis thiab loj ua luaj li, cov tub rog Nyab laj nyob nplawg ntia ho tsis nco pom Txiv Plig?


    Tus piav: XH. Lis Nkaj Teev
    Tus sau: Maiv Tooj Lis.

    PS: Kuv rov muab zaj Tsuj dab ntxaug saud sau dua raws nraim nws zaj kwv huam lawm.
    Nej rov mus nyeem tau, nws zoo thiab meej dua zaj qub.


    Last edited by Maiv Tooj on 7th December 2010, 8:32 am; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5201
    Date d'inscription : 2009-08-18

    Re: Tswv Ntuj muaj hwj huam tas nrho, By XH. Lis Nkaj teev

    Post  Maiv Tooj on 7th December 2010, 8:15 am


    Lub 11 hlis 1959 thaum sawv ntxov Nyab Laj tua phom loog diaj tuaj rau saum khaib, ces sawv daws thiaj li khiav. Peb thiaj tawm Pham Thiv khiav ces thaum ntawd yof thaum sawv ntxov li 8teev. Sawv daws qw qw tias nyab Laj tuaj nce pem tsuas lawm nawb, seb sawv daws yuav tiv tzau los tsis tau, yog tsis tau ces npaj khiav. Ces sawv daws thiaj li khiav. Thaum ntawd sawv daws pom tias khiav lauj, no ces neeg tsis hais tug rog los pej xeem khiav tav tom qav roob lub zos Pham Has, ces Nyab Laj nyob lub zos tim i, ces lawv pom tias cov neeg khiav ces lawv tua phom hem peb. Ces peb khia mus txog nram taw tsua, TP. Nyiaj Pov, Lauj Tsab thiab Lauj Thaiv lawv khiav mus ib qho. TP. Lauzon ces yog ib tug neeg qeeb qeeb siab, mus tsis taus ces kuv thiaj li tos nws, yog kuv tsis tos nws, kuv nrog lawv lawm ces peb yuav muab TP. Tsos pov tseg yuav ua li cas; mas kuv thiaj li tos TP. Lauzon. Thaum ntawd lawv tua tua phom heev heev ces wb khiav nqes hav. Txog nram kwj ha, hav tsawb xwb tsis pom qab yuav ua li cas, zaum no wb yuav mus qhov twg. Tsa muag ntsia saum ntuj los ntuj xwb, ntsia hauv av los yog hav nroj, hav tsawb thiab hav muas txhov xwb. Ces Txiv Plig hais rau kuv tias:
    " Lis Teev zaum no wb tau kev tws lawm wb tsis paub mus qhov twg lawm, ces ciz kuv muab qhov cawv ua Mis Xas nov hliv ob khob rau wb haus, wb thov Ntuj seb Ntuj puas yuav pab wb?"

    Kuv teb tias ua li los ua li.
    Txiv Plig thiaj muab nws hwj cawv ib leeg haaus ib qho twg ces wb teev Ntuj me ntsis. Kuv thiaj hais rau Txiv Plig tias yog li no cia kuv ua ntej es kuv mus li cas ces Txiv Plig lawv kuv qab, ces kuv thiaj li mos tej mos txhob thiab tej niag tsawv vau wb thiaj mus nto ib sab roob mus rau saum roob saud, tav ib sab roob mus rau nram tw roob, nqes hav rau nram kwj ha ces pom nra nqha me ntssi thiab muaj hav xyoob ces wb thiaj mus rau nrad. Tsis hnob lawv tua phom ntxiv lawm, tsis hnov phom nrov, maub maub mus txog nrad naj has ua cas cia li tab tom mus ntsib Txiv Plig Nyiaj Pov, Lauj Thaiv thiab Lauj tsab lawv peb leeg tseem nyob nrad tos wb thiab. Ces peb thiaj sib tham hais tias peb yuuav mus rau qhov twg. Ces kuv thiaj teb tias tam sim no peb tsuas muaj tib txog kev mus xwb uas peb yuav mus tau mas yog peb yuav tsum mus hla tus dej Nam Ed nce rov rau sab tim uas Huab Khus Mus tim Ham Tes, yog rov sab tim uas yuav mus rau Nyab Laj ciam teb, tab sis muaj cov zos Hmoob nyob ped. Ces peb thiaj mus li ntawd, los mus rau Moos Loob lawm...





    avatar
    jpx

    Messages : 2
    Date d'inscription : 2012-10-29
    Localisation : France

    XIONG J . P PIAV 1 ZAJ HAIS TXOG DAB

    Post  jpx on 29th October 2012, 12:12 pm



    ZAWS MOB ZOO.





    Nyob zoo txog ib tsoom phooj ywg,

    Tau ib nyuag ntu ntev loo tsis tau tuaj ntsib nej sawv daws lawm. Tso siab tias nej txhua tus yuav ntsib kev noj qab nyob zoo xwb. Hnub no kuv xav tuaj piav ib zaj me nyuam dab neeg rau nej tau mloog zoo li no.

    Xyoo 1999 lub 12 hlis txuas rau Xyoo 2000 ntawd kuv mus xyuas niam tais dab laug rau teb chaws Nplog. Lawv nyob sab Nas Taj Nas Nyaus. Lub zos niam tais dab laug nyob yog zos Nas Nyaus. Thaum kuv mus txog ntawm niam tais dab laug lawv tsev yog 8h00 Sawv ntxov. Dab laug tsis nyob hauv tsev lawm. Kuv nug cov me nyuam tias nej txiv mus dab tsi lawm lawv teb tias. Nws mus nrog lawv zov neeg mob lawm. Ces kuv hais rau cov me nyuam tias nej mus hais rau nej txiv tias kuv tuaj txog lawm no nawv. Cov me nyuam mus hu tau dab laug los ces lawv ua tshais rau peb noj tas, dab laug txawm hais rau kuv tias kuv cov yawm yij hmoob hawj nrad muaj ib tug me nyuam raug dab pem ntuj mas mob heev kawg li, peb xav tias ntshe nws yuav nyob tsis dhau hmo no tab sis nws kuj nyob los txog thaum kaj ntug no thiab. Ces kuv teb rau dab laug tias: Hnov lawv ua neeb muaj muaj ceem nrad yog lawv me nyuam mob heev los? Dab laug hais rau kuv tias: yawm yij yog koj tuaj txog tsis sab koj no wb rov mus nrog lawv xyuas. Kuv teb tias mus los mus tiag. Ces kuv txawm nrog dab laug mus txog nram lawv tsev pom Leej niam puag rawv tus me nyuam rau hauv nws xub ntiag. Kuv hnov tus me nyuam ntsaj ntsaj ntsub qhawv qhe muab taub hau plim dua nraum sab nraub qaum lawm. Tus me nyuam ntawd nws yeej tsis hnov li lawm, tshuav txoj sia tsis tu xwb. Tus me nyuam kwv yees muaj li 1 xyoos tej uas tab tom txawj zaum los txawj nkag xwb, nws yog ib me nyuam tub.

    Muaj ib yawg thaub tab tom ua neeb muaj muaj ceem hos muaj kuv dab laug ib tug txiv ntxawm xeem Lauj tab tom tuav ib rab riam neeb thiab ib rab rauj khob nruj nrawv ua khawv koob ncig tus me nyuam. Kuv nyob zoj ib pliag ntev li 10 fiab (10 mn)ces tus txiv neeb kuj ua neeb nqes los. Tus txiv ntawm hmoob Lauj los kuj ua nws zaj khawv koob tas lawm thiab. Tus txiv ntxawm hmoob Lauj thiaj los tuav kuv tes hais tias: Tuaj los me vauv. Ces nws txawm hais rau kuv tia: "Me vauv mob li tus me nyuam no mas yeej yog raug dab pem ntuj xwb. Nws mob heev kawg nkaws li peb tsis pom qab yuav ua li cas rau li lawm tiag." Ces kuv txawm teb rau tus txiv ntxawm hmoob Lauj tias: "Raws li kuv ntsia mas tus me nyuam no nws yuav tsis yog raug dab li nej hais ntawd. Yog nej pheej ua neeb thiab ua khawv koob rau xwb mas yuav tsis yeej li nawv." Ces tus me nyuam txiv txawm hais rau kuv tias: "Txiv laus koj hais tias tsis yog raug dab no ua li yog mob dab tsi?" Kuv teb tias:"Raws li kuv saib mas tus me nyuam no yog mob nws ob txoj leeg nraub qaum uas hmoob hu ua xeeb xam no xwb." Ces nws hais ntxiv tias yog li yuav ua li cas thiaj zoo? Ces kuv teb tias cov me nyuam mob li koj tus no ces kawg zaws yeej xwb tiag. Ces nws txawm hais tias yog li ces koj cia li pab zaws xwb. Kuv teb tias: Aub! kuv twb tsis tau zaws dua li thiab tsuas yog kuv tau pom kuv tij laug zaws xwb. Kuv yeej tsis tau zaws dua ib zaug li hos. Ces lawv sawv daws hais zom zaws tias. Koj twb pom dua koj tij laug zaws lawm ces koj cia li pab zaws kiag xwb ntag. Ces kuv thiaj teb tias yog nej pheej yuav kom zaws no ua li nej puas muaj cov tshuaj txws daj (pum hub ywj) uas nplog ua yas kas las npus. Ces lawv hais tias muaj kawg muab los rau kuv. Ces kuv hais rau leej niam tias. Muab koj tus me nyuam rau kuv puag saib, leej niam thiaj cev kiag tus me nyuam rau kuv ces kuv muab lub tshuaj txws daj (pum hub ywj) pleev kiag rau tus me nyuam ob txoj xeeb xam nraub qaum, kuv muab ntiv tes maj mam nias zaws kiag tus me nyuam ob txoj leeg nraub qaug. Kuv tib nias tus me nyuam ceeb nkaus xa tib hmleem duav tib nias tib hmleem ua li ntawd, kuv maj mam muab ntiv tes zaws zaws me ntsis ces tus me nyuam lub suab ntsaj cia li ntsiag, kuv zaws ntev li 20 fiab (minuites) cas tus me nyuam cia li rua muag tuaj thiab quaj tshawb tshawb li yuav noj mis ces kuv thiaj hais rau leej niam tias zoo li nws yuav noj mis sub. Kuv txawm muab tus me nyuam cev kiag rov rau leej niam mas lawv sawv daws qw nrov nrov tias: "Hnub no mas tus cawm seej tuaj txog lawm tiag tiag li lauj."

    Nyob ntawd, muaj ib tug hmoob Vwj nws yog lawm kuv dab laug lawv cov yawg laus. Nws thiaj hais rau kuv tias:
    "Me vauv yog vim li cas koj ho yuav paub tias tus me nyuam no nws tsis yog raug dab no?"
    Kuv teb tias rau qhov kuv pom thaum tus me nyuam tab tom mob heev ntawd mas nws lub taub hau plim dua nraum nraub qaum lawm ces kuv thiaj paub tias yog mob nws ob txoj leeg nraub qaum xwb no. Tus yawg laus thiaj hais tias: Me vauv lauj yog koj tsis tuaj qhia rau peb ces yeej tsis paub txog tej koj hais no li tiag. Peb ces yeej hais tias yog raug dab xwb no tiag. Kuv thiaj teb tias cov me nyuam mob li tus no mas nej txhob cia huam li tus no, yog cia huam lawm yuav yog tus paub txawj zaws mas thiaj yuav zoo tau. Lawv thiaj hais tias yuav ua li cas thiaj paub tias tus me nyuam pib mob lawm. Kuv teb tias lwm tus mas tsis paub li nawv. Tab sis leej niam thiab leej txiv uas yog ob tug niaj hnub puag tus me nyuam mas yuav tsum paub xwb. Thaum nej puag kiag tus me nyuam nej ua nej txhais tes mus chwv nws nraub qaum es nws ceeb nkaus ces twb yog pib mob lawm ntag. Ces tus txiv yawg thiaj teb ntua tias yog li koj hais kawg lauj me tub, tus me nyuam no kuv yog tus niaj hnub zov ntag, yeej zoo li koj hais tiag yus ua tes chwv nws nraub qaum ces yeej ceeb nkaus li koj hais no tiag. Ces kuv txawm rov hais ntxiv tias:
    "Hais txog dab mas nej sawv daws ua siab loj tsis txhob ntshai ntshai dab thiab yeej tsis muaj dab npaum li nej xav ntawd."

    Ces tus yawg laus hmoob Vwj txawm teb tias: Vauv lauj, thaum peb nyuam qhuav los nyob lub zos no mas muaj dab tiag tiag li, peb yeej xav tias ntshe peb yuav nyob tsis tau lub zos no li tiag. Sawv daws mas mob tas zej tas zos li tiag. Hnov cav hais tias muaj ib niag nplog nyob tom noom hais tod mas nws txawj mau dab kawg no, txawm yog tus dab twg los dab tsi los nws yeej paub huv si no. Peb mus hu nws tuaj mau saib yog tus dab dab tsi thiab yog dab ho yuav noj dab tsi no. Niag nplog tuaj mau mau los tsis raug tus dab ntawd li. Lub caij ntawd los sawv daws los kuj tsis muaj chaw nyob thiab ces sawv daws lam sib tiv nyob dhau lub xyoo ntawd ces zoo li ho nyob zoo me ntsis lawm ces thiaj nyob los txog niaj hnub no xwb tiag. Kuv teb tias nej cov uas yog niam yog txiv mas nej yuav xav tias yog muaj dab ua rau nej mob xwb, kuv xav qhia qhov uas yog muaj tseeb rau nej; tab sis xyov nej puas yuav ntseeg tau. Thaum nej mus txog ib thaj chaw tshiab uas tsis tau muaj tsiaj los neeg mus tsuj thaj av dua li mas nyob hauv av mas muaj ib cov pa los yog ib cov cua tawm hauv thaj av tshiab ncho tuaj cov pa ntawd nws ntsim heev vim tsis tau muaj tsiaj thiab neeg tuaj tsuj li. Ces thaum nej los ua zos nyob rau thaj chaw no ces cov pa ntawd ncho tuaj nej nqus tau mus rau hauv nej tej plab hnyuv, ua mob rau nej zoo li no mob plab raws plab mob taub hau ua kub ua no tej tus mob heev kuj los me ntsis ntshav ntswg thiab. Tus yawg laus hmoob vwj teb tias yog li koj hais tiag lauj me vauv, cas koj yuav hais raug ua luaj peb tsis paub li pheej xav hais tias ntshe yog muaj dab ua mob xwb no tiag. Kuv teb tias yog dab ua mob mas tsuas mob ib tug xwb mas thiaj yog dab ua kom mob nawv. Yog mob tas zej tas zos lawm mas yog huab cua ua xwb piv hais tias txog caij tej paj xyoob paj ntoo tawg kuj yuav muaj ib phaum mob. Vim hais tias tej paj xyoob paj ntoo ntawd muaj ib txhia twb yog tshuaj lom neeg los peb yeej tsis paub txog li. Ces thaum nws tawg paj cua tshuab cov pa tuaj neeg nqus tau mus rau hauv tej plab hnyuv ces ua mob thiab. Hmoob cov laus tsis paub ces lawv hais tias muaj ib phaum mob dab khaub thuas. Tus yawg laus hmoob vwj teb tias yeej yog li koj hais tiag Peb cov laus tsis paub ces pheej xav tias txhua yam mob no ces yag dab tso tuaj xwb no tiag. Kuv zaj dab neeg ces los xaus li no xwb peb mam sib ntsib dua.

    SAU NPE: XIONG J . P
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5201
    Date d'inscription : 2009-08-18

    Re: Tswv Ntuj muaj hwj huam tas nrho, By XH. Lis Nkaj teev

    Post  Maiv Tooj on 30th October 2012, 3:05 am



    Nyob zoo tub Zoov Pov,

    Ua tsaug rau koj zaj kwv huam zaws mob nov, yog ib zaj zoo kawg rau Peb Hmoob tau kawm thiab paub faj seeb. Muaj ntau yam uas peb hmoob tseem tsis tau paub txog, nyiam taug kev ncaj ces muab xyob rau "dab" ris tag nrho xwb. Tsis tag li ntawd los ib txhia txiv neeb tseem kav xyeem dej hlob zoo dov cav kom yim tau nyiaj teeb neeb ntau xwb. Li txheej thaum ub, kev cai nyiaj teeb neeb, tsuas yog npib puab nyuag ua kev ua cai tso rau ntawm lub ntim dej teeb neeb xwb, tab sis tom qab no cas tsis yog nyiaj dawb rau ntim dej lawm, yog nyiaj ntawv xiab qab ntig lawm xwb.




    avatar
    jpx

    Messages : 2
    Date d'inscription : 2012-10-29
    Localisation : France

    Re: Tswv Ntuj muaj hwj huam tas nrho, By XH. Lis Nkaj teev

    Post  jpx on 30th October 2012, 7:58 am

    Nyob zoo phauj maiv tooj. Ku xav rov qab thov koj dua ib zaug ntxiv thiab. Tsis paub tias yog li cas kuv ntaus tas kuv rov muab saib no nws yuam kev lo puav lus lawm ces. Kuv rov muab kho tas muab ( send ) rau cas nws cia li tawm 2 phab rau nram qab ntxi ces kuv muab rhuav tas los nws nyob nws li qub tsis ploj li. Ces thov koj yog muaj sij hawm no koj pab muab qhov xub sau pem toj thiab ib phab nram qab rhuav pov tseg; Koj tseg ib phab xwb. Thiab kuv thov koj ho pab qhia saib yog yus xav muab rhuav pov tseg no yuav nias rau dab tsi thiaj rhuav tau. Ces kuv ua koj tsaug ntau ntau nawv. Thiab kuv ua tsaug rau koj tso daim duab phim rau kuv zaj lus kawg ua koj tsaug ntau nawv phauj.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5201
    Date d'inscription : 2009-08-18

    Re: Tswv Ntuj muaj hwj huam tas nrho, By XH. Lis Nkaj teev

    Post  Maiv Tooj on 31st October 2012, 12:02 am



    Nyob zoo tub jpx,

    Kuv kho kom koj mus kho tau koj cov Postes (Edite) lawm.
    Yog koj xav hloov los kho koj lub npe qub uas koj twb tuaj sua ua ntej lawm mas koj mus saib ntawm koj Profil, koj cia li sau lub npe tshiab rau ntawm koj lub npe qub ces koj nias "enregistrer" no xwb ces koj hloov tau koj lub npe tshiab rau lawm.

    Dua li, yog koj muaj duab zos hmoob Phuv Nyawm los yog tej chaws Phuv Nyawm no koj pab tso daim puav dhos koj cov zaj hauv nov thiab. Yog ib qho zoo uas peb yuav khaws tseg ua keeb kwm.

    Kuv muab koj lub poste hauv qab kawg nkaus mus hloov cov ntawv uas koj xub sau lawm thiab kuv ho muab ob lub postes hauv qab tshem lawm, hais rau koj paub.

    Muaj dab tsi ua tsis tau los txhob ua siab deb, peb mam sib coj kawm.

    Me tub jpx, koj nyob ze Hmoob, yog koj paub muaj lwm zaj tim khawv kev ntseeg uas txawm tsis yog koj tus kheej kiag los, yog lawv kam no koj pab tso rau peb tau nyeem, tau kawm thiab tau khaws tseg mog.

    Thov ua tsaug ntau.




    Sponsored content

    Re: Tswv Ntuj muaj hwj huam tas nrho, By XH. Lis Nkaj teev

    Post  Sponsored content


      Current date/time is 29th March 2017, 6:08 am