Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

TSA TSEV TEEV NTUJ HAUV TOJ COB TSIB TEB 06-06-2014

Gallery


Latest topics

Suav neeg tuaj saib, txij hnub 17/09/2010 los mus.

  • Post new topic

Hmoob ntseeg Vaj tswv ntuj

Share

abkim

Messages: 1
Date d'inscription: 2012-09-04

Hmoob ntseeg Vaj tswv ntuj

Post  abkim on 4th September 2012, 9:03 am

nyob zoo kuv lub npe ua Abyuam thov txim ntau2 thiab kuv muaj me ntsi lus xav nug nej lo yog peb cov hmoob uas tau hloov lo mus ntseeg vaj tswv ntuj lawm yog vim li ca peb hmoob thiaj li xyaum mus teev hawm thiab ntseeg vaj tswv ntuj li no ca peb ho tsis nrov nqab ntseeg thiab tsawb hnriav peb li nqub kev cia coj noj coj ua lo ya thaum ub?

peb hmoob cov ntseeg vaj tswv pua xa xws li cov ua tsis tau ntseeg vim dab tsi thiab yog ua ca lawm?

Yog tias peb hmoob mus ntseeg vaj tswv tag lawm es ho yua muaj dab tsi tswm sim rau peb mus lawm ya tom ntej thiab?

thaum kawg no kuv tsua xa paub tias peb puas tseem hlub peb hai neeg hmoob lawm yog hlub ua cas hmoob haj tseem muaj qhov sib ntxub thiab sib dag noj hau, cov muaj thiaj li tsis nyiam cov txom nyem xav thov nej cov ua thauj thiab txawj ntse pab qhia rau kuv thiab

ua tsaug

Lajpovyaj
Phooj Ywg
Phooj Ywg

Messages: 145
Date d'inscription: 2009-12-04
Age: 54
Localisation: USA

Re: Hmoob ntseeg Vaj tswv ntuj

Post  Lajpovyaj on 4th September 2012, 12:33 pm

abkim wrote: nyob zoo kuv lub npe ua Abyuam thov txim ntau2 thiab kuv muaj me ntsi lus xav nug nej lo yog peb cov hmoob uas tau hloov lo mus ntseeg vaj tswv ntuj lawm yog vim li ca peb hmoob thiaj li xyaum mus teev hawm thiab ntseeg vaj tswv ntuj li no ca peb ho tsis nrov nqab ntseeg thiab tsawb hnriav peb li nqub kev cia coj noj coj ua lo ya thaum ub?

peb hmoob cov ntseeg vaj tswv pua xa xws li cov ua tsis tau ntseeg vim dab tsi thiab yog ua ca lawm?

Yog tias peb hmoob mus ntseeg vaj tswv tag lawm es ho yua muaj dab tsi tswm sim rau peb mus lawm ya tom ntej thiab?

thaum kawg no kuv tsua xa paub tias peb puas tseem hlub peb hai neeg hmoob lawm yog hlub ua cas hmoob haj tseem muaj qhov sib ntxub thiab sib dag noj hau, cov muaj thiaj li tsis nyiam cov txom nyem xav thov nej cov ua thauj thiab txawj ntse pab qhia rau kuv thiab

ua tsaug
AbKim"
Hais txog kev ntseeg mas nyias yuav tau ntseeg li nyias siab nyiam yuav tsis muaj leej twg txwv txiav tau.tsis yog hmoob xwb thiaj mus ntseeg vaj tswv luag lwm haiv neeg los kuj muaj cov mus ntseeg vaj tswv es tso luag tej qub kev cai tseg huv si lawm thiab.
Peb hmoob txawm mus ntseeg vaj tswv los txoj kev hlub hmoob lub npe hmoob yeej nyob li qub tsis tau pauv dab tsi li nawb mog.
Peb yeej tseem hlub peb haiv hmoob li qub hais txog txoj kev hmoob sib ntxub thiab sib dag noj dag haus li koj hais tsis yog los ntawm kev ntseeg vaj tswv.
Yav puag thaum ub hmoob tsis tau paub ntseeg vaj tswv los hmoob yeej tsis sib hlub cov muaj yeej ntxub cov pluag cov ntse yeej ntxias cov ruam noj ua ntu zus los txog niaj hnub no li nawb mog.

Maiv Tooj
Tswv Cuab Hmong Catholique
Tswv Cuab Hmong Catholique

Messages: 4409
Date d'inscription: 2009-08-19

Re: Hmoob ntseeg Vaj tswv ntuj

Post  Maiv Tooj on 4th September 2012, 1:40 pm



Nyob zoo Abkim,

Zoo siab uas koj tuaj txog peb lub tsev ntshiab.

Koj tau nug ib los ces yuav tau teb koj ib nqes, yog koj tsis nug ces yuav tsis cuam tshuam koj txoj hauv kev.

Txoj kev sib nyiam sib hlub, Tswv Ntuj yeej qhia kom peb sib hlub nyob ntiaj teb, kom peb tau lub neej kaj siab thaum peb tseem muaj txoj sia thiab thaum peb tau lub neej kaj siab hauv ntiaj teb lawm mas peb kuj tau lub neej muaj txoj sia nyob mus li saum NTUJ CEEB TSHEEJ thiab. Cov neeg phem, kuj tsis txhais tag nrho tias lawv yog cov phem, muaj ib txhia nws kuj yeej phem tiag, tab sis ib cov neeg phem mas tiag tiag lawv zoo tag nrho, tab sis cov neeg uas xav muab lawv tiag taw kom nto moo zoo tsis tshaj lawv ces niaj hnub mus hawv tshaj tog tog tias lawv phem no xwb. Qhov tseeb tsis yog tus luag hawv phem tab sis yog tus mus ua ncha kom nws nrov yog tus xeeb ncauj lus. Tej yam no yeej paub.

Ib cov neeg ntseeg Tswv Ntuj, yeej muaj qhov ntau zoo tshaj qhov phem, tsis hais kev hais lus, kev sib hwm, kev sib haum xeeb yeej zoo tshaj.

Qhov koj hais mus dag luag tej muag noj kom luag raug kev txom nyem no mas koj taug kev mus soj mus nrhiav seb koj puas pom ib pab twg yog cov Catholic, yeej tsis muaj li nawb. Cov Catholic mas tseem mus pab, mus pub rau luag tas mus li xwb tsis ciav cais koj pab kuv pawg li; lawv txawm ntseeg thiab tsis ntseeg los yeej pab.

Dua li, yog koj xav paub yog tim li cas Hmoob tsis teev Hmoob dab qhuas es ho los teev Tswv Ntuj, caw koj mus nyeem tau lub Topic no:

http://hmongcatholique.forumdediscussions.com/t1176-xiong-jp-nyob-fab-kis-piav-txog-kev-ntseeg-yesxus-thiab-hmoob-kab-li-kev-cai


1

Nyob zoo mog----------------------peb ib tsoom hmoob
Mus nyob thoob-------------------------hauv ntiaj teb no
Rau tag nrho--------------------------ib tsoom yawg pog
Kuv thov nrog----------------------peb sawv daws tham
Ncig tuaj tsham------------------------nej puas nyob zoo
Kuv thov nroo---------------------------xa lus tuaj koom
Rau ib tsoom-------------------------yog niam thiab txiv
Los nrog siv----------------------------lub caij nyoog no
Nrhiav kev kho---------------------koom tswv yim nrog
Hais mus txog---------------------rau peb tsoom hmoob
Tawg mus thoob-------------------------puv ntiaj teb no
Rau tag nrho---------------------------cov paub tsis txog
Thov los nrog----------------------------peb sib tuav teg
Sib pab leg-------------------------Huab Tais Tswv Ntuj
Nws tej txuj--------------------------------tej lus tsim nuj
Txiv Tswv Ntuj-------------------------tes me hauj lwm
Yeej xeeb tshwm------------------rau neeg lawm ntxov
2
Kuv thiaj thov-----------------------nej sawv nawb mog
Txhob kiam txog------------------------tias tsi muaj caij
Sij hawm laij--------------------tsham zoov tsham tsuag
Yaum kwv luag-----------------------tsis txhob mus laij
Teem lub caij------------------nyoog yeej tseem tshuav
Tso lis phluav----------------------------koj txoj me kev
Ua dab qhev------------------------------pub rau dab qhe
Txoj qub ke------------------------tseem teev dab qhuas
Los nrog xyuas--------------------txoj tshiab kev ntseeg
Tswv ntuj teeg--------------------------txuj ci ncaj ncees
Muab cob ntsees---------------------rau peb txhua feem
Kom koj teem---------------------------tau lub sij hawm
Los mus kawm------------------------Tswv Ntuj cov lus
Coj tau yus-----------------------------rau kev thoob tsib
Thov koj qhib----------------------------lub siab rau ntuj
Huab Tais txuj-----------------------tseem niaj hnub tos
Koj tig los---------------------------hloov lub siab tshiab
Ntuj txaus siab-----------------------pab koj dim phluav
Nqes koj tshuav-----------------ntawm ntxwj sib nyoog
Tsuav tig mloog----------------------Tswv Ntuj lus qhia
Koj thiaj dhia------------------------dhau txoj kev nyuaj
Kev puas tsuaj-----------------------yuav tsi nphav raug
Ua neej qaug----------------------------rau hauv pem teb
Lwj ua nceb----------------------npog nroj ntsuab lawm
Cawm koj tawm-----------------------dhau kev ua qhev
Txoj me kev------------------------------ua neeb ua yaig
Tsis txhob laig----------------------------tsis ua nyuj dab
Dov kauj vab---------------------------kauj plig npua tai
Yeej tsis ntshai------------------------------vij sub vij sw
Duab ntsuj xyw-------------------------li tseem teev dab
3
Vim ntuj pab-------------------------nroos ncig yeev koj
Hwj xwm coj-----------------------------koj txoj hau kab
Txawm muaj dab---------------------hem tsis poob plig
Koj twg tig------------------------------sawv los nrog lis
Vim koj ris-------------------------Huab Tais ntoo cuam
Cog ua vuam-----------------------txhos hloov ncej dab
Txiaj ntsim pab-------------------------tiv thaiv roos koj
Nco ntsoov coj-----------------------teev saw Mab Liab
Ua nplooj siab------------------------tiv dhau txhua yam
Kuv tsuas tham----------------------------ua lus sib dhos
Thov txhob nros-----------------------qhib lub siab nrog
Txawm tsis yog------------------------los thov zam txim
Coj lus lim----------------------tshau peb tsoom hmoob
Kom hnov thoob---------------------yog leej twg khaws
Yeej mus raws------------------------------li cov lus nov
Thiaj tau thov---------------------------peb sib koom tes
Sawv los nres--------------------------raws tswv ntuj leg
Muab laim tseg----------------------koj txoj kev txhaum
Tig mus xyaum------------------------txoj kev cai tshiab
Ntxov thawj thiab----------------------tsis nkim dag zog
Txawm tias yog-------------------------koj tsis tau paub
Huab Tais saub-----------------------------yog zoo li cas
Nej xeev ras-------------------------txhob ntseeg lus dag
Thiaj qhia tag---------------------nco ntsoov tshiab txuj
Huab Tais Ntuj---------------------------tus uas tsim nuj
Nws coj txuj-----------------------muaj kuab cawm seej
Coj peb neej------------------------------rau kev kaj siab
Mus ntuj tshiab-------------------------txoj kev tsim nuj
Huab Tais Ntuj--------------------------tus tsim ntiaj teb
Kom muaj peb----------------------------nyob ua ib npoj
4
Teev hawm coj-----------------------Huab Tais lus qhia
Nws thiaj cia---------------------------Leej Tub Yes Xus
Cev nws lus-------------------------------coj nws teej tug
Nqeg los yug---------------------------rau hauv ntiaj teb
Xeeb li peb-------------------------nkauj xwb Mab Liab
Ntuj tus tshiab...........--------------.....los tuaj nrog tiam
Koj zoo nyiam............-------------.... ua Yes Xus niam
Kev teev tiam.........--------------.......lawv Yes Xus qab
Mus raws kab..........--------......yoog nraim Tswv Ntuj
Leg tej txuj..........--------------......cawm ntiaj teb neeg
Kev coj ntseeg------------------------raws txoj kev teev
Soj tus hnee...........-----------------..taug lawv Yes Xus
Tsuj los mus-----------------------------tsis tseev kom tu
Tus los hu.............--------------------...ntiaj teb tib neeg
Kom sawv ntseeg-------------------thiaj nrog muaj neej
Peem yug tsheej..........--------------.......zoo xws li peb
Neeg ntiaj teb-------------------------yeej txawv tsis deb
Tiam si peb..............-----------------..tsis paub Yes Xus
Qhib ncauj lus........-------------........tshaj lub moo zoo
Ntau tiam xyoo........-----------........twb dhau los lawm
Tseem teev hawm........----------.......nws lub xyoo yug
Yeej coj pug---------------------------ua koob ua hmoov
Tsis txawv hloov------------------------nws yug xyoo ib
Mam suav pib-------------------------khaws ua ntuv zus
Muab xam mus...........---------.....tshaj ob txhiab xyoo
Lub Moo Zoo............--------------....ncha puv ntiaj teb
Yes Xus tseb............-----------------....Nws tej lus qhia
Muaj ib txhia----------------------------yeej tso kav liam
Hla ntau tiam............-------------....rau txhia haiv neeg
Luag thiaj ntseeg..........--------......qas txhiab vam leej
5
Tshuav hmoob pheej.......----.........tseem tsis tau paub
Hmoob tseem maub........-------........rau txoj kev tsaus
Vim tej laus............----------------....ib txwm tsis paub
Ntuj twb laub..........-------------......tso txiaj ntsim ntau
Los pub rau...........-----------.....peb hmoob sawv daws
Kom tig raws............--------------....txoj kev cai tshiab
Kev kaj siab.............-----------------...rau tas txhua leej
Kom peem tsheej--------------------txoj los nrog ntseeg
Ciaj haiv neeg..........----------------......ua neej sib hlub
Noj sib pub............--------------------....thiab hau sib ce
Nyob ua ke.............-----------------...sib koom tuav tes
Kom sib nres.........-------------------.......txawj sib tiam
Tej txiv niam-------------------------coj mus khaws cia
Kuv tsuas qhia..........------------------........li no rau koj
Los nrog soj.............---------------...yog tsis nkag siab
Phais lub ntsiab-----------------------txoj kev teev tiam
Koj ho nyiam............------------....mus ntsib pab neeg
Yog cov ntseeg.........-------------.......npe Kav Tos Liv
Lawv li siv..............----------------..teem koj sij hawm
Qhia koj kawm.......----------.........txhob ntshai siv zog
Kawm kom txog-----------------------koj thiaj paub coj
Yuav pab koj............----------------....thim dab xas tas
Tos luag tha--------------------------luag tuaj nrog npav
Zaum tsaws tav..........------------......ntiaj teb neeg kev
Ua nws qhev--------------------------mus thoob ntiaj teb
Kom nej peb..............-------------....tsis txhob sib hlub
Dab niaj hnub...........-----------.....haub ntxias tib neeg
Tsis pub npeeg.........-----------.........nws ib rooj ntxiab
Nrog xav thiab........------------...........kev ua dab qhev
Los lawm ntev ..........-------------......nej tsis lees paub
6
Kev cia caub............-------....ntawm ntxwg xib nyoog
Yog tig mloog.............---------------...muaj kev tu siab
Thaum muaj txiab.......-------.........thiab diag taub hau
Yuav tsum sau............--------------....poj qaib me npua
Coj mus tua............-------------------....hu neeb ua yaig
Cov ntsoov laig-------------------------tua noj txhua tais
Txawm tsi hais..........--------------......los nej yeej paub
Kev cia caub............---------------....ntawm dab xas tas
Nws txawj npas------------------------tsis pom nws kiag
yeej yog tiag.........-------------------.........li kuv hais no
Yog tsis rho...........---------------.....poj qaib niam npua
Coj mus tua.............------------...thaiv thiab theej txhoj
Ces yuav ploj...............................thiab yuav raug tuag
Tig los zuag----------……….-----txog lus qhuab ntuas
Koj tig xyuas.................................thiab ntsia kom zoo
Tos neeg nroo........................ntxwg nyoog phem tshaj
Niaj hnub daj...............................thiab niaj hnub deev
Kho siab seev....................................qaug zog luj luas
Ua neeb xyuas..............................ces txawm pom dab
Tim pheej phab...........---------.....thiaj xuas nyuj twm
Tua pov hwm..............----------....rau yawm txiv neeb
Tias dab txheeb........-----------........koj me ntsuj duab
Yog tsis muab............--------------....tsis tau ntsuj plig
Thiaj yuav tig---------------------------pab koj kom dim
Yog yuav thim .........------------.......yuav tsum tau dev
Los thaiv kev---------------------------dab thiaj li ntshai
Ntxiv npua tai...........---------------.......los tua txim rau
Thiaj yuav dhau--------------------txoj kev ntxhov siab
Nws thiaj ntiab-------------------dab tawm ntawg nraus
Muab neej kaus...........----------.....pluag tag mob ntsaj
7
Neej tsis kaj..............-----------..thiab tsis txawj nquag
Ntaim neej pluag.......---------------.........tas los tsi zoo
Raug dab khoo.........---------------.......dab tau tsim koj
Muab xav zoj...........------------.....mas txaus chim siab
Neej tsaus nciab--------------------txom nyem lwj liam
Pes tsawg tiam.............-----------...raug dab tsim txom
Ntshua ntawv com-----------------------los pauj dab tag
Raug dab dag--------------------------ua npau suav ntos
Muab ntawv kos..........-------------......ua lus paj huam
Hais tuaj tshuam.........-------.......rau sawv daws paub
Kom txhob maub.......--------.........taug txoj kev tsaus
Lawv tej laus-------------------------zog thiaj tsis ntaug
Thiaj tsis qaug............--------------....mus ua dab quav
Tsuas kawg tshuav.....------...........Huab Tais Yes Xus
Li yog tus..............--------------------..yuav pab tau koj
Tig los soj.............--------------------...thiab tig los lees
Lus cob ntsees---------------------ntawm tus tswv neeg
Los mus ntseeg...........---------.....Huab tais Tswv Ntuj
Tus muaj txuj............---------------....yuav tuav koj tes
Nws yuav nres..........----------------......tau koj lub neej
Kom muaj yeej..........-------------......nyob kaj siab lug
Nrog muaj tug--------------------------tswv ntuj cov lus
Tig hlo mus.............------------...cuag Huab Tais Ntuj
Kev tsim nuj...........------------......tswv ntuj tseem tos
Thov tig los------------------------------taug txoj kev do
Ua hnub hmo..........---------------......tos nej phooj ywg
Ncauj cuag ntswg-----------------thov nrhiav kev tawm
Txog sij hawm--------------------------taug kev kaj siab
Nrhiav neej tshiab----------------thiaj tsis nyuab mog./.









Maiv Tooj
Tswv Cuab Hmong Catholique
Tswv Cuab Hmong Catholique

Messages: 4409
Date d'inscription: 2009-08-19

Re: Hmoob ntseeg Vaj tswv ntuj

Post  Maiv Tooj on 4th September 2012, 6:41 pm



PS.

Tsis tag li ntawd, koj tseem hais lo lus tias: "Vaj tswv ntuj" no ces yeej txhais tau tias tsis yog cov Catholic uas chiv keeb puam kwm lawm. Yog koj hnov thiab paub txog cov plia saum nplaim dej xwb, cov cog nruab siab hauv lub ntsiab, koj tsis mob siab nrhiav mas luag yuav yaj ntshis ntawm koj qhov muag, koj twb tsis paub txog.




Ntxhuav Mom Xyooj
Tuaj Tshiab
Tuaj Tshiab

Messages: 89
Date d'inscription: 2012-02-24

Re: Hmoob ntseeg Vaj tswv ntuj

Post  Ntxhuav Mom Xyooj on 5th September 2012, 7:40 am

Nyob zoo tus phooj ywg Abyuam/Abkim

Maiv Tooj twb teb koj cov lus lawm, tab sis kuv xav ntxiv ob peb lo lus thiab. Koj hais tias ua cas peb cov Hmoob ho mus ntseeg Vaj Tswv Ntuj,ho tsis rov los nrhiav Hmoob tej kev cai qub ntseeg. Abnyuam kuv xav qhia rau koj paub tias kev cai ntseeg Vaj Tswv Ntuj tsis yog lwm haiv neeg li kev ntseeg nws yog kev ntseeg tag nrho rau ntiaj teb neeg txhua txhua haiv nyob rau lub qab ntuj khwb no txoj kev ntseeg huv si. Vim yog tus tswv uas tsim koj thiab tsim kuv txoj sia, thiab tsim tas ib puas tsav yam nyob rau lub ntiaj teb no es peb thiaj li teev hawm tus TswvNtuj ntawd ib leeg mus ib txhiab ib txhis. Koj twb paub txog nkauj Iab thiab nraug Oo nkawd thiab puas yog? Yog koj paub lawm, mas 2 tug no yog 2 tug coj kev tuag tuaj rau peb ntiaj teb neeg,peb tuag nyob hauv 2 tug no. Tab sis peb yuav ciaj dua nyob hauv YES XUS. Twb yog vim li ntawd es Yesxus thiaj li nqis los yug ua neeg li peb noj mov haus dej ib yam li peb kom xwv nws thiaj li theej tau peb lub txhoj, Yesxus los ua tus qauv rau peb neeg ntiaj teb ntawm txoj kev tuag thiab txoj kev sawv rov qab los thiab Yesxus tseem qhia tias muaj ntuj ceeb tsheej thiab muaj dab phem teb. 2 lub teb chaws no seb koj yuav xaiv lub twg? Yog koj xaiv ntuj ceeb tsheej ces kav tsij tso Hmoob tej qub kev cai tseg cia li los ntseeg txais yuav Yesxus ua koj tus tswv cawm seej xwb thiaj li yuav tsis lig rau koj. Yog koj xaiv dab
phem teb no ces nyob twj ywm li qhov qub xwb. Koj paub hais tias txij li thaum nkauj Iab nraug Oo nkawd noj lub txiv txhaum ces thaum ntawd
los mus txog niaj hnub nim no lub ntiaj teb no twb zwm rau dab tag lawm
peb yug los puag tom qab no peb yeej tsis paub txog tej xwm ntawd. Tab sis Tswvntuj hlub neeg heev vim Tswvntuj yog tus tsim neeg Tswvntuj xav
kom neeg tus ntsuj plig rog mus cuag Tswvntuj es Tswvntuj thiaj li qhib
ib lub Program los yog ib lub qhov rooj rau neeg nkag mus cuag Tswvntuj
lub qhov rooj ntawd yog YES XUS. Tsis muaj lwm txoj hau kev yuav mus cuag tau Tswvntuj li lawm yog koj tsis mus ntawm YES XUS mus. Koj mus ntawm dab mus los yeej tsis tau li,koj mus ntawm kev muaj nyiaj txiag mus los yeej tsis tau li,koj mus ntawm Hmoob qub kev cai mus los yeej tsis tau li,koj mus ntawm koj poj yawm txwv koob mus los yeej tsis tau li. koj ua ib tug neeg siab dawb siab zoo tsis ua tub sab tub nyiaj tsis deev luag poj luag txiv ua neeg ncaj ncees los yeej mus tsis tau li vim lub ntiaj teb no twb zwm rau dab tag lawm. Kawg Tswvntuj tib lub program xwb thiaj li txais tau koj tus ntsuj plig mus rau ntuj Ceeb Tsheej txoj ntawd Yog YES XUS.

NTSEEG TSWV NTUJ YOG KEV PUB DAWB tsis yog kev ntiav. Koj tsuas txhos caug thov xwb tau lawm.

Hmoob qub kev cai yog kev ntiav. Txawm tias teev kev cai poj yawg los
yeej yog kev ntiav tag nrho. Koj yuav muab tsiaj txhu nyiaj txhiag xyab
ntaw los ntiav teem caij teem nyoog rau koj poj yawm mas lawv thiaj li tso koj tus mob zoo. Yog koj teem caij rau lawv lawm es koj tsis pauj
Koj poj yawm tseem ua koj mob tej zaum yuav ua rau koj xiam oob khab kiag los kuj muaj. Tej no peb ua tib zoo xav tsim nyog peb tu siab lawm.twb hais tias teev dab teev qhua teev yus niam yus txiv no es cas tseem los ua yus mob yus yuav tau ntiav yus thiaj li dim yog li ntawd kwv tij Hmoob aw...nej ua tib zoo xav kom txaus txaus mas yus raug khoo loj kawg nkaus thiab txaus tu siab heev lawm es kav tsij muab Hmoob tej niag qub kev cai tso pov tseg Hmoob teev pes tsawg tiam los lawm yeej tsis pab Hmoob vam meej ib qho qhov twg tuaj li vim Hmoob teev yuam kev lawm. Hmoob tsis teev tus tswv uas tsim lub ntuj lub teb thiab tsim Hmoob txoj sia.Hmoob tej kev teev hawm poj yawm,teev dab qhua yog ib txoj kev lab laam,liam txwv. Abnyuam koj tau nyeem kuv sob lus no lawm
thov koj ua tib zoo xav zoo, koj ntsia ntawm koj lub qhov muag mus seb koj pom ab tsi koj yuav pom lub ntiaj teb no kuj zoo nkauj kawg,pom xyoob ntoo,pom huab cua tuaj ua nplooj laim txias koj pom dej txhawv dej hiav txwv txhua yam no koj puas hais tau tias yog koj poj yawm tsim tau los yog dab tsim tau los yog Tswvntuj tsim. Ua ntej koj yuav txiav txim siab los ntseeg ib txoj kev ntseeg nyob hauv koj lub neej
koj yuav tau mus tshawb fawb kom txhua txhua phab kev ntseeg xws li kev cai poj yawm,kev cai Budda,kev cai Muslim,kev cai Bahai,kev cai Hindu thiab kev cai Yesxus, es koj mam coj los tso ua ke koj mam luj xyuas,xav kom ntxaws ntxaws, seb qhov twg yog qhov tseeb rau koj.

Ntxhuav Mom Xyooj

Npuagtub
Tswv Cuab Hmong Catholique
Tswv Cuab Hmong Catholique

Messages: 1185
Date d'inscription: 2009-08-17
Age: 49
Localisation: Fresno, California, USA.

Re: Hmoob ntseeg Vaj tswv ntuj

Post  Npuagtub on 7th September 2012, 4:13 am

abkim wrote: nyob zoo kuv lub npe ua Abyuam thov txim ntau2 thiab kuv muaj me ntsi lus xav nug nej lo yog peb cov hmoob uas tau hloov lo mus ntseeg vaj tswv ntuj lawm yog vim li ca peb hmoob thiaj li xyaum mus teev hawm thiab ntseeg vaj tswv ntuj li no ca peb ho tsis nrov nqab ntseeg thiab tsawb hnriav peb li nqub kev cia coj noj coj ua lo ya thaum ub?

peb hmoob cov ntseeg vaj tswv pua xa xws li cov ua tsis tau ntseeg vim dab tsi thiab yog ua ca lawm?

Yog tias peb hmoob mus ntseeg vaj tswv tag lawm es ho yua muaj dab tsi tswm sim rau peb mus lawm ya tom ntej thiab?

thaum kawg no kuv tsua xa paub tias peb puas tseem hlub peb hai neeg hmoob lawm yog hlub ua cas hmoob haj tseem muaj qhov sib ntxub thiab sib dag noj hau, cov muaj thiaj li tsis nyiam cov txom nyem xav thov nej cov ua thauj thiab txawj ntse pab qhia rau kuv thiab

ua tsaug

Nyob zoo tus phooj ywg Abkim,

zoo siab koj tuaj txog peb lub tsev ntawv vas sab sib fi txuj xa xov xa moo.
Thov hais rau koj tus ua phooj ywg tias peb hmoob yeej ntseeg vaj tswv ntuj ib yam li lwm yam neeg thiab os nawv, peb hmoob tseem yog cov xub ntseeg thiab paub vaj tswv ntuj zoo dua lwm yam neeg tiam sis qhov tseeb tiag yog vim peb yog ib haiv neeg muaj lub siab muag siab nyias tsis ntseeg qhov tseeb tiam sis nyiam ntseeg qhov cuav, peb hmoob thiaj li rau suav dag ntxias rhuav peb txoj kev ntseeg tej kev cai coj puas tsuaj mus teev tej yam yuam kev rhuav ua tsis muaj paus muaj ntsis lawm. Peb tsis paub 50% ntawm peb hmoob tej kev teev dab qhuas yog raug lwm haiv neeg yuam peb teev xwb, tej yam ntawv tsis yog yam teev tiam kom los pab peb hmoob, tiam sis yog yam teev kom los txo peb hmoob kom peb txhob ciaj tau haiv, ces peb tsis paub peb thiaj pheej teev los txog niaj hnub no hais tias yog hmoob li teej tug kev ntseeg, qhov tseeb yog peb mus teev luag tus dab xyob txhiaj ua kom luag cia hos peb liam, ua kom luag muaj hos peb pluag, ua kom luag cia haiv muaj teb muaj chaw hos peb poob haiv mus nyob puv qhov txhia chaw, ua kom luag nyob cia vaj hos peb tawg mus nyob puv ntuj tas.

Txawm lwm yam neeg los lawv txoj kev teev hawm kev cai yeej zoo ib yam li peb hmoob thiab, tiam sis luag tsis raug lwm haiv neeg yuam, ces luag thiaj li teev muaj quab muaj chaw txawb chaw rau, teev poj yawm txwv koob nws nyob nws ib kem, teev niam teev txiv nws nyob nws ib fab, teev tus vaj tswv tsim lub ntuj lub teb tsim tas ib puas tsav yam nws nyob nws ib qho ces peb thiaj li saib tsis pom luag txoj kev teev zoo li peb txoj, tiam sis thaum chiv ceeb tiag sawv daws yeej tawm ib lub qhov los xwb.

Kev ntseeg ( Religion ) yog ib txoj kev los yog tus yawm sij (key) qhib neeg lub siab kom pom kev, qhib neeg lub tswv yim kom txawj xav txawj sib zam txim, txo hwj chim los sib nyiam sib hlub nrhiav txoj kev zoo coj, paub ntshai tus tswv kav lub ntuj thiab lub ntiaj teb, muaj kev vam txog lub neej yuav tom ntej ntawm sab cev ntaj ntsug thiab sab ntsuj plig. Yog peb hmoob coj tau ib txoj kev caij dab qhuas (religion) zoo ib yam li lwm yam neeg mas peb hmoob yuav muaj kev sib haum xeeb, yuav muaj teb nrog luag nyob muaj chaw nrog luag txoos. Tos peb hmoob tuaj mus nyob puv ntuj los yog tus tswv ntuj xav kom peb hmoob tuaj mus kawm luag txuj kom peb pom tias luag cov muaj teb muaj chaw nyob , yog luag ho coj li cas? Luag tej kev cai dab qhuas luag ho coj thiab teev hawm zoo li cas? Kom peb mus pom thiab kawm kom txhua lub teb chaws saib peb puas yuav txo peb lub siab lim hiam txia ntshav los coj tau peb hmoob ua ib haiv neeg zoo li yav ntuj thaum ub Vaj Tswv tsim hmoob los
.



Photobucket

Mim
Tswv Cuab Hmong Catholique
Tswv Cuab Hmong Catholique

Messages: 1045
Date d'inscription: 2009-10-17

Re: Hmoob ntseeg Vaj tswv ntuj

Post  Mim on 7th September 2012, 8:57 am

abkim wrote: nyob zoo kuv lub npe ua Abyuam thov txim ntau2 thiab kuv muaj me ntsi lus xav nug nej lo yog peb cov hmoob uas tau hloov lo mus ntseeg vaj tswv ntuj lawm yog vim li ca peb hmoob thiaj li xyaum mus teev hawm thiab ntseeg vaj tswv ntuj li no ca peb ho tsis nrov nqab ntseeg thiab tsawb hnriav peb li nqub kev cia coj noj coj ua lo ya thaum ub?

peb hmoob cov ntseeg vaj tswv pua xa xws li cov ua tsis tau ntseeg vim dab tsi thiab yog ua ca lawm?

Yog tias peb hmoob mus ntseeg vaj tswv tag lawm es ho yua muaj dab tsi tswm sim rau peb mus lawm ya tom ntej thiab?

thaum kawg no kuv tsua xa paub tias peb puas tseem hlub peb hai neeg hmoob lawm yog hlub ua cas hmoob haj tseem muaj qhov sib ntxub thiab sib dag noj hau, cov muaj thiaj li tsis nyiam cov txom nyem xav thov nej cov ua thauj thiab txawj ntse pab qhia rau kuv thiab

ua tsaug

Nyob zoo Abkim,

Zoo siab pom koj tuaj xyuas peb. Yog koj tuaj tau no los ho nquag tuaj thiab es koj thiaj yuav to taub zuj zus txog txoj kev ntseeg Tswv Ntuj.

Koj tau tuaj nug ib cov lus tseem ceeb kawg. Pom tau tias koj hlub Hmoob heev, koj thiaj muaj tej lo lus nug txog li ntawd.

Yog thaum peb tsis tau paub Tswv Ntuj ces xav li koj hais ces yog txawj xav kawg li: Ua cas yus thiaj tsis txhawb yus haiv neeg? Ua cas yus thiaj tsis saib yus tej kev lis kev cai muaj nqes, es ho mus coj luag lwm tus li kev lis kev cai?
Kuv yuav teb koj ob peb los raws li kuv paub thiab to taub. Txoj kev ntseeg ntuj mas nws tsis zoo li peb Hmoob txoj kev teev dab teev qhua. Txawm peb twb yog ib haiv Hmoob los ib xeem Hmoob nyias tseem muaj nyias dab nyias qhua, vim yog peb teev peb poj koob yawm txwv, ces nyias muaj nyias poj koob yawm txwv.

Thaum peb los paub Tswv Ntuj lawm mas peb tsis saib hais tias Tswv Ntuj yog luag lwm haiv neeg tus dab los tus qhua, peb saib hais tias Tswv Ntuj yog txhua haiv neeg tus Tswv Ntuj. Nws tsis yog ib haiv neeg twg tus poj koob yawm txwv, tiam sis nws yog tus uas tau tsim lub ntuj lub teb tsim txhua tsav txhua yam thiab tsim tib neeg los ua neeg ces thiaj muaj peb. Yog li ntawd mas peb teev Tswv Ntuj vim nws yog tus tswv ntawm peb txoj sia, nws yog txhua leej txhua tus tus Tswv Ntuj. Thaum peb paub Tswv Ntuj mas yog peb mus nrhiav tau peb tus tseem tseem Tswv tiag. Yog li ntawd ces peb thiaj zoo siab hlo mus ntseeg Tswv Ntuj thiab teev Tswv Ntuj.

Thaum peb los ntseeg Tswv ntuj lawm mas peb txoj kev hwm poj koob yawm txwv yeej tseem muaj, tiam sis peb tsis teev tiam lawv li qub lawm xwb. Peb tsis yuav tua tsiaj tua txhua los txi rau lawv lawm. Nyob hauv txoj kev ntseeg Ntuj mas tsuas teev Tswv Ntuj ib leeg xwb, vim nws thiaj yog peb tus tseem Tswv. Peb hlub peb tej poj yawm, peb niam peb txiv los peb tej txhwwb twj ze ces peb ua kev thov ntuj pab rau lawv, kom Tswv Ntuj hlub lawv zam txim txhaum rau lawv thiab qhov tseem ceeb kom nws coj lawv mus nrog nws nyob xwb.

Thiab koj txhawj hais tias yuav muaj dab tsi tshwm rau peb Hmoob yav tom ntej no. Ntawm kuv xav mas yog muaj txoj hmoo es peb Hmoob los ntseeg Ntuj tas nrho mas haj yam yuav zoo xwb. Peb yeej tseem yuav ciaj tau ua Hmoob, thiab yog sawv daws coj zoo raws Tswv Ntuj txoj kev cai tiag mas peb haj yam yuav txawj sib pab sib hlub tshaj niaj hnub no los yav thaud.

Txoj kev ntseeg Ntuj lub ntsiab yog qhia kom peb ua neej npaj siab rawv rau yav tom ntej uas dhau lub neej nyob ntiaj teb no lawm. Peb txhua tus yug los ua neej mas ua neej luv luv xw, tsis muaj ib tug twg uas yuav ua neej ntev tshaj 120 los 130 xyoo li, tiam sis lub neej tom ntej mas yuav nyob mus li tas ib txhiab ib txhis. Peb tsis ntseeg txog kev yuav los thawj dua thiab ua dua neeg lawm. Yog li txoj kev ntseeg Ntuj yog ib txoj kev xyaum ua neej zoo ncaj ncees dawb huv raws li Tswv Ntuj, kom hnub kawg ces yus thiaj tau mus cuag Tswv Ntuj xwb. Tiam sis Tswv Ntuj tsis yog nyob rau ntuj txias teb tsaus, Tswv ntuj nyob saum lub ntuj uas muaj kev kaj lug kev tau zoo kev zoo siab tas mus ib txhis. Qhov ntawd yog qhov uas peb ntshaw thiab xav tau. Qhov zoo ntawd tsis yog cia li ntseeg xwb ces txawm tau, peb yuav tau siv zog coj zoo ua zoo thiaj yuav tau.

Kuv teb yooj yooj yim li no xwb, yog muaj dab tsi no los ho nug dua.

Maiv Paj Lug
Tswv Cuab Hmong Catholique
Tswv Cuab Hmong Catholique

Messages: 1654
Date d'inscription: 2009-08-18

Re: Hmoob ntseeg Vaj tswv ntuj

Post  Maiv Paj Lug on 8th September 2012, 5:40 am

Nyob zoo tus me Phoojywg Abkim los Abnyuam,

Lawv cov tij twb los teb koj txhij teb koj txhua lawm, ntawm kuv tus hluas ho yuav los teb koj li kuv paub thiab ntseeg. Zoo siab heev tseem muaj tus txhawj thiab hlub Hmoob tuaj nrog peb koom siab sau ntawv, peb txhua tus zoo siab ntsib koj mog.


abkim wrote: nyob zoo kuv lub npe ua Abyuam thov txim ntau2 thiab kuv muaj me ntsi lus xav nug nej lo yog peb cov hmoob uas tau hloov lo mus ntseeg vaj tswv ntuj lawm yog vim li ca peb hmoob thiaj li xyaum mus teev hawm thiab ntseeg vaj tswv ntuj li no ca peb ho tsis nrov nqab ntseeg thiab tsawb hnriav peb li nqub kev cia coj noj coj ua lo ya thaum ub?


Tsis yog peb Hmoob nyob nyob cia li xyaum mus ntseeg Tswv Ntuj, vim yog muaj Tswv Ntuj tshoj neeg pej kum lub siab tuaj kom txog peb Hmoob nyob puag pem toj roob hauv pes uas tsis tau paub Tswv Ntuj.

Peb Hmoob yeej ntseeg Tswv Ntuj puag thaum poj koob yawm txwv uas Yesxus tsis tau yug los lawm, tiam sis peb tsis paub tias Tswv Ntuj Leej Tub nqis los ntiaj teb kom cawm tau peb txoj sia nyob mus li sab ntuj hauv nruab yeeb.

Peb tsis paub tuav txog Tswv Ntuj Leej Tub lub npe , yog li no Tswv Ntuj thiaj li tau tshoj neeg pej kum tuaj deb deb tuaj poob rau peb Hmoob zej peb Hmoob zos, muab tag nrho lawv lub neej los ua Hmoob kwv Hmoob tij , ua siab ntev tshaj Yesxus lub moo zoo, li no diam, peb Hmoob twb tseem tsis tau ntseeg tias Yesxus yog Tswv Ntuj Leej Tub.

Dhau ntau xyoo los peb Hmoob thiaj mam pib ntseeg Yesxus, peb Hmoob lub siab kaj tuaj, kev pauj dab pauj qhua tsawg zuj zus, kev txhaum dab thaum qhua tsis ntshai, txoj kev tso siab rau Yesxus pauv tau tag nrho txoj kev nsthai tsam phiv dab phiv qhua es tau pauj dab rov qab.

Thaum Ntseeg Yesxus lawm , kev nyuaj siab hloov los ua kev cia siab, kev tsaus ntuj hloov los ua qhov pom kev, li no peb thiaj li txiav txim siab tias ciaj thiab tuag yuav xais txoj kev kaj siab lug ntawm Yesxus taug.

Yesxus tau hais rau cov thwj tim tias, thaum Yesxus tsis tau yug los mas thiaj siv poj koob yawm txwv txoj cai, nim no Yesxus twb yug los, Yesxus yog lub qhov rooj thiab txoj sia mus li, thiaj li muaj kev tshwm ntau yam los qhia tias Yesxus yog Tswv Ntuj Leej Tub, yog peb tsis taug ntawm Yesxus peb yuav tsis tau mus cuag Leej Txiv uas yog tus tsim lub ntuj lub teb.

Thaum peb Hmoob paub Tswv Ntuj Leej Tub lawm , peb thiaj tsis tig rov qab mus nrhiav txoj qub kev cai li Yesxus hais rau cov thwj tim lawm mog. Peb yuav txoj tshiab uas yog Yesxus Pleev qhia , Yesxus yog lub qhov rooj, yog peb tsis nkag ntawm Yesxus peb yuav mus tsis txog tus tsim peb.


abkim wrote:

peb hmoob cov ntseeg vaj tswv pua xa xws li cov ua tsis tau ntseeg vim dab tsi thiab yog ua ca lawm?

Peb Hmoob cov ntseeg tsis xav xws li cov tsis tau ntseeg, vim hais tias thaum peb tsis tau ntseeg peb saib Yesxus yog ib tug neeg dog dig, peb lub siab tseem coj li cov neeg txheej thaud uas muab Yesxus ntiab tawm hauv Yes Lus Xas Les, peb ntxub Yesxus li cov Fab Kis Xais, tiam sis thaum peb ntseeg lawm, peb hwm, peb qhuas, peb hawm, peb cia siab, peb tos, peb hlub, peb zoo siab, peb tuaj yeem, thiab peb mloog tau Leej Tswv yim Ntshiab nyob nrog nraim peb hauv txhua lub sij hawm, ua rau peb tuaj zog, tiv tau dab phem kev haub kev ntxias yog peb poob rau kev txhaum los peb muaj kev cia siab daws txhaum tau ntawm Txiv Plig yog Yesxus cov tub txib, Yesxus zam rau peb.

Peb lub siaj kaj lug.


abkim wrote:

Yog tias peb hmoob mus ntseeg vaj tswv tag lawm es ho yua muaj dab tsi tswm sim rau peb mus lawm ya tom ntej thiab?


Yuav tsis hloov peb Hmoob txoj kev hlub li qub.

abkim wrote:
thaum kawg no kuv tsua xa paub tias peb puas tseem hlub peb hai neeg hmoob lawm yog hlub ua cas hmoob haj tseem muaj qhov sib ntxub thiab sib dag noj hau, cov muaj thiaj li tsis nyiam cov txom nyem xav thov nej cov ua thauj thiab txawj ntse pab qhia rau kuv thiab

ua tsaug


Lwm pab lwm pawg ntseeg Vaj Tswv Ntuj ncau ntawm lub koos txoos Kas Tos Liv mus feem ntau yeej yog siv kev ntseeg Yesxus mus ntxias ua dua ib haiv coob coob mus sau ua tsheej pab tsheej pawg , nyias khav nyias pab yog pab zoo thiab pab ntseeg muaj nqis dua, ces sib tawm tsam tsis txawj tag. Haj tseem rov los thuam lub Koos txoos niam uas yog lub hauv paus Koos txoos Catholique.

Cov ntseeg ncau ntawm Koos Txoos Kas Tos Liv mus ua pab ua pawg yuav tsum tau siv kev ntxias kom muaj pej xeem, li no leej twg poob rau hauv cov ntseeg ntxias lawm mas yuav tawm tsis yooj yim, thaum raug cov koos txoos ncau ntxias lawm, yuav tsum tau muaj nyiaj mus txhawb lawv thiaj nyiam.

Ntawm Catholique tsis zoo li ntawv, Leej twg xav ntseeg mus cuag Txiv Plig, Tsev Teev Ntuj qhov rooj qhib dav li dav, leej twg xav tawm thaum twg qhov rooj yeej qhib dav li dav rau nws tawm.

Tus nplua nuj tsis nyiam tus txom nyeem, tsis hais cov ntseeg Vaj Tswv Ntuj thiab cov tsis ntseeg los yeej muaj cov phem cov zoo, tsis yog yus mus ntseeg lawm ces yuav zoo zoo tas tus, tsis yog tias yus tsis tau mus ntseeg nim yuav zoo zoo thiab. Qhov no nyob ntawm tus neeg yug los siab dawb siab zoo.

Nyob hauv Catholique peb tsis yog saib tus neeg nplua nuj ntawm nyiaj txiag muaj nqis tiam sis peb saib tus neeg nplua nuj hauv nws lub siab txoj kev dawb huv " SAINT " muaj nqis, txawm yuav yog ib tug kwv tij txom txom nyeem nyob rau Los Tsuas , nyab laj teb, thaib teb, fab kis teb, meskas teb, suav teb ect... los tsuav nws nplua nuj ntawm Tswv Ntuj lub txiaj ntsim, muaj Leej Ntuj Plig nrog nws nyob lawm ces nws yog ib tug neeg plua nuj tshaj txhua tus uas muaj nyiaj muaj kub.








<3 <3 Pab kuv rov los cuag koj Huab Tais Yesxus <3 <3
  • Post new topic

Current date/time is 27th November 2014, 8:30 pm