Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Thuam txoj kev ntseeg thiab thuam Tswv Ntuj

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Thuam txoj kev ntseeg thiab thuam Tswv Ntuj

    Post  Maiv Paj Lug on 26th November 2010, 10:28 am



    Kuv ntsib ib tug pojniam Hmoob, nws hais rau kuv tias, tej niag kev ntseeg ntuj yog dag xwb, nws txawm ntxuav plig tas los nws yeej tsis ntseeg, tsuas yog nws niam nws txiv muab nws ntxuav plig thaum yau ces nws lam tuaj koom tej laus kev noj haus kom lawv zoo siab xwb, yog teev ntuj thaum twg nws yeej tsis kam mus txais Yesxus lub cev , vim tej ntawv yog dag xwb. Neeg nim mus teev ntuj txhua hnub chiv, nws li nws yeej tsis mus thiab nws tsis ntseeg tias muaj tseeb, tsuas yog neeg lub tswv yim xwb. Nws tsuas ntseeg tau nws tus kheej, nws tus txiv thiab nws cov me nyuam xwb no. Nws hais khav theeb ntxhias rau kuv tias nws yeej yog ib tug neeg thuam cov neeg ntseeg, vim nws tsis pom yam peb ntseeg muaj tseeb. Kuv hais txog Huab Tais Yesxus pub txiaj ntsim rau kuv tau ntsib Huab Tais Yesxus hauv kuv lub siab, mas nws tseem ua qhov muag hle hlo rau kuv. Nws thuam kuv, thiab nws luag nrov kawg. Nws khav heev, nws ua rau kuv nyo hau twj ywm thiab kuv tsis hais lus ntau nrog nws, kuv tsuas muaj qhuas nws tias tsuav nws kaj siab lug xwb, mas nws tseem haj yam muaj phlus. Tus pojniam no, nws kuj yog neeg zoo nkauj cev yiag ntxiag, nws tus txiv yog neeg muaj neej mom, nkawv puav leej yog neeg txawj ntse. Tiam sis thaum nws hais nws tej lus ntawv rau kuv tas ,ces kuv cia li pom nws tsis muaj nqis , txawm zoo nkauj thiab ntse npaum twg los cas ua rau kuv yuav khuv leej nws thiab kuv lub kua muag yuav poob, vim kuv thov ntuj tsis tseg rau nws. Twb tau ob vas thiv no lawm los kuv tseem nco ntsoov thov ntuj rau tus pojniam ntawv. Tej zaum kuv yuav tsis ntse npaum tus pojniam ntawv, kuv yuav tsis zoo nkauj npaum tus pojniam ntawv, kuv yuav tsis muaj neej mom npaum tus pojniam ntawv, tiam sis kuv qhov zoo tshaj ntawm tus pojniam ntawv yog kuv tsis thuam Tswv Ntuj, kuv tsis khav theeb, thiab kuv txo kuv me me ntawm tus pojniam ntawv xub ntiag, kuv tsis cam thawj rau nws. Qhov no kuv tau txo kuv qis kawg nkaus ntawm nws kom nws siab nqig, nws muaj feem thuam thiab luag kuv vim txoj kev ntseeg. Tus pojniam ntawv saib kuv saum daiv tawv, tab sis kuv saib nws hauv kuv nruab plawv. Saib saum daim tawv, kuv yuav zoo nkauj thiab ntse tsis npaum nws, tiam sis saib hauv nruab plawv kuv dawb huv thiab kuv tsis muaj txhaum vim kuv tsis thuam tsis nyhos nws li nws nhyos kuv. Qhov no ua rau kuv zoo siab twj ywm tias kuv yeej nws , wb rov sib ntsib chim puav, kuv tsa muag saib taus nws, tiam sis nws dauv muag tsis kam saib kuv kiag li.


    Kuv cov lus zoo hnub no kuv tsis tau hais rau tus pojniam ntawv, vim kuv zam rau nws, vim kuv tsis xav kom nws thuam Tswv Ntuj yog:

    Cov neeg tsis muaj kev ntseeg, nej khav tau thaum nej noj qab nyob zoo, thaum nej muaj nyiaj muaj txiaj, thaum nej txawj ntse xwb, tiam sis thaum nej yuav tuag, nej yuav tsis muaj cuab kav khav tias nej yuav ciaj rov los. Nej lub siab muaj hlob, nej tsis muaj kev ntseeg tob, nej kev txawj ntse ua rau nej twv tus Tswv tsim nej, nej tsuas paub txij nej qhov muag pom xwb, nej yuav tsis paub txog yam nej qhov muag tsis pom. Nej zoo siab hnub no, vim nej tsuj tau luag rau hauv nej xib taws thuam tau luag thaum nej tseem muaj txoj sia, tiam sis hnub nej yuav tuag nej yuav sawv tsis taus los qhuas nej tus kheej thiab nej lub suab quaj suab ntshaj yuav los plooj nej lub suab luag. Tswv Ntuj yuav tsis lees paub nej tib yam li nej tsis lees paub Tswv Ntuj. Nej tsuas xav txog nej lub neej muaj daim tawv xwb, nej puas tau xav txog nej lub neej tsis muaj daim tawv? Nej ua zoo xav nawb, nej xav tias lub neej no nej zoo sthaj Tswv Ntuj lawm, tiam sis hnub nej tuag nej puas tseem khav tau tias nej loj tshaj Tswv Ntuj thiab? Nej txoj kev ntseeg tsawg thiab cuav hnub no yuav muab nej muag rau dab ntxwj nyoog, nej puas yeem muab nej txhais tes rau saum hluav taws li 1 nas this? yog nej tsis yeem ces thaum dab ntxwj nyoog coj nej mus ces tsis yog yuav muab nej txais tes hlawv 1 nas this saum hluav taws xwb, tiam sis yog yuav muab nej lub cev puag hauv kaw taw nto saum tob hlawv txhiab mus ib txhiab ib txhis tsis muaj hnub kawg. Yog nej yeem li no ces nej thuam Tswv Ntuj thiab nej luag nej mas mog. Cov neeg ntseeg cuav thiab khav txhias thuam luag diam uas muaj ib hnub nej mam paub ces yuav lig dhau lawm. Kheev lam txawm nej tsis muaj kev ntseeg, nej khav theeb ,nej thuam Ntuj, tiam sis nej lam paub txo nej kom qis mad Tswv Ntuj kuj yuav txawj txhawb nej me me thiab mad. Kuv nsthai tsam nej tsis paub txo nej me me li ces Tswv Ntuj txawm txhawb thiab pub txiaj ntsim npaum twg los nej txoj kev muaj hlob kev khav theeb thaiv nej siab ntsws nej qhov muag tag lawm ces nej yeej tsis txais tau Tswv Ntuj lub txiaj ntsim ib qho li lau. Zoo li no xwb tseem muaj phlus khav tias Ntuj Tsis muaj tseeb vim nej qhov muag tsis pom kiag. Yog nej lub siab ntsws zoo li no xwb ces txawm ntuj pub los nej yuav tsis muaj hnub pom mog.




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thuam txoj kev ntseeg thiab thuam Tswv Ntuj

    Post  Maiv Tooj on 26th November 2010, 9:36 pm


    Hwm Tswv Ntuj lub npe


    Nyob hauv Tswv Ntuj 10 LO LUS QHIA RAU MAIS XES:

    Thaum Haiv neeg His Xas Lais rov Hais Nkws Tos teb los nyob rau teb chaws Suab Puam. Tswv Ntuj tau pab cawm lawv dim ntawm txoj kev txom nyem, ciaj cev qhev thiab quab yuam, cia lawv hla hiav txwv ko taw nqhuab, lawv los tau zoo nyob, tau zoo noj tsis ua teb los Ntuj tso mov poob saum ntuj los rau lawv noj, tsis raug quab yuam, tsis ciaj cev qhev ces lawv pib hais lus phem rau Tswv Ntuj, pib mom Tswv Ntuj txheej, pib thuam Tswv Ntuj vim yus tus kheej tau zoo lawm. Lawv tsis nco qab tej txiaj ntsim uas Tswv Ntuj tau pab lawv, cawm lawv dim ntawm cov peeb Hais Nkws Tos caum lawv, puav lawv ntes, lawv khiav cuag li dav muab qaib rau txhua lub tsev, txhua tug kwj tse...
    Tib pliag twb tsis tau dhau ib tiam neej, cov neeg raug kev txom nyem quab yuam twb tuag tsis tau tag, tseem nyob ntsais muag pliav, txawm siv mom Tswv Ntuj txheej lawm. Ib yam nkaus li peb cov Hmoob lub zwj ceeb no ntag (2010), xyoo 1975, 3 lub teb chaws Es Xias Toob Fab qab teb LOs Tsuas teb, Cob Tsib teb thiab Khab Meem teb, raug poob rau Koom Tshas tes. Muaj kev txhau, muaj kev txov, cheb pem xeem (ntes neeg, tua neeg, txov neeg). Ua rau laj mej pej xeem khiav tawg ua sab ua sua, los mus rau Thaib teb, cov nyob deb ciam teb thaib thiaj khiav mus nyob hav zoo tawm tsam Tseem Hwv Nplog, tiv thaiv lawv txoj sia, raug tseem hwv Nplog tua, tso tshuaj lom, yoo tshaib yoo nqhis, luag tshaib, muaj mob tuag ua sab ua sua tsis muaj tus los rau dev npua noj. Cov khiav los mus rau Thaib sab, pheej txoj hmoo, muab siab ciaj pauv siav tuag tsoo tuaj mus, neej los fiv, dab los fiv, Ntuj los thov tuaj mus; kom dhau rau lub neej tshiab cawm txoj sia. Tus muaj hmoo kuj tuaj dhau yam tsis ntsib xwm txheej, cov tsis muaj hmoo lawv raug xwm txheej nyhav yas kev yas ncua, tus muab me nyuam lom tuag los muaj, tus muab yeeb rau me nyuam noj kom txhob quaj taug kev los muaj, cia li muab xwb tsis paub ntsuas ces coj tau tej me nyuam dhau tuaj los ua rau tus me nyuam lub paj hlwb puas tag, cia li dim txoj sia xwb tej me nyuam cia li ua me nyuam RUAM li lawm. Tsis tag li ntawd thaum taug kev tuaj, tsis hais ib tse neeg, niam txiv los me tub me nyuam, thaum txom nyem tshaj qhov txom nyem lawm, zoo li nyias taus nyias phav nyias siav xwb, tsis muaj txoj kev sib hlub pes tsawg. Leej twg mus taus ces mus, leej twg muag luav mus tsis taus ces tso kiag tseg rau hav zoov hav tsuag xwb. Yuav ciaj yuav tuag, tsov hma yuav noj yuav dua los tsi xav txog li lawm. Dhau ntawm qhov teeb meem khiav tsov rog, peeb zeej Nplog teb dhau tuaj mus, tseem tuaj ntsib cov neeg phem, neeg tub sab huab noj huab haus tog kev. Tus muaj hmoo ces luag lws nyiaj txiag toob xib tag, luag muab tso mus, cov muaj hmoo me me, luag lws tej khoom tag, luag tseem muab tej ntxhais thiab poj niam ua dev ua npua liam ntsuav tag mam tso mus ( Los txog Thaib teb, tej txiv txawj xav ces thaum ntawd, txawm yog tus txiv kiag nyob ntawd los yeej tsis muaj peev xwm yuav cev tau tus ntiv tes rwg qab los pab, tab sis thaum Thaib ho yuam tag tso lawv dim los rau kev thaj yeeb lawm ces tej txiv ho nrhiav kev xus siab, ciav cais, tso tus niam tseg vim raug luag quab yuam uas nws tus kheej thiab cov neeg ntsia ntsoo tsis muaj lub peev xwm yuav pab tau nws). Cov tsis muaj txoj hmoo rau tub sab muab lws tag, muab tua rau yas kev yas ncua, muab nchuav rau hauv Niam dej Naj Khoos. Dim tus puav me nyuam tsis tuag, tej mab tej suav mus nrhiav noj, mam mus ntsib ho coj los tu, muaj Hmoob mus pom ho txhiv los tu. Tus muaj hmoo kuj rov nrhiav tau niam tau txiv, tau tej txheeb ze. Tus tsis muaj hmoo ces cia li mus ua mab ua suav yam tsis paub twog nws keeb kwm, vim nws me dhau ces tsis paub taug caj taug ces.

    Tej kev txom nyem nov pom kiag ntawm qhov muag, phaum neeg uas pom ntsoov tej xwm txheej no twb tsis tau tuag, twb tssi tau dhau ib tiam neej, nyuam qhuav tuaj tau noj qab haus tsau, nyob zoo vaj pa zoo chaw tau ib nrab tiam neej xwb txawm sib MOM TSWV NTUJ TXHEEJ. Txawm siv khav yus ntse thiab loj heev lawm, vim yus muaj noj tau npo, muaj hnav tsis tag...

    Tu siab kawg, yam uas yus twb tsis paub tias Dab Phem tab tom nkag rau yus, siv yus, tsav yus yam yus twb tssi paub txog qhov txhaum loj uas yus tab tom ua. Yog thaum yus twb yog ib tug neeg ncaj ncees, zoo txaus lawm, yus tsis muaj kev txhoj txhaum mas yus yuav txuag yus lub ncauj kom txhob ua ncauj hlob es yus tsis tau ua txhaum ntawm yus lub cev los ho txhob ua txhaum ntawm yus lub siab thiab yus cov lus. Tsam ces yus txoj kev zoo ho cawm tsis tau yus ntawm yus txoj kev NCAUJ LOJ HAIS LUS THUAM NTUJ mas yuav tu siab heev.






    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Thuam txoj kev ntseeg thiab thuam Tswv Ntuj

    Post  Maiv Paj Lug on 26th November 2010, 9:57 pm

    Maiv Tooj......wow zoo siab rau cov lus koj tuaj tso hauv no, kuv twb tsis nco qab txog li koj hais saum toj no lawm. Muaj xav los yeej yog kiag li koj hais lawm. Tswv Ntuj coj peb kev tawg kom khiav dim hauv suav teb los mus, Tswv Ntuj tseem pub cov muaj hmoo los nyob teb chaws vam meej txog niaj hnub no lawm thiab, txheej dhau txheej, tiam dhau tiam, ib txhia laus tsis tau dua toj ua muaj tej kev ntxhov siab no nyob rawv hauv lawv nruab siab , lawv thiaj niaj hnub mus hawm ua ntuj tsaug, los cov txheej nim no txawm siv khav theeb thuam Tswv Ntuj lawm. Nyuam qhuav tau kawm ntaub kawm ntawv txawj ntse mus nrog luag sib tw khwv kom tau nyiaj xws luag xwb teb luag chaw xwb los txawm siv khav cuag li lawv ntse heev, tsis tos tsis vam txog Tswv Ntuj. Hmoob aw! puas tau muaj cov uas txawj ntse , muaj nyiaj muaj txiaj uas mus tsim tau tej lub tsev loj faj cev tes hlub peb haiv Hmoob cov me nyuam txom nyeem nyob los tsuas ? Nej puas tau txawj ntse txaus mus tiv thaiv tej tub tej ntxhais kom txhob raug cov niag yawg thaub laus mus ntxias lawv lub cev siv? yog txawj ntse thiab hlub tau txhua tus kom sib hwm ces cov hluas yuav tsis yuav cov niag thaub laus laus lawm. Peb twb kho tsis tau peb Hmoob lub neej kom sib hwm li es txawm siv thuam Tswv Ntuj. Thov kom Huab Tais Yesxus hnov peb txhua tus me nyuam neeg me me no lub suab hu suab thov los pab rau cov neeg txawj ntse kom lawv peb tau cawm tau peb haiv Hmoob lub koob npe, thiab kom lawv tig los hwm Tswv Ntuj.




    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Thuam txoj kev ntseeg thiab thuam Tswv Ntuj

    Post  Maiv Tooj on 26th November 2010, 10:17 pm



    1- Koj yuav teev Huab Tais Ntuj ib leeg xwb.
    Thiab koj yuav nyiam Huab Tais Ntuj tshaj puas tsav yam.

    2-Koj yuav hwm Huab Tais Ntuj lub npe.

    3- Koj yuav caiv Huab Tais Ntuj Hnub.

    4- Koj yuav hwm koj niam koj txi.

    5- Koj tsis txhob tua neeg.

    6- Koj tsis txhob ze luag poj luag sev.

    7- Koj tsis txhob ua tub sab tub nyiag.

    8- Koj tsis txhob dag rau luag tej.

    9- Koj tsis txhob tso koj lub siab ntshaw zes luag poj luag sev.

    10- Koj tsis txhob tso koj lub siab ntshaw ua tub sab tub nyiag.




    Thov caw nej nyeem Ntawv Faj Lem txog " Kev Tsiv", nws zoo nkaus li Peb Hmoob lub neej tawg rog zaum no (1975) ntag.
    Tus kab mob uas tau noj cov His Xas Lais lub siab thaum lawv tsiv los nyob teb chaws Suab Puam tau ntau caum txhiab xyoo no kuj tseem tsis tau tuag, tseem los noj Peb Hmoob lub siab tib yam nkaus thiab. Nej nyeem mas tu siab kawg, txaus los kua muag...


    Nias nov mus nyeem ====> http://www.hmongrpa.org/pdf/?pdf=KevTsiv.pdf




    Sponsored content

    Re: Thuam txoj kev ntseeg thiab thuam Tswv Ntuj

    Post  Sponsored content Today at 3:12 pm


      Current date/time is 10th December 2016, 3:12 pm