Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


    Niam Mab Liab tshwm sim nyob Pellevoisin 1876, Fab Kis teb.

    Share
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Tue 7 Feb - 20:16


    Estelle Faguette, 1876


    Estelle Faguette yug hnub tim 12 lub 9 hlis 1843, nyob lub zos St. Memmie ze Châlon-sur-Marne thiab txais lub Cim Ntxuav hnub tim 17 tib lub hlis ntawd (Ntxuag Plig thaum muaj 5 hnub).

    Estelle Faguette lawv yog ib tse neeg nplua nuj, muaj lub tsev rau qhua tuaj so, poob rau txoj kev txom nyem, vim nws txiv muaj mob. Thaum Estelle muaj 14 xyoo, lawv tsiv mus nyob Tuam Ceeb Paris. Nws niam thiab nws txiv mus ua zog zov lawv ib lub tsev so los lawv tseem txom nyem heev kawg nkaus. Nws kawm kev ntseeg tau 12 xyoo nkaus ntawm cov Leej Phauj Providence. Thaum nws hnub nyug 14 xyoos, nws mus kawm Ntxhua khaub ncaws. Estelle yog ib tug neeg siab dawb, nyiam pab luag, nws nyiam pab cov Leej Phauj Saint Vincent de Paul. Nws mus ua hauj lwm rau Tsev neeg Rochefoucauld, thiab nrog lawv tsiv mus nyob rau nram Berry, lub zos Pellevoisin hauv lub vaj loog Montbel, xyoo 1875.

    Thaum nws muaj 32 xyoos ces nws tus mob nyhav zuj zus, nws twb nkees nkees lawm los nws tseem hnov tias nws muaj ib tug mob phem phem ntshe nws tus mob yuav coj nws mus...

    Ob peb hnub tom qab, nws thiaj li sau ib tsab ntawv rau Nkauj Tsim Txiaj Mab Liab, muab rau nws tus Xib Hwb nqa mus tso rau nram ib lub qhov dej uas lawv ua li lub qhov dej nram Lourdes.

    Nws tsab ntawv sau li no:

    "Nyob hauv kuv txoj kev txom nyem, kuv hais rau koj tias:

    "Kuv tus Huab Tais Tswv Ntuj,
    Ua kom kuv cov txhaum daws,
    yeej meem ua kom kuv txom nyem. [...]
    Muab lub zog rau kuv,
    ua kom kuv siab ntev thiab kom kuv ua raws li koj siab nyiam.
    Yog kuv tseem yws yuam kev ib los thiab no thov muab xav tias yog kuv ib los lus thov Koj.
    Tshuav hnub puav ntxiv thiab ces ntshe kuv yuav tsis muaj zog teev Koj ntxiv lawm,
    Tiam sis kuv twb Txi Ntuj tag lawm, kuv yuav tsis thov dab tsi ntxiv."



    Thaum lub hauv xyoo 1876, hauv lub zos Pellevoisin, hauv lub Xeev Indre. tus ntxhais hluas nkauj Estelle Faguette, hnub nyug 33 xyoos mob ua nruj nriaj yuav tuag. Nws mob ntsws qhuav thiab tseem mob cancer rau nws cov plab hnyuv tib si. Hnub Tim 10 lub 2hlis 1876, tus Kws Tshuaj Dr Bernard de Buzençais hais tias nws tsuas nyob ob peb teev lawm xwb. Ces hmo 14 rau 15 lub 2 hlis 1876, Niam Mab Liab tshwm rau nws pom xyeem. Ces rov tshwm ntau zaud tom qab ntxiv.



    Mam tuaj tham dua ntxiv.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Wed 8 Feb - 19:05



    Estelle faguette sau tsab ntawv rau Nkauj Tsim Txiaj Mab Liab

    thaum lub 9 hlis xiab 1875.



    Kuv leej niam zoo, kuv rov tuaj pe ntawm koj ko taw dua ntxiv.

    Koj yuav tsis mloog kuv tsis tau. Koj puas nco tias kuv yog koj tus ntxhais uas nyiam koj tas nrho.

    Thov muab koj Leej Tub lub koob meej nto lug los pab kuv lub cev ua mob ntsuav.

    Thov koj ntsia kuv niam, kuv txiv txoj kev txhawj xeeb, koj yeej paub tias nkawd tsuas muaj kuv tib leeg ua nkawd chaw vam khom xwb. Ua li kuv xav ua kom tag kuv txoj hauj lwm uas kuv pib lawd puas tau? Yog koj ua tsis tau kom kuv zoo hlo, vim kuv muaj txhaum ntau los thov koj pab ua kom kuv lub zog loj me ntsis kom kuv muaj cuab kav mus nrhiav tau noj tau haus rau kuv thiab rau kuv niam, kuv txiv. Kuv niam siab zoo, koj sim saib seb, twb laus lawm los tseem yuav tau mus thov khawv thiaj tau mov noj ua tshais ua hmo; kuv tu siab kawg uas niaj hnub xav txog tej ntawd.

    Koj puas nco txog koj txoj kev txom nyem hmo uas Tus Cawm Seej yuav yug los, es koj tau mus khob ib tug qhov rooj zuj zus thov ib qho chaw so!
    Koj puas nco txog thaum koj lub siab mob, thaum muab Yes Xus ntsia saum Ntoo Cuam. Kuv tso siab rau koj, kuv leej ni siab; yog koj kam mas koj Leej Tub yuav kho tau kuv tus mob zoo. Nws paub tias kuv yeej txaus siab hlo yuav los koom siab nrog nws li ntau leej uas nws tau xaiv los, thiab ua kom nws zoo siab, kuv zoo siab muab kuv los txi rau kuv tsev neeg uas lawv vam rawv kuv, ntsia ntsoov kuv ib leeg.

    Thov mloog kuv cov lus thov koj, kuv leej niam siab zoo, thiab hais qhia koj Leej Tub. Kom pub txoj kev noj qab haus huv rau kuv, yog nws kam, tab sis ua li nws nyiam txhob ua li kuv xav.

    Thov nws ua kom kuv nyob cus plaws hauv nws lub xub ntiag xwb ces yeej yog li kuv tau tau cog lus rau kuv niathiab txiv lawm. Kuv muab kuv lub siab rau koj os kuv leej niam siab zoo, cia nyob nws ntawm koj es yog kuv muab kuv txoj kev hlub rau koj ua ib leej niam siab zoo.


    Kuv leej niam siab zoo, kuv cog lus rau koj tias kuv mam li uas li koj tau hais kom kuv tshaj koj Leej Tub lub koob meej.

    Koj pab tsom kwm kuv tus ntxhais kwv, thov koj txhob pub nws mus xyaum tsis zoo.

    Nkauj Ntshiab, kuv xav xyaum li koj, ua neeg mloog lus kom ib hnub twg kuv tau nrog koj Leej Tub nyob mus li tsis muaj caij kawg.





    Last edited by Maiv Tooj on Mon 27 Feb - 17:41; edited 4 times in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Mon 13 Feb - 4:58


    Nkauj Ntshiab Mab Liab tshwm rau Estelle Faguette.



    THAWJ ZAUG:

    Hmo Monday 14 rau Tuesday 15 lub 2 hlis 1876,

    Hmo ntawd, kuv tsaug zog looj hlias: Tib pliag ntshis cas pom dab phem nyob ntawm kuv taw txaj. Wow...! Cas kuv ntshai ua luaj li, tib tug phem phem; nws ntxi ncauj ntxi muag rau kuv. Niag dab nyuam qhuav tshwm tib pliag xwb cas pom Niam Mab Liab txawm siv tshwm nyob ntawm kaum txaj. Nws muaj ib txoj phuam xov pwm cib dawb dawb ua peb tug nre saum taub hau. Kuv tsis paub yuav hais li cas, nws zoo nkauj heev.
    Niag dab pom Niam Mab Liab ces nws cia li thaub qab.
    Niam Mab Liab hais nthe nqho tias:

    "Koj ua dab tsi no? Koj tsis pom tias nws hnav kuv cev khaub ncaws thiab kuv Leej Tub cev lov?"
    Ces niag dab phem cia li thaub thaub qab ploj ntais lawm.

    Ces Niam Mab Liab tig los ntawm kuv thiab maj mam hais tias:

    "Txhob ntshai mog, koj yeej paub tseeb tias koj yog kuv tus me ntxhais".
    "Siab loj mog, ua siab ntev; kuv Leej Tub yuav cia nws raug txom nyem. Koj yuav mob 5 hnub ntxiv, los taj kuv Leej Tub 5 lub qhov txhab. Hnub Saturday, yog tuag ces koj yuav tuag, yog zoo ces koj yuav zoo kiag. Yog kuv Leej Tub pub txoj sia rau koj, kuv xav kom koj tshaj kuv lub koob meej".

    Kuv pom ib daim phiaj zeb dawb kem nws thiab kuv, kuv paub tias yog cov lus ua tsaug uas kuv tau thov nws. Kuv txawm nug Nws tias: Kuv Leej Niam siab zoo, es yuav muab tso rau qhov twg, tso rau lub tsev teev Ntuj Notre-Dame des Victoires pem Paris los tso rau Pellevoi… ? Nws tsis tos kuv hais tag, nws cia li txiav kuv lus tias:
    « Notre-Dame des Victoires Paris, dab tsis los muaj txhua lawm, nyob Pellevoisin lawv twb tsis muaj dab tsi li. Lawv xav kom muaj yam puav". Ces nws cia li sawv tij ywm tsis hais lus ib pliag.

    Ces kuv thiaj li cog lus rau Niam Mab Liab tias kuv mam tshaj nws lub koob meej. Ces nws rov hais rau kuv tias:

    "Rau siab ntso, kuv xav kom koj tuav koj cov lus cog".





    Last edited by Maiv Tooj on Mon 27 Feb - 17:40; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Tue 14 Feb - 4:31



    NIAM MAB LIAB TSHWM ZAUM OB:

    Hmo Tuesday 15 rau Wednesday 16 lub 2hlis 1876

    Hmo ob, kuv rov pom niag dab ces kuv rov ntshai...

    Ces Nkauj Ntshiab Mab Liab cia li tshwm yuav luag tib txhij thiab nws hais rau kuv tias:

    " Kuv nyob nov, txhob ntshai. Zaum no kuv Leej Tub ua siab muag nthas, cia koj ciaj sia; hnub Rau (Saturday tom ntej koj yuav zoo."

    Qhov nov kuv teb tias: Kuv Leej Niam Zoo, yog kuv xaiv tau, no kuv xav kom kuv tuag thaum uas kuv tab tom npaj tiav lawm.

    Ces Nkauj Ntshiab teb luag nyav rau kuv tias:

    "Neeg tsis paub nco luag tshav ntuj, yog kuv Leej Tub muab txoj sia rau koj ces yog koj muaj chaw siv. Nws tseem yuav muab dab tsi ntxiv rau neeg ntiaj tev no uas tseem ceeb tshaj txoj sia lawm thiab?
    Rov muab txoj sia rau koj, koj txhob xav tias ntshe koj yuav dim ntawm kev txom nyem; koj yuav txom nyem heev thiab koj txoj kev ntxhov siab yuav tu ncua. Qhov nov yuav ua kom koj tau txais lub txiaj ntsim muaj txoj sia. Kuv Leej Tub cia nws nyiaj mob, vim koj lub siab loj thiab siab ntev. Txhob xav tias ntshe yog ua li koj nyiam. Kuv puas tau hais rau koj tias: Yog nws muab txoj sia rau koj, kom koj tshaj kuv lub koob meej?"

    Rov pom daim phiaj zeb dawb tshwm dua, thiab ntawm ib sab muaj ib cov ntawv kab (ntawv kab yog cov ntawv uas nyias tshaj plaws nyob ntiaj teb no) sib tshooj tuab npaum li daim phiaj zeb; yog ntau kawg nkaus. Kuv sim nqa daim puav naj cas nqa tsis sawv li.

    Nkauj Ntshiab ntsia luag nyav ntsoov kuv :

    "Zaum no tig ntsia rov tom koj lub neej dhau los."
    Nws lub ntsej muag cia li mluas zog, tab sis tseem tshiab khiv...
    Kuv tseem xav txog kuv cov txhaum uas kuv tau ua dhau los sib xyaws daws, tau ua rau leej twg, tus twg, rau kuv mas kuv xav tias yog tej txhaum sib xwb. Ces kuv ua tij ywm li Nkauj Ntshiab tau hais rau kuv. Kuv xav tias ntshe nws yuav cem kuv rau tej tsis zoo uas kuv tau ua uas nyuam qhuav ntxim kuv xwb...Tab sis Nkauj Ntshiab ua lub siab dawb paug ntsia kuv tij ywm, ces nws cia li ploj tsis hais dab tsi li. Cas yuav chim kuv lub siab ua luaj li.





    Estelle Faguette luv txaj uas nws mob es pom Niam Mab Liab los xyuas nws.






    Last edited by Maiv Tooj on Mon 27 Feb - 17:40; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Wed 15 Feb - 17:35

    [color=blue]

    NIAM MAB LIAB TSHWM ZAUM 3:
    Hmo Wednesday 16 rau Thursday 17 lub 2 hlis 1876

    Hmo peb thiab hmo plaub, kuv rov pom niag dab. Nws sawv deb deb, kuv pom nws co tes co taw zem zuag xwb...
    Nkauj Ntshiab hais rau kuv tias :
    " Siab loj mog, kuv tus me naib." Thaum ntawd kuv rov nco txog nws yws kuv thawj hmo ces kuv ntshai tshee nag tsam nws rov yws kuv dua, tab sis cas nws hais lus mos mos ces cia li ua rau kuv siab loj.

    "Tej no twb tag lawm; koj twb qheb siab lug lees koj tej txim txhaum." Nws ua kom kuv pom tias kuv ua zoo heev. Yog piv rau kuv cov txhaum mas yeej tsawg heev. Tab sis Nkauj Ntshiab pom tias kuv sib zog kawg lawm ces nws thiaj ahis rau kuv tias:

    "Kuv yog ib tug neeg siab zoo, hlub neeg, thiab yog kuv Leej Tub tus Xib Hwb. Koj txoj kev coj zoo thiab koj cov lus thov kuv raug kuv ua niam lub siab, tshwj xeeb koj tsab me nyuam ntawv uas koj sau rau kuv thaum lub 9 hlis. Qhov uas raug kuv siab tshaj, yog los tias: Koj ntsia kuv niam thiab kuv txiv txoj kev mob siab, yog tias kuv tseem tso lawv tseg lawm thiab ces lawv kawg thov mov noj lawm xwb. Koj yuav nco txog thaum koj poob rau kev txom nyem, thaum koj Leej Tub Yes Xus dai ncuv saum Ntoo Cuam. Kuv tau muab tsab ntawv no rau kuv Leej Tub saib; tias koj niam thiab txiv tseem tos rawv koj. Txij no mus, yuav tsum xyaum ua neeg puab cuab. Ceev tej txiaj ntsim uas tau muab rau koj kom zoo, thiab tshaj kuv lub koob meej."






    Last edited by Maiv Tooj on Mon 27 Feb - 17:39; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Thu 16 Feb - 4:46

    [color=blue]

    NIAM MAB LIAB TSHWM ZAUM 4:
    Hmo Thursday 17 rau Friday 18 lub 2 hlis 1876

    Hmo Plaub los yeej muaj ntsis zoo li txhua hmo dhau los. Kuv rov pom Nws, nws rov hais cov lus qub uas nws tau hais rau kuv txhua hmo ua ntej. Hmo no, zoo nkaus li Nws nyob luv dua. Kuv xav thov txiaj ntsim ntawm nws ntxiv tab sis tsis muaj caij. Kuv lub tswv yim ntxhov nyhov, sib chab sib chaws, kuv xav txog cov lus uas Nkauj Ntshiab tau hais rau kuv.
    Yog tim li cas, thaum uas Nkauj Ntshiab tseem nyob ntsia ntsoov kuv, luag nyahv thiab hais lus mos nyoos ntawd, kuv ho tsis muaj peev xwm nug nws kiag li? Nws cia li ploj ntais li txhua zaus thiab hais rau kuv tias:

    "Koj tshaj kuv lub koob meej."
    Kuv tseem sim hais tias : Dab Tsib? No tab sis kuv tsis muaj caij lawm.
    Nws tig loo thiab teb kuv tias: "Ua tiag tsa koj lub zog."



    Last edited by Maiv Tooj on Mon 27 Feb - 17:38; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Wed 22 Feb - 19:12

    Niam Mab Liab tshwm zaum 5:

    Hmo Hnub 5 tsaus ntuj rau Hnub 6 lub 2 hlis 1876

    Hmo 5 ho tsis tshua zoo li txhua hmo. Nkauj Ntshiab ho tsis nyob tij ywm nram taw txaj, nws txav los ze ntawm nruab nrab kuv cov ntau thaiv qhov rais. Ntuj e! Cas nws yuav zoo nkauj ua luaj li os! Nws sawv tij ywm tsis hais lus ib pliag; nws sawv luag nyav hauv ib cov huab kav tsawv, nws rov hais kom kuv nco kuv cov lus uas tau cog rau nws.

    Kuv rov pom kuv daim phiaj zeb, zaum no ho tsis tshua dawb heev. Ntawm plaub ceg kaum, muaj ib co cos paj ntshua nplaim daj li kub, nyob sab sau muaj ib lub plawv daj li kub thiab ib cov nplaim taws cig saum hau, muaj ib lub thi paj ntshua nplaim ncig, muaj ib rab riam ntse hau ntsia rawv rau lub plawv. Daim phiaj zeb sau zoo li no:

    "Kuv thov Niam Mab Liab tag nrho kuv txoj txom nyem. Nws tau thov nws tus Tub ua kom kuv zoo kiag."

    Kuv rov cog lus rau nws ntxiv tias kuv yuav ua txhua yam uas nws vam txog kuv rau nws lub koob meej.
    Nws hais rau kuv tias: "Yog koj xav pab kuv mas txhob ua neeg muab hlob thiab coj zoo kom phim koj cov lo lus."

    Kuv thiaj nug nws seb puas kom kuv hloov kuv lub neej.
    Nws teb kuv tias : "Ua li cas los tau, txawm koj nyob qhov twg los koj yeej ua tau ntau yam zoo thiab koj yeej tshaj tau kuv lub koob meej."

    Ib nyuag pliag tom qab, nws rov hais rau kuv (thaum no nws lub ntsej muag mluas zog):

    "Qhov uas kuv tu siab tshaj, yog txoj kev uas luag tsis hwm kuv Leej Tub hauv lub Cim Yug, thiab tus yam ntxwv uas thaum lawv teev Ntuj, lawv lub tswv yim xav mus rau lwm yam. Kuv hais no yog hais rau cov neeg uas lawv khav tias lawv yog cov neeg ntseeg Ntuj zoo."

    Thaum nws hais li no tag, nws rov ua lub ntsej muag luag ntxhi. Kuv thiaj nug nws tias seb kuv puas yuav tham tej lus uas nws nyuam qhuav hais no rau luag tej; Nkauj Ntshiab teb kuv tias:

    "Awj, Awj, tshaj kuv lub koob meej; tab sis ua ntej yuav hais, koj tos seb koj tus Txiv Plig Daws Txhaum thiab koj tus Thawj Tswj hais li cas tso. Koj yuav ntsib keb cov nyom; luag yuav thuam koj tias koj qhov muag txaij, koj vwm; tsis txhob quav ntsej tej no. Tsos siab rau kuv, kuv mam pab koj."

    Kuv ntsia ntsoov nws, kuv lub qhov muag ntsia tsis ntsais, ces Niam mab Liab cia li maj mam nrug deb zuj zus.

    Kuv tsis tau pom dua ib yam dab tsi yuav zoo npaum li ntawd li. Ntev zuj zus ces nws ploj lawm, tsuas tshuav cov huab uas ncig nws lawm xwb, ib pliag ces cov huab los ploj tag nrho li lawm thiab.

    Thaum ntawd kuv hnov kuv mob zawj qees...Kuv sab tes xis tuav rawv txoj Saw Mab Liab; kuv yeej tsa tsis taus kuv sab tes xis li. Kuv muab kuv txoj kev txom nyem txi rau Tswv Ntuj; Kuv tsis paub tias yog cov zaj mob kawg ntawm kuv tus mob no. Kuv so ib pliag, cas kuv hnov kuv nyob zoo. Kuv nug moo, lawv tias yog 12teev 30 ib tag hmo.

    Cas kuv hnov kuv zoo lawm, tshuav kuv sab npab xis xwb uas kuv siv tsis tau tom qab kuv tau txais txiaj ntsim ntawm tswv Ntuj...






    Last edited by Maiv Tooj on Mon 27 Feb - 17:37; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Sat 25 Feb - 18:07

    Niam Mab Liab tshwm zaum 6:

    Hmo Hnub 7 tsaus ntuj Tim 1 lub 7 hlis 1876 thaum 10 teev 15 rau 10 teev 30

    […]Kuv txhos caug ntawm ntug cub (cov teb chaws hauv ntuj, thaum ub lawv rauv taws hauv txaj nte kom txhob no no), cas tib pliag ntshis, kuv pom Nkauj Ntshiab tshwm nyob hauv ib lub ci ci pom kev lam lug uas zoo li kuv twb tau pom dua qhov ntawd los lawm; tsuas yog zaum no kuv pom tag nrho pem taub hau ti nkaus ko taw.

    Cas yuav zoo nkauj ua luaj li lauj! Nws txoj tw siv dauv yuav luag txog nram nws taw tiab. Nws sawv tij ywm. Nws ob txhais taw txij nkaus cov pob zeb pua tsev; Tsuas yog zoo nkaus li cov pob zeb pua tsev cia li nqes qes zog lawm. Thaum kuv xub pom nws, nws sawv dauv tes, muaj ib co dab tsi poob li nag tshia ntawm nws ob txhais tes los.
    Zoo li nws tab tom ntsia dab tsi; tag ces nws cev nws ib sab tes muab nws ib sab tw siv nqa siab zog rau ntawm hauv siab ces nws puag tes. Nws hais luag nyav rau kuv tias:
    " Nyob tij ywm, kuv tus me ntxhais, koj yuav ntsib kev cov nyom, tab sis txhob ntshai, muaj kuv nyob nov."

    Txoj tw siv uas nws tuav txawm rov qab hlauv...

    Kuv hais tsis tau lus li; tsuas yog kuv zoo zoo siab xwb.
    Nkauj Ntshiab sawv ib me ntsis ntxiv ces hais rau kuv tias:

    "Ua siab loj, kuv yuav rov los dua." Tag ces nws cia li maj mam ploj zuj zus lawm.







    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Mon 27 Feb - 18:19



    NIAM MAB LIAB TSHWM ZAUM 7:
    Hnub Chiv Tim 2 lub 7 hli 1876

    Yog Hnub Hmoov Nkauj Ntshiab Mab Liab mus xyuas nws tus viv ncaus,
    thaum 11 teev 30 rau 12teev 30, ib tag hmo.

    Kuv nce chaw pw thaum 10teev nrab, kuv vam heev; vim nag hmo kuv pom Niam Mab Liab lub caij no. Tsaug zog hlias, cas 11teev ib nrab, kuv tsim dheev meej meej. [...] kuv xav tias ntshe kuv twb tsaug zog ntev lawm.

    Kuv txhos caug thiab kuv teev Saw Mawb Liab txog tog. Cas Niam mab Liab twb tshwm lonyob ntawm kuv xub ntiag. Kuv zoo siab dhau lawm, kuv cia li teev tsis tag. Nws zoo nkaus li nag hmo, ib cov nag tshia ntawm nws ob txhais tes rau hauv
    thiab nyob hauv ib lub cheeb pom kev lam lug rau ib ncig, muaj ib tsham paj ntshua nplaim ncig. Nws nyob li nov ib pliag ces nws txawm puag nwsob txhais tes rau ntawm hauv siab:

    "Koj twb tshaj kuv lub koob meej." ( nov nws hais ib cov lus uas kuv yuav tsis nthuav tawm).
    " Rau siab mog, kuv Leej Tub los nws yeej muaj tus puav ntsuj plig nchawg nws. Nws lub siab muaj kev hlub puv ntoob yuav tsis tso kuv tej lus thov tseg. Nrog kuv mas nwav nphav cov neeg uas siab tawv tshaj. " Thaum no mas cas nws yuav zoo nkauj ua luaj li!
    [...] Kuv rov nco txog daim ntawv uas kuv pom thaum Tim 15-16 lub 2 hlis. Ces kuv hais rau kuv Leej Niam Zoo hais tias yuav ua li cas rau daim ntawv no?

    "Nws yuav siv los tshaj tawm cov lus uas lawv txiav txim rau kuv ob peb tug tub txib. Yeej yuav muaj kev cov nyom, tab sis txhob ntshai dab tsi kiag li, nyob tij ywm."

    Estelle : "Mab Liab, yog rau koj lub koob meej"
    Mab Liab, hais rau hauv nws lub siab:
    "Es koj qhov mob zoo, puas yog qhias tau kuv ib qho hwj huam loj? Kuv yog los tshwj xeeb rau cov neeg txhaum uas lees txhaum.
    Estelle paub hauv siab, thiaj li nug tias yuav ua li cas thiaj li yuav ua tau kom nws lub hwj huam tshwm sim ci ntsa iab tuaj, ces Mab Liab teb tias:

    "Mam saib tom qab" Nws nyob ib nyuag pliag ces nws rov thaub qab thiab ploj zuj zus lawm. Tsham paj ntshua nplaim tseem nyob nrog rawv nws ces zoo, qhov pom kev zoo nkauj cia li ploj zuj zus lawm.







    Last edited by Maiv Tooj on Wed 29 Feb - 3:33; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Wed 29 Feb - 3:32



    NIAM MAB LIAB TSHWM ZAUM 7:

    Hnub Ob Tim 3 lub 7 hli 1876, ua ntej ib tag hmo me ntsis.

    Nkauj Ntshiab nyob ib pliag xwb. Nws maj mam qhia kuv ntxiv, nws hais tias:
    "Kuv xav kom koj ua siab tus tshaj ntxiv. Kuv tsis tau teem rau koj tias tsawg teev thiab hnub twg kuv yuav rov tuaj. Koj yuav tau so vim koj sab heev, kuv tsuas nyob ob peb feeb xwb."

    Nws hais luag nyav tias: Kuv los xaus lub Hmoov xwb."



    Mam txuas ntxiv lwm zaus.



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Wed 29 Feb - 17:16



    NIAM MAB LIAB TSHWM ZAUM 9:

    Hnub Xya, Tim 9 lub 9hlis 1876

    Daim duab nov yog Estelle Faguette kos.
    […] Tau ob peb hnub lawm uas kuv xav rov mus hauv lub txaj uas kuv tus mob zoo. Hnub no, yog hnub tim 9 lub 9 hlis, kuv thiaj li tau rov mus.

    Niam Mab Liab tshwm los thaum kuv teev Saw Mab Liab tag. Nws ua zoo li hnub tim 1 lub 7 hli. Nws xam ib ncig ntsiag to tag mam hais lus rau kuv. Ces nws hais rau kuv tias:

    "Koj tsis tau pom kub hnub Tim 15 lub 8 hli (Yog hnub Hmoov Niam Mab Liab Nce mus saum Ntuj); vim koj lub siab tseem tus tsis tau txaus. Koj tus yam ntxwv mas tseem li Fab Kis ntag. Dab tssi los xav paub kom tag ua ntej kawm, thiab xav to taub tag nrho ua ntej paub. Yog koj ua neeg mloog lus thiab ua neeg me me ntsis mas nag hmo kuv twb rov tuaj lawm."

    Thaum no kuv to taub tias yog kuv tsis ua neeg mloog lus thiab kuv tsis ua neeg me mas kuv yuav tsis pom nws ntau ntxiv...

    "Ntev los lawm uas kuv Leej Tub tej kev nplua nuj qheb lug thov nej."

    Thaum hais li no, nws tsa ib daim me nyuam ntaub pwm cib (laine) uas nws coj dai ntawm nws hauv siab. Kuv yeej ib txwm pom daim me nyuam phiaj no, tab sis tsis paub tias yog dab tsi, txog tav nov kuv tsuas pom tias yog ib daim me nyuam ntaub dawb xwb. Thaum nws muab tsa (cem, lus Hmoob Ntsuab), kuv pom ib lub plawv liab ploog. Tam sim ntawd kuv paub tias yog ib daim ntaub Yes Xus lub Siab Dawb (scapulaire du Sacré-Cœur). Nws tsa thiab hais tias: " Kuv nyiam kev hwm Ntuj li no"

    Nws ntsiag ib pliag thiab rov hais tias: "Yog qhov nov uas luag hwm kuv."







    Last edited by Maiv Tooj on Fri 2 Mar - 15:33; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Fri 2 Mar - 15:32



    NIAM MAB LIAB TSHWM ZAUM 10:

    Hnub Chiv, Tim 10 lub 9hlis 1876 thaj tsam 2teev 45 tav su dua


    Hnub tim 10 lub 9 hlis, Niam Mab Liab rov tuaj thaj tsam tib lub caij qub. Nws tsuas los ib vuag thiab hais tias:

    "Kom lawv teev Ntuj, kuv yuav tsum ua piv txwv rau lawv."

    Thaum hais li ntawd, nws muab nws ob txhais tes los sib khawm, ces nws cia li ploj lawm. Ces lub tswb hu teev Ntuj thaum tsaus ntuj nrov.





    Mam txuas ntxiv lwm zaus.


    Last edited by Maiv Tooj on Tue 6 Mar - 19:06; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Tue 6 Mar - 19:03



    NIAM MAB LIAB TSHWM ZAUM 11:

    Hnub Rau, Tim 15 lub 9hlis 1876 thaj tsam 2teev 45 tav su dua

    Kuv thov kuv tus niam los pav kam kuv mus teev Ntuj hauv kuv txaj. Tsuas yog ob zaug xwb uas kuv pom Nkauj Ntshiab dauv tes thiab los nag ntawm nws cov ntsis ntiv tes. Nws hais rau kuv tias:

    "Kuv pom tias koj muaj siab tswj koj lub siab kom tus, tsis yog kuv hais rau koj xwb, yog hais rau lub Koom Txoos tag nrho thiab lub teb chaws Fab kis tib si. Nyob hauv lub Koom Txoos, tsis muaj cov siab tus li kuv xav tau."

    Nws xyu thiab ib nyuag co hau, hais tias:

    " Muaj tej yam." Nws ntsiag lawm. Nws tsis hais tias yog dab tsi, tab sis kuv to taub tias muaj tej yam tsis haum xeeb. Ces nws rov maj mam hais tias:

    " Kom lawv teev Ntuj thiab lawv yuav tso siab rau kuv."

    Tag ces Nkauj Ntshiab Mab Liab hais nros ntshis rau kuv tias:
    "Lub Fab Kis teb ! Es cuag li kuv tsis tau pab nws! Twb qhia rau nws lawm, tab sis nws tseem tsis xav hnov! Kuv yuav tuav tsis tau kuv Leej Tub lawm."

    Zoo li nws tu siab heev, nws hais ntxiv tias: "Fab Kis teb yuav raug txom nyem (Niam mab Liab kom cov Fab Kis yuav tsum rau siab teev Ntuj kom lawv lub teb chaws dim ntawm tsov rog, vim Fab Kis teb yog qhov chaw ua rog loj tshaj thaum Rog Zaum Ib thiab zaum Ob)." Nws nais qees nws lo lus no. Tag ces nws nyob ntsiag to ib pliag mam rov hais tias: "Ua siab loj, tso siab lug mog."

    Thaum ntawd kuv xav hauv kuv siab tias yog kuv hais tej lus no tawm mas ntshe lawv yuav tssi ntseeg kuv; tab sis Niam Mab Liab to taub kuv, vim nws teb kuv tias:
    "Kuv twb xub pauj lawm; puam chawj rau cov uas tsis kam ntseeg koj; hnub qab nram ntsis, lawv yuav paub txog kuv cov lus."

    Ces nws maj mam ploj lawm.

    Kuv leej Niam siab zoo, yog koj nyiam cov neeg ntseeg zoo, kuv mam li ua li kuv lub peev xwm yuav ua tau. Kuv tsis muaj nqes dab tsi, tab sis kuv thov hais rau koj tias koj xaiv kuv lawm mas kuv yuav tshaj koj lub koob meej kom tsim nyog.







    Last edited by Maiv Tooj on Sun 11 Mar - 18:41; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Sun 11 Mar - 18:40



    NIAM MAB LIAB TSHWM ZAUM 12:

    Hnub Plaub, Tim 1 lub 11hlis 1876 (Hnub Hmoov Tsoom Leej Ntshiab) thaj tsam 12teev 30 tav su thaum teev Ntuj tag

    [...]Hnub no yog hnub tim 1 lub 11hlis, kuv rov pom leej Niam siab zoo nyob saum ntuj. Nws yeej zoo ib txwd li, ob txhais tes dauv, coj rawv daim phiaj ntaub (scapulaire) uas nws muab rau kuv saib hnub tim 9 lub 9hlis. Ib yam li txhua zaud, zoo li nws ntsia ib qho dab tsi uas kuv tsis pom tag ces nws xam ib ncig ntawm nws. Nws ntsiag to xwb tsis hais dab tsi rau kuv li. Nws tig saib kuv, ntsia kuv li nws yog ib tug siab zoo tshaj ces nws cia li mus lawm.

    Kuv tus Tswv Ntuj, koj xav kom kuv ua dab tsi rau koj?
    Kuv npaj tias lawm, ua tag nrho li uas koj nyiam. Thiab rau Leej Niam Ntshiab, nws mas zoo tshaj plaws thiab lub siab hlub neeg, nws xav tau dab tsi ntawm kuv? Kuv yuav ua li cas rau nws?

    Kuv yuav ua tag puas tsav yam li kuv lub peev xwm rau koj lub koob meej.






    Last edited by Maiv Tooj on Tue 13 Mar - 14:24; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Tue 13 Mar - 14:24



    NIAM MAB LIAB TSHWM ZAUM 13:

    Hnub Chiv, Tim 5 lub 11hlis 1876

    [...]Thaj tsam 2teev 30 tav su dua, kuv tab tom mus hauv kuv txaj, yuav mus teev Saw Mab Liab, thaum kuv teev tag, cas kuv pom Nkauj Ntshiab. Nws yeej ib txwm zoo nkauj. Thaum kuv pom nws, kuv xav tias kuv tsis tsim nyog txais nws tej txiaj ntsim, tseem muaj coob leej ntau tus uas tsim nyog txais nws tej koob hmoov tshaj kuv thiab lawv tseem yuav muaj peev xwm tshaj nws lub Moo Zoo, nws lub koob meej. Tab sis nws ntsia kuv ces nws hais luag nyav rau kuv tias:

    "Kuv xaiv koj." Uag! Cas kuv yuav zoo siab ua luaj li! Cas nws yuav yog ib tug neeg zoo ua luaj thiab siab dawb ua luaj li! Nws coj rawv nws daim ntaub; cas zoo nkauj ua luaj! Nws nres me ntsis ces rov hais luag nyav dua:

    "Kuv xaiv cov neeg me thiab cov neeg muag luav los cav kuv lub koob meej."

    Nws nres thiab rov hais ntxiv rau kuv tias:

    "Ua siab loj, lub caij tshau koj twb los txog lawm."

    Tag ces nws puag tes ntawm hauv siab ces nws ploj lawm.





    Last edited by Maiv Tooj on Mon 26 Mar - 13:59; edited 2 times in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Tue 13 Mar - 15:30



    NIAM MAB LIAB TSHWM ZAUM 14:

    Hnub Xya, Tim 11 lub 11hlis 1876, thaj tsam 4 teev 15 yuav tsaus ntuj.

    Kuv tab tom nkag mus hauv txaj, yuav mus teev Ntuj, kuv pheej hnov li dab tsi pheej ua kuv siab tau ob peb hnub los lawm.
    Kuv teev Saw Mab Liab tag, kuv tseem tab tom hais qhov tias: "Nco txog peb" li no rau Leej Niam siab zoo, cas nws cia li tshwm plaws los. Nws zoo ib yam li txhua zaud, dauv tes thiab coj rawv daim ntaub (scarpulaire).
    Nws los ib yam li txhua zaud, nws nyob ib pliag tsis hais lus, nws ntsia ntsia ib ib pliag ces nws hais ib cov lus rau kuv. Nws hais tias:

    "Koj tsis ntuv koj lub caij li yom hnub no, koj ua hauj lwm rau kuv lawm."
    (Twb yog kuv ua tau ib daim ntaub (scarpulaire)). Nws luag nyav tag ces rov hais tias:

    "Yuav tsum ua kom ntau ntxiv."

    Nws twj ywm ntev loo, ces nws cia li mluas zog thiab hais rau kuv tias:

    "Siab loj mog" ces nws cia li mus lawm, nws ob txhais tes puag rawv tes ntawm hauv siab, roos tag nrho nws daim ntaub scarpulaire.








    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Mon 26 Mar - 15:07



    NIAM MAB LIAB TSHWM ZAUM 15:

    Hnub Rau, Tim 8 lub 12hlis 1876, Hmoov Niam Mab Liab Dawb Huv, thaj tsam 12 teev 30 tav su.

    Kuv rov pom Nkauj Ntshiab ib zaug dua, kuv yuav tsis pom nws ntxiv nyob ntiaj teb no lawm. Nws hais rau kuv li ntawd. Ntshe tsis muaj leej twg yuav paub tau tias kuv tu siab npaum li cas.

    [...] Nws yuav nrog rawv kuv nyob, kuv yuav tsis pom nws tab sis nws mam hais lus rau hauv kuv lub siab. [...] zaum tag los no koj sau rau kuv tias Koj tsis tso kuv tseg, kuv thiaj yuav mus tshaj koj lub koob meej tso siab lug.

    Hnub no, thaum ua Mis Xas loj tag, kuv rov pom pom Leej Niam siab zoo. Nws zoo nkauj tshaj plaws li; muaj ib tsham paj ntshua nplaim ncig nws, zoo li thaum kuv pom nws lub Xya hli.

    Thaum tuaj txog, nws nyob tij ywm tsis hais lus zoo li txhua zaud dhau los; ces nws hais tias:


    "Kuv me ntxhais, nco ntsoov txog kuv cov lus mog."

    Tam sim ntawd kuv rov pom tag nrho txij thaum lub Ob Hlis los [...]
    Zoo li kuv tseem pom nws cov lus ntau tshaj qub lawm thiab. Kuv yuav khaws rawv rau hauv siab, tsis qhia leej twg. Tag nrho tej no zoo li sai sai yim pliag xwb.

    Nkauj Ntshiab ntsia ntsoov kuv thiab hais ntxiv tias:

    "Nco ntsoov hais kuv cov lus, nws yuav pab kom koj muaj zog thiab yuav nplij koj thaum koj ntsib kev cov nyom. Koj yuav tsis pom kuv ntxiv lawm."

    Li ntawd ces kuv thiaj qw nrov nrov tias: Kuv yuav ua li cas, yog tsis muaj koj, kuv Leej Niam siab zoo? Nkauj Ntshiab teb kuv tias:

    "Kuv yuav nrog rawv koj tab sis koj tsis pom kuv xwb."

    Tam sim ntawd kuv ntsia pom deb oj loog ntawm kuv sab lauj, ib co neeg coob coob sib xyaws ntxaws; lawv tso hem thawj rau kuv, lawv npau taws cem kuv npau taws nkaug tes nkuav. Kuv ntshai tsawv. Nkauj Ntshiab luag nyav thiab hais rau kuv tias:

    "Tsis txhob ntshai tej no li mog. Kuv xaiv koj los tshaj kuv lub koob meej thiab tseb txoj kev ntseeg no."

    Nkauj Ntshiab ob txhais tes tuav rawv daim ntaub pwm cib (scapulaire) ntawm nws hauv siab. yam li nws txhawb kuv lub zog heev, ces kuv thiaj nug nws tias:

    Kuv Leej Niam siab zoo, koj puas kam muab daim scapulaire nov rau kuv? Zoo li Nkauj Ntshiab tsis hnov kuv hais. Nws hais luag nyav rau kuv tias:

    "Sawv los nwj nws." Ces! kuv sawv zoj zeeg. Nkauj Ntshiav khoov los ntawm kuv thiab kuv nyo mus nwj daim scapulaire tag ces Nkauj Ntshiab rov sawv thiab tham txog daim ntaub scapulaire rau kuv tias:

    "Koj mus cuag Txiv Tswv Qhia, thiab muab tus qauv uas koj ua tau ntawd rau nws saib. Hais kom nws pab koj li nws lub peev xwm. Yuav tsis muaj yam dab tsi zoo siab tshaj uas tau faib qhov tsoos no rau kuv cov me nyuam ib tug zus, kom lawv rov kho tag nrho tej uas lawv tsis hwm cov Cim ntawm kuv Leej Tub txoj kev Hlub. Kom lawv pom lub txiaj ntsim uas kuv faib rau cov neeg uas tso siab lug coj daim ntaub scarpulaire ces lawv yuav pab koj tshaj ntxiv."

    Hais li no, Nkauj Ntshiab xyab nws ob txhais tes; pom ib cov nag los laub lug, pom sau cov txiaj ntsim rau ntawm txhua lub nag poob xws li: Siab dawb hwm Ntuj, tso txoj kev txhaum tseg, tso siab, tig los ntseeg, nyab xeeb; ua tib los hais tias tag nrho txhua yam txiaj ntsim loj thiab me tib si. Ces Nkauj Ntshiab rov hais ntxiv tias:

    "Cov txiaj ntsim no yog kuv Leej Tub li, kuv muab hauv nws lub siab los, nws yuav tsis yig."

    Ces kuv thiaj hais tias: Kuv Leej Niam Siab zoo, es kuv yuav tso dab tsi rau daib ntaub scarpulaire sab nraud ? Nkauj Ntshiab teb kuv tias:

    "Kuv yuav tseg cia rau kuv; koj muab kuv cov lus muaj hwj huam ces lub Koom Txoos mam li txiav."

    Kuv mloog li Leej Niam Siab zoo nov yuav ncaim kuv mus ces kuv tu siab heev. Nws sawv siab zuj zus (ko taw tsis ti av, nws ntab saum cua) thiab hais ntsia ntsoov kuv tias:

    "Ua siab loj. Yog tias nws tsis kam ua raws li koj hais (Nkauj Ntshiab hais Tswv Qhia), nws ua nyuaj ces koj mus kom deb ntxiv. Txhob poob siab, kuv mam li pab koj."

    Nws lem loo rov qab ces nws ploj zuj zus tag kiag lawm, yog ntawm kuv lub txaj nyob tam sim no.
    Ntuj aw...Cas kuv yuav chim siab ua luaj li! Ua tsaug kuv Leej Niam zoo, yog tsis muaj koj mas kuv yuav ua tsis tau ib yam zoo li.











    Last edited by Maiv Tooj on Mon 26 Mar - 16:37; edited 1 time in total



    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Mon 26 Mar - 16:32


    Thov txiaj ntsim nyob Pellevoisin.

    Zaum no Pellevoisin yog ib qho chaw ntshiab uas muaj neeg coob mus thov txiaj ntsim. Cov neeg lawv muaj kev ntxhov siab, txhawj xeeb, tag kev cia siab, lawv mus teev Ntuj nyob Pellevoisin. Nkauj Ntshiab Mab Liab tsom kwm thiab nplij lawv siab. Coob leej tau txiaj ntsim thiab kaj siab heev thaum lawv rov los tsev.





    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Mon 26 Mar - 16:51


    Les VICTOIRES DE MARIE de la Salette à Pellevoisin en passant par Lourdes Pontmain ...




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5250
    Date d'inscription : 2009-08-18

    Re: Niam Mab Liab tshwm sim nyob Pellevoisin 1876, Fab Kis teb.

    Post  Maiv Tooj on Tue 24 Apr - 2:29



    Cov chaw Niam Mab Liab tshwm sim rau sawv daws pom xyeem tib lub caij tsis deb tsis ze thaum Ib txhiab yim pua tawm, nws tshwm ua kiag tus Niam Ntawv ntawm NWS lub NPE.

    Yog leej twg tas kev cia siab, tu siab, tsis sib haum xeeb, teeb meem lwm yam, nej mus teev Ntuj ntawm Pellevoisin, nej yuav tau kev nplij nej.







    Sponsored content

    Re: Niam Mab Liab tshwm sim nyob Pellevoisin 1876, Fab Kis teb.

    Post  Sponsored content


      Current date/time is Wed 24 May - 18:32