HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Cov Txiv Plig ntiab dab coob tshaj 10 npaug tau 20 lub xyoo no. Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


3 posters

    Cov Txiv Plig ntiab dab coob tshaj 10 npaug tau 20 lub xyoo no.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Cov Txiv Plig ntiab dab coob tshaj 10 npaug tau 20 lub xyoo no. Empty Cov Txiv Plig ntiab dab coob tshaj 10 npaug tau 20 lub xyoo no.

    Post  Maiv Tooj 25th January 2012, 9:42 am


    emission Mystère "Exorcisme" partie 1




    emission Mystère "Exorcisme" partie 2


    Xyoo 1970 tsuas muaj thaj tsam 10 leej Txiv Plig ntiab dab nyob rau Fab Kis teb, zaum no 2010 no muaj tshaj 100 leej Txiv Plig ntiab dab. Puas yog neeg ntseeg tsawg zuj zus lawm es thiaj ua rau dab phem coob zuj zus tuaj?

    Zaum no neeg tsis tshua ntseeg tias muaj dab phem tuaj kub thiab tuaj ko tw nkhaus vos, tab sis muaj tej thaum mas kawg yuav tsum yog Txiv Plig xwb thiaj li muaj peev xwm tswj tau tej yam txawv txawv.

    Ob tug niam txiv Pierre thiab Carmel nkawd yuav tau lub tsev So nov, nkawd nyiam heev, nkawd rau siab kho thiab ua hauj lwm. Thaum ntej mas kuj muaj neeg coob heev tuaj so. Tab sis nyob nyob muaj ib hnub Carmel txawm mus ntxua khaub ncaws hauv qab tsev, cas pom tawb khaub ncaws ua pa saus suv cuag li ib niag dab tsi loj loj nyob hauv, nws ntshai, nws thiaj li khiav los hais nws tus txiv mus saib, cas ho tsis pom dab tsi. Txij ntawd los ces txawm muaj tej yam txawv txawv tswm zuj zus. Ib hnub nkawd tus tub caw nws ib tug phooj ywg tuaj nrog nws nyob hauv tsev So, nkawd pw cas mloog li muaj neeg pheej ntsia nkawd, Patrick txawm ntsia zoo li muaj neeg tshooj nws daim duab nraj (kos) dai tim phab ntsa, nws mus qhov twg los zoo li daim duab ob lub qhov muag yeej raws li ntsia li. Ces nkaws pw tsis tsaug zog, twb 3 teev yuav kaj ntug nkawd mam li tsaug zog. Taig kis nkawd sawv nqes ntaiv los, cas zoo li muaj neeg soj nkawd, lawv nkawd qab, thaum txog ntawm kaum ntaiv, dab tsi cia li khawb kiag Patrick caj dab to ib kab. Txij ntawd los ces cov neeg tuaj so pw tsis taus zuj zus, ua rau lawv tej teeb txawj taws, txawj tuag ib leeg, ua rau tej ciav dej cia li qheb, muaj ib hmos ces nrov hauv qab cuag li ntsoog tag, sawv daws sawv tag nrho los xauj, nqes mus txog tsis pom dab tsi li. Txij ntawd los ces neeg cia li tsis tuaj pw nkawd lub tsev lawm. Muaj tus puav tuaj los, nkag kiag mus saum txaj ib pliag li 15 feeb tej xwb ces nqa raws hnab ntawm tes nqes los hais tias: "Tsis nco qab khoom tom tsheb lawm, mam rov qab los". Ntau zaus Carmel pom ib cov hneev taw zoo li tsuj hmoov nplej los tsuj saum rooj mus rau nram qhov rooj lawm. Muaj ib hmos, Patrick thiab nws tu phooj ywg pom ib tug neeg zem zuag khiav nraum zoov ntawm tog tsev, tsis pom tseeb, tsis pom lub cev tag nrho, tsuas pom txij dua thiab lub taub hau khiav nkag rau tom hav zoov lawm xwb, nkawd ob leeg caum qab mus tab sis ploj lawm. Thaum twb tsis muaj neeg tuaj pw hauv lub tsev so lawm los lawv cov niam txiv tub tseem qab siab hlo nyob lub tsev ntawd ntxiv, tab sis muaj ib hnub nkawd ob niam txiv ncig ua si ntawm tog tsev naj cas pom leej twg tso ib lub tsev nkauj nyab muaj 5 lub ntxa ntawm qhov rooj thiab ib txhais tes loj loj, rau tes liab ploog dauv saum ru tsev los taw ntshis rau cov ntxa ces lawv paub tias yog muaj neeg ntxub lawv, tso dab rau lawv; ces lawv thiaj li ua siab khiav lub tsev. Hnov luag ob cag hais tias tus tswv tsev qub tau txo nws txoj sia rau hauv lub tsev nov no.

    Nkawd nyob tsis taus, nkaw thiaj li ua siab muab lub Tsev So muag, nkawd tsiv mus nyob ob peb Km ntawm qhov chaw qub. Xav tias khiav lawm ces nyaj yuav dim lawm no, muaj ib hnub cas tus tub khiav nqes ntaiv ua ntsej muag tuag tag los tias nws lub vib thab nyub (radio) cia li ya los tsoo nws taub hau. Ces leej niam hais rau nws tias ntshe yog nws xav ntau dhau lawm xwb. Muaj ib hnub ob niam txiv tseem tab tom hu phooj ywg tuaj noj mov hauv tsev, ua cas dab tsi khob qhov rooj pig poog, leej txiv mus qheb saib tssi pom dab tsi, leej niam yeej poob siab thiab ntshai heev lawm, tab sis leej txiv tsis ntshai; cas ib pliag rov khob heev heev dua, ua rau sawv daws tawm tag nrho rau nraum zoov. Ib tug phooj ywg thiaj li hais rau tus niam tias kom nws mus cuag ib tug Txiv Plig ntiab dab pab nws. Ces nws thiaj mus cuag Txiv Plig, Txiv Plig tuaj nrog nkawd ob niam txiv tham tag ces thiaj kom tus niam nrog nws teev Ntuj. Nkawd teev Ntuj ua ke tag tus Txiv Plig rov mus tsev lawm ces cia li ntsiag to txog niaj hnub no li lawm.


    Last edited by Maiv Tooj on 26th January 2012, 9:28 am; edited 2 times in total
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Cov Txiv Plig ntiab dab coob tshaj 10 npaug tau 20 lub xyoo no. Empty Re: Cov Txiv Plig ntiab dab coob tshaj 10 npaug tau 20 lub xyoo no.

    Post  Maiv Paj Lug 26th January 2012, 7:06 am

    Zaj koj piav saum toj no nws muaj tseeb kawg li os Maiv Tooj,

    Ua neej nyob tib neeg feem coob tsis ntseeg tias muaj dab tuaj kub, tsuas xav tias muaj ntsuj plig tuag mus ua poj ntxoog no xwb, tsis ceev faj tias tseem muaj tus heev tshaj poj ntxoog , nws yog dab phem, dab tuaj kub, dab lim hiam, dab dag neeg, dab ntxeev siab, yog ib tug dab pheem poob kev tuag mus li, tus dab pheem no tseem muaj lub hwj huam uas Tswv Ntuj tsim rau nws ces nws khav nws lub hwj huam los tsim txom neeg, tiam sis dab phem lub hwj huam loj tsis npaum Tswv Ntuj lub Hwj Huam.

    Txawm niaj hnub no dab tuaj kub lub hwj huaj loj npaum twg los tsis kav peb tuav txog Huab Tais Yesxus Pleev lub npe xwb ces dab tuaj kub yeej kem caug. Qhov no nyob hauv Koos Txoos Kas Tos Liv peb cov T.P Ntiab dab phem, tsis yog lam tau lam ntiab dab phem, lawv yuav tsum mus kawm kom tiav, thiab tau txais lub cim ntiab dab phem mas thiaj muaj cai mus ntiab dab phem. Yog cov T.P tsis tau txais lub cim ntiab dab phem, lam mus ntiab dab phem ces dab phem yeej kawg tsis khiav.

    Hmoob cov txiv neeb txiv yaig, tsuas zoo li peb txhua tus xwb, twb tsis muaj cim dab tsi los ntiab dab phem, tsuas yog xav ntau yam, qhib paj hlwb rau dab phem nkag hauv ces ua txoj hais tias paub ub paub no, tseem qhuas tias muaj muaj dab neeb zoo kawg, tiam sis qhov tseeb yog dab phem ntxias nws tias nws yog ib tug neeg zoo tshaj txhua yam. Qhov no tsis yog yuav thuam cov neeg coj qub kev cai , tiam sis yeej yog muaj tseeb, tsis muaj ib lub cim twg cog tseg rau lawv tias lawv ntiab tau dab phem, thaum yuav pab ib tug neeg yuav ua ib thaj neeb quas dab mas tsev neeg ntiav nyiaj kim li kim rau tus neeg ua neeb ntiab dab, ntiab tas tsis muaj pes tsawg hli tom ntej rov hais tias tim lwm yam tuaj kom ua dua, zoo tsis tom thawj.

    Catholique cov T.P ntiab dab phem , thaum ntiab tau dab phem khiav mus tiav log lawm mas dab phem rov los tsis tau ntxiv , qhov no yog ib lub cim cog los tseg uas Tswv Ntuj muab cob rau cov T.P ntiab dab phem.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Cov Txiv Plig ntiab dab coob tshaj 10 npaug tau 20 lub xyoo no. Empty Re: Cov Txiv Plig ntiab dab coob tshaj 10 npaug tau 20 lub xyoo no.

    Post  Maiv Tooj 26th January 2012, 9:26 am



    Maiv Paj Lug,

    Dab phem yeej muaj hwj huam thiab tab sis nws ua tsis ncaj ces yeej raug Ntuj nplua nws tas li xwb. Nws thiaj li ua kom neeg ntshai, ua tej yam phem phem hem neeg kom neeg ntshai ces neeg hwm nws. Tab sis yuav txhob yeem swb thiab ntshai nws kiag li. Yog nws muaj hwj huam tiag mas nws yeej yuav tsis lij lias mus ntxias neeg li os.

    Hais txog cov ua dab hem neeg los pheej ua rau neeg pom ntshai ntawd mas zoo li yog cov ntsuj plig uas lawv mus tssi tau pem Ntuj, lawv tuag nyoos los yog lawv muaj txhaum loj es lawv nyob them txim. Li ntawd yuav tsum tau thov Ntuj rau lawv, tej thaum mas yog lawv los thov kom neeg pab thov Ntuj rau lawv, tab sis lawv hais tsis tau rau neeg ces lawv thiaj ua kom neeg pom lawv, ces neeg tsis paub txog qhov lawv xav thov neeg ces neeg cia li ntshai lawv xwb. Txawm pom tej tug zoo saib los yuav tsum ua siab loj, rau siab thov Ntuj rau lawv kom lawv tus ntsuj plig tau txoj kev thaj yeeb.

    Maiv, nag hmo kuv txhais zaj no, kuv nyob ib leeg xwb mas kuv ib ce qaub tag li, kuv tsis fim yuav nyob li lawm...Hahahah...! affraid
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Cov Txiv Plig ntiab dab coob tshaj 10 npaug tau 20 lub xyoo no. Empty Re: Cov Txiv Plig ntiab dab coob tshaj 10 npaug tau 20 lub xyoo no.

    Post  Maiv Paj Lug 27th January 2012, 4:28 am

    Maiv Tooj wrote:

    Maiv Paj Lug,

    Dab phem yeej muaj hwj huam thiab tab sis nws ua tsis ncaj ces yeej raug Ntuj nplua nws tas li xwb. Nws thiaj li ua kom neeg ntshai, ua tej yam phem phem hem neeg kom neeg ntshai ces neeg hwm nws. Tab sis yuav txhob yeem swb thiab ntshai nws kiag li. Yog nws muaj hwj huam tiag mas nws yeej yuav tsis lij lias mus ntxias neeg li os.

    Hais txog cov ua dab hem neeg los pheej ua rau neeg pom ntshai ntawd mas zoo li yog cov ntsuj plig uas lawv mus tssi tau pem Ntuj, lawv tuag nyoos los yog lawv muaj txhaum loj es lawv nyob them txim. Li ntawd yuav tsum tau thov Ntuj rau lawv, tej thaum mas yog lawv los thov kom neeg pab thov Ntuj rau lawv, tab sis lawv hais tsis tau rau neeg ces lawv thiaj ua kom neeg pom lawv, ces neeg tsis paub txog qhov lawv xav thov neeg ces neeg cia li ntshai lawv xwb. Txawm pom tej tug zoo saib los yuav tsum ua siab loj, rau siab thov Ntuj rau lawv kom lawv tus ntsuj plig tau txoj kev thaj yeeb.

    Maiv, nag hmo kuv txhais zaj no, kuv nyob ib leeg xwb mas kuv ib ce qaub tag li, kuv tsis fim yuav nyob li lawm...Hahahah...! affraid

    Hahaha.....Maiv Tooj, muaj ib tug Txiv Plig hais rau kuv tias cov neeg txhais ntawv txog dab phem, yuav tsum yog neeg siab loj siab tawv, yog nws siab me nws txhais tsis tau...

    Lub caij kuv txhais keeb txog dab phem tsim txom neeg hauv dab phem teb muaj ib hmos yav tsaus ntuj kuv pw, kuv ua npau suav pom ib co dab phem cem kuv tias " ua cas nws ho tuaj txog ntawm no? ces ho muaj ib tug teb tias: "Tsis yog nws txhob txwm tuaj, yog nws nyeem Ntawv Ntshiab nws tuaj txog ." Ces zoo li pab neeg ntawv cia li tsis quav ntsej kuv. Kuv tsim los kuv xav tias ua cas lam npau suav pom li ntawv ne? Tab sis tom qab no kuv mam paub tias yus tuav txog lawv, tsis hais sau ntawv los tham, yeej kub lawv pob ntseg heev, tiam sis yuav tsum muaj ib lub ho phiaj zoo tham thiab sau tau keeb txog lawv mas mam tham thiab mam sau Ntuj thiaj pov hwm yus, tsis li ces txhob thab lawv tsam yus tsis tau zoo pw kaj ntug.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Cov Txiv Plig ntiab dab coob tshaj 10 npaug tau 20 lub xyoo no. Empty Re: Cov Txiv Plig ntiab dab coob tshaj 10 npaug tau 20 lub xyoo no.

    Post  Tub Kawm 28th January 2012, 11:41 am


    Nyob zoo Niam Hlob thiab Maiv Paj,

    Yeej yog li neb hais lawm. Dab phem mas yeej ntshai Tswv Ntuj lub hwj chim kawg li. Tiam sis dab yeej khib heev yog cov neeg vam txog Tswv Ntuj mas dab yuav los ua npau suav kom phem phem rau nws saib nws puas ntshai. Tiam sis yeej tsi ntshai li vim yus muaj leej Tswv Yim Ntshiab keeb yus lawm, mas dab yeej yuav swb xwb.

    "hnub tim 22-1-2012 nyuam qhuav dhau tas los no, peb noj peb caug es cov ntseeg lawv tau caw peb mus thov Ntuj quas xyoo laus tas xyoo tshiab tuaj. Peb tau coj cov Dej Ntshiab uas yog TP foom hmoov lawm coj mus pov tas nrho txhua yim neeg, thiab mus teev Ntuj tas nrho txhua yim neeg. Mas zoo nkau li dab phem khib heev li. Vim tias thaum kuv pw mas kuv ua npau suav mas zoo nkaus li muaj ib co tub ceev xwm tuaj ntes kuv, kuv tau nrog lawv sib ntaus sib tuam vim tias kuv yeej nco hais tiam kuv tsi tau ua txhaum ces kuv nrog lawv sib ntaus, ces lawv swb kuv lawm. Ib me ntsi uas kuv rov ntsia cov neeg ntawd ua cas tsi yog neeg lawm, yog tib co ni tsiaj uas txaus ntshai, lub moj yam muaj ntsi zoo li tsov ntxhuav lub, tiam sis nws yau ib yam li aub ces ntawd txawm hais rau kuv tias: "puas tas peb tsi yeej koj tiam si nyem no peb yuav tsum yeej koj xwb". Cov ni tsiaj ntawd txawm yuav tom kuv. Tiam si kuv nco dheev tias cov ntawd yog dab xwb tsi yog neeg. Yuav tsum teev Ntuj pab yus xwb. Ces kuv ci li ua kiag Ntoo Cuam lub Cim, thiab zaj Peb Txiv, zaj Koj Nyob kaj lug Mab Liab, tas ces kuv cia li cev ob peb lo lus thov Ntuj tias:

    'PEB TXIV TSWV NTUJ TUS MUAJ HWJ HUAM TAS NRHO THOV KOJ XA LEEJ NTUJ PLIG TUAJ PAB NYUAG VIM NYUAG YUA POOB RAU HAUV COV PHEM NTAWD TXHAI TES'.

    Kuv thov leej Ntshiab As Tos Nias pab thov Ntuj rau kuv thiab.
    Thov Niam Mab liab thov pab kuv thiab.

    Kuv thov li ntawd tas ces txawm muaj ib co hnav dawb los muab ib rab ntaj rau kuv ces lawv nrog kuv tua cov neeg phem ntawd tuag tas nrho".

    Ces kuv cia li tsim dheev los lawm. Kuv tham qhia kuv tus niad tsev tias kuv tau ua npau suav li ntawd no. Nws hais rau kuv tias:

    "ntshai yog nag hmo koj teev Ntuj ncig zej ncig zog es dab phem khib khib es koj thiaj npau suav nrog dab sib tua og".

    Kuv muab xav mas tej zau yog. Tiam si dab mas nws khib heev tiam sis nws kov tsi yeej HT Tswv Ntuj. Dab thiaj li ua ci teev ci yam los ua npau suav kom yus ntshai. Tiam si yus muaj Tswv Ntuj pab yus lawm dab thiaj ua tsis tau dhau. Li ntawd kuv ntseeg hais tias yog leej twg muaj siab ntseeg Tswv Ntuj tiag thiab vam Tswv Ntuj ua tus pab mas yeej yuav yeej dab phem lub tswv yim xwb.

    Niam hlob thib Maiv Paj, ua tsaug uas tuaj tham zaj no qhia peb paub og, cov Txiv Plig thiab cov Tswv Qhia mus rau Vaj Qhia lawv yeej yog sawv HT Yes Xus chaw hais lus rau tsoom ntseeg xwb kuv yeej xav hais tias tej zaum lawv yuav ntiab tau dab phem thiab. Vim tias thaum ub HT Yes xus hais rau coj thawj tim hais tias:

    "yog nej khi yam twg nyob ntiaj teb no kuj yog khi nyob saum ntuj,
    yog nej daws yam twg nyob ntiaj teb no kuj yog daws nyob sau ntuj".

    Yog liv cov TP mus rau cov TQ thiab VQ mas lawv yuav tsum ntiab tau dab xwb. Vim lawv yog neeg nyob tab seeb txiav sib ua raws li HT YES XUS tus lwj lwm.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Cov Txiv Plig ntiab dab coob tshaj 10 npaug tau 20 lub xyoo no. Empty Re: Cov Txiv Plig ntiab dab coob tshaj 10 npaug tau 20 lub xyoo no.

    Post  Maiv Tooj 29th January 2012, 1:02 am



    Nyob zoo Xyoo Tshiab tub Txawj Tuam,

    Ua tsaug nws tuaj tham nws zaj npau suav rau peb mloog,
    Txawj Tuam, cas nws zaj npau suav yuav cuag li uas yog saum yaj li, nws tseem nco ua txhua yam cuag li twb tsis yog npau suav.

    Yog kawg, dab phem mas lij lias ntxias neeg kom yuam kev mus ntsib kev nyuaj siab ntxhov plawv, kom dab phem thiaj muaj zog xwb. Vim dab phem siv peb tej kuv txom nyem, npau taws, ntxhov siab, sib cav sib ceg, kev kub ntxhov los yug nws lub zog. Li ntawd, thaum peb paub txog dab phem lub siab lawm, peb yuav xyaum tswj peb tus kheej kom tus tus, rub siab kom ntev, hais lus kom zoo thiab nrhiav kev thaj yeeb rau ib ncig ntawm yus tus kheej.

    Hais txog txhua tus Leej Choj, Xib Hwb, mas tus twg los yeej muaj lub hwj huam ntiab tau dab phem; tab txawm yog ib tug neeg ntseeg tau txais lub Cim Ntxuav lawm xwb los yeej muaj lub hwj huam yuav ntiab tau dab. Tsis tag li, cov uas tseem tsis tau txais lub Cim Ntxuav los tsuav lawv tuav txog Tswv Ntuj, Yes Xus lub NPE Ntshiab xwb mas lawv yeej muaj lub hwj huam ntiab tau dab tib yam. Tab sis ntshai tsam siab ho tawv tsis txaus thiab tsis paub qhov zoo thiab qhov tsis zoo xwb, qhov twg yuav ua los tsis ua xwb. Yog muaj cov kws mas cia lawv ua mas yuav zoo dua; yog tsis muaj leej twg li es yus ti tes ti taw ces yeej yuav tau ua. Tab sis nej txhob ntshai, txawm dab phem yuav ua phem npaum li cas, ua kom txaus ntshai npaum li cas los thaum nej hu txog Huab tais Ntuj, Yes Xus, Mab Liab thiab Yos Xes lub npe nrog rau Ntuj cov Tshiab thiab cov Leej Ntshiab los pab nej mas nej lub zog cia lo loj loj, nej txawj hais lus nthe nqho thiab nej tsis ntshai li lawm. Qhov nov kuv twb tau ua yam kuv tsis tau npaj siab thiab paub txog li. Thaum kuv hu kiag txog HT.Yes Xus lub npe los pab kuv, kuv hnov kub lug kuv caj qwb nqes rau nram kuv nraub qaum, kuv lub zog loj heev, kuv tsis ntshai thiab kuv hais lus tawv heev tuaj...

    Cov Txiv Plig ntiab dab mas yog lawv kawm txog dab phem tus cwj pwm ntau dua thiab lawv kawm tswj lawv tus kheej kom txhob poob siab, kom hais tau lus tus yees thiaj li leej thiab tsis sav. Yog yus siab nyias, txog tej qhov txaus ntshai, yus poob siab ces yus lo lus tsis tus, yuav tsis ua rau luag ntshai yus.


    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Cov Txiv Plig ntiab dab coob tshaj 10 npaug tau 20 lub xyoo no. Empty Re: Cov Txiv Plig ntiab dab coob tshaj 10 npaug tau 20 lub xyoo no.

    Post  Maiv Paj Lug 29th January 2012, 6:47 am

    Wow......ua tsaug os Txawj Tuam,

    Koj zaj npau suav yeej txhais tau qhov koj ntseeg Ntuj pab , peb txoj kev ntseeg ntuj tsis yog pab tau peb saum yaj ceeb xwb, nws pab tau peb nruab yeeb thaum peb pw tib si, txhua hmo yuav pw yuav tsum thov Ntuj pab yus thiv thaiv txhua yam phem yuav los zes yus thaum yus tsuag zog, yog peb nco ntsoov Tswv Ntuj rau hauv peb lub siab ua ntej peb pw ces txawm dab phem tuaj zes peb los peb yeej nco ntsoov ua lub cim ntoo cuam rau ntawm peb xub ntiag, ntau zaus kuv ua looj tsim dab hem, dab caum, dab tsim txom, mas lub cim ntoo cuam yog yam kuv nco ua thib ib tag ces zaj peb txiv nyob saum ntuj, zaj koj nyob kaj lug mab liab, thiab zaj kuv ntseeg yog 3 zaj kuv hais yeej dab phem.

    Tso siab rau Tswv Ntuj tiag tiag ces txawm leej twg los yeej ntiaj tau dab phem, yog yus lam ua neeg ntseeg xwb ,yus pheej tso siab tsis tas ,ces txawm yus ntiab ntiab qw qw los dab yeej tsis khiav .
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Cov Txiv Plig ntiab dab coob tshaj 10 npaug tau 20 lub xyoo no. Empty Re: Cov Txiv Plig ntiab dab coob tshaj 10 npaug tau 20 lub xyoo no.

    Post  Maiv Tooj 29th January 2012, 7:33 am



    Hahhaah...! Maiv paj Lug...! Nws mas tham txaus luag ua luaj li...! Ntiab dab qw qw li lawv qaib...! affraid
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Cov Txiv Plig ntiab dab coob tshaj 10 npaug tau 20 lub xyoo no. Empty Re: Cov Txiv Plig ntiab dab coob tshaj 10 npaug tau 20 lub xyoo no.

    Post  Maiv Paj Lug 29th January 2012, 7:49 am

    Ham tsis tiag las mas Maiv Tooj,

    Tham mas cuag li khav, tiam sis kuv kiag ntag yav dhau los kuv tso siab tsis tas ces kuv txawm quaj txawm qw npaum twg los pab tsis tau, kuv mus thov T.P tim diocèse tuaj kom pab kuv los T.P hais tias kuv vwm....thaum kawg kuv cia li tso plhuav siab rau Tswv Ntuj, tuav txog Huab Tais Yesxus lub npe los pab kuv txawm tuag los tseg tsuav tuag rau Huab Tais Yesxus tes nres kuv mus, no xwb ces kuv cia li tsis ntsib tej niag phem ntxiv.

    Txawm niaj hnub no kuv ntsib los tsuas yog thaum pw es tsis nco ceev faj dab phem los tsim txom li txawj tuam hais xwb, yus kuj nco ntsoov Tswv Ntuj hauv nrab ntub npau suav tib yam ces yus kuj yeej lawm thiab.

    Qhov kuv ntseeg mas, vim yus pom tej tus neeg txawv nyob hauv npau suav xwb los yus yeej paub tias yog dab phem. Qhov no yog ib lub zoo txiaj ntsim ntawm yus txoj kev tso siab rau lub Ntuj.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Cov Txiv Plig ntiab dab coob tshaj 10 npaug tau 20 lub xyoo no. Empty Re: Cov Txiv Plig ntiab dab coob tshaj 10 npaug tau 20 lub xyoo no.

    Post  Maiv Tooj 29th January 2012, 8:00 am



    Maiv,

    Ib sim neej, kuv tsis ua npau suav li Txawj Tuam neb ua li tiag...! ntsh
    Kuv tsis tau ua dua npau suav teev Ntuj li, xyov yog li cas li tiag...! Kuv kuj tsis npau suav pom ov miv thab kuv li thiab...Tab sis saum yaj mas kuv tau qw nrov nrov ib zaug...Kuv w dej Ntshiab thiab tua rawv tus Ntoo Cuam ntawm tes xwb ces nws ploj qab ntais lawm...! Ib txwm kuv xeev xwm los ces peb yeej ua Ntuj Kev Cai lawm ces peb yeej tso siab lug rau Huab Tais Ntuj yam tsis ua xyem xyav li. Nruab dab ntub mas kuv tssi pom los thab kuv, tab sis kuv mloog tau tias nws ntxias yus kom yuam kev thiab nws siv yus kom yus npau taws, qhov nov kuv mloog tau li ntawd ces kuv tswj kuv tus kheej kom nws txhob tau siv yus xwb.
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Cov Txiv Plig ntiab dab coob tshaj 10 npaug tau 20 lub xyoo no. Empty Re: Cov Txiv Plig ntiab dab coob tshaj 10 npaug tau 20 lub xyoo no.

    Post  Maiv Paj Lug 29th January 2012, 8:17 am

    Maiv Tooj,

    Peb ib tug tsis thooj ib tug, tos tias koj tsis nstib dab phem ib zaug hauv nrab ntub npau suav, txawm peb txoj kev mus cuag Tswv Ntuj los yeej txawd ,peb tau txiaj ntsim txawv thiab, nyob ntawm Tswv Ntuj pub rau tus twg taug mus li cas.

    Ib txhia mus cuag Tswv Ntuj, mus ntog mus ntog, ib txhia mus quaj mus quaj, ib txhia mus tshaib mus tshaib, ib txhia mus ncaj ncaj....peb txoj kev dab phem tsim txom los txawv tib yam, tiam sis los xaus rau tib qho tias Tswv Ntuj tsim tau peb nws hlub peb tib yam nkaus, tsis pub ib tug tseg ib tug.

    Sponsored content


    Cov Txiv Plig ntiab dab coob tshaj 10 npaug tau 20 lub xyoo no. Empty Re: Cov Txiv Plig ntiab dab coob tshaj 10 npaug tau 20 lub xyoo no.

    Post  Sponsored content


      Current date/time is 18th March 2024, 6:22 pm