Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Teev Ntuj tshwj xeeb.

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5046
    Date d'inscription : 2009-08-18

    Teev Ntuj tshwj xeeb.

    Post  Maiv Tooj on 20th January 2012, 12:03 pm


    Teev Ntuj tshwj xeeb.


    Teev Ntuj tshwj xeeb los yog teev hauv tsev, yog teev Ntuj txhua sij hawm thaum muaj ib pab neeg sib txoos ua ke. Ua ntej yuav pib dej num, yuav teev Ntuj me ntsis ua ntej. Thaum tej lub caij zoo li nov mas yuav xaiv cov zaj teev Ntuj muaj lub ntsiab tseem ceeb thiab luv los teev kom txhob laug sij hawm ntau. Yuav xaiv cov zaj nram qab no ib zaj los ob zaj teev.

    Yog teev nrog tsev neeg hauv tsev, yog muaj caij txaus mas teev Saw Mab Liab, yog caij tsis txaus, xaiv cov zaj nov teev los kuj tau tib yam. Qhov ntau mas yeej yog teev zaj Peb txiv ntau dua cov, tab sis yog ho xav xaiv lwm zaj dua ntawm Peb txiv loq kuj tau.

    Thaum muaj ib rooj mov loj, muaj neeg coob mas feem ntau yog hais zaj Peb Txiv, nrog rau cov zaj Foom Hmoov Zoo rau mov; tej thaum kuj tsuas hais zaj Peb txiv xwb kuj tau.


    Pib: Ua Ntoo Cuam Lub Cim

    Hu txog Leej txiv, Leej Tub thiab Leej Ntuj Plig lub npe. UA LI.

    Xaiv ib los ob zaj teev Ntuj nram qab nov tag ces rov ua Nto Cuam Lub Cim xaus zaj teev Ntuj.

    UA KE TEEV NTUJ.

    1-Peb txiv
    2-zaj koj nyob zoo Mab Liab

    3- HUAB TAIS KOJ XAV CAWM
    4-LEEJ NTUJ PLIG, KOJ LOS MAS.

    5-HUAB TAIS LEEJ TXIV

    6- ZAJ NTSEEG.

    7-ZAJ TSO SIAB.

    8-ZAJ NYIAM.

    9- ZAJ TU SIAB
    10- KUV TSO KUV TXOJ SIA.P40.

    11-HUAB TAIS NTUJ KAUM LO LUS QHIA.

    12-POJ HUAB TAIS P.34


    TEEV NTUJ UA KE.

    1- Peb txiv (zaj qub)

    Peb txiv nyob saum Ntuj
    Koj muaj koob meej nto moo lug mus li,
    Koj hwj huam los txog, peb xav mloog koj lus nyob ntiaj teb no,
    zoo li nyob saum Ntuj.
    Hnub no koj muab mov txaus peb noj;
    Koj zam rau peb zoo li peb zam rau luag.
    Thaum dab phem tuaj ntxias peb siab,
    Koj txhob tso peb tseg,
    Ua kom peb dim ntawm tus phem. UA LI.

    Peb txiv (zaj tshiab)

    Peb txiv nyob saum Ntuj
    Koj lub npe ntshiab nto moo lug,
    Koj lub ceeb tsheej los txog,
    Kom muaj raws li koj nyiam nyob ntiaj teb no
    zoo li nyob saum ntuj.
    Thov koj muab mov txaus peb noj hnub no.
    Koj zam txhaum rau peb zoo li peb zam rau luag.
    Koj txhob tso peb raug kev ntxias.
    Koj npo peb dim ntawm kev phem. Ua li.

    2- zaj koj nyob zoo Mab Liab

    Zaj qub.

    Koj nyob zoo Mab Liab,
    Txiaj ntsim puv koj lub siab,
    Huab Tais Ntuj nrog koj nyob,
    Koj tau koob tau hmoov tshaj sawv daws poj niam tib si,
    Thiab koj lub plab txiv Yes Xus tau koob tau hmoov.

    Mab Liab, Huab Tais Ntuj tus niad,
    nyem thiab thaum txog peb lub caij tuag,
    koj thov pab peb cov neeg txhaum . UA LI.


    ZAJ KOJ NYOB KAJ LUG MAB LAIB (zaj tshiab).

    Koj nyob kaj lug Mab liab,
    Tus tau txiaj ntsim puv siab.
    Huab Tais Ntuj nrog koj nyob.
    Koj tau koob tau hmoov tshaj ib zej tsoom poj niam tib si,
    thiab koj lub txiv uas koj lub cev txi tau koob tau hmoov.
    Leej Ntshiab mab Liab, Tswv ntuj leej Niad,
    Koj thov Ntuj rau peb cov neeg txhaum,
    Nyem no mus txog thaum peb lub caij dua. Ua li.

    3- HUAB TAIS KOJ XAV CAWM
    Huab Tais,
    Koj xav cawm tas lub qab ntuj neeg,
    Koj xav kom tas lub qab ntuj neeg tuaj tshwm txoj kev tseem ceeb.
    Peb thov koj : Koj xa neeg mus sau koj cov qoob loo,
    koj xaiv ib cov neeg siab loj siab kub,
    ua li mas koj lub Moo Zoo yuav txeem mus txog plaub ceg kaum ntuj,
    tas txhia haiv neeg yuav paub koj uas yog tus Huab tais tseem ceeb,
    yuav paub Yes Xu suas nws yog koj tus tub,
    nws yog peb tus Huab Tais Pleev,
    nws ua vaj kav lub ntuj lub teb mus txog txhiab niag tim puas xyoo.
    UA LI.


    4- LEEJ NTUJ PLIG, KOJ LOS MAS.

    Leej Ntuj Plig, koj los mas !
    Koj los nyob hauv cov neeg ntseeg txog koj.
    Koj ua kom lawv lub siab kub li hluav taws.
    Koj xa koj lub tswv yim los mas.
    Mas tag lub ntiaj teb yuav ntshiab tuaj.
    Peb sawv daws thov Huab tais:
    Huab Tais, koj yog tus tso Leej Ntuj Plig los qhia txoj kev pom kev rau cov neeg ntseeg txog koj.
    Peb thov koj:
    Koj tso Leej Ntuj Plig los pab peb nyiam qhov ncaj,
    Koj tso Leej Ntuj Plig los nplij peb kom peb zoo siab mus li.
    Peb vam txog peb tus Huab Tais Pleev .
    UA LI.

    5-HUAB TAIS LEEJ TXIV

    Huab Tais Leej txiv,
    Huab Tais Leej Tub,
    Huab Tais Leej Ntuj Plig muaj koob meej nto moo lug,
    Lub zim txwv no mus txog fab lwm txheej xws li txheej laus thaud los. UA LI.


    6- ZAJ NTSEEG.

    Kuv tus Huab Tais,
    Koj tsis txawj yuam kev,
    Koj tsis xav kom peb yuam kev;
    Kuv ntseeg tas puas tsav yam koj qhia peb;
    Kuv ntseeg tas ib puas tsev yam lub Koom Txoos qhia rau peb.


    7-ZAJ TSO SIAB.

    Kuv tus Huab Tais,
    Koj cog lus hais tias koj yuav pub Ntuj txiaj ntsim rau peb tseem nyob ntiaj teb no,
    thiab koj yuav pub peb tau nyob zoo mus li nyob saum Ntuj.
    Kuv tso siab tias koj yuav nco ntsoov txog koj lo lus,
    Thiab koj yuav ua raws li koj lo lus.


    8-ZAJ NYIAM.

    Kuv tu Huab Tais, koj zoo tshaj tas ib puas tsav yam,
    kuv nyiam koj tshaj ib puas tsav yam.
    Koj xav kom peb nyiam luag tej, kuv nyiam luag tej ib yam li kuv nyiam kuv.

    9- ZAJ TU SIAB.

    Kuv tu Huab Tais,
    koj lub siab zoo tag nrho,
    koj zoo nyiam tag nrho.
    Neeg lub txhaum tsis ntxim koj lub siab.
    Kuv tseem ua txhaum rau koj, kuv tu siab nrho.
    Kuv tsis xav ua txhaum lwm zaus,
    thiab kuv xav them txim.
    Koj puv txiaj ntsim pab kuv. UA LI.

    10- KUV TSO KUV TXOJ SIA.

    Kuv tso kuv txoj sia rau hauv koj txhais tes, Kuv tus Huab tais.
    Tswv Ntuj qhia qhov tseem ceeb, koj yog tus cawm peb.
    Peb tus Vaj, koj txuag peb xws li txuag hauv lub ntsiab muag.
    Ntuj Txiv, koj nthuav tis peb los nkaum hauv koj qhov ntxoov.
    Huab Tais Leej txiv,
    Huab Tais Leej Tub,
    Huab Tais Leej Ntuj Plig muaj koob meej nto moo lug,
    Lub zim txwv no mus txog fab lwm txheej xws li txheej laus thaud los. UA LI.

    11-HUAB TAIS NTUJ KAUM LO LUS QHIA.

    Huab Tais Ntuj qhia kaum lo lus no :
    1-Koj yuav teev Huab Tais Ntuj ib leej xwb thiab koj yuav nyiam Huab Tais Ntuj tshaj tas ib puas tsav yam.
    2-Koj yuav hwm Huab Tais Ntuj lub npe.
    3-Koj yuav caiv Huab Tais Ntuj Hnub.
    4-Koj yuav hwm koj niam koj txiv.
    5-Koj tsis txhob tua neeg.
    6-Koj tsis txhob ze luag txwj luag nkawm.
    7-Koj tsso txhob ua tub sab tus nyiag.
    8-Koj tsis txhob dag rau luag tej.
    9-Koj tsis txhob tso koj lub siab ntshaw ze luab txwj luab nkawm.
    10-Koj tsis txhob tso koj lub siab ntshaw ua tub sab tub nyiag.

    12-POJ HUAB TAIS. P.34

    Poj Huab Tais,
    koj ua niam hlub peb,
    Koj nres peb txoj sia,
    Koj ua peb lub neej tsim txiaj,
    Koj ua peb lub siab tus,
    Peb tuaj xyuas koj.

    Es Vas tej me nyuam khuam ntiaj teb no,
    Es Vas tej me nyuam poob nram hav puv kua muag no,
    Es Vas tej me nyuam kho siab tag nrho tuaj seev ntawm koj.

    Aib! Niam peb peb puag saum ntuj,
    Koj dauv ntsej muag los ntsia peb;
    Thaum txog peb lub caij khuam ntiaj teb nov tag lawd,
    Koj muab koj plab lub txiv Yes Xus rau peb xyuas.

    Aib! Niam txawj zam txhaum,
    Niam txawj hlub neeg,
    Mab Liab, Nkauj tsim Txiaj zoo nyiam.


    NB. Yog thaum muaj ib qho maj heev tsis muaj caij txaus mas tsua ua kiag Ntoo Cuam Lub Cim xwb kuj tau lawm.

    Yog thaum maj ceev heev, twb ua tsis yeej Ntoo Cuam Lub Cim los tsua hu txog Huab Tais Ntuj lub npe xwb los yeej tau.

    Yog thaum koj pom ib tug neeg mob, los muaj teeb meem, koj xav teev Ntuj zais ntshis rau nws, koj khawm koj txhais tes, koj muab koj tus ntiv tes xoo xis los kos saum koj lub qaum tes lauj ua Ntoo Cuam Lub Cim tag ces koj teev Ntuj hauv siab rau nws.






      Current date/time is 6th December 2016, 8:51 am