Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 10:30 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Hnub ua hmoov hwm Niam Mab Liab xeeb los tsis lo neeg lub keeb txhaum

    Share

    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Hnub ua hmoov hwm Niam Mab Liab xeeb los tsis lo neeg lub keeb txhaum

    Post  Mim on 8th December 2011, 5:00 pm

    Hnub no yog tim 8 lub 12 hlis xyoo 2011,
    yog hnub peb ua hmoov nco txog Niam Mab Liab xeeb los tsis lo lub keeb txhaum (the Immaculate Conception/L'Immaculee Conception). Tsis yog xyoo no xwb, niaj xyoo lub Koom Txoos Kas Tos Liv yeej ua hmoov nco txog Niam Mab Liab xeeb los tsis lo lub keeb txhaum. Thiab yogi b hnub uas lus Mes Kas hu tias “Holiday of Obligation,” txhais tias yog ib hnub peb yuav tsum tau mus teev ntuj ib yam li Hnub Chiv thiab. Peb cov neeg nyias muaj muaj nyias hauj lwm, mas cov coob yeej tsis tau kev mus koom thaj txi ntuj li. Muaj ib txhia txawm lawv twb nyob hauv tsev xwb los zoo li lawv tsis to taub hais tias yog ib hnub yuav tsum mus teev ntuj, ces lawv tsis mus koom thaj txi ntuj. Tiam sis xav kom peb sawv daws to taub txog qhov no: thaum lub Koom Txoos hais tias yog “Holiday of Obligation” mas txhais hais tias yogi b hnub tseem ceeb ib yam li Hnub Chiv, peb yuav tsum tau mus teev ntuj.

    Yog vim li cas? Vim yog ib qho tseem ceeb nyob hauv Koom Txoos Kas Tos Liv txoj kev ntseeg. Lub Koom Txoos yeej ib txwm qhia puag ntxov thaum ub los hais tias Niam Mab Liab xeeb los tsis lo lub keeb txhaum, tiam sis lub Koom Txoos tsis tau zeem ua ib nqe lus nyob hauv txoj kev ntseeg. Xyoo 1854 lub 12 hlis tim 8, vaj qhia Pius IX thiaj tau los zeem tseeb tias thaum Niam Mab Liab xeeb kiag los ua neeg hauv nws niam plab, nws yeej tsis lo lub keeb txhaum li. Ces txij thaum ntawd los peb yog ib tug neeg ntseeg Kas Tos Liv mas peb yuav tau ntseeg nqe lus ntawd.

    Xyoo 1858, nyob Lourdes, Fab Kis teb, Niam Mab Liab tuaj qhia rau Bernadette tias nws yog tus xeeb los tsis lo neeg lub keeb txhaum.
    Lub koom Txoos piav txog qhov ntawd zoo li no: Tswv ntuj yog tus paub tas ib puas tsav yam, nws yeej xub paub hais tias Niam Mab Liab yuav zoo siab lees ua HT Yes Xus leej Niam. Yog vim li ntawd HT Yes Xus lub txiaj ntsim cawm neeg uas txhawv ntawm nws txoj kev raug txom nyem thiab tuag saum ntoo cuam twb xub cawm tau Niam Mab Liab lawm, ces nws thiaj xeeb los tsis lo lub keeb txhaum. Tej zaum yuav yog ib qho nyuaj to taub me ntsis tiam sis, qhov tseem ceeb peb yuav tsum ntseeg yog qhov hais tias Niam Mab Liab yog tus xeeb los tsis lo neeg lub keeb txhaum.

    Cov Zaj Nyeem

    Hauv Paus 3: 9-15, 20

    9 HUAB TAIS Tswv Ntuj hu tus txiv neej hais tias : "Koj nyob qhov twg ?"
    10 Tus txiv neej teb tias : "Kuv hnov koj rhais ruam hauv lub vaj. Kuv ntshai vim kuv liab qab, kuv thiaj khiav tsiv nraim."
    11 Tswv Ntuj rov hais ntxiv tias : "Leej twg qhia koj tias koj liab qab ? Yog koj noj lub txiv uas kuv txwv tsis pub noj lawm puas yog ?"
    12 Tus txiv neej teb tias : "Yog tus poj niam uas koj tso nyob ze kuv, muab lub txiv rau kuv, ces kuv thiaj noj !"
    13 HUAB TAIS Tswv Ntuj hais rau tus poj niam tias : "Koj ua dab tsi li ntawd ?" Tus poj niam teb tias : "Yog niag nab ntxias kuv, kuv thiaj noj."
    14 Ces HUAB TAIS Tswv Ntuj hais rau tus nab hais tias : "Vim koj tau ua li ntawd, koj txoj hmoov yuav phem tshaj ib tsoom tsiaj nyeg thiab tsiaj qus. Koj yuav xuas koj lub plab mus kev, thiab koj yuav niaj hnub noj av tas koj sim neej.
    15 Kuv yuav ua kom muaj kev ciaj caub ntawm koj thiab tus poj niam, ntawm koj caj ces thiab nws caj ces. Nws yuav tsuj koj taub hau, koj yuav tom nws luj taws."
    20 Tus txiv neej tis npe rau nws poj niam hu ua Es Vas, vim nws yog ib tsoom neeg muaj txoj sia leej niam.

    Es Fes Xos 1:3-6, 11-12

    3 Kuv cav lus zoo txog Tswv Ntuj, peb tus Huab Tais Yes Xus Pleev Leej Txiv, vim nws foom hmoov zoo rau peb, thiab pub txiaj ntsim yug peb tus ntsuj plig, nws tau pub txhij pub txhua, nyob saum cov txheej ntuj, hauv Leej Pleev.
    4 Thaum tseem tsis tau tsim lub ntuj lub teb, Tswv Ntuj twb xaiv peb nyob hauv Leej Pleev, kom peb ntshiab huv, tsis lo
    txhaum rau ntawm nws xub ntiag, thiab kom peb tau los nyob hauv txoj kev nyiam.
    5 Nws ib txwm xaiv peb ua nws cov tub ki tshiab, nyob hauv Yes Xus Pleev. Nws lub tswv yim pom zoo ua li ntawd,
    6 kom peb cav txog nws lub hwj chim thiab nws lub txiaj ntsim, vim nws pub txiaj ntsim dawb rau peb nyob hauv tus Zoo Nyiam.
    11 Ntuj xaiv peb thiab qee peb nyob hauv Leej Pleev, raws li Tswv Ntuj tus txheej txheem uas nws ib txwm tsa los coj txhua tsav txhua yam kom haum nws lub siab xav.
    12 Ntuj qee peb los ua pab neeg xub tso siab rau Leej Pleev, thiab xub cav txog Tswv Ntuj lub koob meej.

    Lus Kas 1:26-38

    26 Lub rau hli, Tswv Ntuj xa tus Tshiab Nkas Nplias mus cuag ib tug ntxhais hauv ib lub zos nyob Nkas Lis Lais. Lub zos
    ntawd hu ua Nas Xas Les.
    27 Tus ntxhais ntawd, lawv muab qhaib rau ib tug txiv neej hu ua Yos Xes, xeem Das Vis. Hos tus ntxhais lub npe hu ua Mab Liab.
    28 Tus Tshiab chaws mus hauv Mab Liab tsev, nws hais rau Mab Liab
    tias : "Koj nyob kaj lug, tus tau txiaj ntsim puv siab ! Huab Tais nrog koj nyob."
    29 Mab Liab hnov lo lus ntawd, nws lub siab nphau npog, nws xav hauv nruab siab tias lo lus hawm ntawd yog dab tsi.
    30 Tus Tshiab hais rau Mab Liab tias: "Mab Liab, koj tsis txhob ntshai. Tswv Ntuj saib koj ntxim Tswv Ntuj siab.
    31 Zaum no, koj yuav xeeb tub, koj yuav yug ib tug tub, koj yuav tis nws npe hu ua Yes Xus.
    32 Nws yuav yog ib tug loj, luag yuav hu nws ua tus Nyob Siab leej Tub. Huab Tais Tswv Ntuj yuav muab nws txiv Das Vis lub theej kiab rau nws.
    33 Nws yuav ua vaj kav Yas Kos tsev neeg tiam dhau tiam. Nws txoj kev ua vaj yuav tsis muaj caij kawg."
    34 Mab Liab hais rau tus Tshiab tias: "Qhov ntawd yuav muaj tuaj zoo li cas, vim kuv tsis paub ib tug txiv neej."
    35 Tus Tshiab teb rau Mab Liab tias: "Leej Ntuj Plig Ntshiab yuav los nyob saum koj, tus Nyob Siab lub hwj huam
    yuav los roos koj. Li ntawd, tus ntshiab yug los yuav hu ua Tswv Ntuj Leej Tub.
    36 Saib ! Es Lis Xas Npes, tus uas txheeb koj, luag hu nws ua pog khoom, nws hnub nyoog laus lawm, tab sis nws kuj
    xeeb tub lawm thiab. Lub hlis no, nws xeeb tub tau rau hli lawm. Vim tias, tsis muaj ib yam uas Tswv Ntuj ua tsis tau."
    38 Ces Mab Liab hais tias : "Kuv yog Huab Tais tus ntxhais txib. Kuv xav kom muaj raws li koj hais." Tus Tshiab thiaj tso Mab Liab tseg.



    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: Hnub ua hmoov hwm Niam Mab Liab xeeb los tsis lo neeg lub keeb txhaum

    Post  Maiv Tooj on 8th December 2011, 7:29 pm


    HNUB TIM 8 LUB 12 HLIS NYOB LYON, FAB KIS TEB.



    Thaum 1856, muaj tuag aws nyob Europe, Lyon yog lub nroog uas nyob kev tshuam mus rau yav Europe Naj thiab Pej, ces lawv ntshai heev, cov pej xeem nyob Lyon thiaj tau thov Niam mab Liab pab roos lawv. Tag rho Europe tuag 50.000.000 leej, Lyon tsis rhaug kev puas tsoog. Ces txij li Hnub Tim 8 lub 12 hlis 1856 los, tag nrho lub roog Lyon, cov tsev neeg taws tswm ciab rau ntawm qhov rai, cav txog Niam Mab Liab lub Txiaj Nrtsim. Cov nom tswv ua ntau yam pom kev zoo nkauj rau lub nroog, muaj taws tswm ciab teev Ntuj taug kev nce roob ntawm Thawj lub tsev teev Ntuj Fab Kis teb mus rau pem lub tsev teev Ntuj uas txhim los nco txog Niam Mab Liab Txiaj Ntsim 1856, muaj Tswv Qhia Lyon nrog rau ntau caum tus Leej Choj thiab ntau txhiab leej neeg. Muaj neeg Pej Kum coob tuaj xyuas Lyon 3 hnub, Tim 8-11/12 hlis. Xyoo no lawv ua loj heev, muaj tshaj 70 qhov chaw xyuas. Xyoo no yog ib xyoos zoo uas cov Zim Pees tau thau lawv cov tsheb ntawv tuaj hom rau sawv daws saib. Yog thawj thawj zaug uas lawv tau rhov cov tsheb no tawm hauv lawv lub teb chaws.

    Hmoob Lyon Taws Teeb 3 hnub, kwv yees 3 plhom (3.000.000) leej neeg yuav tuaj tsham Lyon xyuas teeb pom kev. Nag hmo, tim 8 lub 12 hlis 2011, peb tau mus saib Lyon ci ntsa thiab. Xyoo no neeg tuaj coob heev, peb mus tsis tau raws li siab xav. Lawv muab tag nrho cov kev hauv plawv roog txia, tsis pub tsheb khiav, tshuav cov tsheb tshwb liag khiav nruab tiv xwb. Cov saum npoo ces tsis khiv li, cia rau neeg mus xwb, muaj tej qhov chaw mas neeg coob thiab tab sis kuj mus nyog, muaj tej qhov chaw mas sib txiv cuag ntsia pob kws tiag tiag li, koj tsis mus los cov neeg maj mam txiv los mus ces yug cia li ntab raws cov zog neeg ntawd lawm. Sib tuav kiag los yeej muaj neeg los kem kiag ces kawh tso tes xwb. Ntau qhov, peb mus tsis txeem ces peb cia li tsis mus lawm.

    Thaum kuv pom neeg coob npaum li no, kuv xav tias yog Tswv Ntuj lub Hwj Huam xwb thiaj li yuav sau tau neeg coob npaum li no tuaj ua ke, yam tsis muaj xwm txheej dab tsi thiab zoo siab hlo tuaj. Thaum yus pom 10.000 leej neeg yus tias coob, yus pom 50.000 leej hais tias coob tiag tiag li, tab sis thaum yus pom 1.000.000 tus neeg nyob ua ke mas xav tssi tag li lawm.



    Cov tsev taws tswm ciab ntawm qhov rais.



    Cov tsheb loj thauj neeg tuaj deb tuaj xyuas Lyon ci ntsa.



    Thaum neeg coob, kuj tseem zoo mus kev.


    Last edited by Maiv Tooj on 9th December 2011, 11:36 am; edited 1 time in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: Hnub ua hmoov hwm Niam Mab Liab xeeb los tsis lo neeg lub keeb txhaum

    Post  Maiv Tooj on 9th December 2011, 8:12 am





    Lub Log siab tshaj hauv Fab Kis teb.



    Zim Pees lub tsheb ntawv cev.





















    Tso duab rau tim ib thaj hav zoov.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: Hnub ua hmoov hwm Niam Mab Liab xeeb los tsis lo neeg lub keeb txhaum

    Post  Maiv Tooj on 9th December 2011, 11:51 am



    Saib video txog hmo Tim 8 lub 12 hlis 2011, Nco txog Niam mab Liab txiaj ntsim tau cawm tsoom neeg Lyon dim ntawm kev tuag aws 1856. nyob rau lub nroog Lyon, Fab Kis teb.


    http://youtu.be/HJrjehif_Zw




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Hnub ua hmoov hwm Niam Mab Liab xeeb los tsis lo neeg lub keeb txhaum

    Post  Mim on 9th December 2011, 2:16 pm

    Nyob zoo tais Tooj,

    Nej lub nroog mas ua tau ib lub koob tsheej nci zoo nkauj kawg li lau! Es puas muaj hais txog Niam Mab Liab thiab na lod?

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5047
    Date d'inscription : 2009-08-18

    Re: Hnub ua hmoov hwm Niam Mab Liab xeeb los tsis lo neeg lub keeb txhaum

    Post  Maiv Tooj on 9th December 2011, 8:22 pm


    Nyob zoo Mim,

    Lawv cav txog Niam Mab Liab es thiaj li muaj taws tswm ciab ntawm cov qhov rai txhua lub, muaj Lub Txoos teev Ntuj, muaj Tswv Qhia coj tsoom sid taug kev nce roob ntawm Thawj Lub Tuam Tsev teev Ntuj Fab Kis (Primatial Saint Jean Baptiste) mus rau pem lub Tuam Tsev teev Saw Mab Liab uas txhim los ua Niam Mab Liab tsaug rau 1856 Basilique Notre Dame de Fouvières. Tsis tag li ntawd, yeej taws teeb thiab tso duab zoo nkauj rtau txhua lub tsev teev Ntuj. Muaj tej lub mas neeg tuaj taws cwm ciab, yuav ib leeg ib tug tso thoob plaws cov taw ntsa tsev teev Ntuj, muaj ntau lub mas lawv ua duab oo khauj heev rau.





    Lub tsev teev Ntuj txhim rau Niam Mab Liab pab roos lub nroog Lyon thaum 1856, Basilique Notre Dame de Fourvière. Hnub hmoov Neeg Poob Nroog, peb cov Hmoob yuav mus nrog Pej Kum neeg koom ua lub Txoos teev Ntuj hauv lub Tuam tsev no.



    Thawj lub Tsev teev Ntuj Fab Kis, Primatial Saint Jean Baptiste.



    Tsev teev Ntuj Saint Georges.





    Saint Bonne Aventure.

    Tseem tshua ntau lub ntxiv tab sis mus tsis txog.




    Mim
    Tswv Cuab Hmong Catholique
    Tswv Cuab Hmong Catholique

    Messages : 1646
    Date d'inscription : 2009-10-16

    Re: Hnub ua hmoov hwm Niam Mab Liab xeeb los tsis lo neeg lub keeb txhaum

    Post  Mim on 10th December 2011, 7:53 am

    Tais Tooj,

    Ua li lod? Zoo kawg li mas. Vim koj tsis piav txog ces kuv thiaj li nug koj li ntawd xwb os. Niam Mab Liab yeej yog ib leeg Niam uas pab sawv daws zoo heev yog tias peb vam txog nws tas siab tas ntsws tiag tiag.

    Sponsored content

    Re: Hnub ua hmoov hwm Niam Mab Liab xeeb los tsis lo neeg lub keeb txhaum

    Post  Sponsored content Today at 11:29 pm


      Current date/time is 6th December 2016, 11:29 pm