Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

Suav neeg tuaj saib, txij hnub 17/09/2010 los mus.


    HNUB TIM 15 LUB 8 HLI, UA HMOOV NCO TXOG NIAM MAB LIAB MUS SAUM NTUJ.

    Share
    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1164
    Date d'inscription : 2009-08-16
    Age : 52
    Localisation : Fresno, California, USA.

    HNUB TIM 15 LUB 8 HLI, UA HMOOV NCO TXOG NIAM MAB LIAB MUS SAUM NTUJ.

    Post  Npuagtub on 14th August 2011, 8:11 am


    Leej Niam Ntshiab Mab Liab

    Photobucket

    Cov Lus Paj Lug Sau mus Rau Cov Ntseeg Nyob Kos Lis Nthos

    54 Thaum lub cev txawj lwj no plhis tau
    rau lub tsis txawj lwj lawm, thaum lub
    cev txawj tuag no plhis tau ua lub tsis
    txawj tuag lawm, mas yuav muaj raws li
    lo lus nyob hauv Ntawv hais tias :
    “Txoj kev yeej rhuav txoj kev tuag tog rau
    hauv qab thu lawm. 55 Kev tuag, koj
    txoj kev yeej nyob qhov twg ? Kev tuag,
    koj rab hmuv nyob qhov twg ?”
    56 Kev tuag rab hmuv yog kev txhaum.
    Kev txhaum lub zog yog Txoj Cai.
    57 Peb ua Tswv Ntuj tsaug, vim nws
    pub kev yeej rau peb, nyob hauv peb tus
    Huab Tais Yes Xus Pleev.

    Ntawv Moo Zoo
    Lus Kas 11: 17 - 18

    27 Thaum Yes Xus tseem hais tej lus
    ntawd, muaj ib tug poj niam nyob hauv
    nruab nrab tsoom sid tsa suab hais nrov
    rau Yes Xus tias : "Lub plab uas tau nqa
    koj thiab lub xub ntiag uas pub mis rau
    koj tau txoj hmoov zoo !"

    28 Tab sis Yes Xus hais tias :
    "Cov uas mloog Tswv Ntuj Lo Lus thiab
    ua raws li Tswv Ntuj Lo Lus, mas lawv
    haj yam tau txoj hmoov zoo."

    Lus Piav:
    Raws li nyob hauv phau ntawv Ntshiab (Holy Bible) mas tsis pom muaj sau hais txog Leej Niam Ntshiab Mab Liab mus saum Ntuj, tiam sis nyob hauv phau ntawv qhib yav tom ntej (Revelation 12) mas muaj ib nqis sau hais tias: Zam pom muaj ib lub Cim loj tas nrho tshwm nyob saum ntuj, yog ib tug Poj Niam hnav lub hnub, lub hli nyob hauv nws qab sib taws, kaum ob lub hnub qub vij nws taub hau. Yog li lub koom txoos Kas Tos Liv thiaj ntseeg thiab tau qhia tias tom qab Niam Mab Liab txoj sia tu mas Tswv Ntuj tau txais nws lub cev nrog tus ntsuj plig mus saum ntuj lawm tiag.

    Txhua xyoo thaum lub 8 hlis tim 15 nyob hauv lub koom txoos Kas Tos Liv ( Catholic ) txhua lub tsev teev ntuj nyob thoob ntiaj teb lawv ua lub txoov teev ntuj hawm Niam Mab Liab thiab nco txog nws mus saum ntuj. Qhov no tau tswm muaj thaum lub 11 hlis tim 1 xyoo 1950 los ntawm tus Vaj Qhia (Pius XII) nyob tim Los Mas, hnub ntawd muaj tshaj 500,000 leej neeg tuaj koom lub koob tsheej nyob ntawm St. Peter's Square.

    Niam Mab Liab tas sim neej thaum nws muaj 59 xyoos, nws tas sim neej xyoo A.D 48. Nws tau siv sij hawm txaus nkaus nrog Yes Xus cov thwj tim nyob ua ntej yuav txog lub sij hawm nws tso lawv tseg. Cov thwj tim tau coj Niam Mab Liab lub cev mus tso rau ib lub ntxa nyob ze ntawm lub ua lawv muab Yes Xus lub Cev tso rau, lawv muab nws qhwv ib daim ntaub dawb tso nws rau hauv lub ntxa, tiam sis nws lub cev cia li ploj tsis nyob hauv lawm, vim Yes Xus los coj nws lub cev nrog tus ntsuj plig mus saum ntuj lawm.

    Txhua xyoo thaum lub 8 hli tim 15 lub koom txoos Kas Tos Liv thiaj ua hmoov nco txog niam Mab Liab cov txiaj ntsim nyob ntiaj teb no thiab nco txog nws lub cev nrog tus ntsuj plig mus saum ntuj. Tom qab Niam Mab kuj tau tshwm tuaj rau coob leej tau pom nyob rau ntau thaj chaw thiab ntau lub teb chaws, thiab kuj ua rau ntau leej tej mob zoo, feem ntau kuj yog nyob rau sab teb chaws Fab kis.



    Photobucket
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5271
    Date d'inscription : 2009-08-18

    Re: HNUB TIM 15 LUB 8 HLI, UA HMOOV NCO TXOG NIAM MAB LIAB MUS SAUM NTUJ.

    Post  Maiv Tooj on 15th August 2011, 7:22 am







    Mab Liab hu nkauj

    1- Kuv tus cav txog Huab Tais Ntuj lub hwj chim
    Kuv lub tswv yim hom khaj nyob hauv Tswv Ntuj ua nws cawm kuv

    2- Kuv tus Huab Tais ntsia txog nws tus ntxhais tsis muaj tsim
    Txij no mus lub qab ntuj neeg yuav hais tias kuv txoj hmoov zoo

    3- Tus muaj hwj huam tag nrho nws ua tej yam loj rau kuv,
    nws lub npe ntshiab

    4- Huab Tais lub siab hlub cov neeg hwm Ntuj,
    Huab Tais hlub lawv txog txhiab niag tim puas xyoo.

    5- Huab Tais muab nws lub hwj chim rau sawv daws pom

    6- Cov neeg uas lawv lub siab muab hlob,
    Huab Tais ntau lawv kom lawv tawg.

    7- Cov neeg zaum ua Vaj,
    Huab Tais ua kom lawv nqes ntawm lawv lub rooj zaum.

    8- Cov neeg me, Huab Tais tsa lawv nyob qhov chaw siab

    9- Cov neeg uas lawv tshaib plab,
    Huab Tais ua kom lawv muaj

    10- Cov neeg uas lawv muaj,
    Huab Tais ntiab kom lawv mus lawv txhais tes qhuav.

    11- Huab Tais tuaj pab nws tus tub His Xas Lais;
    Huab Tais nco ntsoov txog Huab Tais lub siab zoo.

    12- Huab Tais nco ntsoov txog nws los lus hais rau Has Nplas,
    Huab Tais nco ntsoov los lus uas nws hais rau peb lub keeb.

    13- Huab Tais Leej txiv, Huab Tais Leej Tub, Huab Tais Leej Ntuj Plig
    muaj koob meeh nto moo lug, lub zim txwv no mus txog fab lwm txheej
    xws li txheej laus thaud los ua li.








    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5271
    Date d'inscription : 2009-08-18

    Re: HNUB TIM 15 LUB 8 HLI, UA HMOOV NCO TXOG NIAM MAB LIAB MUS SAUM NTUJ.

    Post  Maiv Tooj on 15th August 2011, 7:48 am



    Nyob zoo XH.Npuag Tub,

    Ua tsaug ntau rau nws zaj piav txog Niam Mab Liab nce mus saum Ntuj.
    Yog ib hnub dawb ib hnub hu, uas Tswv Ntuj tso nws cov Tshiab tuaj nqa Niam Mab Liab nce mus saum ntuj.



    ZAM NTAWV QHIB LUB CAIJ TOM NTEJ



    11.19 Ces Tswv Ntuj lub Tuam Tsev nyob
    saum ntuj qhib los. Lub Xab Cog Lus
    hauv Kem Ntshiab tawm los. Muaj xob
    laim, muaj ib co suab nrov, xob quaj nroo
    ntws, lub ntiaj teb qeeg ib zag, thiab lawg poob hlob hlob.


    Xya lub cim.
    Thawj lub cim : Tus Poj Niam thiab tus Zaj. 12 : 1 - 18.


    1 Muaj ib lub cim loj tas nrho
    tshwm nyob saum ntuj : yog ib
    tug Poj Niam hnav lub hnub. Lub hli
    nyob hauv nws qab xib taws. Kaum ob
    lub hnub qub vij nws taub hau. 2 Tus Poj
    Niam ntawd xeeb tub lawm. Nws ntsaj
    mob, vim nws tab tom daws cev.
    3 Tseem muaj dua ib lub cim tshwm tuaj
    nyob saum ntuj : ib tug niag Zaj loj kawg,
    liab ploog cuag hluav taws. Nws muaj
    xya lub taub hau thiab kaum tus kub.
    Txhua lub taub hau ntoo ib lub kauj kub.
    4 Nws tus ko tw cheb cov hnub qub saum
    pov los rau hauv ntiaj teb.
    Tus Zaj sawv ntsug ntawm tus poj niam
    uas tab tom daws cev xub ntiag, npaj
    nqos tus me nyuam uas tus poj niam yuav
    yug. 5 Tus Poj Niam yug tau tus me
    nyuam, yog ib tug me tub : yog tus yuav
    tuav ib rab cwj hlau coj tas txhua haiv
    neeg. Luag nqa tus me nyuam mus rau
    Tswv Ntuj, nyob ze ntawm Tswv Ntuj lub
    theej kiab. 6 Hos tus Poj Niam khiav mus
    nyob hauv teb chaws suab puam : nws
    mus nyob hauv qhov chaw uas Tswv Ntuj
    npaj rau nws, thiaj yuav muaj tus yug
    mov rau nws ib txhiab ob puas rau caum hnub.
    7 Muaj ib nthwv rog nyob saum ntuj :
    Miv Kas thiab nws cov Tshiab ua rog
    ntaus tus Zaj. Tus Zaj thiab nws cov dab
    kuj ua rog tiv lawv thiab.
    8 Tab sis tus Zaj swb lawm. Ces tus Zaj
    thiab nws cov dab tsis tau kev nyob saum
    ntuj lawm. 9 Luag muab niag Zaj thiab
    nws cov dab pov rau hauv ntiaj teb. Tus
    Zaj yog tus Nab thaum ub, yog tus uas
    luag hu nws ua Dab Phem thiab Xas Tas,
    nws yog tus ntxias tas ntiaj teb neeg.
    10 Ces kuv hnov ib lub suab nrov saum ntuj tuaj tias :
    “Zaum no, kev yeej, kev muaj hwj huam,
    peb tus Tswv Ntuj txoj kev ua Vaj, thiab
    nws Leej Pleev lub hwj huam los txog
    lawm. Vim tus niag uas liam rau peb cov
    kwv tij nruab hnub hmo ntuj, nyob ntawm
    Tswv Ntuj xub ntiag, nws poob rau puag
    hauv lawm. 11 Lawv yeej nws vim Leej
    Yaj cov ntshav, thiab vim lawv lo lus ua
    tim khawv. Lawv tsis khuv xim lawv txoj
    sia, lawv yeem tuag. 12 Vim li ntawd
    mas lub ntuj thiab cov uas nyob saum
    ntuj, nej zoo siab mog ! Hos lub ntiaj teb
    thiab dej hiav txwv, nej txoj hmoov
    phem, vim dab phem nqes los hauv nej
    lawm, nws npau taws heev kawg, vim
    nws paub tias nws tsis tshuav ntev hnub lawm.”
    13 Thaum tus Zaj pom tias Ntuj muab
    nws pov rau ntiaj teb lawm, mas nws mus
    caum tus Poj Niam uas yug tus me tub.
    14 Tab sis Ntuj muab tus Dav Loj ob
    txhais tis rau tus poj niam, ces nws ya
    mus deb deb ntawm tus Nab, mus nyob
    teb chaws suab puam, hauv nws lub
    chaw. Nws nyob ntawd ces Ntuj yug
    mov rau nws, ib lub sij hawm, ob peb lub
    sij hawm, thiab ib nrab sij hawm.
    15 Ces tus Nab tshuab dej hauv nws
    qhov ncauj tawm los xws li ib tug dej
    hlob mus raws tus Poj Niam, kom dej
    tshoob tus Poj Niam mus. 16 Tab sis
    ntiaj teb pab tus Poj Niam, ntiaj teb rua
    ncauj nqos tus dej uas tawm hauv tus Zaj qhov ncauj los.
    17 Ces tus Zaj npau taws rau tus Poj
    Niam, nws thiaj mus ua rog rau tus Poj
    Niam cov xeeb leej xeeb ntxwv uas
    khaws Tswv Ntuj cov lus qhia thiab ua Yes Xus tim khawv.
    18 Tus Zaj sawv ntsug saum cov suab
    puam, ntawm ntug dej ntuj.




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5271
    Date d'inscription : 2009-08-18

    Re: HNUB TIM 15 LUB 8 HLI, UA HMOOV NCO TXOG NIAM MAB LIAB MUS SAUM NTUJ.

    Post  Maiv Tooj on 19th August 2011, 9:51 am


    Cov Tshiab nqa Niam Mab Liab mus saum Ntuj

    Raws li Tswv Qhia Yes Lus Xas Les ,Juvénal, tau hais hauv Rooj Cauj Lus Chalcédoine (Concile Chalcédoine) uas yog Rooj Ncauj Lus zaum 4 ntawm keeb kwm Ntuj kev cai thaum xyoo A.D 451 nyob rau hauv lub tsev teev Ntuj Leej Ntshiab Euphémie uas nyob hauv lub nroog éponyme,tam sim no lawv hu ua Kadıköy, uas yog khoog neeg Es Xias nyob Istabul, tau hais rau ob niam txiv Vaj Ntxwv Marcien thiab Pulchérie hais tias:
    " Thaum Niam Mab Liab tuag, muaj tag nrho cov Thwj Tim nyob ncig nws, tshuav Leej Ntshiab Tos Mas uas tuaj txog lig xwb. Tau ob peb hnub tom qab, Tos Mas los txog, nws tias kom coj nws mus saib lub ntxav, tab sis lawv mus txog nej lub ntxav khoob ntshuv cia; ces cov Thwj Tim thiaj hais rau Tos Mas tias Ntuj cov Tshiab muab NWS nqa mus saum Ntuj lawm.


    Cov Thwj Tim ntsia ntsoov Niam Mab Liab nce mus saum ntuj lawm.





    Sponsored content

    Re: HNUB TIM 15 LUB 8 HLI, UA HMOOV NCO TXOG NIAM MAB LIAB MUS SAUM NTUJ.

    Post  Sponsored content


      Current date/time is 25th June 2017, 9:41 am