Home
Yog koj tso siab rau Yesxus lub siab ntshiab, nws yuav ua koj siab kaj lug 
ZAM, Zaj 3.
Nyob hauv cov Fas Lis Xais,
muaj ib tug hu ua Nis Kos Des
Mos. Nws yog cov Yus Das ib tug thawj
coj. Nws tuaj cuag Yes Xus hmo ntuj,
nws hais rau Yes Xus tias :
"Las Npis, peb paub tias koj tuaj ntawm
Tswv Ntuj tuaj ua Kws Xib Hwb. Yeej
tsis muaj leej twg ua tau cov cim koj ua,
yog Tswv Ntuj tsis nrog nws."
Yes Xus teb rau Nis Kos Des Mos tias :
‘Kuv hais qhov muaj tseeb tiag rau koj :
Tus tsis yug saum txheej siab los, mas
nws pom tsis tau Tswv Ntuj lub Ceeb Tsheej.’
Nis Kos Des Mos hais rau Yes Xus
tias :
"Ib tug neeg laus lawm, nws yuav ua li
cas rov yug los tau ? Nws puas rov mus
tau rau hauv nws niam plab ib zaug ntxiv,
mam rov yug los dua ?”
Yes Xus teb hais tias :
“Kuv hais qhov muaj tseeb tiag rau koj:
Tus tsis yug ntawm dej thiab ntawm Leej
Ntuj Plig los, mas nws yuav mus tsis tau
hauv Tswv Ntuj lub Ceeb Tsheej.
Tus uas yug ntawm lub cev nqaij los, mas nws
yog nqaij. Tus uas yug ntawm Leej Ntuj
Plig los, mas nws yog ntsuj plig. Koj
txhob poob siab vim kuv hais rau koj
tias : Nej yuav tsum yug ntawm txheej
siab los.
Cua xav tshuab lawm seem twg kuj tau.
Koj hnov cua nrov, tab sis
koj tsis paub cua tuaj qhov twg tuaj,
thiab cua mus qhov twg. Tus uas yug ntawm
Leej Ntuj Plig los kuj ib yam li ntawd.
LUS NTUAS:
1. HT. Yes Xus hais tias yuav tsum rov yug dua tshiab yog li cas?
Yam li peb yuav tsum hloov yuav dua ib lub siab, ib lub tswv yim tshiab.
Xws li Niskosdesmos, yog nws xav txais yuav Yes Xus lub Moo tiag thiab xav los nyob hauv Tswv Ntuj lub Ceeb Tsheej mas nws yuav tsum tau txiav siab los yuav HT. Yes Xus zaj tswv yim, nws yuav tsum tso Mais xes zaj tswv yim tseg, nws tso cov txwj laus lub tswv yim tseg thiab nws yuav tsum txiav siab tiag tias txij no mus nws yuav taug HT. Yes Xus tus lwj lwm xwb.
Ntawm peb kuj ib yam:
Yog peb xav txais HT. Yes Xus lub Moo mas peb kuj yuav tsum yoog raws li HT. Yes Xus cov lus qhia thiab coj raws li nws tus lwj lwm xwb. Txhob mus mloog lwm tus xib hwb coj yus mus rau tej yam tsis ntxim HT. Yes Xus siab.
2. Yuav rov yug dua tshiab nyob hauv dej thiab hauv leej Tswv Yim Ntshiab:
Yam li thaum peb txiav siab los ntseeg HT. Yes Xus tiag mas peb txais lub Cim Ntxuav, peb rov yug los nyob hauv dej, thiab leej Tswv yim Ntshiab los nyob hauv peb lub siab, lub tswv yim.
3. Leej Tswv Yim Ntshiab ua zoo li cua tshuab:
Yam li thaum yus mloog leej tswv yim Ntshiab tshoj yus mas yus yuav tsis xub paub tias nws yuav coj yus mus ua dab tsi. Nws yeej coj yus mus ua tej yam zoo kawg, tiam sis yus tsis xub paub tias nws yuav coj yus mus ua tej yam haij lwm twg. Ib yam li yus tsis pom cua tshuab mus rau qhov twg.
HT. Yes Xus paub tej no zoo vim nws tuaj saum Ntuj tuaj, hos Niskosdesmos nws tsis to taub txog tias yuav rov yug dua tshiab yog zoo li cas.
Vim li cas peb cov Kas Tos Liv ntseeg tias NIAM MAB LIAB yog TSWV NTUJ Niam? caws nej mus nias nyeem tau hauv no.
Leej Tshiab Mis Kas Ees thov koj pab tuav thiab saib xyuas peb lub Vas Sab Hmong Catholique ntawm no kom ruaj nrees.
