THOV NTUJ UA NTEJ LUB THAJ TXI NTUJ.

**Npuagtub** 8th September 2009, 6:07 am

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°1

THOV NTUJ UA NTEJ LUB THAJ TXI NTUJ.

Post Npuagtub 8th September 2009, 6:07 am

THOV NTUJ THAUM NYOB HAUV TSEV NTEEV NTUJ UA NTEJ TSI TAU UA LUB THAJ TXI NTUJ:

Txhua hnub chiv yog koj yuav npaj mus koom ib lub Thaj Txi Ntuj twg, koj yuav npaj siab ua ntej. Koj yuav txhob noj ib yam dab tsi 1 teev ua ntej yuav ua lub Txoos Teev Ntuj. koj yuav tsum mus kom txog tom lub tsev Teev Ntuj 15 feeb ua ntej tsis tau ua lub Txoos Teev Ntuj.

1. Thaum koj mus txog ntawm lub qhov rooj hauv lub tsev teev Ntuj, yog muaj lub tais rau dej Ntshiab nyob ntawm qhov rooj koj yuav xub muab koj 2 tug ntiv tes mus tub cov dej Ntshiab los ua Ntoo Cuam lub cim tas tso koj mas li mus rau ntawm lub rooj koj yuav zaum.

2. Thaum koj mus txog ntawm lub rooj koj yuav mus zaum, koj yuav pe los yog hawm Tswv Ntuj tas tso koj mam li nkag mus ntawm lub rooj zaum.
Koj qhau lub rooj tiag hauv caug, koj txhos caug koj ua NTOO CUAM LUB CIM...+

3. Koj ua Huab Tais Ntuj tsaug hauv koj nruab siab vim nws tau saib xyuas koj 7 hnub dhau los.

4. Koj thov lees txhua yam koj tau ua yuam kev, tsis zoo los yog tej koj tsis nco qab lawm, los cev rau Tswv Ntuj kom nws zam rau koj ua ntej koj yuav mus txais tau HT. Yes Xus lub cev.

5. Koj thov hauv koj nruab siab txog tej yam koj xav kom Tswv Ntuj pab koj.

6. Koj hais 4 zaj nkauj hauv qab no 1 zag, zaj twg los tau.

A. Zaj tu siab: kuv tus Huab Tais, koj lub siab zoo tas nrho. koj zoo nyiam tas nrho. Neeg lub txhaum tsi ntxim koj lub siab. Kuv tseem ua txhaum rau koj, kuv tu siab nrho. Kuv tsis xav txhaum lwm zaus, thiab kuv xav them txim, thov koj pub txiaj ntsim pab kuv. Ua li.

B. Zaj nyiam: Kuv tus Huab Tais, koj zoo tshaj tas ib puas tsav yam. kuv nyiam koj tshaj tas ib puas tsav yam. Koj xav kom peb nyiam luag tej.
Kuv nyiam luag tej ib yam li kuv nyiam kuv.

c. Zaj tso siab: Kuv tus Huab Tais, koj cog lus tias koj yuav pub Ntuj txiaj ntsim rau peb tseem nyob ntiaj teb no. Thiab koj yuav pub peb tau nyob zoo mus li nyob saum Ntuj.
Kuv tso siab hais tias, koj yuav nco ntsoov txog koj lo lus, thiab koj yuav ua raws li koj lo lus.

D. Zaj ntseeg: Kuv tus Huab Tais, koj tsis txawj yuam kev. koj tsis xav kom peb yuam kev. kuv ntseeg tas ib puas tsav yam koj qhia rau peb. Kuv ntseeg tas ib puas tsav yam lub Koom Txoos qhia rau peb.

7. Ua Ntoo Cuam lub cim:

"HU TXOG LEEJ TXIV, THIAB LEEJ TUB, THIAB LEEJ NTUJ PLIG LUB NPE. UA LI".