Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM HNUB CHIV XYOO A 2016-2017
by NrhiavTswvNtuj Yesterday at 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj Yesterday at 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj Yesterday at 12:18 pm

» COV ZAJ NYEEM NRUAB LIS PIAM XYOO I 2016-2017
by Mim Yesterday at 5:41 am

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975

    Share

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975

    Post  Maiv Tooj on 20th July 2011, 9:59 am


    Cov Txiv Plig ua tau muaj txiaj ntsim rau Peb Hmoob.


    Txiv Plig Nyiaj Pov (Yves Bartrais), TP.Neej Vaj (René Charrier), TP.Txhiaj Foom (Daniel Taillez), TP.Tshaj Sawm (Father Harry Thiel), TP.Vaj Xwm (Father Bouchar Luk), TP.Vaj Pov, TP.Txiaj Tshaj, TP.Soob Leej, TP.Paj Zeb, TP.Zoov Phooj, TP.Txawj Teem, TP.Xaiv Vas. Tshuav cov Txiv Plig Is Tas Lias, tsis paub lawv npe...Thiab yog leej twg paub ntxiv no thov tuaj tso lawv npe kom txhua...Ua tsaug.


    Txiv Plig Nyiaj Pov (Yves Bartrais)yug 1921



    TP.Tshaj Sawm (Father Harry Thiel)1930



    TP.Neej Vaj (René Charrier)yug 1924



    TP.Txhiaj Foom (Daniel Taillez)yug 1936



    TP.Vaj Xwm (Father Bouchar Luk)yug 1929



    TP.Vaj Pov (Luigi Sion) yug 1932



    TP.Txiaj Tshaj (Mario Borgaza) yug 1932



    TP.Paj Zeb (...Sarthor) yug 1931



    TP.Zoov Phooj(Antonio Zanoni) yug 1932



    TP.Txawj Teem (Panevero di Grezia)yug 1936



    Angelo Pelis



    TP.Zam Teeb (Henri Delcros)



    TP.Ntxoov Vaj (Jean Mottin)



    TP.Michel Lynde



    Last edited by Maiv Tooj on 3rd January 2016, 5:23 am; edited 7 times in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975

    Post  Maiv Tooj on 28th August 2011, 8:46 pm



    COV TXIV PLIG UAS TAU MUAJ TXIAJ NTSIM RAU HMOOB
    NYOB LOS TSUAS THAIB TEB UA NTEJ thiab tom qab 1975


    Cov nov kuv tsis muaj duab, yog nej leej twg muaj no thov pab muab tuaj dhos cia saib dab muag. Ua tsaug.

    1- Benjamin Rancoeur ====> TP.Soob Leej ( Yug 1921)
    2- Antonio den Mousavam ====> TP.Vaj Tuam (1954)
    3- Umberto Nespolo ===> TP.NKaj Xyaum (1933)
    4- Maximo Kratu ===> TP.Vaj Npis (1946)
    5- Jacques Ngyen Van Thom ===> TP.Tshaj Tswv (1954)
    6- Mario Lombardi ===> TP.Vam Choj (1931)
    7- Delaho ...====> TP.Nyiaj Kub (nyob Lourdes tam sim no 2011)
    8- Jacques Lemoine====>?




    Last edited by Maiv Tooj on 29th August 2011, 11:24 am; edited 1 time in total




    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975

    Post  Yaj Suav Nus on 29th August 2011, 11:14 am

    Maiv Tooj wrote:

    COV TXIV PLIG UAS TAU MUAJ TXIAJ NTSIM RAU HMOOB
    NYOB LOS TSUAS THAIB TEB UA NTEJ thiab tom qab 1975


    Cov nov kuv tsis muaj duab, yog nej leej twg muaj no thov pab muab tuaj dhos cia saib dab muag. Ua tsaug.


    1- Benjamin Rancoeur ====> TP.Soob Leej ( Yug 1921)
    2- Antonio den Monsavane ====> TP.Vam Tuam (1954)
    3- Umberto Nespolo ===> TP.NKaj Xyaum (1933)
    4- Maximo Kratu ===> TP.Vaj Npis (1946)
    5- Jacques Ngyen Van Thom ===> TP.Tshaj Tswv (1954)
    6- Mario Lombardi ===> TP.Vam Choj (1931)
    7- Delaho ...====> TP.Nyiaj Kub (nyob Lourdes tam sim no 2011)
    8- Jacques Lemoine====>?


    Kuv tau kho TP Vam Tuam lub npe lawm vim koj tau sau yuam kev me me lawm.


    Last edited by Yaj Suav Nus on 19th November 2015, 8:13 am; edited 1 time in total

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975

    Post  Yaj Suav Nus on 15th December 2011, 1:58 pm

    Kuv tso 2 tug TP. rau hauv chav no ntxiv:


    TP. Jaque Brix
    Kuv tsis paub nws lub hnub nyoog yug thiab tas sis nee, leej twg paub thov tuaj sau ntxiv rau.
    TP. Brix tau tuaj pab cov Hmoob thaum lub caij Hmoob tuaj ua lub neej tshiab rau teb Chaws Guyane
    xyoo 1977 txog xyoo 1982.


    Txiv Leej Choj Vaj Pov-Luigi Sion
    Npam Naj Vaas, Los Tsuas teb, 1960.


    Txiv Leej Choj Sion

    Kuv hnov tias thaum TP. Sion tseem hluas nws yog ib tug Txiv Plig nyob hauv cov tub rog dhia kaus Fab Kis,
    nws tau tuaj nyob Cob Tsib teb ntau xyoo, cov Hmoob Cob Tsib hu mws ua TP. Xyoob.
    Tom qab no Fab Kis swb rog rau cov Cob Tsib tas ces TP. Vaj Pov-Luigi Sion los nyob rau teb chaws Los Tsuas.
    Vaj Pov-Luigi Sion ua lub neej nyob nrog peb cov neeg tawv daj ntau xyoo Cob Tsib teb thiab Los Tsuas teb nws tso tsis taus cov neeg tawv daj tseg.
    Lub caij peb cov Hmoob tuaj nyob Guyane mas nws lub hnub nyoog laus lawm los nws tseem thov tuaj nrog cov Hmoob nyob,
    nws tuaj nyob lub zos Hmoob Cacao tau ntau xyoo.
    Nws nyob txog rau thaum uas yuav tsum muaj tus saib xyuas nws lawm nws thiaj ua ib siab ncaim lub zos Hmoob Cacao mus so hauv cov TP. lub tsev laus nyob Fab Kis teb mus txog hnub nws tas sim neej.
    TP. Sion ua nws thaj txi ntuj ua zaum kawg nrog cov Hmoob nyob hauv luv zos Cacao
    yog hnub Chiv tim 14 lub 4 hlis xyoo 1996.
    Kuv tsis paub nws lub hnub nyoog tas sim neej, leej twg paub no thov tuaj sau ntxiv rau.

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975

    Post  Maiv Tooj on 18th June 2012, 9:57 am



    COV TXIV LEEJ CHOJ MUAJ NUJ NQIS.




    Cov txiv Leej Choj  uas lawv muaj nuj nqis  rau Haiv neeg Hmoob nyob Los Kuj teb chaws.
    Kuv yog Xib Hwb Yaj Zoov Ntxheb kuv hais cov kuv paub lawv zoo thiab lawv paub kuv uas sawv daws tau sib koom tes ua hauj lwm ua ke, tshaj Ntuj Lus rau Haiv Hmoob nyob Los Kuj, thiab Thaim Kuj.




    1-Thawj tug txiv Leej Choj uas kuv xub ntsib tshaj, yog txiv Leej Choj Nyiaj Pov-Yve Bertrais. Xyoo 1950 thaum lub 1 hlis Txiv Leej Choj Nyiaj Pov tuaj txog Roob Nyuj Qus, 1956 peb tsev neeg txais kev ntseeg nyob Roob Nyuj. Xyoo 1956 nws xa kuv thiab kuv tus kwv wb mus kawm ntawv nyob hauv nroog. Ob xyoo tom qab nws hloov mus nyob rau lub nroog Sam Nue. Xyoo 1962 wb rov tau nyob ua ke rau lub nroog Vientiane mus txog 1975 txog lub sij hawm Hmoob Los Kuj muaj  neeg ua neeg thoj nam mus nyob rau Thaim kuj, los peb yeej tau sib ntsib ib xyoos ob peb zaug li thiab. Xyoo 1978 peb rov sib ntsib nyob rau Guyanne dua mus txog thaum nws mus tshaj xov tooj cua Zoo Tswv Zov Yaj, fab kev ntseeg Ntuj nyob rau Philipine teb, rau tsoom Hmoob nyob sab Asia. Xws li Hmoob Tsoob Kuj, Cob Tsib, Los Kuj, Thaim Kuj thiab tshaj Cov ntawv Hmoob thoob teb rau tsoom Hmoob sab Asia ntawd. Lub caij nws sau laus nce hauv toj, xws li piv txoj lus kuv yog nws tus tub hlob kuv tau mus ua nws lub ntees tiav, xws li ib lub ntees rau ib tug Hmoob laus muaj koob meej.




    2-Txiv Leej Choj Neej Vaj, kuv ntsib nws xyoo 1958 thaum txiv Leej Choj Nyiaj Pov mus nyob Sam Neua, nws hloov chaws los nyob rau Roob Nyuj Qus. Lub caij ntawd muab Los Kuj yav qaum teb txij xeev Vintiane faib ua ob lub cheeb tshaj Ntuj Lus:
    -Cov Txiv Leej Choj Italie nyob cheeb tsam xeev Luang Prabang, Xais Nyab Npus Lis, Tuam Naj Thuab.
    -Txij Xeev Vees Cam mus rau yav Los Kuj Qab teb yog cov Txiv Leej Choj Fab Kis yog cov tshaj Ntuj Lus.

    Xyoo 1963 wb tau rov nyob ua ke rau lub nroog Vientiane ntxiv. Teb Chaws tawg peb ua neeg thoj nam, Xyoo 1977 peb tsiv mus nyob Guyanne. Wb kuj rov tau nyob ua ke ua hauj lwm sib pab dua txog lub caij nws rov mus tsa lub Tsev Hauv Paus Hmoob nyob Tseej Maim.





    3- Txiv Leej Choj Txiaj Tshaj lub caij nws tuaj hloov tuav Txiv Leej Choj Neej Vaj chaw nyob Roob Nyuj kuv ntsib nws Thauj zaug. Nws yog tus coj kuv mus ua Xib Hwb tshaj Ntuj Lus thiab ua tub qhia ntawv, nyob lub zos Naj Vaas, Mab Teb, Npam Naj Xees. Nws rov los nyob Roob Nyuj ib xyoo tom qab ces raug Koom tshaj muab tua nrog XH.Xyooj Thoj nyob rau ntawm Qaum Kas Xim.





    4-Txiv Leej Choj Vaj Pov-Luigi Sion. Nws xub tuaj nyob lub zos Npam Naj Vaas, Mab teb, Xeev Tuam Naj Thuab ua ntej kuv peb plaub lub hlis. Nws yog ib tug Leej Choj, nws kawm tiav ua Kws Kho mob, nws mam mus ua Leej Choj. Thaum wb nyob ua kev nws kho cov mob nyob hauv zej zog kuv qhia ntawv thiab tshaj Ntuj Lus rau Hmoob. Kuv txawj kho mob nkeeg yog los ntawm nws cov txuj los. Cov neeg mob uas nyob deb, nws qhia kuv mus muab tshuaj noj tshuaj txhaj rau lawv. Wb nyob ua ke sib pab  tau peb xyoo ua ke. Kuv yuav poj niam nyob lub zos Npam Naj Vaas. Thaum ntawd yog Txiv Leej Choj Vaj Pov ua lub Cim Cog Lus rau kuv leej nkawm wb. Pib xyoo 1962 lub hauv xyoo wb ob leeg tau los txog Luang Prabang; kuv mus rau Vees Cas lawm.Kuv mus qhia txuj rau Cov tub ntxhais hluas tuaj kawm ua tub tshaj Ntuj Lus nyob rau Vees Cam. Lub Caij ntawd kuv ib txhij kawm Kev ntseeg thiab kawm Hmoob txuj ci, kab tshoob kev kos, kab mob kev tuag, kawm Hmoob caj ces tej dab qhuas neeb yaig ua tib ke.




    5-Txiv Leej Choj Vaj Xwm-Bouchar Luk. Kuv ntsib nws lub caij Los Kuj teb muaj tsov rog (1964). Cov Los Tsuas tawg ua peb npoj. Muaj cov sab xis, sab laug cov nyob Nuab Nrab.Yav toj siab muaj kev sib ntaus sib tua, Cov Txiv Leej Choj mus tsis tau pem toj siab. Txiv Leej Choj Vaj Xwm nws yog neeg Mis Kuj nws thiaj nrog cov tub rog mus tau. Peb ua hauj lwm ua ke tau kaum tsib xyoos. Lub caij nyoog ntawd nws yog tus khiav tau mus xyuas cov Xib Hwb tshaj Ntuj Lus nyob pem cov zos yaj sab uas muaj Hmoob nyob. Nws xa tshuaj mus rau cov Xib Hwb tau kho hmoob tej mob nkeeg, ua Thaj Txi Ntuj rau cov zos Hmoob ntseeg.1975 peb thiaj sib ncaim, nws mus rau Mas Les Xias thiab IN Daus Nes Xis teb lawm. Cov Hmoob uas nws niaj hnub mus pab lawv raug ua neeg thoj nam nyob Thaim Kuj. Los nyob tsis muaj chaws lawm.Nws txiaj ntsim mas nco mus ib txhis.




    6- Txiv Leej Choj Txhiaj Foom-Daniel Taillez.Nws tuaj kawm lus Hmoob pab cov Xib Hwb ua tej hauj lwm coj Cov Xib Hwb paub kev ua lag luam, thiab pab cov tub kawm ntawv hais lus Fuaj Kuj kom meej nyob Vees Cas peb ua hauj lwm ua ke txog ntua lub caij Hmoob ua neeg thoj nam nws yog tus zov peb tsev txog hnub kawg nyob tsis taus lawm, nws tseem tau muab peb cov vaj tse, liaj teb, txhiam xwm toob xib, tsiaj txhu, nyuj tso kua mis qaib npua cob rau Txoov Tim Tswv Sou phanavong (Tus Président Nplog Liab) tag nws mam ua tus lawv qab kawg nkaus tawm teb chaws Nplog.




    7- Txiv Leej Choj Tshaj Sawm-Harry Theil nws yog neeg Mis Kuj Nyob rau Thaim Kuj teb. Xyoo 1965 Nws tuaj Thaim kuj tuaj tos kuv nyob Vees Cas  nrog nws mus tshaj Ntuj Lus rau cov Hmoob nyob Thaim Kuj. Wb mus ncig tas nrho tsib lub zos Hmoob loj:

    -Thab Npawj,
    -Paj Nyab,
    -Khij Thaub,
    -Roob Nplooj,
    -Kej Me,
    -Roob loj Hooj Kav,
    -Roob Pog roob Yawg.

    Kuv nyob tau ob lub hlis rau lub zos Khij Thaub Ces Txiv Leej Choj thiaj txiav siab mus tsa vaj tse nyob rau Khej Me. Mam coj ib pab tub hluas Hmoob tuaj kawm ua tub tshaj Ntuj Lus pab Txiv Leej Choj Tshaj Sawm. Thawj tug tuaj kawm yog Xib Hwb Lis Nom Npis. Ib tug yog Vaj Kuam nyob Tseej Maim. Tsis muaj hmoo Vaj Kuam raug tub sab tua tuag lawm. Muaj coob leej dua li hais no, tau tuaj kawm ua tub tshaj Ntuj Lus. Tshuav Lis Tsheej tseem nyob Khej Me; dua li lwm cov lawv mus ua tub rog los ua lwm yam hauj lwm raws li teb chaws thiab zej zog tau txib lawv mus. Txiv Leej Choj Tshaj Sawm wb yog Phooj ywg sib raug zoo.




    TP.Paj Zeb.



    TP.Zoov Phooj.



    TP.Txawj Teem.



    TP.ANGELO PELIS


    8-Cov Txiv Leej Choj xws li Xaiv Vas, Paj Zeb. Zoov Phooj, Txawj Teem.
    Peb sib paub zoo, peb tsis tau ua hauj lwm ua ke. Kuv cuab kwv tij nrog cov Txiv Leej Choj no nyob ua kev

    9- Txiv Leej Choj Nkaj Xyaum wb tau nyob ua ke rau sab tim Mis Kuj teb tau peb xyoo ua ke thiab wb tau sib pab ua thaj txi ntuj rau Tsoom Hmoob nyob lub nroog Sacramento CA, USA. Txog lub caim nws laus, muaj mob uas nws tau rov mus rau Italie teb lawd.




    TP.Ntxoov Vaj


    10-Txiv Leej Choj Ntxoov Vaj. Nws kawm lus Hmoob nyob lub zos Khej Me, nyob Thaim Kuj. Nws kuj tuaj xyuas peb nyob Vees Cas thiab kuv paub nws sau tej phau ntawv hais txog Hmoob txuj ci neeb yaig ntawd.

    Txiv Leej Choj Sion wb sib paub xyoo 1956 nws saib lub tsev teev Ntuj nyob Luang Prabang rau cov Cob Tsib xyoo 1974-75 peb nyob ua kev Simouag, Vees Cas Los Kuj
    Peb tau mus nyob ua ke rau Guyanne txog lub caij nws laus rov los so tsev laus wb mam sib ncaim.

    Txiv Leej Choj Soob Leej-Rancoeur. Nws kawm lus Hmoob nyob Xeev Kham teb. Nws paub cov hmoob nyob sab Xeev Kham zoo dua. Kuv paub nws zoo Nws kheev mus pab cov neeg mob nyob tsev kho mob ntau. Nws kuj nyiam pab kho cov neeg mob ruas, nws pab coob leej neeg mob ruas dim ntawm lawv tus mob Lub Koom Txoos Ka Tos Liv tsa ntau lub zos tshiab rau cov neeg mob ruas no nyob muab tshuaj kho lawv cov mob kom zoo tu qab. Tus mob ruas yog tsis paub thiab tsis kho mas neeg ntshai vim yog cov mob tsis huv. Yog paub tseeb yog hom mob ntawd lawm muab tshuaj rau noj xwb ces kis tsis tau rau leej twg kuj tsis kis rau tej tub ki tom qab lawm. Cov mob no tsis yog Hmoob thiaj mob, Pej kum neeg Mab Sua tseem mob loj thiab coob tshaj Hmoob li no, luag thiaj xub tshawb nrhiav tau tshuaj los kho.

    11_ Ob tug txiv Leej Choj Jacques Tshaj Tswv. Thiab Antoine Vam Tuam Nkawd tuaj kawm lus Hmoob nyob Guyanne kom tau kev ua hauj lwm pab tsoom hmoob qab ntuj. Tshaj Tswv saib tej hauj lwm nyob sab Veitname nws twb pib ua nws tej haum lwm lawm. Vam Tuam tseem nyob lub zos Javouey. Xyoo 2012 no.

    12-Cov Txiv Leej Choj los ntawm Hmoob poj yawm txwv koob los.T,Q,T,C (Txiv Tswv Qhia Thoj C..., Nws tus ntsuj plig dawb huv muaj neeg tsis pub nws hais lus nrov, nws hais lus ntxhi tau cov neeg mem tau nws tus nru lus muaj tsawg leej kawg.
    Txiv Leej Choj T.Y.V.(Tswv Y.V) nws poob rau kev kho siab. Nws ntog ib teeg tsis txawj hais lus lawm (poob tsag), hlub nws kawg.
    Txiv Leej Choj C,V,C,Y (Cwj Vuam...), nws pib sawv los zaum poj koob yawm txwv lub rooj kuab muaj tsuas (rooj tshuaj kho mob txhua yam, tshuaj muaj txoj sia nyob mus lis), nws tab tom tos cov neeg txawj pov hwm  tuaj tuav pov hwm pab hwj tuav nws lub rooj kom kho txhob dam ceg los rooj txhob ntxeev ntog (hmoob sib hais tias tsam qaug).

    Txiv Leej Choj T.X.T.(Tshaj Xwm T...) Nws nyob hauv txoj kev pov hwm muaj tus uas hwj sawv txhawb zog. Yog tsev neeg ntsuab ze xws li peb sawv daws lub luag hauj lwm lawm ntag.

    Tas nrho cov me nyuam kwv huam no kuv Yaj Zoov Ntxheb sau cia tau ua kev saib dab muag xwb.

    Xib Hwb Yaj Zoov Ntxheb.

    2012.


    Last edited by Maiv Tooj on 23rd February 2014, 8:52 am; edited 2 times in total




    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975

    Post  Maiv Tooj on 28th June 2012, 6:01 pm

    YES XUS LUB MOO ZOO.


    Yes Xus lub Moo Zoo tuaj txog Haiv Hmoob.
    Cov Hmoob nyob rau Los Kuj teb. Lub Xeev Moos Loob, Luang Prabang, thiab Xeev Xeev Khuaam, Yes Xus lub Moo Zoo ib txhij mus txog.

    *Lub Moos Loob Luang Prabang. Yog Txiv Leej Choj Nyiaj Pov, nws mus nyob tau plaub xyoo mas Yaj Zam Nob mam yog thawj tus neeg los ntseeg txog Yes Xus lub Moo Zoo nyob Roob Nyuj (Leej Choj Nyiaj Pov nyob tau cuaj xyoo nyob Xeev Moos Loob, Roob Nyuj Qus.

    *Sab Xeev Khuaam. Yog txiv Leej Choj Soob Leej coj lub Moo Zoo mus txog Hmoob zos. Yog lub zos Npab Na Pham Poom uas Lis Xyooj Pov Paj Laus cuab Hmoob lis ntawd, muaj Xyooj Pov, Lis Nhaiv Ntxawg, lis Nkaj Zeb Lis Tswv Txos lawv cov no. Twb muaj leej puav me nyuam tau txais lub Cim Ntxuav lawm. Muaj ib hnub Lis Xyooj Pov muaj ib tug me nyuam mob, ces niam Xyooj Pov hais rau Txiv Leej Choj Soob Leej tias:

    -Txiv me nyuam mob mob yuav ua li cas rau?

    Ces Txiv Leej Choj Soob Leej tseem paub lus Hmoob tsis tau zoo.
    Nws txawm teb hais tias:

    "Tsis ntshai, me nyuam mob mob mas Yes Xus nyiam nyiam cov me nyuam, Yes Xus yuav coj mus nrog Yes Xus nyob."

    Muaj los lus no ces tsob Hmoob Lis cuab nyob Npab Na Pham Poom lawv rov thim kev ntseeg. Lawv tau poob siab tias yus twb ntshai kev moob nkeeg yus thiaj txais kev ntseeg txog Yes Xus . Yes Xus tseem yog tus yuav coj tej me nyuam mus nrog nws nyob mas peb yuam kev lawm. Thiaj tso tseg mus li no.

    Rov hais txog Txiv Leej Choj Nyiaj Pov ib lo lus ntxiv:
    Nws tuaj nyob Roob Nyuj ob peb xyoos nws kawm lus Hmoob paub tsis tau ntau nws tham tsis tau kev ntseeg thiab tsis tau paub tias Hmoob hu Ntuj ua tus loj tshaj thiab siab zoo tshaj. Nyob rau sab Xeev Khuaam yog cuab Hmoob Lis cuab Lis Foom thiaj paub lus Fuaj Kuj. Txiv Leej Choj Nyiaj Pov mus ntsib Tub Npis Lis Foom. Ces nws nug tias:
    -Hmoob tus Dab loj tshaj nej Hmoob hu li cas?

    Tub Npis Lis Foom qhia rau Txiv Leej Choj Nyiaj Pov tias:

    -Tus dab loj tshaj mas yog Ntxwj Nyoog.

    Ces zaum no nws rov los txog lub zos Roob nyuj, nws hu cov laus neeg tuaj nws tshaj rau cov laus neeg tias: "Kuv tuaj nrog nej nyob mas yog kuv tuaj qhia Ntxwj Nyoog kev cai rau nej!"

    Ua rau Hmoob ceeb tas li. Hmoob hais tias tus peb tsis nyiam mas yog tus Ntxwj Nyoog no lauj! Txiv Leej Choj nws ua siab ntev nws kawm lus Hmoob nws muab tshuaj tuaj kho Hmoob tej mob nkeeg, ces nws tos tau plaub xyoos tsis muaj neeg los ua Ntuj Kev Cai, nws twb tag kev cia siab, nws twb npaj siab yuav rov qab ces mam li muaj Yaj Zam Nob yog thawj tus neeg ntseeg Yes Xus lub Moo Zoo.

    Cov yim neeg xub ntseeg Yes Xus lub Moo Zoo:

    1- Yaj Zam Nob tsev neeg nrog nws niam nws txiv Yaj Ntxoov Tswb,
    2- Yaj Tsuj Xyooj tsev neeg, uas yog Txiv Leej Choj Cwj Vuam Txiv,
    3-Thoj tsav Ntxhaij tsev neeg nrog ib txwm tub nyab hu ua Thoj Npuag Foob tsis tau faib cuab.
    4 Yaj Nkias Keem tsev neeg Xib Hwb Yaj Zoov Ntxheb tij laug thiab Xib Hwb Yaj Xov Tsheej txiv. Muaj Yaj Txoos Khwb, Yaj Soob Tooj,Yaj Faiv Ntxhos nyob ua ke tsis tau faib cuab.
    5-Thaoj Vam Khwb tsev neeg, yog Txiv Tswv Qhia Thoj Txwj Choo txiv.
    6-Xyooj Tsuj Rwg tsev neeg,thaum 1954 tag.

    Txuas los mus, Yaj Zam Muas tseb neeg.Yaj Nchaiv Yias, Yaj Paj Lis, Yaj Neej Tswb, Yaj Nyiaj Xyooj los mus rau Thoj Xyooj cuab kwv tij (tus Thoj Xyooj tuag ua tim khawv nrog Txiv Leej Choj Txiaj Tshaj.) Tom qab los mam li muaj coob zuj zus tuaj. Qhov ntau yog cov tub ki nqes tsev cov yim neeg mam muaj ntau yim ntxiv zuj zus los.
    1958 pib, Txiv Leej Choj Nyiaj Pov hloov chaw mua rau sab Xas Niam.
    Xas Niam thiab Tuam Naj Thuab Luang Nam Tha. Muaj kwv huam li no:
    Ob lub Cheeb Xeev no muaj cob Hmoob sawv ua Huab Tais tos niam txiv Vaj Hmoob nqes saum ntuj los pab Hmoob. Hmoob hais nrov yaug tias Niam Txiv Vaj Hmoob yuav los mas sawv daws yuav tau zoo. Hmoob niaj hnub tos txog qhov ntawd.

    *Nyob Xas Niam muaj ib hnub tus thawj Hmoob coj sawv daws sawv ua Vaj tos niam txiv,hais tias:
    Hnub no peb yuav mus nram Moos Xaj Niam Txiv Vaj Hmoob yuav tuaj rau nram Moos Xaj Niam Txiv Vaj Hmoob mas nws coj ib pluaj tooj daj rhuv ntawd duav. Ces ob peb lub zos lawv mus tos. Tsis paub tias lawv mus pes tsawg leej li tab sis Hmoob yeej mus tos. Nyob nyob ces ib lub dav hlau ya tuaj txog tsaws kiag ces Hmoob pom Txiv Lee Choj Nyiaj Pov thiab Txiv Leej Choj Soob Leej nqes los, nkawd ib leeg coj ib tug ntoo cuam daj rhuv ntawm duav tiag. Hmoob khiav mus xyuas, Txiv Leej Choj Soob Leej nws yog hom neeg hais lus mos mos,nws cia li hais lus Hmoob rau lawv tias:

    -Cov me nyuam nej puas nyob zoo?

    Hmoob zoo siab kawg cov zos Hmoob nyob tsis deb lub nroog, Hmoob cia li tsos mus pem Hmoob zos, sawv daws sib tham ces Hmoob coj nrog Hmoob mus rau Hmoob zos. Lawv ua tsev rau nyob. Cov txiv Leej Choj qhia kev ntseeg, qhia ntawv Hmoob qhia ua noj ua haus rau, ces muaj Hmoob txais kev ntseeg txog Yes Xus lub Moo Zoo coob.
    Txiv Leej Choj Nyiaj Pov tau thov cov teb chaws sab Eus Lawv pab nyiaj txiag tuaj yuav tshuab kaw ntoo, tsheb laij teb thiab toob xib txhim vaj tsa tsev, ua liaj ua teb. Nyuam qhuav pib tsav tau ob peb lub tsev ntoo ob txheej zoo nkauj heev thiab pib laij teb xwb ces teb chaws tawg, nroog Xas Niam poob rau Nplog Liab Koom Tshas tes, xyoo 1960 xwb cia li muab tag nrho tej cuab yeej cuab tam, nyiaj txiag puas tsav yam tso tseg tag nrho; cia li khiav tes dawb tes npliag, rau tau mov twb tsis tau noj cia li khiav tij ywm los lawm xwb.
    Leej Choj Nyiaj Pov tau coj peb tug hluas Hmoob nrog ob peb tug tub rog khiav ntawm Xas Niam los rau Roob Nyuj Qus, Moos Loob teb; lawv los tau ib hlias nkaus, mam los tshwm rau Roob Nyuj Qus. Tom qab, nws mam li los tsim dua tshiab rau Tuam Ceeb Vees Cas nyob txog lub 5 hlis 1975 ces rov tsog tseg dua.

    *Sab Tuam Naj Thuab kuj yog tib yam:
    Muaj ib Hnub Thoj Suav Lwm yog ib tug txwj laus saib lub zos Na Vaa nyob ze Npam Naj Xees Mab teb. Lawv niaj hnub tos Niam Txiv Vaj Hmoob yuav los tib yam. Muaj ib hnub yog lub hli xiab kaum tsib. Nws tau ceeb toom rau lub zos tias: Tag kis yog xiab kaum tsib sawv daws txhob tawm rooj mus ua qoob los mus tsham zoov tsham tsuag, sawv daws yuav caiv! Niam Txiv Vaj Hmoob yuav nqes los!Lawv caiv nyob hauv tsev txog tav su hnub qaij zog, ces Thoj Xyooj thiab Txiv Leej Choj Vaj Pov mus txog lawv lub zos.(Thoj Xyooj yog tus mus tuag ua tim khawv nrog Leej Choj Txiaj Tshaj ntawd.)
    Nkawd nrog Hmoob tham tau peb hnub ces Hmoob nug txog txoj kev cai tshiab muaj dab tsi zoo rau peb Hmoob mus ntxiv?

    Xyooj hais tias:

    "Muaj kawm Paub txog Huab Tais Ntuj ua neeg ncaj ncees, muaj ntawv qhia me tub me nyuam kom muaj txuj ci xws li tej Mab Sua. Tseem muaj ntawv Hmoob sau hais lus Hmoob, ntawv Los Tsuas, ntawv Fab Kis huv si nrog thiab." Ces tau peb hnub xwb,muaj kaum tsib yim Hmoob txais kev ntseeg Yes Xus lub Moo Zoo. Hmoob cia li ua tsev rau nkawd nyob, ua tsev kawm ntawv tam sid ntawd. Nkawd xa lub moo no los txog Roob Nyuj. Ces Leej Choj Neej Vaj ntaus lus tuaj txog lub tsev kawm ntawv uas Xib Hwb Yaj Zoov Ntxheb kawm tias:
    Rho Xib Hwb Yaj Zoov Ntxheb mus qhia ntawv thiab kev ntseeg nyob Tuam Naj Thuab, lub zos Naj Vaas ntawd.Ces nws nce dav hlau los txog tsev ib hmos xwb ces nce dav hlau mus txog Naj Thuab. Leej Choj Txiaj Tshaj thiab nws mus taw ib hnub txog nrab hmo mam txog Hmoob lub zos. Xib Yaj Hwb Zoov Ntxheb nws tau ua txoj hauj lwm rag txuj qhia ntawv thiab tshaj lub Moo Zoo no peb lub xyoo rau lub zos Naj Vaas no. Xyoo 1962 teb chaws ua tsov rog, Tuam Naj Thuab tawg, poob rau Nplog Liab tes, XH.Yaj Zoov Ntxheb thiaj los nyob tau plaub lub hlis rau Moos loob (Luang Prabang).
    Tib xyoos ntawd, Txiv Leej Choj Nyiaj Pov qhib tau ib lub tsev rag txuj tshaj Ntuj Lus rau cov tub ntxhais hluas nyob rau Vees Cam ces nws caw Xib Hwb Yaj Zoov Ntxheb mus pab nws saib xyuas cov tub ntxhais hluas nyob rau Tuam ceeb Vees Cas.

    *Nyob rau sab Vees Cas xyoo 1962 Cov Hmoo Xeev Khuaam ua neeg thoj nam los nyob, ces muaj Thoj Suav Lwm thau duab, thiab Lis Txhiaj Tswb txais kev ntseeg lub Moo Zoo. Xyoo tom qab mam muaj cuab Hmoob Tsab nyob Roob Kub Twm thiab cuab Hmoob Vwj uas yog Vwj Vam Lis, thiab Xib Hwb Tsab Nyiaj Hwj ob cuab neeg no nrog rau cuab Hmoob Xyooj, yog Xib Hwb Xyooj Paj Lug nyob U.S.A. Lub Moo Zoo mam li mus txog Roob Phu Nyawj. Yog Cuab Hmoob Xyooj thiab cuab Hmoob Yaj nyob rau lub Roob ntawd. Txog rau xyoo 1975, teb chaws Nplog tawg (poob rau Koom Tsha) ces cov hauj lwm tau ploj tas nrho. Peb tsim muaj ntau yam, ua tau ntau lub tsev pob zeb, ua tau ib thaj teb thiab tsev yug tsiaj xws li: Tsev yug poj qaib nteg qe, yug npua, yug nyuj tso kua mis uas yam tsis tau muaj dua nyob Los Tsuas teb, peb tseem pib mus tsim teb tshiab npaj cog ntau yam txiv ntoo nyob rau Kas Xim, Qaum Vas Vias. Peb yuav tau ntau lub tsheb laij teb, nyuam qhuav pib tsim tau ib xyoos ntau xwb ces rov tso tseg tag nrho pov tseg li thaum xyoo 1960 uas peb tau tso tseg rau tom Xas Niam thiab). Tas cov neeg ntseeg saum no tau ua neeg thoj nam mus rau Thaim kuj lawm. Lub caij ua neeg thoj nam nyob hauv cov yeej thoj nam tsoom Hmoob raug kev txom nyem. Xib Hwb Yaj Zoov Ntxheb nws kuj rag cov txuj tshaj Ntuj lub Moo Zoo nyob hauv coj Yeej thoj nam no tau peb lub xyoo, tsoom Hmoob txais lub Moo Zoo, yuav luag ib npaug li nyob Los kuj teb peb caug xyoo ua ntej ntawd.

    * Hais txog Lub Moo Zoo txog hauv Hmoob cov tsev. Lub Moo Zoo xub txog cov tsev Hmoob nyob Suav teb. Mam los rau cov tsev Hmoob nyob Cob Tsib teb, ces tuaj txog cov nyob Los Kuj teb mas los xaus rau cov tsev Hmoob nyob Thaim kuj. Zaum no Yes Xus lub Moo Zoo nyob hauv Haib Hmoob tus cag hlav ncau los mus nws tuaj li no. Txiv Leej Choj Nyiaj Pov yog lub noob tuaj poob rau Los Kuj teb, thiab nws cov me nyuam ntseeg lub Moo Zoo nrog Nws cov Xib Hwb rag txuj nyob hauv kev ntseeg. Raws li Kuv paub txog xyoo 1977. Kuv Yaj Zoov Ntxheb mam coj ib lub neej tshaj Ntuj lus nrog kev cog qoob loo nyob As mes Lis Kas naj(Guyanne.)

    Xyoo 2004 kuv tau tsiv mus nyob rau Mis Kuj teb, xyoo 2005 kuv mus nyob lub nroog Sacramento, Thaum kuv mus txog peb cov ntseeg muaj 300 leej nyob haub peb lub tsev teev Ntuj. Xyoo 2012 no muaj 90 yim neeg nce 900 tawm leej neeg uas niaj hnub tuaj koom thaj cav txiaj ntsim nrog Tswv Ntuj sib haum xeeb hnub chiv. Qhov chaw kuv nyob ntawm no wb muaj ob tug tub Tsob Hwb nyob ua ke, Sib haum zoo nrog cov ntseeg ua rau Cov Xib Hwb muaj kev kaj siab zoo.

    Xib Hwb Yaj Zoov Ntxheb.


    Last edited by Maiv Tooj on 10th July 2012, 3:28 am; edited 3 times in total




    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975

    Post  Yaj Suav Nus on 29th June 2012, 5:29 am

    Nyob zoo tais Tooj,
    kuv pom kab lus no yuam kev lawm:
    *Lub Moos Loob Luang Prabang. Yog Txiv Leej Choj Nyiaj Pov, nws mus nyob tau cuaj xyoo mas Yaj Zam Nob mam yog thawj tus neeg los ntseeg txog Yes Xus lub Moo Zoo nyob Roob Nyuj.

    *Lub Moos Loob Luang Prabang. Yog Txiv Leej Choj Nyiaj Pov, nws mus nyob tau 4 xyoos mas Yaj Zam Nob mam yog thawj tus neeg los ntseeg txog Yes Xus lub Moo Zoo nyob Roob Nyuj.
    Yaj Zam Nob txais lub Cim Ntxuav yog hnub tim 15 lub 8 hli xyoo 1954.

    Y. Suav Nus

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975

    Post  Maiv Tooj on 21st July 2012, 6:45 am



    COV TXIV PLIG FAB KIS TUAJ NYOB LOS TSUAS TEB, TUAG UA TIM KHAWV 1960-70.






    TP.Vaj Mos( Père Jean Wautier, OMI), raug tua tuag nyob Ban Na,Xeev Kham 1967.
    Vim nws tiv thaiv cov neeg me.
    Tawg rog los txog Ban Na,
    Nom tswv tuaj tso txhuv rau cov neeg thoj nam noj taug kev,
    Ib cov neeg tsis kam faib cov mov tso rau cov Mab Daum,
    TP.Vaj Mos kom faib sib npaug ces lawv tsis txaus siab rau nws thaiv lawv kev, lawv thiaj muab nws tua.






    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975

    Post  Maiv Tooj on 11th April 2014, 9:51 am



    TP.Nyob Moos Lob, Los Tsuas teb, ua ntej 1975



    Txiv Plig Angelo ALBINI nws lub npe hmoob
    hu ua Txiv Plig Xaiv Vas, yog neeg Is Tas Lias.
    Txiv Plig Xaiv Vas yog tus Directeur saib lub
    tsev hauv paus kawm ua Xib Hwb nyob Moos loob,



    Txiv Plig Mario LOMBARDI nws lub npe hmoob
    hu ua Txiv Plig Vam Choj, neeg Is Tas Lias.
    Txiv Plig Vam Choj nws mus qhia kev ntseeg
    mus nrog hmoob nyob hauv tej zej zog.

    Duab thiab paiv: Niam Xib Hwb Txiaj Hawj Yaj.




    Sponsored content

    Re: Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975

    Post  Sponsored content Today at 8:17 am


      Current date/time is 9th December 2016, 8:17 am