Vaj Pov Hmoob tus Vaj

Nov yog zaj nkauj uas thaum ub Neeb Xyooj tau ncaim Npam Naj Xees los rau yav qab teb,nws tuaj mus kawm ntawv rau Vees Cam, ua neeg poob Moos, txom nyem mus dai tej nom tej tswv nyob kom tau kawm ntawv...es Neeb Xyooj nco nco txog tej qub teb chaws nws tau sau zaj nkauj nov. Zaum no tsuas tshuav zaj nkauj nov rau sawv daws saib dab muag lawm xwb.

Neeb, yog koj paub txog hnub no tias Yawg Hlob Vaj Pov tau xaiv koj zaj nkauj hu rau nws thaum nws ncaim lub ntiaj teb no mus ntshe koj yuav zoo siab heev...Kuv los hnov lub suab nkauj, kuv yeej zoo siab heev nrog koj...Kuv nco txog thaum peb nyob Vees Cam thiab Nab Phoos, cov lawv muaj niam muaj txi, lawv thuam koj heev...Lawv qog koj zaj nkauj nov ua dog ua dig...Lawv muab koj sia npe ua "Qaib qua". Hnub no kuv zoo siab thiab pom kiag ntawm qhov muag tias:

TUS NEEG RAUG LUAG THUAM TSWV NTUJ TSA NWS SIAB
TUS NEEG TSA NWS SIAB TSWV NTUJ YUAV TXO NWS QES

Sim neej no, nkauj ntau li ntau puv ntiaj teb rtag, ua cas Phab Nyas Norapamouk Vaj Pov ho xaiv koj zaj nkauj...? Puas yog koj yog tus txom nyem tshaj ntawm cov txom nyem...(txom nyem hauv lub siab, tab sis zoo siab hlo txais koj lub neej li koj muaj thiab koj tau).

Zaj chiv keeb uas Xyooj Neeb sau thaum 1973:

NCO TEJ QUB ZOG

Thaum kuv rov nco txog__________tej qub zog thaum i
Mas kuv rov pom ntau yam _________________kawg li
Tej qub neeg uas yus________Niaj hnub nco ntsoov cia
Suab sab kab noog seev__________qaib qua os lawv e!

Sawv ntxov me kab me noog quaj zom zaws ua pab mus haus paj
Peb zeej tsoom Hmoob ua tshai ntxov es tos hnub tuaj twb nce nto laj

Lub teb lub chaw tsis zoo______Kuv thiaj yuav tsum khiav
Tso lub tsev ncaim leej npawg___________tseg lub zos cia
Kuv thiaj khiav ua kua_________muag teev yees los lawm
Tseg tas puas tsav yam______________rau ntuj nraum ub

Zaum no tej qub zog nim nphob xuav ciaj tas plas me nroj tsuag
Kuv lub tsev puag thaum ub kuv nyob hlob i zaum no nyob twg

Ua neej nim yuav nrog___________ puas tsav yam ploj
Lub caij dua lawmg leej npawg_________ploj tas nrog
Chim siab luaj li no__________muaj hnub rov, hnub twg
Yus puas yuav tau rov mus_______cuag yav ntuj nraum ub

Saib tej phooj ywg puas nyob txhua los ploj mus li tsis pom ntxiv
Kuv lub teb chaws lub zos kuv nyob loj i zaum no nyob twg

Tso kuv naj has_________________________qhia kuv mas
Kuv yuav rov mus_____________________nraum nplog teb
Mus cuag kuv leej niam _____________________leej txi os
Kuv yuav rov mus_____________________nraum Nplog teb
Mus cuag kuv lub teb________________________ chaws os!



Zaj kho tshiab...Kom raws li peb lub neej peb khiav tawm Nplog teb lawm.

NCO TEJ QUB ZOG

Thaum kuv rov nco txog__________tej qub zog thaum i
Mas kuv rov pom ntau yam _________________kawg li
Tej qub neeg uas yus________Niaj hnub nco ntsoov cia
Suab sab kab noog seev__________qaib qua os lawv e!

Sawv ntxov me kab me noog quaj zom zaws ua pab mus haus paj
Peb zeej tsoom Hmoob ua tshai ntxov es hnub tuaj twb nce nto laj

Lub teb lub chaw tsis zoo______Kuv thiaj yuav tsum khiav
Tso lub tsev ncaim leej npawg___________tseg lub zos cia
Kuv thiaj khiav ua kua_________muag teev yees los lawm
Tseg tas puas tsav yam______________rau ntuj nraum ub

Zaum no tej qub zog i nphob xuav ciaj tas plas nroj tsuag
Kuv lub tsev puag thaum ub kuv nyob hlob i zaum no nyob twg

Ua neej nim yuav nrog___________tas puas tsav yam ploj
Lub caij nrog leej npawg__________________ploj tas nrog
Chim siab ua luaj li no__________muaj hnub rov, hnub twg
Yus puas yuav tau rov mus_______cuag yav ntuj nraum ub

Saib tej phooj ywg puas nyob txhij txhua los ploj mus es tsis pom ntxiv
Kuv lub teb chaws kuv nyob loj i zaum no nyob twg

Tso kuv naj has_________________________qhia kuv mas
Kuv yuav rov mus_____________________nraum nplog teb
Mus cuag kuv leej niam _____________________leej txi os
Kuv yuav rov mus_____________________nraum Nplog teb
Mus cuag kuv lub teb________________________ chaws os!

Tu sau: Neeb Xyooj 1973