HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Hmoob txawj ntse rau txhua fab tiam sis Hmoob swb kev ntseeg Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


3 posters

    Hmoob txawj ntse rau txhua fab tiam sis Hmoob swb kev ntseeg

    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Hmoob txawj ntse rau txhua fab tiam sis Hmoob swb kev ntseeg Empty Hmoob txawj ntse rau txhua fab tiam sis Hmoob swb kev ntseeg

    Post  Maiv Paj Lug 1st October 2010, 5:58 am

    Hmoob txawj ntse rau txhua fab tiam sis Hmoob swb txoj kev ntseeg

    Peb Hmoob nim no caum cuag lwm haiv neeg , peb muaj ntaub muaj ntawv kawm, peb kawm txawj kawm ntse luag lus, peb muaj nyiaj muaj txiaj siv, peb tsis tau khwv npaum yav thaum ub nyob pem roob, peb khwv muaj caij, peb kuj tau so raws caij. Tus txawj ntse, tus vam meej, tus nto moo, , tus kawm ntawv siab, tus yuav tau vaj tau tsev, tus muaj peev xwm ua tau txhua yam tsis tos leej twg los muaj. Oh! peb Hmoob vam meej lawm tiag.

    Peb Hmoob nim no xav tsim tsawg lub koom haum los peb ua tau tib si, peb xav tsim tsheej pab tub paj nruas los peb ua tau, peb xav tsim tsheej lub party ua kev lom zem noj tsiab peb caug los peb tsis txhawj, peb yuav nrhiav kev hlub yav ntuj qub qab los yooj yim, peb xav tham kev nkauj kev nraug laug peb lub sij hawm hauv cab sab ( internet ) los tsis nyuaj. Peb yuav dag rau leej twg tias peb tsim txiaj peb nto moo los yooj yim vim peb Hmoob txawj siv hlwb hlau lawm tiag.

    Oh! cas ib sij huam xwb peb Hmoob yuav tsim txiaj tas tus, yuav tsis muaj leej twg ruam kiag li lawm . Tus ruam los nim muab nws kev ruam los khav tias nws ruam tiam sis siab zoo, tus ntse los nim muab nws txoj kev kawm txawj los khav tias muaj peev xwm. Tus muaj nyiaj los khav tias muaj hmoo, tus pluag los khav tias tim ub tim no ua nws thiaj pluag.

    Peb Hmoob nej muaj tswv yim, nej vam meej, nej txawj ntse, nej tsis tos leej twg lawm zoo kawg, nej txawj ua plees ua yi, nej muaj hluas nkauj sab ntuj tim ub, nej lub siab nim kaj nrig rau txhua txoj ke, nej yuav tsis tau kev nyuaj siab rau tiam no lawm tiag. Leej twg txawm ua nyuj tuaj los nej txawj ua nees tos.

    Niam Tsev Hmoob txawj mus cab sab ( internet ) tham luag haws him tas hnub, txiv tsev Hmoob txawj mus cab sab tham luag his ham tas hmo. Oh ! cas peb Hmoob yuav kawm tau luag kev txawj kev ntse thiab luag tej kev laug hnub laug hmo lawm tiag, peb Hmoob mas tsis muaj kev ntsoos ntso li thaum ub lawm. Lom zem heev rau peb Hmoob lawm tiag lauj! tsis nco txob tsis nco txhawj lawm tiag.

    TIAM SIS PEB HMOOB! Nej swb kiag txoj kev ntseeg ( FOI, FAITH ). Nej tsis muaj kev ntseeg, nej tsis muaj kev ceev faj, nej niaj hnub niaj hmo pw nrog nej tej kev txhaum ua rau nej zoo siab kawg li puas yog? Ab yom nej xav txog lub neej nyob ntiaj teb xwb, ua li nej puas txawj tuag nid? Ntshai tsam peb tsis txawj tuag es peb yuav ciaj Huab Tais ib hnub xwb lauj! Oh zoo heev cas yuav tsis txawj tuag li tiag.

    Nej puas paub tias nej lub cev txawj laus? thaum laus lawm yuav muaj mob? txawm nyiaj txiaj los yuav pab tsis tau kom rov hluas thiab pab tsis tau kom noj qab nyob zoo ntev? Ua li cas peb yuav muaj kev ntseeg tsawg ua luaj li os? Puas yog peb xav tias tuag lawm es tas li xwb los ? peb thiaj li rau rau siab sib tw kev lom zem thiab kev noj haus kev hnav zoo kom txaus nkaus thaum peb tseem muaj txoj sia?

    TU SIAB rau nej heev nawb mog peb Hmoob, qhib nej cov qhov muag saib saum ntuj seb ua li cas HUAB HO TXAWJ YA? vim muaj cua tshuab. NEJ PUAS POM CUA? nej tsis pom cua , vim nej hnov xwb cua mas qhov muag pom tsis tau. TSWV NTUJ kuj tib yam, peb hnov nws nyob ze peb tab sis peb qhov muag tsis pom. CEEV FAJ MOG PEB HMOOB, thaum tuag lawm, tseem tshuav peb tus NTUJ PLIG tsis tuag nawb. Ua li peb txawj ntse diam, thaum tuag lawm peb tus ntsuj plig puas xav nyob nrog lub niag cev lwj lwj hauv qhov av nab? Oh! tej zaum peb ntseeg tias NTSUJ PLIG yuav sawv rov los nrhiav noj nrhiav haus? los sis peb ntseeg tias peb ua neej muaj muaj lawm ces tuag yuav tau zoo nyob noj li qub?

    PEB CEEV FAJ MOG. Thaum peb tuag lawm, kawg peb tus ntsuj plig poob rau ntuj txias teb tsaus, kev tshaib kev tuag, kev kub kev ntsaj mus ib txhiab ib txhis. Qhov no puas yog qhov peb nyiam? Txawm peb tsis muaj ib tug neeg tuaj nyeem tuaj mloog cov lus nov los kuv yuav tau sau tseg, yuav tau sau cia. Thaum peb qhov muag qi lawm TSWV NTUJ yuav tsis txiav txim rau tus mloog nyeem thiab hloov nws lub siab ntsws los ntseeg.

    NCO NTSOOV NAWB, thaum peb xav tias peb yuav tuag tiag, thaum ntawv nyuam qhuav pib rau peb nyob xwb. Peb rau ncoo kom siab siab xav kom zoo zoo ua ntej peb yuav muaj feem khav theeb thiab qhuas peb rau kev dag , kev tsis vam txog TSWV NTUJ nawb mog.

    TIG LOS NTSEEG THIAB MUAB KOJ SAIB KOM ME, ua koj lub neej li muaj xwb, hlub tus neeg quaj ntsuag nyob ntawm koj ib sab, txawm koj muaj peev xwm npaum twg, cia li muab koj lub peev xwm los ua ntuj tsaug, ua neeg ncaj, mloog leej tij lus, yuav leej yau khub, txhob cia ua neej dig muag tsam lawm hnub peb khuv khuv xim nco nco peb lub neej nyob ntiaj teb uas peb xav kom tau rov qab los ib feeb kom tau LEES KEV NTSEEG hauv peb lub neej kom peb dim ntawm hluav taws los peb los tsis tau lawm thaum ntawv peb yuav quaj quaj suab tsis so li los yuav lig lig rau peb lawm mog.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Hmoob txawj ntse rau txhua fab tiam sis Hmoob swb kev ntseeg Empty Re: Hmoob txawj ntse rau txhua fab tiam sis Hmoob swb kev ntseeg

    Post  Maiv Tooj 1st October 2010, 10:02 am



    Nyob zoo Maiv paj Lug,

    Wow...! Maiv paj aw...! Cas nws yuav txawj hais, txawj qhuab qhia kom neeg ras xeev ua luaj li, tig phab twg los yeej yog tib si...Yog kawg, ntau zaus peb muaj kev txhawj xeeb rau peb lub neej ntiaj teb uas peb los so ib ncua xwb...Tsis khwv thiaj txhawm cuag li peb yuav nyob mus li tsis muaj caij kawg...Tab sis twb tsis paub tias lub caij kawg yuav los hu thiab coj peb mus li tus tub sab, tssi paub thaum twg los hnub twg li...Li ntawd peb yuav tau npaj peb lub siab lub cev kom txhij txhua, kom thaum sawv kev mus thiaj tsis khuv xim tsam ho npaj tsis tau tau. Ces yuav tu siab tsis muaj caij kawg...Vim peb tsis tau npaj tiav, yog tshuav ib qho xwb es khuam tag ib txhiab ib txhis rau qhov yus tsis tau ua ntawd mas yuav khuv xim heev...Yog peb coj lub siab ntshiab huv, peb kuj muaj ib lub neeg kaj lug thiab thaum tag sim neej lawm los tseem yuav tau mus nyob kaj nrig...Ces yuav zoo tshaj uas peb ua neej nyob, yuam kev rau kev txhoj kev txhaum, ua neej kho siab khuav, ntsim siab tsawv, thaum tuag mus tseem tsis tau mus Ntuj Ceeb Tsheej thiab mas qhov twg los yog qhov poob xwb....
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Hmoob txawj ntse rau txhua fab tiam sis Hmoob swb kev ntseeg Empty Re: Hmoob txawj ntse rau txhua fab tiam sis Hmoob swb kev ntseeg

    Post  Maiv Paj Lug 2nd October 2010, 5:35 am



    Maiv Tooj, Kev Ntseeg ( FOI , FAITH ) txawj coj yus mus pom tej yam deb zuj zus thiab. Tej zaum coob leej ntau tus lawv tuaj nyeem tau lawv yuav tsis nkag siab zoo tias ua li cas niag neeg vwm lawm los cas lam tau lam hais lus sau ntawv li ub li no, tiam sis yog thaum koj txoj kev ntseeg mus deb lawm koj yuav pom txhua yam txawv tag nrho. Thaum yus ib nyuag yuam kev xwb, yus lub siab twb quaj dhi xav tig los kho kom yus rov qab zoo, ua rau yus ntsoos kawg yog yus tsis nyeem TSWV NTUJ tej lus. Ib tug neeg nyiam TSWV NTUJ nws siab tsis kaj yog thaum nws pom kev phem kev qias caum nws qab. Tus neeg nyiam TSWV NTUJ tsis tag mas, tus ntawv kaj siab thaum kev txhaum caum cuag nws dua qhov nws kho nws tus kheej kom haum TSWV NTUJ siab.
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Hmoob txawj ntse rau txhua fab tiam sis Hmoob swb kev ntseeg Empty Re: Hmoob txawj ntse rau txhua fab tiam sis Hmoob swb kev ntseeg

    Post  Mim 2nd October 2010, 7:04 am

    Maiv Paj Lug,

    Wow!...Koj txawj hais tau yog thiab raug kawg nkaus li. Zoo heev... zoo heev...
    Maiv Paj Lug, thaum yus paub Tswv Ntuj lawm thiab yus lub siab feeb mus rau nws ib leeg lawm xwb mas txhua lub caij nyoog txhua nas this hauv yus lub neej, yus yeej xub xav txog Tswv Ntuj ua ntej, yus muab nws ua qhov loj tshaj hauv yus lub neej lub siab txoj kev ntshaw. Thaum ntawd yus lub siab mam tsim dheev thiab mam txawj pom tas puas tsav yam tsis zoo tsis tseem ceeb hauv lub neej ntiaj teb. Kuv zoo siab ua Ntuj tsaug hais tias koj tau nce txog ib qib ntaiv siab nyob hauv txoj kev ntseeg lawm.

    Peb cov neeg feem coob tseem tsis tau nce mus txog kauj ruam no kiag li. Sawv daws ntseeg ntuj nyob nraum daim tawv ntau xwb, lub siab txoj kev ntshaw tsis nyob ntawm Tswv Ntuj, tiam sis nyob ntawm txoj kev lom zem, txoj kev plees kev yi, txoj kev muaj nyiaj muaj txiaj thiab txoj kev ua ywj siab xwb. Xyov ua cas txoj kev ntshaw lub ntiaj teb no yuav muaj zog ua luaj li...Txawm hnov hais txog Tswv Ntuj npaum li cas los yeej tsis nkag hauv lub siab li, yeej nkag ib sab pob ntseg tawm sab tod tas xwb, khaws tsis tau cia li... zoo li muab lub siab tig los rau Tswv Ntuj mas nyuaj nyuaj kawg nkaus li... Vim li ntawd peb thiaj yuav tsum thov ntuj tiag kom Tswv Ntuj muab peb lub siab tig los nyiam nws npuab nws, thiab saib nwws yog qhov tseem ceeb tshaj hauv yus lub neej.


    Hmoob txawj ntse rau txhua fab tiam sis Hmoob swb kev ntseeg 7ZS8S5Aux91rfy2rQ8wFA9GD_400
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Hmoob txawj ntse rau txhua fab tiam sis Hmoob swb kev ntseeg Empty Re: Hmoob txawj ntse rau txhua fab tiam sis Hmoob swb kev ntseeg

    Post  Maiv Paj Lug 2nd October 2010, 9:23 pm


    Hmoob txawj ntse rau txhua fab tiam sis Hmoob swb kev ntseeg Regard+pur

    Niamlaus Mim aj, kuv nrhiav Tswv Ntuj ntev npaum no , kuv nrhiav tau 6 xyoo nkaus es kuv nyuam qhuav nce ib theem xwb, xyov yuav tav twg kuv mam li paub txhij paub txhua es ua tau neeg zoo. Txoj kev nrhiav Tswv Ntuj mas yeej nyuab dua txoj kev mus kawm txawj kawm ntse hauv ntiaj teb no. Tiam sis yog yus muaj siab tiag tiag los ntseeg lawm txoj kev nrhiav Tswv Ntuj txawj txhawv thiab tawg paj txi txiv hauv yus tuaj, hos txoj kev kawm txawj kawm ntse ces yus kawm tau li cas paub txij li ntawv xwb tsis txawj txhawv .

    Thaum yus muaj kev ntseeg lawm yus kuj muaj spiritual zoo heev li thiab tiag, tsis yog ntseeg xwb ces zoo, tiam sis yus ntseeg tiag tiag lawm mas yus tseem tau ntsib Yesxus hauv txoj kev yog toog thiab yus muaj ntau yam expérience zoo heev txhawb yus lub zog li os niamlaus mim. Thaum yus tau Yesxus txiaj ntsim mas zoo sthaj nyiaj thiab kub hauv ntiaj teb no, vim yus lub siab cia li zoo twj ywm.

    Zoo li thaum Saint Louis-Marie Grignion de Montforts yuav tag sim neej, nws tuav rawv tus duab pob zeb Niam Mab Liab thiab tus ntoo cuam Yesxus hnia, nws hnia hnia ua nws txoj sia tu kiag, nws hais ib suab nrov ua ntej nws yuav tu siav tias : << MUS NTUJ CEEB TSHEEJ CAS ZOO UA LUAJ >> . Li no tas ces nws tu siav thiab nws qhib qhov muag zoo li ntsia puag saum ntuj lawm. Nim no nws lub cev tseem nyob rau hauv lub Basilique Saint-Laurent-sur-Sèvre tiag.

    Txhua hnub chiv peb mus teev ntuj kom tau noj Yesxus lub cev thiab cov ntshav yug peb tus ntsuj plig nawb. Peb lub cev txawm muaj mob peb txawm tsis tau zoo npaum luag tej los cia peb yug peb tus ntsuj plig nrog Yesxus kom peb tus ntsuj plig ciaj sia xwb ces zoo tshaj txoj kev noj qab nyob zoo thiab lom zem ntiaj teb no lawm.

    Hmoob txawj ntse rau txhua fab tiam sis Hmoob swb kev ntseeg 1266320937_2af02c3ec0_m

    Txhua hnub chiv kuv mus teev ntuj, muaj ib lub Bar nyob ze sab kev tim peb lub tsev teev ntuj, kuv saib cov neeg tuaj mus haus cawv thiab tham lom vab vab hauv tsev haus cawv ua rau kuv tu siab thiab hlub lawv cov ntsuj plig, kuv pheej mus teev ntuj tsis kaj siab pheej yuav tau thov ntuj rau cov neeg quav dej quav cawv sab tiv li tiag, cas yuav tav twg neeg mam li muab lawv lub caij mus quav dej quav cawv tuaj mus cuag Yesxus.

    Nyob hauv peb lub neej, ib hnub peb muab 7h30 mus ua hauj lwm, hos hnub chiv peb nyuam qhuav muab 1 nyuag xuaj moos mus Teev Ntuj xwb es tseem tsis muaj tus kam mus thiab, tseem muaj cov yeem tsaug zog, saib TV , play game, or tham internet coob tshaj cov mus teev ntuj. Tu siab kawg li tos Niam Mab Liab lub kua muag ntshav ntws tsis tseg.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Hmoob txawj ntse rau txhua fab tiam sis Hmoob swb kev ntseeg Empty Re: Hmoob txawj ntse rau txhua fab tiam sis Hmoob swb kev ntseeg

    Post  Maiv Tooj 3rd October 2010, 1:38 am



    Nyob zoo Maiv Paj Lug thiab Mim,

    Nyeem neb cov lus ib los dhau ib los, ua rau kuv lub siab fab fo
    Nyeem neb cov ntawv ib npes dhau ib npe, ua rau kuv lub siab tu tsis tseg
    Maiv paj Lug, yog neeg muaj txoj kev ntseeg luaj lub noob zaub, ntshe peb neeg ntiaj teb yuav tsis los kua ncauj.
    Maiv paj Lug, yog neeg muaj txoj kev ntseeg luaj lub noob hnav, ntshe peb neeg ntiaj teb yuav tsis tau quaj kua muag ntshav.
    Neeg siab hlob, tsis hwm tus Tswv, xav kom dhau tus Tsim, nws tsis mloog hais, nws peem kom zoo tshaj. Tab sis nws yuav poob qes tshaj qhov uas nws hwm tus Tswv es luag tsa nws siab. Yog neeg ib nyuag tso siab rau tswv Ntuj, ntshe neeg yuav tsis txom nyem siab npaum li niaj hnub no.

    -Cov neeg quav dej quav cawv, lawv muab nyiaj txiag mus siv tsis muaj txiaj muaj ntsig, tseem ua mob ua ntsaj rau lawv. Mus tham pem tsis muaj paus muaj ntsis, twb tssi muaj neeg teb thiab xav mloog. Ua cas lawv ho yuav mus heev ua luaj li? Yog tim dab tsi? Ua cas lawv ho tsis mloog Tswv Ntuj cov lus?
    -Cov neeg quav leb, quav phaib niaj hnub xav txog kev twv txiaj yuam pov. Nyiaj txiag caij nyoog muab xyob txhiaj tag, lawv puas tus siab? Cas ho tsis mus teev Ntuj coj lub neej kom zoo. Kom nyob rau luag tshua mus rau luag nco. Nyob ntiaj teb los zoo siab, tuag mus tau txiaj ntsim mus nyob kaj lug.
    -Cov neeg uas muaj txwj muaj nkawm lwj liam rau kev plees ke yi, cab sab los lub neej tiag, lawv zom zem zoo siab. Tab sis lawv yuav poob lawv lub neej lub hwj chim thiab lub siab ntsws tsis xav khwv noj khwv haus...Ua cas lawv ho tsis tso tseg es mus teev Ntuj ib teev...?

    Maiv paj Lug, koj cov ntsiab lus hauv nov zooo heev, yog koj khoom no muab dhos duab ua Youtube ntshe yuav zoo heev....
    Maiv Paj Lug
    Maiv Paj Lug
    Tswv Cuab Hmong Catholique
    Tswv Cuab Hmong Catholique


    Messages : 1235
    Date d'inscription : 2009-08-17

    Hmoob txawj ntse rau txhua fab tiam sis Hmoob swb kev ntseeg Empty Re: Hmoob txawj ntse rau txhua fab tiam sis Hmoob swb kev ntseeg

    Post  Maiv Paj Lug 3rd October 2010, 3:22 am

    KEV NTSEEG YOG DAB TSI? ( FOI, FAITH )

    Hmoob txawj ntse rau txhua fab tiam sis Hmoob swb kev ntseeg Foi+esp%C3%A9rance+de+vie+texte

    1°- Kev ntseeg yog kev tso siab rau txhua yam peb tos tiam sis peb qhov muag tsis pom.

    2°- Tus neeg ntseeg tiag yuav tsum txhob hais ntawm ncauj xwb, nws yuav tsum ua tau raws li nws ntseeg, nws thiaj yog tus neeg muaj kev ntseeg tiag.

    3°- Kev ntseeg yog txoj hauv kev uas peb yuav tau txais lub txiaj ntsim ntawm Tswv Ntuj. Vim lub txiaj ntsim yuav cawm tau peb yog txoj kev ntseeg. Thiab nws tsis yog tuaj ntawm peb, tiam sis nws yog koob hmoov tuaj ntawm Tswv Ntuj tuaj.

    KEV NTSEEG YOG RAU LEEJ TWG? THIAB ZOO UA DAB TSI?

    Hmoob txawj ntse rau txhua fab tiam sis Hmoob swb kev ntseeg 1013934

    5°- Tswv Ntuj ntxuav peb kom dawb huv tuaj ntawm kev ntseeg rau TXHUA tus tib neeg. Tswv Ntuj yeej tsis xaiv tus muaj los tus pluag, tus txawj los tus ntse, nws saib txhua tus zoo tib yam, tsis muaj leej twg yuav txawv leej twg rau Tswv ntuj ua ntej Tswv Ntuj yuav ntxuav peb tej siab ntsws ntawm kev ntseeg peb yuav tsum nco ntsoov li no. ( Actes 15:9)

    6°- Qhov tseem ceeb ntawm txoj kev ntseeg yog qhib qhov rooj rau peb mus nyob ib txhiab ib txhis txoj sia nyob mus li. << Tus neeg ncaj yuav tau txoj sia nyob mus li ntawm kev ntseeg >> ( Los Mas 1:17)

    7°- Kev Ntseeg nyob hauv koj lub neej, peb nyias muaj nyias kev ntseeg thiab ib tug yeej muaj kev ntseeg txawv ib tug.

    << Tiam sis tus neeg ncaj yuav tau txoj sia nyob mus li ntawm nws txoj kev ntseeg .>>
    << Koj txoj kev ntseeg cawm tau koj.>> ( Mas Kos 5:4 thiab Lus Kas 7:50)

    8°- Yesxus lub npe cawm tau peb, kho tau peb, pab tau peb ntawm txhua txoj xub kev yog kev ntseeg.

    9°- Kev Ntseeg yog peb rab ntaj thaiv peb ntawm tus neeg chrétien.

    10°- Txoj kev ntseeg chrétien yog lub zog tuaj ntawm Leej Tswv Yim Ntshiab.

    11°- Txoj kev ntseeg tshwm sim yog koj tsis ua xyem xyav. << Koj hais tias kom lub roob no txav mus rau hauv dej , yog koj tsis ua xyem xyav koj yuav pom nws tshwm sim raws li koj hais .>> ( Mas Kos 11:23)

    12°- Txoj kev ntseeg txawj mus txawj los. Thaum koj txoj kev ntseeg yau zuj zus ? Thov kom Huab Tais Yesxus txhab kev ntseeg rau koj . << Cov thwj tim hais li no : Txhab peb txoj kev ntseeg kom loj tuaj >> ( Lus Kas 17:5)

    13°- Kev ntseeg tsawg, siab tsis ntev, yuav ua rau peb plam txhua yam kev thov ntawm Tswv Ntuj.<< Nco ntsoov tias txhua yam txiv peb thov kom txi , nws yuav tshwm sim rau peb raws li peb thov yog peb txoj kev ntseeg muaj tseeb >> ( Yas Kos 1:3)

    14°- Koob Hmoov ntawm kev ntseeg tsis tshwm sim rau peb yog peb tsis muaj kev hlub.<< Txawm kuv muaj kev ntseeg zoo pab tau kuv txawj ntse, pab tau kuv kawm tiav kev soj ntsuam, pab tau kuv txav ib lub hauv roob ti si, los yog kuv tsis muaj kev hlub, nws yuav coj tsis tau kuv mus qhov twg.>> ( 1 Corinthiens 13:2 )

    15° Nco ntsoov tuav 3 yam no . << Kev Ntseeg, Kev tso siab, thiab kev hlub; yam uas loj tshaj hauv 3 yam no yog kev hlub, yog koj muaj 2 yam ua ntej koj tsis muaj kev hlub yuav tsis coj koj mus kom deb.>>  ( 1 Corinthiens 13:13 )


    16°- Peb yog Tswv Ntuj me nyuam vim peb muaj kev ntseeg.<< Nej txhua tus yog Tswv Ntuj me nyuam vim nej muaj kev ntseeg tuaj ntawm Yesxus.>>( Galates 3:26 )

    17°- Tswv Ntuj txhua tus me nyuam yuav tsum hais tau tias: << Kuv muaj peev xwm tiv thaiv tau yam phem, kuv ua tau yam zoo tiav , vim kuv coj nraim kuv txoj kev ntseeg .>>( 2 Timothée 4:7 )

    KEV NTSEEG : PEB TXAIS TAU, PEB KUJ YUAV POOB TAU TIB YAM.


    18°- Kev ntseeg tshwm sim nyob hauv NTAWV NTSHIAB lo lus.( LA BIBLE) << Li no kev ntseeg tuaj ntawm yam peb hnov, txhua yam peb hnov hauv Ntawv Ntshiab yog Tswv Ntuj lo lus, yog Yesxus Pleev lo lus qhia.>> ( Los Mas 10:7)

    19°- Kev ntshaw nyiaj txiaj ua rau peb plam kev ntseeg.<< Kev ntseeg yuav tsum coj peb los ua ke tsis yog yuav coj peb sib faib nyias mus nyias.>>( 1 Timothée 5:8 )

    20°- Ib tug Huab Tais, Ib txoj kev ntseeg nyob hauv Yesxus, Ib lub cim ntxuav nyob hauv Leej Tswv Yim Ntshiab. << Peb yuav tsis muaj lwm tus Huab Tais, yuav tsis muaj lwm txoj kev ntseeg.>>( Ephésiens 4:5 )

    « Il y a un seul Seigneur, une seule foi, un seul baptême ..."There is one Lord, one faith, one baptism ... " »

    Sponsored content


    Hmoob txawj ntse rau txhua fab tiam sis Hmoob swb kev ntseeg Empty Re: Hmoob txawj ntse rau txhua fab tiam sis Hmoob swb kev ntseeg

    Post  Sponsored content


      Current date/time is 18th March 2024, 8:13 pm