Lo lus Christian
Lo lus "Christian" Yog los ntawm lo lus Hes Las (Greek)"Christianos" los.
Cov "Christianos" yog "Christos" no mas yog Yes Xus.
Vim li cas cov ntseeg txog Yes Xus lawv hu lawv ua "Christianos?"
"Christianos" yo lus Hes Las txhais ua lus Hes Nplaws yog "Mes Xias".
Thaum lawv hais tias Yes Xus yog tus "Mes Xias", yog txhais lo lus Mes Xias ua lus Hmoob, mas txhais hais tias "Leej Pleev" Yes Xus yog Leej Pleev.
Vil li cas lawv hu Yes Xus ua Leej Pleev?
Yog Vim puag txheej thaum ub cov Hes Nplaws lawv tsa lawv ib tug Vaj mas lawv muab roj los plees tus Vaj. Yog lub Cim tias Tswv Ntuj txais nws ua Vaj. Li ntawd thaum lawv tsa Das Vis ua Vaj mas tus Yaj Saub Xas Muas muab roj los pleev Das Vis ces Das Vis yog tus Vaj pleev uas coj haiv neeg His Xas Lais.
Lub caij Yes Xus yug los nyob Npes Les Hes, mas cov His Xas Lais lawv tos txog Dav Vis ib tug xeeb ntxwv yuav sawv los ua Vaj, yuav ua tus Vaj pleev xws li Das Vis. Ces Yes Xus yug los, Yes Xus tshaj tswv Ntuj Lo Lus, Yes Xus tuaj, Yes Xus sawv rov los, Yes Xus rov mus lawm saum Ntuj. Mas cov neeg uas lawv ntseeg tias Yes Xus tuaj ntawm Tswv Ntuj tuaj, lawv hu Yes Xus ua Das Vis Leej tub, los hu Yes Xus ua Leej Pleev, los yog hu nws ua tus Vaj pleev, los hu ua Yes Xus Pleev. Vim Yes Xus yog tus "Mes Xias", yog leej Pleev tiag.
Cov neeg tau xub siv los lus "Christianos", yog cov neeg tseem teev dab nyob hauv lub tsheej As Nthias Kias thaum ub.
"Christian" yus txhob hais tias yus yog lub Koom Txoos Christian, hos luag tej yog lub Koom Txoos li ub li no. Ib tug neeg ntseeg nyob hauv ib lub Koom Txoos Evangilist, mas tsis phim nws yuav hais tias: "Koj yog ib tug Kas Tos Liv, kuv yog ib tug Christian". Tsis phim vim tus ua Kas Tov liv kuj yog ib tug "Christian" tib yam. Qhov tiag mas yuav phim hais li no: "Koj yog ib tug Kas Tos Liv; kuv yog ib tug Evangélist". Tus hais li ntawd mas nws tsis thuam leej twg.; nws tsis khav tias nws thiaj yog Yes Xus Thwj Tim (Nws thiaj tsim nyog ua Tswv Ntuj Thwj Tim), hos luag tej mas yuav tsis tsim nyog hu ua Christian.
Tus sau: TP. Nyiaj Pov
Xov xwm Ntseeg Ntuj Sib Fi Txuj
Tsab 14 lub 1 hlis 1991