Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:02 pm

» TP.Txhiaj Foom lub TSEV Ntawv
by Maiv Tooj Yesterday at 8:04 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 17th February 2017, 10:57 am

» XH.Zoov Ntxheb Yaj Nthuav Ntawv Ntshiab.
by Maiv Tooj 17th February 2017, 10:51 am

» Xib Hwb Thoj Xyooj lub neej
by Maiv Tooj 13th February 2017, 11:15 am

» Tshuaj NTSUAB
by Lajpovyaj 12th February 2017, 8:54 am

» COV ZAJ NYEEM RAU TEJ HNUB TSHWJ XEEB
by Mim 24th January 2017, 5:06 pm

» Hmoob Guyane
by Yaj Suav Nus 21st January 2017, 6:59 am

» XH. Yaj Zoov Ntxheb lub Tsev THOOB TSIB
by Maiv Tooj 19th January 2017, 10:10 am

» Tswv Ntuj txoj kev HLUB. Cob Tsib teb.
by NrhiavTswvNtuj 17th January 2017, 11:45 pm

» HMOOB CATHOLIC NYOB COB TSIB TEB (Hmong Catholic Vietnam)
by Maiv Tooj 17th January 2017, 11:19 pm

» Nos Hes lub nkoj = L'Arche de Noé = Noah's Ark
by NrhiavTswvNtuj 13th January 2017, 9:53 am

Suav neeg tuaj saib, txij hnub 17/09/2010 los mus.


  • Post new topic

VIM LI CAS KUV THIAJ LI UA NEEG NTSEEG ( CHRISTIAN ) ?

Share

Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

VIM LI CAS KUV THIAJ LI UA NEEG NTSEEG ( CHRISTIAN ) ?

Post  Npuagtub on 5th May 2011, 3:04 pm


CIA LI ZOO SIAB HLO
KWV KOJ TUS NTOO CUAM


Nyob zoo cov phooj ywg sawv daws,

Kuv xav tawm lub ntsiab lus ( Topic ) YOG VIM LI CAS KUV THIAJ LOS UA NEEG NTSEEG ( CHRISTIAN ) ? Thov caw nej txhua leej tuaj sau txog nej li kev los ua ib tug neeg ntseeg rau qhov no tau..

1. Puas yog vim kuv tsis paub peb hmoob tej kev caij dab qhuas lawm?

2. Puas yog vim kuv tsis nyiam peb hmoob tej kev cai ntseeg thiab teev tiam dab qhuas?

3. Puas yog kuv xav taug ib txoj kev ntseeg coj yooj yim rau kuv lub neej ?

4. Puas yog vim kuv ntshai txoj kev ploj kev tuag mus tas ib txhis?

Huab Tais Yes Xus hais tias:

Tus uas xav los raws kuv, mas nws yuav tsis txhob nco txog nws, nws yuav niaj hnub kwv nws tus ntoo cuam, ces nws yuav lawv kuv qab...
Vim tias tus xav cawm nws txoj sia mas nws yuav ua nws txoj sia ploj. Hos tus twg ua nws txoj sia ploj vim kuv, mas tus ntawd cawm tau nws txoj sia. Luskas, 9 : 23-24


Txoj kev lawv Huab Tais Yes Xus qab puas yog ib txoj kev yooj yim rau koj thiab kuv ?
Nej xav li cas xwb hais txog nqe lus no nas los???



Photobucket

Frozen
Phooj Ywg
Phooj Ywg

Messages : 159
Date d'inscription : 2011-02-11

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Frozen on 6th May 2011, 6:04 am

XH. Npuagtub wrote:
CIA LI ZOO SIAB HLO
KWV KOJ TUS NTOO CUAM


Nyob zoo cov phooj ywg sawv daws,

Kuv xav tawm lub ntsiab lus ( Topic ) YOG VIM LI CAS KUV THIAJ LOS UA NEEG NTSEEG ( CHRISTIAN ) ? Thov caw nej txhua leej tuaj sau txog nej li kev los ua ib tug neeg ntseeg rau qhov no tau..

1. Puas yog vim kuv tsis paub peb hmoob tej kev caij dab qhuas lawm?

2. Puas yog vim kuv tsis nyiam peb hmoob tej kev cai ntseeg thiab teev tiam dab qhuas?

3. Puas yog kuv xav taug ib txoj kev ntseeg coj yooj yim rau kuv lub neej ?

4. Puas yog vim kuv ntshai txoj kev ploj kev tuag mus tas ib txhis?

Huab Tais Yes Xus hais tias:

Tus uas xav los raws kuv, mas nws yuav tsis txhob nco txog nws, nws yuav niaj hnub kwv nws tus ntoo cuam, ces nws yuav lawv kuv qab...
Vim tias tus xav cawm nws txoj sia mas nws yuav ua nws txoj sia ploj. Hos tus twg ua nws txoj sia ploj vim kuv, mas tus ntawd cawm tau nws txoj sia. Luskas, 9 : 23-24


Txoj kev lawv Huab Tais Yes Xus qab puas yog ib txoj kev yooj yim rau koj thiab kuv ?
Nej xav li cas xwb hais txog nqe lus no nas los???

Nyob zoo Npuagtub, zoo siab koj tuaj tso lub topic no pub rau peb rov noog peb tus kheej tias: yog vim li cas koj thiab kuv ho caum yuav Tswv Yexus?

Ntawm kuv tus kheej kuv tsis yog caum tus Tswv Yexus vim txoj kev no yooj yim dua thiab tsis yog tias kuv tsis paub kev cai qub lawm. Kev cai qub yuav kom kuv paub paub kuv kuj tsis paub thiab tabsis hauv kuv lub neej, hu plig kuv tau hu dua lawm, thov neeb kuv tau thov dua los lawm,txhua yam txawm kuv tsis txawj los kuv tau force kuv tus kheej xyaum los lawm, ces kuv kuj OK thiab...........hehehehe.......hais txog kev cia qub nas. nov yog zaum ob uas kuv tig rov los nrhiav Yexus nyob rau kuv lub neej. kuv pom tau tias Vaj Tswv hlub kuv, nws tau cawm kuv uas ntu zus hauv kuv lub neej, nws tseem tsis tau tso kuv tseg thiab nws yeej yuav tsis tso kuv tseg li txawm tias kuv yuav muaj kev txhaum npaum li cas los nws zam txim pub kuv, zam tas nws rov zam dua, nws rub kuv sawv tas kuv rov ntog los nws rov rub kuv tes sawv dua, los txog rau hnub no kuv 2 lub qhov muag mam pom nws tseeb. kuv Ntseeg nws vim kuv paub qhov tseeb tias nws yog tus hlub 3 txhua leej txhua tus nws tsis suav txim rau ib leej twg, nws hlub 3 yam dawb pawg hauv nws siab tuaj nws thiaj los nyob 3 lub txim.

Kuv pom cov ua tsis ntseeg Vaj Tswv thaum tas lawv txoj sia lawm ces cov tseem ua neej nyob ntawg nws mus rau ntuj txhiag teb tsaus xwb, muaj qees leej lawv tsis kam mus li. muab txoj qub ke cai los ua zoo mloog, ib qho ob qho los lawv muab cob rau dab ntwg nyoog xwb. qhov no qhia rau kuv tias kuv tsis xav taug txoj kev no.
Txawm kuv hais tsis tau lub ntsiab mus kom tob rau koj tus ua nus los kuv vam tias koj yuav nkag siab kuv zoo thiab.
es koj nev???? O:



"I asked GOD: How Much Do You Love Me? He Said "This Much," He Open His Arms And Die"

Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Npuagtub on 6th May 2011, 8:41 am


Nyob zoo tus muam Seinphy,

Ua tsaug koj tseem tuaj share koj li kev ntseeg rau peb tau paub thiab nws yog ib qho zoo heev. Yeej yog li koj hais mas, tus nkag siab thiab pom qhov tseeb li koj hais hauv no ces nws yuav ntshai heev txog thaum nws txoj sia tu os nawv.

Tiam sis tus uas nws txiav siab los txais yuav Tswv Yes Xus ua nws tus cawm seej lamw ces nws yuav tso siab tias thaum nws txoj siab los txoj pa tu nrho ces nws yuav tau pom Tswv Yes Xus tim ntsej tim muag kiag tam sis ntawm lawm os nawv. Qhovno yog peb cov ntseeg txoj kev cia siab tas zog niaj hnub no. Vim peb ntseeg tias Tswv Yes Xus hlub peb txhua leej nws tsis xyeej peb ib tug twg lis, tsuav peb lees yuav nws ua peb tus tswv xwb ces nws yeej hlub peb savw daws ib yam.



Tswv Yes Xus hais tias:
Kuv yog qhov TSEEB,
kuv yog txoj KEV
thiab kuv yog txoj SIA.
Tsis muaj leej twg mus cua tau kuv txiv yog nws tsis vam txog kuv..



Kuv pom cov ua tsis ntseeg Vaj Tswv thaum tas lawv txoj sia lawm ces cov tseem ua neej nyob ntawg nws mus rau ntuj txhiag teb tsaus xwb, muaj qees leej lawv tsis kam mus li. muab txoj qub ke cai los ua zoo mloog, ib qho ob qho los lawv muab cob rau dab ntwg nyoog xwb. qhov no qhia rau kuv tias kuv tsis xav taug txoj kev no.
Txawm kuv hais tsis tau lub ntsiab mus kom tob rau koj tus ua nus los kuv vam tias koj yuav nkag siab kuv zoo thiab.
es koj nev????





Photobucket

Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Maiv Paj Lug on 6th May 2011, 8:55 am

Nyob zoo XH NpuagTub thiab Seinphy, zoo siab neb share neb li kev ntseeg tias vim li cas neb thiaj yeej los ua ib tug Christian.

Ntawm kuv tus kheej, tsis vim dab tsis thiaj ua rau kuv los ua ib tug neeg ntseeg Ntuj, txij kuv paub qab hau los ces kuv niam yeej qhia tias kuv yog ib tug neeg Christian nyob hauv Koos Txoos KasTosLiv, kuv tsis paub kev dab qhuas , tsis paub kev ua neeb, tsis paub kev hu plig, kuv tsuas paub kev teev ntuj xwb, kuv zoo siab ua Christian vim kuv yeej ntseeg Yesxus puag thaum yau yau los, kuv muaj hmoo yug los hauv tsev neeg ntseeg, niaj hnub no kuv tsuas thov ntuj kom cov tsis paub Yesxus tau txais txiaj ntsim ntseeg.

Yog kuv tsis muaj Yesxus, kuv yuav tsis muaj kev taug ntxiv , yog vim muaj Yesxus thiaj tseem muaj tus saib ntsoov kuv o)





<3 <3 Pab kuv rov los cuag koj Huab Tais Yesxus <3 <3

Frozen
Phooj Ywg
Phooj Ywg

Messages : 159
Date d'inscription : 2011-02-11

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Frozen on 6th May 2011, 10:18 am

[quote="XH. Npuagtub"]
Nyob zoo tus muam Seinphy,

Ua tsaug koj tseem tuaj share koj li kev ntseeg rau peb tau paub thiab nws yog ib qho zoo heev. Yeej yog li koj hais mas, tus nkag siab thiab pom qhov tseeb li koj hais hauv no ces nws yuav ntshai heev txog thaum nws txoj sia tu os nawv.

Tiam sis tus uas nws txiav siab los txais yuav Tswv Yes Xus ua nws tus cawm seej lamw ces nws yuav tso siab tias thaum nws txoj siab los txoj pa tu nrho ces nws yuav tau pom Tswv Yes Xus tim ntsej tim muag kiag tam sis ntawm lawm os nawv. Qhovno yog peb cov ntseeg txoj kev cia siab tas zog niaj hnub no. Vim peb ntseeg tias Tswv Yes Xus hlub peb txhua leej nws tsis xyeej peb ib tug twg lis, tsuav peb lees yuav nws ua peb tus tswv xwb ces nws yeej hlub peb savw daws ib yam.



Tswv Yes Xus hais tias:
Kuv yog qhov TSEEB,
kuv yog txoj KEV
thiab kuv yog txoj SIA.
Tsis muaj leej twg mus cua tau kuv txiv yog nws tsis vam txog kuv..



Tsis tas yuav ua tsaug li brother Npuagtub. Kuv zoo siab tau tuaj nrog nej qhua txog peb tus Tswv rau lub site no thiab zoo siab tau los paub nej coob leej ntau tus kawg li.
Muaj ib tug niam xib fwb hais tias: rau siab ntseeg Yexus,txais yuav nws rau hauv yus lub neej, yus yog mi nyuam neeg xwb, txoj kev txhoj kev txhaum yus yeej hlas tsis dhau li, thaum yus tseem muaj sia nyob, try to stay away from kev txhaum,ua tus neeg zoo, txawm lwm hnub yus mus cuag tau tus Tswv yus twb kub kub nyhiab, dub dub tas lawm los cia li zoo siab hlo O: Peb txhua tus nyob lub ntiaj teb no yeej tsis muaj tus dawb huv li lawm, sawv daws yeej muaj kev txhaum huv tib si, tej zaum feem coob thaum peem peem mus txog Yexus ces twb kub kub nyhiab lawm xwb ho yom...hehehehe.



"I asked GOD: How Much Do You Love Me? He Said "This Much," He Open His Arms And Die"

Frozen
Phooj Ywg
Phooj Ywg

Messages : 159
Date d'inscription : 2011-02-11

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Frozen on 6th May 2011, 10:21 am

Maiv Paj Lug wrote:Nyob zoo XH NpuagTub thiab Seinphy, zoo siab neb share neb li kev ntseeg tias vim li cas neb thiaj yeej los ua ib tug Christian.

Ntawm kuv tus kheej, tsis vim dab tsis thiaj ua rau kuv los ua ib tug neeg ntseeg Ntuj, txij kuv paub qab hau los ces kuv niam yeej qhia tias kuv yog ib tug neeg Christian nyob hauv Koos Txoos KasTosLiv, kuv tsis paub kev dab qhuas , tsis paub kev ua neeb, tsis paub kev hu plig, kuv tsuas paub kev teev ntuj xwb, kuv zoo siab ua Christian vim kuv yeej ntseeg Yesxus puag thaum yau yau los, kuv muaj hmoo yug los hauv tsev neeg ntseeg, niaj hnub no kuv tsuas thov ntuj kom cov tsis paub Yesxus tau txais txiaj ntsim ntseeg.

Yog kuv tsis muaj Yesxus, kuv yuav tsis muaj kev taug ntxiv , yog vim muaj Yesxus thiaj tseem muaj tus saib ntsoov kuv o)

wow!!! niam laus cas koj thaj duab nrog Yexus yuav zoo nkauj ua luaj li. kuv zoo siab tias koj yeej ib txwm paub peb tus Tswv thaum yau los txog niaj hnub nim no.
ho kuv li ces kuv mam tuaj txais ib tog ntawm kuv lub neej xwb los kuv yeej zoo zoo siab tsis txawj tas tias kuv txav tau los ze nws, tau los ua nws ib tug me nyuam lawm thiab. kuv ua Tus Tswv Yexus tsaug tsis txawj tas li.



"I asked GOD: How Much Do You Love Me? He Said "This Much," He Open His Arms And Die"

Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Npuagtub on 6th May 2011, 11:17 am

Tsis tas yuav ua tsaug li brother Npuagtub. Kuv zoo siab tau tuaj nrog nej qhua txog peb tus Tswv rau lub site no thiab zoo siab tau los paub nej coob leej ntau tus kawg li.
Muaj ib tug niam xib fwb hais tias: rau siab ntseeg Yexus,txais yuav nws rau hauv yus lub neej, yus yog mi nyuam neeg xwb, txoj kev txhoj kev txhaum yus yeej hlas tsis dhau li, thaum yus tseem muaj sia nyob, try to stay away from kev txhaum,ua tus neeg zoo, txawm lwm hnub yus mus cuag tau tus Tswv yus twb kub kub nyhiab, dub dub tas lawm los cia li zoo siab hlo Peb txhua tus nyob lub ntiaj teb no yeej tsis muaj tus dawb huv li lawm, sawv daws yeej muaj kev txhaum huv tib si, tej zaum feem coob thaum peem peem mus txog Yexus ces twb kub kub nyhiab lawm xwb ho yom...hehehehe.

Hello sister Seinphy,

Yes you're right, try stay away from sin but the sin always beside us every day...Remember nobody perfect in this world ok. Txawm tias peb txoj kev mus cuag Tswv Ntuj yuav nyuaj npaum li cas los peb yuav nco ntsoo Tswv Yes Xus hais tias;

KUV YOG COV MOV MUAJ TXOJ SIA
TUS TUAJ CUAG KUV NWS YUAV TSIS TSHAIB
TUS NTSEEG TXOG KUV NWS YUAV TSIS NQHIS IB ZAUG LI.

LEEG TWG POM LEEJ TUB THIAB NTSEEG TXOG NWS MAS
NWS YUAV MUAJ TXOJ SIA NYOB MUS LI THIAB HNUB KAWG
KUV YUAV TSA NWS SAWV ROV LOS.

John, 6 : 35 / 40



Photobucket

Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Npuagtub on 4th August 2011, 3:08 pm


TAKE UP YOUR CROSS
Photobucket

Yes Xus hais rau nws cov thwj tim tias:
Leej twg xav raws kuv qab mus mas nws yuav txhob nco txog nws,
nws yuav kwv nws tus ntoo cuam ces nws los raws kuv....


Photobucket

Cas Kuv tus ntoo cuam nyhav ua luaj li
kuv kwv tsis tau li lawm os...!!


Photobucket

Huab Tais, cia kuv txiav ib qho me me pov tseg
vim nws nyhav heev li kuv kwv tsis tau lawm..


Photobucket

Nyhav ua luaj li kwv tsis tau lawm
txiav ib qho pov tseg thiaj li tsis nyhav heev.


Photobucket

Txiav tas zoo li kwv tau zog lawm heheheee...

Photobucket

Ua cas zoo li kuv tus ntoo cuam tseem nyhav ua luaj thiab...

Photobucket

Huab Tais, thov cia kuv txiav ib qho me me ntxiv
pov tseg thiab kuv thiaj li yuav kwv taus nws mus txog chaw..


Photobucket

Nyhav ua luaj li no, txiav ib qho pov tseg tso mam li mus.

Photobucket

Huab Tais, ua koj tsaug ntau os zaum no zoo kwv lawm hihi..!!

Photobucket

Hihihi...os, kuv tus ntoo cuam tsis hnyav li nej li....

Photobucket

Uh ...! Cas zoo li no lawm yuav ua li cas mus tau ??

Photobucket

Cia mam siv kuv tus ntoo cuam ua choj taug mus kiag xwb ...

Photobucket

Ah....ua cas kuv tus ntoo cuam luv lawm ncav tsis txog sab tim
kuv yuav ua cas mus tau os lawv e........pab kuv thiab os nej nas..


Photobucket

Huab Tais, koj nyob twg os ? Thov koj pab kuv thiab.
zaum no kuv mus tsis tau rau sab tim kuv yuav ua cas ???
Thov koj os Huab Tais kuv tus Tswv....

Nyob zoo cov phooj ywg sawv daws,
Txoj kev los ua ib tug neeg ntseeg zoo
yuav raws Huab Tais Yes Xus qab mas tsis yooj yim
yuav nrhiav txoj kev zoo coj yuav ua ib tug neeg ntshiab huv
kom ntiaj teb neeg tsis muaj qhov xyeej mas yeej nyuaj kawg
yuav ua cas thiaj kw tau yus tus ntoo cuam mus hla dhau lub hav tob
yuav ua cas yus thiaj li mus txog lub chaw nyob mus ib sim.




Photobucket

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5189
Date d'inscription : 2009-08-18

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Maiv Tooj on 4th August 2011, 8:51 pm

Nyob zoo XH.Npuag Tub,

Ua tsaug koj coj zaj duab no tuaj tso, kuv twb mus pom thiab tab sis lub caij nyoog tsis txaus ces thaum twg los thiaj tso tsis tau.

Koj hais kuj yog kawg, kuv hais tias: "KUJ"
no, vim kuv yuav tsis hais li koj hais tias:
"yuav ua ib tug neeg ntseeg zoo, cas yuav nyuaj ua luaj!"

Kuv hais tias:
"UA IB TUG NEEG NTSEEG ZOO KUJ TSIS NYUAJ NPAUM LI CAS THIAB, YOG YUS TXIAV TXIM SIAB!"

Kuv muab ob qho piv txwv hauv kev ua neeg ntseeg zoo thiab ua neeg ntseeg ntawm daim tawv thiab ua neeg ntseeg zoo los saib mas yuav pom tias qhov zoo thiab qhov phem yuav sib nrawg nroos xwb, yog yus xav xaiv qhov twg los yeej yooj yim tib yam. Ntshe qhov zoo tseem yuav zoo ua thiab yooj yim dua, tab sis yog neeg tssi xav tau zoo, tsis nyiam thaj yeeb nyab xeeb. Neeg nyiam txom nyem ais niaj hnub nroo xwb. piv xam:

-Kev tsis xav ua neeg zoo:

Kev twv txiaj yuam pov, liam sim xyob txhiaj, zais siab, ua plees ua yi, tub nkeeg tssi khwv noj khwv haus, siab ntxhi chiv mus ua loj ua lug, ua si tauv pem: ua phaij, ntau qe hlau, tso qaib sib ncaws, cuav zos tham lus xaiv, laug hnub laug hymo tsis qab siab ua noj ua haus.

Qhov nov Peb Hmoob muaj ib feem, lub siab xib mus sab no, lawv kuj tsis tau dab tsi, lawv kuj tssi nplua nuj tshaj, lawv kuj tsis kaj siab tshaj, lawv kuj tsis muaj meej thawb dab tsi, lawv kuj tsis ua neej qaum tsag thiab...Yuav hais los mas tseem ua neeg nyuaj siab tshaj, tab sis yog lawv tssi lim xeeb los nrhiav txoj hauv kev zoo rau lawv. Lawv tsis xav ua zoo kom lawv tau zoo, ais txhob tau NROO.

Kev xav ua neeg zoo:

- Khawv tau nyiaj me me los muab yuav tej yam tseem ceeb, niaj hnub muab 10 feeb los teev Ntuj hauv tsev tsis qeg yus dab tsi, niaj hnub Chiv muab 1 teev mus ua Mis Xas tsis qeg yus dab tsi; yog koj tib zoo npaj ua ntej lawm. Yog tssi mus teev Ntuj los 1 teev xwb yeej ua tsis tau dab tsi. Piv xam lub week end no kuv yuav tawm rooj los tssi khoom, kuv twb xub xyuas seb Mis Xas nyob thaj chaw kuv yuav mus yog pes tsawg teev, kuv nrhiav lub sij hawm mus kom ncav, tsis li ntawd los kuv yuav saib ntawm kuv lub tsev teev Ntuj seb muaj Mis Xas thaum twg, yuav mus hnub Friday los Saturday ua ntej yuav tawm rooj. ( Qhov nov, kuv pom cov tias tssi khoo, muab lawv lub caij mus twv txiaj yuam pov, yuav leb, ...thc...Lawv tseem sem caij ntau tshaj, lawv ho niaj hnub ua, tseem yog ib qho puas tsuaj rau tus kheej thiab lub neej.)
-Yus muaj txwj muaj nkawm lawm, yuav muab yus lub siab los npuab kiag yus leej nkawm, sib puag ua neej thiaj sov siab. Sov siab ces zoo siab, tsis muaj txiab xeeb, tssi muaj txiab xeeb ces muaj zog khwv, muaj zog khwv ces ntsu tes, ntsu tes ces txhiaj meej sawv, txhiaj meej sawv ces yus muaj koob nto meej, ua neej sawm txheej, muaj hwj chim meej thawb, teb chaws ntshaw...Tswv Ntuj kuj tau ib tug zoo TIM KHAWV. Ces yus tus ntoo cuam tssi nyhav yus tab sis thaum kwv mus txog Nyuj Vab Teem ces muab tuam kiag los tseem seem tsheej tog. Nov yog yus lub siab xav nrhiav kev zoo kev phem nyob ntiaj teb, xav nrhiav Ntuj Ceeb Tsheej los lub neej tus kheej uas xav coj li yus loj tshaj TUS CAWM SEEJ. Luag niaj txhi piv txoj lug tias: Tsis hwm nom hwm tswv ces tau kev tws, tsis hwm niam hwm txiv ces tau kev ti. Huab Tais Ntuj yog peb leej neeg niam thiab TXIV, yog peb tsis mloog nws tej lus hais uas ntshai rwg tsam peb tau kev txom nyem, ntshai rwg tsam peb poob rau qhov phem, tab sis peb tawv qhawv tssi xav mloog ces thaum kawg mam hu NTUJ ces ntshe lig lawm.




Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Npuagtub on 5th August 2011, 9:25 am

Mt,

Ua tsaug koj cov lus yuav muaj txiaj ntsim heev rau peb sawv daws. Yeej yog li koj hais los mas, tiam sis ntiaj teb neeg tsis nyiam ua qhov zoo feem coob pheej nyiam ua qhov phem xwb tsis yog vim lawv xav txom nyem os nawv vim yog lawv xav tau zoo dhau lawv xav ua yam yooj yim xwb.

Txoj kev ua zoo thiab ua phem nws nyob ua kev tas li txhuan lub sij hawm, nws zoo li ib khub niam txiv sib nrug tsis tau ib hmos li. tiam sis kuv hais tias txoj kev ua phem yog tus leej Tij hos txoj kev ua zoo yog leej Kwv, nkawd zoo li 2 kwv tij ces zoom li txoj kev ua phem muaj zog ua txoj kev ua zoo vim nws yog tus tij laug.

Vim li cas kuv hais li no; vim txoj kev ua phem mas tsis qhia los yej paub ua tsis kawm los yeej txawj ua. Hos txoj kev ua zoo mas yuav sib zog kawm thiaj li txawj, yuav sib zog coj thiaj li ua tau. Yog li no kuv thiaj hais tias txoj kev ua ib tug neeg zoo mas nyuaj heev, vim koj yuav tau tiv thaiv nyiaj txhua yam lwm tus ua phem tuaj rau koj, txhua yam kev iab kev khwv, nyuaj siab ntsim plawv ua tuaj raug koj yog koj nyiaj tau ris txhua yam phem koj tsis nyiam luag ua rau koj mas koj thiaj li yog ib tug neeg zoo tsis muaj qhov xyeej.




Photobucket

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5189
Date d'inscription : 2009-08-18

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Maiv Tooj on 5th August 2011, 10:58 am

Nyob zoo XH.Npuag Tub,

Kuv to taub qhov koj hais kawg, tab sis twb yog kuv txhob txwm hais qhov uas kuv xav hais xwb, tsis nkag koj kis pes tsawg los thov zam lub txheej. Vim Peb Leej TXIV twb ntshai tsam peb muaj kev txom nyem rau lub neej yaj ceeb, nws nim ua txhij ua txhua piv thiab qhia los peb tseem tsis mloog nws hais. Peb lub neej ntiaj teb thiaj quaj ntsuag los kua muag. Lub neej pem suab tseem yuav poob rau KEV TUAG rau hluav taws sub hluav taws cuam...Cas coj lub neej zoo twb tsis nyuab, tseem rau yus lub siab lub neej kaj lug nrog suab luag, hnub qab nram ntsis tseem yuav tau mus nyob lub teb chaws tshav ntuj nrig tsis txawj tuag nyob pem ntuj ntsuab...Cas sawv daws tssi yuav?

XH.Npuag Tub, qhov yuav ua kom tau ib tug neeg zoo tag nrho rau txhua leej mas yuav ua tsis tau.

Vim li cas thiaj ua tsis tau?
Ua tsis tau vim cov neeg uas hais tias tus ZOO tsis zoo twb tssi yog nws ua tsis zoo, twb yog cov neeg phem tsis txawj xav, tsis thoob tsib to nrog tsis xav qheb qhov muag pom tus ua zoo qhov zoo. Luag twb ua zoo npaum li cas, muab npaum li cas los tus txais twb tsis txaus siab, nws kiag twb tssi pub ib yam rau luag los nws tseem muaj cai hais luag tus muab tag nrho luag lub cuab tam laj lim plab plaw rau nws. Li no yuav kom yus ZOO tau rau txhua leej mas yuav tsis tau.

*Yuav tsum nrog cov neeg zoo li yus, muaj kev kawm txuj ib yam, muaj kev txawj thiab thoob tsib ib yam, luag thiaj pom yus qhov zoo qhov muaj nqes. Tus nrog koj sib luag, mas koj ua tsis tshua zoo los luag yuav tsis thuam tsis lauj koj, luag tseem txhawb koj lub zog kom koj siab thiab zoo ntxiv. Koj ua tau tsis yog, tsis zoo los luag yuav tib zoo hais rau koj tias: "Tsis ua cas, koj twb ua tau zoo kawg lawm, cia kuv mam pab koj kho me ntsis ntxiv ces zoo lawm...Los yog hais tias: "Zoo kawg lawm, lwm zaud mam ua kom zoo dua xwb..." Luag muab rau koj, koj tssi muaj txawm los pauj luag los luag yuav tsis cib nyeej, luag yuav hais rau koj tias: "Kuv muaj ces kuv muab rau koj, lwm hnub kuv tsis muaj koj mam muab rau kuv los tau. " Ces koj lub siab yuav loj, koj yuav pom koj muaj nqes...

-Ua neeg nyob, muaj ib cov neeg mas lawv nyiam muab luag tiag taw kom nws siab. Nws nyiam thuam thiab nias luag cai, nws tsis thoob tsib, nws xav tias nws nias luag ces nws yuav siab tuaj, vim luag siab tshaj nws, nws tsis nrhiav kev ua kom nws siab, nws cia li muab luag nias qes kom nws siab xwb. Cov neeg zoo li nov nws yuav haj yam qes tshaj qhov nws xeeb txawm lawm. Cov neeg zoo li nov mas yus yuav nyiam lawv tij ywm rau nruab siab xwb, txhob txav ti ti, vim lawv yuav khaum yus kev heev, lawv yuav theeem yus lub caij nyoog, yus yuav qheb tsis tau lawv qhov muag li...Thaum lawv txom nyem mas lawv tuaj quaj rau yus pab lawv tag, lawv kua muag tu kiag mas lawv rov luag dhia, luag dhia li tej me nyuam yaus tsis paub tab xwb.

XH.Npuag Tub, yog muaj tej teeb meem tsis sib haum xeeb, tsov mus tsov, plis mus plis mas thaum koj teev Ntuj, koj thov Leej Ntshiab Antony of Padua pab thov Ntuj rau yus, rau tus neeg ntawd...Kom muaj kev thoob tsib thiab nrhiav tau txoj kev HLUB...mas leej kawg nkaus.





Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Npuagtub on 5th August 2011, 3:25 pm


font=Verdana]Nyob zoo os Mt,

Ua tsaug koj qhia kuv os nawv, peb ua neej nyob ces nyias muaj nyias lub siab tsis sib thooj, tus xeeb ceem tsis sib xws peb thiaj ua lub neej pom tsis thoob mus tsis txog qhov twg...[/font]

Photobucket

Vim Li Cas kuv Thiaj Los Ua Neeg Ntseeg? Muaj ntau zaus kuv rov qab nug kuv tus kheej tias ua cas kuv thiaj xav ua ib tug neeg ntseeg Yes Xus, kuv kuj tseem nrhiav tsis tau lo lus teb thiab, tiam sis kuv pom tias, yuav ua cas kuv thiaj li pom thiab paub tus Tswv tsim tas ib puas tsav yam ( Creator ) ? Kuv xav nyob ze nws, kuv xav ua nws ib tug phooj ywg zoo, txawm kuv ua lub neej tsis tau txhua yam zoo txaus li kuv lub siab ntshaw los tsuav kuv tau nyob ze tus Tswv tsim tas ib puas tsav yam xwb.

Cov phooj ywg nej cov uas tau nyeem txog tus txiv neej Yob lub neej nyob hauv ntawv Ntshiab, Tswv Ntuj tau cia Xas Tas rhuav nws lub neej puas tsuaj tas huv si, tiam sis nws yeej tsis tso Tswv Ntuj pov tseg li, kuv tau nug ntau tus neeg ua lawv txiav siab los ntseeg Ntuj mas lawv hais li no:

1. Vim kuv tau raug tsim txom kev txom nyem nyuaj siab los ntawm lwm tus mas kuv paub tias yog kuv ua neeg ntseeg Ntuj mas kuv yuav tau txais kev pab kuv.
2. Kuv paub tias kuv yuav nrhiav tau ib tug txiv los poj niam zoo nyob hauv cov neeg ntseeg Ntuj.
3. Vim kuv cov kwv tij los ntseeg Ntuj tas ces kuv thiaj li los .
4. Vim Tswv Ntuj tau ua zoo txhua yam rau kuv .
5. vim kuv tsis muaj lwm txoj kev taug lawm kuv paub tias kuv yuav tau txais Tswv Ntuj txoj kev pab..
6. Vim kuv tsis xav mus dab phem teb ( hell ).

Thaum kuv hnov lawv cov lus tas, kuv xav tias cov neeg no nyias muaj nyias ib yam coj lawv los raws Tswv Ntuj. Tiam sis yog thaum koj raug tsim txom thiab koj txom nyem koj thiaj los raws Tswv Ntuj, ntshai thaum koj tau zoo lawm koj puas raws nws os? Thaum koj xav tias koj yuav nrhiav tau ib leej nkawm zoo nyobhauv pawg ntseeg, yog koj nrhiav tsis tau ne koj puas raws Tswv Ntuj ? Vim koj cov kwv tij los raws Tswv Ntuj koj thiaj li los, yog li thaum tsis muaj lawv tas lawm ne koj puas raws Tswv Ntuj? Vim Tswv Ntuj ua zoo txhua yam rau koj , tiam sis tsam muaj ib hnub Tswv Ntuj cia koj raug tsim txom zoo li Yob ne koj puas tso nws tseg? Vim kuv tsis muaj lwm txoj huav kev taug lawm, yog lwm hnub koj nrhiav tau koj txoj kev taug koj puas yuav raws Tswv Ntuj ? Vim kuv tsis xav poob dab phem teb ( hell ). Yog tias tsis muaj dab phem teb ne ( hell ) koj puas raws Tswv Ntuj...

Kuv xav tias cov neeg no lawv yeej muaj lub hom phiaj txaus rau lawv tus kheej lawv thiaj li txiav txim los ntseeg Ntuj, tiam sis kuv mas kuv ho xav txawv ntawm lawv cov no. Yog nej leej twg muaj tej yam zoo no kuj txhob ua siab deb es coj tuaj sau tso rau peb tau kawm thiab mog...



Photobucket

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5189
Date d'inscription : 2009-08-18

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Maiv Tooj on 5th August 2011, 8:42 pm



XH.NPuag Tub,

Ua tsaug rau koj cov lus thoob tsib.

Peb Hmoob los ua neeg ntseeg, peb Hmoob tseem tsis tau yog muaj kev ntseeg txaus ais los ua neeg ntseeg. Peb Hmoob ntseeg yog xav kom daws lawv kev nyuaj, kev txom nyem hauv ntiaj teb thiab lub sim ceeb no, ua ntej tshaj qhov yuav xav txog LUB NEEJ NYOB MUS LI. Yog tus nws xav txog lub neej nyob mus li mas tus ntawd twb hla dhau ib theem lawm, nws txoj kev ntseeg loj puv ntoob txaus nws paub txog Tswv Ntuj lub hom phiaj CAWM NEEG ntawm kev tuag mus ib txhiab ib txhi. KEV TUAG=kev poob rau ntuj txias teb tsaus, ntuj tawg teb nkig.
Txheej thaum ub uas Peb Hmoob tseem coj ib hom kev cai xwb, yog tseem teev dab teev qhua, lawv txiav siab los ua Ntuj Kev Cai mas qhov ntau yog los ntawm tej kev mob nkeeg, kev ploj tuag uas lawv los nrhiav txoj kev DIM. Cov lawv txiav siab ntawm lawv tus kheej li nov los mas lawv yeej yog ib cov txiv neeb thiab kws khawv koob loj, lawv tuaj yeem tso lawv tej txuj ci tseg ces txhais tau tias lawv tej txuj ci muaj hwj huam TSIS npaum Tswv Ntuj LUB. Lawv los ua NTUJ KEV CAI mas lawv ua ib qov neeg ntseeg zoo tiag tiag li. Lawv tssi thim thiab tsis nyiag ntshis rov mus ntoj neeb nthuav yaig.

Muaj ib co mas yog lawv muaj txiab xeeb los kev ntxhov siab, lawv xav los ua Ntuj kev cai kom lawv zoo. Tej zaud kuj zoo kiag li lawv kev vam, tej zaud kuj tsis zoo li lawv xav, vim lawv xav kom tau hwj huam tam sim ntawd xwb. Lawv tsis paub txog lub NTSIAB ntawm kev ntseeg. Ces thaum lawv tau raws li lawv xav tau lawm, lawv tsis ua raws li lawv cov lus COG kom tag lawv sim neej.

Ib tug neeg uas tau txais lub Cim NTXUAV tag mas tsim nyog nws yuav ua ib tug neeg ntseeg thiab lim xeeb mus li. Hmoob xav tias yus lam teb cov lus COG tias: "Kuv yuav nrauj dab, tsis teev leej twg ntxiv dua ntawm Huab Tais Ntuj". Lees lus, COG LUS tag, tseem lees rau ntawm DEJ ntawm TAWS tib si. Tab sis tsis xav ua li yus cov lus mas yus tsis saib hlob. NTshe yuav tau ib nyuag xav me ntsis, vim li cas Hmoob haus DEJ DAB, Hmoob ho ntshai kev txhaum, kev nplua. Kev Ntxuav PLig no twb yog lees ntawm DEJ thiab, Hmoob ho saib tsis muaj nqes?




Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Npuagtub on 7th August 2011, 4:12 am



Photobucket

Mt,
Koj hais yog kawg raws li peb cov hmoob los ua kev cai ntuj, peb tsuas zoo li cov neeg mob mus cuag tus khws tshuaj xwb thaum mob zoo lawm ces peb tsis mus cuag nws lawm. Peb tsuas vam txog Tswv Ntuj thaum peb txom nyem nyuaj siab xwb, thaum peb tau zoo lawm ces peb yuav tsis nco qab tswv ntuj lawm. Peb zoo li 10 tus neeg mob ruas, Yes Xus kho zoo tiam sis tsuas muaj 1 tus thiaj los ua Yes Xus tsaug xwb. Thaum peb nyob sab ntuj tim ub mas peb ua lub neej txom nyem heev, mas peb ntseeg ntuj zoo heev vim peb xav tau tshuaj ntawm cov TP. los pab kho peb tej mob kheeg xwb, thaum peb tuaj txog teb chaws vam meej peb tau zoo muaj kev pab peb txhua yam lawm peb feem coob tsis nco qab Tswv Ntuj lawm, peb tsuas nrhiav txoj kev lom zem thiab nrhiav nyiaj kom muaj nyiaj siv mus nrog luag ua si ncig teb ncig chaw kom zoo peb lub siab xwb.
Peb tsis nco qab pom tias peb tus plig twb yuav tuag, twb nris tsis tau peb tej kev txog kev txhaum los peb tseem niaj hnub tsub tas zog rau, vim peb cia peb lub cev coj peb mus ua raws li peb lub siab ntshaw, txawm twb yog txoj kev yuav mus poob qhov ntuj los peb yeej tsis nco pom li vim peb cia tus neeg dig muag los ua tswv coj peb kev.
Feem ntau peb tsuas ntseeg Ntuj kom pab rau peb lub cev nqaij xwb, peb tsis yog ntseeg los pab rau peb tus Ntsuj Plig. Yog li no peb ib txhia thiaj li thim kev ntseeg tas vim thaum txog lub caij Tswv Ntuj sim lawv siab ces lawv yuav nyiaj tsis tau lawv kawg thim rov mus coj tej qub kev cai uas tsis ntxim Tswv Ntuj siab..




Photobucket

Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Npuagtub on 13th August 2011, 5:55 am



KWV KOJ TUS NTOO CUAM


Ua siab ntev kw koj tus ntoo khaub lig
ntxawm yuav hnyav npaum li cas los txhob chim
ua tiag ris kom mus txog qhov chaw kaj nrig.

Ua siab ntev kwv koj tus ntoo cuam
txawm yuav nyuaj thiab hnyav npaum li cas
ua tiag nqa kom mus txog qhov chaw kaj.
.



Photobucket

Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Npuagtub on 13th August 2011, 6:48 am


TUS NEEG NTSEEG TXOJ HAUJ LWM



Tus neeg ntseeg zoo
nws mloog thiab ua raws Yes Xus cov lus
nws ntxub txoj kev ua phem ua qias
nws nyiam txoj kev ua zoo.



Photobucket

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5189
Date d'inscription : 2009-08-18

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Maiv Tooj on 13th August 2011, 7:39 pm

XH. Npuagtub wrote:

KWV KOJ TUS NTOO CUAM


Ua siab ntev kw koj tus ntoo khaub lig
ntxawm yuav hnyav npaum li cas los txhob chim
ua tiag ris kom mus txog qhov chaw kaj nrig.

Ua siab ntev kwv koj tus ntoo cuam
txawm yuav nyuaj thiab hnyav npaum li cas
ua tiag nqa kom mus txog qhov chaw kaj.
.

Nyob zoo XH.Npaug Tub,

Ob hnub no muaj ntau yam hauj lwm los cuam tshuam, tsis khoom tuaj nrhiav Tswv Ntuj txoj kev hlub. Zoo siab pom nws sau ntau yam lus thoob tsib zoo rau peb txhua leej xyaum tig rov ntsia tom qab, xyaum ua neeg kaj siab raws li yus txoj koob hmoov, raws li yus luj laj lim tswv yim.
Yog kawg, Tswv Ntuj twb muab tus Ntoo Cuam me tshaj rau yus, yus tseem tsis txaus siab, tseem niaj hnub yws, niaj hnub khib, niaj hnub ciaj caub. Thaum mus txog Nyuj Vab Teem, yus tus Ntoo Cuam tuam tsis txog Tswv Ntuj lub teb chaws ces ntshe yus yuav rau Ntxwg Nyug muab "teem". Thaum ntawd yus yuav rov khuv xim tab sis yuav tsis muaj neeg pab tau yus lawm.

Yes Yus tau hais tseg tias:

Koj muab rau luag koj txhob xam,
Tswv Ntuj yuav rov pauj ntau tshaj
Koj ua koj txhob suav,
Tswv Ntuj yuav rov muab
Tus twg tsa nws siab,
Tswv Ntuj yuav lauj nws tw ntxiab
Tus twg nws txo nws qe,
Tswv Ntuj yuav rub nws tes...

Li ntawm ntau zaud peb tias peb thov Tswv Ntuj twb tsis muab,
Peb twb tsis pom tias peb twb ua dhau cai lawm los peb tseem pheej yuav thov ntxiv...Tswv Ntuj thiaj tsis muaj rau peb li peb thov.
Kuv tseem nco tau Maiv Paj Lug ib lo lus hais rau kuv tias: "Cia lwm tus thov Ntuj rau yus mas thiaj leej, vim luag thov raws kev ncaj ncees. Yus thov rau yus tsis tshua leej vim tej thaum mas yus pheej pom yus qhov zoo xwb yus tsis pom yus cov txhaum."
Kuv xav xav kuj yog li Maiv Paj Lug hais. Vim tej thaum tej tug neeg yws tas zog, thiab xyuam phaj kom plaub, tab sis twb yog tus ntawd yog tus txhaum...










Sponsored content

Re: VIM LI CAS KUV THIAJ LI UA NEEG NTSEEG ( CHRISTIAN ) ?

Post  Sponsored content

  • Post new topic

Current date/time is 22nd February 2017, 8:00 pm