Leej txiv tua nws tus ntxhais rau qhov tus ntxhais tsis kam kiab daim ntaub thaiv ntsej muag ( hidjab )

Leej txiv thiab leej tub tua tus ntxhais hu li Aqsa , cov thawj coj ( Juge) hnub tim 21 lub 6 hli ntuj 2010 txiav txim tias nkawv yuav raug kaw mus tag ib sim neej, vim nkawv tua tus ntxhais muaj 16 xyoo rau qhov tus ntxhais tsis kam khiab txoj phuam thaiv ntsej muag islamique ( hidjab). Leej txiv hu li Muhammad muaj 60 xyoo, yog ib tug tsav tsheb ntiav ( taxi) , tus tub hu li Wasqas, muaj 29 xyoo, yog ib tug tsav tsheb pab cov neeg muaj teeb meem tom kev, tus tub yuav raug kaw 18 xyoo. Lub tsev txiav txim Ontario nyob Brampton tshaj tawm li ntawv.

Raws li xov xwm hais tawm mas, hnub tim vas thib 10 lub 12 hli ntuj 2007, Wasqas yog tus nus mus tos nws tus muam Aqsa nyob ntawm ib qho chaw tos Bus uas tus ntxhais tos caij los tsev . Thaum los txog tsev lawm leej txiv muab nws tus ntxhais zawm caj pas tuag ces leej txiv mam hu xov tooj rau Urgence tias : << Kuv tua kuv tus ntxhais lawm >> , nws hais li ntawv hauv xov tooj rau Urgence. Thaum cov tsheb thauj mob tuaj txog lawv pom tus ntxhais pw saum lub txaj qhov ntswg tawm nsthav.

Muhammad tus pojniam hu li Anwar qhia rau Police hais tias nws tus txiv muab tus ntxhais tua vim tus ntxhais yog tus yau tag nrho ntawm nws 8 leej me nyuam vim tus ntxhais tsis mloog lus tsis kam khiab daim ntaub npog ntsej muag islamique li lawv kab kev cai.

Lawv caj ces yog Pakistan, tsev neeg ntawv tau tuaj nyob Canada xyoo 1999 mus txog 2007, lawv cov pojniam txhua tus yuav tsum khiab daim ntaub npog ntsej muag, tsis pub mus khwv, tus txiv khwv tau li cas noj li ntawv xwb.

1 xyoos ua ntej Aqsa yuav tuag, Aqsa twb hais qhia rau ib tug assitante sociale tom nws lub tsev kawm ntawv hais tias Aqsa tsis kam ua zoo li islamique txoj cai, nws nyiam hnav khaub ncaws li neeg pej kum, tiam sis nws txiv yuav muab nws mus yuam yuav ib tug tub ua nws tsis tau pom nyob rau Pakistan.

Aqsa tseem hais tawm rau tus thawj coj hauv nws tsev kawm ntawv tias nws tsis xav khiab daim ntaub ntawv, tiam sis nws nsthai nws txiv tua nws. Aqsa twb khiav ib zaug tawm hauv nws tsev mus kom dim ( ua fugue) , Aqsa txiv tshaj tawm tias lwm zaus Aqsa ua ntxiv mas thaum lawv nrhiav tau nws ces nws kawg tuag. Zaum no yog zaum 2 uas Aqsa tau khiav kom dim dua ces tus nus thiaj mus nrhiav tau coj los rau leej txiv tua lawm tiag.