Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» Xib Hwb Thoj Xyooj lub neej
by Maiv Tooj Today at 5:53 am

» COV ZAJ NYEEM NRUAB LIS PIAM XYOO I 2016-2017
by Mim Yesterday at 8:12 am

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» COV ZAJ NYEEM HNUB CHIV XYOO A 2016-2017
by NrhiavTswvNtuj 1st December 2016, 12:54 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 1st December 2016, 12:35 pm

» XH. Yaj Zoov Ntxheb lub Tsev THOOB TSIB
by Maiv Tooj 1st December 2016, 12:33 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


  • Post new topic

Kwv Txhiaj Hmoob Lyon noj mov hav zoov by MayPajLug

Share

Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Kwv Txhiaj Hmoob Lyon noj mov hav zoov by MayPajLug

Post  Maiv Paj Lug on 20th June 2010, 4:27 pm

Zaj Nkauj No, muab dedication rau tag nrho tsoom
niam txiv kwv tij neej tsa Hmoob uas niaj xyoo mus koom noj mov hav
zoov nyob Lyon . Spéciale dédication rau Maiv Tooj, MaivXis,LwgNyiaj
thiab Bao.






<3 <3 Pab kuv rov los cuag koj Huab Tais Yesxus <3 <3

Bao
Tuaj Tshiab
Tuaj Tshiab

Messages : 78
Date d'inscription : 2009-08-16

Re: Kwv Txhiaj Hmoob Lyon noj mov hav zoov by MayPajLug

Post  Bao on 20th June 2010, 9:28 pm

maypajlug as
wow ua tsaug rau koj daim video no os ....koj tseem muaj lub siab dawb los siv koj lub sij hawm tsim ib daim video pub rau peb tsoom hmoob catholique nyob lyon no rau hnub ua peb sib koom mus noj mov hav zoo nrog TP cwj vuam chiv thiab... ua tsaug nawb
Xav kom lwm xyoo koj tuaj koom kom tau nrog peb thiab nawb ^^ tsis tas li ntawv kuv nyiam koj zaj kwv txhiaj heev thiab hu tau zoo kawg li ....




DIEU tu es lumière qui éclaire notre vie...
GOD you're light that illuminates our lives...
NTSWV NTUJ koj yog lub hnub ci ntsa iab rau peb lub neej...

Maivxis
Phooj Ywg
Phooj Ywg

Messages : 267
Date d'inscription : 2009-11-05

Re: Kwv Txhiaj Hmoob Lyon noj mov hav zoov by MayPajLug

Post  Maivxis on 21st June 2010, 2:07 am

Maypajlug wrote:Zaj Nkauj No, muab dedication rau tag nrho tsoom
niam txiv kwv tij neej tsa Hmoob uas niaj xyoo mus koom noj mov hav
zoov nyob Lyon . Spéciale dédication rau Maiv Tooj, MaivXis,LwgNyiaj
thiab Bao.




Maivpajlug e !!! tus me ntxhais tshaj lij cas nws yuav tshaj lij ua luaj li tiag os ,
MP, aw !! koj ua tau zoo kawg li Daim Vidéo no na

Ntuj na !!! me nkauj hmoob vaj
Koj leej niam yuav muab koj hu ua Maivpaj
Tus tswv yim zoo thiab muaj txuj tshaj
Koj yog tug ntxhais yug nyob rau ntiaj teb
koj yuav los ua txhua yam zoo pub rau peb
maivpajlug tus muaj tswv yim nrog txuj ci
Koj lub npe nyob rau hauv peb ib tsoom mus tag sim
Koj muaj zoo lub siab zoo phim lub suab nrov
koj yuav ua peb hmoob Catholique lub chaws nco
koj muaj zoo lub cev phim koj lub suab
koj yuav nthuav txuj ci tuaj rau peb hmoob qhuas
Nkauj hmoob tus lub nplhu zoo phim zam
koj yuav tuaj nthuav txuj ci rau peb hmoob tiaj nrag
Me maivpajlug koj lub siab loj li tus dej hiav txwv
Koj yuav tuaj ua ib tug zoo qauv rau peb hmoob thoob qab ntuj
Huab tais ntuj yuav muab koob hmoov rau koj
Koj yuav muaj lub neej kaj siab raws li koj lub siab ntshaw nawb mog

Maivpajlug , Thov kom koj tau txais huab tais ntuj lub txiaj tsim
Los nrog koj nyob kom koj tsuas muaj lub siab loj siab dav li no mus ib txhis
Nawb mog tus me niam hluas tshaj lij .


Maivxis





Maiv Tooj
Tswv Cuab Hmong Catholique
Tswv Cuab Hmong Catholique

Messages : 5046
Date d'inscription : 2009-08-18

Re: Kwv Txhiaj Hmoob Lyon noj mov hav zoov by MayPajLug

Post  Maiv Tooj on 21st June 2010, 5:01 am



Nyob zoo Maypajlug,

Wow...! Me Naib aw...! Cas nws yuav txawj hais txawj phim yuav hais tau kho siab zim.
Cas nws nim txawj phim nrog txawj qhub, nim phim ntiaj teb neeg lub neej rau Huab Tais Tswv Ntuj me Tub txoj kev HLUB.
Hnub no kuv hnov nws zaj kwv txhiaj, ua rau kuv zoo siab npaum li hnub uas peb tseem tab tom ua si tim hav zoov es kuv zoo zoo siab, kuv xav txog zaj Ntawv Moo Zoo uas HT Yes Xus coj Pob Zeb lawv nce mus pem roob es pom Yes Xus hloov, dawb ci lam lug nrog Mais Xes thiab Es Lis tham. Lawv zoo siab heev, lawv xav kom rub tsev ntaub rau lawv pw ntawd. Hnub ntawd peb txhua leej txhua tus tsis hais hlob yau, peb muaj kev lom zem sib nrawg nroos, kuv thiaj xav kom hnub ntawd txhob txawj tag...Hnub no kuv hnob nws zaj kwv txhiaj,kuv zoo siab tshaj. Vim Tswv Ntuj muab txiaj ntsim rau cov neeg me, Tswv Ntuj tuaj nyob hauv ib pab neeg sau los ua kev cav txog Tswv Ntuj lub npe.

Maypajlug, nws nyob deb deb,nws tuaj koom tsis tau nrog peb, los nws tseem ua tau ib yam zoo tshaj los nplij peb dej siab dej ntsws. Peb thov Tswv Ntuj tso koob Hmoov rau nws ntxiv kom nws tsuas muaj thoob tsib zuj zus ntxiv xwb.






Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Re: Kwv Txhiaj Hmoob Lyon noj mov hav zoov by MayPajLug

Post  Maiv Paj Lug on 21st June 2010, 6:44 am

Bao, MaivXis thiab Maiv Tooj,

Kuv ua tsaug rau nej cov lus foom hmoov zoo rau kuv nawb......

Zaj kwv txhiaj saum no nws yeej yog tuaj ntawm Leej Tswv Yim Ntshiab tuaj rau nej lawm... Leej Tswv Yim Ntshiab siv kuv lub qhov ncauj hais rau nej xwb mog. Ntawm kuv tus kheej kiag kuv twb tsis paub cov ntsiab lus hauv zaj kwv txhiaj meej meej. Kuv rov qab mloog cav ua rau kuv los kuag muag. Yog vim li cas ib tug neeg twb tsis paub cov ntsiab lus kwv txhiaj ho hu tau raug siab ntsws ua rau yus los kua muag? Yog vim Leej Tswv Yim Ntshiab pub txiaj ntsim lawm tiag tiag. Kuv los kuj zoo siab kawg li thiab tiag, muaj ib tag kis kuv sawv ntxov los ces zaj kwv txhiaj txhawv hauv kuv nruab siab tuaj xwb.


Kuv tsis muaj studio kaw kwv txhiaj ces kuv hu hauv PC xwb ntxhe ntxhe li los nej ua siab ntev mloog cov ntsiab lus kwv txhiaj nawb mog, tus neeg lub suab yeej tsis zoo vim kuv yeej tsis yog neeg hais kwv txhiaj ces suab tsis zoo, tiam sis cov ntsiab kwv txhiaj zoo tag siab nro.


ZAJ LIRYC KWV TXHIAJ HMOOB LYON NOJ MOV HAV ZOOV




Peb ib tsoom me kwv mus lawm tij hmoob...om
Cas lub Ntuj nim yuav txawj tsim es yuav tsim tau me hav tsuag mus phim tag lawm tej me hav ntoo...Xyoo no yuav zoo niaj mus zoo xyoo ...peb yuav hnov tag peb tsoom me kwv tij Hmoob Lyon lub moo ... es nim yuav mus muab lub me mov hav zoo mus noj tuaj sib nrho ua rau ib zej tsoom leej niam thiab leej txiv mus noj qab nyob zoo.


Peb ib tsoom me kwv mus lawm tij hmoob...om
Cas lub Ntuj nim yuav txawj tsim es yuav tsim tau me hav ntoo mus phim tag lawm tej me hav tsuag...Xyoo no yuav zoo niaj mus zoo xyoo ...peb yuav hnov tag peb tsoom me kwv tij Hmoob Lyon lub suab luag ... es nim yuav mus muab lub me mov hav zoo mus noj tuaj sib nrho ua rau ib zej tsoom leej niam thiab leej txiv tuaj mus sib cuag.




Peb tsoom me kwv tij Hmoob Lyon...tos nej mus muab lub me mov hav zoo noj thawm niaj mus thawj xyoo tuaj rau lub me hav zoo nuj txeeg loj zoo nraim hnub....los twb vim yog nej ua raws lawm peb tug Huab Tais Ntuj ib leeg Tub...es nej yuav mus muab tus me mov hav zoo noj sib ntxhi tuaj mus sib hlub.

Peb tsoom me kwv tij Hmoob Lyon...tos nej mus muab lub me mov hav zoo noj thawm niaj mus thawj xyoo tuaj rau lub me hav zoo nuj txeeg loj zoo nraim hli....los twb vim yog nej ua raws lawm peb tug Huab Tais Ntuj ib leeg Tub yug txheej puag thaum i ...es nej yuav mus muab tus me mov hav zoo noj sib hlub tuaj mus sib ntxhi.




Peb tsoom me kwv tij Hmoob Lyon....nej nim yuav mus muab tus me mov hav zoo noj rau tej niag yas kev...los twb vim Huab Tais Yesxus ua lawm nej ntej...es nej thiaj li mus muab tus me mov hav zoo mus noj haus cawv tuaj mus sib cev...es zaum no nej rov ntsuj mus txog tsev ces nej yuav nco tib ntsuj ntsoov sib pab tuaj mus siab ntev .


Peb tsoom me kwv tij Hmoob Lyon....nej nim yuav mus muab tus me mov hav zoo noj rau tej niag yas kab...los twb vim Huab Tais Yesxus ua lawm nej qab...es nej thiaj li mus muab tus me mov hav zoo mus noj haus cawv tuaj mus sib txhab...es zaum no nej rov ntsuj mus txog tsev ces nej yuav nco tib ntsuj ntsoov ua siab ntev tuaj mus sib pab.

ces nim yuav zoo lub laj xeeb thawm niaj mus thawm xyoo ...xaus xi tuaj rau Huab Tais Ntuj Leej Tub Yesxus tuaj tus siab zoo.




<3 <3 Pab kuv rov los cuag koj Huab Tais Yesxus <3 <3

Mim
Tswv Cuab Hmong Catholique
Tswv Cuab Hmong Catholique

Messages : 1646
Date d'inscription : 2009-10-16

Re: Kwv Txhiaj Hmoob Lyon noj mov hav zoov by MayPajLug

Post  Mim on 21st June 2010, 12:10 pm

Maiv Paj Lug,

Wow!... zoo kawg li nawb, koj zaj video "Hmoob Lyon" no na... Koj kuj txawj hais kwv txhiaj kawg li thiab os yod...Txawj kov hlwb hlau thiaj txawj tsim tej yam zoo li koj, kav tsij ua kom tau ntau yam rau peb nawb... Thov kom Tswv Ntuj cov txiaj ntsim koob hmoov nrog nraim koj os...

Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: Kwv Txhiaj Hmoob Lyon noj mov hav zoov by MayPajLug

Post  Npuagtub on 26th June 2010, 9:15 pm

Nyob zoo Mp,

Wow........! Cas kuv tsis tau tuaj 2 nyuag weeks no xwb es nws ntxawm sis mus kawm tau kwv txhiaj hmoob nyob Lyon lawm os.
Hlwb hlau los txawj kov, hlwb nqaij los txawj kho, kev ntseeg los paub tob, lus hmoob los kuj hais tau zoo, lus mab los yim huab paub zoo tshaj, lus fab kis los kuj hais tau nrov nkig, lus mes kas los kuj hais tau nrov ncha, zoo tas tas li tiag.....!
Puas yog thawj zaug nws hais kwb txhiaj hmoob ne yom ?

Hahahaa........! yog kuv tsis tuaj es nws cia li txawj txawj hais kwv txhiaj hmoob zoo li no mas ntshai kuv yuav tau mus ua laij kom ntev me ntsis peb thiaj li tau ntau zaj kwv ntxhiaj mloog.
Zoo heev li yog thawj zaug no mas lwm hnub tseem yuav hais tau zoo tshaj no thiab, thov qhuas nws zaj kwv txhiaj nawv.



Photobucket

Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Re: Kwv Txhiaj Hmoob Lyon noj mov hav zoov by MayPajLug

Post  Maiv Paj Lug on 26th June 2010, 9:37 pm

Npuag Tub wrote:Nyob zoo Mp,

Wow........! Cas kuv tsis tau tuaj 2 nyuag weeks no xwb es nws ntxawm sis mus kawm tau kwv txhiaj hmoob nyob Lyon lawm os.
Hlwb hlau los txawj kov, hlwb nqaij los txawj kho, kev ntseeg los paub tob, lus hmoob los kuj hais tau zoo, lus mab los yim huab paub zoo tshaj, lus fab kis los kuj hais tau nrov nkig, lus mes kas los kuj hais tau nrov ncha, zoo tas tas li tiag.....!
Puas yog thawj zaug nws hais kwb txhiaj hmoob ne yom ?

Hahahaa........! yog kuv tsis tuaj es nws cia li txawj txawj hais kwv txhiaj hmoob zoo li no mas ntshai kuv yuav tau mus ua laij kom ntev me ntsis peb thiaj li tau ntau zaj kwv ntxhiaj mloog.
Zoo heev li yog thawj zaug no mas lwm hnub tseem yuav hais tau zoo tshaj no thiab, thov qhuas nws zaj kwv txhiaj nawv.

Hahahaha....... ......kuv tseem nug Maiv Tooj hais tias, thawj zaug kuv hais kwv txhiaj xwb cas zoo li hais lus Hmoob tsis meej, hos zoo li suab tsis zoo li suab kwv txhiaj lawm es puas zoo, Maiv Tooj hais tias kuv hais kwv txhiaj tsis zoo li cov kws ib txwm hais kwv txhiaj, kuv hais zoo li cov neeg xab maim tshiab lawm ho zoo txawv ib qho lawm thiab mas kuj zoo mloog kawg li thiab no ces kuv thiaj tuaj zog me ntsis lawm.

Kuv pheej tos tos tsis muaj tus kaw lus thiab hais kwv txhiaj tuaj rau kuv tso ces kuv kawg tsim kuv li no ua ntej kom nej maj nrawm nroos kaw tsuag tuaj rau kuv ua rau peb thiaj tau saib thiab tau mloog zov tsev xwb las XH NpuagTub.


Peb sib koom siab ua ib haiv neeg ntseeg nrhiav Tswv Ntuj hauv cab sab lawm ces peb yuav tsum ua kom tiav ua kom zoo, kom tsim nyog hais tau lawm yuav tsum ua tau mus li. Maiv Tooj neb puas xav tias peb ua ntau tsav ntau yam hauv no lawm, muaj ib hnub peb sib ncaim mus pem ntuj ntshe tus tuaj saib tuaj mloog peb tej qub tes qub taw yuav nco nco peb kho siab khuav hov yom. Lawm hnub yog kuv xub ua ntej neb no neb nco ntsoov tias kuv ua neej nyob kuv kuj tsim tau tej daim video hais si zoj si zas zoo li no es neb yuav tsum nco ntsoov thov ntuj pab kuv thiab nawb

Thov Huab Tais Tswv Ntuj pub peb nyob kom ntev ntev ua tej hauj lwm no kom tiav tag nrho , thaum peb laus laus lawm ces kuv mam li muab lub Forum no Block tseg rau cov yau tom qab tuaj tshawb fawb nyeem thiab nrhiav Tswv ntuj .




<3 <3 Pab kuv rov los cuag koj Huab Tais Yesxus <3 <3

Npuagtub
Tswv Cuab Hmong Catholique
Tswv Cuab Hmong Catholique

Messages : 1164
Date d'inscription : 2009-08-16
Age : 51
Localisation : Fresno, California, USA.

Re: Kwv Txhiaj Hmoob Lyon noj mov hav zoov by MayPajLug

Post  Npuagtub on 26th June 2010, 10:04 pm

Mp,

Yeej xav ntsoov li nws hais thiaj li sib zog ua luaj li no. Yuav sawv tsheej tag hmo los nyob ntawm lub PC.
kuv pom muaj ntau zaus neb nyob rawv ntawm lub PC. txog 1-2 teev ib tag hmo, kuv los kuj zoo ib yam thiab.

Peb ib leeg yeej muaj ib yam txuj zoo tsis muaj lwm tus yeej, peb coj tuaj sib koom cia ua puav pheej tseg txawm tsis muaj peb lawm los tshuav cov txheebcov ze paub txog los thaum zoo caij zoo nyoog lawv thiaj li tau tuaj saib ua ib qho kev cim tseg, txawm yuav muaj nqis ntau thiab tsawg los yeej zoo tas huv si. Kuv tseem pom Mt. mus muab kuv daim video qhia kev ntseeg hauv You Tube tuaj tso ntxiv rau hauv lub topic Hmoob Catholic Fresno thiab, twb yog tsis tshua zoo li nws hais kuv thiaj li tsi coj tuaj tso.

Yog kawg, lub hom phiajyog xav kom peb tau nyob ua ke ib hnub saum Tswv Ntuj lub Ceeb Tsheej.
Lub hom phiaj tsis yog ua ib qho chaw raucov nyob tom qab nco thiab tshua txog yus.
Tseeb tiag tus ua ntej yog mus tau zoo chaw lawm yuav tsis nco txog cov nyob tom qab,
tsuas muaj cov nyob tom qab thiaj li yuav nco txog tus ua ntej tej xwb.



Photobucket

Sponsored content

Re: Kwv Txhiaj Hmoob Lyon noj mov hav zoov by MayPajLug

Post  Sponsored content Today at 8:51 am

  • Post new topic

Current date/time is 6th December 2016, 8:51 am