Kev tuag ntawm tus neeg ncaj thiab tus neeg phem

**Maiv Paj Lug** 5th October 2010, 10:06 am

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°1

Kev tuag ntawm tus neeg ncaj thiab tus neeg phem

Post Maiv Paj Lug 5th October 2010, 10:06 am

KEV TUAG NTAWM TUS NEEG NCAJ THIAB TUS NEEG PHEM

1. Txoj kev tuag, tau zoo yog tuag thaum yus muaj txiaj ntsim; nws yog neeg txoj kev kaj siab mus ib txhis.

2. Txoj kev tuag, tau phem yog tuag thaum yus ua txhaum tuag nthi; nws yog neeg txoj kev nyuaj siab mus ib txhis.

3. Ntawv Ntshiab tau qhia tseg tias tus neeg txhaum tuag yuav tau kev phem tshaj plaws hauv nws lub neej.

Tus neeg phem tuag phem tshaj plaws :

a)Vim nws yuav nyuaj siab, khuv xim txhua yam ua nws tau plam zoo tshaj nyob ntiaj teb no mus. Txhua yam nws plam ntawv yog yam nws ntshaw , nws nyiam , nws khuv xim , ua rau nws txhaum loj nyob ntiaj teb no, tuag yuav coj tsis tau mus.

b) Vim nws yuav tau raug kev tsim txom nyob dab phem teb mus ib txhis. Yuav raug hluav tawv hlawv, yuav raug dab phem khi thiab cab mus tsim txom kom kawg raws nws kev txhaum.

4. Ntawv Ntshiab tau qhia tseg tias tus neeg ncaj ncees tuag yuav yog yam muaj nuj nqis tshaj ntawm TSWV NTUJ lub xub ntiag.

Tus zoo tuag muaj nuj nqis tshaj:

a) Vim nws dim plaws nws tej kev nyuaj siab nyob ntiaj teb, nws yuav tau pom TSWV NTUJ , thiab nws paub tseeb tias TSWV NTUJ ib leeg thiaj nplij tau nws lub siab kaj lug mus ib txhis. Nws yuav tau so mus li nyob hauv txoj kev thaj yeeb ib txhiab ib txhis.

b)Vim nws yuav tau txais paj tshab nyob saum ntuj pub rau txhua tsav txhua yam kev zoo nws ua dhau los nyob ntiaj teb.

Kev tuag ntawm tus neeg ncaj thiab tus neeg phem HQ

Thaum tus neeg ncaj ncees tuag, nws yuav tau txais txhua yam cim kawg hauv Koos Txoos Kas Tos Liv kab lis kev cai. Nws tus Tshiab saib xyuas nws thiab txhawb nws zog; nws niam nws txiv nws tej txheeb ze yuav thov ntuj pab nws; YESXUS PLEEV thiab NIAM MAB LIAB yuav tuaj saum ntuj tuaj cuag nws, lawv yuav qhib npab tuaj txais nws tus ntsuj plig; dab phem yuav tsiv siab, yuav khib thiab yuav txaj muag thaum tus neeg ncaj ncees tuag, dab phem yuav sib tw khiav mus nkaum puag lawm dab phem teb.

Thaum tus neeg phem tsis ncaj ncees tuag, nws yuav xyeeb Txiv Plig tej kab lis kev cai deb; nws tus Tshiab yuav fee ntsej muag quaj; ua ntej Txiv Plig yuav ncaim tus neeg tsis ncaj ncees mus, Txiv Plig yuav muab tus ntoo khaub lig rau tus neeg phem saib ua zaum kawg. Tus neeg phem niam thiab txiv yuav tsis tau luag rau lawv tus tuag , lawv yuav ntshai thiab rhiab thaum lawv nyob ze tus neeg tuag. YESXUS PLEEV kuj tawm rau tus neeg phem tuag pom tib yam thiab YESXUS muab nws tus ntoo khaub lig rau tus neeg phem saib tias YESXUS tuag li cas los cawm nws txoj sia thaum YESXUS yuav txiav txim rau nws ntawv thiab. Cov dab phem los nyob coob ib ncig ntawm tus neeg phem tuag lub txaj ib sab; dab phem tos ntsoov tus neeg phem txoj sia tu ces npaj xuas hmuv thiab saw hlau khi cab nws tus ntsuj plig mus tsim txom thaum YESXUS txiav txim tas rau tus neeg phem tsis ncaj ncees tuag txhaum.

**Tub Kawm** 1st February 2012, 9:08 am

Tub Kawm

Tub Kawm: Phooj Ywg; Messages : 375
Date d'inscription : 2011-10-13

Post n°2

Re: Kev tuag ntawm tus neeg ncaj thiab tus neeg phem

Post Tub Kawm 1st February 2012, 9:08 am

Nyob zoo Mai Paj Lug Zaj uas koj hais no yeej muaj tseeb, vim ntawv Ntawv Ntshiab yeej qhia meej meej thiab tseeb tseeb tias: yog leej twg ua tau zoo txawm nws txoj siab tu lawm los mus rau lub chaw tau zoo. Yog leej twg ua phem ces yeej mus rau lub chaw phem. Vim Tswv Ntuj yeej teem tseg li ntawd lawm. Ua neej nyob peb yuav xyau ua zoo xwb. Txhob xyaum phem tsab ib hnub peb txoj sia yuav tu ces peb ho ua zoo xws li tus neeg phem ntawd ces tsi muaj leej twg pab tau peb lawm.