Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

ZOS ROOB NYUJ QUS 1956 NTAWV HMOOB THOOB TEB LUB HAUV PAUS.

Gallery


Latest topics

Suav neeg tuaj saib, txij hnub 17/09/2010 los mus.


    Lub txiaj Mab Liab Miraculous medal

    Share
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 2318
    Date d'inscription : 2009-10-16

    Lub txiaj Mab Liab Miraculous medal

    Post  Mim on 27th November 2009, 3:07 pm

    Hnub no yog tim 27 lub 11 hlis ntuj, peb ua hmoov nco txog lub txiaj Mab Liab Miraculous Medal.

    Zaj piav txog lub txiaj Mab Liab Miraculous Medal yog zoo li no:  

    Thawj zaug Mab Liab tshwm sim rau leej Ntshiab Catherine Laboure pom:  Hmo ntuj tim 18-19 lub 7 hli 1830, muaj ib tug me nyuam yaus (tej zaum yog nws tus Tshiab Pov Hwm) txawm los tsa leej Ntshiab Catherine uas nws tab tom kawm ua phauj nyob hauv lub koom haum cov phauj hu ua Daughters of Charity nyob hauv Paris. Tus me nyuam kom nws mus lawm tom lub tsev teev ntuj  (chapel). Niam Mab Liab txawm tshwm sim tuaj zaum ntawm lub rooj ib (chair) nrog nws tham ntev li ob peb teev. Cov lus tseem ceeb hmo ntawd yog li no:
    "Me ntxhais, kuv yuav muab ib yam dej num rau koj ua."

    Mab Liab tshwm sim zaum ob rau leej ntshiab Catherine:  yog hmo tim 27 lub 11 ntuj, 1830.
    Hmo ntawd LN Catherine pom niam Mab Liab sawv saum ib lub theej teb uas pom ib sab xwb, nws kuj ho tuav ib lub theej teb daj daj li kub ntawm tes, zoo li yog yuav muab fij rau Ntuj. Nyob saum lub theej teb ntawd pom sau lo lus  
                "France" (Fab Kis Teb). Niam Mab Liab piav hais tias lub theej teb ntawd yog hais txog tas lub ntiaj teb neeg tib si, thiab tshwj xeeb yog hais txog Fab Kis Teb, vim lub caij ntawd tab tom muaj tsov rog thiab muaj cov neeg txom nyem coob hauv Fab Kis teb. Ntawm Niam Mab Liab cov ntiv  tes muaj ib co tooj nplhaib, muaj ib co sab pom kev ci ci ntawm cov nplhaib ntawd tuaj. Niam Mab Liab qhia hais tias cov sab ci ci ntawd yog ib co txiaj ntsim uas nws muab pub rau cov neeg uas thov txog cov txiaj ntsim ntawd. Kuj pom tej lub nplhaib uas tsis muaj cov sab ci tuaj. Niam Mab Liab hais tias tos tsis muaj sab ci tuaj los yog vim tias txiaj ntsim yeej muaj nyob rau ntawd, tiam sis tsis muaj neeg thov txog  li.


    Tas li ntawd, txawm pom Niam Mab Liab sawv saum ib lub theej teb dua, nws ko taw tsuj rawv ib tug nab, nws dauv nws ob txhais tes nthuav rov hauv, pom cov sab ci ci tawm ntawm nws ob txhais tes mus rau hauv lawm. Pom muaj ib co lus sau nyob ncig Niam Mab Liab tus duab hais li no: "Aub Mab Liab tus xeeb los tsis lo txhaum,  thov koj thov Ntuj pab peb cov uas vam txog koj."


    Ces txawm pom zoo li yog ib lub txiaj uas ntxeev kiag rau sab nraud. Txawm pom muaj 12 lub hnub qub nyob ncig ib tug txwj ntawv "M" loj loj, muaj ib tug Ntoo Cuam sawv saum tus "M" ntawd; hauv qab pom ob lub plawv uas muaj ib co nplaim taws tawm saum ob lub plawv los; ib lub plawv muaj ib kuj kauj pos ncig, hos ib lub plawv muaj ib rab ntaj chob rau.



    Ces Mab Liab hais rau LN Catherine tias: "Koj yuav saib tus qauv no mus txua ib lub txiaj. Cov uas coj lub txiaj no thiab nquag hais zaj thov ntuj saum lub txiaj yuav tau txais txiaj ntsim koob hmoov loj."

    Xyoo 1832, lub Koom Txoos thiaj tso lus txua cov txiaj raws li tus qauv, thiab muab faib rau cov neeg nyob Paris coj. Sawv daws kuj tau txais koob hmoov ntau, ces lub txiaj thiaj siav npe hu ua "Medaille Miraculeuse" (Miraculous Medal).


                              Leej Ntshiab Catherine Laboure

    Nram no yog ib toom mivie txog Niam Mab Liab tshwm sim




    Nej cov nyob Fab Kis, nej xav mus xyuas qhov chaw Niam Mab Liab tshwm sim rau LN Catherine Laboure mas qhov chaw yog li no:
    Chapelle Notre Dame de la Medaille Miraculeuse
    140 Rue du Bac - Paris 6eme

    Nej mus nyeem hauv lub site no, nej thiaj paub lub sij hawm lawv qhib thiab lawv muaj program dab tsi:
    http://www.chapellenotredamedelamedaillemiraculeuse.com/FR/a__Accueil.asp
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Lub txiaj Mab Liab Miraculous medal

    Post  Maiv Tooj on 27th November 2009, 9:24 pm



    Nyob zoo Mim,

    Wow...! Nws mas yuav tshaj lij ua luaj li. Nws ua tau ntau yam zoo heev. Yog ib qho zoo heev uas peb muab txhua yam kev Tswm Sim los txhais ua lus Hmoob ua ntu zus mus kom peb Hmoob muaj ntiag tug. Kuv zoo siab heev rau nws tes hauj lwm.
    Mim, ntawv lub Chapelle Ste. Catherine Labouré nov kuv twb mus ntau zaus lawm. Thawj zaug yog tsev neeg Fab Kis uas thaum kuv tuaj txog, kuv nrog nyob coj kuv mus teev Ntuj hauv. Tom qab no kuv kuj mus ntau zaus lawm thiab.

    Cov Txiaj Mab Liab muaj Hwj Huam nov tsis yog yuav kev mob nkeeg li tau teev tseg xwb. Nws ua kiag ib lub pov haum rau yus, pab yus txhua yam kuj muaj.

    Kuv ua koj tsaug mog Mim.




    Last edited by Maiv Tooj on 12th June 2018, 2:59 am; edited 2 times in total



    avatar
    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1628
    Date d'inscription : 2009-08-17

    Re: Lub txiaj Mab Liab Miraculous medal

    Post  Maiv Paj Lug on 27th November 2009, 10:26 pm

    Wow.....Mim koj mas yuav nrhiav tau tej yam zoo ua luaj tuaj tso rau peb saib li, ua koj tsaug ntau nawb, kuv mas zoo siab heev tseem tau pom ib qho movie me me koj tuaj tso ntawm no thiab, nws ua rau kuv ib ce xob tag vim ua tau zoo heev.
    avatar
    Maivxis
    Phooj Ywg
    Phooj Ywg

    Messages : 265
    Date d'inscription : 2009-11-05

    Re: Lub txiaj Mab Liab Miraculous medal

    Post  Maivxis on 28th November 2009, 2:23 am



    Nyob zoo os ,Mim

    Koj muaj peev xwm ua luaj li , Thiab koj paub ntau yam hais txog peb txoj kev tseeg no , kav tsij tuaj piav kom kuv ho nrog nej to taub ntau me ntsis thiab os , Vim luag hais tias ua neej lig ces tau diav khis no na , ces kuv thiaj li tsis nrog nej paub ab tsi li os , Ua tsaug nawb , Mim aws..!!!! koj mas tshaj lij kawg li os .

    Maivxis .
    avatar
    Maivxis
    Phooj Ywg
    Phooj Ywg

    Messages : 265
    Date d'inscription : 2009-11-05

    Re: Lub txiaj Mab Liab Miraculous medal

    Post  Maivxis on 28th November 2009, 2:27 am



    Nyob zoo os Maivtooj , Kuv tus me nyab txooj tub es..!!!! ua li cas es , koj twb tsis khoom li thiab los , Koj haj tseem tuaj qhia tau ntau yam kev zoo rau peb thiab os  Ua tsaug os ,

    Mim neb mas tshaj lij tshaj plaws li os , Nkauj hmoob tshaj lij es .....!!!!

    Maivxis.
    avatar
    Npuagtub
    Tswv Cuab Hmong Catholique
    Tswv Cuab Hmong Catholique

    Messages : 1163
    Date d'inscription : 2009-08-16
    Age : 53
    Localisation : Fresno, California, USA.

    Re: Lub txiaj Mab Liab Miraculous medal

    Post  Npuagtub on 28th November 2009, 4:16 am

    Sister Maivxis,

    Nws txhob xav tias nws tuaj tom qab ces nws thiaj li tsis paub, qhov nws hais no yog nws xav yuam kev lawm. Huab Tais Yes Xus hais tias; Tus xav ua luag tus coj mas nws yuav tau ua rau luag noj, tus xav ua ntej mas nws yuav ua tus nyob tom qab, hos tus ua qab yuav tau ua ntej.
    Nyob hauv Tswv ntuj nws saib peb sawv daws muaj nqis ib yam, tsis muaj ib tug zoo los txawj tshaj ib tug. Cov xub paub Tswv Ntuj txoj kev ntseeg thiab cov mam paub tom qab los sawv daws yeej muaj nuj nqis ib yam xwb.

    Txoj kev ntseeg nws tsis yog dab thawj li hmoob ib txwm hais kam, txoj kev ntseeg yog koj nrhiav ces koj yeej yuav paub xwbyog koj nug ces yeej muaj tus yuav qhia rau koj.
    Nws txhob muab nws txo qis dhaulawm nawv mog, peb nyias muaj nyias kev thoob tsib, ib leeg paub mus lawm ib yam ib leeg txawj lawm ib qho, tiam sis yog peb coj tuaj sib sau ua ke ces peb thiaj li paub tshab thiab pom kaj li qhov peb vam txog. Nws txhob quag zog kav tsij tuaj pab peb li nws txawj. Peb cov tuaj huavno yog tuaj sib coj qhia sib cog kawm xwb, luag tus paub txhij paub txhua lawm luag yeej tsis tuaj nrog peb sib fim sib koom tswv yim li no.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 2318
    Date d'inscription : 2009-10-16

    Re: Lub txiaj Mab Liab Miraculous medal

    Post  Mim on 28th November 2009, 6:00 am



    Nyob zoo os phauj Maiv Xis aw....

    Ua koj tsaug ntau os nawb rau koj tej lus qhuas lus txhawb siab os mog.... Kuv zoo siab heev tias tej yam kuv sau no ho pab tau nej ob peb leeg thiab.  Yog kuv sau es twb tsis pab leej twg ces sau los tsis muaj nqes li los mas.... tsuav yog pab tau ib leeg xwb los yeej zoo lawm os...  Es koj ho txhob xav hais tias koj  tsis paub ab tsi li no mas yuad.... Koj twb paub txog Tswv Ntuj thiab ntseeg nws ces zoo kawg li lawm os mog.... Yam kuv paub ces kuv ho muab hais rau hauv no es kom tus tsis tau hnov los ho hnov txog, yam koj los nej cov leej twg paub ces nej ho hais rau hauv no thiab es peb thiaj pom deb pom dav me ntsis txog peb txoj kev ntseeg thiab caum Yes Xus qab os....Kuv twb pom tau hais tias nej cov uas nquag tuaj tham thiab tuaj sau hauv no yog ib co uas mob siab heev li rau peb tus Tswv Ntuj uas yog peb leej Txiv tus tsim peb no mas ua rau kuv zoo siab tshaj plaws li os nawb!!!.... [/quote]


    Last edited by Mim on 28th November 2009, 6:09 am; edited 1 time in total
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 2318
    Date d'inscription : 2009-10-16

    Re: Lub txiaj Mab Liab Miraculous medal

    Post  Mim on 28th November 2009, 6:06 am

    MayPajLug wrote:Wow.....Mim koj mas yuav nrhiav tau tej yam zoo ua luaj tuaj tso rau peb saib li, ua koj tsaug ntau nawb, kuv mas zoo siab heev tseem tau pom ib qho movie me me koj tuaj tso ntawm no thiab, nws ua rau kuv ib ce xob tag vim ua tau zoo heev.


    Nyob zoo os tais Tooj thiab Maiv Paj Lug,

    Ua neb tsaug thiab os uas neb tseem qhuas qhuas kuv os mog. Neb los yeej muaj ntau yam zoo kawg li tuaj qhia rau kuv thiab qhia rau peb sawv daws tib si os. Yam neb txawj los neb hais tuaj, yam kuv paub los kuv hais tuaqj thiab xwb los mas yuad.....Kuv twb yog tus uas hnub nyoog laus tshaj nej s d tib si, yog kuv ho twb paub tsis cuag nej thiab no puas tsim nyog thiab mas?..... Qhov no ces lam hais xwb os.... peb yeej tsis muaj ib tug paub tshaj los txawj tshaj li os.... tsuas yog tias nyias txawj nyias thiab nyias paub nyias xwb os nawb....
    avatar
    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Mim, yuav ua cas thiaj order tau cov txiaj ntawd los coj os?

    Post  Bao X Mary on 24th August 2011, 6:13 am

    Mim ua tsaug uas koj tau muab cov Niam Mab liab tswm sim rau cov Leej Ntshiab pom tuaj rau hauv nov os. Kuv nyeem mas zoo li kuv twb pom Niam Mab liab lub sij hawm ntawd thiab.

    Kuv tau cov txiaj ntawd los coj thiab kawm teev saw Mab Liab.

    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Lub txiaj Mab Liab Miraculous medal

    Post  Maiv Tooj on 24th August 2011, 10:40 am


    Nyob zoo Bao XMary,

    Yog koj xav tau cov txiaj Mab Liab Miraculous Medal nov no koj muab koj chaw nyob tuaj ais kuv mam xa tuaj rau koj kuj tau. Hnub tim 15/8/2011 no uas peb cov Niam Tsev tau muv teev Ntuj ib hnub pem Leej Ntshiab Txiv Plig Ars, Jean-Marie Vianay. Kuv twb yuav tau 10 daim, Foom Hmoov Zoo tib si lawm. Yog kuv yuav los pub cov neeg lawv xav yuav xwb.
    Nyob pem lub tsev teev Ntuj Sainte Catherine Labouret, nyob Paris, qhov chaw uas Niam Mab Liab tshwm sim nov, yog koj xav kom lawv ua Mis Xas thov Ntuj rau ib tug twg, lawv yuav ib Thaj Mis Xas yog 16€.






    avatar
    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: Lub txiaj Mab Liab Miraculous medal

    Post  Bao X Mary on 27th August 2011, 1:45 am

    Maiv Tooj,nag hmo kuv twb ua npau suav tias koj xa cov txiaj Mab Liab tuaj txog lawm kuv muab saib mas kuv zoo siab kawg li. Tab sis tsim los yog npau suav xwb.

    Kuv nyeem cov nej sawv daws sau txog Niam Mab Liab tshwm sim mas ua rau kuv kaj siab kawg thiab zoo li kuv pom Niam Mab liab lawm.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Lub txiaj Mab Liab Miraculous medal

    Post  Maiv Tooj on 27th August 2011, 2:20 am


    Yes Xus lub siab hlub neeg thiab Leej Txiv lub hwj huam loj tas nrho

    Nyob zoo Bao XMary,

    Kuv tseem tsis tau xa txiaj Mab Liab rau koj, muaj qhua hauv tsev ces hauj lwm ntau me ntsis lawm. Cia Monday kuv mam mus xa tuaj.
    Hais txog lub tsev teev Ntuj "Saint Catherine Labourée, nyob Rue du Bac, Paris, France" mas thaum i kuv twb sau tau ib zaug. Yog peb tseem nyob hauv lawv lub Vas Sab Hmongza. Tab sis xyov kuv puas muab nqa los rau hauv nov, kuv nrhiav tsis tau lawm...Tab sis Mim twb tuaj tham ntau yam zoo heev thiab. Lub tsev teev Ntuj nov yog thawj thawj cov chaw Ntshiab uas kuv tau mus.

    Bao XMary, yog thaum yus mus dhau ib theeem, yus mus nrhiav tau Tswv Ntuj ib txoj sab hnub lawm mas yus ntsia lib ntiaj teb txawv lawm, yus pom tej neeg txawv lawm...Yus tsis muaj kev caub chim dai ncuv yus lub siab li thaum yus tsis muaj Tswv Ntuj, tsis muaj Leej Tswv Yim nrog yus...Thaum yus mus ze ze Tswv Ntuj mas yus pom txhua yam zoo thiab muaj nqes tag nrho...
    Kuv pom koj hais txog kev Daws Txhaum, kuv twb xav hais ib los ntxiv rau, tab sis kuv tsis muaj caij li thiaj tsis tau tuaj txuas lus nrog koj.
    Bao X, nws muaj caij no tuaj nrog peb sib pab Nrhiav thiab Nthuav Tswv Ntuj txoj kev HLUB mog...Zoo tis zoo los peb nim paub tsis thoob...ncaj tis ua ncaj los peb tseem pom tsis tshab...Ntshe yuav nrhiav thiab nrhiav seb puas pom ib nyuag pliag...ua ntej yuav tas txoj sia...


    St. Catherine Laboure - Story of Life




    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Lub txiaj Mab Liab Miraculous medal

    Post  Maiv Tooj on 27th August 2011, 2:29 am



    Txiaj Mab Liab hwj huaj
    Thiab ntau zaj txog Niam Mab Liab tshwm rau neeg pom xyeem hauv ntiaj teb no ua lus Thaib


    Mary's Miraculous Medal part 1



    Saib txuas ntxiv hauv Yotube:

    https://www.youtube.com/watch?v=B_DwcpJ8cxs&feature=mfu_in_order&list=UL



    avatar
    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: Lub txiaj Mab Liab Miraculous medal

    Post  Bao X Mary on 27th August 2011, 5:44 pm

    Yog li koj hais lawm os Maiv Tooj, tos cov Leej Ntshiab lawv lub siab kaj, lawv lub siab ntshiab, lawv pom lub ntiaj teb txawv, lawv muaj kev zam txim, lawv tsis cib nyeej, lawv lub siab nyiam Tswv Ntuj tas li. Vim lawv tau txais lub Txiaj Ntsim thoob tsib. Lawv pom lub ntiaj teb txawv li lwm tus pom. Lawv nyiaj tau txoj kev nyuaj kev txom nyem.
    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Lub txiaj Mab Liab Miraculous medal

    Post  Maiv Tooj on 28th August 2011, 9:18 am

    Nyob zoo Bao XMary,

    Ua tsaug rau nws cov lus zoo lus thoob tsib.
    Nws yog ib tug tau txiaj ntsim ntxov heev, nws txawj hais tej los lus uas coob leej twb xav tsis txog. Kuv nyeem nws tej lus mas ua rau kuv lub siab puv npo xwb. Thov kom Tswv Ntuj tsom kwm Peb Hmoob, kom muaj coob leej tuaj nthuav lawv tej kev thoob tsib txhawb peb sawv daws lub zog thaum peb vam txog...

    Bao, taig kis kuv xa 5 daim phiaj Mab Liab Miraculous yog cov dawb, ib daim xiav yog daim phiaj Mab Liab nyob Lourdes. Yog ib tug poj Fab Kis mus ais nws muab tau ib hwj dej thiab ob daim phiaj rau kuv ces kuv xa ib daim rau koj. Cov Txiaj Mab Liab no puav leej foom Hmoov Zoo rau tag tib si lawm.




    avatar
    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: Lub txiaj Mab Liab Miraculous medal

    Post  Bao X Mary on 28th August 2011, 1:47 pm

    Maiv Tooj,

    tus raug xaiv los ua Huab Tais Ntuj ib tu ntxhais txib, ua koj tsaug uas koj tau xa lub txiaj ntsim uas Niam Mab Liab tau muab tuaj rau kuv os mog. Kuv txais ib lub Txiaj Ntsim zoo muaj nuj nqes loj kawg li vim kuv tuaj nrhiav tau nej. Kuv nrhiav tus neeg uas to taub kuv thiab txhawb kuv txoj kev ntseeg, kuv nim ntsia qhov twg los tsis muaj leej twg. Lub sij hawm yav dhau los tus kuv niaj hnub hais kuv txoj kev nqhes Tswv Ntuj lub Txiaj Ntsim thoob tsib ces kuv hu rau kuv tus niam hluas Mog xwb, nws yog ib tug neeg nyiam Tswv Ntuj kawg nkaus li thiab. Tab sis zaum no kuv tuaj nrhia tau nej sawv daws mas kuv zoo siab heev li.

    Maiv Tooj,kuv paub tias koj nyiam Tswv Ntuj heev thiab txaus siab ua txhua yam los ua Nws ib tug ntxhais txib koj txoj hmoov zoo os mog.Koj hnov kuv hais ib los xwb koj nim mob siab zog xa tuaj rau kuv, ua rau kuv zoo siab heev li os.

    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 2318
    Date d'inscription : 2009-10-16

    Re: Lub txiaj Mab Liab Miraculous medal

    Post  Mim on 31st August 2011, 1:52 pm

    Bao X Mary wrote:Mim ua tsaug uas koj tau muab cov Niam Mab liab tswm sim rau cov Leej Ntshiab pom tuaj rau hauv nov os. Kuv nyeem mas zoo li kuv twb pom Niam Mab liab lub sij hawm ntawd thiab.

    Kuv tau cov txiaj ntawd los coj thiab kawm teev saw Mab Liab.


    Nyob zoo Bao X Mary,

    Thov txim kuv tsis tau teb rau koj, vim tias thaum koj tuaj sau no, kuv tsis nyob lawm. Kuv nyuam qhuav los txog nag hmo xwb ces hnub no kuv mam li tuaj teb koj los thov koj txhob xav li cas os nawb. Zoo siab ntsib koj thiab pom koj tuaj nrog peb tham thiab sib txhawb kev ntseeg os.

    Kuv zoo siab hnov koj hais tias cov zaj piav txog Niam Mab Liab tshwm sim kuj pab thiab txhawb koj txoj kev ntseeg thiab no mas ua rau kuv tuaj zog tias kuv sau los nyaj yuav tsis yog nkim sij hawm dawb. Kuv tsuas xav kom pab tau ib txhia css zoo heev lawm.

    Hais txog ntawm lub "miraculous medal" ntawd, yog tais Tooj ho xa rau koj lawm los zoo kawg. Yog koj xav tau ntxiv no ces koj mus muas nyob hauv cov "Catholic Supply Stores" mas lawv muaj ntau kawg li. Koj muas tau koj mam muab rau nej tus txiv plig foom hmov zoo rau xwb ces coj tau lawm.

    Hnub no kuv tuaj teb koj li no xwb mog. Thov kom Nim Mab Liab pub txiaj ntsi zoo rau koj nawb.

    Mim
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 2318
    Date d'inscription : 2009-10-16

    Re: Lub txiaj Mab Liab Miraculous medal

    Post  Mim on 1st September 2011, 3:24 pm

    Bao X Mary,

    Tsis tas ua tsaug li os... Zoo li koj to taub yuam kev me ntsis lawm. Cov Catholic Supply Stores tsis yog ib lub website, yog ib lub tsev muag cov khoom kas tos liv uas kuv xav tias yeej muaj nyob hauv nej lub nroog xwb. Hos yog koj ho xav yuav nyob hauv internet no ces koj ua research, koj ntaus lo lus "miraculous medal" rau ces nias research xwb ces nws yeej tawm ntau ntau lub websites rau koj mus xyuas, muaj cov websites uas muag cov txiaj ntawd, thiab muaj cov websites uas piav txog lub txiaj ntawd tib si...

    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 2318
    Date d'inscription : 2009-10-16

    Claude Newman thiab lub txiaj Mab Liab Miraculeuse.

    Post  Mim on 31st December 2011, 6:28 am

    Nyob zoo sawv daws,

    hnub no kuv yuav tuaj tso ib zaj kwm huam uas tau muaj tiag txog lub txiaj Mab liab Miraculeuse. Zaj no qhia ntau yam txog peb txoj kev ntseeg Kas Tos Liv. Tej zaum peb yeej paub txog tej yam ntawd tiam sis peb twb tsi rau nqe rau tej yam ntawd pes tsawg. Zaj no yuav qhia rau peb tias peb txoj kev ntseeg Kas Tos Liv muaj nqes tiag thiab Niam mab Liab pab tau peb tiag.


    Claude Newman thiab lub txiaj Mab Liab Miraculeuse.

    Claude Newman yog ib tug neeg dub raug kaw nyob nkuaj xyoo 1944, vim nws tau tua nws yawg tshiab.

    Nws yug los tim 1 lub 12 hlis 1923 nyob lub zos Stuttgart, xeev Arkansas. Nws txiv hu ua Willie Newman, nws niam hu ua Floretta Young. Xyoo 1928, nws txiv coj nws thiab nws tus tij laug nkawd mus nrog nkawd pog, Ellen Newman,  nyob hauv lub zos Bovina, xeev Mississippi.

    Xyoo 1939, nws pog txawm yuav tau ib tug txiv tshiab hu ua Sid Cook.  Tsis ntev xwb ces tus yawg tshiab ntawd txawm pib ua phem phem rau nws pog, ua rau Claude npau taws heev.  Xyoo 1940, Claude pib mus ua zog nyob hauv thaj teb  (plantation) uas nws yawg tshiab yug los thiab ua zog thiab. Kuj muaj neeg tau sau tseg tias Claude yuav poj niam xyoo ntawd, thaum nws muaj 17 xyoo. (Tiam sis peb tsis paub txog nws poj niam li, thaib xyov puas muaj tseeb.)

    Xyoo 1942, lub 12 hlis tim 19,  Claude txawm mus nyas nws yawg Sid Cook  tom nws tsev. Thaum Sid Cook  tab tom nkag los tsev, Claude xuas phom tua Sid Cook tuag kiag ntawd, nws nqa Sid Cook cov nyiaj, ces nws cia li khiav mus nrog nws niam nyob nyob tom Little Rock, xeev Arkansas. Nws mus txog tod tim 20 lub 12 hlis.

    Thaum lub 1 hlis 1943, tub ceev xwm ntes tau Claude nyob Arizona thiab coj nws rov los rau Vicksburg, Mississippi. Lawv nrhiav tau kev ua kom nws lees tias nws tau tua nws yawg Sid. Ces lub rooj txiav txim txiav tias nws yuav tsum tuag raug hluav taws xob hlawv (electric chair). Lawv muab teem rau lub 5 hlis tim 14, 1943.  Nws tus lawyer ua ntawv thov kom rov qab qhib ib lub rooj txiav txim tshiab rau Claude, tiam sis cov nom txiav txim tsis kam. Lawv muab Claude lub caij tuag hloov mus tso rau lub 1 hlis tim 20, 1944 xwb.

    Lub caij nws nyob hauv nkuaj tos txog hnub lawv yuav coj nws mus hlawv,  nws nyob hauv ib chav nkuaj uas tseem muaj 4 leeg ntxiv nrog nws. Muaj ib hmos lawv 5 leeg txawm sib tham, ces Claude txawm pom ib lub txiaj Mab Liab uas dai ntawm ib tug hluas caj dab. Nws txawm nug tus hluas tias lub txiaj ntawd yog dab tsi. Tus hluas ntawd yog ib tug Kas Tos Liv, tiam sis nws twb tsis paub dab tsi txog lub txiaj uas nws coj li, ces nws txawm txaj muag thiab npau taws, nws hle hlo txoj saw nrog lub txiaj  pov rhees hauv av rau ntawm Claude ko taw, nws tseem hais ib co lus phem nrog, thiab nws hais rau Claude tias kom nws yuav “qhov niag ntawd.”  Claude txawm mus khaws nkaus lub txiaj Mab Liab, muab saib saib tas, txawm muab coj ntawm caj dab. Nws yeej tsis paub tias yog dab tsi li, nws tsuas xav tias yog ib yam yus coj zoo saib  no xwb.

    Hmo ntawd thaum nws pw tsaug zog, nws hnov dab tsi chwv nws lub pob qej teg, ces nws ceeb ib plhaw tsim dheev los. Nws txawm pom ib tug poj niam ci ci zoo nkauj tshaj tas txhua tus poj niam,  sawv ntawd.  Nws txawm pib ntshai, tiam sis tus poj niam hais rau nws tias:
    “Yog koj xav kom kuv ua koj niam thiab koj xav ua kuv tus me nyuam, mas koj yuav hu ib tug txiv plig hauv Koom Txoos Kas Tos Liv tuaj.”
    Tus poj niam hais li tas xwb, nws cia li ploj ntais lawm. Ces Claude cia li qw nrov nrov tias “Dab os! Dab os!” thiab nws qw tias kom hu ib tug txiv plig tuaj.

    Thaum sawv ntxov lawv thiaj hu tau txiv plig Robert O’Leary SVD (1911-1984) tuaj. Nws yog tus uas piav zaj kwv huam no. Txiv plig tuaj txog, nws mus saib Claude, Claude txawm piav tas puas tsav yam tshwm sim tuaj thaum hmo ntuj. Ces nws thiab lawv plaub leeg nyob hauv nws chav txawm thov tias lawv xav kawm kev ntseeg. Hnub tom qab, txiv plig rov tuaj thiab nqa ntawv tuaj yuav pib qhia kev cai rau lawv.  Ces nws mam pom tias Claude tsis paub nyeem ib tug ntawv li. Yog nws pom muaj duab, ces nws mam paub tias tog twg thiaj tsis yog tog rov xwb.  Vim nws tsis tau mus kawm ntawv kiag li, thiab nws yeej tsis tau hnov hais txog HT Yes Xus yog Tswv Ntuj tus Tub li.  Ces nws thiab nws cov phooj ywg thiaj pib kawm kev ntseeg.

    Ob peb hnub tom qab, muaj ob tug leej phauj nyob hauv TP O’Leary lub tsev kawm ntawv txawm tuaj thov tso cai rau nkawd tuaj hauv lub nkuaj kaw neeg, vim nkawd xav ntsib Claude, thiab nkawd xav tuaj ntsib cov poj niam raug kaw thiab.  Tsis ntev tom qab ces ob tug leej phauj txawm tau kev tuaj pib qhia kev ntseeg rau cov poj nuiam nyob txheej ob saud.

    Lawv kawm li no tau ob peb lis piam lawm.  Ces TP O’Leary txawm npaj yuav qhia txog lub Cim Daws Txhaum rau lawv.  Hnub ntawd ob tug leej phauj kuj tuaj nyob ntawd mloog thiab. Txiv plig txawm pib hais rau lawv tias:
    “Hnub no, kuv yuav qhia txog lub Cim Daws Txhaum rau nej.”  
    Claude teb ntua tias:
    “Aub kuv twb paub txog tias yog li cas lawm thiab! Tus Poj Niam  qhia rau kuv tias thaum peb mus daws txhaum, mas peb tsis yog txhos caug ntawm ib tug txiv plig, hos yog peb txhos caug ntawm nws Leej Tub tus Ntoo Cuam no. Thiab yog peb tu siab tiag tiag rau peb cov txhaum thiab peb lees peb cov txhaum, mas Yes Xus cov ntshav ntws los rau saum peb,  los ntxuav peb cov txhaum pov tseg tas nrho.”

    TP O’Leary thiab ob tug leej phauj txawm ceeb tag, lawv nyob ntawd rua ncauj u tsis paub hais dab tsi.  Claude xav tias ntshai yog lawv npau taws, nws txawm hais tias:
    “Thov nej txhob npau taws, thov nej txhob npau taws. Kuv tsis tau xav tias yuav hais  li ntawd.”
    TP thiaj teb tias: “Peb tsis npau taws, yog peb ceeb xwb. Koj tau rov pom tus Poj Niam dua lod?”
    Claude teb tias: “Nws tuaj thaum kuv tawm ntawm kuv chav mus sab nraud, thaum tsis muaj neeg nrog kuv.”

    Ces TP O’Leary thiaj qhia ntxiv txog lub Cim Daws Txhaum rau lawv sawv daws.  Claude hais rau nws cov phooj ywg tias:
    “Nej tsis txhob ntshai mus daws txhaum. Nej tsis yog hais nej cov txhaum rau txiv plig, nej hais rau Tswv Ntuj.”
    Claude kuj tseem hais li no:
    “Tus Poj Niam hais tias mus daws txhaum mas yog zoo li lub xov tooj (telephone). Peb hais lus rau Tswv Ntuj peb siv txiv plig, hos Tswv Ntuj hais lus rau peb, nws kuj siv txiv plig thiab.”

    Thaum Claude thiab TP nkawd ob leeg lawm xwb, Claude hais rau TP tias:
    “Tus Poj Niam hais rau kuv tias yog koj tsis ntseeg kuv ces kom kuv hais rau koj tias thaum 1940, koj pw nkaum hauv kwj qhov taub nyob Holland, koj tau cog ib lo lus rau nws lawm. Niaj hnub no nws tseem tos tias koj yuav ua raws li koj tau cog lus no.” Ces Claude qhia rau TP tias nws tau cog lus li cas lawm.

    Ces TP O’Leary thiaj paub meej meej tias Claude tsis dag, nws yeej pom Niam Mab Liab tiag. TP qhov kev cog lus yog li no:  
    "Thaum nws npaj tau lawm mas nws yuav tsa ib lub tsev teev Ntuj hwm  Niam Mab Liab xeeb los tsis lo lub keeb txhaum."
     Xyoo 1945, TP raug hloov los rau Clarksdale, Mississippi. Nyob ntawd muaj ib pab neeg ntseeg Kas Tos Liv dub thov kom tsa ib lub tsev teev ntuj rau lawv.  Ces xyoo 1947, TP O’Leary thiab nws tus Tswv Qhia thiaj tsa ib tsev teev ntuj hwm Niam Mab Liab tsis lo lub keeb txhaum (Church of Immaculate Conception) rau ntawd. Niaj hnub no tseem nyob.

    Ib lub lis piam tom qab, TP O’Leary  npaj yuav qhia txog lub Cim Yug rau lawv. Ob tug leej phauj kuj tuaj mloog thiab. Claude nug txiv plig tias tus Poj Niam kuj qhia txog qhov ntawd rau nws lawm thiab, ua li nws piav puas tau qhov tus Poj Niam hais. TP Teb ntua tias kom kav tsij hais, ces Claude thiaj pib hais:
    “Tus Poj Niam hais tias thaum peb mus txais Yes Xus lub Cev, mas  peb  tsuas pom ib qho mov ci xwb, tiam sis qhov ntawd yeej yog nws leej Tub tiag tiag.  Nws yuav los nyob hauv peb ib yam li  thaud nws nyob hauv tus Poj Niam ua ntej nws yug los nyob Npes Les Hes.  Tus Poj Niam hais tias kom kuv yuav tsum siv kuv lub sij hawm zoo li thaud nws siv nws sim neej nrog nws tus Tub nyob, yog siv los nyiam Nws, hawm Nws, ua Nws tsaug, qhuas txog Nws, thiab thov txiaj ntsim koob hmoov ntawm Nws.  Kom kuv tsis txhob muab lwm tus neeg los lwm yam coj los xav txog, tiam sis kom kuv siv kuv lub sij hawm li ob peb feeb los xav txog Nws (Yes Xus)  nkaus nkaus xwb.”

    Lawv kawm tau ntau lub lis piam, ces thaum lawv kawm tas lawm, Claude thiab nws ob peb tug phooj ywg txais lub Cim Ntxuav thiab los ua neeg ntseeg Kas Tos Liv.  Tsis ntev kiag tom qab, txawm txog lub caij uas lawv yuav los coj Claude mus zaum hauv lub rooj uas lawv yuav tso hluav taws xob hlawv nws. Lawv teem lub caij rau thaum ib tag hmo 12 teev mus 5, lub 1 hlis tim 20, 1944.

    Hmo ntawd, tus thawj tub ceev xwm (sheriff) los hais rau Claude tias:
    “Claude, koj muaj cai yuav thov ib yam tshwj xeeb ua zaum kawg. Koj yuav yuav dab tsi?”
    Claude teb tias:
    “Kuv cov phooj ywg sawv daws ntsoos tas tus. Tus saib lub nkuaj no los nws ntsoos tas li thiab. Vim nej tsis to taub li. Kuv yuav tsis tuag, tsuas yog lub cev no tuag xwb. Kuv yuav tau mus nrog Nws (tus Poj Niam) nyob. Vim li ntawd kuv xav kom peb muaj kev lom zem.”

    Tus thawj tub ceev xwm hais tias:
    “Koj hais li cas nod?”

    Claude teb tias:
    “Xav kom peb ua kev lom zem na has.  Koj puas kam tso cai rau TP O’Leary nqa ncuav qab zib (cake) thiab ice cream tuaj, thiab koj puas kam tso cov neeg raug txim nyob txheej ob saud tawm los nrog peb sawv daws nyob hauv chav tsev loj, kom peb thiaj tau ua ke ua kev lom zem?”

    Tus thawj tub ceev xwm hais tias:
    “Tsam muaj neeg ua phem li cas rau txiv plig ne?”
    Claude tig mus ntsia cov neeg uas nyob ntawd, nws hais ntsia ntsoov lawv tias:
    “Lawv tsis ua li os, puas yog mas lawv?”

    Tus thawj tub ceev xwm thiaj kam kom ua li ntawd.  Thiab nws tso ib co tub ceev xwm  tshiab tuaj ntxiv.   Ces TP O’Leary mus ntsib ib tug  poj niam nplua nuj hauv nws pab ntseeg. Tus poj niam zoo siab yuav cake thiab ice cream tuaj rau lawv, ces lawv sawv daws tau ua kev zoo siab lom zem. Thaum ua kev lom zem tas, Claude thov kom lawv sawv daws mus teev ntuj ua ke li ib teev (Holy Hour).  

    Thaum lub caij los txog ze lawm, luag los kom nws cov phooj ywg nyias rov mus nyias kem nkuaj lawm. Txiv plig thiaj mus tom chav tsev teev ntuj, mus nqa Yes Xus lub Cev los rau Claude txais ua ntej nws yuav tuag.

    TP O’Leary rov los nrog Claude nyob. Nws nyob sab nraum cov ntxaij hlau, Claude nyob sab hauv, nkawd txhos caug thov ntuj ua ke tos lub caij uas lawv los coj Claude mus.

    Kaum tsib feeb ua ntej lub caij teem, tus thawj tub ceev xwm khiav khiav nce ntaiv los qw qw rau nkawd tias: “Lawv kam ncua lawm, lawv kam ncua lawm! Tus Governor kam muab ob lis piam ntxiv rau koj nyob!”
    Claude tsis paub hais tias tus thawj tub ceeb xwm thiab tus District Attorney nkawd siv zog nrhiav kev tav kom lawv tseg Claude txoj sia tsis txhob muab nws tua. Lawv mam qhia rau nws mam paub xwb. Ces Claude txawm pib quaj.

    Tus thawj tub ceev xwm thiab txiv plig nkawd xav tias yog nws zoo siab nws quaj xwb. Tiam sis Claude hais rau nkawd tias:  “Neb tsis to taub li na! Yog neb tau pom Nws lub ntsej muag thiab tau ntsia ntsoov nws lub qhov muag lawm mas neb yeej tsis xav nyob ib hnub ntxiv li lawm na!”

    Claude hais ntxiv tias: “Ob peb lub lis piam no, kuv tau ua txhaum li cas es Tswv Ntuj thiaj tsis kam kuv rov mus tsev li?”

    TP O’Leary hais lus pov thawj tias Claude tsa suab hlo quaj tu siab kawg nkaus li.
    Tus thawj tub ceev xwm cia li tsis paub xav li lawm, nws cia li mus lawm. TP nyob ntawd nrog Claude nyob. Thaum Claude siab tus me ntsis lawm, TP muab lub Cim Yug rau Claude txais. Ib ntsis ces Claude txawm hais rau txiv plig tias:
    “Txiv plig, yog vim li cas kuv thiaj tseem yuav tsum tau nyob ob lub lis piam ntxiv thiab?”

    Txiv plig thiaj xav tau ib lub tswv yim. Nws hais rau Claude tias Claude puas nco qab tus neeg raug txim hu ua James Hughs, uas yog ib tug txiv neej dawb, tus uas  ntxub ntxub Claude kawg nkaus li. Thaum James yau, nws yog ib tug neeg ntseeg Kas Tos Liv, tiam sis thaum nws tias hluas lawm, nws cia li mus ua neeg phem, cia li ntxub Tswv Ntuj thiab tas puas tsav yam hais txog kev ntseeg.

    Txiv plig txawm hais tias:
    “Tej zaum Niam Mab Liab xav kom koj muab koj qhov kev  nyuaj siab uas koj tseem yuav tau nyob ntxiv no fij rau Ntuj los ua kev them txim txhaum pab cawm nws.  Yog li koj kuj muab koj lub sij hawm uas koj tsis tau mus pom niam Mab Liab sai no los cev rau Ntuj pab rau nws, kom nws thiaj li tsis txhob tau ncaim ntawm Tswv Ntuj mus tas ib txhis.”

    Claude xav tswv yim me ntsis, ces nws txawm kam ua li ntawd. Nws thov kom TP O’Leary qhia ib co lus rau nws  hais los cev nws txoj kev nyuaj siab rau Ntuj los pab James. TP thiaj qhia thiab pab Claude ua qhov kev fij nws txoj kev nyuaj siab ntawd rau Ntuj.  TP ua pov thawj qhia tseeb tias, tsuas muaj TP thiab Claude nkawd ob leeg nkaus thiaj paub txog qhov no xwb.  

    Thaum kaj ntug, TP rov tuaj xyuas Claude. Claude hais rau TP tias:
    “Yav tas los James ntxub kuv kawg, tiam sis nyem no mas nws haj yam ntxub kuv tshaj qub!”
    Yog vim James paub txog tias lawv tau ncua ob lis piam ntxiv rau Claude lawm, no ces nws khib, nws thiaj haj yam ntxub Claude. Txiv plig xav txhawb kom Claude txhob ntaus siab me, nws hais rau Claude tias:
    “Yog li mas tej zaum haj yam zoo xwb!”

    Ces tas ob lub lis piam ntawd Claude niaj hnub cev nws lub sij hawm los ua kev them txim txhaum  thiab niaj hnub thov Ntuj pab rau James kom James tso nws lub siab tsis hwm Ntuj tseg, tig rov los hwm Ntuj.

    Thaum ob lis piam tas lawm, yog tim 4 lub 2 hlis 1944, lawv thiaj los coj Claude mus zaum hauv lub rooj hluas taws xob (electric chair). TP O’Leary hais lus pov thawj li no txog:
    “Kuv tsis tau pom dua ib tug neeg uas mus ntsib txoj kev tuag zoo siab hlo thiab luag ntxhi npaum li ntawd li. Tab cov tub ceev xwm tuaj zov ntawd thiab cov tub sau xov xwm uas tuaj saib los sawv daws yeej qhuas kawg. Sawv daws hais tias lawv tsis to taub ua cas ib tug neeg cia li yuav mus zaum hauv lub rooj hluav taws xob luag ntxhi  zoo siab hlo npaum li ntawd.”

    Claude cov lus kawg rau TP O’Leary:
    “TP, kuv yuav nco ntsoov txog koj. Thaum twg koj xav tau dab tsi, koj hais rau kuv, kuv mam thov Nws (Niam Mab Liab).”

    Peb lub hlis tom qab, lub 5 hlis tim 19, 1944, txog hnub uas lawv yuav coj James Hughs mus zaum hauv lub rooj hluav taws xob thiab. TP O’Leary piav li no txog:
    “Tus neeg no yog ib tug phem tshaj qias tshaj uas kuv tau ntsib. Nws txoj kev ntxub Tswv Ntuj thiab tas txhia yam txog Tswv Ntuj mas tsis muaj lus yuav piav tau li.”

    Nws yeej tsis pub kom ib tug txiv plig los ib tug neeg uas tham txog Tswv Ntuj nkag rau nws chav nkuaj li. Ua ntej lub caij uas lawv yuav los coj nws, tus kws tshuaj saib lawv ua zoo hais kom nws txhos txaus caug hauv av es ua tiag hais zaj “Peb Txiv nyob saum ntuj.”  Nws phem tsis phem mas nws nto kiag aub ncaug rau kws tshuaj ntsej muag xwb.

    Thaum lawv muab nws pav rau hauv lub rooj hluav taws xob, tus thawj tub ceev xwm hais rau nws tias:

    “Yog koj muaj dab tsi xav hais ces yog caij hais lawm.”

    Tus neeg ntawd cia li pib hais lus phem phem thuam Ntuj, tiam sis ua cas nws cia li ntsiag kiag, hos nws qhov muag ntsia ntsoov tim ces kaum tsev, ua ntsej muag ntshai tshee na yoob tag. Ib pliag nws cia li qw tawg ntho nrov nrov ua rau sawv daws ceeb tag. Nws tig mus hais rau thawj tub ceev xwm tias:
    “Thawj tub ceev xwm, koj cia li hu ib tug txiv plig tuaj!”

    Thaum ntawd, TP O’Leary yeej nyob hauv chav hlawv neeg thiab, vim Mississippi txoj cai yuav kom muaj ib tug txiv plig los xib hwb nyob rawv ntawd. Tiam sis TP mus nyob nraim rau nram qab cov tus sau xov xwm lawm, vim tus txiv neej ntawd yeej tau hais tias yog nws tseem pom ib tug txiv plig los xib hwb mas nws yuav hais lus thuam Tswv Ntuj no.

    Thaum nws hais tias nws xav kom hu ib tug txiv plig tuaj, TP O’Leary thiaj tawm plaws los mus rau ntawm nws. Lawv hais kom tas sawv daws tawm hauv chav hlawv neeg mus, ces TP thiaj mloog nws lees txhaum.  Nws hais tias nws yog ib tug Kas Tos Liv, tiam sis thaum muaj 18 xyoo nws cia li tso kev ntseeg tseg lawm vim nws nyiam ua kev phem kev qias heev. Nws lees nws cov txhaum tas tib si thiab nws tu siab kawg nkaus rau nws tej kev txhaum.

    Thaum sawv daws rov qab los rau hauv chav tsev, thawj tub ceev xwm nug txiv plig tias:
    “Txiv plig, yog dab tsi ua kom nws pauv hlo li ntawd?”
    Txiv plig hais tias:
    “Kuv tsis paub, kuv tsis tau nug nws.”
    Thawj tub ceev xwm hais tias:
    “Yog kuv tsis nug nws mas ib tsam kuv yuav pw tsis tsaug zog li.”
    Thawj tub ceev xwm txawm mus ntawm tus neeg raug txim thiab nug tias:
    “Tub, dab tsi ua kom koj hloov siab li no?”
    Tus raug txim teb tias:
    “Koj puas nco tus txiv neej dub Claude, tus uas kuv ntxub ntxub tshaj plaws li na? Nws sawv ntawm ces kaum tsev ntawd na (nws taw tes rau ces kaum tsev). Hos Niam Mab Liab sawv nraum nws qab ob sab tes tuav nws ob sab xub pwg. Claude hais rau kuv tias: ‘Kuv twb muab kuv txoj kev tuag fij nrog Yes Xus txoj kev tuag saum ntoo cuam los cawm koj lawm. Niam Mab Liab thov tau lub txiaj ntsim kom koj xub tau pom koj qhov chaw nyob hauv dab phem teb yog koj pheej tsis kam los lees txhaum.’  Kuv tau pom kuv qhov chaw nyob dab phem teb lawm, vim li ntawd kuv thiaj ntshai thiab qw.”

    James Hughs tau raug hlawv raws li teem cia lawm, tiam sis Niam Mab Liab thiab Claude tau ua kom nws pom nws qhov chaw nyob dab phem teb, ces nws cia li thim xav tam sid thiab tig los lees txhaum thiab cawm nws tus ntsuj plig thaum lub caij kawg kiag ntawm nws lub neej lawm.  Niam Mab Liab thiab TP O’Leary tau qhia Claude kom nws muab nws txoj kev txom nyem fij rau Yes Xus nrog Yes Xus txoj kev txom nyem los cawm tau  ib tug tib neeg.  Peb sawv daws yuav tsum paub qhov no tias peb yeej ua tau ib yam li ntawd thiab.  Yog li ntawd peb yuav tsis txhob xav tias peb tej kev txom nyem tsis zoo dab tsi. Peb txoj kev txom nyem muaj nqes heev yog muab koom nrog Yes Xus txoj, thiab ib txhij peb yuav tsum thov Niam Mab Liab pab.

    Peb pom tau tias Niam Mab Liab muaj hwj huam npaum li cas pab tib neeg.  Peb muab tau Claude Newman zaj kwv huam los piv tau rau Niam Mab Liab tuaj tshwm sim nyob Fatima xyoo 1917. Niam Mab Liab qhia tias kom nquag mus daws txhaum, nquag mus txais Yes Xus lub Cev, thiab kom ua tej yam los them txim txhaum pab cawm cov neeg txhaum. Thiab nws tau ua kom cov me nyuam nyob Fatima pom dab phem teb, nws hais rau lawv tias:
    “Coob tus ntsuj plig poob rau dab phem teb, vim tsis muaj leej twg thov ntuj pab lawv thiab ua kev them txim txhaum pab cawm lawv.”

    Peb kuj yuav tau nquag xyaum hais zaj thov ntuj saum lub txiaj Miraculeuse:
    Mab Liab tus xeeb los tsis lo txhaum, thov koj thov ntuj pab peb cov uas vam txog koj!


    Muab hauv cov sites nram no los:

    Yog nej xav nyeem ua lus Aas Kiv, taum hauv no:
    http://www.mysticsofthechurch.com/2011/12/miraculous-story-of-claude-newman-his.html

    Yog nej xav nyeem ua lus Fab Kis taum hauv no:
    http://spiritualitechretienne.blog4ever.com/blog/lire-article-83937-546562-la_conversion_miraculeuse_de_claude_newman.html

    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Lub txiaj Mab Liab Miraculous medal

    Post  Maiv Tooj on 1st January 2012, 4:11 am


    Nyob zoo Xyoo Tshiab Mim,

    Ua tsaug ntau rau nws zaj no, zoo heev.
    Yog kawg, tej zaj kwv huam zoo li nov mas qhia tau ntau yam rau yus xyaum ua neej thiab txhawb siab. Hauv lub neej muaj ntau yam ua rau yus xav thiab tseem paub tsis tau txhua. Muaj tej lub caij yus ua xyem xyav, tej lub caij yus ua neeg tseem ceeb, muaj kev ntseeg zoo, muj tej lub caij, tej tug neeg zoo cia li hloov ua tej tug neeg tsis muaj kev thoob tsib lawm. Xav kom Tswv Ntuj lub hwj huam los roos peb kom cawm tau coob leej mas ntshe yuav zoo heev. Niaj hnub no pom ib txhia ua neej raws li lawv xav, mas kuj tu siab kawg nkaus li.

    Mim, kuv hais rau koj tias kuv muab coj mus tso rau hauv Cha lub "Cim Daws txhaum" thiab vim nws hais txog kev Daws Txhaum thiab.



    avatar
    Tub ntsuag
    Phooj Ywg
    Phooj Ywg

    Messages : 137
    Date d'inscription : 2011-10-06

    Re: Lub txiaj Mab Liab Miraculous medal

    Post  Tub ntsuag on 1st January 2012, 12:39 pm

    Maiv Tooj wrote:
    Nyob zoo Xyoo Tshiab Mim,

    Ua tsaug ntau rau nws zaj no, zoo heev.
    Yog kawg, tej zaj kwv huam zoo li nov mas qhia tau ntau yam rau yus xyaum ua neej thiab txhawb siab. Hauv lub neej muaj ntau yam ua rau yus xav thiab tseem paub tsis tau txhua. Muaj tej lub caij yus ua xyem xyav, tej lub caij yus ua neeg tseem ceeb, muaj kev ntseeg zoo, muj tej lub caij, tej tug neeg zoo cia li hloov ua tej tug neeg tsis muaj kev thoob tsib lawm. Xav kom Tswv Ntuj lub hwj huam los roos peb kom cawm tau coob leej mas ntshe yuav zoo heev. Niaj hnub no pom ib txhia ua neej raws li lawv xav, mas kuj tu siab kawg nkaus li.

    Mim, kuv hais rau koj tias kuv muab coj mus tso rau hauv Cha lub "Cim Daws txhaum" thiab vim nws hais txog kev Daws Txhaum thiab.
    nyob zoo mim ua tsaus nws coj zaj nov rau peb paub os nawb nws yuav txhawb tau peb os nawb kuv zoo siab tias muaj ntaus yus yos niam mab ua tus pab ntag tiam sis tsi tau tseeb tsi meej tiam zaj no nws yuav ua kom zeem tseeb tau os nawb.
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 2318
    Date d'inscription : 2009-10-16

    Re: Lub txiaj Mab Liab Miraculous medal

    Post  Mim on 1st January 2012, 1:29 pm

    Nyob zoo tais Tooj thiab XH Mtxoov Tsab,

    Ua neb tsaug rau neb tej lus zoo os. Kuv yeej xav tias yog ib zaj zoo pab txhawb peb txhua tus txoj kev kub siab mob siab rau peb kev ntseeg ntuj no. Tsuav nej pom zoo ib yam li thiab ces haj yam zoo xwb.

    Tais Tooj, koj coj mus tso rau tom Cim daws txhaum los yeej zoo kawg, vim yeej yog hais txog kev paub yus kev txhaum thiab tu siab rau yus tej txhaum. Zaj no qhia tias Tswv Ntuj xav kom peb lees peb cov txhaum npaum li cas, thiab qhia tau tias tus ntseeg tiag yeej tau mus saum ntuj tiag tiag...

    Nyob zoo xyoo tshiab rau neb thiab nawb

    Mim
    avatar
    Tub ntsuag
    Phooj Ywg
    Phooj Ywg

    Messages : 137
    Date d'inscription : 2011-10-06

    Re: Lub txiaj Mab Liab Miraculous medal

    Post  Tub ntsuag on 2nd January 2012, 2:03 am

    Mim wrote:Nyob zoo tais Tooj thiab XH Mtxoov Tsab,

    Ua neb tsaug rau neb tej lus zoo os. Kuv yeej xav tias yog ib zaj zoo pab txhawb peb txhua tus txoj kev kub siab mob siab rau peb kev ntseeg ntuj no. Tsuav nej pom zoo ib yam li thiab ces haj yam zoo xwb.

    Tais Tooj, koj coj mus tso rau tom Cim daws txhaum los yeej zoo kawg, vim yeej yog hais txog kev paub yus kev txhaum thiab tu siab rau yus tej txhaum. Zaj no qhia tias Tswv Ntuj xav kom peb lees peb cov txhaum npaum li cas, thiab qhia tau tias tus ntseeg tiag yeej tau mus saum ntuj tiag tiag...

    Nyob zoo xyoo tshiab rau neb thiab nawb

    Mim
    .

    Nyob zoo nawb Mim,

    Kuv xav zaj no kuj yog ib zaj muaj lub ntsiab zoo. Yog li kuv muab ib zaj nkauj tso rau nawb.


    ZAJ NKAUJ MUAJ LUB NPE MA LI YA LUB NPE.

    1- Ma Li Ya lub npe txhua qhov chaw sau nplaj teb,
    moo nto txhua qhov chaw.
    Koj kheev pab peb, thov koj pab qhuab qhia ca peb
    tau txuj kev mus pem Ntuj tsi xob fab,
    koj pab peb nyob zoo nyob hum Ntuj txiv kev cai ca
    hnub tom qab peb li tau txuj kev mus pem Ntuj nrug
    Ntuj Txiv nyob ua kev peb lub siab tus qas yees ib tiam .

    2- Ma Li Ya lub siab pab sawv daws ntseeg Ntuj Txiv cia
    peb tau lub chaw kws xyiv fab peb li ruaj siab tuav tau
    cov kev kws Ntuj Txiv cov koob meej muab rau peb,ca peb
    tav txuj kev ua txim tis ntas rov lug sau ua npoj thiab
    sau ua ke ua ib pab xyiv fab tuaj hawm Ntuj Txiv hnub
    tom qab, peb le tau ruaj siab ntseeg sau ntaj.

    3- Ma Li Ya rov muag txais peb tej lug suab seev ca peb
    rau siab xa lub seev tuaj thov koj deev peb siab.
    Cia peb li tuam tav tsi ntshai tej rhuav kev cai koj
    pab thov Ntuj Txiv pab peb nyob sau qab ntug,
    peb thov koj pab cov kws mus yuam kev.
    sau ua npoj lug nrug peb nyob ua ke.
    peb tau lom zem xyiv fab pes ntuj....!


    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5553
    Date d'inscription : 2009-08-18

    Re: Lub txiaj Mab Liab Miraculous medal

    Post  Maiv Tooj on 12th June 2018, 5:50 am

    DAIM PHIAJ MAB LIAB HWJ HUAM.

     

    Thaum lub caij pej xeem Fab Kis teb sawv tawm tsam tua vaj ntxwv Fab Kis tag, lub teb chaws lam ob peb zaug sib law sib liag, ua rau teb chaws txom nyem thiab tsis txhim kho zoo, tsis muaj kev nyiam huv txaus.

    Hnub 26/03/1832, dej nyab Paris, ua rau cov dej tsev plob phwj mus xyaw tus dej loj Seine uas ntws phua Paris, ua rau cov pej xeem nyob hauv Paris haus tau lawv mob plab zawv thiab ntuav sib kis (choléra).  6 lub hlis uas mob sib kis ntawd nyob Paris tuag 19.000 leej. Tsis pom qab ua li cas ces Tswv Qhia Hyacinthe-Louis de Quélen, l'achevêque des Paris thiaj li muab daim phiaj Mab Liab uas Sainte Catherine Labouré hais ntawd luam ntau ntau faib rau cov neeg dhau kev, cov pej xeem nyob Paris muab nqa mus faib rau qhov txhua chaw, cov neeg thiaj li cav nroo ntws tias daim phiaj Mab Liab nov muaj hwj huam heev, mus txog qhov twg ua rau cov mob zawv plab thiab ntuav cia zoo kiag li lawm thiab tsis pla mus ntxiv. Txij hnub ntawd los ces Tswv Qhia thiab tsoom neeg nyob Paris thiaj li siav npe hu ua daim Phiaj Mab Liab hwj huam yees ntxwv (Médaille Miraculeuse).


    Pierre Bellemare, né le 21 octobre 1929 à Boulogne-Billancourt et mort le 26 mai 2018


    Tub rog As Mes Liv Kas thaum Tsov Rog Zaum Ob.

    Zaj nov yog Pierre Bellemare, né le 21 octobre 1929 à Boulogne-Billancourt et mort le 26 mai 2018 uas yog ib tug kws ntawv piav txog ib tug tub hluas As Mes Liv Kas kas tos liv, tuaj ua rog rau Fab Kis teb thaum Tsov Rog ntiaj teb zaum Ob. Nws raug ua tus tua phom ncej nreeg (mitrailleur) nyob tom tw dav hlau tua rog. Thaum nws yuav sawv kev, nws niam txawm muab tau ib lub txiaj Mab Liab hwj huam yees ntxwv rau nws coj ntawm caj dab vim nws ntshai tsam nws tus tub raug teeb meem.  

    Thaum lub 1 hlis 1945, nws lub dav hlau ya mus tua rog rau Allemagne teb (Germany). Lawv ya siab siab puag nruab ntug, muaj ib lub dav hlau tua rog allemand tua raug lawv lub dav hlau kub nyhiab, tus tsav tso qeb txam kom lawv dhia kaus, ces cov uas nyob pem taub hau dhia tag, nws nyob nram qab ib nyuag kem me me, ti ti, nws tawm tsis tau ces thaum nws tawm tau, nws tig saib cas nws lub kaus tab tom kub nyhiab. Nws tsis pom qab ua li cas, nws xav ib nyuag pliag ces nws tsawm xav hais tias xyov yuav cia kub nyhiab tuag los yuav dhia mus tsoo hauv av tuag ces nws thiaj li ua ib siab dhia tsis muaj kaus tab sis nws muab nws txoj sia tso rau Nkauj Ntshiab Mab Liab.  Nws piav tias nws tsuas nco tau tias nws hnov no no txias zias thiab muaj ib cov hnub qub cab sab niab tiag nws taw no xwb ces nws tsis nco qab lawm. Cov neeg dhia kaus ntawd mas lawv tso lub looj thawb thaiv cua txia thiaj li ua taus pa saum ntuj, vim no heev thiab poob nrawm heev. Nws li nws cia li poob do cuas saum huab saum cua los rau saum ib tsob thuv dhau dhuv los rau hauv av, zwm rau hauv daus tob li 1m, taig kis kaj ntug nws tsim los cas nws tsis tuag. Nws poob rau saum tsob thuv tab sis nws tsis raug mob qhov twg li, ua rau nws ceeb tag, nws thiaj li nco txog daim phiaj Mab Liab uas nws coj ntawm caj dab thiab ua Niam Mab Liab tsaug.  Nws sawv ces nws hla ib daim teb mus tshuam kev loj, muaj neeg pom nws ces mus kom rau cov tub rog allemend, thaum lub sij hawm ntawd cov allemands twb tshuav swb rog lawm xwb. Cov tub rog nug nws tias nws lub kaus nyob qhov twg, koj muab faus rau qhov twg lawm? Nws teb tias kuv cia li dhia li nov los xwb.  Lawv tsis ntseeg nws, lawv yuav muab nws coj los laij phom, tab sis nws hais rau lawv hais tias nej mus nug maj! Lub dav hlau tua rog npe hu li nov uas nag hmo nej tua poob, kuv tus thawj coj npe hu li nov thiab cov uas nyob hauv lub dav hlau dhia los nej ntes tau hu li nov rau li nov...Ces lawv nug naj muaj tseeb li nws hais, lawv thiaj li tsis tua, lawv muab nws coj mus kaw rau tom Allemagne teb. Tsis ntev tom qab, Allemegne swb rog, lawv tso nws rov qab los, nws mus txog rau As Mes Liv Kas teb, nws hais tias nws lub neej uas seem tuag nov nws yuav muab txiv rau Tswv Ntuj uas cawm nws. Ces nws thiaj li mus ua leej choj nws nyuam qhuav tag sim neej tau tsis ntev nov kiag (2012).

    Txhais los ntawm Théologien Arnaud Dumuch.
    Tim 12/06/2018.
    Maiv Tooj.





    Sponsored content

    Re: Lub txiaj Mab Liab Miraculous medal

    Post  Sponsored content


      Current date/time is 19th October 2018, 6:20 pm