HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


NKAUJ TEEV NTUJ TSHIAB Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


+5
Npuagtub
Maiv Paj Lug
Kajntug
Mim
Maiv Tooj
9 posters

    NKAUJ TEEV NTUJ TSHIAB

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty NKAUJ TEEV NTUJ TSHIAB

    Post  Maiv Tooj 3rd November 2009, 6:10 am




    ZAJ NTSEEG


    TP. Nyiaj Pov kho tshiab.

    Kuv ntseeg txog Tswv Ntuj,
    Yog leej txiv muaj hwj huam tas nrho,
    yog tus tsim ntuj tsim teb.
    Kuv ntseeg txog Yes Xus Pleev,
    yog Tswv Ntuj leej Tub twm zeej, yog peb tus huab tais.
    Leej Tswv Yim Ntshiab ua kom nws xeeb los ua neeg.
    Nws yug ntawm Nkauj Ntshiab mab Liab los.
    Lub caij Pis Las Tos ua nom,
    Yes Xus raug luag hiam thiab ntsia saum ntoo cuam.
    Nws tuag mus zwm av, mus txog ntuj txias teb tsaus.
    Hnub peb, Yes Xus sawv hauv cov tub tuag rov los.
    Nws nce mus lawm saum ntuj,
    zaum ntawm Leej Txiv muaj hwj huam tas nrho phab xis.
    Nws yuav rov los txiav txim rau cov neeg ciaj neeg tuag.
    Kuv ntseeg txog Leej tswv Yim Ntshiab.
    Ntseeg txog Tsoom Leej Ntshiab sib koom Ntuj Lub Txiaj Ntsim.
    Ntseeg txog kev daws txhaum.
    Ntseeg txog neeg lub cov sawv rov los.
    Ntseeg muaj txoj sia nyob mus li. Ua li.


    NKAUJ TEEV NTUJ TSHIAB Christ_21


    Last edited by Maiv Tooj on 16th February 2024, 7:41 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 3rd November 2009, 6:27 am




    ZAJ PEB TXIV



    Peb txiv nyob saum ntuj,
    Peb txiv nyob saum ntuj,
    Koj lub npe ntshiab nto moo lug,
    Koj lub ceeb tsheej los txog,
    Kom muaj raws li koj nyiam nyob ntiaj teb no
    zoo li nyob saum ntuj.
    Thov koj muab mov txaus peb noj hnub no.
    Koj zam txhaum rau peb zoo li peb zam rau luag.
    Koj txhob tso peb raug kev ntxias.
    Koj npo peb dim ntawm kev phem. Ua li.





    Last edited by Maiv Tooj on 16th February 2024, 6:55 am; edited 3 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 3rd November 2009, 8:03 am





    ZAJ KOJ NYOB KAJ LUG MAB LAIB.



    Koj nyob kaj lug Mab liab,
    Tus tau txiaj ntsim puv siab.
    Huab Tais Ntuj nrog koj nyob.
    Koj tau koob tau hmoov tshaj ib zej tsoom poj niam tib si,
    thiab koj lub txiv uas koj lub cev txi tau koob tau hmoov.
    Leej Ntshiab mab Liab, Tswv ntuj leej Niad,
    Koj thov Ntuj rau peb cov neeg txhaum,
    Nyem no mus txog thaum peb lub caij dua. Ua li.





    Last edited by Maiv Tooj on 23rd January 2010, 9:38 am; edited 1 time in total
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Mim 23rd January 2010, 5:03 am

    Maiv Tooj wrote:



    NKAUJ TEEV NTUJ TSHIAB Mystere

    ZAJ KOJ NYOB KAJ LUG MAB LAIB.



    Koj nyob kaj lug Mab liab,
    Tus tau txiaj ntsim puv siab.
    Huab Tais Ntuj nrog koj nyob.
    Koj tau koob tau hmoov tshaj ib zej tsoom poj niam tib si,
    thiab koj lub txiv uas koj lub cev txi tau koob tau hmoov.
    Leej Ntshiab mab Liab, Tswv ntuj leej Niad,
    Koj thov Ntuj rau peb cov neeg txhaum,
    Nyem no mus txog thaum peb lub caij dua. Ua li.



    NKAUJ TEEV NTUJ TSHIAB Marie01

    Tais Tooj ai...

    Kuv twb pom koj tso cov zaj teev ntuj no ntev los lawm, tiam sis kuv tsis tau los muab nyeem zoo zoo li es, txog tav no kuv mam los zaum nyeem xwb... Kuv pom zoo li koj sau tau ib kab yuam kev me ntsis lawm. Yog kab uas koj sau hais tias "... thiab koj lub txiv uas koj lub txiv txi..." no na.... ntshai koj yuav tau mus kho qhov ntawd rau os yuad.... Sawv daws yeej to taub tias koj sau yuam kev xwb, tiam sis tsam muaj ib co cia li siv li ntawd os...Raws kuv paub mas zaj official nws hais li no: "...thiab lub txiv uas koj lub cev txi..." Ntawm kuv tus kheej xwb mas kuv nyiam hais li no "...thiab lub txiv txi hauv koj cev, Yes Xus, tau koob tau hmoov" no, zoo li nws hais mus tau zoo dua. Tiam sis qhov official yog qhov saud. Tej zaum peb cov Hmoob yuav tau rov qab los tham txog cov lus peb siv hauv zaj "Peb Txiv" thiab zaj "Koj nyob kaj lug" no los tsis paub... Tiam sis yog sawv daws hais kam lawm ces kuj zoo hais lawm thiab.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 23rd January 2010, 9:45 am



    Hahahah...!Mim,

    Kuv sau dab tsi mas kuv yeej tseg ib qho rau nej tuaj nyeem hov! Yog nej tsis tuaj nyeem kho ces kuv yuav tseg tej qhov tsis yog li rau xwb las as...Kuv kho tag lawm os.

    Yog nej ho npaj siab kho los kuj zoo thiab. tab sis kuv xav kom cov tuaj kho ntawd yuav tsum yog cov neeg laus taws, paub Hmoob tej kev cai zoo mas thiaj yuav paub lus Hmoob zoo. Yog s d tuaj kho, tsis paub lus Hmoob zoo mas yuav hais tsis tau cov lus Hmoob tseem thiab hais tau lub ntsiab.

    Ua tsaug nws tuaj nyeem.


    Last edited by Maiv Tooj on 31st May 2011, 7:57 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 28th January 2010, 5:00 am



    jesussurlacroix61.jpg





    Thaj tseem ceeb

    1- Thaj tseem ceeb yog thaj txi ntuj yog kab ke ntshiab
    Nco txog Yes Xus txoj kev hlub peb
    Nws tuaj yeem muaj nws lub cev thiab nws cov ntshav
    Cev rau Tswv Ntuj kom tau cawm peb.

    Txais:

    <<-Peb ua ke cev peb lub siab lub plawv nrog leej Choj tus sawv
    Peb sawv daws chaw muab lub siab lub cev cev rau Tswv Ntuj
    Nrog cov txim uas Tswv Yes Xus li.>>

    2- Lub ncuav mov mog ntawm no yog av txi txiv
    Hloov tas txhia yam neeg hauj lwm tsim
    Cov cawv ntshiab nyob hauv lub ntim hloov kev lom zem
    yuav muab los txi rau koj Tswv Ntuj....

    Txais:

    <<-Peb ua ke cev peb lub siab lub plawv nrog leej Choj tus sawv
    Peb sawv daws chaw muab lub siab lub cev cev rau Tswv Ntuj
    Nrog cov txim uas Tswv Yes Xus li.>>


    Last edited by Maiv Tooj on 16th February 2024, 7:05 am; edited 4 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 5th March 2010, 9:36 am






    Poj Tswv Ntuj

    Poj Tswv Ntuj-
    Koj yog tus muaj hwj huam tas nrho saum ntuj
    Hnub no kuv tuaj cev, kuv txoj sia
    Thov koj dauv muag ntsia kuv,
    Txhos caug hwm koj
    Thov tsa tes cawm kuv lub cev, kuv tus plig
    Thaum txog kuv lub caij tawm ntiaj teb nov mus
    Leej niam yuav coj kuv mus txog teb chaws nyob kaj nrig.
    Cia zoo siab hlo ntawm Niam xub ntiag
    Kuv yuav hu nkauj cav txog niam Tas ib sim neej mus li.


    Tus sau: Paj Lis, niam Tshw Hwj Thoj
    Tus hu: Maiv Vaj, niam Tsav txhiaj Hawj.





    Last edited by Maiv Tooj on 16th February 2024, 7:00 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 11th May 2010, 9:53 am



    1/



    NKAUJ TEEV NTUJ TSHIAB Ch10


    THAUM PEB NOJ COV MOV NO


    Phau ntawv liab, Fab Kis teb phab B11


    Txais:
    Thaum peb noj cov mov no
    Thaum peb haus lub ntim no
    Peb hawm peb tus Huab Tais uas peb ntseeg txog

    -Huab tais Yes Xus,
    Peb nco txog koj txoj kev tuag
    Peb cav koj txoj kev sawv rov los
    Peb tos txog hnub koj yuav rov tuaj


    Txais:
    Thaum peb noj cov mov no
    Thaum peb haus lub ntim no
    Peb hawm peb tus Huab Tais uas peb ntseeg txog


    2/



    TAS IB TSOOM NEEG


    Tas ib tsoom neeg nyob hauv ntiaj teb
    Hu nkauj luag ntxhi cav txog Tswv ntuj
    Nws xa kev thaj yeeb tuaj rau peb
    Thiab pub kom peb tau nyob kaj lug

    Tag ib tsoom neeg nej yuav paub tias
    Tswv Ntuj nws yog tus tsim peb los
    Peb yog nws cuab yim nws pab yaj
    Ib txwm Tswv ntuj yeej hlub peb los

    Huab Tais nco ntsoo peb txheej dhau txheej
    Peb chaws mus hauv nws cov roob los
    Peb hu nkauj cav txog nws lub npe
    Thiab ua kom nws nto meej nto moo

    NKAUJ TEEV NTUJ TSHIAB Y1pTqDd8zDLi2mbo0NcvEP9gUANQWg9iJ-eC6Tm-qBMU_rcg-nC9VESC-z6mRJdmRj6ELU9_SRQBa8

    3/


    COV MUAJ HMOOV ZOO (Les Béatitudes)Mt.5

    Phau ntawv liab Fab Kis teb: Phab A 58

    1-Cov muaj hmoov zoo-yog cov pluag hauv nruab siab
    Ntuj lub ceeb tsheej yog lawv li.
    Cov muaj txoj hmoov zoo
    Yog cov quaj ntsuag-yuav muaj tus nplij lawv.

    Txais:
    Nej nyob kaj siab lug nej txoj hmoov zoo
    Nej siab dawb huv, nej nyob kaj siab lug
    Ntuj lub Ceeb Tsheej yog nej tug.

    2-Cov muaj hmoov zoo yog cov siab zoo
    Lawv yuav txais lub ntiaj teb ua lawv tug
    Cov muaj hmoov zoo-yog cov nqhis txoj kev ncaj:
    Yuav muaj tus daws lawv qhov nqhis

    Txais: ...

    3-Cov muaj hmoov zoo yog cov hlub luag tej
    Yuav muaj tus hlub lawv
    Cov muaj hmoov zoo yog cov siab huv
    Lawv yuav pom Tswv Ntuj

    Txais:...

    4-Cov muaj hmoov zoo yog cov tsim kev thaj yeeb:
    Lawv yog Tswv Ntuj cov me nyuam
    Cov muaj hmoov zoo yog cov ntseeg txog kuv-
    Ntuj lub hwj chim yog lawv li

    Txais:...

    5- Yog nej raug luag hiam-Vim nej tau nyiam kuv
    Mas nej txoj hmoov zoo,
    Nej nyob kaj siab lug-
    Tswv Ntuj lub Ceeb Tsheej yuav ci rau sawv daws pom.

    Txais:...



    4/




    Kev Thaj Yeeb
    (La Paix)

    Phau ntawv liab Fab Kis teb: Phab A 57

    1-Kev thaj kev thaj yeeb Huab Tais Yes Xus coj los
    Kev thaj kev thaj yeeb Huab Tais Yes Xus coj los
    Yog li tag ntiaj teb thiaj paub txog Huab Tais Ntuj lub npe
    Kev thaj kev thaj yeeb Huab Tais Yes Xus coj los

    2-Kev zoo kev zoo siab Huab Tais Yes Xus coj los
    Kev zoo kev zoo siab Huab Tais Yes Xus coj los
    Yog li tag ntiaj teb thiaj paub txog Huab Tais Ntuj lub npe
    Kev zoo kev zoo siab Huab Tais Yes Xus coj los

    3-Ua kwv tij neej tsav Huab Tais Yes Xus coj los
    Ua kwv tij neej tsav Huab Tais Yes Xus coj los
    Yog li tag ntiaj teb thiaj paub txog Huab Tais Ntuj lub npe
    Ua kwv tij neej tsav Huab Tais Yes Xus coj los


    4-Kev sib nyiam sib hlub Huab Tais Yes Xus coj los
    Kev sib nyiam sib hlub Huab Tais Yes Xus coj los
    Yog li tag ntiaj teb thiaj paub txog Huab Tais Ntuj lub npe
    Kev sib nyiam sib hlub Huab Tais Yes Xus coj los



    Last edited by Maiv Tooj on 16th February 2024, 7:15 am; edited 19 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 20th May 2010, 6:09 am




    Peb ua Ntuj tsaug.

    - Peb sawv ua Ntuj tsaug,
    vim Ntuj txawj hlub tus hlob tus yau.
    Peb sawv daws tau noj haus txhua,
    muaj lub suab hu nkauj nrog cua,
    Cav txog Tswv Ntuj lub siab zoo,
    ua Vaj nyob nto moo.






    Tsv Ntuj coj peb nce rooj.

    - Tswv Ntuj ntsia mov coj peb nce rooj,
    zaum ncig phaj qav zoo zoo.
    Peb thov Tswv Ntuj tig ntsi,
    foom lus zoo lus coj sia
    Kom peb noj tag peb yim muaj zog,
    ua txoj hauj lwm uas Tswv Ntuj tos.


    Last edited by Maiv Tooj on 16th February 2024, 7:28 am; edited 4 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 2nd June 2010, 7:27 am

    1/
    Peb hu txog Leej Tswv Yim Ntshiab
    Phau ntawv liab, Fab Kis teb phab A85



    1/ Peb hu txog Leej Tswv Yim koj los mas
    Los xyuas peb, koj haiv neeg ntawm no
    Nrog peb nyob nruab nrab peb ib sim neej
    Peb thiaj li yuav thoob xeeb nyob hum hauv.

    Txais:

    Peb thov koj, peb thov koj Leej tswv Yim
    Peb thov koj, peb thov koj Leej tswv Yim

    2/ Peb hu txog Leej Tswv Yim koj los mas
    Koj yog peb cov tib neeg qhov pom kev
    Tso tswv yim qhov kaj lug rau sawv daws
    Peb thiaj li txawj ua cov hauj lwm.

    Txais:

    Peb thov koj, peb thov koj Leej tswv Yim
    Peb thov koj, peb thov koj Leej tswv Yim

    3/Peb hu txog Leej Tswv Yim koj los mas
    Peb sawv daws xav ua koj cov pej xeem
    Tso lub zog thaum peb raug kev nyuaj
    Peb thiaj li ua siab loj mus raws koj.

    Txais:

    Peb thov koj, peb thov koj Leej tswv Yim
    Peb thov koj, peb thov koj Leej tswv Yim

    4/Peb hu txog Leej Tswv Yim koj los mas
    Koj yog peb tus Tswv Ntuj uas siab zoo
    Thov koj tso txoj kev nyiam puv ntiaj teb
    Tsoom tib neeg yuav sib hlub raws li koj.

    Txais:

    Peb thov koj, peb thov koj Leej tswv Yim
    Peb thov koj, peb thov koj Leej tswv Yim


    holy-spriit-03.jpg

    2/
    Peb sawv daws, peb sawv daws



    Txais:

    Peb sawv daws, peb sawv daws tuaj pe thiab hawm koj
    Peb tuaj qhuas txog koj

    Peb sawv daws, peb sawv daws tuaj qw suab zoo siab
    Nyob ntawm koj xub ntiag

    1/ Peb tuaj txhua lub teb chaws, tuaj txhua ces kaum ntuj tuaj
    Tiam sis peb yog ib cuab, peb tuaj pe hawm koj

    Txais:

    Peb sawv daws, peb sawv daws tuaj pe thiab hawm koj
    Peb tuaj qhuas txog koj

    Peb sawv daws, peb sawv daws tuaj qw suab zoo siab
    Nyob ntawm koj xub ntiag

    2/ Peb coj peb kev nyuab ntxhov, coj peb kev mob kev ntsaj
    Coj kev zoo siab nyob kaj, peb tuaj pe hawm koj.


    Txais:

    Peb sawv daws, peb sawv daws tuaj pe thiab hawm koj
    Peb tuaj qhuas txog koj

    Peb sawv daws, peb sawv daws tuaj qw suab zoo siab
    Nyob ntawm koj xub ntiag

    3/ Peb tuaj koom ib roog mov, peb koom haus ib lub ntim
    Peb xav nco koj txiaj ntsig, peb tuaj pe hawm koj.


    Txais:

    Peb sawv daws, peb sawv daws tuaj pe thiab hawm koj
    Peb tuaj qhuas txog koj

    Peb sawv daws, peb sawv daws tuaj qw suab zoo siab
    Nyob ntawm koj xub ntiag

    4/ Thov koj txuag peb mus li, txhob pub peb muaj sib ncaim
    Kom sawv daws txawj sib hais, peb tuaj pe hawm koj.


    Txais:

    Peb sawv daws, peb sawv daws tuaj pe thiab hawm koj
    Peb tuaj qhuas txog koj

    Peb sawv daws, peb sawv daws tuaj qw suab zoo siab
    Nyob ntawm koj xub ntiag



    3/
    Peb tus Tswv Ntuj



    -Leej Txiv peb hawm koj
    Peb tso peb txoj sia rau koj
    Yog kev nyiam koj


    -Leej Cawm Seej peb hawm koj
    Peb tso peb txoj sia rau koj
    Yog kev nyiam koj

    -Leej Ntuj Plig peb hawm koj
    Peb tso peb txoj sia rau koj
    Yog kev nyiam koj

    trinite_roublev.jpg

    4/
    Tus tuaj cuag Yes Xus ( zaj 2)
    Phau ntawv liab, Fab Kis teb phab A78



    1/ Tus tuaj cuag Yes Xus yuav tsis tshaib
    Nws yog cov mov yug neeg lub cev
    Thiaj yog cov ntshav yug neeg txoj sia
    Tus haus nws cov ntshav yuav muaj txoj sia mus li

    2/ Yes Xus lub cev yug peb txoj sia
    Yes Xus cov ntshav daws peb qhov nqhis
    Yog peb tsis noj Yes Xus lub cev
    Thiab tsis haus nws cov ntshav peb yuav tsis ciaj rov los.

    3/ Nws yog cov mov saum Ntuj los
    Yog peb tau noj Yes Xus lub cev
    Yes Xus yuav tuaj nyob hauv peb siab
    Thiab nws yuav nyob hauv peb lub plawv mus ib txhis




    Last edited by Maiv Tooj on 16th February 2024, 7:38 am; edited 6 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 3rd June 2010, 7:33 am



    NKAUJ TEEV NTUJ TSHIAB Aaa5-210

    1/ Thov Leej Ntuj Plig los qheb peb siab[/size]




    Txais:
    Qheb peb lub siab lub ntsws diaj kom peb tug plig ras dheev
    Kom Tswv Ntuj Leej Tswv Yim nrog peb coj peb los ua ke hauv Leej Pleev

    1-Los Leej Ntuj Plig koj los mas
    Koj nqes saum txheej ntuj siab los
    koj coj qhov pom kev tuaj kom ziab txog peb

    Txais:

    Qheb peb lub siab lub ntsws diaj kom peb tug plig ras dheev
    Kom Tswv Ntuj Leej Tswv Yim nrog peb coj peb los ua ke hauv Leej Pleev

    2- Los cov txom nyem tus Cawm Seej
    Pub koj cov txiaj ntsim rau peb
    Coj txoj kev tso siab kev zoo kev ntshiab tuaj

    Txais:

    Qheb peb lub siab lub ntsws diaj kom peb tug plig ras dheev
    Kom Tswv Ntuj Leej Tswv Yim nrog peb coj peb los ua ke hauv Leej Pleev

    3-Peb ua neeg khwv tag sim neej
    Koj yog peb chaw so los sia
    Cov neeg ntxhov siab vam txog koj nplij lawv

    Txais:

    Qheb peb lub siab lub ntsws diaj kom peb tug plig ras dheev
    Kom Tswv Ntuj Leej Tswv Yim nrog peb coj peb los ua ke hauv Leej Pleev


    2/
    Tus Vaj nto koob meej

    Phau ntawv liab, Fab Kis teb phab A17



    Txais:

    Tus Vaj nto koob meej tuaj tag hais neeg zoo siab
    Qhib lub rooj vag ua nws ntej tsa nej cov suab hu.

    1- Tus Vaj nto koob meej yog leej twg? Peb hu nws li cas?
    Nws yog Es Mas Nus Es tus peb tos tiam dhau tiam.

    Txais:

    Tus Vaj nto koob meej tuaj tag hais neeg zoo siab
    Qhib lub rooj vag ua nws ntej tsa nej cov suab hu[/

    2- Tag hauv Nkas Lis Lais teb txhua lub nroog txhua lub zos
    Nws mus xyuas nws cov pej xeem kho lawv tej mob nkeeg.

    Txais:

    Tus Vaj nto koob meej tuaj tag hais neeg zoo siab
    Qhib lub rooj vag ua nws ntej tsa nej cov suab hu.

    3- Nws muab nws siav cawm peb tus Yaj daws txoj kev nyuaj
    Nws ris saum nws lub nrob qaum qab ntuj neeg cov txhaum

    Txais:

    Tus Vaj nto koob meej tuaj tag hais neeg zoo siab
    Qhib lub rooj vag ua nws ntej tsa nej cov suab hu.

    4-Nws yeej kev txhaum, kev tuag nws tau sawv rov los tiag
    Nws yuav qhia peb rau txoj kev mus cuag ntuj lub Ceeb tsheej.

    Txais:

    Tus Vaj nto koob meej tuaj tag hais neeg zoo siab
    Qhib lub rooj vag ua nws ntej tsa nej cov suab hu.


    3/Txoj kev thiab qhov tseeb, txoj sia

    Phau ntawv liab, Fab Kis teb phab A64



    1- Yes Xus hais tias: Kuv yog Txoj Kev
    Uas taug tsis muaj xwm txheej,
    yog txoj kev coj peb tus plig mus txog pem ntuj.

    2- Yes Xus hais tias: Kuv yog qhov tseeb, yog lub chaw so,
    yog qhov tseeb nyob ib txhid.
    Thaum twg muaj txoj kev ntxhov siab,
    peb yuav nrhiav qhov tseeb rau Tswv Ntuj.

    3- Yes Xus hais tias: Kuv yog txoj sia
    Leej twg kub siab ua raws Tswv Ntuj siab xav,
    Leej twg coj nraim Tswv Ntuj lo lus.
    Tab txawm tuag lawm, yeej yuav sawv rov qab los.

    4- Txoj kev qhov tseev thiab txoj sia,
    Yog Yes Xus uas tuag txhiv peb,
    Yog txoj kev coj peb, mus nrog Leej txiv nyob mus ib txhid.

    5- Txoj kev qhov tseeb thiab txoj sia,
    Yog Yes Xus tus uas tuag txhiv peb
    Yog txoj kev yuav ntxiv txoj sia tsim txiaj rau peb tus ntsuj tus plig

    Txoj kev, qhov tseeb thiab txoj sia
    Txoj kev, qhov tseeb thiab txoj sia

    4/Ua tsaug Yes Xus
    Phau ntawv liab, Fab Kis teb phab A93



    Ua tsaug, ua tsaug Yes Xus
    Ua tsaug, ua tsaug Yes Xus
    Ua tsaug, ua tsaug Yes Xus hauv peb siab
    Ua tsaug, ua tsaug Yes Xus
    Ua tsaug, ua tsaug Yes Xus
    Ua tsaug, ua tsaug Yes Xus hauv peb siab



    Last edited by Maiv Tooj on 16th February 2024, 8:01 am; edited 9 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 3rd June 2010, 7:43 am

    [color=blue]

    1/




    Koj txhob ntshai



    Txais:
    Koj txhob ntshai kuv yuav nrog koj nraim
    Koj txhob ntshai kuv tau cawm koj lawm
    Koj txhob ntshai kuv tau hu txog koj lub npe
    Koj txhob ntshai kuv koj yog kuv tug

    1-Koj hla nruab hiav txwv thaum twg ces kuv yuav nrog koj mus
    Yog koj hla saum cov hluav taws koj yeej yuav tsis raug kub nyhiab
    Yog vim kuv yog koj tus Huab Tais.
    Tus cawm koj haiv neeg kawg yog kuv.

    Txais: ...

    2-Kuv tso koj hauv kuv xib tes, koj lub neej thiaj muaj nqes
    Kuv yuav txuag koj tej num, koj thiaj yuav nyob tiaj nyob tus,
    Yog vim kuv yog koj tus Huab Tais.
    Tus cawm koj haiv neeg kawg yog kuv.

    Txais:...

    3-Kuv saib koj yog kuv me nyuam koj thiaj ua kuv chaw tshua
    Kuv nyob ze cov neeg  ntxhov siab, kuv thiaj mloog lawv lub suab seev,
    Yog vim kuv yog koj tus Huab Tais.
    Tus cawm koj haiv neeg kawg yog kuv.

    Txais:...

    NKAUJ TEEV NTUJ TSHIAB Christ_prie

    2/





    Kuv tau txiav txim siab


    Phau ntawv liab Fab Kis teb: Phab A89

    1-Koj puas txiav xim siab tias yuav raws Yes Xus?
    Koj puas txiav xim siab tias yuav raws Yes Xus?
    Koj puas txiav xim siab tias yuav raws Yes Xus?
    Tsis tig rov qab, tsis tig rov qab

    2-Kuv tau txiav txim siab cia los raws Yes Xus
    Kuv tau txiav txim siab cia los raws Yes Xus
    Kuv tau txiav txim siab cia los raws Yes Xus
    Tsis tig rov qab, tsis tig rov qab

    3-Lub ntuj ua kev qab, tus Ntoo Cuam ua kuv ntej
    Lub ntuj ua kev qab, tus Ntoo Cuam ua kuv ntej
    Lub ntuj ua kev qab, tus Ntoo Cuam ua kuv ntej
    Tsis tig rov qab, tsis tig rov qab

    4-Txawm tsis muaj twg tuaj kuv yuav raws nws mus
    Txawm tssi muaj twg tuaj kuv yuav raws nws mus
    Txawm tssi muaj twg tuaj kuv yuav raws nws mus
    Tsis tig rov qab, tsis tig rov qab



    NKAUJ TEEV NTUJ TSHIAB Chemin vers dieu

    3/




    Luag thiaj paub peb sawv daws yog cov ntseeg

    Phau ntawv Liab Fab Kis teb, phab A61 (sib txawv me ntsis)

    1-Peb sawv daws yog ib tse neeg-Peb sib hlub hauv Leej Pleev
    Peb sawv daws yog ib tse neeg-Peb sib sau hauv Leej Ntuj Plig
    Thiab peb thov kom sawv daws sib koom mus tas ib txhiab ib ntxhis.

    Txais:

    Luag thiaj paub peb yog cov ntseeg muaj kev nyiam,
    kev hlub, sib pab nyob hauv peb Leej Txiv Tswv Ntuj siab zoo

    2-Peb yuav mus nyob ua ib ke thiab Peb yuav sib pab sib nres
    Peb yuav mus nyob ua ib ke thiab Peb yuav sib pab sib nres
    Peb yuav koom siab tshaj Tswv Ntuj lub Moo Zoo rau ib zeej tsoom.


    Txais:

    Luag thiaj paub peb yog cov ntseeg muaj kev nyiam,
    kev sib hlub, sib pab nyob hauv peb Leej Txiv Tswv Ntuj siab zoo

    3-Peb yuav sib coj ua Tswv Ntuj txoj hauj lwm cawm ntiaj teb
    Peb yuav sib coj ua Tswv Ntuj txoj hauj lwm cawm ntiaj teb
    Peb yuav hwm neeg lub vaj huam thiab meej mom kom sib luag


    Txais:

    Luag thiaj paub peb yog cov ntseeg muaj kev nyiam,
    kev sib hlub, sib pab nyob hauv peb Leej Txiv Tswv Ntuj siab zoo

    4-Peb sawv daws cav txog Leej Txiv tus tsim tag puas tsav yam
    Peb cav txog Tswv Ntuj leej Tub Yes Xus Pleev tus cawm seej
    Thiab peb cav txog Leej Ntuj Plig tus uas nrog nraim peb mus li


    Txais:

    Luag thiaj paub peb yog cov ntseeg muaj kev nyiam,
    kev sib hlub, sib pab nyob hauv peb Leej Txiv Tswv Ntuj siab zoo

    NKAUJ TEEV NTUJ TSHIAB Y1pTqDd8zDLi2nnmrQ8fol_5X2WXKBTu-Eq0yfuLsgqWZRmJuGRlguCk6nFe19Np_vV8EGR23lGr6k

    4/




    THOV PAB TSEB KEV THAJ YEEB


    Phau ntawv liab, Fab Kis teb A80


    1-Ntuj thov pab kuv tseb kev thaj yeeb.
    Thaum muaj kev sib ntxub, kuv tseb koj kev hlub.
    Thaum muaj kev sib khib, pub kuv muaj koj kev sib zam.
    Ntuj thov pab kuv tseb kev thaj yeeb.

    2-Ntuj thov pab kuv tseb kev thaj yeeb.
    Thaum muaj kev txhawj xeeb, kuv tseb koj kev ntseeg.
    Hauv ntiaj teb, qhov ntxhov, koj pub kuv muaj kev tso siab.
    Ntuj thov pab kuv tseb kev thaj yeeb.

    3-Ntuj thov pab kuv tseb kev thaj yeeb.
    Thaum muaj kev chim siab, kuv tseb kev kaj.
    Thaum muaj txoj kev tsaus, thov koj tso qhov pom kev tuaj.
    Ntuj thov pab kuv tseb kev thaj yeeb.

    4-Ntuj pub kom kuv nrhiav thiab kuv pub
    txoj kev hlub rau luag ntau tshaj qhov luag pub.
    Qhov kuv pub rau luag yog qhov kuv txais ntawm koj los.
    Ntuj thov pab kuv tseb kev thaj yeeb.

    5-Ntuj thov pab kuv nrhiav thiab kuv pub
    Txoj kev zam rau luag li koj zam rau kuv.
    Yog kuv tuag vim koj, mas kuv yuav muaj txoj sia nyob.
    Ntuj thov pab kuv tseb kev thaj yeeb.

    NKAUJ TEEV NTUJ TSHIAB Y1pTqDd8zDLi2kKTLJTAwr2tMe1jyeFEejzF63WnldrFrq-WdJImjYllDNM5C7UH5kU4-MJCw1MQf4

    5/




    Cov Kws Hnub qub[/size][/u]


    Txais:
    Yog! Lub hnub qub tseem ceeb qhia kev,
    Coj peb mus txog tus cawm peb
    Lub hnub qub nyob Toob Fab ua ntej,
    Tsom txoj kev peb mus txog nws.

    1- Peb, peb leeg yog cov Kws Hnub qub
    Nqa paj tshab taug kev tuaj hawm nws
    Hla toj roob hauv pes, hav fab hav zoov,
    raws lub hnub qub ntawd mus.

    Txais:
    Yog! Lub hnub qub tseem ceeb qhia kev,
    Coj peb mus txog tus cawm peb
    Lub hnub qub nyob Toob Fab ua ntej,
    Tsom txoj kev peb mus txog nws.

    2-Tus yug los yog ib tug Vaj Ntxwv,
    Kuv nqa nyiaj nqa kub tuaj rau nws
    Nws yuav kav nws lub ceeb tsheej mus li.
    Peb sawv daws zwm rau nws.

    Txais:...

    3-Tus yug los yog ib tug Leej Choj
    Kuv nqa tshuaj tsw qab tuaj rau nws
    Nws yog peb txoj kev mus cuag Tswv Ntuj,
    Peb sawv daws zwm raws nws

    Txais:...

    4-Tus yug los yog ib tug Cawm Seej
    Kuv nqa txab txiv yoov muab rau nws,
    Nws yuav raug kev nyuaj kev txom nyem,
    Vim peb sawv daws cov txhaum.

    Txais: ...

    5- Tus yug los yog peb tus Huab Tais
    Huab Tais Ntuj Leej Tub yug ua neeg
    As Les lus yas as Les lus yas,
    Peb sawv daws cav txog nws.


    Txais:
    Yog! Lub hnub qub tseem ceeb qhia kev,
    Coj peb mus txog tus cawm peb
    Lub hnub qub nyob Toob Fab ua ntej,
    Tsom txoj kev peb mus txog nws.


    NKAUJ TEEV NTUJ TSHIAB Rois-mages

    6/




    CAWM KOJ HAIV NEEG

    Phau ntawv liab Fab Kis teb: Phab A 77


    Txais:
    Cawm koj haiv neeg, Tswv Ntuj,
    qhia peb txoj kev rov los tsev.
    Peb tau khiav deb ntawm koj txoj kev hlub.
    Cawm koj haiv neeg, Tswv Ntuj.

    1- Ib yam kuv thov Tswv Ntuj;
    Yog qhov kuv tau nyob mus li haub koj tsev
    Kom kuv tau ntsia koj txoj kev hlub,
    Tas hnub hauv kuv lub neeg

    Txais:...

    2- Koj yuav zais kuv hauv koj phab tis
    Kom yeeb ncuab rab ntaj txhob raug kuv
    Koj tso kuv nyob saum lub ncov roob siab
    Cawm kuv dim ntawm kev nyuaj siab

    Txais:...

    3- Tswv Ntuj, koj mloog kuv lub suab hu txog koj,
    Kuv xav lees kuv cov txhaum rau koj.
    Koj ntxuav kuv ces kuv yuav rov ntshiab tuaj,
    Kuv thiaj li yuav dawb dua daus

    Txais:...



    Last edited by Maiv Tooj on 14th October 2010, 11:07 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 3rd June 2010, 8:06 am



    1/

    Vaj tsim tag ib puas tsav yam
    Phau ntawv liab Fab Kis teb: Phab A79




    1-Vaj tsim tag ib puas tsav yam lub hnub poob qho,
    peb thov koj: Koj mloog peb lub siab; koj ua peb tus thawj.

    2-Koj yog tus zov hmo saib peb, koj thaiv zaj npau suav phem.
    Koj ntiab tus niag ntxub peb, koj coj peb mus taug txoj kev tsim txiaj.

    3-Txiv siab zoo, Leej Tub loj cuag Leej Txiv, Leej Huab Tais nplij neeg,
    nej ua Vaj nyob mus li, nej zam rau peb. Ua li.


    NKAUJ TEEV NTUJ TSHIAB 114-10165Come-For-All-Posters


    2/

    Yes Xus cia kuv qhia koj
    Phau ntawv liab Fab Kis teb: Phab A71




    Yes Xus, Yes Xus, cia kuv qhia koj qhov kuv xav:
    Koj tau pub txoj kev zam rau kuv, kuv nyiam koj kawg.

    Yes Xus, Yes Xus, cia kuv qhia koj qhov kuv xav:
    Koj tau pub txoj kev hlub rau kuv, kuv nyiam koj kawg.

    Yes Xus, Yes Xus, cia kuv qhia koj qhov kuv xav:
    Koj tau pub txiaj ntsim ntau rau kuv, kuv nyiam koj kawg.

    Yes Xus, Yes Xus, cia kuv qhia koj qhov kuv xav:
    Koj tau pub Leej Ntuj Plig rau kuv, kuv nyiam koj kawg.

    NKAUJ TEEV NTUJ TSHIAB Choppywatersandthelight


    3/

    Yes Xus Huab Tais
    Phau ntawv liab Fab Kis teb: Phab A96




    As les lus yas, As les lus yas,
    As les lus yas, As les lus yas, As les lus yas,

    Yes Xus Huab Tais, Nws sawv rov los,
    Koj nrog peb nyob, Koj cawm peb mas.

    As les lus yas, As les lus yas,
    As les lus yas, As les lus yas, As les lus yas,

    Yes Xus Huab Tais, Yes Xus Huab Tais,Yes Xus Huab Tais,Yes Xus Huab Tais,
    Nws sawv rov los, Nws sawv rov los, Nws sawv rov los, Nws sawv rov los,
    Koj nrog peb nyob, Koj nrog peb nyob, Koj nrog peb nyob, Koj nrog peb nyob,
    Koj cawm peb mas, Koj cawm peb mas, Koj cawm peb mas, Koj cawm peb mas.





    4/


    Yes Xus peb tus Vaj
    Phau ntawv liab Fab Kis teb: Phab A53




    Yes Xus, peb tus Vaj, koj los nrog peb nraim.
    Thov koj cawm peb ma! koj yog peb lub zog.

    Tswv Ntuj, koj nres peb, koj yog peb lub tsua.
    Koj ntaus tus yeeb ncuab uas muaj zog dua peb.

    Koj yog tus dej cag, pub cov dej tshuaj,
    daws tag peb qhov nqhis, peb lub siab thiaj kaj.

    Thov koj tuav peb tes thiab coj peb kev hla dhau txoj kev ntxhov.
    Koj yog peb lub zog, koj yog peb lub zog







    Last edited by Maiv Tooj on 14th October 2010, 11:20 am; edited 4 times in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 8th June 2010, 8:16 am


    Ua ntej ib tug neeg ntseeg Catholic yuav teev Ntuj, nws yuav tsum hais zaj Ntseeg ua ntej, kom ntseeg thiab paub meej tias nws tsis ncaim lub Koom Txoos Kas Tos Liv. Yog peb tsis ncig rov los rau lub hauv paus mas ntev mus, yus yuav cia li txia tau mus ua tej yam kev ntseeg txawv lawm.



    Zaj Ntseeg raws li qhov Concile Nicée xyoo 325 uas yog empereur Constantin Ier. ua tus Coj cov Tswv Qhia Sib Sau thawj zaug.


    ZAJ NTSEEG



    Kuv ntseeg txog Tswv Ntuj,
    Yog leej txiv muaj hwj huam tas nrho,
    yog tus tsim ntuj tsim teb.,
    tsim tag nrho saum Yaj Ceeb thiab Yeeb Ceeb tib si.
    Kuv ntseeg txog Yes Xus Pleev,
    yog Tswv Ntuj leej Tub twm zeej, yog peb tus huab tais.
    Leej Tswv Yim Ntshiab ua kom nws xeeb los ua neeg.
    Nws yug ntawm Nkauj Ntshiab Mab Liab los.
    Lub caij Pis Las Tos ua nom,
    Yes Xus raug luag hiam thiab ntsia saum ntoo cuam.
    Nws tuag mus zwm av, mus txog ntuj txias teb tsaus.
    Hnub peb, Yes Xus sawv hauv cov tub tuag rov los.
    Nws nce mus lawm saum ntuj,
    zaum ntawm Leej Txiv muaj hwj huam tas nrho phab xis.
    Nws yuav rov los txiav txim rau cov neeg ciaj neeg tuag.
    Kuv ntseeg txog Leej Tswv Yim Ntshiab.
    Ntseeg txog Tsoom Leej Ntshiab sib koom Ntuj Lub Txiaj Ntsim.
    Ntseeg txog kev daws txhaum.
    Ntseeg txog neeg lub cov sawv rov los.
    Ntseeg muaj txoj sia nyob mus li. Ua li.



    NKAUJ TEEV NTUJ TSHIAB Angemimi125728065003_gros

    Je crois en un seul Seigneur, Jésus Christ,
    le Fils unique de Dieu, né du Père avant tous les siècles :
    Il est Dieu, né de Dieu,
    lumière, né de la lumière,
    vrai Dieu, né du vrai Dieu
    Engendré non pas créé,
    de même nature que le Père ;
    et par lui tout a été fait.
    Pour nous les hommes, et pour notre salut,
    il descendit du ciel;
    Par l'Esprit Saint, il a pris chair de la Vierge Marie, et s'est fait homme.
    Crucifié pour nous sous Ponce Pilate,
    Il souffrit sa passion et fut mis au tombeau.
    Il ressuscita le troisième jour,
    conformément aux Ecritures, et il monta au ciel;
    il est assis à la droite du Père.
    Il reviendra dans la gloire, pour juger les vivants et les morts
    et son règne n'aura pas de fin.
    Je crois en l'Esprit Saint, qui est Seigneur et qui donne la vie;
    il procède du Père et du Fils.
    Avec le Père et le Fils, il reçoit même adoration et même gloire;
    il a parlé par les prophètes.

    Je crois en l'Eglise, une, sainte, catholique et apostolique.
    Je reconnais un seul baptême pour le pardon des péchés.
    J'attends la résurrection des morts, et la vie du monde à venir.



    NKAUJ TEEV NTUJ TSHIAB Croix-les-trois-croix


    Credo


    Credo in unum Deum, Patrem omnipotentem, factorem caeli et terrae, visibilium omnium et invisibilium.
    Et in unum Dominum Jesum Christum Filium Dei unigenitum.
    Et ex Patre natum ante omnia saecula.
    Deum de Deo, lumen de lumine, Deum verum de Deo vero.
    Genitum, non factum, consubstantialem Patri : per quem omnia facta sunt.
    Qui propter nos homines, et propter nostram salutem decendit de caelis.
    Et incarnatus est de Spiritu sancto ex Maria Virgine : Et homo factus est.
    Crucifixus etiam pro nobis : sub Pontio Pilato passus, et sepultus est.
    Et resurrexit tertia die, secundum Scripturas.
    Et ascendit in caelum : sedet ad dexteram Patris.
    Et iterum venturus est cum gloria, judicare vivos et mortuos : cujus regni non erit finis.
    Et in Spiritum sanctum, Dominum, et vivificantem : qui ex Patre Filioque procedit.
    Qui cum Patre et Filio simul adoratur, et conglorificatur : qui locutus est per Prophetas.
    Et unam, sanctam, catholicam, et apostolicam Ecclesiam.
    Confiteor unum baptisma in remissionem peccatorum.
    Et expecto resurrectionem mortuorum. Et vitam venturi saeculi.

    Amen.




    NKAUJ TEEV NTUJ TSHIAB Je-crois-que-la-Bible-est-vrai



    The Nicene Creed


    Traditional Version (From the Book of Common Prayer)

    I believe in one God, the Father Almighty
    Maker of heaven and earth, and of all things visible and invisible:

    And in one Lord Jesus Christ,
    the only-begotten Son of God, begotten of the Father before all worlds;
    God of God, Light of Light, very God of very God;
    begotten, not made, being of one substance with the Father,
    by Whom all things were made:
    Who for us men and for our salvation came down from Heaven,
    and was incarnate by the Holy Ghost of the Virgin Mary, and was made man:
    And was crucified also for us under Pontius Pilate; he suffered and was buried:
    And the third day he rose again according to the Scriptures:
    And ascended into Heaven, and sitteth on the right hand of the Father:
    And he shall come again, with glory, to judge both the quick and the dead:
    Whose Kingdom will have no end:

    And I believe in the Holy Ghost the Lord, and Giver of Life,
    Who proceedeth from the Father and the Son
    Who with the Father and the Son together is worshipped and glorified,
    Who spake by the Prophets.
    And I believe in One Holy, Catholic, and Apostolic Church,
    I acknowledge one Baptism for the remission of sins.
    And I look for the Resurrection of the Dead:
    And the Life of the world to come. Amen.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 26th June 2010, 3:43 am



    Nkauj tshiab nyob Fresno, USA.


    channel49 part1




    2-Cov phooj ywg zov yaj



    3-Huab Tais yug los



    4-Peb 3 leeg yog kws hnub qub*









    Last edited by Maiv Tooj on 3rd October 2023, 7:13 am; edited 1 time in total
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Maiv Tooj 19th October 2010, 7:54 pm


    Peb Txiv


















    Sponsored content


    NKAUJ TEEV NTUJ TSHIAB Empty Re: NKAUJ TEEV NTUJ TSHIAB

    Post  Sponsored content


      Current date/time is 18th March 2024, 3:12 pm