Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


  • Post new topic

NKAUJ TEEV NTUJ TSHIAB

Share

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

NKAUJ TEEV NTUJ TSHIAB

Post  Maiv Tooj on 3rd November 2009, 6:10 am





ZAJ NTSEEG


TP. Nyiaj Pov kho tshiab.

Kuv ntseeg txog Tswv Ntuj,
Yog leej txiv muaj hwj huam tas nrho,
yog tus tsim ntuj tsim teb.
Kuv ntseeg txog Yes Xus Pleev,
yog Tswv Ntuj leej Tub twm zeej, yog peb tus huab tais.
Leej Tswv Yim Ntshiab ua kom nws xeeb los ua neeg.
Nws yug ntawm Nkauj Ntshiab mab Liab los.
Lub caij Pis Las Tos ua nom,
Yes Xus raug luag hiam thiab ntsia saum ntoo cuam.
Nws tuag mus zwm av, mus txog ntuj txias teb tsaus.
Hnub peb, Yes Xus sawv hauv cov tub tuag rov los.
Nws nce mus lawm saum ntuj,
zaum ntawm Leej Txiv muaj hwj huam tas nrho phab xis.
Nws yuav rov los txiav txim rau cov neeg ciaj neeg tuag.
Kuv ntseeg txog Leej tswv Yim Ntshiab.
Ntseeg txog Tsoom Leej Ntshiab sib koom Ntuj Lub Txiaj Ntsim.
Ntseeg txog kev daws txhaum.
Ntseeg txog neeg lub cov sawv rov los.
Ntseeg muaj txoj sia nyob mus li. Ua li.







Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 3rd November 2009, 6:27 am





ZAJ PEB TXIV



Peb txiv nyob saum ntuj,
Peb txiv nyob saum ntuj,
Koj lub npe ntshiab nto moo lug,
Koj lub ceeb tsheej los txog,
Kom muaj raws li koj nyiam nyob ntiaj teb no
zoo li nyob saum ntuj.
Thov koj muab mov txaus peb noj hnub no.
Koj zam txhaum rau peb zoo li peb zam rau luag.
Koj txhob tso peb raug kev ntxias.
Koj npo peb dim ntawm kev phem. Ua li.











Last edited by Maiv Tooj on 10th October 2010, 11:29 pm; edited 2 times in total




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 3rd November 2009, 8:03 am





ZAJ KOJ NYOB KAJ LUG MAB LAIB.



Koj nyob kaj lug Mab liab,
Tus tau txiaj ntsim puv siab.
Huab Tais Ntuj nrog koj nyob.
Koj tau koob tau hmoov tshaj ib zej tsoom poj niam tib si,
thiab koj lub txiv uas koj lub cev txi tau koob tau hmoov.
Leej Ntshiab mab Liab, Tswv ntuj leej Niad,
Koj thov Ntuj rau peb cov neeg txhaum,
Nyem no mus txog thaum peb lub caij dua. Ua li.






Last edited by Maiv Tooj on 23rd January 2010, 9:38 am; edited 1 time in total




Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1634
Date d'inscription : 2009-08-17

Re: NKAUJ TEEV NTUJ TSHIAB

Post  Maiv Paj Lug on 3rd November 2009, 8:59 am

Kuv nyiam cov nkauj no tshaj plaws li, txhua zaj nkauj teev ntuj nyob hauv peb phau ntawv qhia teev ntuj ces kuv paub yuav luag txhua uas tsis saib ntawv nyeem li lawm os, vim tias zoo heev li. Ua Tsaug koj tuaj sau rau peb sawv daws tau nyeem ntxiv hauv no nawb Maiv Tooj.

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 23rd January 2010, 3:54 am





THAJ TSEEM CEEB










Last edited by Maiv Tooj on 2nd November 2014, 9:53 am; edited 2 times in total




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 23rd January 2010, 4:07 am





As Les Luv Yas Tas Nej Sawv Daws











Last edited by Maiv Tooj on 10th October 2010, 11:35 pm; edited 1 time in total




Mim
Tswv Cuab Hmong Catholique
Tswv Cuab Hmong Catholique

Messages : 1650
Date d'inscription : 2009-10-16

Re: NKAUJ TEEV NTUJ TSHIAB

Post  Mim on 23rd January 2010, 5:03 am

Maiv Tooj wrote:





ZAJ KOJ NYOB KAJ LUG MAB LAIB.



Koj nyob kaj lug Mab liab,
Tus tau txiaj ntsim puv siab.
Huab Tais Ntuj nrog koj nyob.
Koj tau koob tau hmoov tshaj ib zej tsoom poj niam tib si,
thiab koj lub txiv uas koj lub cev txi tau koob tau hmoov.
Leej Ntshiab mab Liab, Tswv ntuj leej Niad,
Koj thov Ntuj rau peb cov neeg txhaum,
Nyem no mus txog thaum peb lub caij dua. Ua li.





Tais Tooj ai...

Kuv twb pom koj tso cov zaj teev ntuj no ntev los lawm, tiam sis kuv tsis tau los muab nyeem zoo zoo li es, txog tav no kuv mam los zaum nyeem xwb... Kuv pom zoo li koj sau tau ib kab yuam kev me ntsis lawm. Yog kab uas koj sau hais tias "... thiab koj lub txiv uas koj lub txiv txi..." no na.... ntshai koj yuav tau mus kho qhov ntawd rau os yuad.... Sawv daws yeej to taub tias koj sau yuam kev xwb, tiam sis tsam muaj ib co cia li siv li ntawd os...Raws kuv paub mas zaj official nws hais li no: "...thiab lub txiv uas koj lub cev txi..." Ntawm kuv tus kheej xwb mas kuv nyiam hais li no "...thiab lub txiv txi hauv koj cev, Yes Xus, tau koob tau hmoov" no, zoo li nws hais mus tau zoo dua. Tiam sis qhov official yog qhov saud. Tej zaum peb cov Hmoob yuav tau rov qab los tham txog cov lus peb siv hauv zaj "Peb Txiv" thiab zaj "Koj nyob kaj lug" no los tsis paub... Tiam sis yog sawv daws hais kam lawm ces kuj zoo hais lawm thiab.

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 23rd January 2010, 9:45 am



Hahahah...!Mim,

Kuv sau dab tsi mas kuv yeej tseg ib qho rau nej tuaj nyeem hov! Yog nej tsis tuaj nyeem kho ces kuv yuav tseg tej qhov tsis yog li rau xwb las as...Kuv kho tag lawm os.

Yog nej ho npaj siab kho los kuj zoo thiab. tab sis kuv xav kom cov tuaj kho ntawd yuav tsum yog cov neeg laus taws, paub Hmoob tej kev cai zoo mas thiaj yuav paub lus Hmoob zoo. Yog s d tuaj kho, tsis paub lus Hmoob zoo mas yuav hais tsis tau cov lus Hmoob tseem thiab hais tau lub ntsiab.

Ua tsaug nws tuaj nyeem.


Last edited by Maiv Tooj on 31st May 2011, 7:57 am; edited 1 time in total




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 28th January 2010, 5:00 am










Thaj tseem ceeb

1- Thaj tseem ceeb yog thaj txi ntuj yog kab ke ntshiab
Nco txog Yes Xus txoj kev hlub peb
Nws tuaj yeem muaj nws lub cev thiab nws cov ntshav
Cev rau Tswv Ntuj kom tau cawm peb.

Txais:

<<-Peb ua ke cev peb lub siab lub plawv nrog leej Choj tus sawv
Peb sawv daws chaw muab lub siab lub cev cev rau Tswv Ntuj
Nrog cov txim uas Tswv Yes Xus li.>>

2- Lub ncuav mov mog ntawm no yog av txi txiv
Hloov tas txhia yam neeg hauj lwm tsim
Cov cawv ntshiab nyob hauv lub ntim hloov kev lom zem
yuav muab los txi rau koj Tswv Ntuj....

Txais:

<<-Peb ua ke cev peb lub siab lub plawv nrog leej Choj tus sawv
Peb sawv daws chaw muab lub siab lub cev cev rau Tswv Ntuj
Nrog cov txim uas Tswv Yes Xus li.>>


Last edited by Maiv Tooj on 10th October 2010, 11:37 pm; edited 2 times in total




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 28th January 2010, 5:21 am











Last edited by Maiv Tooj on 9th March 2010, 9:25 am; edited 2 times in total




HmongFresno
Tuaj Tshiab
Tuaj Tshiab

Messages : 60
Date d'inscription : 2010-01-28

Re: NKAUJ TEEV NTUJ TSHIAB

Post  HmongFresno on 31st January 2010, 8:48 am

Muab Jesus daim duab no rau koj tau tso rau koj qhov chaws koj xav siv? yog koj xav kom daim duab me ces koj mam li tso width thiab height rau xwb os??



Last edited by HmongFresno on 31st January 2010, 3:50 pm; edited 1 time in total

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 31st January 2010, 9:41 am



Hmoob Fresno,

Ua tsaug ntau, koj ua tau zoo heev.

Daim duab muab tso cadre mas tshiab heev.

Kuv yuav tsis coj mus tso hauv kuv tsev, tab sis kuv yuav cia nyob nws nov, thaum kuv ua tau ib zaj nkauj tshiab, kuv yuav coj los tso rau.




Maivxis
Phooj Ywg
Phooj Ywg

Messages : 267
Date d'inscription : 2009-11-05

Re: NKAUJ TEEV NTUJ TSHIAB

Post  Maivxis on 31st January 2010, 9:47 am

Maiv Tooj wrote:










Wow ! MT , E ............ ! Ua li cas es HmongFresno neb yuav muaj zoo tswv yim tuaj ua tej duab no tau zoo nkauj ua luaj li na , Ua li es neb puas yuav qhia kom kuv txawj thiab ma lod , Neb ua tau zoo nkauj tiag li os , Neb nyias kuj txawj ua nyias ib haum thiab os yuad , Oh ! Xav txawj ma ntshe yuav caum tsis tau neb li lau !!!!!!!!!!!
Ntshe ib leeg nyob rau ib qho ces ntshe kuv yuav tsis nrog neb txawj li os , zoo siab ua tuaj pom neb cov duab no os , Mam sib ntsib dua os .

Maivxis .

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 31st January 2010, 10:23 am

Maivxis wrote:
Maiv Tooj wrote:









Wow ! MT , E ............ ! Ua li cas es HmongFresno neb yuav muaj zoo tswv yim tuaj ua tej duab no tau zoo nkauj ua luaj li na , Ua li es neb puas yuav qhia kom kuv txawj thiab ma lod , Neb ua tau zoo nkauj tiag li os , Neb nyias kuj txawj ua nyias ib haum thiab os yuad , Oh ! Xav txawj ma ntshe yuav caum tsis tau neb li lau !!!!!!!!!!!
Ntshe ib leeg nyob rau ib qho ces ntshe kuv yuav tsis nrog neb txawj li os , zoo siab ua tuaj pom neb cov duab no os , Mam sib ntsib dua os .

Maivxis .

Hahahah...! Maiv Xis,

Kuv tsis paub ua ces kuv thov Hmoob Fresno ua tau, nws muab tso rau hauv nov, kuv tuaj reply ces kuv mam Copy mus siv xwb...Yog nws xyeej no tuaj peb kawm ua ke thiaj lom zem os nawb.




HmongFresno
Tuaj Tshiab
Tuaj Tshiab

Messages : 60
Date d'inscription : 2010-01-28

Re: NKAUJ TEEV NTUJ TSHIAB

Post  HmongFresno on 31st January 2010, 3:42 pm

Nyob Zoo Maiv Tooj Mim, thiab Maiv Xis nrog rau cov bawg

Zoosiab rau neb ob tug zoo niam tsev thiab, kuv ces loj leeg kawg li lo ma. kuv xyaum xyaum ces kuv paub me ntsi thiab yog muab duab tso rau hauv daim ntug los yog lus English hai tias, photo Frame, no kuv xyaum tau me ntsi kuv paub thiab. Tsi tag li los Maiv Tooj nws los kuj tshaj lim kawg thiab nws los yeej paub ntau yam thiab ma. Yog yam twg nej sawv daws ho xav paub los nws mam li pab nej thiab qhia kom nej ho paub siv cov forum no lo yog Vas Sab, Kuv tus kheej ces yav tag los kuv twb tsi paub kiag thiab kuv tseem tau thov kom Maiv Tooj Qhia kuv thiab lo ma. Tom qab ntawd ces kuv mam li ua tib zoo saib cov HTML code thiab qhov lawv hus hai tias Table no kuv thiaj li niaj hnub sau saib tag sau duas kuv ua li no tau ib ob hnub kuv thiaj li paub hai tias, ua li ca thiaj li ua hauj lawm. Thaum kuv paub lawm ces nws tsi nyuab rau kuv li lawm. Tiam si, kuv tsua paub ib ob yam thiab xwb kuv tseem tsi tau paub tej yam tshiab. Kuv los ntsib nej sawv daws li no xwb tag kis kuv mus khwv noj los kuv li rov tuaj xyua nej sawv daws rau hauv lub Vas Sab no. Thov kom Vaj Tswv tus muaj Fwj Chim pab sawv daws txoj siav kom rov tau tuaj sib ntsib dua. Kom sawv daws noj qab nyob zoo.

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 11th February 2010, 9:07 am



As Las Lus Yas.mpg





Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 13th February 2010, 10:02 pm


Maypajlug thiab Hmoob Fresno,

Ua tsaug rau neb ob leeg tes dej num.
Zoo heev.












Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 5th March 2010, 9:36 am









Poj Tswv Ntuj

Poj Tswv Ntuj-
Koj yog tus muaj hwj huam tas nrho saum ntuj
Hnub no kuv tuaj cev, kuv txoj sia
Thov koj dauv muag ntsia kuv,
Txhos caug hwm koj
Thov tsa tes cawm kuv lub cev, kuv tus plig
Thaum txog kuv lub caij tawm ntiaj teb nov mus
Leej niam yuav coj kuv mus txog teb chaws nyob kaj nrig.
Cia zoo siab hlo ntawm Niam xub ntiag
Kuv yuav hu nkauj cav txog niam Tas ib sim neej mus li.


Tus sau: Paj Lis, niam Tshw Hwj Thoj
Tus hu: Maiv Vaj, niam Tsav txhiaj Hawj.







Mim
Tswv Cuab Hmong Catholique
Tswv Cuab Hmong Catholique

Messages : 1650
Date d'inscription : 2009-10-16

Re: NKAUJ TEEV NTUJ TSHIAB

Post  Mim on 6th March 2010, 10:07 am

Tais Tooj,

Kuv muaj ob peb lo lus xav tham txog za j nkauj no. Cia wb muab tham rau hauv PM tso os yod. Koj mus saib hauv.

NrhiavTswvNtuj
Hmong Catholique
Hmong Catholique

Messages : 600
Date d'inscription : 2009-08-18

Re: NKAUJ TEEV NTUJ TSHIAB

Post  NrhiavTswvNtuj on 15th April 2010, 9:49 am

HmongFresno wrote:Muab Jesus daim duab no rau koj tau tso rau koj qhov chaws koj xav siv? yog koj xav kom daim duab me ces koj mam li tso width thiab height rau xwb os??






Tus plig yim mus siab lub cev yim nyiaj mob
Tus plig yim ntshiab huv lub cev yim uv luag
Tus plig yim nyob ze Tswv Ntuj lub cev yim txom nyem
Tswv Ntuj tsom kwm koj vim koj yog tus neeg siab ntshiab
Tswv Ntuj txhais tes tsa rawv saum koj tau hau,
Vim koj ntshiab saum taub hau ti nkaus ko taw.

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 11th May 2010, 9:53 am



1/







THAUM PEB NOJ COV MOV NO


Phau ntawv liab, Fab Kis teb phab B11


Txais:
Thaum peb noj cov mov no
Thaum peb haus lub ntim no
Peb hawm peb tus Huab Tais uas peb ntseeg txog

-Huab tais Yes Xus,
Peb nco txog koj txoj kev tuag
Peb cav koj txoj kev sawv rov los
Peb tos txog hnub koj yuav rov tuaj


Txais:
Thaum peb noj cov mov no
Thaum peb haus lub ntim no
Peb hawm peb tus Huab Tais uas peb ntseeg txog



2/




TAS IB TSOOM NEEG


Tas ib tsoom neeg nyob hauv ntiaj teb
Hu nkauj luag ntxhi cav txog Tswv ntuj
Nws xa kev thaj yeeb tuaj rau peb
Thiab pub kom peb tau nyob kaj lug

Tag ib tsoom neeg nej yuav paub tias
Tswv Ntuj nws yog tus tsim peb los
Peb yog nws cuab yim nws pab yaj
Ib txwm Tswv ntuj yeej hlub peb los

Huab Tais nco ntsoo peb txheej dhau txheej
Peb chaws mus hauv nws cov roob los
Peb hu nkauj cav txog nws lub npe
Thiab ua kom nws nto meej nto moo



3/




COV MUAJ HMOOV ZOO (Les Béatitudes)Mt.5

Phau ntawv liab Fab Kis teb: Phab A 58

1-Cov muaj hmoov zoo-yog cov pluag hauv nruab siab
Ntuj lub ceeb tsheej yog lawv li.
Cov muaj txoj hmoov zoo
Yog cov quaj ntsuag-yuav muaj tus nplij lawv.

Txais:
Nej nyob kaj siab lug nej txoj hmoov zoo
Nej siab dawb huv, nej nyob kaj siab lug
Ntuj lub Ceeb Tsheej yog nej tug.

2-Cov muaj hmoov zoo yog cov siab zoo
Lawv yuav txais lub ntiaj teb ua lawv tug
Cov muaj hmoov zoo-yog cov nqhis txoj kev ncaj:
Yuav muaj tus daws lawv qhov nqhis

Txais: ...

3-Cov muaj hmoov zoo yog cov hlub luag tej
Yuav muaj tus hlub lawv
Cov muaj hmoov zoo yog cov siab huv
Lawv yuav pom Tswv Ntuj

Txais:...

4-Cov muaj hmoov zoo yog cov tsim kev thaj yeeb:
Lawv yog Tswv Ntuj cov me nyuam
Cov muaj hmoov zoo yog cov ntseeg txog kuv-
Ntuj lub hwj chim yog lawv li

Txais:...

5- Yog nej raug luag hiam-Vim nej tau nyiam kuv
Mas nej txoj hmoov zoo,
Nej nyob kaj siab lug-
Tswv Ntuj lub Ceeb Tsheej yuav ci rau sawv daws pom.

Txais:...



4/




Kev Thaj Yeeb
(La Paix)

Phau ntawv liab Fab Kis teb: Phab A 57

1-Kev thaj kev thaj yeeb Huab Tais Yes Xus coj los
Kev thaj kev thaj yeeb Huab Tais Yes Xus coj los
Yog li tag ntiaj teb thiaj paub txog Huab Tais Ntuj lub npe
Kev thaj kev thaj yeeb Huab Tais Yes Xus coj los

2-Kev zoo kev zoo siab Huab Tais Yes Xus coj los
Kev zoo kev zoo siab Huab Tais Yes Xus coj los
Yog li tag ntiaj teb thiaj paub txog Huab Tais Ntuj lub npe
Kev zoo kev zoo siab Huab Tais Yes Xus coj los

3-Ua kwv tij neej tsav Huab Tais Yes Xus coj los
Ua kwv tij neej tsav Huab Tais Yes Xus coj los
Yog li tag ntiaj teb thiaj paub txog Huab Tais Ntuj lub npe
Ua kwv tij neej tsav Huab Tais Yes Xus coj los


4-Kev sib nyiam sib hlub Huab Tais Yes Xus coj los
Kev sib nyiam sib hlub Huab Tais Yes Xus coj los
Yog li tag ntiaj teb thiaj paub txog Huab Tais Ntuj lub npe
Kev sib nyiam sib hlub Huab Tais Yes Xus coj los





Last edited by Maiv Tooj on 4th November 2010, 5:29 am; edited 18 times in total




Maivxis
Phooj Ywg
Phooj Ywg

Messages : 267
Date d'inscription : 2009-11-05

Re: NKAUJ TEEV NTUJ TSHIAB

Post  Maivxis on 11th May 2010, 8:41 pm

Maiv Tooj wrote:




Nyob zoo os , Maivtooj

Ua tsaug rau koj cov nkauj os nawb , cia sim kawm seb kawm puas tau os zoo kawg li uas koj tso suab zoo li no thiaj li kawm yooj yim me ntsis os


Maivxis .

Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 20th May 2010, 6:09 am



















- Peb sawv ua Ntuj tsaug,
vim Ntuj txawj hlub tus hlob tus yau.
Peb sawv daws tau noj haus txhua,
muaj lub suab hu nkauj nrog cua,
Cav txog Tswv Ntuj lub siab zoo,
ua Vaj nyob nto moo.





















- Tswv Ntuj ntsia mov coj peb nce rooj,
zaum ncig phaj qav zoo zoo.
Peb thov Tswv Ntuj tig ntsi,
foom lus zoo lus coj sia
Kom peb noj tag peb yim muaj zog,
ua txoj hauj lwm uas Tswv Ntuj tos.


Last edited by Maiv Tooj on 3rd June 2010, 7:36 am; edited 3 times in total




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 2nd June 2010, 7:27 am

1/
Peb hu txog Leej Tswv Yim Ntshiab
Phau ntawv liab, Fab Kis teb phab A85




1/ Peb hu txog Leej Tswv Yim koj los mas
Los xyuas peb, koj haiv neeg ntawm no
Nrog peb nyob nruab nrab peb ib sim neej
Peb thiaj li yuav thoob xeeb nyob hum hauv.

Txais:

Peb thov koj, peb thov koj Leej tswv Yim
Peb thov koj, peb thov koj Leej tswv Yim

2/ Peb hu txog Leej Tswv Yim koj los mas
Koj yog peb cov tib neeg qhov pom kev
Tso tswv yim qhov kaj lug rau sawv daws
Peb thiaj li txawj ua cov hauj lwm.

Txais:

Peb thov koj, peb thov koj Leej tswv Yim
Peb thov koj, peb thov koj Leej tswv Yim

3/Peb hu txog Leej Tswv Yim koj los mas
Peb sawv daws xav ua koj cov pej xeem
Tso lub zog thaum peb raug kev nyuaj
Peb thiaj li ua siab loj mus raws koj.

Txais:

Peb thov koj, peb thov koj Leej tswv Yim
Peb thov koj, peb thov koj Leej tswv Yim

4/Peb hu txog Leej Tswv Yim koj los mas
Koj yog peb tus Tswv Ntuj uas siab zoo
Thov koj tso txoj kev nyiam puv ntiaj teb
Tsoom tib neeg yuav sib hlub raws li koj.

Txais:

Peb thov koj, peb thov koj Leej tswv Yim
Peb thov koj, peb thov koj Leej tswv Yim




2/
Peb sawv daws, peb sawv daws




Txais:

Peb sawv daws, peb sawv daws tuaj pe thiab hawm koj
Peb tuaj qhuas txog koj

Peb sawv daws, peb sawv daws tuaj qw suab zoo siab
Nyob ntawm koj xub ntiag

1/ Peb tuaj txhua lub teb chaws, tuaj txhua ces kaum ntuj tuaj
Tiam sis peb yog ib cuab, peb tuaj pe hawm koj

Txais:

Peb sawv daws, peb sawv daws tuaj pe thiab hawm koj
Peb tuaj qhuas txog koj

Peb sawv daws, peb sawv daws tuaj qw suab zoo siab
Nyob ntawm koj xub ntiag

2/ Peb coj peb kev nyuab ntxhov, coj peb kev mob kev ntsaj
Coj kev zoo siab nyob kaj, peb tuaj pe hawm koj.


Txais:

Peb sawv daws, peb sawv daws tuaj pe thiab hawm koj
Peb tuaj qhuas txog koj

Peb sawv daws, peb sawv daws tuaj qw suab zoo siab
Nyob ntawm koj xub ntiag

3/ Peb tuaj koom ib roog mov, peb koom haus ib lub ntim
Peb xav nco koj txiaj ntsig, peb tuaj pe hawm koj.


Txais:

Peb sawv daws, peb sawv daws tuaj pe thiab hawm koj
Peb tuaj qhuas txog koj

Peb sawv daws, peb sawv daws tuaj qw suab zoo siab
Nyob ntawm koj xub ntiag

4/ Thov koj txuag peb mus li, txhob pub peb muaj sib ncaim
Kom sawv daws txawj sib hais, peb tuaj pe hawm koj.


Txais:

Peb sawv daws, peb sawv daws tuaj pe thiab hawm koj
Peb tuaj qhuas txog koj

Peb sawv daws, peb sawv daws tuaj qw suab zoo siab
Nyob ntawm koj xub ntiag





3/
Peb tus Tswv Ntuj




-Leej Txiv peb hawm koj
Peb tso peb txoj sia rau koj
Yog kev nyiam koj


-Leej Cawm Seej peb hawm koj
Peb tso peb txoj sia rau koj
Yog kev nyiam koj

-Leej Ntuj Plig peb hawm koj
Peb tso peb txoj sia rau koj
Yog kev nyiam koj



4/
Tus tuaj cuag Yes Xus ( zaj 2)
Phau ntawv liab, Fab Kis teb phab A78




1/ Tus tuaj cuag Yes Xus yuav tsis tshaib
Nws yog cov mov yug neeg lub cev
Thiaj yog cov ntshav yug neeg txoj sia
Tus haus nws cov ntshav yuav muaj txoj sia mus li

2/ Yes Xus lub cev yug peb txoj sia
Yes Xus cov ntshav daws peb qhov nqhis
Yog peb tsis noj Yes Xus lub cev
Thiab tsis haus nws cov ntshav peb yuav tsis ciaj rov los.

3/ Nws yog cov mov saum Ntuj los
Yog peb tau noj Yes Xus lub cev
Yes Xus yuav tuaj nyob hauv peb siab
Thiab nws yuav nyob hauv peb lub plawv mus ib txhis




Last edited by Maiv Tooj on 14th October 2010, 10:17 am; edited 5 times in total




Maiv Tooj
Tswv Cuab Hmong Catholique
Tswv Cuab Hmong Catholique

Messages : 5049
Date d'inscription : 2009-08-18

Re: NKAUJ TEEV NTUJ TSHIAB

Post  Maiv Tooj on 3rd June 2010, 7:33 am

1/



Thov Leej Ntuj Plig los qheb peb siab





Txais:
Qheb peb lub siab lub ntsws diaj kom peb tug plig ras dheev
Kom Tswv Ntuj Leej Tswv Yim nrog peb coj peb los ua ke hauv Leej Pleev

1-Los Leej Ntuj Plig koj los mas
Koj nqes saum txheej ntuj siab los
koj coj qhov pom kev tuaj kom ziab txog peb


Txais:

Qheb peb lub siab lub ntsws diaj kom peb tug plig ras dheev
Kom Tswv Ntuj Leej Tswv Yim nrog peb coj peb los ua ke hauv Leej Pleev

2- Los cov txom nyem tus Cawm Seej
Pub koj cov txiaj ntsim rau peb
Coj txoj kev tso siab kev zoo kev ntshiab tuaj

Txais:

Qheb peb lub siab lub ntsws diaj kom peb tug plig ras dheev
Kom Tswv Ntuj Leej Tswv Yim nrog peb coj peb los ua ke hauv Leej Pleev

3-Peb ua neeg khwv tag sim neej
Koj yog peb chaw so los sia
Cov neeg ntxhov siab vam txog koj nplij lawv

Txais:

Qheb peb lub siab lub ntsws diaj kom peb tug plig ras dheev
Kom Tswv Ntuj Leej Tswv Yim nrog peb coj peb los ua ke hauv Leej Pleev


2/



Tus Vaj nto koob meej

Phau ntawv liab, Fab Kis teb phab A17




Txais:

Tus Vaj nto koob meej tuaj tag hais neeg zoo siab
Qhib lub rooj vag ua nws ntej tsa nej cov suab hu.

1- Tus Vaj nto koob meej yog leej twg? Peb hu nws li cas?
Nws yog Es Mas Nus Es tus peb tos tiam dhau tiam.

Txais:

Tus Vaj nto koob meej tuaj tag hais neeg zoo siab
Qhib lub rooj vag ua nws ntej tsa nej cov suab hu[/

2- Tag hauv Nkas Lis Lais teb txhua lub nroog txhua lub zos
Nws mus xyuas nws cov pej xeem kho lawv tej mob nkeeg.

Txais:

Tus [u]Vaj
nto koob meej tuaj tag hais neeg zoo siab
Qhib lub rooj vag ua nws ntej tsa nej cov suab hu.

3- Nws muab nws siav cawm peb tus Yaj daws txoj kev nyuaj
Nws ris saum nws lub nrob qaum qab ntuj neeg cov txhaum

Txais:

Tus Vaj nto koob meej tuaj tag hais neeg zoo siab
Qhib lub rooj vag ua nws ntej tsa nej cov suab hu.

4-Nws yeej kev txhaum, kev tuag nws tau sawv rov los tiag
Nws yuav qhia peb rau txoj kev mus cuag ntuj lub Ceeb tsheej.

Txais:

Tus Vaj nto koob meej tuaj tag hais neeg zoo siab
Qhib lub rooj vag ua nws ntej tsa nej cov suab hu.


3/



Txoj kev thiab qhov tseeb, txoj sia
Phau ntawv liab, Fab Kis teb phab A64





1- Yes Xus hais tias: Kuv yog Txoj Kev
Uas taug tsis muaj xwm txheej,
yog txoj kev coj peb tus plig mus txog pem ntuj.

2- Yes Xus hais tias: Kuv yog qhov tseeb, yog lub chaw so,
yog qhov tseeb nyob ib txhid.
Thaum twg muaj txoj kev ntxhov siab,
peb yuav nrhiav qhov tseeb rau Tswv Ntuj.

3- Yes Xus hais tias: Kuv yog txoj sia
Leej twg kub siab ua raws Tswv Ntuj siab xav,
Leej twg coj nraim Tswv Ntuj lo lus.
Tab txawm tuag lawm, yeej yuav sawv rov qab los.

4- Txoj kev qhov tseev thiab txoj sia,
Yog Yes Xus uas tuag txhiv peb,
Yog txoj kev coj peb, mus nrog Leej txiv nyob mus ib txhid.

5- Txoj kev qhov tseeb thiab txoj sia,
Yog Yes Xus tus uas tuag txhiv peb
Yog txoj kev yuav ntxiv txoj sia tsim txiaj rau peb tus ntsuj tus plig

Txoj kev, qhov tseeb thiab txoj sia
Txoj kev, qhov tseeb thiab txoj sia

4/




Ua tsaug Yes Xus
Phau ntawv liab, Fab Kis teb phab A93




Ua tsaug, ua tsaug Yes Xus
Ua tsaug, ua tsaug Yes Xus
Ua tsaug, ua tsaug Yes Xus hauv peb siab
Ua tsaug, ua tsaug Yes Xus
Ua tsaug, ua tsaug Yes Xus
Ua tsaug, ua tsaug Yes Xus hauv peb siab



Last edited by Maiv Tooj on 14th October 2010, 10:29 am; edited 7 times in total




Sponsored content

Re: NKAUJ TEEV NTUJ TSHIAB

Post  Sponsored content Today at 3:08 pm

  • Post new topic

Current date/time is 10th December 2016, 3:08 pm