Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Xov Tooj Cua Zoo Tswv Zov Yaj Empty

Latest topics

» Cov zaj nyeem Hnub Chiv Xyoo A. 2019-2020
by Mim Yesterday at 1:47 pm

» COV ZAJ NYEEM NRUAB LIS PIAM XYOO A 2019-2020
by Mim Yesterday at 11:20 am

» NIAM MAB LIAB TSHWM SIM NYOB MEDJUGORJE
by Mim 21st January 2020, 6:28 pm

» Xov Tooj Cua Zoo Tswv Zov Yaj
by Maiv Tooj 17th January 2020, 6:32 am

» Nkauj teev Ntuj nyob hauv Youtube
by NrhiavTswvNtuj 16th January 2020, 9:20 am

» Dab phem tus hneev taw.
by Maiv Tooj 25th December 2019, 8:22 pm

» SAIB DUAB HMOOB QUB
by Maiv Tooj 25th December 2019, 7:01 am

» Merry Christmas, Joyeux Noël, Kaj Siab Yes Xus Yug...
by Maiv Tooj 24th December 2019, 6:37 pm

» Người Công Giáo H, Mông ở Điên Biên Hmoob Kav Tos liv (Catholic) nyob xeev Dien Bien cob tsib teb
by Tub Kawm 22nd December 2019, 2:47 am

» MOO QAIJ QAUG
by Maiv Tooj 2nd December 2019, 4:14 pm

» UA KOOB TSHEEJ YES XUS YUG LOS XYOO 2018
by Mim 30th November 2019, 4:28 am

» TP.Txhiaj Foom
by Maiv Tooj 22nd November 2019, 4:46 am

Suav neeg tuaj saib, txij hnub 17/09/2010 los mus.


    Xov Tooj Cua Zoo Tswv Zov Yaj

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Xov Tooj Cua Zoo Tswv Zov Yaj

    Post  Maiv Tooj on 11th July 2019, 4:38 am


    Daim 1.

    Xov Tooj Cua RVA Hmong 01/05/2019



    Zaum no, Xov tooj cua Zoo Tswv Zov Yaj sau tau ntau zaj zoo thiab muab kaw rau Youtube, kuv yuav maj mam tuaj tso kom tag cov uas lawv tso tawm. Muaj caij tuaj mloog; lawv txhai txog cov Leej Ntshiab lub neej, lawv tus qauv ua neej yuav pab txhawb peb txoj kev ntseeg mus rau qhov zoo.


    Last edited by Maiv Tooj on 11th July 2019, 4:44 am; edited 1 time in total



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 11th July 2019, 4:41 am


    Daim 2.
    Xov Tooj Cua RVA Hmong 02/05/2019



    Tshaj xo Zaj Nyeem Niaj Hnub,
    Vaj Qhia nthuav Tswv Ntuj lus,
    Qhia Ntuj Kev Cai txog Thaj txi Ntuj,
    hais txog Vaj huam sib luag raws phau ntawv Haiv Hmoob Liv Xwm,
    Ib tsab ntawv hais txog lub neej hauv tsev loj fab thiab dab neeg cov qos liab.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 22nd July 2019, 7:33 pm


    Daim 03
    Xov Tooj Cua RVA Hmong 03/05/2019





    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 22nd July 2019, 7:35 pm


    Daim 04
    Xov Tooj Cua RVA Hmong 04/05/2019


    Hnub no peb tshaj 8 zaj li nram no :
    1. Zaj Nyeem Niaj Hnub : Kev tso siab.
    2. Xov Xwm Thoob Ntuj : Muaj 37 tus neeg raug txim tua nyob As Las Npias Xaus Dis teb.
    3. Xyaum Hu Nkauj Teev Ntuj.
    4. Kawm Ntuj Kev Cai : Cov Plos Tes Taas thiab cov Kav Tos Liv.
    5. Koom Txoos Liv Xwm : Cov neeg ntseeg Ntuj tiam tim 1 ntu 2.
    6. Mloog Nkauj Ntseeg Ntuj Lom Zem.
    7. Neej Hmoob : Txam Xyooj cov lus paj lug.
    8. Paub Txog Cov Leej Ntshiab : Leej Ntshiab Kos Loos Npos.



    Last edited by Maiv Tooj on 22nd July 2019, 7:42 pm; edited 1 time in total



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 22nd July 2019, 7:36 pm


    Daim 05

    Xov Tooj Cua RVA Hmong 05/05/2019


    Hnub no peb tshaj cov zaj li nram no :
    1. Zaj Nyeem Niaj Hnub : Nyiam Tswv Ntuj.
    2. Xov Xwm Thoob Ntuj : Leej twg hais lus ntxhi xya moo txog lwm tus lub npe mas yuav raug nplua nyiaj.
    3. Xyaum Nkauj Teev Ntuj.
    4. Kawm Ntuj Kev Cai : Cov Plos Tes Taas thiab cov Kav Tos Liv 2.
    5. Koom Txoos Liv Xwm : Cov neeg ntseeg Ntuj tiam tim 1 ntu 3.
    6. Mloog Nkauj Ntseeg Ntuj.
    7. Neej Hmoob : Kab tshoob kev kos 1.
    8. Huab Tais Yes Xus Teej Qav Teej Num 1.



    Last edited by Maiv Tooj on 22nd July 2019, 7:41 pm; edited 1 time in total



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 22nd July 2019, 7:37 pm


    Daim 06

    Xov Tooj Cua RVA Hmong 06/05/2019


    Hnub no peb tshaj xo txog 8 zaj li nram no :
    1. Zaj Nyeem Niaj Hnub : Nrhiav Huab Tais Yes Xus.
    2. Xov Xwm Kav Tos Liv : Tsuj xeeb 50 xyoo xov tooj cua RVA.
    3. Xyaum Hu Nkauj Teev Ntuj.
    4. Kawm Ntuj Kev Cai : Kuv ntseeg tag ib puas tsav yam lub Koom Txoos qhia rau peb.
    5. Haiv Hmoob Liv Xwm : Hmoob Siav thiab Hmoob Nyoos.
    6. Mloog Nkauj Cav Txog Tswv Ntuj.
    7. Zaj Lus Txhawb Lub Neej : Cov poj niam thiab cov txiv lub neej.
    8. Dab Neeg : Kev hlub, nyiaj txiag thiab kev vam meej.



    Last edited by Maiv Tooj on 22nd July 2019, 7:41 pm; edited 1 time in total



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 22nd July 2019, 7:39 pm



    Daim 07

    Xov Tooj Cua RVA Hmong 07/05/2019


    Hnub no peb tshaj cov zaj li nram no :
    1. Zaj Nyeem Niaj Hnub : Cov mov muaj txoj sia.
    2. Xov Xwm Thoob Ntuj : Suav teb txhim kho lub ntuj ntsuab rau tsoom neeg.
    3. Xyaum Hu Nkauj Teev Ntuj.
    4. Kawm Ntuj Kev Cai : Kuv ntseeg tag ib puas tsav yam lub koom txoos qhia rau peb 2
    5. Haiv Hmoob Liv Xwm : Hmoob Siav keeb kwm.
    6. Mloog cov mkauj cav txog Tswv Ntuj.
    7. Zaj lus txhawb lub neej : Hais txog tshuaj nees.
    8. Dab Neeg : Tus me nyuam koj tsis yuav.




    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 15th October 2019, 3:21 pm

    Hnub tim 16 lub 10 hli hwm Leej Ntshiab Mas Kas Lis Tas
    #ZooTswvZovYaj #HmongCatholicMissionCenter #KavTosLiv

    https://www.facebook.com/713954718733668/posts/2353168798145577/



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 16th October 2019, 1:49 am


    Hnub tim 16 lub 10 hli hwm Leej Ntshiab Is Nas Xyus tus siv lo lus 'Catholic' hais txog cov ntseeg Ntuj thoob qab ntuj.
    #Saint #LeejNtshiab #ZooTswvZovYaj #KavTosLiv

    https://www.facebook.com/713954718733668/posts/2353725831423207/



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 18th October 2019, 6:05 am

    Thursday, October 17, 2019

    Tim 18 lub 10 hli, hwm Leej Ntshiab Lus Kas tus sau ntawv Moo Zoo.
    Lus Kas yog haiv neeg Hes Las, yug los nyob hauv lub nroog As Nthias Kias, nyob Xis Lias teb. Nws yog ib tug kws kho mob thiab muaj peev xwm heev. Lus Kas yog ib tug nyob hauv thawj pab neeg tig los yuav lub siab tshiab, thiab nws tau nrog Leej Ntshiab Paj Lug mus tshaj lub Moo Zoo nyob ntau qhov chaw. Nws tau so ib ntus thaum lub caij lawv muab Paj Lus ntes rau txim nyob Xis Xas Lias thiab nyob Los Mas. Nws yog tus sau phau ntawv Lus Kas ntawv Moo Zoo, yog phau tim peb.
    Xyoo 65 txog 66, Lus Kas sau phau ntawv piav txog lub Koom Txoos pib ri mus txog ntau haiv neeg, yog phau ntawv hu ua “Cov Hauv Paus Xa Lus Tej Hauj Lwm.”
    Nyob hauv cov xyoo 70 txog 80, Lus Kas sau nws phau ntawv hu ua “Lus Kas Ntawv Moo Zoo.” Nws xub sau hais txog Ntxas Kas Lias lub keeb nyob hauv ntawv Moo Zoo. Nws piav txog Yes Xus txoj kev ua Leej Choj. Piav txog Yes Xus ua hwj huam yees ntxwv.
    Lus Kas nyiam piav Yes Xus cov dej num hlub neeg, zam txhaum rau cov poj niam thiab rau cov txiv neej.
    Tas txhua yam nws piav raws li nws lub qhov muag pom.
    Nyob rau lub zim txwv no, lub Koom Txoos tsa nws ua Leej Ntshiab Lus Kas pov hwm cov kws kho mob.

    https://m.facebook.com/story.php?story_fbid=2355253374603786&id=713954718733668



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 18th October 2019, 12:54 pm


    Hnub tim 19 lub 10 hli hwm Leej Ntshiab His Xas Has Yos Kus Es. Nws yog leej twg thiab ua hauj lwm dab tsi rau Tswv Ntuj?
    Caw sawv daws mloog thiab nyeem tau nyob hauv : http://dhmong.rveritas-asia.org/leej-ntshiabneeg-nto-npe
    #Saint #LeejNtshiab #IsaccJogues #ZooTswvZovYaj #HmongCatholicMissionCenter #KavTosLiv #NtseegNtuj

    https://www.facebook.com/713954718733668/posts/2357112394417884/



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 20th October 2019, 9:51 pm

    TSO TSEG KEV QUAB YUAM POJ NIAM

    Daim duab piav txog kev txuag poj niam
    Monday, October 21, 2019
    Hnub tim 20 lub 8 hli xyoo 2019 no, tus Tswv Qhia Liab nyob hauv lub nroog Pes Nplas (Puebla), nyob Mev Xis Kos tau hais txog kev quab yuam cov poj niam. Tswv Qhia hais tias : “Tsim nyog sawv daws yuav tawm los tiv thaiv thiab tso tseg tau lawm. Cov poj niam tsis tsim nyog poob hauv txoj kev quab yuam mos deev, tua pov tseg, quab yuam ua hauj lwm hnyav thiab lwm yam uas tsis tsim nyog rau cov poj niam. Txiv, thiaj thov kom sawv daws muab kev koom tes tiv thaiv thiab daws cov teeb meem no. Thov kom sawv daws ua siab ntev thiab muab siab rau txuag tej yam ntshiab huv uas tsim nyog yuav tiv thaiv. Txiv thiaj xav kom sawv daws tso tseg txoj kev quab yuam cov poj niam thiab txhua tus tib neeg.” Hais txog cov teeb meem quab yuam cov poj niam, mas pom tshwm sim ua ntu zus los mus. Cov poj niam nyob Mev Xis Kos teb tuaj sib sau ua ke coob coob, mas yog ib zaug kev sib sau loj kawg, vim cov poj niam sib sau taij kom sawv daws tso tseg thiab sib pab tiv thaiv kev quab yuam saib tsis taus cov poj niam thiab kom hwm cov poj niam. Lub rooj ntawv xov xwm nyob Mev Xis Kos teb tshaj tias : nyob hauv ib hnub, mas muaj cov poj niam raug tua pov tseg li 3 leeg thiab 49 leeg raug quab yuam ua dev ua npua, ces yog ib yam teeb meem txaus txhawj kawg. Nyob hauv 6 lub hlis xyoo no, twb muaj cov poj niam raug tua lawm 470 leej. Muaj 111 leeg yog raug phom tua tuag, 99 leeg yog raug xuas riam nkaug, 261 leeg yog raug lwm yam tuag. Nyob hauv ib lub hlis twg, mas muaj 1,530 tus poj niam raug neeg mos deev. Muab xam los mas nyob hauv ib hnub, yuav tsum muaj 50 tus poj niam raug mos deev. Vim li ntawd, thiaj muaj 2 tug Tswv Qhia nyob Mev Xis Kos teb tawm los nqua hu kom sawv daws pab tiv thaiv txuag cov poj niam thiab tso tseg txoj kev quab yuam cov poj niam. Lub nroog Pes Nplas (Puebla), yog lub nroog loj thiab muaj cov neeg ntseeg Kav Tos Liv uas lawv txoj kev ntseeg ruaj khov kawg nyob hauv lub Cheeb Koom Txoos. Nyob nrug deb ntawm lub nroog Mev Xis Kos toob fab naj li 100 km.

    Xov Tooj Cua Zoo Tswv Zov Yaj Daawno10



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 20th October 2019, 11:17 pm

    5 LUB TEB CHAWS UAS MUAJ COV NEEG NTSEEG COOB TSHAJ
    Xov Tooj Cua Zoo Tswv Zov Yaj 5_lub_10


    Monday, October 21, 2019
    30 tawm xyoo dhau los, cov teb chaws nyob hauv xeev ntuj As Mes Lis Kas muaj cov neeg ntseeg coob tshaj plaws. Nyob hauv xeev ntuj no, muaj 2 lub teb chaws uas muaj cov neeg ntseeg txais lub Cim Ntxuav coob tshaj, yog lub teb chaws Nplas Xis thiab Mev Xis Kos. (1) Nplas Xis teb, muaj cov neeg ntseeg Kav Tos Liv 170 plhom leej, piv li yog 64 feem pua ntawm tsoom pej xeem Nplas Xis huv si. Nplas Xis teb yog thawj lub teb chaws uas Vaj Qhia Fas Ntshis Kus mus tsham xyuas nyob hauv xyoo 2013, hauv lub nroog Ntsas Nes Los. Yog ib hnub ntawm tsoom tub ntxhais hluas nyob thoob ntiaj teb, thiab yog ib zaug uas muaj neeg tuaj sib sau coob tshaj plaws li ntawm 3 plhom leej. (2) Mev Xis Kos teb, muaj cov neeg ntseeg Kav Tos Liv li ntawm 111 plhom leej, yog 77 feem pua ntawm tas tsoom pej xeem Mev Xis Kos. 3 xyoos tag los lawd, Vaj Qhia Fas Ntshis Kus kuj tau mus tsham Mev Xis Kos teb thiab nws tau ntsib ntau plhom tus neeg ntseeg. (3) Lub teb chaws uas muaj cov neeg ntseeg coob tim 3, yog lub teb chaws Fis Lis Pees. Tam sim no Fis Lis Pees teb yog lub teb chaws muaj cov neeg ntseeg Kav Tos Liv coob tshaj nyob As Xias teb. Xyoo 2015, Vaj Qhia Fas Ntshis Kus tau mus tsham Fis Lis Pees teb, muaj tsoom pej xeem Fis Lis Pees tuaj tos txais Vaj Qhia ncuav ntws lom zem xauv npo. Fis Lis Pees teb kuj yog ib lub teb chaws uas muab tsoom neeg ntseeg suav los sau pua, mas yog lub teb chaws cov neeg ntseeg coob tshaj, xws li 81 feem pua ntawm tas tsoom pej xeem Fis Lis Pees. (4) As Mes Lis Kas yog ib lub teb chaws uas muaj tsoom pej xeem yuav luag txog 300 plhom leej. Muaj tsoom pej xeem uas yog cov neeg ntseeg Kav Tos Liv li ntawm 55 plhom leej, feem coob yog roj ntsha Xyis Pas Yas (Spain) thiab Pos Tws Nkas (Portugal). Dua li lwm cov, mas yog cov neeg thoj nam tej xeeb leej xeeb ntxwv, xws li cov neeg Ais Lis thiab neeg Is Tas Lias. (5) Is Tas Lias yog lub teb chaws muaj cov neeg ntseeg coob tim 5 nyob thoob ntiaj teb. Thiab yog ib lub teb chaws nyob hauv xeev ntuj Aws Los Pas uas muaj cov neeg ntseeg coob tshaj. Muaj 50 plhom tus neeg ntseeg uas tau txais lub Cim Ntxuav. Cov neeg ntseeg yog 80 feem pua ntawm tas tsoom pej xeem Is Tas Lias. Cov teb chaws thiab cov neeg ntseeg uas peb hais los no, yog muab hais saum feem pua, mas lub tuam ceeb Vas Tis Kas yog lub nroog muaj cov neeg ntseeg coob tshaj plaws. Vim tas cov neeg nyob hauv lub nroog Vas Tis Kav puav leej yog neeg ntseeg Kav Tos Liv txhua tus.


    Last edited by Maiv Tooj on 21st October 2019, 10:25 pm; edited 2 times in total



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 21st October 2019, 6:30 pm

    VAJ QHIA FOOM HMOOV ZOO RAU 6,000 TXOJ SAW MAB LIAB NYOB XIS LIAS TEB

    Xov Tooj Cua Zoo Tswv Zov Yaj 74578810


    Vaj Qhia Fas Ntshis Kus.
    Daim duab no thaum los ntawm : https://www.catholicvirginian.org
    Tuesday, October 22, 2019
    Ua ntej yuav thov Ntuj, Ntuj tus Tshiab xa lus tias : hmo Huab Tais Yes Xus yug los, Niam Mab Liab tau txais txiaj ntsim nce mus saum ntuj tsis hais lub cev los yog tus ntsuj plig. Vaj Qhia Fas Ntshis Kus tau hais ib co lus ua kev tu siab txog 200 tus neeg Is Ntias uas lawv tuag los ntawm khaub lig cua. Vaj Qhia hais tias : “Txiv thov Ntuj rau cov neeg tuag, rau cov neeg khiav ua neeg thoj nam, rau cov yim neeg uas tsis muaj vaj tsev nyob. Thov Tswv Ntuj pub lub zog pab txhawb lawv thiab pab txhawb cov neeg uas mus cawm cov raug xwv txheej.”

    Vaj Qhia kuj nco txog tsoom pej xeem Xis Lias uas lawv raug xwv txheej sib ntaus sib tua, lawv lub teb chaws muaj tsov rog yam tsis tu ncua. Vaj Qhia hais tias : “Txiv thov kom nej sawv daws nrog Txiv koom siab tam sim no, Txiv tab tom thov Ntuj foom hmoov zoo rau ntau txhiab txoj saw Mab Liab, kom tau coj mus faib rau peb cov neeg ntseeg nyob Xis Lias teb. ‘Yog lub Koom Haum pab cov neeg txom nyem ntawm lub Koom Txoos, lawv tau muab 6,000 txoj saw Mab Liab uas yog cov Leej Phauj Khas Mes Lais ua nyob Npes Les Hes. Peb hais zaj saw Mab Liab kom tau pab daws teeb meem kev kub ntxhov nyob As Xias Nras thiab nyob thoob ntiaj teb. Vaj Qhia rov nco txog hmo Yes Xus yug los. Nco txog Niam Mab Liab tau txais txiaj ntsim nce mus saum ntuj tsis hais lub cev los yog ntsuj plig.” Vaj Qhia taw lub ntsiab mus rau Niam Mab Liab txoj kev xaiv Tswv Ntuj, nws tsis xaiv lub neej nplua nuj lom zem ib me ntsis xwb ploj mus lawm, vim tej yam ntawd tsis paub puv neeg lub siab. Vaj Qhia hais tias : “Nyob hauv peb lub neej, peb yuav tsum txawj xaiv tias yam twg yog yam muaj nqis thiab tseem ceeb rau peb. Li ntawd, mas Niam Mab Liab yuav tsum plam tej yam me me, tej yam uas neeg lub siab ntshaw mus. Niam Mab Liab ua li ntawd, kom tau qhia peb tias : qhov yuav ua kom peb lub neej muaj nqis, yog Tswv Ntuj. Vim Tswv Ntuj tib leeg thiaj yog qhov muaj nqis thiab tseem ceeb rau peb, ces peb yuav tsum xaiv Tswv Ntuj uas yog qhov tseem ceeb thiab muaj nqis tshaj. Peb txhob tso peb lub siab qaug rau tej yam me me nyob ntiaj teb no uas tsis muaj nuj nqis dab tsi. Xws li kev xam khib, kev cib nyeej, kev sib txeeb ua tus loj, sib txeeb yam zoo, sib txeeb tej yam uas tsis tsim nyog, los sis tej yam toob xib uas peb nkim dag ua si.

    Lub caij no Vaj Qhia kheev kheev siv sij hawm so nyob hauv tsev li 2-3 hnub nyob hauv lub vaj loog Nkas Dos Fos (Gandalfol), vim nyob ntawd txias dua nyob Los Mas. Txawm li cas kuj xij, Vaj Qhia yeej yuav tsum nyob txawm hauv lub tuam ceeb Vas Tis Kas mus li. Nyob Vas Tis Kas nruab hnub tshav ntuj kub heev, tej kev tsheb twb yuav luag tsis muaj neeg taug.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 23rd October 2019, 5:15 pm

    LEEJ NTSHIAB AS TOS NIS MAB LIAB NKAS LES (St. Anthony Mary Claret)

    Xov Tooj Cua Zoo Tswv Zov Yaj Index10

    leej ntshiab as tos nis mab liab nkas les
    Thursday, October 24, 2019
    Hnub tim 24 lub 10 hli hwm Leej Ntshiab As Tos Nis Mab Liab Nkas Les

    As Tos Nis yug hnub tim 23 lub 12 hlis xyoo 1807 hauv Kas Tas Los Nias, Xyiv Pas Yas teb, nws yug hauv yim neeg ntos ntaub. Tom qab Fas Ntshis Kus Nkos Kis Tas thiaj coj nws mus kawm ntawv thiab txais Cim Tiag Tes ua Leej Choj rau hnub tim 13 lub 6 hli xyoo 1835.

    Leej Choj As Tos Nis tau mus tshaj Ntuj Lus rau cov neeg txom nyem hauv thaj tsam Kas Tas Los Nias thiab lub pov txwv Kas Nas Lis thiab tsim tsa koom haum Leej Choj CMF los yog Nkas Les Tias (Claretian).

    Hnub tim 20 lub 5 hlis xyoo 1850, As Tos Nis raug xaiv tsa ua Tswv Qhia saib xyuas Xas Tis Es Kos Des Kus Npas. Nws thiaj rov tsa ib pawg Leej Phauj ntxiv.

    Hnub tim 24 lub 10 hli xyoo 1870 Tswv Qhia As Tos Nis thiaj tas sim neej. Tswv Qhia As Tos Nis Mab Liab Nkas Les yog ib tus Leej Choj hwm lub Cim Yug thiab hwm niam Mab Liab lub siab ntshiab zoo tshaj lwm tus.

    Niaj hnub no lub Koom Txoos tsa nws ua Leej Ntshiab thiab pov hwm xov xwm Kav Tos Liv thiab cov tub ntos ntaub.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 24th October 2019, 5:03 pm

    COV TUB TSHAJ LUB MOO ZOO TSIS TXHOB CUAM TSHUAM TSWV NTUJ LUB TSWV YIM
    Vaj Qhia Fas Ntshis Kus.
    Vaj Qhia Fas Ntshis Kus ntsib tsoom ntseeg nyob hauv lub tuam tsev teev Ntuj hwm Leej Ntshiab Pob Zeb.
    Thursday, October 24, 2019
    Vaj Qhia Fas Ntshis Kus cov lus hauv hnub tim 16 lub 10 hli tas lo no yog nthuav txog Leej Ntshiab Pob Zeb thaum nws pom daim ntaub pua rooj muaj cov tsiaj thiab cov noog nyob saud, tiab nws hnov ib lub suab hais kom nws noj cov tsiaj ntawd. Pob Zeb hais tias nws tsis noj cov tsiaj tsis huv, tab sis lub suab hais rau nws tias : Tej yam uas Tswv Ntuj ua kom huv, mas koj tsis txhob hais tias tsis huv.

    Vaj Qhia nthuav tias Huab Tais Ntuj xav kom Pob Zeb txhob txiav txim tias yam twg los tus neeg twg huv los tsis huv, tab sis yog kom ntsia txog tus neeg ntawd lub siab. Zaj no Huab Tais Yes Xus tab tom qhia peb sawv daws tias : Yam ua kom tib neeg tsis huv mas tsis yog tuaj sab nraud tuaj, tab sis yog tawm hauv neeg lub siab los.

    Tom qab Pob Zeb pom qhov no tas, Tswv Ntuj tau xa nws mus rau tus xab txheeb Los Mas hu ua Kos Nes Lias tsev. Pob Zeb piav txog Leej Pleev thiab kev daws txhaum rau sawv daws mloog, Kos Nes Lias thiab nws tsev neeg thiaj txais Cim Ntxuav nyob hauv Leej Pleev lub npe.

    Thaum Pob Zeb ua Cim Ntxuav rau cov neeg teev pej kum dab li no, mas tsoom ntseeg hauv Yes Lus Xas Les sawv daws hais lus tsis zoo txog Pob Zeb vim qhov Pob Zeb ua mas tawm tsam lawv txoj cai. Tab sis tom qab Pob Zeb tshaj Tswv Ntuj Lus rau Kos Nes Lias lawm, mas Pob Zeb tau txais kev twj lij nyob hauv nws tus kheej thiab tau kev twj lij nyob hauv kev txuas lus nrog Tswv Ntuj thiab nrog lwm tus, vim Pob Zeb tau pom Tswv Ntuj lub tswv yim nyob hauv Leej Ntuj Plig Ntshiab txoj hauj lwm.

    Vaj Qhia hais tias qhov xwm no tau hloov Pob Zeb lub neej thiab lub ntsaim muag tias Tswv Ntuj txoj kev zes nws no tau hloov nws lub siab. Pob Zeb txheej xeeb tau tias Tswv Ntuj xaiv haiv neeg His Xas Lais ua Tswv Ntuj haiv neeg tsis yog vim lawv yog neeg zoo tab sis yog lub cim qhia tias lawv yog qhov nruab nrab xa Ntuj txiaj ntsim mus rau neeg ntseeg pej kum dab.

    Vaj Qhia Fas Ntshis Kus haiv ntxiv tias Pob Zeb zaj no qhia peb tias cov tub tshaj Ntuj Lus tsis muaj cuab kav cuam tshuam Tswv Ntuj lub tswv yim pab cawm neeg tau.

    Vaj Qhia hais tias cov ntseeg sawv daws yuav tsum qhib nws tus kheej rau txoj kev cawm neeg, vim Tswv Ntuj xav cawm sawv daws. Lawv raug hu kom tawm hauv lawv los thiab qhib lawv tos txais lwm tus uas nyob ze lawv. Hloov kev sib raug zoo los nyob rau hauv kev ua kwv ua tij.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 24th October 2019, 5:09 pm

    LUB KOOM TXOOS KAV TOS LIV NYOB ZIS PEES TEB NPAJ TOS TXAIS VAJ QHIA FAS NTSHIS KUS
    Vaj Qhia Fas Ntshis Kus.
    (Daim duab no thau lo ntawm : www.ucanews.com)
    Friday, October 25, 2019
    Vaj Qhia Fas Ntshis Kus npaj mus tsham Zis Pees teb rau hnub tim 23 – 26 lub 11 hlis xyoo no. Zaum no yog zaum 2 uas ib tug Vaj Qhia ntawm Vas Tis Kas yuav mus tsham Zis Pees teb. Thawj tug Vaj Qhia uas mus tsham Zis Pees teb, yog Vaj Qhia Zam Paj Lug Ob, xyoo 1981. Lub hom phiaj ntawm kev mus tsham Zis Pees teb zaum no, yog kev sib hwm thiab saib txhua tus neeg muaj nqis. Yog ib lo lus los ntawm kev thov Ntuj sib koom siab xyoo 2015. Vaj Qhia Fas Ntshis Kus yuav mus tsham lub toj ntxas cov tim khawv Zis Pees thiab lub vaj lom zem ua ntej yuav ua thaj txi Ntuj rau hnub tim 24 lub 11 hlis. Tom qab ua thaj txi Ntuj tas, mas yuav mus tsham lub nroog His Los Sib Mas thiab lub tuam ceeb Tos Kis Yaus. Vaj Qhia yuav ua thaj txi Ntuj nyob hauv ib lub tuam tsev uas ntim tau 42,000 tus neeg. Vaj Qhia yuas ntsib coob leej neeg, yam li cov neeg raug Nus Khias (Nuclear Bomb), cov raug Xws Nas Mib, cov tub kawm ntawv, cov tub ntxhais hluas thiab cov tseem hwv Zis Pees.

    Chiv keeb lub Koom Txoos nyob Zis Pees teb.

    Lub Koom Txoos Kav Tos Liv pib muaj nyob Zis Pees teb yogh hnub tim 15 lub 8 hli xyoo 1549, yog thaum Leej Ntshiab Fas Ntshis As Xis Xis uas zwm rau lub Koom Haum Yes Xus Is tau tuaj txog lub nroog Khos Kas Sib Mas, thiab nws nyob ntawd tau 2 xyoos ntau. Ces nws tsim ntau yam nyob ntawd, thiaj pib muaj nws tej phooj ywg thiab muaj cov neeg ntseeg tuaj. Lub Koom Haum los yog pab Txiv Plig Yes Xus Is, yog raug xaiv los ua tus sawv cev pab saib xyuas txhua yam hauj lwm, yam li qhia kev ntseeg, teev Ntuj ua ke, saib xyuas cov neeg pluag txom nyem thiab cov neeg muaj mob. Tom qab uas cov Txiv Plig nyob hauv lub Koom Haum Yes Xus Is raug tua tuag thiab raug ntiab tawm teb chaws, mas tshuav cov txwj laus tuav txoj kev ntseeg mus txog thaum Zis Pees teb nyob thaj yeeb thiab tsis raug quab yuam. Xyoo 1587, Hais Des Yos Sis uas yog tus kav Zis Pees teb lub caij ntawd, tau muaj txoj cai txwv tsis pub cov neeg ntseeg nyob Zis Pees teb nrog lwm cov tub tshaj Ntuj Lus nyob Aws Los Pas sib fim. Hnub tim 5 lub 2 hlis xyoo 1597, cov tseem hwv Zis Pees tau hiam cov neeg ntseeg thiab muab 26 tus neeg ntseeg tua ntsia nyob saum ntoo cuam.

    Xyoo 1693, tseem hwv Zis Pees kaw teb chaws thiab hiam cov neeg ntseeg nruj nruj. Thaum ntawd nyob Zis Pees teb twb muaj cov neeg ntseeg 300 txhiab leej lawm.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 25th October 2019, 11:27 am

    TXOJ HAUV KEV

    Friday, October 18, 2019
    Peb ua neeg nyob nyias muaj nyias txoj hau kev taug, vim li ntawd peb thiaj hais kam tias : kev ua lub neej zoo yam li yus tab tom taug kev. Pib txij li thaum yus yug los mus txog hnub yus laus tuag thiab ncaim lub ntiaj teb no mus lawm. Kev ua lag luam thauj toob xib mus los, nws kuj muaj ntau txoj kev. Yam li nruab deg, nruab nqhuab thiab nruab ntug. Txhua yam uas txawj khiav thiab txawj nkag nyob ntawm kev tsheb, tsis hais nruab hnub hmo ntuj zoo li tsis muaj caij so. Lub ntiaj teb yog kiv ncig lub hnub, ces txhua tsav puas yam nrog rau tej tsiaj txhu kuj puav leej tig raws ib yam li lub ntiaj teb. Hauv peb lub siab lub ntsws kuj dhia tas zog tsis nres, yog vim peb muaj kev xav thiab kev paub. Kev xyaum thiab kev tswj yus lub siab kom nyob tus, txhob xav txog yam ub yam no, mas yog tej yam khi yus lub siab ntshaw xwb. Qhov tseem ceeb tiag ntawm txoj kev tswj hwm yus lub siab, mas yog Tswv Ntuj. Tswv Ntuj thiab tej yam ntshiab huv nyob saum ntuj, mas yog tej yam uas neeg hwm thiab hawm txog nyob txheej ntuj saud.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 25th October 2019, 11:28 am

    TSIS SIB LUAG

    Friday, October 25, 2019
    Cov me nyuam uas yug nyob Nos Zaws teb (Noway), zim txwv no pom tau tias lawv lub hnub nyoog yuav nyob txog 82 xyoos. Lawv tau txais kev kawm txawm 18 xyoo. Yog yuav muab piv rau cov me nyuam nyob Nis Zes Lias (Nigeria), mas sib txawv ntau heev. Vim cov me nyuam nyob Nis Zes Lias lawv lub hnub nyoog yuav nyob txog 60 xyoo, thiab lawv tau kawm ntawv 5 xyoos xwb. Nod yog yam txawv txav kawg nkaus nyob hauv lub ntiaj teb yav qab teb thiab qaum teb. Yog kev soj ntsuam 189 lub teb chaws ntawm lub Leej Haum Kuj hais txog kev noj qab haus huv, kev kawm ntaub ntawv thiab nyiaj txiag. Cov teb chaws nyob qab teb xws li Nis Zes Lias, As Mes Lis Kas Nrab, Xus Das Naj, Tsas (Chad) thiab Npus Lus Ntis teb (Burundi). Raws li lub Leej Haum Kuj kev soj ntsuam, mas pom tias lub teb chaws Ais Lis (Iceland) yog lub teb chaws vam meej fab kev txhim kho tib neeg tshaj plaws. Hos hais txog cov teb chaws uas tab tom muaj tsov rog thiab ntsib kev kub ntxhov, ua rau tsoom pej xeem txom nyem fab kev txhim kho neeg, xws li yog Lis Npias teb, Xis Lias teb thiab Yes Mees teb. Kev muaj vaj huam tsis sib luag no, ri mus dav zuj zus yam tsis tu ncua. Ntau lub teb chaws cov poj niam tsis muaj kev khwv nyiaj thiab kev kawm ntaub ntawv kuj tsawg dua cov txiv neej lawm 6 feem pua.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 25th October 2019, 11:29 am

    TEEB MEEM THIAB KEV NYUAJ SIAB

    Friday, October 25, 2019
    Teeb meem thiab kev nyuab siab muaj nyob hauv peb txhua leej txhua tus tsis hais cov nkawm niam txiv kuj muaj tas mus li. Vim li cas muaj qee leej thiaj ntsib teeb meem kev nyuaj tas mus li, ua rau lub neej tsis vam meej thiab thaub qab, zoo li muaj ib tug dab txhob txwm ua kom ntsib teeb meem tas mus li thiab lub neej poob qib zuj zus. Muaj qee leej tau ntsib teeb meem kub ntxhov hauv lub neej ntau zaus thiab ua dab tsi los tsis tiav, txhua yam nws ntsib ua kom nws paub meej thiab to taub txog teeb meem kev kub ntxhov, ces yog ib txog kev qhia kom nws lub hom phiaj tiav kuj muaj. Nws sib txawv li cas hais txog ib tug neeg lub neej mus tsis tau thiab lwm tus neeg lub neej mus tau zoo thiab mus tau deb. Peb sawv daws yeej ntsib teeb meem kev nyuab siab ib yam. Li ntawd, peb yuav rov los soj ntsuam nyob hauv 4 yam no seb peb yog nyob rau nqe lus twg. (1) Tsis muaj kev nyuab siab, tsis muaj teeb meem kub ntxhov dab tsi. (2) Tsis khuam siab dab tsi, tab sis muaj teeb meem. (3) muaj teeb meem, muaj kev nyuab siab. (4) Tsis muaj teeb meem, tab sis muaj kev nyuab siab. (1) Tsis muaj kev nyuab siab, tsis muaj teeb meem kub ntxhov. Neeg feem coob xav kom tau nyob hauv nqe ib no xwb, vim ua rau yus nyob tau yam kaj siab lug tsis kub ntxhov dab tsi. Yuav ua dab tsi los kaj siab lug thiab ua mus tau zoo. Ua dab tsi los ua tiav yam yus tsis khwv tsis sab hlo li. Ib yam li tej laus hais tias : xav dab tsi tau dab tsi, ua yam twg los ua tau yam ntawd. Nqe 1 no neeg kheev kheev ntsia tsis pom thiab hla dhau mus, vim sawv daws xav tias yog ib yam xwm yeem uas niaj hnub pom xwb. (2) Tsis muaj kev khuam siab dab tsi, tab sis muaj teeb meem. Cov neeg nyob hauv nqe no, kheev kheev tsim teeb meem kub ntxhov thiab daws teeb meem tas mus li. Nws nyiam ua kom tej yam me me rais los ua teeb meem loj, yam twg nws xav, mas nws muab los ua teeb meem. Niaj hnub nws xav txog tej yam qub qub tag los, thiab muab rov los hais kom sawv ua teeb meem, ces nyob hauv nws lub neej zoo li daws teeb meem nkaus xwb. (3) Muaj teeb meem thiab muaj kev nyuab siab. Peb ua neeg nyob hauv lub ntiaj teb no, tsis hais poj niam los txiv neej, hnub nyoog ntau thiab tsawg, haiv neeg dab tsi kuj xij, txhua tus yeej muaj teeb meem thiab tau ntsib dua kev nyuab siab los lawm. Txhua yam kev nyuab siab thiab teeb meem uas peb tau ntsib nws sib txawv, ces ua kom neeg sib txawv thiab vim nyias muaj nyias kev xav. Thaum yus ntsib teeb meem thawj zaug, mas yus kheev kheev muab coj los xyaw yus txoj kev xav. Vim yus xav tias yam teeb meem yus ntsib yog ib qho tav yus txoj kev xav zoo zoo, ua kom yus ntaus siab yau thiab tsis muaj siab ua yam yus xav kom tiav raws lub hom phiaj. Qee leej siv sij hawm nyob ntau ntau nrog txhua yam teeb meem, qee leej kuj siv sij hawm tsawg nyob nrog tej teeb meem uas tshwm sim, vim nws tab tom daws yam teeb meem ntawd. (4) Tsis muaj teeb meem, tab sis muaj kev nyuab siab. Cov neeg uas nyob rau nqe lus no, nws muaj 2 lub ntsiab lus. Thawj lub ntsiab lus yog nws tsis muaj teeb meem dab tsi, tab sis nws txhob txwm ua li tus neeg ntsib teeb meem muaj kev nyuab siab. Tej yam kev xav me me uas nws zam dhau, tab sis nws muab coj los ua teeb meem loj nyob hauv nws lub neej. Lub ntsiab lus 2, tsis muaj teeb meem, yog nws muaj cuab kav daws teeb meem. Txawm nws ntsib teeb meem li cas, tsis kav nws muaj peev xwm daws. Ces yam teeb meem nws daws ntawd ua kev nyuab siab ntxhov rau nws. Nws yim daws yim ntxhov, yim xav yim tsaus ntuj. Txhais tias tsaus ntuj nti ntsia tsis pom qhov twg. Yog tias thaum yus ntsib teeb meem thiab yus txawj daws, mas yus yuav ua neeg nyob hauv nqe ib thiab yus kaj siab lug. Ntsib teeb meem dab tsi, yus tseem xav tias puas muaj tej yam teeb meem loj dua no. Vim yus lub siab npaj txhij yuav daws txhua yam teeb meem thiab kev nyuab siab.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 27th October 2019, 5:21 pm

    Leej Ntshiab/Neeg Nto Npe

    LEEJ NTSHIAB XIS MOOS THIAB YUS DAS
    October 28, 2019
    Hnub tim 28 lub 10 hli, hwm Leej Ntshiab Xis Moos thiab Leej Ntshiab Yus Das uas yog Yes Xus Thwj Tim.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 28th October 2019, 8:39 pm

    TXOJ SIA YOG KEV TSHAJ NTUJ LUS THIAB YOG NTUJ TXIAJ NTSIM

    (Daim duab no thau los ntawm : www.vaticannews.va/en)
    Tuesday, October 29, 2019
    Hnub tim 20 tas los no yog hnub chiv lis piam kawg hauv lub 10 hli, yog ‘Hnub Tshaj Ntuj Lus Thoob Qab Ntuj’; yog Vaj Qhia Pis Us tim 11 tsa rau xyoo 1926

    Nyob hauv thaj Txi Ntuj hnub no, Vaj Qhia Fas Ntshis Kus thiaj muab peb lo lus hauv ntawv Moo Zoo los nthuav ntuas sawv daws. Peb lo lus no yog : roob, nce roob, thiab sawv daws

    Lo ‘Roob’ tshwm nyob hauv zaj nyeem hauv phau ntaws His Xais thiab hauv ntawv Moo Zoo tom qab Huab Tais Yes Xus sawv rov los. Roob yog thaj tsam Tswv Ntuj tshwm rau tib neeg pom.

    Nyob hauv Ntawv Ntshiab hais txog ‘Roob’ ntau zaus : xws li roob Xis Nais thiab roob Nkas Mes. Huab Tais Yes Xus qhia tsoom sid saud roob, Huab Tais Yes Xus yees tawm rau Pob Zeb lawv pom nyob saum roob, Huab Tais Yes Xus raug ntxia ntoo cuam saud roob Kos Las Kos Tas thiab Huab Tais Yes Xus nce saum ntuj ntawm roob Txiv Ntoo Roj. Yog li Vaj Qhia thiaj hais tias roob yog qhov chaw Huab Tais Yes Xus tau nce mus thov Ntuj kom sau ntiaj teb thiab Ntuj los ua ke, thiab sau sawv daws mus cuag Leej Txiv.

    Roob yog qhov qhia tias peb nyob ze Tswv Ntuj thiab ze lwm tus. Peb siv qhov ntsiag to saum roob los thov Ntuj, tsiv nraim kev hais lus hnyo ntawm lwm tus. Peb yuav ntsia pom qhov txawv dua thaum peb nyob hauv chaw qis ntsia. Roob sau Tswv Ntuj thiab tib neeg los sib cuag nyob hauv kev teev Ntuj. Roob rub peb tawm hauv qhov txhaum mus nrhiav Tswv Ntuj thiab peb cov kwv tij.

    Vaj Qhia hais ntxiv tias txoj hauj lwm tshaj Ntuj Lus pib saum roob.

    Txuas ntxiv Vaj Qhia ho hais txog lo lus ‘Nce Roob’ tias “Peb tsis yog yug los nyob chaw qis, pe yug los yog kom mus nyob chaw siab; nyob ntawd peb yuav ntsib Tswv Ntuj thiab peb cov kwv tij. Yog li peb thiaj yuav tsum nce roob mus. Peb yuav tawm tsam lub ntiaj teb kev rub kev kuav peb cia, peb yuav tsum siv zog thiaj nce mus tau.”

    Peb yuav ua cas ntiaj teb lub zog rub peb cia ntawd thiaj kuav peb tsis tau? Vaj Qhia teb tias “Peb yuav tsum tso tej yam tsis tseem ceeb tseg, mas peb lub cev thiaj yuav sib; peb thiaj tsis raug ntiaj teb rub tau.”

    “Nyob hauv kev tsob hwb lwm tus, mas yuav tsum tso yam ua rau yus tag siab pov tseg.” Vaj Qhia hais.

    Vaj Qhia rov nug tias peb yuav nce roob tau li cas? Peb yuav tso tej cuab tam tsis muaj qab hau hauv ntiaj teb no tseg; tig mus nce Tswv Ntuj lub roob puas tau?

    Roob yog qhov ua rau peb feeb txog yam tseem ceeb, nce roob qhia peb tias yuav nce li cas. Lo lus peb yog lo lus tseem ceeb tshaj, yog lo ‘Sawv Daws’.

    His Xais hais txog sawv daws nyob hauv nkauj paj nruag; Paj Lug sau tias Tswv Ntuj xav cawm sawv daws kom dim; Huab Tais Yes Xus hais tias nej mus tshaj rau sawv daws. Tswv Ntuj paub tias peb nyiam lo lus ‘Kuv li’ thiab ‘Peb li’; tab sis Tswv Ntuj hais rau peb tias ‘Sawv Daws’, vim Tswv Ntuj tsis cais leej twg tawm hauv nws siab; sawv daws yog Tswv Ntuj li cuab tam, thiab txiaj ntsim hauv txoj sia yuav pom nyob hauv kev pub cuab tam no rau lwm tus. Vaj Qhia hais ntxiv tias : nce roob mus thov Ntuj rau sawv daws thiab nqis roob los ua txiaj ntsim rau sawv daws, yog li qhov no thiaj yog peb txoj hauj lwm.

    “Sawv daws vam toob xib ntawm lwm tus, tab sis cov ntseeg yuav vam mus cuag lwm tus” Vaj Qhia hais li. “Cov neeg ua tim khawv txog Huab Tais Yes Xus yuav tawm mus nrhiav lwm tus.”

    Vaj Qhia Fas Ntshis Kus hais ntxiv tias kev tawm mus cuag lwm tus yooj yim kawg : Yog txhim tsa ib co thwj tim, tsis yog peb li thwj tim, tab sis yog Huab Tais Yes Xus li thwj tim. Cov Thwj Tim caum Huab Tais Yes Xus txhia hnub thiab nthuav lawv txoj kev xyiv fab rau lwm tus. Tsis yog lawv hloov txoj kev teev tshiab, tab sis yog lawv ua tim khawv txog txoj kev ntseeg.

    “Peb txoj hauj lwm yog pub txoj pa tshiab thiab huv rau cov neeg nyob hauv lub ntiaj teb tsis huv. Peb txoj hauj lwm yog ua tim khawv, ua txiaj ntsim, txhawb siab, pab tsa thiab tsom Huab Tais Yes Xus qhov zoo nkauj rau sawv daws.”

    Vaj Qhia xaus tias koj txoj sia yog txoj hauj lwm muaj nuj nqes, tsis yog lub nras rau koj ris; tab sis yog txiaj ntsim pub rau koj. Yog li, koj yuav tsum ua siab tawv! Txhob ntshai!

    http://hmong.rvasia.org/vaj-qhia/txoj-sia-yog-kev-tshaj-ntuj-lus-thiab-yog-ntuj-txiaj-ntsim



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 30th October 2019, 5:31 am

    LEEJ NTSHIAB XIS MOOS THIAB YUS DAS

    Leej Ntshiab Xis Moos thiab Leej Ntshiab Yus Das
    Monday, October 28, 2019
    Hnub tim 28 lub 10 hli, hwm Leej Ntshiab Xis Moos thiab Leej Ntshiab Yus Das uas yog Yes Xus Thwj Tim.



    Xis Moos yog ib tug nyob hauv Yes Xus 12 tug Thwj Tim. Nyob hauv Mas Tais thiab Mas Kos ntawv Moo Zoo hu nws ua “Tus hlub nws haiv neeg”. Vim ntau zaus lawv kheev kheev hu nws yuam kev xws li lwm tus thiab lawv xav tias nws yog Leej Ntshiab Xis Moos Pob Zeb. Lo lus Xis Moos yog los ntawm xeem lus Hes Las los. Tos lawv hu nws ua tus hlub nws haiv neeg, vim nws yog ib tug His Xas Lais uas hwm Tswv Ntuj zoo thiab muaj Tswv Ntuj ua tus pov hwm. Lawv coj raws li tus mes xias ntawm cov Hes Nplaws. Thiab nws lub siab kub lug hais txog kev tiv cov Los Mas. Xis Moos tau mus tshaj Tswv Ntuj Lo Lus nrog Leej Ntshiab Yus Das txog Paws Xias. Nyob ntawd nws tau tshaj lub Moo Zoo thiab txaus siab rau luag xuas kaw los kaw nws tuag. Nws yeem tuag kom tau ua tim khawv. Vim li ntawd qhov peb pom tseeb tias yog Xis Moos, mas yog ib rab kaw thiab phau Ntawv Ntshiab. Rab kaw thiab phau Ntawv Ntshiab zeem tseeb txog nws txoj kev ua tim khawv.


    Yus Das yog ib tug nyob hauv Yes Xus 12 leeg Thwj Tim. Yuav pom hais txog Yus Das nyob hauv Lus Kas ntawv Moo Zoo thiab ntawv Hauj Lwm. Yus Das yog Yas Kos tus tub. Tab sis muaj lwm phau ntawv Moo Zoo hu Yus Das ua Thas Des As, yog nyob hauv Mas Kos ntawv Moo Zoo thiab Mas Tais ntawv Moo Zoo. Tos luag hu Yus Das ua Thas Des As, yog vim Mas Tais thiab Mas Kos xav hu Yus Das lub npe kom txhob thooj li lwm tus nyob hauv ntawv Moo Zoo. Yus Das Kas Lis Yaus tsis yog Yas Kos tus tub Yus Das. Lub npe Thas Des As, yog los ntawm xeem lus As Las Mais. Leej Ntshiab Thas Des As yog Niam Mab Liab thiab Yos Xes cov xeeb ntxwv. Yog Yes Xus ib tug txheeb kwv tij. Nws yog Leej Ntshiab Yas Kos tus kwv. Leej Ntshiab Thas Des As tau mus tshaj lub Moo Zoo txog cov teb chaws Paws Xias. Qhov kawg nws raug luag xuas hmuv nkaug nws tuag ua Yes Xus tim khawv. Vim li ntawd, Leej Ntshiab Thas Des As daim duab uas peb pom, yog tuav ib rab hmuv uas muaj ib rab taus. Yog qhov zeem tseeb tias yog tau tuag ua Yes Xus tim khawv.

    Nyob rau lub zim txwv no, Leej Ntshiab Yus Das yog tus Leej Ntshiab pov hwm cov neeg tag kev cia siab.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 30th October 2019, 8:51 pm

    VAJ QHIA FAS NTSHIS KUS TSIS YOG THAWJ TUS VAJ QHIA TUAJ NTAWM AWS LOS PAS TEB TUAJ

    Thursday, October 31, 2019
    Vaj Qhia Fas Ntshis Kus tsis yog thawj tug Vaj Qhia nyob Aws Los Pas teb, Vaj Qhia Fas Ntshis Kus yog neeg As Zees Tis Nas (Argentina). Nws yug nyob hauv lub nroog Npuas Nos Ais Lem (Buenos Aires), nws tsev neeg yog neeg Is Tas Lias khiav ua thoj nam ntawm Is Tas Lias teb tuaj mus nyob As Zees Tis Nas teb. Tus Tswv Qhia ntawm Los Mas (Rome), los sis sawv daws paub lub npe hu ua : “Vaj Qhia (Pope)”. Nws yog tus thawj coj ntawm cov neeg ntseeg Kav Tos Liv uas muaj 1,300 plhom leej neeg nyob thoob ntiaj teb thiab yog tus thawj coj ntawm txoj kev teev hawm Kav Tos Liv. Vaj Qhia txoj hauj lwm : (1) Qhuab qhia tsoom neeg ntseeg. (2) Saib kev ncaj ncees ntawm cov neeg ntseeg nyob thoob ntiaj teb. (3) Saib xyuas hauj lwm kev teev hawm thiab pab pawg hauv cov neeg lis hauj lwm hu ua Roman Curia. Vaj Qhia txhais tias txiv, zoo ib yam li ib tug txiv tsev saib xyuas kev noj qab nyob zoo rau tas tsoom neeg ntseeg Kav Tos Liv nyob thoob ntiaj teb. Dhau ntawm kev ua tus coj txoj kev teev hawm Kav Tos Liv lawm, Vaj Qhia kuj yog tus thawj tswj lub xeev Vas Tis Kas uas hu ua Holy see. Vaj Qhia muaj cai ntsib txhua txhua tus thawj coj ntawm txhua lub teb chaws nyob ntiaj teb no. Vaj Qhia nrog cov thawj coj sib fim thiab sib cog kom muaj tiam lis, thiab qhia kom tas ntiaj teb paub txog Vas Tis Kas. Vim Vaj Qhia yog tus thawj coj ntawm txoj kev teev hawm Kav Tos Liv thiab yog tus thawj tswj lub xeev Vas Tis Kas, mas ua rau ib zeej tsoom neeg ntseeg txog nws thiab hwm nws. Nyob hauv txoj kev ntseeg, mas Vaj Qhia muaj 2 yam xws li, tau hais li cas lawm yuav tsum ua li ntawd, hais lus ncaj thiab teem caij yog caij. Vaj Qhia muaj lub npe tiag hu ua Fas Ntshis Kus (Francis). Ua ntej Vaj Qhia yuav raug xaiv los ua Vaj Qhia, mas nws lub npe hu ua Ntsos Ntses, Mas Lis Os, Npes Nkos Nqhos Lis, (Jorge Mario Bergoglio). Dhau ntawm xeem lus Xyis Pas Yas (Spain) thiab Is Tas Lias lawm, Vaj Qhia Fas Ntshis Kus tseem hais tau xeem lus Zes Mas Nias, lus Fab Kis thiab lus Aas Kiv zoo heev. Xyoo 1913, As Zees Tis Nas yog ib lub teb chaws nyob hauv 10 lub teb chaws nplua nuj, tab sis As Zees Tis Nas teb pib raug teeb meem ntawm kev lag luam nyob hauv tiam 20 thiab muaj kev kub ntxhov ntau yam nyob hauv lub teb chaws, ces thiaj ua rau As Zees Tis Nas poob rau txoj kev txom nyem. Xyoo 2001 -2002, As Zees Tis Nas teb rov raug xwv txheej loj kawg, ces tsoom pej xeem 57 feem pua nyob hauv nroog thiaj yog cov neeg txom nyem.



    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5767
    Date d'inscription : 2009-08-18

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Maiv Tooj on 2nd November 2019, 6:44 pm

    LUB KOOM TXOOS YUAV TSUM QHIB DAV TOS TXAIS SAWV DAWS

    Thursday, October 31, 2019
    Vaj Qhia nthuav txog cov lus hauv phau ntawv Hauj Lwm, Vaj Qhia hais tias tom qab cov ntseeg raug tsim txom, mas lawv tau coj Tswv Ntuj Lo Lus nrog lawv mus. Paj Lug thiab Npas Nas Npes tau coj lub Moo Zoo mus txog cov neeg hauv As Nthias kias, Xis Lias teb. Vaj Qhia hais tias lub Koom Txoos tsis yog lub tsev ruaj khov, tab sis yog lub tsev tsam phooj nthuav dav rau sawv daws nkag mus nyob. Lub Koom Txoos yog kev xa tawm mus, lub Koom Txoos tab tom rhais ruam thiab nthuav tawm mus. Lub Koom Txoos tsis yog lub tuam tsev teev Ntuj. Vaj Qhia piv txwv rau sawv daws pom tias muaj ntau lub tsev teev Ntuj kaw lawv lub qhov rooj, qhov no yog ua tus qauv tsis zoo rau sawv daws. Lub tsev teev Ntuj yuav tsum qhib qhov rooj tas mus li. Vaj Qhia piav tias lub qhov rooj qhib no ua rau ntau leeg muaj kev cov nyom vim lawv yuav nug tias qhib rau leej twg? Cov Yus Das hloov siab tshiab ntau leeg xam txog lawv txoj kab ke txiav ua ntej kev txais Cim Ntxuav, mas lawv thiaj tau kev cawm. Yog li Paj Lug thiaj rov mus nrog Pob Zeb thiab Yas Kos sab laj nyob Yes Lus Xas Les. Nyob hauv rooj sab laj lawv thiaj txiav txim tias cov ntseeg uas tsis yog haiv neeg Yus Das, mas lawv tsis ua kab ke txiav los tau tab sis lawv yuav tsum txwv tsis hwm cov duab mlom. Vaj Qhia hais tias qhov no yog txoj hau kev daws cov teeb meem cuam tshuam tsis sib haum xeeb. Qhov no qhia peb tias lub tswv yim daws teeb meem yog los ntawm kev rau siab thiab ua siab ntev mloog lus sab laj thiab xav raws li Leej Ntuj Plig lub tswv yim. Kawg no, Vaj Qhia Fas Ntshis Kus thov kom cov ntseeg sawv daws ua neej nyob hauv kev sib tham, kev mloog thiab sib tim ntsej tim muag hauv txoj kev ntseeg nrog cov kwv tij thoob qab ntuj.




    Sponsored content

    Xov Tooj Cua Zoo Tswv Zov Yaj Empty Re: Xov Tooj Cua Zoo Tswv Zov Yaj

    Post  Sponsored content


      Current date/time is 23rd January 2020, 8:32 am