Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

ZOS ROOB NYUJ QUS 1956 NTAWV HMOOB THOOB TEB LUB HAUV PAUS.

Gallery


IB LO LUS CEEB TOOM TUAJ NTAWM VAJ QHIA Faas Tshes Kus. Empty

Suav neeg tuaj saib, txij hnub 17/09/2010 los mus.


    IB LO LUS CEEB TOOM TUAJ NTAWM VAJ QHIA Faas Tshes Kus.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5643
    Date d'inscription : 2009-08-18

    IB LO LUS CEEB TOOM TUAJ NTAWM VAJ QHIA Faas Tshes Kus. Empty IB LO LUS CEEB TOOM TUAJ NTAWM VAJ QHIA Faas Tshes Kus.

    Post  Maiv Tooj on 15th April 2019, 6:59 am


    IB LO LUS CEEB TOOM TUAJ NTAWM VAJ QHIA Faas Tshes Kus.
    Vaj Qhia tau tshaj lus ceeb tom tuaj tias:
    Tas nrho tsoom neeg nyob ntiaj teb no sawv daws, cov neeg ntseeg Ntuj nyob hauv lub Koom Txoos Ka Tau Liv thiab lwm cov muaj ib txoj kev ntseeg coj tib si.
    Cov thawj neeg thiab cov laus, cov uas raug Tswv Ntuj txib ua Tswv Ntuj tes hauj lwm los coj zeej tsoom.  Los yog neeg laus paub tab, uas lawv nyiam muab luag tub luag ntxhais cov tsis tau muaj hnub nyug los deev.
    Thiab cov kws tshuaj nrog rau tas tsoom poj niam, uas tau xeeb muaj me nyuam nyob hau lawv lub cev.  Uas lawv npaj siab muab tus me nyuam rho tawm mus.
    Mas lawv tau ua ib yam kev txhaum hnyav, loj ib yam li, txheej laus thaud, uas lawv tau muab neeg los tua txi rau dab.  Ntawm tus me nyuam neeg tsis tau muaj hnub nyug, thiab tus xeeb los tsis tau paub tab ntawd.
    Nws lub cev ces yog raug tus thawj neeg, los tus neeg laus thiab tus poj niam xeeb tub ntawd. Muab yuam deev ua kev cai txi rau nws, kom nws zoo siab.
    Hos nws tus neeg raug deev thiab tus tsis tau paub tab, nws tus Ntsuj Plig.   Kuj zoo li raug muab txi rau dab lawm.  Me nyuam tus Ntsuj Plig dawb huv no, raug muab txi rau dab yam tseeb lawm.
    Host us me nyuam uas tsis tau muaj hnub nyug, ces nws lub cev, raug kev txhaum muab nws pleev thiab zas los tsuas rau nws tus Ntsuj Plig kom tsis dawb huv mus.
    Ces tus Ntsuj Plig nws yuav nyob zwm rau cov dab nyiam cob neeg ua kev txhaum.  Dab yuav coj tus Ntsuj Plig ntawd, kom tau mus dib luag lwm tus cov Ntuj Plig kom tsis dawb huv tuaj.
    Thaum nws loj hlob los, muaj hnub nyug lawm, ces nws yuav nyiam ua kev txhaum.  Nws hloov siab nyuaj, hloov kev ua txhaum tsis yooj yim.  Vim nws raug tus laus muab kev  txhaum los zas rau nws nruab siab, ua  tsuas rau nws, thaum ntxov ntxov uas nws tsis tau paub tab los lawd.
    Ces Tswv Ntuj kuj yuav muaj kev tu siab nrog nws, vim nws muaj ib lub siab tsis dawb huv xws luag. Nws muaj kev ntxhov siab loj, tsis paub yuav kho nws tus kheej mus rau sab twg.
    Hais txog txoj kev rov kho neeg lub siab, kom rov tau nyob tiaj tus tuaj.  Yuav ua li cas kom yus pom ib txoj kev, rov kho tau yus lub siab kom rov zoo thiab muaj zog tuaj. Yus thiaj tsis muaj kev txob kev txhawj ntxiv.
    Mas koj yuav tsis txhob xav ntau ntau, Kuv yeej paub tias ib tug neeg txom nyem tuaj lawm, mas nws tswv yim yeej tas kiag lawm.  Kuv hais ib yam me me rau koj saib koj kho puas tau koj kev ntxov sib kom koj rov muaj kev nyob kaj siab lug.
    Muaj lub siab puv npo xws li tus neeg tsis muaj teeb meem dab tsi li!  Piv li koj  muab ib daim ntawv dawb dawb los saib, nyob hauv daim ntawv ntawd. Koj tau pom  muaj ib tee kua mem nrog los tsuas muaj ib tee dub dub nyob rau nruab nrab lawm.
    koj yuav txhob xav tias, daim ntawv ntawd, tsis zoo nkauj lawm!  Yog nej xav li ntawd, mas koj txoj kev tws kiag lawm.  Koj yuav rov ntxub los tsis nyiam koj daim ntawv ntxiv lawm.
    Ces koj kawg yuav muab pov tseg mus rau hauv lub thoob rau kem tsuab coj mus pov tseg lawm xwb.
    Koj yuav xav tias, nws tsuas muaj ib tee dub xwb, daim ntawv, nws tseem dawb paug li qub.
    Koj yuav sau ntawv, los tseem sau tau ib co npe ntawv zoo nkauj rau hauv.  Khaws cia twj ywm thiaj tau siv, nws cav tsis yog tsuas dub phem tas nrho, mus lawm tsis muaj chaws zoo sau ntawv rau li.
    Peb leej tib neeg ntiaj teb, yog koj xav tias, koj tsis zoo xws luag, ntshai koj yog tus phem dua txhua tus lawm. Mas koj twb xav yuam kev lawm.
    Koj tsuas zoo li tus neeg mob ib lub rwj ntawm duav taw xwb, thaum mob tuaj koj yuav mus  kev ib nyuag ceg tawv me ntsis xwb.  Tseem tsis tau npaum li tus neeg tuag ceg los  lov ceg nyob saum lub Laub ntawd, lawm xwb.
    Cov ntawd, luag tseem muaj siab mus yuav laub los zaum thiab thawb mus kom txog chaw.  Thiaj tau nrog luag pom tas txhua yam zoo nkauj.

    Sacramento tim 26/2/2019
    Yaj Zoov Ntxheb Xib Hwb.




      Current date/time is 20th April 2019, 5:15 am