HMONG CATHOLIQUE

Would you like to react to this message? Create an account in a few clicks or log in to continue.

Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

Tsev teev Ntuj XH.XYOOJ THOJ PAUL, zos Tiaj Ntxhw

Gallery


Sib pab txuag tswv ntuj pab yaj Empty

Latest topics

» Ua tsaug ntees.
by Maiv Tooj 21st February 2024, 11:33 pm

» DUAB MAB LIAB TSHIAB.
by Maiv Tooj 16th February 2024, 8:39 am

» COV ZAJ NYEEM NRUAB LIS PIAM XYOO I 2022-2023
by Mim 10th August 2023, 7:04 am

» Cov zaj nyeem Hnub Chiv Xyoo A. 2022-2023
by Maiv Tooj 20th July 2023, 11:21 pm

» SAJ YES XUS KEV TXOM NYEM
by Maiv Tooj 7th March 2023, 6:34 am

» Tswv Ntuj ua tau tag puas tsav yam, F. Ts. Cob Tsib teb
by Mim 3rd February 2023, 11:33 am

» DAIM NTAUB QHWV TUAG NYOB TURIN
by Mim 29th January 2023, 9:24 am

» Txiv plig Tshaj Sawm (Harry Thiel ) Lub neej
by Maiv Tooj 28th December 2022, 8:25 am

» TXIV PLIG NYIAJ POV keeb kwm niam ntawv thoob teb ( Nias Ntawm no saib txuas ntxiv )
by Maiv Tooj 28th December 2022, 7:55 am

» COV ZAJ NYEEM NRUAB LIS PIAM XYOO II 2021-2022
by Mim 24th November 2022, 9:06 pm

» COV ZAJ NYEEM Hnub Chiv 2021-2022 Xyoo C
by NrhiavTswvNtuj 18th November 2022, 8:28 am

» Cov Txiv Plig ua tau muaj txiaj ntsim rau Peb Hmoob nyob Los Tsuas, Thaib teb ua ntej & tom qab 1975
by Maiv Tooj 14th November 2022, 10:03 am

Suav neeg tuaj saib, txij hnub 17/09/2010 los mus.


3 posters

    Sib pab txuag tswv ntuj pab yaj

    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Sib pab txuag tswv ntuj pab yaj Empty Sib pab txuag tswv ntuj pab yaj

    Post  Tub Kawm 26th June 2017, 2:45 am

    Nyob zoo ib tsoom hmoob ntseeg Kav Tos Liv thoob ntiaj teb, thov sawv daws sib pab nrhiav keeb kwm kev ntseeg pov thaiv txoj kev haub ntxias tiag, vim niaj hnub no muaj kev tshwm sim ntau tshaj plawg nyob rau hau lub ntiaj teb no lawm. tsam ib hnub peb ua tsi tau ib tus yaj zoo rau Tswv Ntuj.
    Ntawm no kuv thov nej cov uas qhov muag pom kev pab tshawb nrhiav  peb keeb kwm liv xwm coj los pov thaiv peb cov ntseeg kom txhob plam mus rau luas lwm txoj kev ntseeg.
    cov phooj ywg nej nrog kuv xyuas txoj Vidao no saib vim li cas xyoo no lawv ho thuam peb txoj kev ntseeg loj ua lua

    https://www.youtube.com/watch?v=pfdJLHcYkZ8&t=3077s  , kuv xav mas peb cov ua thawj coj Tswv ntuj pab yaj yuav tsum nrhiav kev pov thaiv tiag tsam peb cov me nyuam yaj nug peb ces peb tsi muaj kev teb lawv.

    ntawm no yog lus hmoob
    https://www.youtube.com/watch?v=dW6U4lpNsps
    Mim
    Mim
    Tswv Cuab Hmong Catholique
    Tswv Cuab Hmong Catholique


    Messages : 3770
    Date d'inscription : 2009-10-16

    Sib pab txuag tswv ntuj pab yaj Empty Re: Sib pab txuag tswv ntuj pab yaj

    Post  Mim 26th June 2017, 8:17 am

    Nyob zoo Tub Kawm,

    Cov lus thuam uas tus xib hwb hauv no hais mas cov ntseeg Plos Tes Taas muaj coob hom yeej ib txwm hais thuam lub Koom Txoos Kas Tos Liv txij puag thaum lub hauv paus uas lawv tau tawg ncaim ntawm Koom Txoos Kas Tos Liv los lawm.  Tus xib hwb hauv no yog ib tug nyob hauv lawv pawg ntseeg hu ua Seventh Day Adventist. Lawv mus church Hnub Xya los yog Hnub Xas Npas Tos. Lawv yog cov uas yeej thuam tas zog thiab tshaj tawm tas zog tias Vaj Qhia yog tug neeg uas ris tus lej 666 raws li hauv Qhib Yav Tom Ntej hais, thiab lawv hais ntau ntau yam thuam Koom Txoos Kas Tos Liv.  Ib yam uas lawv hais tas zog mas lawv hais tias Kas Tos Liv yog tus tau muab hnub teev ntuj uas yog Hnub Xya hloov mus rau Hnub Chiv lawm, vim Vaj Qhia hais tias nws thiaj muaj cai hloov xwb. Yog li mas cov neeg teev ntuj Hnub Chiv mas yog mus pe hawm 'txiv plig" xwb, tsis yog mus pe hawm Tswv Ntuj,

    Tus XH hauv no muab cov lus hauv Ntawv Ntshiab los txhais ntau yam yuam kev mus rau sab thuam thiab liam lub Koom Txoos. Nws hais tias Koom Txoos Kas Tos Liv yog tus ua hauj lwm rau 'tus zaj' los yog rau ntxwj nyoog.  Nws tseem muab cov Vaj Qhia cov lus los txhais kom muaj lub ntsiab yuam kev raws li nws xav kom cov neeg mloog to taub.  Nws kuj tseem hais tias cov txiv plig mus teev ntuj Hnub Chiv mas yog mus teev lub hnub xwb tsis yog mus teev Vaj Tswv los yog Tswv Ntuj.  Thiab nws hais txog tias txiv plig hais tias thaum Yes Xus nce mus saum ntuj lawm mas Yes Xus tau tsa txiv plig los sawv Vaj Tswv chaw nyob ntiaj teb no. Tiam sis kom neeg to taub tias txiv plig tsis yog Vaj Tswv no. Qhov tias txiv plig yog tus lej 666, mas yog los ntawm Vaj Qhia lub kaus mom ua Vaj Qhia nws ntoo los. Muaj ib cov ntawv las tees sau rau ntawm lub kaus mom ntawd, yog lawv muab cov txwm ntawv las tees ntawd los suav ua lej mas tawm 666 ntag, vim cov lus ntawd txhais hais tias "Tus Sawv Vaj Tswv leej Tub Chaw,"  mas yog ib co lus tuam mom Tswv ntuj loj kawg li.  
    Peb yuav tsum to taub tias Koom Txoos Kas Tos Liv yeej ntseeg tias Vaj Qhia yog tus sawv Pob Zeb chaw, thiab Pob Zeb yog tus Yes Xus tau tsa nws los ua tus thawj coj nws lub Koom Txoos nyob ntiaj teb no.  Kuv kuj tsis paub tias puas muaj ib co lus sau rau saum Vaj Qhia lub kaus mom thiab ho puas yog hais li tus XH ntawd hais. Tiam sis raws li kuv tau mus tshawb nrhiav, mas Vaj Qhia lub kaum mom yeej tsis muaj ib co txwm ntawv sau rau li.  Thiab lo lus las tees uas tus XH ntawd hais mas lawv hais tias yog cov no "Vicarius Filii Dei,"  txhais hais tias "Tus Hloov Tswv ntuj Leej Tub" no. Koom Txoos Kas Tos Liv yeej tsis tau muaj ib lub npe zoo li ntawd tis rau Vaj Qhia ib zaug li.  Tiam sis xyoo 1612 A.D., muaj ib tug neeg plos tes taas hu ua Andreas Helwig yog tus tau xub sau ntawv hais txog tias muaj lub npe ntawd nyob saum Vaj Qhia lub kaus mom.
    Yog li ntawd mas tus XH hauv no thiab lwm tus uas ntseeg ib yam li nws mas lawv yeej muab tej lus hauv ntawv ntshiab thiab muab kiag tej ntawv uas cov Vaj Qhia tau sau los mus txhais lem kom raws li lawv lub tswv yim xav thuam, thiab lawv tseem xev tej lo lus uas Koom Txoos tsis tau siv, thiab liam tias Koom Txoos tau hloov hnub mus teev ntuj lawm. Peb nco hais tias, hauv Tswv Ntuj kaum lo lus qhia, mas Tswv Ntuj yeej tau hais kom peb yuav tsum so hauj lwm Hnub Xya, vim yog hnub Tswv ntuj so.  tiam sis thaum HT Yes Xus sawv rov los, nws  sawv los rau Hnub Chiv (los yog Hnub Ib), thiab nws tawm tuaj saib cov thwj tim  Hnub Chiv uas yog hnub tom qab Hnub Xya. Vim li ntawd cov thwj tim uas lawv yog ib co neeg Yus Das, yeej niaj lis piam mus teev ntuj Hnub Xya raws li cov Yus Das ib txwm ua, thiab lawv kuj tseem mus sib sau teev ntuj hnub tom qab uas yog Hnub Chiv thiab, ces Hnub Chiv thiaj  ciaj los ua ib hnub teev ntuj rau cov ntseeg Yes Xus lawm. Tsis yog Vaj Qhia cia li xav hloov ces muab hloov li tus XH hais.

    Nyob hauv daim video no, tseem muaj ntau yam uas tus XH hais thiab, tiam sis hnub no kuv tuaj hais txog ob peb yam no ua ntej.
    Thov kom peb yuav tsum to taub lawv lub tswv yim xav thuam thiab xav lem kom sawv daws yuam kev, thiab peb yuav ceev faj kom txhob mag lawv dag tau peb mus yuam kev.

    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Sib pab txuag tswv ntuj pab yaj Empty Re: Sib pab txuag tswv ntuj pab yaj

    Post  Maiv Tooj 27th June 2017, 6:50 am



    Nyob zoo Mim thiab Tub Ntsuag,

    Mim ua tsaug rau koj cov lus piav txog hauv paus hauv ntsis txog Vaj Qhia lub mom.

    Tub Ntsuag,

    Txhob siab me os, Tswv Ntuj tsim neeg muaj ob lub pob ntseg, muaj ib lub qhov ncauj, tsis yog lam tau lam tsim, yeej yog muaj chaw txawb chaw rau Tswv Ntuj thiaj ua. Tsim neeg muaj ob lub pob ntseeg yog kom neeg yuav tau mloog ntau dua, muaj ib lub qhov ncauj yog txhais tias yuav mloog ntau dua hais lus.

    Tswv Ntuj txoj kev cai yog kev hlub, kev khuv leej luag. Tswv Ntuj tso nws Leej Tub los ua neeg tsis yog yuav los txiav txim rau neeg tab sis los Cawm neeg thiab qhia txoj kev Hluub rau neeg. Ib tug neeg yog nws hais tias nws ua Ntuj Kev Cai mas nws yuav tsis cem luag tej, yog nws tsuas paub thuam thiab lauj luag, nrhiav kev ciav cais kuv ntxhov tas li mas tsis yog ib tug neeg tuaj ntawm Ntuj tuaj, vim nws tsis nyiam kev thaj yeeb, nws tsis hwm luag, nws khwv nws zoo mas nws tsis nyob hauv Tswv Ntuj lub Koom Txoos.

    Yam tseeb yeej yuav tseeb mus, yam cuav yuav ua tsis tau tseeb.

    Kuv xav sau ntau yam tab sis khwv khwv li tsis muaj caij sau li.
    Tub Kawm
    Tub Kawm
    Phooj Ywg
    Phooj Ywg


    Messages : 375
    Date d'inscription : 2011-10-13

    Sib pab txuag tswv ntuj pab yaj Empty Re: Sib pab txuag tswv ntuj pab yaj

    Post  Tub Kawm 2nd July 2017, 5:34 pm

    Nyob zoo Mim thiab N hlob, kuv xav mas yeej yogv li neb hais thiab.
    Yeej paub hais ntshe yog lawv tsi nyiam cov ntseeg Catholic lawv thiaj liam li ntawd rau peb.
    ntawm kuv tus kheej kias mas kuv yeej tsis tau ua siab me li, tiam sis qhov kuv tu siab tshaj plawg, vim kuv tsi qhov muag pom kev tsis deb kuv tsuas pov thaiv tau kuv tus kheej xwb. Tshuav Tswv Ntuj cov me nyuam yaj coob coob, kuv hlub lawv kawg, tab si kuv hais tsis tau li cas, tiam sis vim li cas peb cov T Qhia, TP, los L Phauj, L Tij, nrog rau cov X Hwb, zoo li lawv tsi tej xwm no li, los li cas, Lawv ua ib cov zoo li ntsej tsi hnov muag tsi pom luas rhuav peb lub Koom Txoos li los cas, ho tsis nrhiav kev pov thaiv.
    Kuv xav li ntawd mas kuv tu siab kawg.
    Tam sim no kiag nyob rau hauv kuv pawg ntseeg kiag kuj muaj ib tuas tub Hluas nws mus kawm ntawv qib siab nyob rau tuam ceeb Hano, nws ho mus nrhiav kev paub ntawm cov ntseeg so hnub xya ntawd lawv txoj kev ntseeg mus zoo li cas. thaum kawg nws kuj xav mus nrog lawv lawm thiab. Nws los txog tsev kuv tau nrog nws tham, nws tau nug kuv txog ntau ntau yam nyob hauv peb keeb kwm kev ntseeg Ctholic kuv tsi pom qab teb nws li cas li.
    Kuv xav tias cia ku mus nrhiav nyob rau hauv cab sab thiab hauv Yautube saib kuv puas pom ib qho kev pab. kuv mus nrhiav hauv tas los cas tsi pom li, tsuas yog pom luas thuam peb xwb. xyov yog kuv tsi txawj nrhiav los yov peb lub Koom Txoos tsi tso tawm cab sab. li ntaw kuv tseem tsi tau teb tus hlua ntawd li.
    kuv xav mas yog peb cov TQ,TP,LP,LT,XH tsi nrhiav kev pov thaiv tiag tiag, muaj ib hnub cov yaj yuav poob zuj zug mus rau luas xwb. Vim peb twb teb tsi tau luas tej lus thuam peb rov rau luas, lo rau peb cov ntseeg kias.
    Nyob rau hauv Ntawv Ntshiab hais tias: .4 "Yog nej leej twg muaj ib puas tus yaj, tab sis ib tug ploj lawm, mas nws yeej yuav tso cuaj caum cuaj tus yaj tseg rau tom hav quav poj, nws mus nrhiav kom tau tus uas poob zoo lawm. 5 Thaum nws nrhiav tau tus yaj poob zoo lawd, nws muab kwv saum xwb pwg, nws zoo siab tas nrho. LK 15: 4-5

    Yes Xus hais tias: 11 Kuv yog tus tswv zov yaj, yog tus zoo tswv. Tus zoo tswv zov yaj siv nws txoj sia los pab nws cov yaj. Z 10:11
    li ntawd mas peb yog ib tus saib yes xus pab yaj peb yuav tsum nrhiav kev kom tau pab Tswv Ntuj pab yaj txhob pub kom tawg los poob.
    Maiv Tooj
    Maiv Tooj
    Tswv Cuab Hmong Catholique
    Tswv Cuab Hmong Catholique


    Messages : 5526
    Date d'inscription : 2009-08-18

    Sib pab txuag tswv ntuj pab yaj Empty Re: Sib pab txuag tswv ntuj pab yaj

    Post  Maiv Tooj 3rd July 2017, 7:08 am



    Nyob zoo Tub Kawm,

    Kuv to taub koj cov lus, koj tau nyhav siab txog ntau yam tsis zoo los raug lub Koom Txoos, koj pom luag muaj pov thawj, muaj kab muaj ko, koj tsis muaj lo lus los txheem luag cov lus nias, lus yuam, koj poob siab los yog koj xav tias luag zaj thiaj yog, koj ntshai tsam cov ntsej sib siab muag ho qaug luag haub...thc

    Kuv hais rau koj hais tias yog tim li cas cov Txiv Plig, cov Phauj, cov Tij, cov Tswv Qhia lawv thiaj ua ntsej lag muag dig rau cov neeg ncauj loj, siab com viab?

    - Vim cov neeg ncauj loj siab com viab tsis muaj kev thoob tsib to nrog, paub cem kom yeej ntawd tsis yog hais Ntuj Lus, yog hais dab phem xas tas cov lus xwb lawv thiaj li tsis quav ntsej, cov Txiv Plig lawv lub hwj chim loj siab tshaj qhov uas cov thuam lub Koom Txoos, lawv yuav tsis nyo hau kom los txij liv cov hais dab lus xwb, lawv muaj ntau yam tseem ceeb tuaj ntawm Ntuj tuaj yuav ua twb ua tsis tag.
    Yam tuaj ntawm Ntuj tuaj yog kev HLUB, kev KHUV Leej, kev Nyiam, kev Thaj Yeeb nyab xeeb, kev sib poj sib poog, kev sib pab sib txhawb. Li ntawd Txiv Plig lawv thiaj tsis kam nrog xcov hais tuaj kub lus sib lob, yam tseeb yuav tseeb mus, yam cuav yog ib vuag dua. Peb cov Catholic, peb pab luag peb tsis xaiv cov muaj cov pluag, cov ruam cov ntse, yus haiv luag haiv, yus cov ntseeg thiab cov tsis ntseeg li yus, peb pab tag nrho cov neeg txom nyem vam txog peb. Vim Huab Tais Yes Xus los yug ua neeg kom tau daws peb txoj kev TUAG = Kev iab kev daw, kev tsis sib hluv; Huab Tais Yes Xus yug los kom peb muaj TXOJ SIA NYOB MUS LI = Yog muaj kev sib hlub, sib haum xeeb.

    Tub Kawm, tus tub txawj ntawd, yog nws tau mus kawm txheej siab, nws xav tias nws txuj siab ces nws yog tus paub paus nto ntsis, nws ua ntsej sib hnov nrov qhov twg dhia qhov twg los cia nws mus nws los mas, txhob ua siab me, txawm nws yog tus ntse nws mus ua cov ntse Hnub Xya es nws yuav coj tau ib cov mus los nws mus nws. Nco ntsoov tias yog lawv yog cov "tseeb thiab cov zoo" tiag no li cas lawv ho tsis muaj ib lub teb chaws "Plos Tev Taas Hnub Xya" nyob rau qhov twg, uas yuav muaj ib tug vaj nrog tau ntiaj teb tawm ncauj tawm lus? Hais nrov diam, tab sis teev Ntuj loj leeb xwb twb tsis muaj ib lub nyuag tsev teev Ntuj txhim zeb nyob qhov twg. Cov Catholique ses mus thoob ntiaj teb xav mus teev Ntuj thaum twg tav twg los yeej tau li, ntiaj teb sab laj muaj cai nrog ntiaj teb tawm ncauj tawm lus peb twb tsis tau khav, peb tseem niaj hnub nrhiav txoj kev HLUB, kev ZOO kom peb txhua leej TAU ZOO NYOB NTIAJ TEB NOV LI NYOB SAUM NTUJ. Cov cem thiab thuam luag ces tseem muab lub ntiaj teb nov ua dab teb ua ntej yuav mus dab teb lawm xwb.

    Hais txog peb cov Catholic teev Ntuj thiab caiv Hnub Chiv, yog vim peb hwm Peb Tus Huab Tais Yes Xus, HT. Yes Xus tsis los hloov txoj CAI tab sis los NTXIV txoj cai. Peb hwm Hnub Chiv vim yog hnub ntawd HT.Yes Xus Sawv hauv cov tub tuag rov los, peb kuj nrog HT. Yes Xus sawv ciaj sia tib yam, xws li peb tau ntxuav plig, txhais tias tuag nrog HT. Yes Xus, tuag = kevtxhaum= kev tuag= kev ntxub ntxaug. Sawv rov los = ciaj sia, muaj sia = kev hlub.

    Yuav nco ntsoov zaj Ntawv Moo Zoo hais txog tus tseb nplej: MT 13, 1-23.

    Zaj paj lug txog tus tseb nplej.
    13 : 4 - 9.
    Yes Xus hais li no :
    "Tus tseb nplej tawm mus tseb.
    4 Thaum nws tseb, muaj ib co noob poob
    ntawm ntug kev, noog ya tuaj noj tas huv
    si lawm. 5 Ib co noob poob rau hauv cov
    av pob zeb, nyob ntawd tsis muaj av ntau,
    ces noob tuaj kaus sai, vim av tsis tob.
    6 Thaum hnub tuaj, tshav ziab, cov yub
    nkig, vim tsis muaj cag ces cov yub qhuav
    tas. 7 Tseem muaj ib co noob poob hauv
    cov pos. Pos hlob tuaj laum cov yub. 8
    Hos muaj ib co noob poob rau hauv thaj
    av zoo, cov noob ntawd txhawv hnab, tej
    lub noob txi ib puas lub, tej lub txi rau
    caum lub, tej lub txi peb caug lub.
    9 Leej twg muaj pob ntseg, cia nws
    mloog."
    Vim li cas Yes Xus ua paj lug hais.
    13 : 10 - 17.
    10 Cov thwj tim txav los ze Yes Xus,
    lawv hais rau nws tias :
    "Vim li cas koj ua paj lug hais rau
    lawv ?"
    11 Yes Xus teb rau lawv tias :
    "Vim Ntuj pub kom nej paub tej yam tob
    hauv Ntuj lub Ceeb Tsheej, tab sis Ntuj
    tsis tau pub rau cov ntawd. 12 Tus uas
    twb muaj lawm, mas Ntuj yuav pub rau
    nws kom nws muaj ntau tshaj. Hos
    ntawm tus tsis muaj, ces Ntuj tseem yuav
    thau qhov nws muaj tawm mus. 13 Vim
    li ntawd, kuv thiaj ua paj lug hais rau
    lawv : vim tias lawv ntsia, los lawv tsis
    pom, lawv mloog, los lawv tsis hnov,
    thiab tsis to taub. 14 Li ntawd, thiaj
    muaj raws li cov lus uas Yaj Saub His
    Xais xub hais tseg tias :
    Nej pob ntseg hnov, los nej yuav tsis to
    taub ; nej ntsia, tab sis nej yuav tsis pom.
    15 Yog vim haiv neeg no lub siab qhwv
    lawm : lawv pos pob ntseg, lawv qi qhov muag,
    lawv ntshai tsam lawv qhov muag pom,
    tsam lawv pob ntseg hnov,
    ces lawv lub siab to taub.
    tsam lawv yuav tsum hloov siab,
    thiab kuv yuav kho tau lawv zoo
    16 Hos nej, mas nej qhov muag tau txoj
    hmoov zoo, vim nej qhov muag pom kev.
    Nej pob ntseg tau txoj hmoov zoo, vim nej
    pob ntseg hnov lus. 17 Kuv hais tseeb
    rau nej, cov yaj saub thiab cov neeg siab
    ncaj thaud coob leej ntshaw pom yam uas
    nej pom, tab sis lawv tsis tau pom, ntshaw
    hnov yam uas nej hnov, tab sis lawv tsis
    tau hnov !
    Txhais zaj paj lug tseb nplej.
    13 : 18 - 23.

    18 Nej mloog zaj paj lug hais txog tus
    tseb nplej lub ntsiab.
    19 Tus neeg uas tau hnov Lo Lus qhia
    txog Ntuj lub Ceeb Tsheej, nws tsis to
    taub, tus Phem tuaj txog, nws txeeb yam
    uas Ntuj tseb hauv tus ntawd lub siab : tus
    ntawd yog tus txais cov noob poob ntawm
    ntug kev.
    20 Cov noob poob rau hauv cov av pob
    zeb, yog tus neeg uas thaum nws hnov
    Ntuj Lo Lus, nws zoo siab txais. 21 Tab
    sis nws tsis muaj cag nyob hauv nws, vim
    nws yog neeg tsis ruaj : thaum muaj kev
    txom nyem, los muaj kev raug luag hiam
    vim Lo Lus, ces nws ntog tam sis ntawd.
    22 Cov noob uas poob rau hauv cov pos,
    yog tus uas hnov Lo Lus, tab sis ntiaj teb
    kev txob xeeb, nyiaj txiag tej kev ntxias
    laum Lo Lus, ces Lo Lus txi tsis taus txiv.
    23 Cov noob uas poob rau hauv cov av
    zoo, yog tus uas hnov Lo Lus, nws to
    taub Lo Lus ntawd, ces nws txi txiv. Ib
    tug txi ib puas lub, ib tug txi rau caum
    lub, hos lwm tus txi peb caug lub.

    Sponsored content


    Sib pab txuag tswv ntuj pab yaj Empty Re: Sib pab txuag tswv ntuj pab yaj

    Post  Sponsored content


      Current date/time is 18th March 2024, 8:42 pm