50 xyooj kev ntseeg nyob los tsuas

Nyob zoo cov phlooj ywg sawv daws thiab cov ntseeg sawv daws

Kuv xav thov kom peb cov ntseeg sawv daws nyob rau txhua txhia qhov chaw pab txhawb dej siab xws li pab thov ntuj rau peb cov ntseeg nyob los tsua teb, xyoo 2016 yuav los no peb yuav muaj ib lub koob tseej Celebration (50 xyooj kev ntseeg nyob los tsuas).

Txiv tswv qhia zam Qhasxem (john Qhungxeng) tau hu peb cov coj hmoob ntseeg nyob vees cas, xws li zos Tiaj ntxhw tuag roob kub twm, zos Pham luam-pham saag, zos Noos toob, zos Nas kas,zos Hav zeb dub...  hais tias lub xyoo yuav los no mas txiv tswv qhia yuav ua ib lub koob tseej loj, 50 xyooj kev ntseeg hmoob nyob los tsua teb rau peb hmoob vim txiv tswv qhia twb ua rau los tsuas thiab puab thawj tau ntau zaug los lawm mas ziag no txiv thiaj xav yuav ua rau peb hmoob; yog li ua rau kuv uas yog ib tug tub hluas ntseeg hmoob hais tias peb yuav ua ib lub kob tseej loj rau peb cov hmoob tag n້ro nyob los tsaus teb thiab txawv teb chaws tuaj koom mas kuj yog ib qho zoo kawg tab sis mas peb ho tsis paub yus cov keeb kwm kev ntseeg puag thaum ub los,

Yog vim li cas ho hais tias 50 xyoo kev ntseeg nyob los tsuas teb es ua cas ho suav xyoo ntawv los txog ziag no yog 50 xyoo ? thiab tseem muaj ib co hmoob twb tsis paub ua ntoo cuam lub cim los yog hais cov zaj teev ntuj twb tsis tau ib zaj li, thiab tseem tsuav cov hmoob feem coob tsis tau ntxuav plig thiab txhais yes xus lub cev es txiv ho yuav ua lub koob tseej 50 xyooj no rau peb hmoob tab sis peb hmoob ho tsis paub dab tsi txog peb hmoob li, yog li kuv thiaj kom nej sawv daws pab thov ntuj rau peb thiab, vim hais tias peb kuj tsis muaj ib tug txiv plig hmoob los yog ib tug niam phauj hmoob li yuav los qhia kev ntseeg los yog ua thaj txi ntuj li,cov xib fwb los tsuas los lawv tsis txawj lus mhoob mus qhia hmoob li thiab vim hmoob tsis txhua nkag siab lus nplog (kev ntseeg), hos cov xib fwb hmoob los tsis muaj ib qho peev yuav los mus qhia cov ntseeg nyob deb los nyob ze li thiab, kev ntseeg los peb kuj tsis muaj tus coj qhia li, thiaj li yog ib qho nyuaj kawg rau peb thiab yuav los txais tej lub koob tseej loj li no mas yog ib qho nyuab nkawg nkaus li.

Thaum kawg no thov ua tsawg rau txua leej txua tus ua pab thov ntuj rau peb cov hmoob los tsua.

Thov tswv ntuj foom koob hmoov rau txua leej txua tus.

Nyob zoo Deng,

Ua tsaug ntau uas koj tuaj tshaj lub moo zoo nov rau peb paub.
Txhob ntau siab me mog, yam twg yog tuaj ntawm neeg tuaj, yuav nyob ib ntus xwb, yam twg tuaj ntawm Ntuj tuaj, txawm yuav tuav siav xwb los yeej yuav rov ciaj taus; txhob poob siab, yuav tau tso siab lug rau Tswv Ntuj, muab tag nrho txhua yam los zwm rau Tswv Ntuj txhais tes; txog caij txog nyoog yeej yuav rov sawv tau xwb. Txawm nej yog ib cov ntrseeg tshiab tshiab, ib cov ntseeg tsis paub kev ntseeg txaus los qhov ntawd tsis tseem ceeb; qhov tseem ceeb tsuav yog nej txoj kev ntseeg loj xwb. Tus yuav tau mus Ntuj Ceeb Tsheej tsis yog tus uas txawj txawj teev Ntuj ua suab nkhau nkoo, txawj txawj txaum yim pem hauv ntej; tus uas yuav yog Tswv Ntuj me nyuam tiag yog tus neeg txo hwj chim thiab ua neeg me.

Yog vim txoj kev tswj hwm ntawm nej lub teb chaws tau txo tsoom pej xeem txoj kev ntseeg tau ib nrab tiam neej no lawm thiaj li ua rau sawv daws rov ruam, rov tsis paub kev ntseeg zoo lawm;  tus paub los rov tsis paub, tus tsis paub los kuj tsis paub vim tus paub kuj tsis muaj cuab kav yuav qhia qheb lug rau tus tsis paub ces thiaj li rov poob qab lawm xwb. Tab sis nej sawv daws yuav tau ua siab loj thiab tso siab rau Tswv Ntuj; qhov ntawd yog qhov tseem ceeb tshaj.
Tswv Qhia Kham Sé hais ua hmoov 50 xyoo rau tsoom hmoob ntseeg nyob Los Tsuas teb, tej zaud nws muab tsis tau keeb kwm thawj tug Hmoob txais lub Cim Ntxuav ces nws muab raws li nws los txais lub Cim Tiag Tes thiab kuj tsis paub. Tiag tiag mas yog hais txog Hmoob mas Hmo Hla 1954, txhais tias tau 60 xyoo lawm.

Nyob zoo Deng thiab Maiv Tooj, kuv nrog nej tham ob peb los.

Maiv Tooj, raws li kuv ib txwm paub los mas yog hnub tim 15 lub 8 hli 1954 ntawd thiaj yog hnub uas thawj cov hmoob nyob Roob Nyuj Qus txais lub Cim Ntxuav, thawj cov ntawd yog: Yaj Txawj Tswb uas yog Zam Nob txiv; Yaj Zam Nob; Thoj Hwj (Txooj Lis); Yaj Yeeb (Txoov Yeeb); Yaj Maiv (Zam Nob tus txhais hlob - Niam Thoj Zoov Txhiaj); Yaj Xw (Zam Nob tus ntxhais tim ob - niam Thoj Vaj Taiv). Nyob hauv Zam Nob tsev neeg mas tshuav niam Txawj Tswb (Vaj Tshaus - Zam Nob niam) thiab niam Zam Nob (Hawj See). Zam Nob yog ib tug lwm hau zos thiab yog tus coj noj coj ua ntawm nws tsev neeg ces nws thiaj yog tus coj nws tsev neeg los ntseeg Ntuj.

Deng, raws li kuv xav mas yog Tswv Qhia xav kom txog hnub nej ua lub koob tsheej ntawd mas kom sawv daws ua tau ib qho zoo, ces qhov zoo ntawd yog ib lub teeb ci mus rau peb ib tsoom hmoob uas tsis tau los ntseeg; tsis tag li ntawd xwb Tswv qhia xav kom nej cov uas paub cov zaj nkauj teev ntuj sib pab qhia rau cov uas tseem tsis tau paub, yog nej npaj tau mas xav kom muaj: ib co yuav los txais lub Cim Ntxuav, txais Cim Txhab Zog thiab txais lub Cim yug (Yes Xus lub Cev). Raws li koj tham los saud mas zoo li Tswv Qhia tseem tsis tau teem tias yog lub hli twg thiab yog hnu twg. Kuv ntseeg Leej Tswv Yim Ntshiab yuav pab nej ces txog hnub lub koob tseej ntawd nej yeej yuav ua tau zoo xwb.

Maiv Tooj thiab Deng yog tias kuv hais tau qhov twg tsis yog los yog tsis haum rau neb los kuv thov neb ho zam rau kuv thiab. Ua tsaug.

Y. Suav Nus

Nyob zoo Deng,

Kuv tuaj pom tias Tswv Qhia Khamse yuav ua ib lub koob tsheej loj rau Hmoob kev ntseeg nyob Los Tsuas no mas kuv kuj zoo siab heev.  Kuv mam li thov Tswv Ntuj txhawb nej cov xib hwb Hmoob thiab cov ntseeg sawv daws. Thov kom peb cov Hmoob los paub thiab ntseeg txog Tswv Ntuj thiab HT Yes Xus coob zuj zus ntxiv xwb.

Kuv kuj ho xav muaj ob peb lo lus nug thiab:
1 - Yog vim li cas TQ Khamse thiaj li siv 1966 los xwb? Nws yeej paub txog TP Nyiaj Pov thiab paub hais tias peb Hmoob xub los ntseeg yog thaum 1954 los lawm, vim li cas thiaj li ua 1966 los?
2 - Nej cov Hmoob puas yuav caw TQ Txwj Choo Thoj thiab? Kuv xav hais tias nws yog peb ib tug txiv plig thiab tswv qhia Hmoob mas phim nej yuav nrog nws sab laj txog lub koob tsheej ntawd thiab mas ntshai yuav zoo dua. Thiab nws kuj yog ib tug uas sawv hauv thawj lub zos Hmoob ntseeg Yes Xus los.

3 - Nyob hauv koj cov duab no TQ Khamse puas yog tus laus sawv tom tw rooj?  Cas zoo li kuv tsis paub nws lawm.


Mim Yaj

Nyob zoo txiv Suav Nus,

Yog koj hais tias koj txiv thiab koj yawg Txawj Tswb lawv txais lub Cim Ntxuav tim 15/08/1954 mas ntshe yuav yog li koj hais dua. Vim kuv kuj nyuam qhuav mus tshawb txuj pem Paris, cov Txiv Plig OMI muab tau ib phau ntawv hais txog Hmoob kuj sau tias thawj tug hmoob Nplog teb txais lub Cim Ntxuav yog tim 15 lub 8 hli 1954, hais tias koj txiv "Yaj Zam Nob" tau mus txos caug koom TP.Nyiaj Pov ua 3 thaj Txi Ntuj Hmo Hmoov Yes Xus Yug los sib lawm" tag ces thiaj li txais lub Cim Ntxuav rau tim 15-08-1954 no. Tab sis hauv TP.Nyiaj Pov cov lus sau thaum nyob Vib Nais mas nws hais tias yog Hmo Hla 1954 no ces kuv thiaj ahis li ntawd xwb. Vim kuv twb pom ob lub vas thib sib txawv lawm.