Muaj tej yam txawv txawv ntawm kuv niam lub ntxa tiag

Nyob zoo nej sawv daws os, tau ntev lawm tsis tau tuaj sau ntawv, nej txhua tus puas tseem nij hnub tuaj....

Hnub no kuv yuav tuaj tham txog yam txawv txawv ntawm kuv niam lub ntxha.

Nej nrog kuv xav seb puas yog yam no qhia rau peb tias peb niam tau kev kaj siab nrog Tswv Ntuj?

Thaum kuv niam tseem ua neej nyob, nws hais rau peb tias, yog hnub twg nws ncaim lub ntiaj teb no mus, nws thov kom peb txhob muab nws hnav khaub ncaws dub thiab kom peb txhob muab phuam dub dub rau nws ntoo, vim nws nyiam mus dawb dawb huv huv li Huab Tais Yesxus, nws xav kom peb muaj ntaub dawb los xaws nws tej tsoos tsho xwb.

Yog li no thaum peb niam tau tag sim neej hnub tim 16 lub 1 hli ntuj 2014....peb cov me nyuam yeej tsis muab ib daim khaub ncaws dub rau nws , tag nrho nws cov tiab cov tsho, tsoos tsho laus tshaj sab los yog dawb huv si, daim pam kuv xaws vov kuv niam los kuv yeej xaws dawb dawb nrog ib tug ntoo cuam xim xiav li Niam Mab Liab lub tsho xwb.

Qhov txawv, peb yeej tsis tau qhia rau fab kis paub tias peb niam nyiam xim dawb, tiam sis mas thaum lawv muab peb niam zwm av, muab av npog tag rau lawm, ces peb cov me nyuam mam los tsev, tsaus ntuj peb rov qab mus saib , ua cas fab kis muab ib tug ntoo cuam dawb dawb txhos rau saum peb niam lb ntxa.

Peb xav tsis thoob li, peb xav hais tias cas fab kis ho muab ib tug nto cuam dawb dawb los txhos rau peb niam nkaus xwb, es tag nrho lub toj ntxa ntawv tsis muaj ib tug muaj ntoo cuam dawb li, cov lawv txhos tom qab peb niam lub los yeej daj daj lawm xwb. Mus tshwm plaws lub toj ntxa ntsia kiag xwb yeej pom peb niam tus ntoo cuam dawb dawb ci ci laim txias tom toj ntxa xwb.

Yog vim li cas ho muaj li ntawv? nej leej twg puas tau muaj dua txheeb ze xiam,lawv txhos ntoo cuam xim dawb thiab? yog vim li cas hos tsis txhos rau cov tom qab li thiab ho mus txhos xim daj lawm xwb?

Nij hnub no peb tseem xav tsis thoob. Yuav tsum yog 6 hli peb mam muaj cai yuav lag zeb los tshooj saum lub ntxa, tiam sis tus ntoo cuam dawb no zoo nkauj kawg li tiag.

Maiv Paj,

Cov tuag, yog nyuam qhuav tuag mas lawv tus ntsuj plig tseem tsis tau mus deb. Thiab yog tus neeg xav tau ib yam tshwj xeeb mas nws tus ntsuj plig mus ua rau cov neeg uas nws xav tau qhov khoom ntawd lub siab kom ua raws li tus ntsuj plig xav tau. Ib yam li cov neeg tseem muaj txoj sia nyob, yog cov uas lawv nquag teev Ntuj tib yam los yog muaj kev sib tso siab mas thaum ub tug xav ua ib yam dab tsi rau ib tug tab sis tsis tau khoom ua mas tus tod nws cia li xav tau tswv yim zoo tib yam li tus uas tsis khoom ua ntawd. Ces tus tod cia li hais tuaj rau tus uas xav xav txog nws. Qhov nov yog lawv cov Tshiab pov hwm ua cov xa xov mus los ntawm lawv.

Ntawm tus ntoo cuam dawb ntawm koj niam lub ntxa, tej zaud koj niam tus ntsuj plig mus ua lawv siab, lawv thiaj li muab tus dawb dawb li nws xav tau.

Maiv Tooj wrote:Maiv Paj,

Cov tuag, yog nyuam qhuav tuag mas lawv tus ntsuj plig tseem tsis tau mus deb. Thiab yog tus neeg xav tau ib yam tshwj xeeb mas nws tus ntsuj plig mus ua rau cov neeg uas nws xav tau qhov khoom ntawd lub siab kom ua raws li tus ntsuj plig xav tau. Ib yam li cov neeg tseem muaj txoj sia nyob, yog cov uas lawv nquag teev Ntuj tib yam los yog muaj kev sib tso siab mas thaum ub tug xav ua ib yam dab tsi rau ib tug tab sis tsis tau khoom ua mas tus tod nws cia li xav tau tswv yim zoo tib yam li tus uas tsis khoom ua ntawd. Ces tus tod cia li hais tuaj rau tus uas xav xav txog nws. Qhov nov yog lawv cov Tshiab pov hwm ua cov xa xov mus los ntawm lawv.

Ntawm tus ntoo cuam dawb ntawm koj niam lub ntxa, tej zaud koj niam tus ntsuj plig mus ua lawv siab, lawv thiaj li muab tus dawb dawb li nws xav tau.

Ntshe kawg li xwb os MaivTooj........cas txawv ua luaj li tiag, 2 lub ntxa tom qab kuv niam cia li ntoo cuam daj daj xwb...thaum peb mus pom kiag peb niamp tus ntoo cuam xwb, peb lub siab twb xav kiag tau tias, Niamp cas koj ho tau tus ntoo cuam dawb dawb nab? leej twg yog tus hais kom fab kis tso tus ntoo cuam dawb dawb rau koj lub ntxa nab?...peb cov nus muag sib ntsia zom zaws, nyias hais tias nyias tsis paub thiab...peb zoo siab thiab ho xav tsis thoob li, nsthe yeej muaj dab tsi txawv lawm ntag, fab kis thiaj ua li ntawv thiab......ces yeej yuav tsum yog li koj hais saum no lawm.

Ua ntej kuv niam txoj sia yuav tu, kuv ib tug niamhluas ua ib txwm tsis mus teev ntuj li, cia li xav tau tias, yuav tsum mus caum txiv plig rov qab tuaj ua dua ib lub cim Pleev rau niam, nws mus caum tau Txiv Plig tuaj ua lub cim tag kiag ces niam tsaug zog tsis sawv lawm dans le coma, kuv tuaj txog kiag li 30 nas this quaj ib pluag pov khawv tsa suab hu li ib tug dev nqo ntuj rau kuv niam tas ces niam txoj sia tu nro. Txawv kawg , ib txwm kuv tsis tau quaj li ntawv dua ib zaug li tiag, yog lub suab quaj tawm ib leeg ua kuv cheem tsis tau.