Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

» COV ZAJ NYEEM NRUAB LIS PIAM XYOO I 2016-2017
by Mim Today at 6:17 am

» COV ZAJ NYEEM HNUB CHIV XYOO A 2016-2017
by NrhiavTswvNtuj 8th December 2016, 12:32 pm

» XH.Zoov Ntxheb Yaj Nthuav Ntawv Ntshiab.
by Maiv Tooj 8th December 2016, 12:26 pm

» XH. Yaj Zoov Ntxheb lub Tsev THOOB TSIB
by Maiv Tooj 8th December 2016, 12:18 pm

» Xib Hwb Thoj Xyooj lub neej
by Maiv Tooj 6th December 2016, 10:30 pm

» Thov Leej Ntshiab YOS XES
by Maiv Tooj 3rd December 2016, 10:36 am

» COV ZAJ NYEEM NRUAB LIS PIAM XYOO II, 2015-2016
by Mim 2nd December 2016, 1:29 pm

» Qhia keeb kwm kev ntseeg. TP.Cwj Vuam CChiv.
by Maiv Tooj 28th November 2016, 9:58 pm

» Yes Xus lub ntsej muag tiag tiag.
by NrhiavTswvNtuj 26th November 2016, 1:52 pm

» HMOOB NPAM NAJ XEES
by NrhiavTswvNtuj 21st November 2016, 9:15 am

» MOO QAIJ QAUG
by Maiv Tooj 20th November 2016, 9:45 am

» TP.Txhiaj Foom lub TSEV Ntawv
by Maiv Tooj 19th November 2016, 12:04 pm

Suav neeg tuaj saib, txij hnub 17/09/2010 los mus.


    Pab thov ntuj rau kuv niam

    Share

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Pab thov ntuj rau kuv niam

    Post  Maiv Paj Lug on 29th October 2013, 7:15 am

    Nyob zoo nej txhua tus phoojywg zoo,

    Twb ib xyoo rov los txog peb tsev neeg kev nyuaj siab yuav tau txais sai no lawm mog qhia nej txhua paub os..

    Qhov kuv tsis tuaj sau ntawv thiab tsis tawm rooj , twb vim yog kuv niam mob nws tus cancer, peb txhua tus nrog kuv niam kho nws tus mob tau ib xyoo no...lub hli no kuv niam rov mus hoob maum...qhov zoo ces tsawg lawm xwb mog ( cancer géneralisé stade 4)...nej pab thov Tswv Ntuj rau kuv niam kom thaum kawg hnub nws hla txoj kev tuag nws muaj zog. Ua tsaug os





    <3 <3 Pab kuv rov los cuag koj Huab Tais Yesxus <3 <3

    Lajpovyaj
    Phooj Ywg
    Phooj Ywg

    Messages : 166
    Date d'inscription : 2009-12-03
    Age : 56
    Localisation : USA

    Re: Pab thov ntuj rau kuv niam

    Post  Lajpovyaj on 30th October 2013, 5:46 pm

    Maiv Paj Lug wrote:Nyob zoo nej txhua tus phoojywg zoo,

    Twb ib xyoo rov los txog peb tsev neeg kev nyuaj siab yuav tau txais sai no lawm mog qhia nej txhua paub os..

    Qhov kuv tsis tuaj sau ntawv thiab tsis tawm rooj , twb vim yog kuv niam mob nws tus cancer, peb txhua tus nrog kuv niam kho nws tus mob tau ib xyoo no...lub hli no kuv niam rov mus hoob maum...qhov zoo ces tsawg lawm xwb mog ( cancer géneralisé stade 4)...nej pab thov Tswv Ntuj rau kuv niam kom thaum kawg hnub nws hla txoj kev tuag nws muaj zog. Ua tsaug os

    Nyob zoo me muam Maiv paj lug.
    Twb tau 1 xyoos ntuj zeeg tav li no tsis pom nws tuaj tham txog nws niam tus mob rau peb s/d lawm.Kuv kuj tau tuaj nug txog nws niam lub moo me ntsis.
    Kuv kuj tau hnov Maiv tooj niam ntxawm txooj tub tuaj tham me ntsis rau kuv tias nws niam twb nyob cus plaws tsis muaj mob dab tsi lawm.Kuv kuj muaj lus zoo siab tias ntshe nws niam tus mob zoo li tau hnov lawm.
    Ua cas hnub no ho tuaj hnov nws rov tuaj tham txog nws niam tus mob ua rau kuv nrog nws thiab nws tsev neeg tu siab ua luaj li mog.
    Cia peb txhua tus mam li nrog nws thov ntuj pab nws niam li nws lub siab nyiam mog.

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Pab thov ntuj rau kuv niam

    Post  Maiv Paj Lug on 3rd November 2013, 8:31 am

    Nyob zoo rau koj os tijlaug Laopaoyang,

    Kuv niam ib txwm yog neeg cus plaws, txawm nws muaj mob los nws yeej tsis nroo thiab nws tawm rooj luag ntxhi kom luag tej txhob paub, tiam sis Tswv Ntuj ib leeg thiaj paub xwb os.

    Tsaib no peb mus nrog T.P CwjVuamChiv lawv taug kev Leej Ntshiab Yas Kos, kuv niam twb yeej mob nws tus Cancer lawm, nws thiaj nrog peb nce tsis tau roob, tiam sis nws tsis nroo mob ces tsis muaj neeg paub, nws twb los tuaj Meskas teb rov qab los nws mob mob hauv siab mam coj mus xoo mam pom nws tus mob xwb os, txawm mob li los nws yeej ua neeg nyob cus plaws, mus xov tooj cua ua si, tseem nrog kuv mus tsa ncej ntxheb rau cov tub rog thiab Nais Phoo Vaj Pov lawv txiaj ntsim Aubigny tib si , nws yeej tias lub neej kawg hnub twg nws khaws hnab lawv Yesxus qab mus , nws yeej nyob cus plaws, lub 9 hli los no ces nws sawv tsis taus lawm, nws tias nws tab tom kwv nws tus ntoo khaub lig kom peb txhob quaj nws lub cev qaug los tus ntsuj yuav nrog nraim peb. Nws yuav mus nrog Yesxus nyob nws mam nco ntsoov peb mus kom kawg hnub peb rov sib ntsib no ces nws yeej zoo siab pw hoob maum tsis hais txog kev tuag li os, nws tsuas tias yuav tau sib ncaim ib ntu xwb no.

    Yog li peb thiaj ua hnub ua hmo zov nws, txhua lub week-end kuv yeej tsis nyob tsev, kuv mus pw tim hoob maum zov niam lawm.






    <3 <3 Pab kuv rov los cuag koj Huab Tais Yesxus <3 <3

    Tub Kawm
    Phooj Ywg
    Phooj Ywg

    Messages : 404
    Date d'inscription : 2011-10-13

    Re: Pab thov ntuj rau kuv niam

    Post  Tub Kawm on 5th November 2013, 11:42 am

    Nyob zoo Maiv Paj, cas koj niam yuav tau ib tus mob txawv ua luaj, txawj mob los tsi paub zoo li. Li cas los tso siab rau Ntuj thiab vim HT Ntuj yeej yuav pab tau yus raws li yus taij thov og.
    Cia peb mam nrog teev ntuj pab og nawb.
    Thov kom Tswv Ntuj yuav pab tau koj niam tus mob kom zoo.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: Pab thov ntuj rau kuv niam

    Post  Mim on 6th November 2013, 4:45 am

    Nyob zoo Maiv Paj Lug,

    Tau ntev lawm tsis pom koj tuaj li, yog koj niam muaj mob lawm lod? Thaum yus ib tug neeg muaj mob loj li no ces yeej nyuaj siab kawg nkaus thiab tsi qab siab yuav ua dab tsi li os. Cia peb mam li pab thov ntuj rau koj niam thiab rau nej tsev neeg os nawb. Ua neeg ces tsis ncaim hnub no los yeej yuav ncaim tag kis, tiam sis peb tsis xav kom txog lub caij kiag li xwb. Tsis ntshai, peb yuav tau tso siab rau Tswv Ntuj tuag nthi mog. Nej yuav tau xav tias yog Tswv Ntuj pom zoo, ces nwj yeej yuav ntxiv hnub ntxiv xyoo rau koj niam nrog nej nyob ntxiv mog.

    Peb sawv daws nrog nej nyuaj siab thiab peb mam thov ntuj pab nej mog.

    Lajpovyaj
    Phooj Ywg
    Phooj Ywg

    Messages : 166
    Date d'inscription : 2009-12-03
    Age : 56
    Localisation : USA

    Re: Pab thov ntuj rau kuv niam

    Post  Lajpovyaj on 6th November 2013, 9:44 am

    Maiv Paj Lug wrote:Nyob zoo rau koj os tijlaug Laopaoyang,

    Kuv niam ib txwm yog neeg cus plaws, txawm nws muaj mob los nws yeej tsis nroo thiab nws tawm rooj luag ntxhi kom luag tej txhob paub, tiam sis Tswv Ntuj ib leeg thiaj paub xwb os.

    Tsaib no peb mus nrog T.P CwjVuamChiv lawv taug kev Leej Ntshiab Yas Kos, kuv niam twb yeej mob nws tus Cancer lawm, nws thiaj nrog peb nce tsis tau roob, tiam sis nws tsis nroo mob ces tsis muaj neeg paub, nws twb los tuaj Meskas teb rov qab los nws mob mob hauv siab mam coj mus xoo mam pom nws tus mob xwb os, txawm mob li los nws yeej ua neeg nyob cus plaws, mus xov tooj cua ua si, tseem nrog kuv mus tsa ncej ntxheb rau cov tub rog thiab Nais Phoo Vaj Pov lawv txiaj ntsim Aubigny tib si , nws yeej tias lub neej kawg hnub twg nws khaws hnab lawv Yesxus qab mus , nws yeej nyob cus plaws,  lub 9 hli los no ces nws sawv tsis taus lawm, nws tias nws tab tom kwv nws tus ntoo khaub lig kom peb txhob quaj nws lub cev qaug los tus ntsuj yuav nrog nraim peb. Nws yuav mus nrog Yesxus nyob nws mam nco ntsoov peb mus kom kawg hnub peb rov sib ntsib no ces nws yeej zoo siab pw hoob maum tsis hais txog kev tuag li os, nws tsuas tias yuav tau sib ncaim ib ntu xwb no.

    Yog li peb thiaj ua hnub ua hmo zov nws, txhua lub week-end kuv yeej tsis nyob tsev, kuv mus pw tim hoob maum zov niam lawm.


    Nyob zoo kuv me muam Maiv Paj Lug.
    Hnub no kuv paub qhov tseeb ntawm koj niam tus mob lawm kuv kuj nrog koj thiab koj tsev neeg tu siab kawg nkaus tsis paub yuav pab tau nej li cas mog.Kheev lam yog de tau li de lub txiv ces peb muab koj niam tus mob de kiag li de lub txiv mus pov tseg kom tag ces zoo lawm.Tab sis peb de tsis tau pov tseg.Tswv ntuj yog tus muaj hwj huam loj tas zog yog li no cia peb txhua tus mam li pab thov ntuj rau koj niam tswv ntuj yuav tsum pab tau kopj niam kom koj niam yuav tsum yeej tus mob xwb mog.
    Kuv qhia koj tias yog koj tso siab rau tswv ntuj ces koj yeej tau txais tswv ntuj txoj kev hlub kev pab xwb mog.
    Kuv twb tuaj tham rau nej ntau zaus lawm tias kuv tau tus mob Cancer ntawm caj dab hauv caj pas tom lub pob qa thaum lub 5/19/2006 los lawm.Neeg ntiaj teb yeej kho tsis tau tsuas yog tswv ntuj thiaj li pab tau kuv li siab xav xwb.kuv thiab tsoom phooj ywg sib paub txhua tus pab thov ntuj tas zog pub rau kuv tswv ntuj yeej teb kuv cov lus thov thiab pub txoj sia pub lub zog rau kuv nyob txog niaj hnub no.Yog li no kuv yeej ntseeg tias tswv ntuj yuav tsum muab lub yeej koob yeej huam los pab koj niam kom yeej nws tus mob thiab mog.

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Pab thov ntuj rau kuv niam

    Post  Maiv Paj Lug on 25th November 2013, 10:04 am

    Nyob zoo os niamlaus MIm, Maiv Tooj, Tub Kawm thiab Laopovyang...

    Kuv rov qab tuaj xa moo rau nej os, lub week no kiag ce skuv niam noj tsis tau mov lawm os qhia li no rau nej paub, nais maum tsuas tso tshuaj qab zib thiab qab ntsev rau nws lub cev lawm xwb, thiab cov tshuaj Morphine los yeej tsis loog nws qhov mob...nws ntsaj ua hnub ua hmo thiab ntuav li ntuav.

    Nag hmo yog hnub Sunday ,kuv niam tau tag kev cia siab...thaum ntej mas kuv niam hais tias nws yuav kwv nws tus ntoo cuam lawv Yesxus qab...tab mam nws tau hais rau peb tias muab ib tug pog hmoob txawj txawj ua neeb tuaj saib nws tag es tus pog ntawv fiv fiv ib co yeem rau nws tag na nws pw tau ib hmos tsis hnov nws qhov mob cancer ntawv tom nws li txhua zaus lawm, tiam sis cov xib hwb tuaj thov ntuj tas rau nws no rov qab hnov nws tus mob ntawv tom nws dua...nws kom cov yau ua nrog nws nyob rho nws 500£ nqa mus rau tus pog ua neeb kom tuaj ua neeb kho nws no nas

    Tiam sis kuv tsis kam ces kuv muab niam daim carte rho nyiaj nqa los tsev lawm, kuv tias ntiav nyiaj ua neeb kim tag npaum li, kuv mus hu Txiv Plig tuaj ua lub cim pleev kuv nyuam qhuav siv tag 40£ pub tus txiv plig xwb, kuv tsis pub los Txiv Plig twb tsis taij.

    Peb txoj kev tso siab nyob rau ntawm Tswv Ntuj Huab Tais Yesxus xwb kuv tsis pub neerg tuaj ua neeb kho li ub li no tag tseem yuav muab peb kaus nyiaj thiab no mas kuv niam tu tu siab rau kuv li os.

    Qhia nej sawv daws paub li no xwb, lub caij no peb tab tom nyuaj nyuaj siab los tseem muaj neeg tuaj ntxias peb tsis tseg kom ua li ub li no thiab os cov phoojywg sawv daws...tu siab tshaj.

    Tsis yog kuv tsis hlub niam li niam xav es tsis pub tus pog ntawv tuaj ua neeb kho kuv niam, twb yog kuv hlub hlub kuv niam kawg li kuv thiaj tsis kam lawv ua neeb kho nws, vim peb twb paub tias tsis yog tim nws tus ntsuj plig , twb yog tim nws tus mob cancer, yog nais maum kho tsis tau lawm ces kawg Tswv Ntuj txiav li cas yuav li ntawv xwb no es thiaj li tsis kam leej twg ua Neeb kiag, vim Yesxus lub cev yog yam tshuaj zoo tshaj lwm yam lawm.

    Tiam sis qee tsam zoo li yus cia li yuav qaug rau neeg kev ntxias li....No 




    <3 <3 Pab kuv rov los cuag koj Huab Tais Yesxus <3 <3

    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Teev Ntuj tas mus

    Post  Bao X Mary on 26th November 2013, 7:52 am

    Nyob zoo me niam hluas Maiv Paj,

    Peb ua neej nyob hauv txoj kev ntseeg ces lub sij hawm zoo li tam sim no koj niam ces dag phem yuav siv lwm tus los ntxias kom yus poob rau txoj kev ua txhaum os mog. Tam sim no koj niam ces nws mob lawm, nws nyiaj tsis tau nws tus mob, ces nws xav ua txhua yam kom pab tau nws, nws tsis pom qab muab nws txoj sia rau qhov twg ces nws thiaj tas kev cia siab. Tab sis nej yog cov yuav txhawb koj niam lub siab, kom nws nyob ruaj nreb hauv txoj kev ntseeg mus txog thaum kawg os mog.

    Nej rau siab teev Ntuj txhua hmo rau koj niam, txawm tias tsis muaj txiv plig thiab tsis muaj xwb hwb los nej yim meem teev Ntuj li nej teev tau, teev sawv Mab Liab, teev peb Txiv, hu nkauj cav txog Tswv Ntuj txhua hmo ces koj niam yuav tig rov los nyob hauv Tswv Ntuj lub Txiaj Ntsim os mog.

    Huab Tais Yes Xus hais tias" Nej yuav teev Ntuj tsis tseg xwv nej thiaj yuav tsis poob rau kev ntxias." Muaj tseeb tiag peb sawv daws los pab thov Ntuj rau koj niam thiab nej tsev neeg kom Tswv Ntuj pub txoj kev thaj yeeb nyab xeeb rau nej, thiaj kom nej txawj ua siab loj nyob hauv peb Tus Huab Tais Yes Xus Pleev Lub npe ua muaj hwj huam tas nrho.

    Thaum lub sij hawm yus rau kev txom nyem mas thaum ntawd yog dab phem yuav siv lwm tus los ntxias kom yus yauv kev. Tab sis peb cov riam phom yuav tiv thaum dab phem ces yog peb txoj kev thov Ntuj, teev Ntuj tas mus. Qhov nov yuav pab kom peb yeej dab phem txoj kev ntxias.

    Kuv twb raug dua txoj kev li kom hais lawm os mog. Tab sis ua siab loj teev Ntuj tas mus li ces dab phem yuav yaj ntshis thiab txaj muag ploj ntais mus tsis los ti yus ntxiv.

    Thaum ub kuv txiv yawg mob kws kho mob tias kho tsis tau lawm no mas tus yuav hais li cas los muaj, hais kom mus ua neeb saib yaij, kuv txiv yawg thiab niam pog twb nyiaj mus ua neeb thiab saib yaig. Tab sis kuv thov Xwb Hwb los thov Ntuj txhua hmo rau kuv txiv yawg ces tsis ntev ntawd kuv txiv yawg lub siab cia li hloov kiaj los ntseeg Tswv Ntuj thiab tso sia rau Tswv Ntuj lawm. Dhau ntawd mas nws yeej tias tsis muaj Tswv Ntuj li tab sis thaum peb thov Ntuj heev ces cia li ua rau nws hloov kiag. Nws txawm pom Huab Tais Yes Xus los saib nws, txij ntawm los kuv pom nws txoj kev ntseeg hloov. Thaum nws cia li hais txog Tswv Ntuj lawm xwb.

    Thov kom Tswv Ntuj nrog koj niam thiab nej tsev neeg nyob ua nej siab kaj lub nyob hauv Peb tus Huab Tais Yes Xus Pleev tus muaj hwj huam lub npe. Ua li

    Tub Ntxaws
    Tuaj Tshiab
    Tuaj Tshiab

    Messages : 33
    Date d'inscription : 2012-02-21
    Localisation : Tub Ntxaws

    Re: Pab thov ntuj rau kuv niam

    Post  Tub Ntxaws on 26th November 2013, 12:50 pm

    Nyob zoo os kv tus muam ua cas es ib leeg ho nyob ib sab ntuj pab tsi tau koj tus ua muam li cas li kawg tsuas t.h.tais ntuj pab xwb. Txawm cas koj niam raug rau nkeeg. ib tsuas kaws mus hauv nais maum 2 yus lub cev xeeb tau mob tswv ntuj ua tus nrias yus txoj sia lawm xwb. Yog koj niam mob li ntaw ntshai nws tus mob tsi zoo es nws tau npau taws hee yog muaj ib tus nyob sab rau tuaj yog kho tau mas nws xav kho kom hlo xwb. tsi hais koj niam los sab tim no tib nees laug lawv ntsees tsi tas txawm ua neeb ua yais los kav liam tsuas yog mob zoo xwb koj yuav tsum ua siab mos txhob txhawj twb muaj tswv ntuj kav yus nres yus. Thov tswv nros koj nyob ua koj siab kaj lus mus li xwb. Mam ntsib dua lwm zaug

    Tub Ntxaws
    Tuaj Tshiab
    Tuaj Tshiab

    Messages : 33
    Date d'inscription : 2012-02-21
    Localisation : Tub Ntxaws

    Re: Pab thov ntuj rau kuv niam

    Post  Tub Ntxaws on 27th November 2013, 3:14 am

    Tub Ntxaws wrote:Nyob zoo os kv tus muam ua cas es ib leeg ho nyob ib sab ntuj pab tsi tau koj tus ua muam li cas li kawg tsuas t.h.tais ntuj pab xwb. Txawm li cas koj niam raug mob raug nkeeg los txhob nyuaj yeej muaj H.t.ntuj ua tus kav nws thiab tsom kwm saib xyuas nws xwb xwb li tej zaum yuav zoo raws li lub siab xav xwb. Koj ua tus muam ua siab loj thiab mos. ib tsuas kaws mus hauv nais maum kho puas yuav pab tau xwb. 2 tuaj lub cev civ cim xeeb tau mob ntau yam kws tshuaj yeej kho tsi tau los kuj muaj thiab. Txawm li cas los txhob tsawm maj tu siab hais tias kho tsi tau li lawm es yuav tsum mus ua neeb ua yaig kho li zoo qhov no yuav tau xyuam xim tsam tuaj kub haub txias tau yus ces txos thaum ntaw yeej nyuaj rau yus heev tim nej twb muaj.X.H. thiab txiv plig nyob ti mam thov lawv tuaj pab thov tswv ntuj rau koj niam ntau zaus tej zaum zoo xwb peb nyob tim no peb ua hnub ua hmo ntsia ntsoov nej coj peb kev ua peb niam peb txiv coj peb mus nrhiav noj nrhiav haug xwb peb nyob deb T.P. heev tej neeg laus tej mob nkeeg muaj ntau tus twb tsi tau txai lub cim daws txhaum cim yug cia tas txoj sia lawm ntau tus T.P tuaj tsi tau li yeej nyuaj siab kaws nkaus tsi pom qab yuav qhia rau leej twg li tsuas qhia rau nej xwb peb twb tseem ua khwv tuav rawv kev ntseeg cia. Coj los qhia rau sawv daws .nej yuav ua lub teeb pom kev rau peb thiab muas muam maiv paj . Kuv tsuas ntsib koj ua muam li no xwb . Tais kis no kuv muaj me ntsi teeb meem kuv hais lus yuam kev ntau zos lawm thov nej zam txim pub rau kuv thiab os ua tsaug ntau mam ntsib dua.

    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: Pab thov ntuj rau kuv niam

    Post  Bao X Mary on 27th November 2013, 11:58 am

    Peb ua neej nyob thaum yus raug kev txom nyem thiab kev nyuaj, kev mob kev nkeeg, thaum ntawd yus tag kev cia siab. Yus xav tias xyov puas muaj Tswv Ntuj lawm, xyov nws puas hnov yus tej lus thov. Yus ua xyem xyav tsis paub qhov twg thiaj yog qhov tseeb. Thaum ntawd dab phem ua lwm tus neeg lub siab ntxiav kom yus yuam kev, kom yus mus ua lwm yam kev ntseeg,mus ua neeb, mus saib yaig, mus ua tej yam tsis haum Tswv Ntuj siab, kom yus poob rau kev txhaum. Dab phem ntxias ua lwm tus lub siab kom hais lus thuam yus, txo yus zog, nws yuav ua zaj ua ntxeev ntxia kom yus poob rau kev txhaum. Tab sis kev teev Ntuj tas mus li yog lub zog uas yuav txhawb thiab rub yus rov los nyob ze Tswv Ntuj, rov los nyob hauv qhov pom kev.

    Me niam hluas Maiv Paj, teev Ntuj tsis tseg mog, Tswv Ntuj yuav txhawb nej lub zog thiab Tswv Ntuj yuav txhawb koj niam lub zog kom koj niam rov muaj zog nyob hauv Tswv Ntuj os.

    Thov kom Huab Tais Leej Txiv, Huab Tais Leej Tub, thiab Huab Tais Leej Ntuj Plig tso lub zog rau saum koj niam thiab nej txhua tus os mog.





    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Pab thov ntuj rau kuv niam

    Post  Maiv Paj Lug on 4th December 2013, 6:16 am

    Nyob zoo Niam laus Bao X Mary, thiab Tub Ntxawg......kuv ua tsaug rau neb cov lus zoo nawb...tsam no ces kawg tso rau Tswv Ntuj lamw xwb...yeej thov ntuj ua hnub ua hmo li yus ua tau lawm xwb...peb txhua tus thiab cov Dr los yeej pab tau li qhov yus pab xwb os, vim peb yog tib neeg xwb peb txuas tsis tau txoj sia kom ntev ntev li peb siab xav ...thaum kev nyuaj nyuaj li no los ze zuj zus lawm ces yeej yog Tswv Ntuj Huab Tais Yesxus nres thiab tus txiav txim lawm xwb.
    Twb dhau 2 week no kuv niam tsis noj mov lawm, tsuas yog ntuav nkaus, thiab nais maum yug mis rau kuv niam lub cev xwb os.







    <3 <3 Pab kuv rov los cuag koj Huab Tais Yesxus <3 <3

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Pab thov ntuj rau kuv niam

    Post  Maiv Tooj on 17th January 2014, 12:52 pm




    Maiv Paj Lug niam,
    Niam VAJ Txawj Sua (LIS See)
    yug hnub tim 03-06-1945

    Nws tau tas sim neej rau hnub tim 16 lub 1 hlis 2014.
    Yuav npaj nws lub ntees rau hnub
    tim 17 mus rau 19 lub 1 hlis ntuj 2014,
    nyob rau lub chav tsev :
    Salle du Bois Joli - 49 228 La Séguinière

    Hnub tim 18, yuav pib ua kab ke xa plig ze ntawm 8 teev tsaus ntuj.




    Tub ntsuag
    Phooj Ywg
    Phooj Ywg

    Messages : 135
    Date d'inscription : 2011-10-06

    Re: Pab thov ntuj rau kuv niam

    Post  Tub ntsuag on 17th January 2014, 1:20 pm

    Maiv Tooj wrote:



    Maiv Paj Lug niam,
    Niam VAJ Txawj Sua (LIS See)
    yug hnub tim 03-06-1945

    Nws tau tas sim neej rau hnub tim 16 lub 1 hlis 2014.
    Yuav npaj nws lub ntees rau hnub
    tim 17 mus rau 19 lub 1 hlis ntuj 2014,
    nyob rau lub chav tsev :
    Salle du Bois Joli - 49 228 La Séguinière

    Hnub tim 18, yuav pib ua kab ke xa plig ze ntawm 8 teev tsaus ntuj.
    . nyob zoo nam hlob maiv paj lug niam tau tas sim neej lawm lov ua cas nws yuav tau tug mob tsi tso nwg tseg li pab nrog nwg tu siab og . .thov kom huab tais ntuj pab coj nws mus rau chaw tau zoo og nawb . .maiv paj txawm koj niam tau tso nej tseg lawm txhob tu siab og nawb .cia siab ntsoov rau huab tais ntuj nawb mog .mam siab ntsib dua og nawb

    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5049
    Date d'inscription : 2009-08-18

    Re: Pab thov ntuj rau kuv niam

    Post  Maiv Tooj on 17th January 2014, 1:21 pm


    Nyob zoo Maiv Paj Lug,

    Pab nws tu siab uas nws niam tau tso peb sawv daws tseg lawm.

    Ua siab loj mog, lub neej nyob ntiaj teb ces peb sawv daws yeej los hla ib vuag xwb. Lub neej ruaj ces yog nyob saum Ntuj. Yuav txhob tshua lub neej ntiaj teb, vim yuav tsis nyob mus li.

    Peb nyob deb deb tuaj hlub tsis tau nws niam es nws txhob tu siab mog.

    Thov kom Niam Mab Liab pab coj nws niam kev, peb thov Ntuj rau nws niam.





    soua1950

    Messages : 21
    Date d'inscription : 2012-05-07

    Re: Pab thov ntuj rau kuv niam

    Post  soua1950 on 17th January 2014, 2:07 pm

    Maiv Tooj wrote:
    Nyob zoo Maiv Paj Lug,

    Pab nws tu siab uas nws niam tau tso peb sawv daws tseg lawm.

    Ua siab loj mog, lub neej nyob ntiaj teb ces peb sawv daws yeej los hla ib vuag xwb. Lub neej ruaj ces yog nyob saum Ntuj. Yuav txhob tshua lub neej ntiaj teb, vim yuav tsis nyob mus li.

    Peb nyob deb deb tuaj hlub tsis tau nws niam es nws txhob tu siab mog.

    Thov kom Niam Mab Liab pab coj nws niam kev, peb thov Ntuj rau nws niam.


    Maiv Paj Lug thiab tsev neeg uas hlub tshua.
    hnub no kuv tau pom ib tsab xov tswm hauv lub tshuab hlwb hlau, hais tias koj niam uas yog koj tus hlub tshua tau tso sawv daws tseg lawm, nws yog ib tsab xov uas nrog koj thiab tsev neeg tu siab kawg. thaum pom li no lawm hais tsis tau ib lo twg uas yuav nplij tau koj lub siab thiab tauv tau koj lub kua muag. tsuas xa tsab xov no tuaj rau koj nrog lub kua muag tias peb txhua tus yeej ua ntsuag niam, ntsuag txiv li koj lawm thiab. ais peb hlub koj thiab tsev neeg uas peb sawv daws tau taug ib txoj kev. peb txhua tus yeej tsis xav tau, tab sis peb txhua tus yuav maim tsis dhau, ais ua ib siab so lub kua muag, vim lub sim ceeb yog lub nyob ib vuag dua ais cov nyob ho txav los txoos ua pab, nyob ua ntshua cev tes plws tus hlob dhau tus yau kom txhij txhua, txhiaj yuav tauv tau lub kua muag os mog!.
    xaus no, peb sawv daws yuav nrog koj thov ntuj rau nws, kom nws mus tau txoj sia tshiab nrog peb leej txiv tswv ntuj nyob mus ib txhiab.

    Txhiaj Sawm Tsab

    Lajpovyaj
    Phooj Ywg
    Phooj Ywg

    Messages : 166
    Date d'inscription : 2009-12-03
    Age : 56
    Localisation : USA

    Re: Pab thov ntuj rau kuv niam

    Post  Lajpovyaj on 17th January 2014, 6:14 pm

    Maiv Tooj wrote:



    Maiv Paj Lug niam,
    Niam VAJ Txawj Sua (LIS See)
    yug hnub tim 03-06-1945

    Nws tau tas sim neej rau hnub tim 16 lub 1 hlis 2014.
    Yuav npaj nws lub ntees rau hnub
    tim 17 mus rau 19 lub 1 hlis ntuj 2014,
    nyob rau lub chav tsev :
    Salle du Bois Joli -  49 228 La Séguinière

    Hnub tim 18, yuav pib ua kab ke xa plig ze ntawm 8 teev tsaus ntuj.
    Maiv pajlug.
    Hnub no kuv tau hnov lub moo tu siab tias koj niam tau tso peb sawv daws tseg lawm.kuv kuj nrog koj thiab koj tsev neeg tu siab kawg.Tab sis peb tsis muaj tsab peev xwm uas yuav tuaj nrog cawm kom tau koj niam txoj sia rov los ua koj niam nrog peb nyob ntxiv lawm mog.
    Txawm li cas los koj ua siab loj tias tsis yog yus 1 leeg xwb thiaj li txawj tuag mog.Tag nrho txhua tus neeg hauv lub ntiaj teb no puav leej taug tib txoj kev xwb tsis muaj tus yuav hla dhau txoj kev tuag no li mog.
    Yog tias kuv nyob ze ces txawm kuv pab tsis tau nej dab tsi los kuv yuav tuaj nrog nej tsev neeg saib koj niam ua zaum kawg ntawm koj niam lub neej los ua neeg rau lub ntiaj teb no.Tab sis kuv nyob ntuj deb kev ncua ntev ces tuaj nrog nej hlub tsis tau saib tsis tau los thov koj txhob tu siab mog.

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Pab thov ntuj rau kuv niam

    Post  Yaj Suav Nus on 18th January 2014, 4:49 am

    Maiv Paj Lug, thov nrog koj thiab koj tsev neeg tus siab uas koj niam tau ncaim peb. Peb sawv daws koom siab sawv koj niam chaw hais ib los lus thov kom Huab Tais Yes Xus zam koj niam cov txhaum uas thaum nws ua neej nyob nws tsis paub tias yog ib qho txhaum ces nws tau ua lawm, vam tias Huab Tais Yes Xus yuav zam raws li peb thov thiab yuav txais koj niam tus ntsuj plig mus nrog ib tsoom neeg dawb huv nyob ua ke mus tag ib txhiab ib txhis...

    Y. Suav Nus

    Tub Ntxaws
    Tuaj Tshiab
    Tuaj Tshiab

    Messages : 33
    Date d'inscription : 2012-02-21
    Localisation : Tub Ntxaws

    Re: Pab thov ntuj rau kuv niam

    Post  Tub Ntxaws on 18th January 2014, 12:37 pm

    Nyob zoo og maiv paj lug peb sawv daws nrog kj tsev neeg tu siab uag koj niam tau tau tso peb tse lawm og thov kom huab ntuj pab kj thiab koj tsev neeg kom xyoo tsiab no mus kom nej nyob ntshiab li dej huv txhuv kom qhauv tshiab log tau noj .dej tshiab los tau haug nrog lub xyoo tsiab no mus nawb thiab kom koj niam tus ntsuj plig mus nrog tau tsoom leej ntshiab nyob plig dawb plig huv sawv ua npoj mus ua ntxaig hauv tswv ntuj lub loog xwb og. Sib ntsib dua nyob zoo.

    Tub Ntxaws
    Tuaj Tshiab
    Tuaj Tshiab

    Messages : 33
    Date d'inscription : 2012-02-21
    Localisation : Tub Ntxaws

    Re: Pab thov ntuj rau kuv niam

    Post  Tub Ntxaws on 18th January 2014, 12:56 pm

    Ua tsaug ntau og txiv suav nus tau ntev lawm t.p chiv log nrog nej nyob tim ko lawm kuv noo tsi tau moo li nws thiab nej noj nyob li cas lawm xwb og tp chiv lub xov tooj thiab lub emai hloov lawm log ua cas ntsib tsi tau nws li yog hloov lawm no thov kj muab rau kuv og txiv suav nus ua tsaug sau npe xyu tub..

    Yaj Suav Nus
    Phooj Ywg
    Phooj Ywg

    Messages : 279
    Date d'inscription : 2009-10-23

    Re: Pab thov ntuj rau kuv niam

    Post  Yaj Suav Nus on 18th January 2014, 4:19 pm

    Tub Ntxaws wrote:Ua tsaug ntau og txiv suav nus tau ntev lawm t.p chiv log nrog nej nyob tim ko lawm kuv noo tsi tau moo li nws thiab nej noj nyob li cas lawm xwb og  tp chiv lub xov tooj thiab lub emai hloov lawm log ua cas  ntsib tsi tau nws li yog hloov lawm no thov kj muab rau kuv og txiv suav nus ua tsaug    sau npe xyu tub..

    Nyob zoo Tub Ntxaws, Kuv teb koj lo lus rau hauv Messagerie, thaum koj chaws tau los rau hauv lub vas sab no koj yuav pom ib lub hnub qub ci ci rau ntawm los lus Fab Kis Messagerie, koj mus niam rau ntawd ces koj yuav pom kuv cov lus teb rau koj. Kuv ntseeg tias TP.Cwj Vuam cov xov tooj mas tsis yog cov koj paub lawm, tab sis nws tus Email mas yog tsis muaj teeb meem ces txawm yuav mus txog qhov twg los yeej tsis hloov.

    Y. Suav Nus

    Bao X Mary
    Phooj Ywg
    Phooj Ywg

    Messages : 180
    Date d'inscription : 2011-07-09

    Re: Pab thov ntuj rau kuv niam

    Post  Bao X Mary on 19th January 2014, 11:31 am

    Me niam hluas Maiv Paj,

    Pab tus siab uas koj niam tau tso nej tsev neeg tseg lawm os. Peb nyob deb ces peb tuaj pab tsis tau nej, tsuas muab lo lus qhuav los txhawb nej lub zog xwb. Koj niam tau mob ntev thiab nyiaj nws tus mob tau ntev heev, hnub no nws tau tag sim neej lawm los peb ntseeg tias nws tau mus nrog Tswv Ntuj nyob lawm. Nws tsis muaj kev mob kev txhawj li nyob ntiaj teb lawm.


    Thov kom Tswv Ntuj pub Leej Tswv Yim Ntshiab nrog nraim nej txhua tus kom nej txawj ua siab loj, los txhawb nej lub zog mus li. Thov kom hnub no mus nej tsev neeg tsuas tau txais kev thaj yeeb nyab xeeb mus li nyob hauv peb tus Huab Tais Yes Xus Pleev lub npe os mog.

    Mim
    Tswv Cuab Hmong Catholique
    Tswv Cuab Hmong Catholique

    Messages : 1650
    Date d'inscription : 2009-10-16

    Re: Pab thov ntuj rau kuv niam

    Post  Mim on 20th January 2014, 1:13 pm

    Nyob zoo Maiv Paj Lug,

    Hnub no kuv nyuam qhuav tuaj pom hais tias koj niam tau tso peb sawv daws tseg lawm, kuj nrog koj thiab koj tsev neeg tu siab kawg. Txoj kev sib ncaim ces yeej nyuaj kawg li os mog, vim tsis yog mus ob peb hnub xwb, hos yuav mus tas ib tiam. Tiam sis peb yuav tau tuav rawv peb txoj kev ntseeg thiab peb yuav tso siab rau Tswv Ntuj tias muaj ib hnub twg peb yeej tseem yuav rov sib ntsib sib pom no mog. Kuv tso siab tias koj niam yog ib tug neeg ntseeg zoo, koj niam yeej yuav tau txais yam zoo xwb, thiab nws yeej tsis tau tso nej pov tseg, nws yeej niaj hnub thov ntuj pab rau nej, pov hem nej os.

    Peb mam li thov ntuj pab koj niam thiab nej tsev neeg sawv daws thiab.

    Ntxhuav Mom Xyooj
    Tuaj Tshiab
    Tuaj Tshiab

    Messages : 98
    Date d'inscription : 2012-02-23

    Re: Pab thov ntuj rau kuv niam

    Post  Ntxhuav Mom Xyooj on 21st January 2014, 1:59 am

    Maiv Paj Lug

    Kuv tau hnov ib lub moo tu siab tias, koj niam tau dua mus lawm. Kuv nrog nej tsev
    neeg tu siab nawv mog. Nyob rau lub ntiaj teb no tus yus hlub yus tshua ces yeej yog yus niam yus txiv xwb, yus mus nrhiav thoob plaws hauv lub qab ntuj khwb no
    los yeej tsis pom ib tug zoo li yus niam li lawm mog Maiv Paj. Kawg tso siab plhuav
    rau ntawm Tswvntuj lawm xwb. Thov kom Huab Tais Yesxus zam txim rau koj niam
    nawv thiab txais cawm koj niam tus ntsuj plig mus kom hla dhau txoj kev ntxhov.


    Ntxhuam Mom Xyooj

    Maiv Paj Lug
    Tswv Cuab Hmong Catholique
    Tswv Cuab Hmong Catholique

    Messages : 1634
    Date d'inscription : 2009-08-17

    Re: Pab thov ntuj rau kuv niam

    Post  Maiv Paj Lug on 22nd January 2014, 1:15 pm

    Nyob zoo rau nej txhua leej txhua tus,

    Kuv muaj lus ua nej sawv daws tsaug rau nej txhua tus tej lus nyiaj lus kub ,ua nej sawv daws tsaug tseem txhawb peb tsev neeg thiab nrog peb tu siab.

    Txoj kev tuag leej twg los yeej tsis xav tau, tiam sis qee zaus kuj yog ib txoj kev daws yus dim ntawm kev txom nyeem.

    Kuv hlub kuv niam tshaj plaws li os lawv aw...tiam sis kuv tso siab rau Tswv Ntuj ua tus saib xyuas nws lawm, Tswv Ntuj yuav hlub tau nws zoo dua peb txhua tus lawm yav tom ntej.

    Hnub no kuv nyuam qhuav los txog xwb thiaj tsis tau teb nej sawv daws os mog. Zaum no ces, kev ntsuag yus muaj nrog luag ua lawm, yuav nco yus niam mus tag ib txhis, nws lub suab luag thiab tus ntxiab yuav nyob nraim hauv yus siab tsis ploj.

    Kuv muab kuv niam cov qub khaub ncaws nws hnav hnav los xaws tau ib lub tog hauv ncoo es puag pw seb puas yuav npau suav pom nws. Kuv los txog tsev, kuv nco nco kuv niam kuv los pw da saum nws kuv niam lub txaj ua nws mob mob thiab tag txoj sia, los pw tsaug ib tsim zog los tsis pom li, pw txhua hmo los tsis npau suav pom li.

    Nco kawg siab kawg ntsws:





    <3 <3 Pab kuv rov los cuag koj Huab Tais Yesxus <3 <3

    Sponsored content

    Re: Pab thov ntuj rau kuv niam

    Post  Sponsored content Today at 3:08 pm


      Current date/time is 10th December 2016, 3:08 pm