Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Suav neeg tuaj saib, txij hnub 17/09/2010 los mus.


    Ib tug txiv neej hu ua Marino restrepo cov lus pov thawj

    Share
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1853
    Date d'inscription : 2009-10-16

    Ib tug txiv neej hu ua Marino restrepo cov lus pov thawj

    Post  Mim on 18th December 2012, 3:46 pm

    Kuv tuaj tso ib zaj lus pov thawj rau peb sawv daws tau mloog thiab ho kawm los ua neej.

    Tus txiv neej no lub npe hu ua Marino Restrepo. Nws yug los nyob hauv ib tsev neeg ntseeg Kas Tos Liv nyob Kos Loos Npias teb (Colombia), As Mes Lis kas Naj. Thaum nws tiav hluas lawm, nws cia li pib muab nws txoj kev ntseeg tso tseg, mus xyaum ua lub neej nrhiav kev lom zem haus dej haus cawv, haus yeeb haus tshuaj. Thiab nws kuj mus xyaum ntseeg tej txoj kev cai cuav xws li Feng Shui. Nws cia li tsis ntseeg tias muaj Tswv ntuj ntxiv lawm. Nws txoj hauj lwm yog ua yeeb yam nyob hauv movie(acting) thiab nws kuj sau music. Vim nws ua txoj hauj lwm ua yeeb yam hauv movie mas nws mus nyob nram Holywood, USA.

    Xyoo 1997, txog lub caij ua hmoov Yes Xus yug los ib yam li tam sis no, nws txawm rov mus xyuas nws tsev neeg nyob Kos Loos Npias. Nws raug ib co neeg phem ntes nws mus tau 6 lub hlis. Muaj ib zaug lawv muab nws kaw rau hauv ib lub qhov tsua tau 15 hnub, nws raug txom nyem loj thiab nws tas kev cia siab, vim lawv hais rau nws tias lawv yuav tshaj tawm kom nws tsev neeg muab ib teg nyiaj tuaj them nws nqe taub hau tas ces lawv yuav tua nws. Nws xav tias nws ces kawg tuag xwb. Tiam sis thaum lub caij nws nyuaj siab heev ntawd muaj ib yam hwj huam tuaj ntawm Tswv ntuj tuaj ua rau nws rov pom nws lub neej ua ntu zus txij thaum yau yau los, nws tsis yog pom xwb yog zoo li nws rov mus ua dua nws lub neej ib theem zuj zus tuaj. Muaj tej ntu mas ua rau nws ntsib keb txom nyem loj kawg nkaus li. Nws to taub tias yog nws tej txhaum ua rau nws txom nyem. Txoj kev txom nyem ntawd yog txoj uas cov neeg nyob teb chaws them txim los nyob dab phem teb raug. Lub hwj huam no ua rau nws lub neej cia li hloov tas txij thaum ntawd los.

    Nyob hauv zaj video no yog ib zaj pov thawj uas nws pias txog nws lub neej thiab txog Tswv Ntuj lub hwj huam tau ua dab tsi rau nws kom nws lub neej hloov. Niaj hnub no, nws tso nws lub qub neej tseg tas nrho, nws los mus ncig teb ncig chaw thoob ntuj ua pov thawj piav txog Tswv Ntuj lub txiaj ntsim uas tau pab nws thiab Tswv ntuj txoj kev hlub.

    Nyob hauv zaj no yog lub Aas Kiv:



    Nyob hauv no yog lus Fab Kis:



    Yog nej xav mus nyeem nws cov lus uas lus Fab Kis:

    http://www.marinorestrepo.com/fr/t%C3%A9moignage





    Last edited by Mim on 18th December 2012, 4:00 pm; edited 1 time in total
    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1853
    Date d'inscription : 2009-10-16

    Re: Ib tug txiv neej hu ua Marino restrepo cov lus pov thawj

    Post  Mim on 18th December 2012, 3:59 pm

    Daim video hauv no, Marino Restrepo piav txog teb chaws them txim thiab dab phem teb

    avatar
    Maiv Tooj
    Tswv Cuab Hmong Catholique
    Tswv Cuab Hmong Catholique

    Messages : 5268
    Date d'inscription : 2009-08-18

    Re: Ib tug txiv neej hu ua Marino restrepo cov lus pov thawj

    Post  Maiv Tooj on 19th December 2012, 7:09 pm



    Nyob zoo Mim,

    Ua tsaug rau koj lub dag zog thiab laj lim nrhiav tej zaj tseem ceeb los qhia peb.
    Kuv nyeem qhov ntawv ua lus fab kis zoo heev, kuv tsis nyiam mloog cov lus hauv video pes tsawg, vim tus txhais lus tsis hnov zoo, daim koj muab no. Kuv nrhiav tau daim video uas nws mus hais nyob Monreal, Canada tab sis tus txhais hais tau lus fab kis tsis tshua zoo ces nyeem cov ntawv to taub zoo dua.

    Zoo heev, kuv khoom no kuv yuav muab txhais ua lus hmoob kom peb sawv daws tau khawv coj mus xyaum coj peb lub neej. Peb thiaj tsis ua ib co neeg ntseeg maub kev tsaus ntuj.


    Ob hnub no peb muaj ntau yam hauj lwm, xws li lub Xyoo Laus yuav dua lub Xyoo Tshiab yuav tuaj, ua ntau lub hmoov rau ntau thaj chaw, ntau pab pawg thiaj ua rau kuv tssi khoom li. Peb Hmoob ntseeg Lyon, Fab Kis teb tseem yuav ua Noël thiab Noj Peb Caug ua ke rau hnub tim 22/12/2012 no thiab. Muaj TP.Cwj Vual Chiv tuaj ua lub Txoos rau peb, nws yuav coj TP.Tshaj Xwm Thoj tus kwv uas tuaj kawm ntawv nyob Switzerland tuaj xyuas peb thiab.

    Ua tsaug rau tsoom phooj ywg tuaj pab txhawb peb lub tsev ncig ntuj sib fim Tswv Ntuj txhua hnub.



    avatar
    Mim
    Tswv Cuab Hmong Catholique
    Tswv Cuab Hmong Catholique

    Messages : 1853
    Date d'inscription : 2009-10-16

    Re: Ib tug txiv neej hu ua Marino restrepo cov lus pov thawj

    Post  Mim on 20th December 2012, 5:21 pm

    Tais Tooj,

    Kuv twb tau hnov txog tus Marino Restrepo no tau ib nyuag ntu los lawm, tiam sis kuv tsis tau tuaj muab tso rau sawv daws paub txog. Kuv tau muab sij hawm mus nrhiav mloog nws cov zaj lus pov thawj ntau, kuv pom tias nws cov lus mas zoo tiag tiag, kuv thiaj xav kom sawv daws tau paub txog tau hnov txog thiab.

    Kuv yeej xav li koj hais, xav tias yuav npaj muab txhais ua lus Hmoob no. Yog koj ho khoom los cia koj txhais los tau os. Cov lus tus txiv neej no hais mas yog hais txhawb peb txoj kev ntseeg Kas Tos Liv tiag tiag.

    Nws tau tso nws lub neej thaud tseg, nws los ua txoj hauj lwm tshaj Tswj Ntuj lub Moo Zoo lawm xwb (Lay MissionaryMinister/Ministre Missionaire laic).

    Nws yeej tau tuaj hais lus pov thawj nyob Fab Kis tib si, raws li daim video kuv tau tso saud. Khuv xim tias lawv tsis tso lawv lub micro kom hnov cov lus tseeb tseeb. Vim nws paub lus Aas Kiv zoo ces muaj cov videos ua lus Aas Kiv ntau dua.

    Muaj ib covideo sau ua lus Fab Kis ntev dua cov kuv coj tuaj tso saud nyob hauv lub site nram no, nej mus taum nyeem yuav muaj ntau dua qhov saud: