Yus tshuav nqe ntawm yus lub Koom Txoos Kav Tos Liv

**Maiv Tooj** 12th September 2012, 9:24 am

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°1

Yus tshuav nqe ntawm yus lub Koom Txoos Kav Tos Liv

Post Maiv Tooj 12th September 2012, 9:24 am

Yus tshuav nqe ntawm yus lub Koom Txoos Kav Tos Liv

Nyob Fab Kis teb, muaj 4 yam nqe txhawb txhim lub Koom Txoos :

1- Nuj nqes puag xyoo tsoom ntseeg txhawb txhim Koom Txoos : 47.53 %,
2- Tso nyiaj ua txim hauv cov Txoos Txi Ntuj : 29,53%,
3- Nqe nyiaj thaum ntxuav plig, cog lus txij nkawm, ploj tuag : 15,5%,
4- Nqe muab ua txim thov txiv plig ua ib thaj Txi Ntuj pab yus : 11,85%.

Cov neeg Kav Tos Liv, nyob muaj pab muaj pawg, nyias zwm rau nyias tus Tswv Qhia ntawm nyias lub xeev ntuj (diocèse).
Nyias txhawb nyias lub diocèse raws li nyias pab tau. Cov nyiaj txhawb txhim siv rau cov txiv plig noj haus, kev tawm rooj mus tshaj ntuj Tswv Ntuj lus thiab them nyiaj hli rau cov ntseeg raug khiav hauj lwm txhawb lub Koom Txoos.

Yuav muab tus nqe npaum li cas los txhawb lub Koom Txoos ?

Nyias muab ib feem pua (1%) ntawm nyias cov nyiaj khwv tau hauv ib lub xyoos los txhawb txhim lub Koom Txoos.
Los yog muab 10 feem pua (10%) ntawm nyias cov se them nom tswv.
Los yog muab 2 los 3 hnub hauj lwm hauv ib xyoos ntaus ua tus nqe txhawb txhim.

Piv txwv qhia sawv daws paub txog lub Koom Txoos kev siv nyiaj :

Ib tug hluas npaj kawm ua txiv plig, ib lis piam raug : 350 €.
Ib tug txiv plig mus nyob tsev laus, ib hnub raug : 90 €.
Tus nqi ib tus neeg ntseeg mus kawm txuj los khiav hauj lwm coj tsoom ntseeg, ib hnub raug : 135 €
Ib tug tub zog ua hauj lwm tas mus li txhawb lub Koom Txoos, ib hnub raug: 72 €.
Ib tug txiv plig mus tshaj ntuj lus, ib hnub hauj lwm raug : 56 €

Xa nyiaj li cas thiaj mus txog chaw ?

Nyias saus nyias ib daim chèque muab xa rau ntawm nyias lub tsev teev ntuj.
Nyias mus qhia nyias npe tom Tswv Qhia tsev, txog caij txog nyoog, luag mam rho luag tom banque.
Los puas siv internet xa yus tus nqe nyiaj txhawb txhim rau Tswv Qhia.

Lub caij twg yog caij txhawb txhim Koom Txoos ?

Feem ntau, yog thaum pib lub caij plaub caug, niaj xyoo thaum lub2 hlis ntuj xiab.
Dua li ntawd, kev txhawb txhim yus muab lub caij twg kuj tau tib yam.

Nqe nyiaj txhawb txhim lub Koom Txoos, ib xyoos twg tau li cas ?

Xyoo 2007 nyob Fab Kis teb :
Sau tau nyiaj txhawb txhim 209 000 000 €
Cov yim neeg tau them nqe txhawb nqa Koom Txoos muaj : 1 450 000 yig
Kwv yees ib yig tau muab ze li : 144 €

Siv cov nqe nyiaj txhawb txhim zoo li no :

Tswv Qhia thiab txiv plig lub nyiaj hli : 770 € - 973 €
Nyob thoob Fab Kis teb, lub Koom Txoos ntiav muaj ze 5000 leej cov neeg ntseeg, los khiav hauj lwm pab cov txiv plig thiab cov Tswv Qhia. Lawv nyiaj hli yog Smic mus txog 1480 €. Them cov (charges sociales) nyhav tib yam ib tug neeg ua dej num lwm qhov chaw.

Cov coj lub Tsev hauv Paus Hmoob Kas Tos Liv Fab Kis teb.

**Npuagtub** 13th September 2012, 10:23 am

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°2

Re: Yus tshuav nqe ntawm yus lub Koom Txoos Kav Tos Liv

Post Npuagtub 13th September 2012, 10:23 am

Mt,

Zoo siab rau nws cov ntawv sau hais txog kev sau nyiaj pab lub koom txoos. Kuv thov sau ntxiv me ntsis rau tias, kev sau nyiaj pab lub koom txoos mas tsis zoo sib thooj tsis muaj sib xws vim muaj tej lub teb chaws vam meej tej lub teb chaws ho txom nyem ces kuj yuav ua tsis tau raws li ib txoj kab xwb zoo ib yam. Zoo li cov teb chaws txom txom nyem mas tej zaum kuj yuav tsis muaj kev sau nyiaj mus pab lub koom txoos, vim lawv tseem yuav vam lub koom txoos pab lawv thiab tiam sis nyob rau cov teb chaws vam meej xws li America thiab Fabkis mus rau lwm lub teb chaws mas raws li txoj kev txhawb lub koom txoos mas yuav yog li 10% ntawm koj lub nyiaj hlis los pab lub koom txoos mas thiaj li yog.

Peb nyob America mas txhua tus neeg ntseeg yuav tsum muaj npe zwm rau txhua lub tsev teev ntuj nyob ze ntawm nws uas yog lub tsev teev ntuj nws niaj lub Lis piam mus teev ntuj. Txhua tus mej zeej (member) yuav tau muaj ib tug account tso nws li nyiaj paj lub tsev nteev ntuj, xws li lub tsev teev ntuj yuav ua ib cov hnab ntawv rau nws tso nyiaj thiab muaj nws tus lej tso nyiaj. Raws li kev tso nyiaj pab lub tsev teev ntuj los yog lub koom txoos mas lawv kuj tsis yuav kom tso npaum li cas, tiam sis nyob rau ntawm lub hnab ntawv mas lawv muaj sau cov lej tso nyiaj pib txij li $5 mus. Txhua hnub Chiv koj mus teev ntuj mas yam tso tsawg kawg yeej yog li $5 nce mus. Kuv xav tias tej zaum nyob sab tim fabkis yuav txawv me ntsis sab Mev Kuj no.

Peb ccov hmoob mas feem coob peb tsis tso nyiaj ntau pab lub koom txoos, vim peb kuj tseem txom nyem thiab txawm peb muaj cov twb muaj li luag lwm haiv neeg los peb tso me me ua poov kom peb nrog lawv muaj npe ua member xwb, vim peb tsis pom tiam lub koom txoos muaj txiaj ntsim ntau li cas rau peb thiab peb pheej tseem xav tias tsis yog peb lub, yog Tswv qhia thiab Txiv plig lawv lub xwb ces lam tso kom yus muaj npe nyob hauv lub koom txoos xwb, tsis yog yus xav pab lub koom txoos, ho yog yus tseem xav kom lub koom txoos pab yus.

**Maiv Tooj** 13th September 2012, 6:15 pm

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°3

Re: Yus tshuav nqe ntawm yus lub Koom Txoos Kav Tos Liv

Post Maiv Tooj 13th September 2012, 6:15 pm

Nyob zoo XHI.Npuag Tub,

Ua tsaug ntau rau nws cov lus ntxiv, yog kawg, qhov kuv muab nov yog Tsev Hauv Paus Fab Kis teb cau ces yog siv rau Fab Kis teb xwb. Tab sis yog muab tso ua ib tug qauv xwb, ntau lub teb chaws, nyias muaj nyias kev tswj hwm thaj tsob, kev pab nyiaj rau Koom Txoos yuav tsis sib thooj. Cov teb chaws txom nyem, yeej muaj kev sau nyiaj tab sis yog sau ua kev cai xwb, yuav tsis txaus coj mus ua ib yam dab tsi. Tab sis yuav tsum ua txoj kev cai kom neeg txawj qee qhov neeg ntshaw tshaj mus pub rau Koom Txoos, kom Koom Txoos thiaj li muaj qhov los.

Ib yam li cov mus ua Phauj, ua Leej Choj nyob teb chaws txom nyem mas Koom Txoos yuav tsum pab yug nws tsev neeg, nws niam nws txiv, nws tej nus muag, kwv tij. Tab sis raws txoj kev cai ua Phauj ua Txiv Plig nyob teb chaws Fab Kis mas yog yus tus uas yuav mus ua Phauj ua Txiv Plig ntawd yuav tsum muaj khoom phij tsab, tsoos phij cuam nqa nrog yus mus. Tej tug tsis muaj raws li lawv txoj cai teev tiam mas nws twb tsis tau ua Phauj los Txiv Plig raws li lub Koom Haum uas nws nyiam. Nws nrhiav ntau lub, muaj tej lub thiaj lam txais nws xwb. Li nov, kev mus ua Phauj, ua Txiv Plig, neeg Fab Kis thiaj sia npe tias: "Ua tshoob nrog Yes Xus".

Yus tshuav nqe ntawm yus lub Koom Txoos Kav Tos Liv Sacrec10

Ua tshoob nrog Yes Xus.

**Npuagtub** 13th September 2012, 8:16 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°4

Re: Yus tshuav nqe ntawm yus lub Koom Txoos Kav Tos Liv

Post Npuagtub 13th September 2012, 8:16 pm

Mt,

Yog kawg li nws hais, thaum ub peb nyob teb chaws txom nyem mas peb xav tias txoj kev mus kawm ua Yes Xus ib tug thwj tim mas yog lub koom txoos pab yus no tiam sis zaum no yus mam li paub tias yus yuav tau pab yus thiab mas lub koom txoos thiaj li pab tau yus. Tsis hais kawm qhib me mus txog qib loj los qib qes mus rau qib siab puav leej yog nyiaj pua kev ua ntej mas yus thiaj li mus txog qhov chaw yus xav mus. Yog tus ho pab cuam tsis tau nws tus kheej mas yuav yog muaj cov niam qhuav txiv qhuav pab thiab mas nws thiaj li yuav mus txog nws lub hom phiaj.

Hais txog kev tso nyiaj pab lub tsev teev ntuj los yog pab lub koom txoos mas kuj yog ib yam nyuaj kawg rau peb cov neeg hmoob, vim peb tseem yog ib co neeg tshiab heev nyob hauv txoj kev ntseeg Yes Xus. Kuv muab peb lub tsev teev ntuj OLV nyob Fresno los ua piv txwv rau peb kawm thiab paub, raws li kuv pom thiab paub mas peb lub tsev teev ntuj txhua hnub Chiv mas muaj 5 lub thaj teev ntuj, ib lub thaum 8:00am, ib lub thaum 10:00am, ib lub thaum 12;00am, ib lub thaum 2;00pm, ib lub thaum 4:00pm yog ua lus hmoob, thiab ib lub yog thaum 6;30pm yog ua lus mev. Nyob hauv cov thaj teev ntuj no mas lub sau tau nyiaj ntau tsahaj yog lub thaum tav su 12 teev, lub no mas txhua zaus tsis tau kiag twb tau li $ 3,500 - $ 5,500, Hos lub sau tau nyiaj tsawg tshaj cov mas yog lub 6;30pm thiab lub 4:00pm uas yog ua lub hmoob. 2 lub txoos no mas tsuas sau ib zaug tau txij li $300 - $750 xwb. Kuv tsis hais tias yog lub lub txoos no lawv tsis muaj kev ntseeg thiab tsis xav pab lub tsev teev ntuj tiam sis kuv hais tias 2 lub txoos no mas feem ntau yog peb cov neeg tseem txom nyem ntau xwb ces txawm lawv muaj lub siab ntseeg loj npaum li cas los lawv lub cev ua tsis tau li cas.

Raws li kuv paub mas txhua lub tsev teev ntuj kuj muaj feeem xa nyiaj mus pab lub hauv paus koom txoos thiab, ib yam li peb lub tsev teev ntuj mas ib lub hlis twg nws yuav tsum xa ib qho nyiaj mus rau lub (Dioceses) nyob Fresno. Yog li xav kom peb txhua tus neeg ntseeg yuav tau nkag siab tias tsis yog lub koom txoos pab peb tiam sis yog peb pab lub koom txoos, peb txhua tus yuav txhob nug tias saib lub koom txoos yuav ua dab tsi rau peb, tiam sis peb yuav tau rov nug peb tus kheej tias peb yuav ua dab tsi rau lub koom txoos. Kev tsim kho thiab thov nyiaj los ua ib lub tsev teev ntuj mas tssis yog lub hauv paus koom txoos ua tus pab, yog cov neeg hauv lub koom txoos ua tus pab xwb. Nyob rau sab ntuj tim ub mas peb nkag siab tias cov Txiv Plig lawv thov nyiaj tim sab teb chaws vam meej no mus tsim ua tsev teev ntuj ces peb txawm nkag siab tias ntshai yog lub koom txoos yog tus muab nyiaj los tsim ua tej lub tsev teev ntuj tshiab rau sawv daws, tiam sis nws twb yog cov neeg nyob hauv lub koom txoos yog cov tsim ua lub tsev teev ntuj xwb.
Lam tham li no xwb, ua tsaug rau nej cov tuaj nyeem no.

Last edited by Npuagtub on 14th September 2012, 8:10 am; edited 2 times in total

**Maiv Tooj** 14th September 2012, 7:52 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°5

Re: Yus tshuav nqe ntawm yus lub Koom Txoos Kav Tos Liv

Post Maiv Tooj 14th September 2012, 7:52 am

XH.Npuag Tub,

Yog kawg, ua ntej lub hauv paus yuav muaj zog, yuav tsum yog tom ntsis muaj los, yog muaj mus tsis muaj los ces yuav tsis muaj zog. Raws txoj cai, ib tug me cog lus mas nws nqa nws cov cuab tam, tej qub teeg qub tug uas nws tau coj mus rau lub Koom Txoos tib si. Vim tias yus yuav txiav siab mus ua neeg pluag, mus hlub Tswv Ntuj tsev neeg, yus tsis muaj ib tse neeg lawm, yus tsev neeg yog cov neeg txom nyem thiab cov quaj ntsuag lawm xwb. Li ntawd yus thiaj li yuav tsis siv yus tej teeg tug lawm.