Copyright@2010 Hmong Roman Catholic / Pictures-all rights reserved, reproduction and copy prohibited _HMONG: USA,FRANCE,GUYANE,THAILANDE,VIETNAM,LAOS,CHINE...

XH.XYOOJ THOJ PAUL YUAV UA THAWJ TUG LEEJ NTSHIAB HMOOB

Gallery


Latest topics

Suav neeg tuaj saib, txij hnub 17/09/2010 los mus.


  • Post new topic

Vim li cas Tswv Ntuj hais lus rau koj?

Share
avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Vim li cas Tswv Ntuj hais lus rau koj?

Post  Maiv Paj Lug on 16th May 2012, 5:11 am

Vim li cas Tswv Ntuj hais lus rau koj?

Muaj ib tug Niamtais tau piav rau peb hais tias Tswv Ntuj hais lus li cas rau nws?




20 xyoo dhau los, muaj ib tug niamtais piav tias thaum nws tseem hluas, nws muaj ib phau Ntawv Ntshiab, phau Ntawv Ntshiab nws yeej tsis nyeem, nws muaj ib lub me nyuam rooj haus dej saib TV, txhua zaus nws los saib TV nws siv lub nrooj ntawv txawb khob haus dej.

Tus niam tais muab phau Ntawv Ntshiab tso rau ntawm nws lub rooj haus dej, txhua zaus nws haus dej nws pheej muab phau Ntawv Ntshiab tiag ua qab khob, niamtais saib phau Ntawv Ntshiab zoo li ib qho khoom khaum kev nyob ntawm nws lub rooj haus dej, nij hnub muab tiag nws lub khob haus dej.

Txawm muaj ib hnub, tus niam tais mus koom ib lub rooj sab laj kev ntseeg, tsis muaj neeg paub tus niam tais , tus niam tais los kuj tsis paub lawv zoo pes tsawg, tiam sis thaum txog tog uas lawv sab laj, muaj ib tug pojniam sawv tsees hauv lawv nruab nrab txawm hais rau sawv daws tias :" Muaj ib co neeg, tsis hwm Tswv Ntuj lo lus, thaum lawv paub tias Tswv Ntuj lo lus khaum lawv kev mas lawv muab zais tob tob kom txhob pom thiab muab tsuj mus tsuj los zoo li tsis muaj nqis, yog lawv lam paub hwm Tswv Ntuj lo lus npaum li lawv hwm lub cim yug mas ."

Tus pojniam cov lus , ua rau niamtais ceeb ib plhaw, niamtais lub siab kub lug, kua muag ntws teev yees, niamtais cia li tu tu siab....

Thaum niamtais los txog tsev, niam tais los zaum ntawm nws lub rooj haus dej, niamtais khaws nkaus phau Ntawv Ntshiab los puag, nws muab phlws mus plhws los, nws quaj tu siab quaj tu siab, niamtais paub hais tias Tswv Ntuj tsis nyiam kom niamtais saib Tswv Ntuj txoj lus tsis muaj nqis, nij hnub muab Tswv ntuj txoj lus tiag qab khob haus dej.

Txij ntawv los, niamtais cia li ua ib lub thaj mesxas hauv nws tsev, nws muab phau Ntawv Ntshiab qhwv ntawv du lug los teem cia, thiab taws ob tug Tswm Ciab txhua hnub ua Tswv Ntuj tsaug rau Tswv Ntuj los lus zoo .

Niamtais cia li hloov siab txij hnub ntawv los, niamtais nij hnub nyeem phau Ntawv Ntshiab, nyeem tag los nyeem dua, zaum no niamtais hwm Tswv Ntuj txoj lus zoo npaum nyiaj thiab kub.

Txiv Vaj Qhia NpawsNuas16 cov lus :



Muaj coob leej ntau tus ntseeg yeej tsis nyeem phau Ntawv Ntshiab los sis ib sim hauv nws lub neej yeej tsis qhib phau Ntawv Ntshiab, cov neeg nod paub Tswv Ntuj txoj lus tsis txhij tsis txhua, tsuas ua ib tug ntseeg tsis nrhiav Tswv Ntuj tej lus, Txiv Vaj Qhia tu siab thiab xav kom sawv daws nyeem phau ntawv Ntshiab.




<3 <3 Pab kuv rov los cuag koj Huab Tais Yesxus <3 <3
avatar
Maiv Tooj
Tswv Cuab Hmong Catholique
Tswv Cuab Hmong Catholique

Messages : 5271
Date d'inscription : 2009-08-18

Re: Vim li cas Tswv Ntuj hais lus rau koj?

Post  Maiv Tooj on 16th May 2012, 9:09 am



Nyob zoo Maiv paj Lug,

Ua tsaug nws cov lus qhia peb hwm thiab nyeem phau Ntawv Ntshiab. Yeej muaj tseeb li nws hais, muaj ib cov neeg mas lawv tsis nco qab ceev faj hwm qhov tseem ceeb thizb muaj nqes. Ib yam li lawv dai ib daim duab Mab Liab, duab Huab Tais Yes Xus rau hauv lawv tsev, lawv tsis muab dai rau qhov chaw siab, qhov chaw hwm xws li ntaum hauv plag los yog ib qho chaw tshwj xeeb; lawv muab daig rau ntawm tej chaw rhais ntawv, lawv rhais ntawv pawg lug, puab dib puab daub rau ib ncig, sab saud sab hauv, lawv muab lawv tej duab los dai txuam cov duab Mab Liab los yog duab Yes Xus. Tej yam zoo li no, luag pej kum neeg luag tsis ua li no, luag muab Tswv Ntuj cov duab tso rau lub sam xeeb.

Hais txog nyeem Ntawv Ntshiab, yog yus nyeem Ntawv Ntshiab mas yus yuav txawj coj, txawj xav thiab qheb siab rau Tswv Ntuj thiaj hais tau tias yus yog ib tug neeg ua Ntuj Kev Cai.




avatar
Maiv Paj Lug
Tswv Cuab Hmong Catholique
Tswv Cuab Hmong Catholique

Messages : 1631
Date d'inscription : 2009-08-17

Re: Vim li cas Tswv Ntuj hais lus rau koj?

Post  Maiv Paj Lug on 17th May 2012, 5:00 am

Nyob zoo Maiv Tooj, cas ntu no peb txhua tus yuav khwv ua luaj, tsis sib ntsib ntau li lawm? tijlaug Ntxhuav Mom Xyooj dua twg lawm thiab? txhua leej txhua tus tuaj nyob ib ntu hauv no, sib ncaim ib leeg mus khwv lamw ib qho kuj nco nej txhua tus tes ntawv thiab os cov phoojywg.

Maiv Tooj, thaum yus dai Yesxus ib daim duab los sis Niam Mab Liab ib daim duab rau saum phab ntsa, niaj tag kis yus tsa muag ntsia Tswv Ntuj daim duab, yus ua Tswv ntuj tsaug rau Tswv Ntuj tseem pub yus muaj txoj sia nyob ntxiv, rov pom dua ib hnub tsiab, txhua hnub sawv daws yuav tsum nco ntsoov ua Tswv Ntuj tsaug, vim txoj sia yog Tswv Ntuj pub yus thiaj li tseem pom dua lub hnub rov ci dua ib lwm los ncig yus, yog ib hnub peb tsis nco ua Tswv Ntuj tsaug, cuag li peb tsis pom Tswv Ntuj lub txiaj ntsim.

Txhua yam yus muaj thiab yus ua tau hauv yus lub neej, yus muab hlo los ua Tswv Ntuj tsaug, vim Tswv Ntuj pub yus khwv noj khwv haus tau raws siab xav thiab tau lub neej zoo nrog luag.

Yog leej twg xav pom Tswv Ntuj thiab hnov Tswv Ntuj lo lus hais rau nws ces qhib phau Ntawv Ntshiab kiag xwb yeej pom thiab hnov Tswv Ntuj hais lus rau yus lawm tiag J:

Yog tias nej mus nyob rau ib lub hav suab puam, los sis ib lub pov txwv tsis muaj neeg, tsuas pub nej nqa ib yam khoom mus nkaus xwb, nej yuav nqa dab tsi mus xwb?




<3 <3 Pab kuv rov los cuag koj Huab Tais Yesxus <3 <3

Sponsored content

Re: Vim li cas Tswv Ntuj hais lus rau koj?

Post  Sponsored content

  • Post new topic

Current date/time is 25th June 2017, 9:41 am