E_mails Ncig ntuj sib Fim Tswv Ntuj

**Maiv Tooj** 31st January 2010, 12:07 am

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°26

Re: E_mails Ncig ntuj sib Fim Tswv Ntuj

Post Maiv Tooj 31st January 2010, 12:07 am

Sunday, 25/1/2010

Nyob zoo: Niam txooj tub,

Hais qhia rau paub tias lub January 2010 no peb cov neeg ntseej ntuj nyob Milwaukee sib sau tau $4,000.00 xa mus rau Txiv plig Tshaj xwm ua lub tsev ntuj nyob Thaib teb. Cov nyiaj no muaj Sister Alice Thephouthay nrog rau cov kwv tij Los tsuas tug puav kuj muab kev koom tes pab peb cov Hmoob thiab, tsis tas li ntawd xwb Txiv plig Dennis uas yog peb tus Txiv plig nyob hauv St-Michael's Church kuj tau pab nyiaj txiag ntxiv li ntawm $600.00 ntxiv rau thiab.

Tam sim no peb sau tau li ntawm 670.00 npaj siab yuav xa mus pab Txiv plig Txhiaj foom lub xov tooj cua nyob Philipines.

Peb sawv daws zoo siab rau cov tau pab nyiaj txiag tuaj ua Huab tais tswv ntuj tes dej num, thov Huab tais tswv ntuj foom koob hmoov rau peb sawv daws txhua tus.

Paoyang Lor

**Maivxis** 31st January 2010, 3:08 am

Maivxis

Maivxis: Phooj Ywg; Messages : 191
Date d'inscription : 2009-11-05

Post n°27

MayPajLug koj dua twg lawm na

Post Maivxis 31st January 2010, 3:08 am

MT , e ua li cas es Tsis pom MayPaj tuaj li ne , Nws tuaj tsawg tsawg zaus li es koj puas paub nws ua dab tsi os , Ntshe nws khwv heev li pob , Zoo li kuv muab hauj lwm ntau rau nws thiab na , MT , twb yog nco nco nws thiab xwb os ,

MT cia wb mam mus xyuas nws os yog nws pheej tsis khoom li na yuad !!!

Maivxis

**Maiv Paj Lug** 31st January 2010, 4:35 am

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°28

Re: E_mails Ncig ntuj sib Fim Tswv Ntuj

Post Maiv Paj Lug 31st January 2010, 4:35 am

Maivxis wrote:MT , e ua li cas es Tsis pom MayPaj tuaj li ne , Nws tuaj tsawg tsawg zaus li es koj puas paub nws ua dab tsi os , Ntshe nws khwv heev li pob , Zoo li kuv muab hauj lwm ntau rau nws thiab na , MT , twb yog nco nco nws thiab xwb os ,

MT cia wb mam mus xyuas nws os yog nws pheej tsis khoom li na yuad !!!

Maivxis

Maivxis.......hahahah kuv tuaj kawg mas tab sis nag hmo thiab hnub no kuv tus nus tus nyab thiab tus nus lawv tuaj coob coob hauv kuv tsev kuv tseem ua khob poob rau lawv noj tsis tau khoom tuaj sau ntawv li os.....Kuv tau sau ntawv rau TP Tshaj Xwm seb nws txais puas tau kuv 50 Euros uas kuv kom HmongZa muab kuv 50 E xa mus rau TP lawm. Nyob HmongZa lawv cem tias kuv qia dub kuv tsis pub kuv li nyiaj rau HmongZa kuv tseem muab xa rau TP Tshaj Xwm lawm no tab sis kuv qhia rau nej paub tias kuv xa nyiaj rau ib tug TP los kuv zoo siab vim kuv paub tias TP tshaj ntuj lus TP siv nyiaj ntau nyiaj tsawg los TP saib yus tej kev pab muaj nqis TP yuav tsis thuam yus thiab yuav tsis muab yus txo qis qis li lwm tus.

**Maiv Paj Lug** 31st January 2010, 4:39 am

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°29

Re: E_mails Ncig ntuj sib Fim Tswv Ntuj

Post Maiv Paj Lug 31st January 2010, 4:39 am

Maiv Tooj wrote:
Sunday, 25/1/2010

Nyob zoo: Niam txooj tub,

Hais qhia rau paub tias lub January 2010 no peb cov neeg ntseej ntuj nyob Milwaukee sib sau tau $4,000.00 xa mus rau Txiv plig Tshaj xwm ua lub tsev ntuj nyob Thaib teb. Cov nyiaj no muaj Sister Alice Thephouthay nrog rau cov kwv tij Los tsuas tug puav kuj muab kev koom tes pab peb cov Hmoob thiab, tsis tas li ntawd xwb Txiv plig Dennis uas yog peb tus Txiv plig nyob hauv St-Michael's Church kuj tau pab nyiaj txiag ntxiv li ntawm $600.00 ntxiv rau thiab.

Tam sim no peb sau tau li ntawm 670.00 npaj siab yuav xa mus pab Txiv plig Txhiaj foom lub xov tooj cua nyob Philipines.

Peb sawv daws zoo siab rau cov tau pab nyiaj txiag tuaj ua Huab tais tswv ntuj tes dej num, thov Huab tais tswv ntuj foom koob hmoov rau peb sawv daws txhua tus.

Paoyang Lor

WOW.......kuv zoo siab tiag tiag li lauj..........kuv qhov nyiaj los kuv hais tau rau lawv xa mus rau TP Thsajxwm lawm thiab....kuv yuav muab kuv li xam nrog rau lawv cov hauv no thiab mas yuav zoo siab tiag tiag li os Maiv Tooj.... E_mails Ncig ntuj sib Fim Tswv Ntuj - Page 2 Icon_biggrin

E_mails Ncig ntuj sib Fim Tswv Ntuj - Page 2 Maypaj10

E_mails Ncig ntuj sib Fim Tswv Ntuj - Page 2 Maypaj11

**Maiv Paj Lug** 6th February 2010, 2:19 pm

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°30

Re: E_mails Ncig ntuj sib Fim Tswv Ntuj

Post Maiv Paj Lug 6th February 2010, 2:19 pm

De :	Chakrit Saethao (brochakrit@hotmail.com)
Envoyé :	lun. 01/02/10 06:56
À :	maivpaj@hotmail.fr

.ExternalClass .ecxhmmessage P
{padding:0px;}
.ExternalClass body.ecxhmmessage
{font-size:10pt;font-family:Verdana;}

Ua koj tsaug ntau ntau uas tseem nco txog kuv thiab xa nyiaj los pab
kuv tshaj ntuj lus rau cov txom nyem pem roob. Kuv nyuam qhuav ntsib
txiv Tswv Qhia Txwj Choo, TP Txhiaj foom thiab ob peb leeg TP ua hauj
lwm pab Hmoob.
Mas pom hais tias hauj lwm mas ntau kawg li, Txiv Tswv Qhia Txwj Choo nws tuaj pab kuv ua siab loj thiab. Kuv tab tom
mus pem roob cia kuv rov los saib kuv mam li mus pauv, thiab rov hais rau koj paub
TP Tshaj Xwm

From: maivpaj@hotmail.fr
To: brochakrit@hotmail.com
Subject: Nyob zoo TP Tshaj Xwm
Date: Sun, 31 Jan 2010 16:02:08 +0100

.ExternalClass .ecxhmmessage P
{padding:0px;}
.ExternalClass body.ecxhmmessage
{font-size:10pt;font-family:Verdana;}

Nyob zoo TP Tshaj xwm, ntawm no kuv yog maiv paj lug nyob fab kis teb,
kuv sau tsab ntawv no tuaj rau koj tias kuv pom niam Txooj Tub Yaj nyob
Lyon Fabkisteb lawv tso txog koj txoj kev tshaj ntuj lus rau ntau haiv
neeg txom nyem nyob pem roob toj siab. Kuv tau xa 50 Euros mus pab
Hmoob Thoj Nam Dej Dawb no tab sis Hmoob Thoj Nam Dej Dawb raug xa rov
qab mus nplog teb lawm ces kuv kom tus Tswv tuav cov nyiaj uas hu li
Chinnagon Sae Thao xa kuv 50 Euros tuaj pub rau koj tau siv thiaj tau
nyiaj sam roj luv fais mus ncig xyuas Hmoob txom nyem los sis koj muab
yuav khoom mus pub rau cov Hmoob txom nyem tau noj mog. Nyiaj me me xwb
los koj lam khaws tau siv mus xyuas cov neeg txom nyeem. Cov nyiaj koj
mus nqa nyob rau ntawm : Changpuak Post Office....kuv muab 2 daim ntawv
pov thawj xa nyiaj tuaj rau koj lawm es koj mus nqa nawb mog.

**Maiv Tooj** 18th March 2010, 3:05 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°31

Re: E_mails Ncig ntuj sib Fim Tswv Ntuj

Post Maiv Tooj 18th March 2010, 3:05 am

Nyob zoo txog rau niam tij thiab cov kwv tij sawv daw ntawm no kuv zoo siab uas yuav qhia txog peb cov ntseeg nyob rau Nplog teb no rau nej taus paub. Cov ntseeg hmoob Kav tos liv nyob rau nplog teb no tshuav tsis coob lawm. Qhov kuv paub zoo mas yog Tswv Qhia Khas Xem lub Cheeb Koom Txoos uas kuv uas hauj lwm nyob xwb, nyob hauv lub Cheeb Koom Txoos no tsua muaj 7 lub zos lawm xwb, hauv tej lub zos ntawv muaj txog li ntawm 4-14 yim neeg lawm xwb, qhov no mas tsawg kawg li lawm. Hnub tim 10 lo no kuv nyuam qhuav mus saib cov ntseeg nyob rau pem Xas Niam lo txog, nyob hauv lub zos Hav Zeb Dub kuj muaj cov ntseeg txog 14 yim neeg tej, uas lawv ntseeg lo taus ntev lawm. lawv kuj noj qab nyob zoo lawv zoo siab uas kuv mus saib lawv

nyob zoo nej mog kuv piav me me li no raus nej mloog uas ntej

Ntxhuav lauj

Yuj xeeb 25 xyoos Khas Xem ua Tswv Qhia. 2008

**Maiv Tooj** 15th May 2010, 8:46 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°32

Re: E_mails Ncig ntuj sib Fim Tswv Ntuj

Post Maiv Tooj 15th May 2010, 8:46 am

16 XYOO LUB XOV TOOJ CUA " ZOO TSWV ZOV YAJ "

Haiv neeg Hmoob yog ib haiv neeg nyiam ua lub neej nyob pem toj siab, nyiam nyob ywj siab ywj ntsws, tsis zwm rau leej twg. Tsoom Hmoob feem coob nyob hauv xeev ntuj As Xias, xws li Suav teb, Cob Tsib teb, Los Tsuas teb thiab Thaib teb. Cov Hmoob nyob Suav teb muaj 7 plhom tawm leej tej, nyob Cob Tsib teb muaj 790,000 leej, nyob Los Tsuas teb muaj 450,000 leej, nyob Thaib teb muaj 150,000 leej tej. Peb tsoom Hmoob feem coob yog coj kev cai dab qhuas hos cov coj kev cai ntseeg Ntuj tseem muaj tsawg.

Hos peb niaj hnub nco tias cov Hmoob uas lawv nyob hauv cov teb chaws Koom Tshaj, mas tseem hwv txwv lawv nruj kawg txog txoj kev ntseeg Ntuj. Ces cov Hmoob ntseeg Ntuj tus puav rov qab mus teev dab qhuas. Tab sis, peb cov kwv tij Hmoob coob uas tau ntseeg Ntuj los tau 3 los 4 tiam neeg, lawv lub siab npuab kev ntseeg Ntuj ruaj nreb xws li ncej zeb, ruaj nrees xws li ncej tsuas, dej tshoob tsis qaij, cua tshuab tsis qaug mas lawv kuj tsis kam tso tseg txoj kev ntseeg Ntuj.

Hnub tim 1 lub 12 hlis xyoo 1994, pib qhib lub xov tooj cua ZOO TSWV ZOV YAJ hais lus Hmoob. Tus xub pib txoj hauj lwm no yog Txiv Plig Nyiaj Pov. Thaum ntawd Txiv Plig Nyiaj Pov thiab Yaj Chiv ( Txiv Plig Cwj Vuam Chiv Yaj ) npaj cov zaj thiab zom lus tso rau hauv roj hmab nyob rau Nkws Yas teb thiab xa cov roj hmab tuaj tshaj tawm rau hauv Radio Veritas Asia nyob Fis Lis Pees teb. Lub tshaj xov xa Yes Xus lub Moo Zoo mus rau cov Hmoob nyob Suav teb, Cob Tsib teb, Los Tsuas teb thiab Thaib teb. Txiv Plig thiab Yaj Chiv nkawd kaw roj hmab tshaj Ntuj lus tau 3 xyoos, ces nkawd muab tshais chaw tuaj nyob kiag rau Fis Lis Pees teb, kom tau kev ua hauj lwm yooj yim. Xyoo 1999, Txiv Plig Nyiaj Pov qhib lub tsev hauv paus xov tooj cua nyob Lomsak, Thaib teb. Lub tsev hauv paus xov tooj cua txoj hauj lwm yog npaj cov zaj kom txaus tshaj xov 7 hnub.

Xyoo 2007 peb pib tshaj tej zaj kom haum cov Hmoob lub neej, xws li txhib kom cov niam cov txiv cia cov tub ntxhais mus kawm txuj. Peb kuj tshaj tej zaj pab ntxiv tswv yim rau cov kwv tij Hmoob, hais txog kev sib zam txhaum, kev fim luag tej, kev noj huv, haus huv, hnav huv, tsis txhob haus tshuaj quav tshuaj qaug, tsis txhob ua cov lag luam txhaum kev cai thiab peb kuj qhia ntawv Hmoob nyob rau hauv xov tooj cua.

Lub 1 hlis xyoo 2008, peb tau hloov lub sij hawm tshaj xo thaum 5:00p.m. nyob rau Thaib teb, Los Tsuas teb, thiab Cob Tsib teb, los tshaj rau thaum 7:00p.m. Hos nyob rau Suav teb pauv lub sij hawm tshaj xov thaum 6:00p.m. los ua 8:00p.m. Vim cov kwv tij Hmoob uas lawv niaj hnub mloog peb lub tshaj xo ZOO TSWV ZOV YAJ, mas muaj coob leej sau ntawv tuaj thov kom peb siv lub sij hawm tshaj xo lig dua puas tau. Rau qhov lawv yog ib co neeg ua liaj ua teb, ces lawv los txog tsev lig. Niaj hnub peb tshaj xov xwm yog 6 feeb, hos hnub lis piam tim 4 ( Wednesday ) peb siv 25 feeb los tshaj tej zaj xov xwm ntev hais txog ntiaj teb cov teeb meem loj. Cov Hmoob kuj nyiam thiab txaus siab rau cov zaj uas lub xov tooj cua ZOO TSWV ZOV YAJ tshaj tawm.

Ib txwm yav tag los, mas peb tsuas siv xeem lus Hmoob Dawb los hais lus nyob hauv lub tshuab tshaj xo ZOO TSWV ZOV YAJ xwb. Tab sis cov Hmoob uas nyob Suav teb thiab Cob Tsib teb feem coob hais xeem lus Hmoob Ntsuab los yog lus Hmoob Leeg. Ces hnub tim 12 lub 2 hlis xyoo 2010, peb thiaj pib tshaj xo xeem lus Hmoob Leeg tawm. Nyob hauv ib lis piam ib hnub yog hnub lis piam tim 6 ( Friday ) peb nthuav piav Ntawv Moo Zoo Hnub Chiv ua xeem lus Hmoob Leeg.
Cov neeg uas npaj tej zaj tshaj xo nyob hauv xov tooj cua yog 4 tug Hmoob nyob hauv lub tsev hauv paus xov tooj cua Lomsak, Thaib teb thiab Txiv Plig Txhiaj Foom nyob rau Fis Lis Pees teb.

Txiv Plig Txhiaj Foom OMI.

Peb yog Huab Tais Yes Xus cov Tub Txib "ZOO TSWV ZOV YAJ"

Center Lomsak Thaib Teb

TP.Thomas Thossapon
Narinrak O.M.I

Lomsak
Yaj Nom Thoob

Lomsak

Ham Kub

Lomsak

Lis Maib

Lomsak

Vaj Nrhoob

Xov tooj cua Fis Lis Pees Teb

TP.Txhiaj Foom

Xov tooj cua Fis Lis Pees Teb

Lauj Pov

**Maiv Tooj** 31st May 2010, 9:50 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°33

Re: E_mails Ncig ntuj sib Fim Tswv Ntuj

Post Maiv Tooj 31st May 2010, 9:50 am

Tau ntev los lawm uas kuv tsis tau sau ntawv tuaj nug nej moo. Kuv hais rau koj paub tias peb cov neeg ntseeg ntuj sawv daws puav leej noj qab nyob zoo, tiam sis lub xyoo no mas peb kuj poob hauj lwm ntau tus. Lub xyoo no peb Hmoob Catholic Community of Milwaukee yuav txais HANCA lub conviention tuaj rau hauv Milwaukee no rau hnub tim 24 - 26 / 06 / 2010

Paoyang Lor
Milwaukee, Wisconsin

**Maiv Tooj** 31st May 2010, 9:51 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°34

Re: E_mails Ncig ntuj sib Fim Tswv Ntuj

Post Maiv Tooj 31st May 2010, 9:51 am

Nyob zoo txog niam tij maiv tooj thiab cov ntseeg sawv daw uas ntej no kuv ua kwv vam thiab cia siab tia nej sawv daw yuav ntsib kev noj qab nyob zoo nrog rau nej thua tus lub luag hauj lwm. ho hai txog ntawm kuv thiab tsev neeg lo kuj tsem noj qab nyob zoo li qub, ziag no mus kuv yuav paiv txog kev ntseeg ntawm peb xov hmoob nyob rau peb teb chaw raus nej taus paub, Ziag no nyog nyob hauv tswv qhia QHAA XES lub cheeb koom txoos muaj 2 tug TP. tab sis muaj ib tug rov qab mus kawm nyob rau thaib teb lawm, ziag no tsua tshua ib tug lawm xwb uas nyob hauv tsev teev ntuj vee ca lawm xwb, ho tswv Qhia ce peej mus saib cov ntseeg yog haiv neeg pub thawj lawm, ces nw lo nyob hauv tsev teev ntuj mas yog ib lub hli twg 4-5 hnub xwb ce rov qab mus raus paj xaas lawm twb. yog thaum zoo li no lawm ce thiaj tsis muaj tus TP twg yuav muaj hawm mus maib peb cov hmoob li, yog zoo li no peb cov hmoob thiaj tsawg lawm zuj zus. thiab thiaj loj hlob mus tsis taus li. thau kuv pom zoo li no lawm ces kuv thiaj li tuaj thov uas hauj lwm hauv nos pab peb cov hmoob thiab mus saib peb cov hmoob nyob raus tej lub zej zog nyob deb, cov zej zog hmoob uas muaj cog kav to liv ce tuas muaj 6 lub zos lawm xwb zoo li kuv hai lo ntawv.

Qhov nyuaj hauv kuv lub luag hauj lwm mas yog, cov ntseeg nyob deb lawv xav kom kuv mus saib lawv ib xyoo twg 4 zaug, tab sis kuv uas tsis taus li ntawv thiab vim kuv tsis muaj nyiaj thiab hauv tsev teev tev ntuj no kuj tsis muaj nyiaj raus kuv yuav mus siab npau li ntaw thiab. Qhov ua lawv xav kom kuv mus saib lawv zoo li kuv taus hai lo ntawv mas yog vim lawv tsis paub kev ntseeg zoo, tsis paub kab kes lawm yam zoo, coj lub txoos teev ntuj lo tsis txawj nthuav ntawv ntshiab kom phim neeg lub neej ce yog qhov nyuaj raus lawv kawg. Kev mus saib cov ntseeg ib zaug twg mas yuav siv nyiaj li ntawm 160 do laj tej mas thiaj li mus lo txog.

Qhov no mas yog nyuaj tsis muaj cov nkauj teev ntuj coj lo qhia raus lawv kom haum tej lub caij, phau nkauj teev ntuj lo tsis muaj, txawm muaj mes ntsis lo tsis muaj neeg taus suab ce zoo li tsis muaj xwb, qhov twg lo lawv tos kuv xwb ce nyuaj raus kuv kawg, vim kuv muaj kuv ib lub neej lawm kuv yuav nrhia rau kuv poj niam me nyuam noj ma kuv yuav tsis muaj lub sij hawm npawm li ntawv lo pab lub koom txoos kom taus tag txhuas yam, vim kuv tuaj uas hauj lwm lo tsuas yog taus mes ntsis nqi taws xwb, tsis muaj nyiab hnub nyiaj hli zoo li lwm zam hauj lwm. no mas yog kuv xav pab lub koom txoos xwb kuv thiaj uas, tab sis muaj coob leej xav tia yog tsis taus nyiab mas kuv yeej tsis uas, thiab kuv uas kuv yeej taus nyiaj ntau xwb, tab sis muaj coob leej xav yuam kev lawm, kuv mas uas lub luag hauj lwm no raw kuv txoj kev hlub thiab txoj kev uas tsis muaj leej twg lo saib peb hmoob xwb, tsis muaj neeg yuav pab ib qhos nyiaj coj lo pab raus kuv yuav mus saib cov ntseeg li, qhov twg lo to seb tswv qhias puas muaj xwb ce thiaj taus, Muaj ntaus zaus tswv Qhias hais raus kuv tias, TUB KUV HLUV KOJ NPAUM TWM LO YEEJ TSIS CUAG NEJ COV HMOOB ROV HLUB NEJ qhov no mas tswv qhia hai raus kuv tas li xwb, vim tswv qhia xav kom peb hmoob yuav sib pab peb thiab, thaum kuv thov tuaj raus nej pab nyoj lo raus kuv yuav taus lub com lawm kuv hai raus Tswv Qhia paub mas Tswv Qhia hai raus kuv tias zoo tub kuv uas lawv tsaug ntaus ntaus mog uas lawv pab koj thiab pab peb, kuv tuaj ntsib nej li no xwb nyob zoo nej mog kuv thov kom tswv ntuj saib nej lub luag hauj lwm nrog raus nej tsev neeg kom siab hlub sib haum xeeb mus txog hnub kawg mog

Mer 26 mai 2010, 5h 18min 59s

KWV NTXHUAV LAUJ LO TSUA TEB

**Npuagtub** 31st May 2010, 12:43 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°35

Re: E_mails Ncig ntuj sib Fim Tswv Ntuj

Post Npuagtub 31st May 2010, 12:43 pm

Maiv Tooj wrote:

Tau ntev los lawm uas kuv tsis tau sau ntawv tuaj nug nej moo. Kuv hais rau koj paub tias peb cov neeg ntseeg ntuj sawv daws puav leej noj qab nyob zoo, tiam sis lub xyoo no mas peb kuj poob hauj lwm ntau tus. Lub xyoo no peb Hmoob Catholic Community of Milwaukee yuav txais HANCA lub conviention tuaj rau hauv Milwaukee no rau hnub tim 24 - 26 / 06 / 2010

Paoyang Lor
Milwaukee, Wisconsin

Mt,

Ua tsaug ua nws tseem tuaj tso Lauj Pov tsab xov rau hauv no nws yog ib qhov zoo rau peb muaj cov ho tsis paub txog HANCA lub rooj txhawb siab xyoo no. Tu sia ua txhua xyoo kuv tsis muaj caij mus tau koom lawv li, xyoo no peb cov ntseeg kuj muaj coob leej yuav mus koom thiab, kuv twb xav tias yuav npaj mus thiab saib puas yuav ntsib Mim tuaj no, tiam sis kuj mus tsis tau, cov niag neeg ua hauj lwm 8 hnub rau 1 Lis Piam no ces ntshai yuav ceeb laj sawv tau kev mus li..

**Maiv Tooj** 24th June 2010, 1:54 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°36

Re: E_mails Ncig ntuj sib Fim Tswv Ntuj

Post Maiv Tooj 24th June 2010, 1:54 am

Lun 21 juin 2010, 16h 40min 31s

Hmoob Lyon Pique-nique 2010

Nyob zoo tsoom kwv tij phooj ywg,

Kuv lam xav Peb Hmoob Lyon mus noj mov hav zoov 2010 rau nej saib. Nyob hauv Youtube:

https://www.youtube.com/watch?v=Hk7d50v50tQ&feature=player_embedded

Yog koj muaj caij, thov caw koj tuaj nrog peb Ncig ntuj Fim Tswv Ntuj nyob rau:

Forum Discussion Hmong Catholique

https://hmongcatholique.forumdediscussions.com/index.htm

Ua tsaug.

Maiv Tooj, niam Txooj Tub Yaj

Lyon, Fab Kis teb.

**Maiv Tooj** 24th June 2010, 1:55 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°37

Re: E_mails Ncig ntuj sib Fim Tswv Ntuj

Post Maiv Tooj 24th June 2010, 1:55 am

Phauj Tooj, koj tus link kuv twb tau saib thiab muab Download los thiab muab Convert ua file Video coj rau ntau tus hmoob nyob ntawm peb lub zos tau pom thiab tau qhuas tas siab tias nej tsi thooj hmoob, vim cas nej yuav nav khaub ncaws zoo cuag suav, nej mas muaj kev vam meej heev thiab khoom heev li tseem muaj caij nyoog mus Picnic noj mov rau hav zoov thiab...
Phauj Tooj, kuv los kuj xyuas ntau zaug ntawm tus link https://hmongcatholique.forumdediscussions.com/index.htm tab sis vim peb maj maj hauj lwm ces twb tsi npaj tau ib yam dab tsi los fij txoj moo li.
Peb pom TP Cwj Vuam Chiv nyob hauv cov video lawm thiab mas muaj nqee tus kuj paub thiab tau nrog TP Chiv ua ki los txuas lus.
Phauj, koj muaj lub software zwm tau cov Video zoo heev, yog tias tau no thov kom phuaj muab zwm ua file Winrar thiab xa rau kuv puas tau ? Thov muaj ua tsaug.

Tub: Vis Xyooj

**Maiv Tooj** 24th June 2010, 1:58 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°38

Re: E_mails Ncig ntuj sib Fim Tswv Ntuj

Post Maiv Tooj 24th June 2010, 1:58 am

Tim 26 lub 6 hli 2010

Nyob zoo,niam Txooj Tub,ua tsaug rau koj cov duab thiab maiv Paj Lug zaj kwv txhiaj hais tua zoo kawg nej sawv daws muaj kev lom zem heev uas tau mus noj mov hav zoov.
Muaj caij muaj nyoog kuv nyiam tuaj mus nyeem nej tes dej num hauv nej lub Forum D Hm.C.Muaj ntau yam zoo heev kom pab yus txhawb txog yus txoj kev ntseeg,thiab txawj ua siab loj lawv peb tus H.T.Yes Xus qab .Hais nyob zoo rau Txooj Tub rau kuv thiab

Zoo Txhiaj Yaj.

**Maiv Tooj** 24th June 2010, 1:59 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°39

Re: E_mails Ncig ntuj sib Fim Tswv Ntuj

Post Maiv Tooj 24th June 2010, 1:59 am

Tim 22 lub 6 hli 2010

ua tsaug os maiv tooj tau pom nej txhua tus lom zem kawg..
vam tias muaj ib hnub twg yuav tuaj koom tau nej lub picnic os.
thov koml sawv daws tsuas muaj kev sib fim , sib koom tes li no mus tag ib sim.
sib ntsib dua ..
Tswv ntuj nrog nej nyob ua nej siab kaj lug.

Txiv ntxawm Nkajtsab MUAS

**Maiv Tooj** 24th June 2010, 2:01 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°40

Re: E_mails Ncig ntuj sib Fim Tswv Ntuj

Post Maiv Tooj 24th June 2010, 2:01 am

Tim 21 lub 6 2010

hnub tim 24 - 26 / 06 / 2010 no HANCA cov kev txwj laug nrog rau cov Xib hwb, thiab cov thawj coj ntawm txhua pawg neeg ntuj Hmoob Catholic nyob thoob plaws Ameirca teb yuav tuaj sab laj nyob hauv nroog Milwaukee no.

Txawm tias lub xyoo no nej cov nyob Fab kis teb ho tuaj tsis tau los, ntseeg tias lwm xyoo yog lub conviention loj nrog rau tsoom neeg ntseeg ntuj sawv daws, cia siab tias nej yuav tuaj xyuas peb.

Paoyang Lor
Milwaukee

**Maiv Tooj** 24th June 2010, 2:02 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°41

Re: E_mails Ncig ntuj sib Fim Tswv Ntuj

Post Maiv Tooj 24th June 2010, 2:02 am

Tim 21 lub 6 hli 2010

Anne Yang thiab cov ntseeg,

Kuv tau saib xyuas nej cov duab uas nej mus noj mov sib ntsib ua ke, thiab cov duab Suav noj peb caug kuj zoo kawg. Ua nej tsaug.

LTH. Xov Tsheej Yaj

**Admin** 24th June 2010, 7:09 am

Admin

Admin: Admin; Messages : 188
Date d'inscription : 2009-08-05

Post n°42

Re: E_mails Ncig ntuj sib Fim Tswv Ntuj

Post Admin 24th June 2010, 7:09 am

Maiv Tooj, peb txhua tus zoo siab kawg rau koj cov E-mail sib fim ncig ntuj. Txawm peb qhov muag tsis pom lawv los lawv kuj tuaj pom peb txhua tus hauv Hmong Catholique ntawm no. Raws li lawv txhua tus cov E-mail muaj txiaj ntsim kuj tau txhawb peb zoo heev.

Ua koj tsaug ntau tuaj tso E-mail txhawb peb dej num hauv Hmong Catholique.

**Mim** 26th June 2010, 5:00 pm

Mim

Mim: Tswv Cuab Hmong Catholique; Messages : 3770
Date d'inscription : 2009-10-16

Post n°43

Re: E_mails Ncig ntuj sib Fim Tswv Ntuj

Post Mim 26th June 2010, 5:00 pm

Npuag Tub wrote:

Maiv Tooj wrote:

Tau ntev los lawm uas kuv tsis tau sau ntawv tuaj nug nej moo. Kuv hais rau koj paub tias peb cov neeg ntseeg ntuj sawv daws puav leej noj qab nyob zoo, tiam sis lub xyoo no mas peb kuj poob hauj lwm ntau tus. Lub xyoo no peb Hmoob Catholic Community of Milwaukee yuav txais HANCA lub conviention tuaj rau hauv Milwaukee no rau hnub tim 24 - 26 / 06 / 2010

Paoyang Lor
Milwaukee, Wisconsin

Mt,

Ua tsaug ua nws tseem tuaj tso Lauj Pov tsab xov rau hauv no nws yog ib qhov zoo rau peb muaj cov ho tsis paub txog HANCA lub rooj txhawb siab xyoo no. Tu sia ua txhua xyoo kuv tsis muaj caij mus tau koom lawv li, xyoo no peb cov ntseeg kuj muaj coob leej yuav mus koom thiab, kuv twb xav tias yuav npaj mus thiab saib puas yuav ntsib Mim tuaj no, tiam sis kuj mus tsis tau, cov niag neeg ua hauj lwm 8 hnub rau 1 Lis Piam no ces ntshai yuav ceeb laj sawv tau kev mus li..

XH Npuag Tub,

Thaum ntej kuv kuj xav tias yuav mus koom kom tau HANCA lub rooj sab laj thiab no . Tiam sis tsis muaj leej twg nrog kuv mus li ces, yuav tsav luv fais 7-8 teev tiaj mus txog ces kuv txiav txim siab tsis mus koom xyoo no os... Koj h tsis tau tua ms thiab no los cia saib lwm xyoo peb ho puas tau mus no ces mam mus sib ntsib os...

**Npuagtub** 26th June 2010, 5:54 pm

Npuagtub

Npuagtub: Tswv Cuab Hmong Catholique; Messages : 1000
Date d'inscription : 2009-08-16
Age : 58
Localisation : Fresno, California, USA.

Post n°44

Re: E_mails Ncig ntuj sib Fim Tswv Ntuj

Post Npuagtub 26th June 2010, 5:54 pm

Mim,

Xyoo no tej zuam yuav yog ib xyoo tshwj xeeb heev, yog koj tuaj tau mas koj kujyuav tau ntsib ntau leej nyob Fresno tuaj.
Koj dab laug Zoov phooj kuj yuav tuaj ua ib lub workshop rau cov ib nrab neeg ( Young Adults ).
Zaum no mus tsis tau los tsis ua li cas, peb twb nyob ib sab ntuj ces yeej yuav sib pom ib hnub xwb.

**Maiv Tooj** 30th June 2010, 4:40 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°45

Re: E_mails Ncig ntuj sib Fim Tswv Ntuj

Post Maiv Tooj 30th June 2010, 4:40 am

Thoj Xyooj nyob Tuam Tshoj thiab Maiv Tooj cov lus sib tham :

mercredi 30 juin 2010
xyooj thoj (17h03): nyob zoo
anne (17h03): Nyob zoo Xyooj
anne (17h03): kuv tab tom nyeem koj tsab mail
xyooj thoj (17h03): lod
xyooj thoj (17h04): hmo no zoo siab tias tau ntsib koj os
anne (17h04): Nyob hauv lub Forum Hmong Catholic Discussion muaj vertion English thiab mas
xyooj thoj (17h04): yog maj
anne (17h04): Kuv los ib yam, hmoov dab tsis tau ntsib koj
xyooj thoj (17h05): tiam sis vim kuv tsis paub lus Fab Kis Tsis paub nkag mus nrog nej tham lus
anne (17h05): Yog koj xav siv version English, koj mus Register hauv Forum, ces koj mus saib ntawm Profil, koj nias rau English ces nws tshwm ua English rau koj thiaj siv yooj yim.
xyooj thoj (17h07): ceeb laj kawg
xyooj thoj (17h08): kuv tsuas paub lus suav thiab lus hmoob xwb
anne (17h08): ua siab ntev yeej yuav tau xwb. Kuv xav kom nej cov nyob Tuam Tshoj ( Suav teb) tuaj nrog pzb koom thiab. Yog ib qho zoo heev.
anne (17h08): Hahaahahah....! Paub lus Hmoob ces zoo lawm
xyooj thoj (17h08): yog kawg
anne (17h08): Kuv mam qhia koj tam sim nov
xyooj thoj (17h09): zoo kawg
anne (17h09): Koj nkag tau rau hauv forum ces koj nias ntawm Register
anne (17h10): Koj Resgister tag ib yam li koj ua Mail nov xwb
anne (17h10): Ua li koj puas muaj xov tooj thiab?
anne (17h10): N° phone?
xyooj thoj (17h11): kuv muaj mas
anne (17h12): Koj muab rau kuv, thaum koj mus Resgister tau hauv Hmong Catholique lawm, thaum koj tuaj, koj Log in, kuv pom koj kuv mam hu xov tooj qhia koj siv mas yuav yooj yim dua
anne (17h12): Ib txhia twb yog peb sib qhia raws xov tooj xwb
xyooj thoj (17h13): 0086-.....
anne (17h14): tau lawm
anne (17h14): ua tsaug.

**Maiv Tooj** 30th June 2010, 4:43 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°46

Re: E_mails Ncig ntuj sib Fim Tswv Ntuj

Post Maiv Tooj 30th June 2010, 4:43 am

Tim 30 lub 6 hli 2010

Nyob zoo Maiv Tooj.

Kuv yog Thoj Xyooj, nyob rau Suav teb,kuv zoo siab tau txais koj tsab ntawv xa moo,kom peb cov hmoob Kav Tos Liv tau sib fim nyob hauv no.kuv kuj tau nkag mus hauv tsham thiab,tau saib pom cov TP Hmoob thiab nej sawv daws. yeej zoo siab kawg.khuv xim kuv tsis paub lus Fab kis.kuv tsis paub nkag mus nrog nej sib tham lus thiab duab.qhov no ua rau kuv nyuaj siab kawg.tsis paub hais tas li lawm lauj.tiam sis nyob rau thaum kuv muaj sij hawm mas, kuv yeej tuaj saib pom nej sawv daws nyob zoo lug,txawm kuv ua neej txom nyem nyob suav teb tuaj tsis taug tim nej saib pom nej, kuv tau nyob hauv no saib pom nej, zoo li kuv twb tuaj txog tim nej, nrog nej ua ke ib yam,qhov no mas yeej yog Tswv Ntuj tau pub txoj moo rau peb tau sib paub sib pom,peb yuav tsum tau ua Tswv Ntuj tsaug.
Thov Tswv Ntuj nrog nraim nej nyob , ua nej siab kaj lug.

**Maiv Paj Lug** 30th June 2010, 6:41 am

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°47

Re: E_mails Ncig ntuj sib Fim Tswv Ntuj

Post Maiv Paj Lug 30th June 2010, 6:41 am

Maiv Tooj wrote:

Tim 30 lub 6 hli 2010

Nyob zoo Maiv Tooj.

Kuv yog Thoj Xyooj, nyob rau Suav teb,kuv zoo siab tau txais koj tsab ntawv xa moo,kom peb cov hmoob Kav Tos Liv tau sib fim nyob hauv no.kuv kuj tau nkag mus hauv tsham thiab,tau saib pom cov TP Hmoob thiab nej sawv daws. yeej zoo siab kawg.khuv xim kuv tsis paub lus Fab kis.kuv tsis paub nkag mus nrog nej sib tham lus thiab duab.qhov no ua rau kuv nyuaj siab kawg.tsis paub hais tas li lawm lauj.tiam sis nyob rau thaum kuv muaj sij hawm mas, kuv yeej tuaj saib pom nej sawv daws nyob zoo lug,txawm kuv ua neej txom nyem nyob suav teb tuaj tsis taug tim nej saib pom nej, kuv tau nyob hauv no saib pom nej, zoo li kuv twb tuaj txog tim nej, nrog nej ua ke ib yam,qhov no mas yeej yog Tswv Ntuj tau pub txoj moo rau peb tau sib paub sib pom,peb yuav tsum tau ua Tswv Ntuj tsaug.
Thov Tswv Ntuj nrog nraim nej nyob , ua nej siab kaj lug.

Maiv Tooj, lub Forum no yeej yog ua lus Meskas xwb os, yog yus nyiam yus mam muab hloov ua lus fabkis...ntshe phoojywg Thoj Xyooj xav tias lus fab kis no tab sis yog lus English.... <img src=

" longdesc="58" /> .....li cas los koj twb tau nws xov tooj koj mam mam qhia nws tuaj siv sau ntawv Hmoob xwb mas. Ua tsaug rau koj cov Email ncig ntuj.

**Maiv Tooj** 9th July 2010, 10:50 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°48

Re: E_mails Ncig ntuj sib Fim Tswv Ntuj

Post Maiv Tooj 9th July 2010, 10:50 am

Friday, Tim 9 lub 7hli 2010

Hi Niam tais Tooj,

Kuv zoo siab tias nej ob peb tug ntseej kuj muaj lub peev xwm los ua tau ib lub vas sab txog kev ntseeg Ntuj thiab. Nws kuj yog ib qho zoo pab peb cov neeg tseeg thiab.

Nuj.

**Maiv Tooj** 21st September 2010, 1:34 am

Maiv Tooj

Maiv Tooj: Tswv Cuab Hmong Catholique; Messages : 5527
Date d'inscription : 2009-08-18

Post n°49

Re: E_mails Ncig ntuj sib Fim Tswv Ntuj

Post Maiv Tooj 21st September 2010, 1:34 am

Txiv Plig Tshaj Xwm tsab E_mail

TP Tshaj Xwm - Tim 20 lub 9hlis 2010 18:21

Kuv yog txiv plig Tshaj Xwm, koj puas tau txais kuv tsab ntawv xyoo no txog tias peb yuav mloog Tswv Ntuj lus,Vim li cas peb yuav tsum teev ntuj ua ntej mus pw? kuv xa rau sawv daws yog koj pom zoo thiab tshaj rau sawv daws saib nws puas pab peb los nyob ze Tswv Ntuj.

Nyob zoo TP. Tshaj Xwm,

Zoo siab ntau uas hnub no koj tuaj xyuas txog peb lub Vas Sab Hmoob Catholic. Yog ib qho koob hmoov uas Tswv Ntuj tso rau kuv. Kuv niaj hnub thov kom Tswv Ntuj coj cov neeg thoob tsib thiab siab loj siab kub tuaj sau NWS cov qoob loo. Hnub no koj tuaj txog peb lawm, kuv zoo siab heev.

TP. Kuv tsis tau txais koj tsab ntawv "peb yuav mloog Tswv Ntuj lus" no as. Ua li koj khoom no ho rov xa rau kuv dua, kuv yuav muab tshaj tawm rau hauv Vas Sab. TP. KOj puas tau pom lub Topic uas peb sau txog koj?
Yog koj muaj koj li Biographie thiab duab me ntsis no kuv xav nrog koj thov tuaj tso rau koj lub tsev.

https://hmongcatholique.forumdediscussions.com/peb-cov-txiv-plig-hmong-f16/txiv-plig-tshaj-xwm-nyob-xeev-tseej-maim-thaib-teb-t15.htm

Nyob zoo.

Maiv Tooj, niam Txooj Tub Yaj, Tuam Tswj Koom Haum Hmoob Catholique Lyon, Fab Kis teb.

Nyob zoo Maiv Tooj
Cia siab tias nej sawv daws yuav noj qab nyob zoo, tau 2 lub lis piam los no kuv mus pem roob heev thiab kuv cov me nyuam hauv tsev Hauv Paus kaw tsev ntawv ces kuv nyuam qhuav xa lawv rov qab mus tsev tas rau nag hmo.
Nyob hauv cov ntseeg muaj ob tug poj niam laus tas sim neej ces mus pam tuag rov los txog kuj muaj ib tug me nyuam ntxhais noj tshuaj tuag log nws tas ces Niam XH. Txooj Mab mob Cancer kuv tau mus ua lub cim pleev rau nws ua ntej nws tas sim nej. Nws hais rau kuv tas mus li tias ntshai tsam tsis tau ntsib txiv plig ua ntej nws tas sim neej, thawj hnub kuv mus saib nws hauv tsev kho mob muaj cov pab nyiaj rau nws mas nws zoo siab kawg, kuv rov los thiab hnub tom qab kuv rov mus txog nws khees heev rau pa lawm xwb, kws tshuaj tuaj saib tas ces nws tsis taus kiag li lawm, kuv thiaj li thov ntuj thiab ua lub cim pleev rau nws kuv khoov mus hais rau nws tias kuv yog txiv plig kuv thov ntuj pab koj Huab Tais Ntuj nrog koj nyob lawm txhob ntshai, ces nws rov sib zog nti thiab sib zog nqa nws sab tes yuav tuaj khawm kuv, kuv muab tes mus plwv nws taub hau thiab tias txhob txhawj txog koj cov me nyuam kuv mam li saib lawv sawv daws, ces nws ib lub kua muag ntws tawm ntawm nws kaum muag los, tsis ntev ces nws thiaj li tas sim neej lawm.

Sep 20,2010 kuv kuj xa ib tug ntxhais mus kawm ua leej phauj cia saib nws yuav kawm tiav thaum twg.

Lub hli no kuj muaj ob tug hluas hauv tsev Hauv Paus tau kawm ntawv tiav lawm.

Nej thov ntuj pab kuv pab cov ntseeg sawv daws, niaj hnub kuv nco txog nej sawv daws hauv kuv lub thaj txi ntuj.

TP Tshaj Xwm

**Maiv Paj Lug** 21st September 2010, 4:35 am

Maiv Paj Lug

Maiv Paj Lug: Tswv Cuab Hmong Catholique; Messages : 1235
Date d'inscription : 2009-08-17

Post n°50

Re: E_mails Ncig ntuj sib Fim Tswv Ntuj

Post Maiv Paj Lug 21st September 2010, 4:35 am

Maiv Tooj, kuv nyeem T.P. Tshaj xwm neb cov Email tas mas ua rau kuv zoo siab heev li os....thov kom huab tais ntuj pov hwm thiab nqa Huab Tais Ntuj txhais tes los roos T.P Tshaj xwm tej hauj lwm kom ua yam twg yam ntawv nyob thiab ciaj mus nto ntsis. Ua tsaug ntau nawb Maiv Tooj.